الحلقة التاسعه من ( لـــــو ) معنا ( ؟؟؟؟؟؟؟؟ )

[morshooo]

بسم الله الرحمن الرحيم

اهلا ومرحبا بكم

وحلقة جديدة من برنامجكم

لـــــو

فى المنتدى هنا بنشوف اعضاء اصحاب فكر راقى واصحاب مواضيع جميلة جدا

وفى اعضاء متميزين وكل عضو بيبقى لية ميزة فى مكان او قسم معين

ساعات واحد فينا يشوف موضوع ناجح لعضو تانى ممكن يقول لنفسة

( لـــــو )

انا صاحب الموضوع دا دا انا كنت عملت وعملت وعملت بس مقالش لنفسة حاجا مهمة

( لـــــو ) انتا مكان صاحب الموضوع فعلا كنت هتصبر علية لحد اما ينجح والا كنت ممكن

تعمل حلقتين تلاتة وتلغية :biggrin:

النهاردة هتبقى معانا عضوة

متميزة صاحبة وجود مميز

معانا النهاردة

المتالقة / ( ياترى مين العضوة )

صاحبة الرمزية الى فوق دى

وهقولكم هى مين فى اخر الحلقة :762:

ودلوقتى تعالو نشوف المواقف الــ ضيفتى

لـــــو حصلتلها هتتصرف ازاى فيها

لـــــو

1 / دخلتى توبيك بالمنتدى وعجبك جدا وسبتى رد عادى جدا جدا زى اى عضو ودخل صاحب التوبيك وحزف ردك ؟ هتعملى اية ؟

والله انا هحس باحراج شويه بس هحاول برده اعرف ليه هو حزف ردى لو كان عنده حق وكنت انا رديت رد مش مناسب او فيه تجريح لشخصه أو لحد غيره يبقى أكيد عنده حق ويكون واجب عليا ساعتها الاعتذار. لكـن لو طلع بقى بيحذف ردي من غير اسباب مقنعه فأنا مش هيشرفني أدخل موضوعاته تاني وكأنه مش موجود حتى لو كان مين

2 / بعتى لصديقة ليكى بالمنتدى رسالة خاصة محتواها ( انها وحشاكى جدا وكويس انك اطمنتى عليها ) وردت الرسالة بــ ( لو سمحتى مالكيش دعوة بيا تانى ومش عايزة اشوف رسائل منك تانى ) هتعملى اية :biggrin: ؟

ههههههههههه
هيجيلي ساكته قلبيه طبعا..
انا مش بقدر على زعل اى حد والله وبزعل لزعل الناس منى وخصوصا لو واحده قريبه منى وصديقه بجد زى مابتقول .بسرعه هبعتلها وأسألها انا عملت ايه زعلها وافهم ايه الموضوع ..بس انا عمرى ماهزعل واحده صاحبتي ان شاء الله ..الا بقى لو ولآد الحلال الى بيحبو يهدو النفوس بين الناس وبعضها عملو معانا الواجب ووقعو بينا يبقى دي حاجه تانيه ..ولو طلعت انا فعلا زعلتها من غير مااقصد أكيــد هعتزرلها وأصالحها ..لكن بقى لو كانت هى اللى زهقت منى ومن صداقتى يبقى خلآص هقولها ربنا يوفقك بس ساعتها هكون زعلانه وهيكون شكلى وحش اووووووووى

3 / طلبتى الاشراف من الادارة وتم تعينك مشرفة لقسم انتى مبتحبهوش والا بتدخلية اصلا والادارة قالتلك هو دا القسم الــ عندنا ليكى ؟ هتعملى

اية ؟

هو انا بشحت منهم ؟ :762:

انت دايما كده ياموروشو جايبلي احباط ف اسئلتك

مفيش سؤال يبقى فى صفى ويرفع معنوياتى ابدا كله احباط احباط...

بس لو ده حصل فعلا انا هشوف نفسي الآول لو لقيت نفسي هقدر اتعامل مع القسم ده وأتأقلم معاه يبقى نجرب طالما انا اللى طالبه الإشراف لكن لو مش مناسب لطموحاتى المتواضعه يبقى هنسحب من الطلب وافضل عضوه احسن

4 / جيتى تدخلى المنتدى لقيتى نفسك واخدة حظر ولما سئلتى عن السبب طلع انك فى اعضاء كتير اشتكو منك ومن اسلوبك معاهم مع انك مالكيش علاقة بحد ؟ هتتصرفى ازاى ؟

لالالالالا

مفيش حد هيشتكى منى ان شاء الله لآنى زى مابتقول انا ماليش علآقه بحد وحتى الناس اللى بتراسلنى فهو بيكون مجرد سؤال واطمئنان على بعضنا لاننا كلنا هنا أخوات وأصدقاء

والسؤال بيكون بكل موده واحترام متبادل

لــكن !!

لو حصل كده ولقيت نفسي اتحظرت لسبب انا ماعملتوش يبقى قبل ماأخرج من المنتدى أحب اصحح الصوره وأوضح موقفى قدام كل الناس مش الإداره بس. وبعد كده هنسحب من المنتدى

5 / جيتى تفتحى المنتدى وبالصدفة جوزك جنبك ولقيتى رسالة خاصة من عضو بيقولك ( رودى انا معجب بيكى وعايز اتعرف عليكى ) ؟ جوزك هيعمل اية وانتى كمان :762:؟

ههههههههههه

دى تبقى كارثه

بس انا عموما هقوله انى اتفاجئت بالرساله زيه بالظبط وهو هيتفهم الموضوع بس هيطلب منى مادخلش المنتدى ده نهائي بعد كده وساعتها أمره مطاع..

الاسئلة الشخصية

لـــــو

1 / قولتى هنزل اشترى شوية حاجات وفجأة قابلتى جوزك ومعاة بنت ماتعرفيهاش ووافقين بيشربو عصير لموناتة :762:؟ هتتصرفى ازاى ؟

هههههههههه هروح أشرب معاهم

وهكون طبيعيه وبااااارده جدا لآبعد الحدود
طبعا انا من جوايا هموت لكنى هتصنع الامبالاه وهستنى لحد مانكون لوحدنا ونروح بيتنا لآنى ماحبش أعلن اللى بيني وبين جوزي قدام أى حد مهما كانت المشكله كبيره ..
وبعدين مش يمكن واحده زميلته ف الشغل وكانت عطشانه شويه وهو من زوقه عزمها على عصير بنيه صافيه
أما بقى لو النيه مش صافيه فأكيـد هتبقى ليله زرقا:biggrin:

2 / مشيتى فى شارع وفجاة لقيتى الناس مقبلاكى بس بيجرو وبيقولو ( محدش يروح محدش يروح محدش يروووووح ) :762:؟ هتعملى اية ؟

هجرى مع اللى بيجرو ههههههههه

واسأل بقى فيه ايه والناس بتجرى ليه

3 / ماشية فى الشارع ولقيتى 100ج فى الارض وقولتى لما اخدها ووانتى بتوضى طلع فى عيال رابطين الــ 100 فى خيط وبيعملو مقالب فى الناس:762:؟ هتعملى اية وهتقوليلهم اية ؟

ههههههههههههههه

الموقف ده كان حصل معايا زمان بس مكنش مقلب من عيال صغيره

انا لقيت 50 جنيه فى الجامعه ووطيت اجيبها لقيت واحد بيقولى لو سمحتى دى بتاعتى ووقعت منى انا بقى وشي بقى ألوان واديتهاله وانا ساكته ومشيت وفضلت طول اليوم يومها مش فاهمه اى حاجه من المحاضرات بسبب الموقف ده ... كان محرج أوووى وطبعا الواحد بيفرح اوى لما يلآقى فلوس
بس لو لقيت عيال عاملين المقلب ده هشتمهم واقولهم انتو معفنين وهسيبهم وأمشي هعمل ايه يعني اروح اضربهم ؟ :079:

4 / جوزك قرر يخرجك وروحتو كافية رومنسى اخر حاجا وفجأة جت بنت وقالت لجوزك ( ياااااة بعد السنين دى كلها اخيرا نتقابل يا ) وقالت اسمة الحقيقى :762:؟ هتعملى اية ؟

امممممممم

هقولها اتفضلى اقعدى معانا. طبعا هيا هتقولى شكرا دى لو عندها زوق يعنى وبعد ماتمشي بقى هسأله مين الآموره هيحكي بقى وكويس أنها جات أدينا هنلاقي حاجه نتكلم فيها لان اغلب الرجـاله بعد الجواز مش بيلآقو كلآم يتكلمو فيه أو زى ماتقول كده بيكاسلو يتكلمو :762:فبيقعدو ساكتين لكن قبل الجواز ياسلام ماتعرفش بيجيبو الكلام ده كله منين

5 / وانتى قاعدة فى أمان الله جاتلك رسالة على الموبيل من رقم غريب وبيقولك ( وحشانى وحشانى وحشانى ) ونسيتى تحزفى الرسالة من الموبيل وطبعا جوزك بعديها بكام يوم شاف الرسالة دى :762:؟ هيعمل اية وانتى هتتصرفى ازاى ؟

انا مش هيجيلي رساله بالشكل ده لانى رقمي مش معروف لحد

لكن لو حصل وجات بالخطأ فأنا هحزفها ولو نسيت وشافها هقوله مش عارفه دي من مين وانى اتفاجئت بيها جايالى ..ساعتها هيعمل زى اى راجل و هيروح يتصل بالرقم يشوف مين صاحبه وباعت الرساله ليه وهسيبه يتصرف بقى انا ماليش دعوه عشان يبقو يفوقو شويه الناس اللى بتبعت رسايل للناس بالخطأ ويعملولهم مشاآكل

وبعد ما ضيفتى هتنسى تحزف الرسالة الــ جاتلها

وهتخلى جوزها يتصل بالرقم ويعرف مين الــ بعتلها وحشانى دا :762:

تكون خلصت حلقتنا النهاردة

الــ كانت مع

المتالقة / الاميره رودى

استنونى الحلقة الجاية والضيف القادم

تحياتى

mors:003: hooo

[booody99]

ههههههههههههههه

ده انتي طيبة اوي

في غيرك ممكن يولعوا فيها ههههههههههه

تسلم أيدك على البرنامج الرائع

كل الأحترام والتقدير

[سآرهہ]

هههههه حلقـه جميـله آوي
تسلم آيدك يا جميل
مميـز دآيمآ بتوبيكآتتك وتطلتك الجميلهـ ’’

[ŌиĹч.Ḿё]

شخصية جميلة يا رودى ربنا يوفقك
واسئلتك حلوة يا مورشو مبدع !!
احترامى

[countess]

حلقة حلوة

يارودي اتعرفنا عليك ياقلبو

تشكرآآآآآآآآآآآآآآت مستر

[شاعر الإحساس]

حوار جميل كالعاده ,,

وبرنامج ناجح بكل ما يحمل ,, بصاحبه,

ولاشكــ بضيوفه الكرام طبعا ,,


الاميره رودي,,,

اجابات رووووعه ,, وروح جميله

وخفة دم ,,,,رائعه

اسعدني التواجد هنا ,,

بالتوفيق دايما يارب,,

خاااالص تحياااتي وتقديري


"شـاعر الإحســاس"

[مملكة مصر]

هههههه حلقـه جميـله آوي
تسلم آيدك يا جميل

[۩۩ elMagic ۩۩]

ههههه
جميله جدا الحلقه
نورتى رودى الحلقه
بالتوفيق ليكى ى قمــر
مجهود مميز ى ابو حميد
مودتـــــى

[مشتاقه للجنه]

ضيفه لذيذه خفيفة الدم بردودها

أستمعنا جداا بالحوار معك يا روودى

وشكل دمك خفيف وزى العسل

مورشو كالعاده فوق الممتاز

موفق

[ساحر الأحزان]

منورة الحلقة ردودى

باجابتك الحلوة

والقيمة

ومرشو متوصى خالص بالاسئلة

كل حلقة يزود اكتر من الى اقبلها

بسى كلها اسئلة حلوة

وردود جميلة من ردودى

حلقة مميزة

تحياتى لكم