حسبنا الله ونعم الوكيل

[سارية فى درب الرسول]

طبعا رمضان قرب كلها شهرين ويهل علينا رمضان ونفحاته ربنا يقدرنا عل صيامه وقيامه بس مع دخول رمضان تحلى المسلسلات الرمضانيه هذا ليس موضوعى عن تحريم مشاهدت هذه المسلسلات او البرامج وما يتم عرضه خلال الشهر الكريم انما موضوعى يتلخص فى شئ واحد ربما يزيد بدأت القنوات استعدادها للاعلان عن مسلسلات الشهر الكريم وان الفنان الكبير صاحب الاسم الكبير تقضى فى المسلسل لا يزيد عن 30 حلقه ما يقارب مليون او الاثنين مليون والفنانه المتألقه تقاضت نفس الاجر ما يقارب مليون او اكثر مايزيد من استفزاز للمواطن معدومى الدخل ليس محدودى فلم يعد بمصر الان طبقة محدودى الدخل فقد انعدمت واصبحت مصر مقسمه الى طبقه عاليه الدخل ومعدومى الدخل فمبالك حينما يسمع موظف بسيط بهذه الاجور التى كلما قرئت عنها يشدد غضبى اجر مشخصاتى يتعدى ملايين واقل اجر ربع مليون او نصف مليون ماهذه الملايين التى نسمع عنها والبللد تملئ شوارعها الجياع واطفال الشوارع مسلسلات تتكلف الملايين وشوارع مصر تملئها تلال من القمامه والعشوائيات التى تستوطن بها الامراض والاوبئه نعم تلال من العشوائيات والقمامه تغطى شوارع مصر بجميع المحافظات ونسمع عن ملايين تصرف للمسلسل كذا الذى سيعرض برمضان القادم وما يزيدك حصره عندما يبدء الشهر وتبدء اولى حلقات المسلسل وتعرض كم هائل من البزخ والترف من المأكل والملابس التى لو شاهدها الانسان البسيط يزداد حقدا وغيظا والمسلسل يمثل وكأن الشعب كله هكذا رمضان سفر مليئه بالوان الطعام منازل فارهه من ديكورات ولا اازياء الممثلات وبنفس الوقت يشاهدها ملايين ممن حرموا حتى العيش الحاف بالله عليكم هل هذا يعقل ولا يرضى ضمير كل من قام بمثل هذه التفاهات ناس مشخصتيه ما بيكفى انهم بيعرضوا قلوب الناس عن الزكر والطاعه لاء بيزيدو هم الناس هما وعدم الرضى بحالهم والحقد احيانا لانهم لا يملكون ربع بل جزء مما يشاهده بالمسلسل كل عام نسمع عن ارقام وملايين عن المسلسلات القادمه مع انهم قالو بعد الثوره سيتم خفض اجور الممثلين اه يمكن هياخدو الربع ولا نص مليون ملايين تصرف بالتفاهه ونسبه البطاله بمصر العام الماضى وصلت الى 3.1 مليون شخص خلال الربع الأول من العام الماضى بزيادة قدرها 742 ألفا عن نفس الفترة من العام الماضي. وبعد هذا نسمع عن مسلس يتكلف كام مليون جنيه لماذا ومن اجل ماذا لا نعلم ملايين تصرف ومصر شوارعها مليئه بالاطفال ممن ليس لديهم حتى المئوى للعيش فيه فالله المستعان ولا ندرى متى سيشعر هؤلاء بان هناك من يستحق ان نتبرع او نضحى حتى بلقيل من الاموال لا نقول ملايين يعنى ثمن نص مسلسل يكفى هؤلاء الاطفال ولاكن نقول حسبنا الله ونعم الوكيل يقول تعالى (وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ )

[قلم بلا حبر]

معاكى فى كل اللى قلتيه بصراحه

والارقام حاجه مستفزه

بس فى الاخير لو سألتى الغلابه عن رايهم نمنع المسلسلات فى رمضان ,, نسبه كبيره منهم بتقولك (( انتم كمان الشهر اللى بنشم فيه نفسنا حتقفلوه علينا ))

هو شايف ان كده كده الفلوس مسروقه ,, وساء منعنا المسلسلات او عرضناها برده لافلوس بتاعتها حتروح لناس تانيه

فبيحسبها بحسبة ابن البلد البسيط

لما تروح فى مسلسلات واتفرج عليها ,, احسن ما تروح فى جيب حد ومستفدشى بيها

يبقى لو حنطالب نبقى نبدأ بالاهم ثم المهم

الاهم هنا اننا نأسس دولة الحق والعدل ,, اللى بيها نقدر نهد جحور الفساد

نأسس مؤسسات دوله قادره على رقابة المال العام ووصول الدعم لمستحقيه

ومن ثم نبدأ نبص للارقام دى

ساعتها بس حيكون عندنا العدل اللى حنحكم بيه ,, والحق اللى بننشده لينا كلنا ,, والمؤسسات اللى حتساعدنا على عمل كل ده

انا مش ضد الفن ,, الفن هو السبب انك لو نزلتى اى دوله عربيه حتشوفى مصر موجوده فى كل مكان

انا واحد باكستانى النهارده بهزر معاها بيقولى دى كلمة عادل امام يا صديق ,,,

شفتى الفن حيوصلك لفين

بس الاهم رسالته

والاهم برده انه يكون محترم فى كل حاجه ,, حتى اجور العاملين فيه

موضوع جميل

تحياااااااااااااااااااااااااااااااااااتى"""""""""" """"

[السفينة]

مفهوم رمضان عند معظم الناس هو المسلسلات والأكل والسهر ,مع اننا نعلم ان مفهوم رمضان مقرون بالمغفره والرحمه وتصفيد الشياطين والعتق من النار لكن مع الاسف هذا المفهوم يتغير بتغير الزمن ؟؟
مابال المخرجين ألم يجدوا غير شهر المغفره والرحمه والعتق من النار ليبثوا لنا سمومهم !!
ومسلسلاتهم في هذا الشهر بنظري أنهم أطفئوا بهجة هذا الشهر وروعته بتفاهات لاتمت للشهر بصله
رحمك الله يا رمضان , أصبح من واجبنا الترحم عليه لحين عودته سالما غنما كما كان من قبل
نشعر بشعور رائع وغريب , نشعر بالخوف من الله , نشعر بأن رمضان قادم من التحضير له
ليس ماذا سنشاهد وماذا سنعد من مأكولات ومشروبات!! بل كم من القرآن سنختم , كم من الوقت سنقضي
بالإستغفار والدعاء , كم ليله سنقومها نتعبد لله تعالى , صلاة التراويح ستصلى بالبيت أم المسجد .
أمور كثيره نستطيع أن نعدها لرمضان , لنشعر بأنه مختلف عن باقي الشهور
لكن أراهن بأن المعظم وليس الكل لإنه ( لو خليت خربت) , قد جهز ماذا سيحضر برمضان وماذا بعد رمضان
وماالمأكولات التي ستأكل بأول يوم وثاني ويوم , وهكذا ...
اللهم إجعلنا ممن يبلغون رمضان ويقيمون ليله ..

بارك الله فيك اختي الغالية
اللهم بلغنا رمضان
اللهم ااامييين
وصلى الله على سيدنا محمد واله وصحبه وسلم

[ساحر الأحزان]

الفن رسالة جميلة وراقية لما يقدم حاجة محترمة وتفيد

انما لو فن حلزونى لولبى وهز كتاف يبقى قلتة احسن

المسلسلات دى سارية عاملة زى كعك وبسكوت العيد

الناس اتعودت عليها ولو عدت سنة واختفت حيحسم ان ناقصهم حاجة


جميل الموضوع منك

دمتى بكل خير

[دمعه حائره]

دول شياطين الانس بدل مايقيدوا بسلاسل فى رمضان
ينتشروا وينشروا الفساد واللهو
فى شهر العباده
اللى مفروض نتفرغ للعبادة والدعاء
شىء مؤسف لما شعب بيعانى
من فقر وبطاله ويصرف المبالغ دى على المسلسلات
وشىء مستفز لما نسمع الارقام الخياليه الى بياخدها
الممثلين اجورعلى ادوارهم
موضوع جميل وفى وقته
اشكرك عليه اختى

[SiLver Spectra]

تفتكري الفلوس دي بتيجي منين ؟
كلها من شركات الي بتحط اعلاناتها
طيب و الشركات المعلنة ليه بتصرف ملايين كدا ؟
عشان عارفه ان ناس كتير بتتفرج على المسلسلات و عايزه تحقق ارباح عن طريق الشهرة
يعني في الاخر الكل بيشارك من جيبه في عرض المسلسلات عن طريق شراءك للمنتجات
عملية تجارية بحته
المحطه بتكسب و الممثل بيكسب و الشركة بتكسب
طيب و المواطن ؟
المواطن بيدفع بس بيشتري منتج فبالتالي هو مش بيحس انه خسران حاجه
مع ان المنتج دا لو وفرت سعر الدعاية الي بتدفعها الشركة تمنه هيقل بنسبة قد تصل للثلث

اعتقد زمان كانت الشركات بتعتمد على دعايا العروض الخاصة و مروبك كسبت مكسب
لكن دلوقتي اتجهوا لتمويل الاعلام , حسوا انه له تاثير و انتشار اقوى
و دا الي خلق سوق الدراما الرمضاني

و مثال على كدا ,,شركة زي قطونيل :biggrin:
حققت ارباح قياسية مع انها صرفت ملايين في الدعاية
دا لان مافيش حتى شركة بتنافسهم على نفس المستوى و ان كان في شركة طلعت اسمها دايس باين )

فهي العملية تقدري تقولي شبه الضريبة كدا
كلنا بنشارك فيها في كل منتج بتشتريه هتلاقي في مثلا قرش بيروح للممثل

تقديري الشخصي ,,انا مش ضد الاعمال الفنية خاصة المحترم او الهادف منها
لكن بيستفزني كمية الاعمال الي بتعرض في رمضان

[Words Whisper]

لن أتحدث عن المسلسلات أو الفن بصفة عامة

لكن ماأفهمه باختصار

حتى لو كان الممثل يستحق أجرا للعمل الذي قام به

فهو لايستحق كل هذا الأجر

ليس الممثل أو لاعب كرة القدم أكثر أهمية من المدرس الذي لايتقاضى ربع أجورهم

حين نُطالِب شعبا أن يُحتَرَم فيه مايستحق ومن يستحق الاحترام

فيجب أن يتم غرس مايستحق الاحترام أولا باحترامه ...

أتمنى أن يكون رأيي قد وصل

موضوعكِ قيم

سلمتِ عليه

ودمتِ بحفظ الرحمن ..

[سارية فى درب الرسول]

اقتباس المشاركة الأصلية كتبت بواسطة قلم بلا حبر معاكى فى كل اللى قلتيه بصراحه والارقام حاجه مستفزه بس فى الاخير لو سألتى الغلابه عن رايهم نمنع المسلسلات فى رمضان ,, نسبه كبيره منهم بتقولك (( انتم كمان الشهر اللى بنشم فيه نفسنا حتقفلوه علينا )) هو شايف ان كده كده الفلوس مسروقه ,, وساء منعنا المسلسلات او عرضناها برده لافلوس بتاعتها حتروح لناس تانيه فبيحسبها بحسبة ابن البلد البسيط لما تروح فى مسلسلات واتفرج عليها ,, احسن ما تروح فى جيب حد ومستفدشى بيها يبقى لو حنطالب نبقى نبدأ بالاهم ثم المهم الاهم هنا اننا نأسس دولة الحق والعدل ,, اللى بيها نقدر نهد جحور الفساد نأسس مؤسسات دوله قادره على رقابة المال العام ووصول الدعم لمستحقيه ومن ثم نبدأ نبص للارقام دى ساعتها بس حيكون عندنا العدل اللى حنحكم بيه ,, والحق اللى بننشده لينا كلنا ,, والمؤسسات اللى حتساعدنا على عمل كل ده انا مش ضد الفن ,, الفن هو السبب انك لو نزلتى اى دوله عربيه حتشوفى مصر موجوده فى كل مكان انا واحد باكستانى النهارده بهزر معاها بيقولى دى كلمة عادل امام يا صديق ,,, شفتى الفن حيوصلك لفين بس الاهم رسالته والاهم برده انه يكون محترم فى كل حاجه ,, حتى اجور العاملين فيه موضوع جميل تحياااااااااااااااااااااااااااااااااااتى"""""""""" """"

اخى انا اعى انه لازم قبل اى شئ اقامة دوله الحق ومحاسبة رؤس الفساد

على كل صغيره وكبيره بس صدقنى اخى فى الله ان اغلب الناس الفقيره او المعدمه

لما بيجى رمضان صدقنى دى اول ناس بتتجه لله خالصة بمعنى انها على الفطره بتخاف لرمضان كمان يروح منهم فى الذنوب يمكن اغلبهم وقتها بيلجؤ لله اكتر من لجؤهم للمسلسل
واول كلمه تيجى فى بالهم لو شاهده مسلسل من المسلسلات المستفذه كانوا بصو الاول لحال الفقير فى البلد
لانهم عارفين انهم حتى محرومين من الحلم مابالك لما المسلسل يعرض انواع البزخ والترف المبالغ

وامامك انسان محروم حتى من راحه البال ولاحول ولا قوة الا بالله

ونسئل الله ان يعين الجميع على طاعته
شاكره ردك القيم وبارك الله فيك

[سارية فى درب الرسول]

اقتباس المشاركة الأصلية كتبت بواسطة السفينة مفهوم رمضان عند معظم الناس هو المسلسلات والأكل والسهر ,مع اننا نعلم ان مفهوم رمضان مقرون بالمغفره والرحمه وتصفيد الشياطين والعتق من النار لكن مع الاسف هذا المفهوم يتغير بتغير الزمن ؟؟ مابال المخرجين ألم يجدوا غير شهر المغفره والرحمه والعتق من النار ليبثوا لنا سمومهم !! ومسلسلاتهم في هذا الشهر بنظري أنهم أطفئوا بهجة هذا الشهر وروعته بتفاهات لاتمت للشهر بصله رحمك الله يا رمضان , أصبح من واجبنا الترحم عليه لحين عودته سالما غنما كما كان من قبل نشعر بشعور رائع وغريب , نشعر بالخوف من الله , نشعر بأن رمضان قادم من التحضير له ليس ماذا سنشاهد وماذا سنعد من مأكولات ومشروبات!! بل كم من القرآن سنختم , كم من الوقت سنقضي بالإستغفار والدعاء , كم ليله سنقومها نتعبد لله تعالى , صلاة التراويح ستصلى بالبيت أم المسجد . أمور كثيره نستطيع أن نعدها لرمضان , لنشعر بأنه مختلف عن باقي الشهور لكن أراهن بأن المعظم وليس الكل لإنه ( لو خليت خربت) , قد جهز ماذا سيحضر برمضان وماذا بعد رمضان وماالمأكولات التي ستأكل بأول يوم وثاني ويوم , وهكذا ... اللهم إجعلنا ممن يبلغون رمضان ويقيمون ليله .. بارك الله فيك اختي الغالية اللهم بلغنا رمضان اللهم ااامييين وصلى الله على سيدنا محمد واله وصحبه وسلم

حياكِ الله سفينه نعم ربما تكون حرب معلنه رسميا على هذا الشهر

لاكن مما يزيد الاستفزاز الكم الهائل مما نسمعه من الاجور وما نشاهده من بزخ مبالغ فيه

والله المستعان ويعين الجميع على طاعته ورضاه

[!دلوعها وكلمتها مسموعة!]

كلامك صح
بس فى ناس متعودة
على ان رايى انهم فهمنى الموضوع غلط
رمضان افضل شهر
والمفروض نسخرة فى الطاعة وقرائة القرآن
وبقى الشهور برضوا بس الشهر دة لى مميزتة