..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : ☆ شهـــاب ☆ - مشاركات : 1 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


حلقه جديد من { ابنائنا في الغربه } ومعانا المراقب العام{ قلم بلا حبر}

أرشيف برامج اليوميات


 
 
LinkBack أدوات الموضوع انواع عرض الموضوع
قديم منذ /04-27-2012, 09:10 AM   #1

المراقب العـام

 

 رقم العضوية : 42511
 تاريخ التسجيل : Feb 2010
 الجنس : ~ رجل
 المكان : ارض الله واسعه في اي مكان موجود
 المشاركات : 50,521
 الحكمة المفضلة : لا يفيد الندم علي شئ قد انتهى
 النقاط : واد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond reputeواد حبيب has a reputation beyond repute
 درجة التقييم : 2020794
 قوة التقييم : 1011

واد حبيب غير متواجد حالياً

 

 

 

 

 

أوسمة العضو

وسام شرفي للمشتركين وسام الاتقان 7 تكريم المنتدي في العيد النشاط الإشرافي وسام الوفاء 2017 وسام الابداع مسابقه  النقاش وسام  التميز مسابقه  النقاش 

حلقه جديد من { ابنائنا في الغربه } ومعانا المراقب العام{ قلم بلا حبر}

السلام عليكم ورحمه الله وبركاته
اهلا بكل اعضاء منتدي بنات مصر
وان شاء الله كل الاعضاء يرجعو تاني ويعرفو الرابط الجديد للمنتدي نعود معكم مع حلقه جديده من ابنائنا في الغربه
ومعانا واحد له بصمه كبيره اوي في المنتدي منذ تاسيسه
وكمان محترم جدااا ودمه زي العسل وعلي خلق عالي معاناالمبدع صاحب اجمل موضيع وكلمات
المراقب العام
{قلم بلا حبر}
تعالو نشوف الحوار كامل


الاسم
السيد
السن
29 وكام شهر
المؤهل الدراسي
متسرب من التعليم :biggrin:
(( 3 هندسه عماره ))

امته اول مره خرجت من مصر ؟
من 6 شهور

ماهو سبب تركك لمصر والاتجاه للخارج؟
سبب شخصى مفيش ,,, انما تقدر تقول التجربه هى اللى فى احيان بتزقك انك تعمل حاجات ممكن متكونشى بتأيدها ,, بس بتحاول انك تحكم عن تجربه افضل

هل كانت تفرق معاك انك تسافر اولا؟
الاحساس اللى بيتولد اكتر عند الناس اللى حواليك ,, زى ما قلتلك انا مقتنعه بكونها تجربه ,, انما اللى حواليك دايا بيشوفوها اكبر من كده ,, واحنا شعب عاطفى ودى ميزه مش عيب

ايه اكتر حاجه عجباك في السعوديه؟
لقيت ناس بتقف فى اشارة المرور ,, بس مع كده سواقتهم استهبال :biggrin:

انما اللى يلفت نظرك هى النظافه ,, فى كل مكان وباوقات معينه يعنى وانا بكتب الرد دلوقتى عليك العربيه بتاعت النظافه سامع صوتها ,, تقدر تظبط عليها الساعه ,, + الشوارع ,, مع كامل اقتناعى ان النظافه اسلوب شعب مش اهتمام حكومات (( بس فى كبدايه لازم الحكومه ))

هل دي اول مره تسافر خارج مصر ولا في تجربه قبل كده؟
لآ مفيش تجربه قبل كده ,, اصلى مرتبط بمصر بحب من طرف واحد :biggrin:

انت مرتاح في الشغل في السعوديه ولا مصر كانت احسن في شغلها؟
مفيش حاجه اسمها الشغل هنا مرتاح وهناك متعب ,, احنا المشكله عندنا فى قانون العمل ليس الا , اللى هو المفروض يديك حقوقك كعامل ,, على اقل تقدير المقابل المادى المناسب لعمل بتقوم بيه , وده اللى حيتغير ان شاء الله فى الشهور الجايه ,, ده اللى ادى سطوه كبيره للمستثمر انه يطيح فى العماله بحسب اهواءه الشخصيه ,, انما هنا ممكن تقول مفيش قانون عمل صحيح ,, بس المقابل لشغلك الى حد ما عادل

انت عارف ان جو الخليج حر ورطوبه ونار هل ده هيفرق معاك ام لا؟
لا عادى انا من مواليد واحة سيوه :biggrin:

ما هي اللى وجهتك فى اول شهور الغربه والدروس المستفاده منها؟

اللغه البنغاليه :biggrin:
فاشل فيها تماما ,,, ما تدرى صديق انك كده سوى قرقر كتير
بكره تتعود عليها وتنسا اللغه المصريه وكمان تتعلم الهندي
وتكونو علطول سوي سوي قرقر وجد

هل تشعر بحساس الوحده في الغربه ؟ ولماذا
الوحده شعور انسانى مش مرتابط بمكان ,, قد ارتباطه بشخصية البنى ادم نفسه ,, يعنى حتلاقى فى مصر ناس بتحس بالوحده مع انهم مش فى غربه ,, وحتلاقينى مثلا مش حاسس بالوحده مع انى بره مصر ,,, انت قلت احساس والاحاسيس ارتباطها بالنفس اكتر من اربتاطها بالمكان

ماهي اصعب اشياء في الغربه من وجهة نظرك ؟
لما تتعب فى توصيل وجهة نظرك لابن بلدك ,, يعنى تقريبا اغلب المصريين فى الخارج اللى يعرفوه عن الثوره انها مؤامره وخراب للبلد
انا معاك في النقطه دي فعلا كل المصرين في الخارج بيقولو كده وانا كنت واحد منهم بقول انها خراب للبلد بس
رجعتي نفسي وقولت كان لزم يحصل كده من زمان
وعلشان كده اعتمد الرد الرسمى بتاعى علي اى حد يفتح النقطه دى
اسأله : انت بقالك كام سنه هنا ؟
يقولى كذا
اسأله : ليك اولاد او خاطب ؟؟
فى الغال بتبقى الاجابه اه ويختار واحده من الاتنين
طيب ايه سبب انك سبت بلد ك ,, ؟؟
علشان لقمة العيش
اخر سؤال : طيب لما دوله مش قادره توفر ابسط حقوق ناسها ,, المفروض ايه اللى يحصل
فى الغالب بيسكت
وفى ناس بتكمل ,, المهم ان وجهة النظر الى حد ما بتوصل

هل انت العيشه فتره طويل في الغربه؟
انا قلت انها تجربه ,,, حتى لو ناجحه والظروف فى مصر اتصلحت ,, يبقى التجربه فى مصر اولى

ماذا تفعل في اوقات الاجازه؟
انا قاعد فى المدينه المنوره ,, الى حد ما جوها مختلف خالص عن مصر ,, جده اقرب لجو مصر من المدينه ,, بس بتقضيها يعنى ,, ما بين المولات او سهره مع اصحابك او نت لومكسل ,, او عزومه عند حد وساعات بتطلب معاك بالعربيه وع المشايه يا ريس وتعيش :biggrin:

هل فكرت انك تترك الغربه وتستقر في مصر
مش فكرت ,, انا مقرر اساسا ,, ولو الاسئله مش متسجله مسبقا انا واثق انك مكنتش حتسأل السؤال ده علشان اجابتى انها مجرد تجربه
سماعنا كتير عن تجوزات بتحصل بتحصل مع المتغرب ما هي
الطبيعى ان تحصل تجاوزات ,, بس اللى مش طبيعى انك تقبل بيها ,,,
طبيعى انك تلاقى حد مبيحترمكش بس اللى مش طبيعى انك تساعده على كده بسكوتك

رساله لكل شاب عاوز يسافر لبلد غير بلده توصلهاله وتوصف فيها الغربه ونصيحه ؟

لو حتعيش جو (( متبكيش عليا يا اما )) خليك فى بيتك
لو مش حتعرف تحافظ على كرامتك بنفسك خليك فى بيتك
حياتك فى الغربه ماذا تطلق عليها رحله كفاح ؛ولا عذاب؟

حياتى فى مصر كفاح على فكره ,, كفايه كفاحى مع المواصلات يوميا :biggrin:
فالكفاح فى كل مكان موجود ,, انما حكاية عذاب دى ينطبق عليها الاجابه بتاعت سؤالك عن التجاوزات مع المغترب ,, لو حياتك عذاب فى الغربه ده مقبول بس اللى مش مقبول انك ترضى بيها ,, ولو رضيت يبقى متقولشى عذاب لان العذاب مرتبط بالاجبار ,, ومفيش حد حيجبرك انك تتحمل العذاب ده ,, ولو على الرزق فمش انت اللى بترزق نفسك واسأل 6 مليون مصرى كانوا فى ليبيا ....

احساسك ايه وانت نزل لبلدك ؟
مجربتوش لسه ,, بس وانا خارج كان احساس سفريه بعيده شويه ,, بس اللى متأكد منه ان بطاقتى الشخصيه حرجع استعملها تانى
على فكره اخدتها معايا وانا مسافر :biggrin:
والله البطاقه الشخصيه بتاعتي معايا بقالها 3 سنين في ارض
****************** حفت اسبها في مصر حد يستعملها غيري
هههههههههههههههههههههه

يه الموقف اللى تمنيت اهلك يكون معاك فيه ويشاركوك فيه
اكيد وانا بعمل عمره

احكلي لنا موقف حصل معاك اتناء الغربه

اقولك يا سيدى
اخوك كان ممكن يطبق عليه الحد :biggrin:
مبهزرشى والله ,, شوف كنت واقف مستنى واحد صاحبى قدام الماركت دخل يجيب حاجه وخارج
لمحت ورقه متعلقه على الازاز بتاع الماركت مكتوب عليها

(( المحل التقبيل )) :biggrin:

مقدرتش امسك نفسى من الضحك ,, وقلت لازم اصورها ,, لو على جثتى الورقه دى لازم تتصور
وفعلا مسكت الموبايل ووقفت اصور ,,,, صاحبى خرج لقانى ماسك الموبايل وبضحك ,,
ايه يا ابنى فى ايه ,, قلتله شوف
قالى اشوف ايه ؟؟
قات له طب بص وراك
لقيته : يا نهار اسود انت كنت بتصورها ,,
وطبعا الدنيا كانت ليل والازاز جايب كل اللى جوه ,, والهيئه بقى ولو واحد ومراته بيشتروا من جوه ,, يبقى انت بتصور مراته ,, اللى اصلا مش باين حاجه منها ,,,
بس فى الاخر الصوره طلعت جميله
خد شوف واحكم


نتكلم شويه عن الانتخابات

نتكلم ومالو ,, ميضرش
ايه رايك في 10 مرشحين اللي استبعدو من الترشيح؟
من حفر حفرة لاخيه وقع فيها ,, هااا اللى بعده
من هوه اقوي واحد استبعد من وجهه نظرك؟
ابو اسماعيل مش عايزه جدال
انت شايف ان هيكون في عداله في الانتخابات الارئسيه ام لا؟
مع الماده 28 : اشك ,,,,
كان من ايام قليله مظاهره في الميدان علشان تم استبعاد الشيخ حازم صلاح ابو اسماعيل هل معاهم حق انهم يعملو مظاهره ام لا؟
لشخص ابو اسماعيل لآ طبعا ,, انما لو ضد الماده 28 ,, انا معاهم

مين المرشح الاقوي بين المرشحين الموجدين حالا؟
ابو الفتوح
من وجهه نظرك من المرشح اللي مصر محتاجه في الفتره دي وممكن يغير فيها؟
واحد كان حينطبق عليه كل اللى محتاجينه ,,
1- مش اسلامى
2- مش منتمى لاى حزب او تيار وعلى مسافه تقريبا واحده من كل القوى الثوريه ومن رحم الثوره
3- كان حيكون عليه شبه اجماع شعبى
4- عقليه متفتحه
5- علاقات دوليه على اعلى مستوى
6- تجربه ناجحه جدا فى ماليزيا لواحد زيه ,, اللى هو الدكتور مهاتير محمد
هو الدكتور / احمد زويل
بس طبعا اتحفرت الحفره ليه هو كمان فى التعديلات الدستوريه

ندخل شويه عن المنتدي
بحسبك حتقول نبعد شويه فى المنتدى :biggrin:

في الاول اقولك حمدلله علي السلامه لرجوعك المنتدي من تاني؟
الله يسلمك يا حاج

عرفت منتدي بنات مصر ازاي؟
بعد 4 سنين خدمه فى المنتدى تقولى عرفته منين
حعديها يا عم
اتكعبلت فيه وانا مريح فى جوجل ,,, كنت ببحث عن حاجه معينه لقيت فى نتيجه من النتايج فى المنتدى هنا ,, كانت جمله فى موضوع فى قسم النقاش تقريبا ,, عجبنى الموضوع اللى طبعا ناسى عنوانه او صاحبه ,, قفلته وفتحت موضوع تانى فى نفس القسم وهكذا ,, ولو محتاج تعرف القصه كامله حتلاقيها فى موضوع كنت كاتبه زمان اسمه (( سؤال لشباب المنتدى تمنع الفتيات )) او حاجه زى كده ,,
اروح ادور عليه الموضوع ده
ليه اختارت اسم قلم بلاحبر؟
برده ده كتبت عنه موضوع لوحده ,, وكان بسبب عضوه سعوديه استلمنتى من اول ما بدأت اكتب فى قسم النقاش ,, ادخل الاقيها محضره الاعتراض ,, بس كوكتيل بقى من اعتراض على نقاش على استفزاز على رمى كلام ,, فى الاخر رحت كاتب الموضوع ده اقولها وفرى على نفسك ,, انا كنت زمان ممكن اخش معاكى فى الحاجت دى ,, انما دلوقتى انا مفضى القلم من الحبر ,, علشان مش عايزه فى حرب ,, كفايه ان اسمه قلم ,,
وكده كده بكتب بالكيبورد اصلا :biggrin:

ايه سر رجوعك المفاجئه بعد غياب طويل؟
ولا سر ولا حاجه ,, لو تابعتنى حتعرف زى ما فى ناس هنا عارفه ,, انى ماليش مواعيد ,, بروح وباجى زى المطر كده بالظبط (( شفت التشبيه الجامد ده ))
اه زي عندنا في ****************** كده بتشوف فصول السنه الاربعه في نصف ساعه عادي يعني

شوفنا ليك اكتر من موضوع لهم اهميه شويه كنت عوز تخلي قسم قلم الاعضاء علي السياسه فقط ما وجهه نظرك في ذلك؟
برده تانى
الناس فهمت غلط وده اللى حصل فى التعديرت الدستوريه لما نسبة نعم كانت 77 % ,, وفى الغالب عندنا افة التسرع والحكم بناءا عليه ,, انا كل اللى طلبته التركيز فى الفتره المصيريه دى مع نوعية الكتابه اللى توعى اعضاء المنتدى وكل واحد يساهم باللى بيعرف يكتبه ,
حديك مثال ,, فى احتفالات اكتوبر من كل سنه ,, حتلاقى الفنانين والصحفيين والسياسيين والعمال والاطفال ,, وكل فئات الشعب بتساهم فى الاحتفال ,, كل واحد على حسب قدرته او هوايته او تخصصه ,,, يعنى الفنانين فى منهم اللى بيغنى وفى منهم اللى بيمثل افلام عن الحرب وفى منهم اللى بيرسم لوحات عن الحرب ,, والصحفيين منهم اللى بيكتب مقاله ومنهم اللى بيكتب تحقيق ,, السياسيين منهم اللى بيزور قبر الجندى المجهول ومنهم اللى بيحضر احتفالات ومنهم اللى بيشارك القوات المسلحه فى احتفالها باى شكل حسب موقعه وتخصصه , \,,
مقولناش بقى ان مصر كلها بقت 6 اكتوبر ,, لان كل واحد لسه فى مجاله وهوايته زى ما هو
وده اللى قصدته : ان كل واحد حيكتب عن المرحله اللى احنا فيها حسب ما بيحب هو يكتب ,, اللى بيكتب خواطر يكتب خاطره يوعى فيها الاعضاء من حاجه هو شايفها غلط ,, او يشرحلهم باسلوبى الشعرى مزايا حاجه معينه ,, فى ناس بتحب ده وبيوصل ليهم بالسرعه سواء بالعاميه او بالفصحى ,, فى ناس تانيه بيوصل ليهم عن طريق الكتابه الادبيه يبقى يكتب ,, وفى ناس بتكتب شعر يبقى يكتب ,, وفى ناس بتصمم ,, يبقى صمم بوستر عن اللى بيحصب من وجهة نظرك وهاته نناقشه والفكره دى كنت اتكلمت فيها مع ناس هنا فى المنتدى ووافقوا عليها ,, المهم ان كل واحد كان حيساهم فى الشهر ده باللى يقدر عليه ,, وده مش الغاء لنشاط القسم ,, بس تقدر تقول توجيه فى اتجاه لمصلحه انا حسبتها انها واجب علينا كلنا ,, جايز اكون قصرت فى توصيل الفكره للناس ,, وجايز اكون غلطت اصلا فى صياغة الفكره ,, بس المهم انه فضل فى الاخر مجرد اقتراح شخصى ,, مش فرضته على حد

شوفنا اعضاء كتير رفضو الفكره هل ده ضايقك او لا؟
من البدايه ومن عنوان الموضوع نفسه كنت واضح انه مجرد اقتراح ,, لا قلت قرر القسم عمل كذا ولا طلبت من الاعضاء يلتزموا بكذا ,, انا شفت ان ده واجب علينا اننا نعمله ومع ذلك اخدت فيه رأى الناس كون انهم موافقوش فده حقهم ,, بس كان من حقى برده انى اعرض الفكره ,,, اللى اتعجبت منه هى رفض الناس لمجرد عرض الفكره ,, يعنى انت بتديهم فرصة القبول والرفض وهم عايزين يمنعوا عنك حتى حق عرض الفكره ولو فى شكل اقتراح ,, وده اللى خلانى استغرب من هجوم البعض وان حد يتقدم بشكوى ,,, يا اخوانا ده مجرد اقتراح وباخد عليه تصويت يعنى اانتم من حقكم ترفضوا او تقبلوا ,, مش عارف ليه افتكرت الجمله البذيئه بتاعت عمر سليمان (( احنا لسه مش مستعدين للديمقراطيه ))

قولينا ايه الحمله اللي انت عملها رشح نفسك لجنه قلم الاعضاء
ممكن تقول ايه المقصود بلجنه دي وايه المطلوب منها؟
هوه ده المقصود بظبط
لما تلاقى قوانين القسم كامله مش بتطبق ماعدا قانون واحد اللى هو القسم مبنى عليه اصلا ان مفيش موضوع منقول ,, يبقى انت محتاج تفعل قوانين القسم
طيب لو قلت انى حطبق قوانين القسم بكره ,, كام موضوع حيكون مخالف
كتيرررررر
طيب لما تيجى تحذف او تغلق او تنقل موضوع لاى عضوا حيكون رده ايه
قوانين ايه ,, ومين اللى عملها ده فرض وصايه وحنلاقى نفس اللى حصل فى الاستفتاء على الاقتراح بيتكرر تانى فى القوانين ,,
فالحل
اننا منقولشى حنطبق قوانين ,, احنا نخلى الناس تحط القوانين اللى هم شايفيناه مناسبه للقسم ,, وبعد كده نبدأ التطبيق ,, ومش من دماغنا كمان ,, لا حتكون اللجنه موجوده لعرض اى موضوع مخالف عليها وهى تقرر انه مخالف او لا ,,
ومع ذلك فى اعضاء قالت ان القوانين مش محتاج تعديل لقوانينه وفى الاخير بقى الوضع كما هو عليه ,,, ومترشحشى غير عضو واحد بس ,, وبناءا عليه تم وقف اللجنه وانتخاباتها
وحنبدأ ان شاء الله تنفيذ قوانين القسم فى اقرب فرصه بعد التنبيه اكثر من مره على ده

شوفنا عمل الاعلان في كل الاقسام تقريبا ايه السبب؟
بلطجة المراقب العام :biggrin:
ده كان له سبب رئيسى ,, ان فترة الترشح كانت تلات ايام ومحتاج انك توصل لاكبر عدد من الناس فى الوقت القصير ده ,, علشان متقعشى فى غلطة (( انى مكنتش اعرف )) فحبيت انك توصل لكل الناس حتى اللى مبيدخلوش القسم لاى سبب ,, بس كانوا مشاركين قبل كده ,, بنقولهم ان لو كان فى حاجه فى القوانين ضايقتكم وعايزين تساعدوا فى تغييرها تعالوا رشحوا نفسكم
وعلى فكره دى مش اول مره تتعمل ان التنبيه يكون على جميع الاقسام ,, هى بس مش من خصائص المشرف ,, انما من حق المراقب العام فما فوق انه يعمل ده
لان المشرف مختص بقسمه ,, انما المراقب العام مسؤول عن كل الاقسام فتنبيهه لكل الاقسام ,, وده برده سبب تانى

هل مشرفين القسم اللي معاك بتاخد رايهم في اي حاجه انت بتعملها ام لا؟
لا ديكتاتور
يعنى واحد عامل اقتراح عمل عليه استفتاء
جاى يطبق قوانين اقترح ان الاعضاء اللى يحطوها بعد انتخابات
ترجع تقولى بتاخد رأى ,,,
لما الاعضاء رفضوا اقتراحى وانا مشرف القسم (( سيبك من حكاية المراقب العام :biggrin) مقدرتش اقف ضد رغبتهم
ياترى لو الاعضاء اتفقوا على حاجه سواء انا موافق والا لآ ,, وطقم الاشراف اللى معايا كله مش موافق ,, حمشى كلام مين ؟؟؟
فمسألة الاستشاره بقت فى ايد الاعضاء مش فى ايد المشرفين ,,,
وبعدين طقم الاشراف مفيش فيه الا انا وساحر الاحزان ,, وساحر طلبت منه لما نجح كادارى منتخب انه اول نشاطاته تكون فى قسمه بمسابقه كبيره الفايز فيها يكون جايزته اشرافه على القسم معانا لمده محدده ,,,
بس انت عارف ,, احنا برده لسه فاهمين الديمقراطيه غلط ,,, فى اعتى الديمقراطيات فى العالم لو اعتمدوا ان كل حاجه تصويت يبقى ان شاء الله لو حصل حريقه فى مبنى حياخدوا التصويت على انها تطفى بالمايه والا بطفايات الحريق
فى مساحه لازم تكون موجوده فى اى منصب اسمها (( سلطة اتخاذ القرار )) لو دى مش موجوده يبقى كل حاجه حتمشى ببطء شديد ,,,

ايه رايك في سياست الاداره بشكل عام؟
الاجتهاد فى اللى بيعملوه شئ كويس ,,, بس لسه فى كتير ,,,

ممكن تقولي ايه عيوب ومميزات قلم بلا حبر؟
فى موضوع فى يوميات الاعضاء مش عارف لسه شغال والا بطل كان اسمه (( قول رأيك الصريح فى العضو )) ده منه تقدر تشوف عيوب ومزايا قلم بلا حبر ,,, مفيش حد يعرف يشوف نفسه الا فى المرايه وبتشوف نفسك فيها بالمقلوب (( يعنى مش صوره حقيقيه ))

عرف الاعضاء بسطور قليله من هوه قلم بلا حبر؟
حد هوايته الكتابه وموجود فى المنتدى وبيستمتع بان فى عقول زى اللى موجوده هنا بتقدر تقيم ده سواء بالرفض او القبول
قول كلمه لاعضاء المنتدي وخاص الاعضاء الجدد؟
المنتدى مش بيتك (( صدمه مش كده :biggrin: ))
المنتدى مناخ مناسب لعرض هوايتك وافكارك

اخير ايه رايك في الحلقه
فوق الفظيع
ههههههههههههه
تسلم يا سيد علي قبول الدعوه وده شرف كبير لي
ان تكون معايا في حلقه زي ده
تسلم يا غالي

الحبيب








 
قديم منذ /04-27-2012, 09:50 AM   #2

مشرفة سابقة

 

 رقم العضوية : 40527
 تاريخ التسجيل : Jan 2010
 العمر : 28
 الجنس : ~ بنوتة
 المكان : PortSaid_Egypt
 المشاركات : 14,081
 الحكمة المفضلة : انا والكابتشينو .. قصة عشق لن تنتهى ♥/!♥
 النقاط : طمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond reputeطمطم has a reputation beyond repute
 درجة التقييم : 2465427
 قوة التقييم : 1233

طمطم غير متواجد حالياً

أوسمة العضو

وسام افضل ضيف منظم مسابقه افضل رياضه لصحه وسام المركز الثالث لحمله الاعضاء والمشرفين وسام النشاط الاشرافى 283 134 

افتراضي

حلقة حلوة اووى ي محمد
مع ضيف مميز
واجابات رائعة
تسلم ع المحهود الجميل
تحيــــــــــاتى







 
قديم منذ /04-27-2012, 12:05 PM   #3

مميزة قسم الأقلام

 

 رقم العضوية : 6870
 تاريخ التسجيل : Sep 2008
 العمر : 33
 الجنس : ~ بنوتة
 المكان : مصر أم الدنيا
 المشاركات : 4,058
 النقاط : yasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond reputeyasmine refat has a reputation beyond repute
 درجة التقييم : 68088
 قوة التقييم : 35

yasmine refat غير متواجد حالياً

أوسمة العضو
افتراضي

اقتباس
مشاهدة المشاركة المشاركة الأصلية كتبت بواسطة واد حبيب

احكلي لنا موقف حصل معاك اتناء الغربه

اقولك يا سيدى
اخوك كان ممكن يطبق عليه الحد :biggrin:
مبهزرشى والله ,, شوف كنت واقف مستنى واحد صاحبى قدام الماركت دخل يجيب حاجه وخارج
لمحت ورقه متعلقه على الازاز بتاع الماركت مكتوب عليها

(( المحل التقبيل )) :biggrin:

مقدرتش امسك نفسى من الضحك ,, وقلت لازم اصورها ,, لو على جثتى الورقه دى لازم تتصور
وفعلا مسكت الموبايل ووقفت اصور ,,,, صاحبى خرج لقانى ماسك الموبايل وبضحك ,,
ايه يا ابنى فى ايه ,, قلتله شوف
قالى اشوف ايه ؟؟
قات له طب بص وراك
لقيته : يا نهار اسود انت كنت بتصورها ,,
وطبعا الدنيا كانت ليل والازاز جايب كل اللى جوه ,, والهيئه بقى ولو واحد ومراته بيشتروا من جوه ,, يبقى انت بتصور مراته ,, اللى اصلا مش باين حاجه منها ,,,
بس فى الاخر الصوره طلعت جميله
خد شوف واحكم


نتكلم شويه عن الانتخابات




:biggrin::biggrin::biggrin::biggrin::biggrin::bigg rin::biggrin::biggrin::biggrin::biggrin::biggrin:: biggrin::biggrin::biggrin:


سيد التقبيل مش معناها تقبيل محدش بيبوس محلات هنا مش للدرجاتي:biggrin:

معناها ياسيد محل للبيع :biggrin:

وعلى فكره لو تكلمت عربي مع الهنود هيفهموك هما في بلدهم مابيتكلموش كده اكيد انت عارف :biggrin:

دي طريقتهم في تفهيمك وهما هيفهموا عربي

بس تصدق الواحد فعلا مابيخدش بالوا وتلقي بيتكلم معاهم انت واحد نفر

ليه في قرقر كتير مافي فهم انت

بابا حاج انا خاصم انا وقرقر كتير على راس انا:biggrin::biggrin::biggrin:

كلمهم عربي يابني هيفهموا:biggrin:

وبعدين الشوارع نظيفه !!!

انا مرحتش من زمان المدينه فيمكن بس هنا في مكه شوارع بيجيلك نفس تنزل تكنسها بنفسك:biggrin:

منور يا سي سيد وربنا يعينك على الغربه







 
قديم منذ /04-27-2012, 12:30 PM   #4

مشرف يوميات الإعضاء سابقا

فيلسوف الاحساس

 

 رقم العضوية : 67567
 تاريخ التسجيل : Mar 2011
 الجنس : ~ رجل
 المكان : قلمي
 المشاركات : 7,482
 النقاط : كبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond reputeكبرياء رجل has a reputation beyond repute
 درجة التقييم : 196059
 قوة التقييم : 99

كبرياء رجل غير متواجد حالياً

أوسمة العضو

وسام النشاط الاشرافى 257 185 

افتراضي

بصرحه الحلقه مميزةه جدا وشامله
عن عضو في منتدانا مميز وراقي
قلم يملك الكثير من الحبر
ومن جمال وحسن مواضيعه المميزه
هنا شاهدته ايضا خفيف الظل
واعادك الله اخي ﻻرض الوطن بخير
دمت بحضور مميز

حلقه جميله منك الحبيب
كانت شامله ما بين الغربه واﻻنتخابات والمنتدى

اشكركم دمتم بتميز

تحياتي







 
قديم منذ /04-27-2012, 06:35 PM   #5

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي

اقتباس
مشاهدة المشاركة المشاركة الأصلية كتبت بواسطة طمطم
حلقة حلوة اووى ي محمد
مع ضيف مميز
واجابات رائعة
تسلم ع المحهود الجميل
تحيــــــــــاتى

الله يميزك يا رب

شكر الله سعيك :biggrin:

نورتى

تحياااااااااااااااااااااااااااااتى""""""""""







 
قديم منذ /04-27-2012, 06:39 PM   #6

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي

اقتباس
مشاهدة المشاركة المشاركة الأصلية كتبت بواسطة yasmine refat
:biggrin::biggrin::biggrin::biggrin::biggrin::bigg rin::biggrin::biggrin::biggrin::biggrin::biggrin:: biggrin::biggrin::biggrin:


سيد التقبيل مش معناها تقبيل محدش بيبوس محلات هنا مش للدرجاتي:biggrin:

معناها ياسيد محل للبيع :biggrin:

وعلى فكره لو تكلمت عربي مع الهنود هيفهموك هما في بلدهم مابيتكلموش كده اكيد انت عارف :biggrin:

دي طريقتهم في تفهيمك وهما هيفهموا عربي

بس تصدق الواحد فعلا مابيخدش بالوا وتلقي بيتكلم معاهم انت واحد نفر

ليه في قرقر كتير مافي فهم انت

بابا حاج انا خاصم انا وقرقر كتير على راس انا:biggrin::biggrin::biggrin:

كلمهم عربي يابني هيفهموا:biggrin:

وبعدين الشوارع نظيفه !!!

انا مرحتش من زمان المدينه فيمكن بس هنا في مكه شوارع بيجيلك نفس تنزل تكنسها بنفسك:biggrin:

منور يا سي سيد وربنا يعينك على الغربه

ايه شوية البنغالى اللى بترطمى بيهم دول يا حاجه

شكلك متودكه فى الليله دى :biggrin:

اما بخصوص الكلام العربى ,, بكلمهم مصرى عادى الاقى الواحد يهز دماغه ويقولى (( ما فى معلوم صديق ))

طبعا انتى عارفه الــ (( معلوم عندنا ايه ))

لما تكونى رايحه تخلصى ورق من اى مصلحه حوميه لازم تقبى بالمعلوم علشان تنجزى وتخلصى :762:

اتريه بيقولى مش فاهم ,, اه يا ولاد الذين

اما بخصوص النظافه ,, فدى حقيقه فكرى انك تطلعى تأشيره وتنزلى المدينه حتلاقيها زى ما بقولك كده بالظبط (( على اساس انك قاعده فى اليمن :biggrin: ))

نورتى وشرفتى ومنجيش ليكى فى حاجه وحشه قادر يا كريم

تحيااااااااااااااااااااااااااتى"""""""""""







 
قديم منذ /04-27-2012, 06:44 PM   #7

حـكايـه حـياه

 

 رقم العضوية : 50632
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 61,654
 الحكمة المفضلة : ان فعلت شىء يسعد غيرك فلا تحزن ولا تنتظر المقابل لصنعك
 النقاط : ساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond reputeساحر الأحزان has a reputation beyond repute
 درجة التقييم : 2402240
 قوة التقييم : 1202

ساحر الأحزان غير متواجد حالياً

 

 

 

 

 

MY MmS

أوسمة العضو

مسابقه الحج تالت تكريم من دمعه حائره والاعضاء 16 137 73 مسابقه القلم المميز 16 وسام التوقع الصحيح للتصفيات النهائية لشخصية العام  وسام التوقع الصحيح لـ تصفيات شخصية العام2015 وسام الاحساس الصادق فورم جود تالنت موسم رابع 

افتراضي

حلقة جميلة حبيب مع الاخ العزيز قلم

اتكلم فيها زى ما تعودنا منة

بكل صراحة وتوضيح

وانا بقلة نورت المنتدى

وقسم الاقلام بجميل تواجدك

وجميل نشاطك بيننا

اتمنى لكم دوام التوفيق







 
قديم منذ /04-27-2012, 07:36 PM   #8

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي

اقتباس
مشاهدة المشاركة المشاركة الأصلية كتبت بواسطة كبرياء رجل
بصرحه الحلقه مميزةه جدا وشامله
عن عضو في منتدانا مميز وراقي
قلم يملك الكثير من الحبر
ومن جمال وحسن مواضيعه المميزه
هنا شاهدته ايضا خفيف الظل
واعادك الله اخي ﻻرض الوطن بخير
دمت بحضور مميز

حلقه جميله منك الحبيب
كانت شامله ما بين الغربه واﻻنتخابات والمنتدى

اشكركم دمتم بتميز

تحياتي

الجميل هو ردك وذوقك

اخجلتم تواضعنا والله :biggrin:

يلا بقى مش عارفين نقوم معاك بالواجب فى قسمك

مش حينفع اقولك منور ,, ده احنا ضيوف عندك

بس اقولك ,,,, شكر الله سعيك :biggrin:

تحيااااااااااااااااااااااااااتى""""""""""""







 
قديم منذ /04-27-2012, 07:37 PM   #9

مشرف سابق
 

 رقم العضوية : 6075
 تاريخ التسجيل : Aug 2008
 العمر : 41
 الجنس : ~ رجل
 المشاركات : 3,295
 النقاط : قلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond reputeقلم بلا حبر has a reputation beyond repute
 درجة التقييم : 64584
 قوة التقييم : 33

قلم بلا حبر غير متواجد حالياً

إرسال رسالة عبر Yahoo إلى قلم بلا حبر

أوسمة العضو

تكريم أدارى درع التميز 162 

افتراضي

اقتباس
مشاهدة المشاركة المشاركة الأصلية كتبت بواسطة ساحر الاحزان
حلقة جميلة حبيب مع الاخ العزيز قلم

اتكلم فيها زى ما تعودنا منة

بكل صراحة وتوضيح

وانا بقلة نورت المنتدى

وقسم الاقلام بجميل تواجدك

وجميل نشاطك بيننا

اتمنى لكم دوام التوفيق

قسم الاقلام لولاك انت وسما كان زمانه زى قسم البورصه بالظبط :biggrin:

منور والله يا امجد

تحياااااااااااااااااااااااااتى"""""""""""""







 
قديم منذ /04-28-2012, 08:24 AM   #10

عضويه سوبر
 

 رقم العضوية : 10497
 تاريخ التسجيل : Jan 2009
 العمر : 34
 الجنس : ~ رجل
 المكان : السعودية
 المشاركات : 8,481
 الحكمة المفضلة : كن ارقى من ان تجمع ذنوبا مصدرها الحديث عن الناس !!
 النقاط : ŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond reputeŌиĹч.Ḿё has a reputation beyond repute
 درجة التقييم : 794640
 قوة التقييم : 398

ŌиĹч.Ḿё غير متواجد حالياً

 

 

 

 

 

أوسمة العضو

اول اكثر المشرفين السابقين مشاركة 

افتراضي

ههههههههههه حلوة الحلقة دى والله يا سيد انت شخصية بجد تتحب
ويارب تنزل بالسلامة بقا وربنا يسترهاا معاك

تسلم يا حبيب برنس الافكار ديما يا لوز اللوز
احترامتى

اونلى







 
 

الكلمات الدلالية (Tags)
المراقب, العام, الغربه, ابنائنا, بلا, حلقه, حبر, جديد, ومعانا, قلم

« رجعنا تانى والمرة دى مع ملف لوجى | {طفوُلـہ ξـضوُ/هـ ، وذكرى طفوُلـتـه/هآ .}~ >> ومعـآنــآ Beauty Soul »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
حلقات برنامج ( ابنائنا في الغربه ) واد حبيب أرشيف برامج اليوميات 835 04-17-2012 01:27 PM
الحلقه 8 من حلقه نار ومعانا حلقه من خيار وطماطم وفلافل يعنى بالشطه ........ Dr.nour أرشيف برامج اليوميات 16 06-21-2010 07:24 PM

مجلة الحلوة / مذهلة

الساعة الآن 12:37 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩