ايه ياأنسه معندكيش اخوات صبيان ؟ ياأنسه ترضي يحصل في أخوكي كدا ؟

[Marwan1337]

في زمن معاكسة البنات للشباب


يا آنسة.. ترضى يحصل في أخوكي كده؟
“معندكيش أخوات ولاد”.. “ترضى يحصل في أخوكي كده”.. “انتي فاكره ولاد الناس لعبة؟”
لم تعد البنات هن اللاتي يشتكين فقط من معاكسة الشباب لهن، ففي زمن العجايب تبدل الحال، وأصبحت البنات هن من يعاكسن الشباب!
حجج المعاكسات




يقول، خالد إبرهيم،21عاماً: “كنت ماشي في الشارع، لقيت شله بنات قربت مني، واحده منهم قالتلي عاوزه أتصور معاك، أنا أستغربت من الموقف، وعندما سألتها عن السبب، قالتلى عشان أصحابي يعرفوا انى بعرف ولد وسيم، ومن بعدها بقينا أصدقاء”.




إما أحمد مسعد، 22عاماً، يقول ضاحكاً:” كنت ماشي في الشارع مع أختي، وكان ماشي ورانا شلة بنات فضلوا يعاكسوني بكلام (الله أنت قمر)، والتانية تقول (أيه اللى أنت ماشي معاها دى أنت أحلى منها بكتير.. سيبك منها) وثالثة تقول: (مش تنقى في اختيارك)”.
ممكن تليفونك؟


ويروي عمرومصطفى، 26عاماً: “كنت نازل من بيتي بدري ولما لقيت الجو دافئ خلعت البلوفر، قابلتني شله بنات، واحدة منهم قالت للتانيه وهى بتبصلي “الجو حر مش كده يعني”، لقيت التانية بترد عليها وهى بتبصلي برضه “لا ده الجو عسل أوى”.. ضحكت ومشيت”.




ويضيف محمد طارق، 24عاماً: “كنت راكب المترو، وكانت بنت قاعدة قدامي، كانت تنظر لي نظرات غريبه كأنها تعرفني، في أول الأمر قولت عادي بتشبه عليا، بعد ذلك لقيتها بتقرب مني وبتطلب رقم تليفوني، طبعاً أندهشت جداً من الموقف، ورفضت أعطيها رقم تليفوني، وتركتها ونزلت”.




أما عمرو أحمد، 23 سنة، فيقول: “كنت راجع من الشغل لا بيا ولا عليا، عديت من جنب 3 بنات سنهم حوالي 17 أو 18 سنة، فواحده منهم قالت “بس زي القمر”، التانية قالتلها “تصدقي فعلا علي زي القمر بس هو شايل شنطه ليه”، أنا عملت مش واخد بالي، قامت التالته قالتلي “على فكرة بيقولو عليك أنت”، لفيت وقالتلها “منا عارف”، فردت سألتني “هو أنت مش مرتبط؟”، شورتلها بايدي “لا”، قالتلي طيب إيه مش هنقضيها تليفونات، روحت مشوارلهم “لا”، وسيبتهم ومشيت”.




الإعلام وتأخر سن الزواج
الدكتور عمرو أبو خليل، استشاري الطب النفسي، يقول عن أسباب انتشار معاكسة البنات للشباب: “الإعلام هو المسئول الأول عن تلك الظاهرة من خلال ما يعرضه في الأفلام وعبر المسلسلات، حيث تظهر البطلة في صورة بنت متحررة وجريئة، فتكون هي البنت المحبوبة والمقبولة والمودرن، أما البنت الخجوله فهي موضة قديمة، مما جعل معظم البنات يلغون عقولهم ويبدأون في تقليد صورة البنت المتحررة، مما أنتج هذه الصورة”.
أما الكاتبة والمستشارة الاجتماعية نجلاء محفوظ، فترى أن تأخر سن الزواج جعل بعض البنات في سن المراهقة متخوفين، فتبدأ هي بالبحث عن عريس لنفسها، أو تلفت انتباهه بأي طريقة، مستخدمة أساليب المعاكسات.



كل واحد يقول بقى حصل معاه كده ولا لا ؟؟

[тoкα..♥]

موضوع حلو
وبتفكير آي بنت هطله يعني آن هي كدآ بتلفت آلنظر عشآن آتآخرت ف آلزوآج !
عمومآ آلبنت آللي معندهآش حيآء من وجهة نـظري متبقآش بنت
لآن آلحيآء شعبه من شعب آلآيمآن ولآ يآتي آلآ بخير
وعلى فكرة رغم آني بنت بس شوفت آلمنآظر دي كتير آيآم آجآزتي ف مصر
حآجآ كدآ يدمع ليهآ آلقلب قبل آلعين
وآلله كآنو وآقفين ع آلنآصيه وآي ولد رآيح وجآي يصطآدوه !
مطلبنآش من آي بنت تكون مريم آلعذرآء عشآن مش هينفع ومبقآش
بس بردو آلآنفتآح آلكلي دآ وحش وعوآقبه سيئه جدآ عليهآ آولآ وعلى آسرتهآ وكل آللي تقربلهم بعد كدآ
وفي نآس بتآخدهآ على محمل آلهزآر بردو وآي ولد ف آلشآرع تشوفو هي وصحآبهآ
آلله بصي دآ آمور آزآي
دآ عنيه لونهآ معرفش آي
عن نفسي بتضآيقني آلحركآت دي جدآ
آكـيد مش بتصنع آلمثآليه وفيآ عيوب آد كدآ
بس متوصلش بيآ آلجرآه آني آعآكس شبآب !
ع آلعموم ربنآ يهدينآ ويهدي آلجميع
شكرآ للموضوع ,, آحترآمي

[Marwan1337]

كـلامك 100% ولله

انتـى صـح

اخـترتـى صـح d:

[ياسمينااا]

موضوع جميل جدا
اكيد شفت مناظر ذي كدا
بس صعب جدا ان البنت تعاكس ولد
المفروض البنات بتبقي عندها حياء
الحياء شعبه من شعب الايمان
واللي بتتخلي عن حياءها
وبتعمل كدا اكيد مش تبقي بنت
ربنا يهدي الجميع يارب
تسلم ايدك
تحياتي

[Marwan1337]

تـمام يـا يـاسميـنا

اخـترتى صـح ^^

[!دلوعها وكلمتها مسموعة!]

موضوع حلو ومميز
وبيناقش قاضية وظهارة هامة
اولا دول بنات مش محترمين
انا بقى كنت ماشية مع اخى والبنات بيعاكسوه
مش فاهمة ازى
وبعدين اتين الى كانوا بيعاكسوا وقفنا
وقالتلى انتى مين
استغربت وقالتها اختة
قام التانية سالتة انت مرتبط قالها لا
قالتة انت امور اوووووى
وانت فى سنة كام
سبنها ومشينا
ههههههههههههه
يعنى البنات اتجنت على الاخر

[أحمد الخزرجى]

موضوع جميل جدا
اكيد شفت مناظر ذي كدا
تسلم أحى على الطرح

[αЛαstoOorα]

ههههههههههااااي ،،

بلاش آنا عشان آنا موضوعي كبير :/)

بس من الآخر وعلى بلاطة ..البنات دلوقت زي الشباب بالظبت فـ معظم الآمور اللى زي دي ،

بس لعلمك التحليل بتاع نجلاء محفوظ والمستشار عمرو دا مش مقتنع بيه آوي هو ممكن تكون في حالات كدا..

آنما آنا وجهة نظري شيئ تاني خالص ..وهي ..آنك كا شاب لما بتيجي تشوف بنت فيها حلاوة واناقة وقوام جميل

بتشدك كا شاب ..فـ ممكن تقع عنيك عليها فـ تلاقي نفسك شوفت حاجة حلوة بجد كدا فاهم ؟ :biggrin: غصب عنك

تلاقيك لازم ولابد تعاكسها يا تقولها كلمتين حلوين كدا يحسسوها بآنوثتها المتبعطرة فـوق الاسفلت دي :/)

وبرضه يرضوك كا انسان اتشديت لجمالها وعاوز تقول الله البت دي جميلة ..فا طبعاً مش هتقولها فـ سرك يعني

فا بتعمل ايه آنت؟ بدل ما تقول الله البت دي جميلة فى سرك ..تقوم قايل فـ وشها اللى نفسك فيه ولو انت غتت هتغلس :/)

هما كا بنات زي الشباب بالظبت ؟ زي ما آنت بتشوف واحدة بتعجبك ..هي كمان ممكن تشوف شاب ويعجبها

زي ما انت بتبص للجمال وللآناقة وللقوام ..هي كمان بتبص لجمالك وآناقتك وقوامك ..لكن الآختلاف هنا

آنـ فيه بنت متربية ؟ فـ بتمسك نفسها وتكتفي بنظرة دباحه كدا بنص طرف عنيها وتعمل فيها الـ يعني مش بتبصلك كككك

وفيه بنت مش متربية ..فـ تلاقي عنيها مكشوفة وجريئة ومش فارقة معاها ,,وتقوم ظرفالك الكلمتين اللى فـ زورها وش كدا ..

آما الشاب تنعكس عليه حكاية التربية دي ..لآن الشباب الله يكون فـ عونها واللهي ...والبنات الله يخربتها :/)

بس كدا يامعلم هي دي رؤيتي الخاصة للموضوع ..وعارف آنها ممكن متعجبش ناس كتير بس يلا

كله بالحنيه بيفوك ههههه
سلااااام

[Marwan1337]

هههههههههه

عـندك حـق

اخـترت صـح ^^

[۩۩ elMagic ۩۩]

ههههههه
موضوع جميل
فعــلا انا شوفت كده
دا حتى عندنا فى الجامعه طالبه من الدفعه
كل يوم ماشيه مع طالب مختلف
معندهاش حياء ولا محترمه انوثتها
بايعه نفسهـا كده ومش همها حاجه
دا ناتج عن البيئه الفاسده اللى خرجت منهــا
تسلم على موضوعكـ مروان
احترامــى