مقلب في عاشقة الهدوء .... بس حاجه من الاخر ....

[كبرياء رجل]

اولا يا جماعه المقلب اخد مني وقت كبير
مش عشان عاشقة الهدوء تصدق
لا عشان نزودها عليه وتشوف هتتصرف ازاي
لدرجه ان اخر رسايل مكنتش بترد عليها
:198:



الحكايه بدأت من يوم الخميس اللي فات
وانا قاعد في امان الله
لقيت رساله الزوار دي جاتلي جيبالي قال ايه ورد
نشوف ع بعض ..


عاشقة الهدوء

مساء الخير ياااسامى ازيك وأزى حالك ياغاالى قولت اطمن عليك يعنى

وأبعتلك بوكيه ورد زى من الناس بتعمل كده ملقتش أحلى وأجمل من البوكيه ده بجد يجنن ياسامى أتفضل






بجد متكسفنيش مش اى بوكيه ورد جبته ليك وسهره سعيده أن شاء الله ربنا يحفظك يومك سعيد


رديت عليها تاني يوم على اني مشفتش الرساله وردي كان عادي



كبرياء رجل

شكرا يا عشعوش على بطيخة الورد
اللي جيباها ليا بس دي من غير بذر
الحمد لله انك اكلتي البذر
ابقي خدي القشر مش عاوزه
يومك سعيد وحسابك معايا بعدين



ردت عليا بعدها
ولسه الموضوع ماشي عادي

عاشقة الهدوء
كده يا أبيه ياخراشى هتعمل فيه ايه ده جزائى

أنى جبتلك بوكيه ورد تاكل صوابعك وراه بدل ما تقعد تشم فيه شويه

وترميه ماشى ياساامى زعلانه وبعيط كده تجرحنى أهىء


هنا بدئت ادوس شويه
عشان يا عيني ميجراش ليها حاجه مره واحده

كبرياء رجل
ما هو انا كده مش بتفلح غير في اللي ليا
اهو كده وخلاص ويلي امشي دلوقتي
اهم حاجه متنسيش تاكلي القشر ده مفيد للصحه
وكلي برضو قشر اللب
مش متعودين نظهر في الزوار يلا وبطلي رغي
عشان عندنا مواضيع هنضيفها


هنا بقى ابتدت تتوغووش تقلق يعني :sml10:


عاشقة الهدوء
أمممممم على فكره أنا مش فاهمه حاجه

ومش عارفه أنت بتقول أيه على العموم ماشى هنعديها

وربنا يعينك يارب ومساءك هنا وسعاده :089:




كبرياء رجل

يعني ايه مش فاهمه حاجه
الكلام واضح ومختصر بقولك مش بحب الرغي الكتير في الزوار
محتاجه فقاهه دي يعني .. ويمكن انتي بتلاحظي كده سلام

:bb7:



سبتها يوم والتاني رحت لها على الخاص
وكاني طبيعي جدا
وقال ايه عشان متزعلش


كبرياء رجل
اخبارك ايه طمنيناعنك يارب تكوني بخير
اتمنى متكنيش زعلتي لاني قلت لك مش بحب االكتير علىالزوار
انتي اخت عزيزه شكرا ليكي :079:




عاشقة الهدوء



لا والله أبدا ياسامى هزعل منك ليه يارب يديم بينا كل خير


وتقدير واحترااام أنا بس كنت عاوزه أغلس عليك

وأنت فى الزوار ضحكتنى بالكلمه دى

ما هو انا كده مش بتفلح غير في اللي ليا
اهو كده وخلاص ويلي امشي دلوقتي

حسيت أنى بكلم اللمبى هههه فعشان كده أنا قولتلك

انت بتقول أيه وقولت أنفد بجلدى أحسن يضربنى

وشكله مش فاااضى وعادى والله ما فى أى شىء

وبعدين سااامى يتزعل منه أنت مش حاسس

بنفسك وبمعاملتك الراقيه ووجودك القيم

بيننا ولا أيه ياأبنى ربنا يسعد قلبك يارب وتتهنى

اللهم أمين ويرزقك على قدر نيتك

مساءك سعيد على رأى أمجد

كبرياء رجل
شكرا ليكي يت هبه
ما هو بصراحه انتي زودتها على الزوار امبارح
وانا سكت ومرضتش اتكلم يمكن لوحد غيرك كنت اتكلمت
بس قولت سيبها خلاص
وانتي عارفه مش بحب اظهر على الزواركتير
ومع ذلك مش مقدره كده





عاشقة الهدوء


خلاص ياض ياله روح أجرى هههههه مكبر الحكايه قوووى


ده كله عشان بعتلك بوكيه ورد بطيخه عادى

والكلام عادى أيه بقه ألى فيه يزعلك

وليه لو فيها غلاسه منى مش حابب ليه هو أنا قولتلك

كلام غلط دأنا بسأل على أخويه ألى بعزه

وبعتاله بطيخه لا قعدنا نضحك ولا نتمايع فى الكلام

وأنا عبرت ليك فى الزوار عادى يعنى الخاص لو فى أمر

خاص جدا وبنتنقاشه هنكلم خاص امال كلامى عادى

بسأل عليك وبطمن أيه بقه المشكله هنا

سيدى الرئيس

كبرياء رجل


ياض وكده وهزار برضو ومتعرفيش اني بتكلم جد


وياريت نقدر نفصل بين الجد والهزار


مش عارف ازاي اوصلهالك يا هبه


انا مقلتش انك تجيلي على الخاص


لاني انا مش بروح لحد على الخاص ويمكن انتي عارفه كده كويس


بس انتي راجعي رسايل الزوار اللي عندي


عندي حوالي 900 رساله زوار ولا حد في يوم حاول يهزر


بس مخليهم لينكات مواضيع ده اسلوبي ونظامي


ياريت تقدري كده وشكرا ونكبر شويه بقى











هنا بقى اضايقت بجد


وكنت متخيلها ممكن تخنقني :hayth1:





عاشقة الهدوء


خلاص ياسامى مدام أنت مش متقبل هزارى وكلامى

تمام وأنا غلطانه ياسيدى أن بعتلك زوار

أنت كده بقه زعلتنى بجد لآنى بجد مش فهماك

أنته كده حسستنى أنى أرتكبت ذنب عموما

مش هكبر الموضوع أكتر من كده وأكيد

طبعا أنا بقدر رغبة أى شخص بتعامل معاه

مش طفله يعنى يا ساامى

عشان تقولى نكبر شويه ربنا يحفظك

هنا بقى تخيلتها بتعيط



:669::669::669::669::669::669::669:





كبرياء رجل


انتي لو شفتي رسايل الزوار لي عندي

مش هتلاقي فيها اي هزار
واي حاجه بتبقى زي كده بحزفها
الا لو كانت استفسرات
لان ليا وضع معين
ومش هقبل اي حد يخرب ليا نظامي خلال السنه اللي فاتتلان وصلت لكده بمجهودي ومش هتنازل عن كده
انا كان ممكن احذف رسايل زوارك امبارح بس مرضتش

وقولت خلي الامور تعدي عادي لكن مش هقبل اي يقولي اني بتاع هزار وبلعب والكلام ده

هنا عاشقة الهدوء راحت حزفت زوراها عندي
ومرضيتش ترد على الرساله دي
عشان شكلها اتخنقت مني :014:




تاني يوم بقى الضهر لقيت رساله خاصه جايه
والله زي ما يكون الموضوع مترتب يا جماعه
مين طلعت القلب الصامت ام لسانين
المهم بتقولي عاوزه طنط جمالات سلف عشان تعمل مقلب في هبه
قلت لها على الموضوع وطلبت انها تشترك معايا
فرحت قوي مش عارف ليه عقل عيال بقى
وراحت لعاشقه الهدوء على الميل
وده كان الحوار اللي عملوه على الميل المفروض انها راسلتنى على الخاص وانا اتخانقت معاها
عشان الخطه تمشي تمام :gathering:

وده كلامهم على الميل مع بعض

القلب الصامت / وانا زنبى اية يا بيبو يزعقلى

عاشقة الهدوء : أنه دخلت مسحت الرسايل بتعته

القلب الصامت / انا عيزة اخد

حقى



عاشقة الهدوء : هههههههههههههههههههههههههههههههههههههههههههههههههه ه

هوه بيقولك مش كفايه صحبتك عليه

القلب الصامت / اة




عاشقة الهدوء

: ههههههههههههههههههههههههههه

ههههههههههههههههههههههههههههههههههههههههههههههه
سيبك منه خااالص

القلب الصامت / لا تعالى نعمل حوار علية

عاشقة الهدوء : وأنا

هاخدلك حقك بعدين أصبرى

القلب الصامت / ونولع فية دة واد رخم
فاكر نفسو

نوبل ولا اية



عاشقة الهدوء :

هههههههههههههههههههههههههههههههههههههههههههههههههه ههههههههه

القلب الصامت / انتى بتضحكى علية



عاشقة الهدوء : الله يخرب عقلك ياهمس

القلب الصامت / صح



عاشقة الهدوء

: لا على الكلمه



القلب الصامت / والله يا هبة واد معقد وهو يا ........... يا ........



استنى هوريكى الكلام اللي قاله



عاشقة الهدو: طيب

خاص ولا زوار

القلب الصامت / خاص دة كلامى

ازيك يا جوز جمالات حلوة الحوار بتاع امبارح دة سلملى عليها
بس كدة دة كلامى هو بقة

عاشقة الهدوء : تمام

القلب الصامت / هو بقة رد

اخلص من عاشقه تطلع ليا القلب الصامت

هو انا ناقص ابعدوا عني لو سمحتم

ارحمونى يا ستى متكلمنيش خاص او زوار تانى

مش بكلم بنات انا مكتوب علية ممنوع الاقتراب

فارسة الرومانسيه: ياسلام



مين فارسة الرومانسيه دي وايه اللي جابها في


يا اسمك ايه مش عارف !!!




باقي كلامه


منكم لله علموتي الرغي ادي اللي اخدناه منكم




عاشقة الهدوء : وبعد الرد ده وعاوزه

: تعبريه تانى

القلب الصامت / رغى اية ........... دة انا الغلطانة لى كانت بسئل علية وفاهمة انو اخ بجد لينا وفاهمة انو قال اية ..........




عاشقة الهدوء : ولا تعبريه




القلب الصامت / دة انا عبرتو

ولا كلمتو اول مرة اكلمو والله كان اية هفنى فى عقلى معرفش

فعلا شغل عيال




عاشقة الهدوء : خلاص سيبك منه




القلب الصامت / خديلى حقى بجد



عاشقة الهدوء : ولا تشغلى بالك بيه

: تانى

القلب الصامت / لو كلامك قوليلو اسلوبك مع همس مش هيعدى

اتكلم مع البنات باحترام

عاشقة الهدوء : لا بس يبيبه ليه أنا هسويه على نار هاااديه



القلب الصامت / لانها هى اخدت عنك صورة هباب على دماغك



عاشقة الهدوء : لالالالالالالالا



القلب الصامت / خلاص يا بيبو انا واثقة فيكى

عاشقة الهدوء : أصبرى بس وسبيه

القلب الصامت / ............



عاشقة الهدوء : وأنا هسويه ليكى على نار هااديه وهعرفوا فيه فرق لما ناس بتحترمك وبتقدرك وبتعزك وبتحب تسأل عليك وفرق بين ناس تانيه

عشان يتعامل المعامله دى أصبرى بس

...........


دة الحوار بعد التظبيط يعنى


عارف لو اتخنقنا بسبب هاجى اجيبك من الشاشة ………………….


ظبط فيه انا تاني منك لله مجرسانا



طبعا ده الحوار على الايميل بين عاشقة الهدوء والقلب الصامت
وشفنا قد ايه عاشقه طيبه مع انها مدافعتش عن اخوها والناس بتغلط فيه
المهم بعد الرساله اللي جبيتها القلب الصامت بالحوار بينهم على الميل
قلت ابعت لعاشقة الهدوء رساله تاني اغلس عليها




كبرياء رجل

اظن لما ابعتلك رساله تردي

تاني حاجه مش من حقك تدخلي الصفحه بتاعتي
وتحذفي رسايلك
كان ممكن تطلبي وانا احذفهم
لاني كده كده انا هحذفهم

وشكرا

:Sport-114:



برضو مردتش فقولت خلاص اعرفها انه مقلب واخلص


تعيشي وتاخدي غيرها يا عشعوش


وكل سنه وانتي طيبه بمناسبه عيد الجلاء


وعشان متلعبيش مع حد كبير


يلا تعيشي وتاخدي غيرها


جواز وجوزتيني كتر خيرك


ومقلب مش مصدقه وقولتي مصدق مش مشكله


يلا بقه امشي جنب الحيط


وبجد انا في المقلب كنت من اول رساله عاوز اقولها ده مقلب


بس قولت لا عشان نردها برضو


وطبعا عاشقة الهدوء مش محتاجه كلام


قد ايه انسانه انا بحترمها وبقدرها


وعزيزه علينا


ربنا يخلي لنا رغيها دائما وطيبه قلبها


وسمعني سلااااااااااااااااااااااام


خبي السلاح صاحي صاحي صاحي



اول مقلب ووعد يا عشعوش


اخر مقلب فيكي
وليا استفسار بسيط بخصوص كلامهكم على الميل
هو بيبو اللي بتقولها دي
مقصود بيها بيبو بتاع الاهلي :biggrin:


وانتي اشتغلي براحتك ولا يهمك


سلام


وتآ تآ تآتآآآآآآآآآآآآآآآآآآآآآآآآآآآآآآآآآآآآآآآآآ

:biggrin:

اوعو حد يقرب

[براءة حلم]

هههههههه مقلب جامد بجد
حرام عليك هبه عسوله ماتستاهل
وقعت قلبهااا
ربي يسعدكم ويخليكم لبعض

[ساحر الأحزان]

اية دة يابنى وكمان حظها وقعها فى سوزى حبيبتها

وخططت معاك

يلى معلشى يا هبة

تعيشى وتخدى مقلب تانى

بسى يا كبرياء خلى بالك بقى

من نفسك

تحياتى

[♥..pure]

عارف يـ سآمي ,
كويس اني مردتش عليك ف رسآله النهآردهـ
عشآن لو كنت طولت معآك كنت هبقا ف مصرع مقلب
احسآسي كدا وربنآ
,
لسه مشوفتش المقلب
هقرأهـ ولي عودهـ )
معلش بئه يا هبه

[Lαzєzα]

ههههههههههههههههههههههههه

مقلب جامد

وكويس انك نبهتنا مش نرغى ع الزوار عندك

معلش ى هبه :d

تعيشى وتاخدى غيرها

[سارية فى درب الرسول]

والله مقلب يحرق الدم صعبتى عليا يا هبه اتنين على واحد كتير

متخيلاكِ وشك احمر وشعرك منكوش وهتولعى فى الجهاز

ده شئ مستفز

بس مقلب جامد كبرياء

يالا تعيشى وتاخدى غيرها يا هوبه

ربى يسعدكم

[قلب وكلمات]

مقلب جامد يا كبرياء

بجد من الاخر

معلش بئه يا هبه تعيش وتاخدي

مقلب جديد

تحياتي لكما

قلب

[عاشقة الهدوء]

همووووت من الضحك ياناااس حد يلحقنى منكم لله

أنتم الآتنين طب كفااايه فضيحة الرسايل الخاصه والزوار

جايين كمااان تثبتوا الجريمه وتفضحوا الدنيا على الميل

لالالالالالا أنا أعترض على فكره ياااسامى أنت بتقول

عليه عيله وأنت طلعت أعيل منى ههههههههه ماااشى ياسااامى

وعلى فكره أن مكنتش مخنوقه وبعيط وكانت الحكايه عاديه جدا وربنا دأنا أنصدمت

فى شخصيتك قولت أيه الواد العبيط والمعقد ده :079:

وقولت فى عقلى طب ماااشى ابقى قابلنى لوعبرتك تانى وكلمتك هههههه

بس بجد مقلب بحييك عليه ميه ميه وأهم حاجه خلصت حقك

والحمدالله أنه طلع مقلب كنت هتنزل من نظرى جدا يا أبيه :445:

وربنا يديم بينا كل أحترام وتقدير ويجمعنا دائما على الخير

والنافع لنا اللهم أمين

[شظايا عمر]

بصراحه مقلب صعب بجد
ربنا يكون في عونها
تعيش ومتخدش غيره بإذن الله
تحياتي

[شموع الروح]

هههههههههههههههه
مقلب جامد
حرام عليكوا

تحياتى