نص حاله

[شقاوة احاسيس]

نص حــــالة

بحس دايماً ان كل اللي حواليا عايشين نص حالة

نص فرحة , نص ضحكة , نص إبتسامة


في عنيهم نظرة عدم رضا بس ماعرفش عدم رضا عن مين

نفسهم
ولا اللي حواليهم
ولا افعالهم اللي بيسموها الظروف


نص الحالة دا دايماً مع الحاجات الحلوة
انما الحاجات اللي بتزعل بتاخد حقها اوووي معانا


على طول زعلان اووووي
و مكتئب اووووي
و زهقاان اووي


انما الفرحة بنقسمها
زي ما نكون مش ضامنين تيجي تاني
فـ بنخبي نصها لوقت تاني

مش بندي لنفسنا فرصة نفرّح قلبنا للآخر


لو حاجة ضحكتنا من قلبنا نخاف و نقول خير اللهم اجعله خير


ولو الضخكة غلبتنا و أخدت حقها مننا لازم نختمها بدمعة
و نقول دمعت من كتر الضحك


..





عندي اقتناع تام
اننا عايشين نص عيشة

و دا عشان فعلاً مش بنعمل اللي المفروض يتعمل

ماهو ربنا خلق كل واحد فينا عشان هدف يحققه طول حياته
و حاجة يوصلها و يفيد بها نفسه والناس

و بما اننا عايشين اليوم بيومه و مش بنحدد هدفنا صح
ولا في دماغنا حاجة نوصلها
فـ عشان كدا عايشين و مش راضيين

هاتحس بالرضا عن نفسك
لما ترجع شريط يومك و تفتكر اللي عملته
وتلاقيك حققت جزء من حاجة المفروض ان ربنا خلقك أصلا عشان تنفذها كاملة
!!

و طبيعي هاتصحى تاني يوم تكمل باقي هدفك
بنفس راضية
نفس عايزة تعيش عيشة كاملة
و ماترضاش بنص عيشة
..

ماتسيبش قلبكـ يرضى ويتعوّد على نص حالة

[فراشة حبنا]

ده الطبيعى فى الحياه
لانو مافى شئ بيكمل
مثلا الانسان لم بيفرح
بيخاف ىنو عارف ان هنتهى بحزن

[Marwan1337]

تـسـلمـو ^^

[رووكه]

فعلا احنا عيشين بنص حاله

خوف اننا نفرح والفرحه مش تكمل وده بيحصل كتير

نخاف نصدق وعد وفى الاخر عارفين انه مش هيتحقق

بس بنصبر القلب ان فيه أمل يمكن وكلمه يمكن

بتهون علينا كيتر علشان نقدر نستنى بكره وتكمل الفرحه وتتحقق الوعود

بس هقولك محدش بباخد غرضه كامل فى الدنيا

لازم نمشى بنص حاله ضحكه ..وعد ..فرح


تسلمى على طرك القيم

[شقاوة احاسيس]

اقتباس المشاركة الأصلية كتبت بواسطة فراشة حبنا ده الطبيعى فى الحياه لانو مافى شئ بيكمل مثلا الانسان لم بيفرح بيخاف ىنو عارف ان هنتهى بحزن

عندك حق ياقلبى
نورتى التوبيك

[شقاوة احاسيس]

اقتباس المشاركة الأصلية كتبت بواسطة !! WhiTe AnGel !! تـسـلمـو ^^

يسلم وجودك نورتنى

[شقاوة احاسيس]

اقتباس المشاركة الأصلية كتبت بواسطة روكه2 فعلا احنا عيشين بنص حاله خوف اننا نفرح والفرحه مش تكمل وده بيحصل كتير نخاف نصدق وعد وفى الاخر عارفين انه مش هيتحقق بس بنصبر القلب ان فيه أمل يمكن وكلمه يمكن بتهون علينا كيتر علشان نقدر نستنى بكره وتكمل الفرحه وتتحقق الوعود بس هقولك محدش بباخد غرضه كامل فى الدنيا لازم نمشى بنص حاله ضحكه ..وعد ..فرح تسلمى على طرك القيم

صدقتى روكه مااجمل تعبيرم
نورتى التوبيك واسعدنى وجودك

[booody99]

فــعلاً موضوع رائــع جــداً وقــيم

سلمت الأيادي على الطرح المميز

ويـــارب دوام الأبــــداع والتـــميز

كــل التــقـديـر والأحتـــرام

[mahmoud makady]

nice words

[شقاوة احاسيس]

اقتباس المشاركة الأصلية كتبت بواسطة booody99 فــعلاً موضوع رائــع جــداً وقــيم سلمت الأيادي على الطرح المميز ويـــارب دوام الأبــــداع والتـــميز كــل التــقـديـر والأحتـــرام

تسلم بودى نورتنى ونورت التوبيك