استحداث 100000سرير ,,, في مستشفيات الصحه النفسيه لضحايا المقالب

[أجمل سعوديه]

هذا طول الله بأعماركم واحد مسافر بالسياره من الطايف وطالع للرياض مع امه وسيارته لومينا :مستانسين ومعهم ترمس شاهي ومشغلين سي دي لـ الشرهان وهو يحكي سوالف الاولين ..

ويسولفون في الطريق والبال رايق والعلوم السفره .. والعجيز متمدده حاطتن ارجولها على الطبلون ومبسوطه : والولد يدلع العجيز مره يقولها اسفط تمشين شوي ؟ تعبتي يايمه ماتعبتك ارجولك ؟ ومره يقول تبين اوقف اشتري لك شيء تشربينه ياميمتي ؟ والعجيز في قمة الدلع والدلال مع ولدها ..
المهم سلمكم الله ..
وبنص الطريق ويهبها الناعس العجيز .. وتبي تنام تعبت من الطريق عاد خبركم 1000 كيلو مو بسيطه " ..
قال نزلي المرتبه يايمه وحطي راسك وارقدي : وحط لها منشفة على القزاز علشان الشمس .. وهي الي تنام ..

يييييوم قربوا من نقطة تفتيش بحدود كيلوين او ثلاثه .. قالها يايمه قومي ترى وصلنا نقطة تفتيش ..

وتقوم العجوز .. سلمها الله .. وعاد تعرفون كبيره في السن وتعبت من الطريق وتبي تمسك بشيء علشان يساعدها تجلس .. فجأة ؟ وبقدرة قادر ؟ وبدون سابق انذار ؟ حطت العجوز عينها على البريك
عاد مالقت الا البريك !!؟ هههههههههههههههههههههههههه
والولد ماشيء بالموتر تقريبا 140 ؟ هههههههههههههههههه
وهي الي تمسك البريـك تبي تجلس .. وتسحبـــه ههههههههههههههههه

ولدها يقول .. يوم سمعت صوت البريك وهو يطقطق .. ولسى مالتفت لأمي وهي تسحبه بس سمعت الصوت ههههههه اسودت الدنيا في وجهي : طاح قلبي في بطني .. جاني جلطه في دماغي فوووووورا ..
سحبت البريك العجوز .. وصاح الولد صيحه من الخوف .. سمعوها اهل رماح ..
وتروح السياره يمين ويسار ويمين ويسار ويسار وتبرم تبرم تبرم السياره
( لقطه من داخل السياره اثناء الكارثه ) ..
يقولكم الولد .. السياره تبرم وانا احس الموقف باللقطه البطيئـــــه اشوف الفناجيل قدام خشمي : فنجال رايح وفنجال جاي .. وتلف السياره في الاتجاه الثاني .. ويشوف سي دي رايح وسي دي جاي يقول ان سي دي تبع هاني متواسي مر من قدام خشمي اكثر من مره وهو ماسك الجيتار مترزز هههههههه .. ويد ماسك بها الطاره .. ويدي الثانيه مثبت العجوز في المرتبه علشان ماتضرب بوجها في الطبلون .. والعجوز دايخه هههههههههه ..
وينقذهم الله ان الولد استسلم للامر الواقع وحط يدينه على عيونه وجلس يصارخ .. وهي الي تلف السياره ليييين توقف ..
فجأة .. الا جيب امن الطرق عاكس الطريق وجايهم ماشيء 200 .. سلامات سلامات وشفيكم ؟
نزل الولد من السياره وعيونه صايره مثل فناجيل القهوه من الخرشه .. كل ماقالوه له شيء ؟ قال هاه ؟ هاه ؟ انسخط عقله من الخوف .. ههههههههه

وقالهم السالفه قال .. والله امي سحبت البريك !! عاد العسكري ماقدر يمسك نفسه وفطس ضحك ..
عاد خوينا صاحب اللومينا يقول " جلست شهرين وانا مصدوم وحالتي النفسيه اتش وطلع براسي شعر ابيض ههههههههههه الله لايبلانا ولايبلا مسلم يارب
سبب له هالموقف ضعف في الاستجابه وصار عنده رهاب السيارات " مايبي يسوق سياره واحد معه ههههههههههههههههههههههههههههههههههه
صاير يوسوس .. يخاف احد يركب معه ويسحب البريك فجأة في الطريق ههههههههههه

طبعا ياجماعة الخير هالموقف مقدر ومكتوب .. ويعتبر غلطه .. وغلطه قاتله بعد :
لكن شرايكم في الي يسوي مواقف للمسلمين زي كذا وهو قاصدها !!

يقولكم طول الله في اعماركم .. واحد انهبل مسكين بسبب خويه ..
هذول شلة شباب كانوا طالعين للبر .. الموهم انهم طلعوا للبر وخيموا .. ومستانسين وموسعين صدورهم : ومرتاحين البال ولمة رجال ..
جاء وقت المغرب وهم كاشتين .. صلوا المغرب وشبوا القبس وضبطوا عشاهم وتعشوا عقب العشاء .. وعينوا من الله خير وطفوا قبسهم قبل ينامون ...
طلع واحد منهم يقضي حاجته .. ويلحقه خويه يبي يمزح .. خلاه لين خلص حاجته وراجع .. ويمشي وراه " ويقرب منه ويصرخ عليه ويطيحه على الارض ..الولد من قوة الخوف .. صار يصارخ بشكل هستيري : ههههههههههه
يقولون انه انطلق ركض للخيمه .. وهو الي يمسك في خويه الثاني ويصارخ ويبكي وجلس شوي والولد هجد بشكل مو طبيعي لدرجة انه ماعاد يسولف .. اخذوه للبيت جلس يومين وهو ساكت مايتكلم ..
في الاخير طلع الولد صابه مس .. ( يعني لبسته جنيه ) من الخوف انهبل رسمي وجلسوا يعالجونه شهور .. بسبب مزحه بايخه
للمعلوميه فقط ( ان الجن يحضرون في قمة الفرح " وقمة الحزن .. وفي شدة الخوف ) ..
علشان كذا يقولون اذا احد خاف بقوه سموا عليه بالرحمن علشان مايجيه شيء ..

مقلب !! ومقالب ؟
نفسي افهم معنى كلمة مقلب !؟ في اي قاموس طلعت هالكلمه ؟

من اول شخص اخترع هالمقالب ودي اشوفه بس .. صدقوني باتمتع في المقالب فيـه ..
اوريه ان هالمقالب ممكن تسبب لـ شخص ازمه قلبيه !

هذا واحد طول الله بأعماركم اًكل خويه مقلب .. الادمي مسكين وقف سيارته جنب الطريق وطلع مع ربعه لـ مزرعه بعيده جدددددددا .. يتعشون ويستانسون وكذا ..
المهم ان راعي المقلب ذا : شاف السياره واقفه قدام كوفي .. وطلع له الشيطان.. قال يارجال اكله مقلب "
اتصل على الادمي قال ترى سيارتك نافضينها الحكومه ؟ مكافحة المخدرات راعين سيارتك !!
رجع صاحب السياره قبل مايحطون العشاء بدقيقتين .. من الخوف ومن الصدمه يحلف بالله ماشين بالاندكروز طبلونه نبي نلحق نشوف وش السالفه وليش المكافحة رافعين سيارتي ؟ ..
ويلاقي السياره مكانها ومحد حولها "
دخل سأل العمال في الكوفي ؟ احد جاء للسياره احد قرب منها شيء ؟ قالوا لا ماحصل شيء ..

لو فرضنـــــــــــا ؟ صار عليهم حادث لاقدر الله بالطريق وماتوا ؟ اعوذ بالله .. بسبب مقلب !!

مقلب اخر من شيطان اخر ..
هذول شلة شباب جالسين في القهوه " وسواليف وضحك ووناسه ..
قام واحد منهم سحب مفتاح خويه بشوش بدون مايحس : وقال استأذنكم شوي ياشباب بطلع دورة المياة وارجع ..
طلع اخذ السياره من المواقف وانطلـق بها وقفها في الشارع الثاني ؟ ورجع وحط المفتاح جنب خويه وجلس ..
طلع الادمي يدور سيارته يدور سيارته انهبل انجـن ؟؟ سياره جديده وكاله باقي توه دافع اول قسطين او ثلاثه فيها ؟
وبلغ الشرطه .. وبلغ المرور وبلغ كل اجهزة الدوله مسكين هههههههههه ..
وفي الاخير يحصلونها بالشارع الثاني قريبه من القهوه " ويجيه توبيخ من الشرطه عاد الامن حسبها بلاغ كاذب ؟ قالوا انت وقفتها هنا اكيد ونسيت ؟ واشغلتنا بسيارتك يابش مهندس اخر الليل الي يشوفك وانت متصل على الامن وقتها يقول السياره بوجاتي ؟ مادروا انها اكسنت < ليش الاكسنت دايم طايحه من عيون الشعب رغم انهم طايحين عليها !؟ والله ياخوفي بكره طويل العمر الاقيه راز اعلام السعوديه على اكسنت في موكب ملكي .. عاد يبي له اكسنت بدون سطح ماشاء الله من طوله اكسنت كوبيه هههههههههههههه
راح نص عمره مسكين .. انقطع نفسه من الخوف !! بسبب وشو ؟ ( مقلب ) يسمعون بالمزح ربعنا ههههههههه

يابوي المزح عباره عن محاوله لـ رسم الابتسامه على وجه اخيك المسلم ؟ بطريقة مضحكه
موب تذبح الادمي بقلب يسبب له شلل رباعي ولا تشنج في عضلات القلب ويموت الرجال وفي الاخير تقول والله كنت امزح ؟ تلحق اخواننا المصاريه يوم سمعوا ان حسني بيعطي كل مصري مليون جنيه ؟ طلعوا في الشوارع يقولون ارقع ياريس نمزح ياريس !! خلصتوا البرغل والكراث والسمسم الي بمصر كلها وانتوا تاكلون وتتبطحون في ميدان التحرير ؟ وتقولون نمزح هههههههه


الموهم ياحبايب قلبي :
الموضوع ومافيه اني لاحظت في الفتره الاخيره انتشار سماجه جديده وخصوصا بين الشباب ؟ هي المقالب ..
هل تعلمون ان المقلب ممكن يتسبب في وفاة شخص ؟ او يتسبب في تخلفه العقلي او انمصاع سلك من اسلاك مخه ؟ ..

الخوف الاكبر على الاطفال , الاطفال مايتحملون المزح الثقيل والمقالب القويه : هم يتأثرون بسرعه.. وتأكدوا ان اي طفل ممكن يتعرض لـ مقلب قوي نسبة تأثير هالمقلب عليه بنسبة 70 % ..
تخويف الحوامل ..؟ يسبب تخلف عقلي للجنين .. وش ذنبه مسكين ذا في بطنها يطلع للدنيا متخلف !؟
امي الله يهديها مره كانت بتسبب لي جلطه.. كنت بأفقد عقلي قسم بالله ههههههههههههههه

نايم في امان الله وتأخرت عن الدوام .. وصحيت امي الساعه 9 وشافت سيارتي لسى واقفه ؟
وهي الي تنزل زي البرررررق لغرفتي وتفتح الباب .. وتدخل وتصرخ بأقوى ماعطاها الله من صوت وهي واقفه فوق راسي ( خالد ياحيووووووووان نمت عن دوامك ) ههههههههههههههههه والله ياجماعة الخير اني فزيت فزه وحده كنت منسدح وفجأة صرت واقف فوق السرير هههههههههه ومن الخوف ضيعت ؟ مدري هي جنبي ولا باقي بالدور الثاني وتناديني ولا وينها انعميت من الخوف .. قمت اصارخ هااااااه هاااااااااااااه طيب طيب بقوم قمت الحين قمت .. بغيت ادوخ .. وتروشت على السريع ولبست واروح للدوام .. والله اني ماشي في الطريق وباقي صوت امي في اذني وعيوني مبققه دخلت المعمل وانا مفهي ومنخرش وماسمع شيء احس براسي صوت مثل صوت التلفزيون .. يوشوش ومصدووووم هههههههههههههه
الله يسامحك يمه ههههههههههههه لعبتي في مخي لعب
المقلب والاسلوب الدفش = من الممكن يسببون صدمة نفسيه للشخص :

خلاصة كلامي ..

المقالب الي يسوونها الناس في بعضهم ترى خطيره جداً .. فرضاً هالادمي مسكين قلبه ضعيف ؟ احتمال كبير ان هالمقلب يسبب له ازمه قلبيه او يرعبه لدرجة ان حالته الصحيه تتردى !!

الاسلوب الدفش : هو بعد مو بعيد عن اخوه المقلب خصوصا لاصار الاسلوب في وقت خمول شخص او في وقت استرخاء الاعصاب ؟ او على الاقل لاتعرض له شخص عنده ضغط او مرض معين ! من الممكن يسبب له شيء خطير !؟





حديث عن الرسول صلى الله عليه وسلم ( من روع مسلماً روعه الله يوم القيامة ) ..
المقلب هذي تدخل في باب ترويع المسلمين رغم انها مزحه !! الاسلوب الدفش في التعامل مع الاشخاص الي ممكن يخوفهم ويسبب لهم رعب ؟ يدخل في باب ترويع المسلمين ..

الى هنا اصل الى نهاية موضوعي .. اتمنى انكم بخير وصحه وسلامة : وعسى الموضوع يحوز على رضاكم ..

وتحيه خاااااااااااااااااااااااااااصه للرائعه ساااااااامبا تيكاااااا

[тoкα..♥]

حلو آلموضوع وعنيآ وجعتني وآنآ بقرآه
عآرفه مش ممكن تسبب آمرآض نفسيه بس ولآ مجرد ترويع
بتوصل للوفآه وآلله
عندنآ دروس ف آلفقه
من موت شبه آلعمد
آلصيآح ف آلغآفل
يعني يكون ف آمآن آلله ويجي وآحد يصرخ ويروح فيهآ آلمسكين )
تسلمي ي سعوديه
ووصلت تحيتك ي آلغلآ لآ عدمنآ وجودك

[أجمل سعوديه]

تسلمين يا راااااااااائعه