عريس فى الباص x باص فى عريس

[Sєяєєη●•ʚɞ]

ازيك يا جماعه
اخباركم
:198:

مش عارفة نبدأ منين بس هو موقف حصل النهاردة غريب:biggrin:
لما تكونى فى امان الله راجعة م الشغل وراكبة باص وتلاقى طنط كدة جت ركبت جنبك
البنتين اللى ورا اتكلموا عن الطبيخ
فطنط دى رمت ودانها معاهم
ودخلت نفسها فى الكلام وقالت والله شاطرين انكم بتطبخوا
البنت ردت وقالت لا دى حرقت الاكل:762:
فطنط قالت مش مهم اتعلموا فى بيت ابوكم بدل اما تتعلموا فى بيت جوزكم
ابوكم هيستحمل لكن جوزكم لا
ردوا عليها وقالوا
لا جوزنا كمان يستحمل
فأنا ضحكت براحة كدة وقلت فى بالى اة يستحمل طبعا وماشاركتش فى الحوار
لاقيت طنط دى بصتلى وقالت وانتى بتعرفى تطبخى بردوا و انتى ساكتة كدة " علشان كانت عاوزة ترغى اول اما قعدنا وتقولى الباص من غير ستارة وانا رديت عليها كلمتين ونص "
قلتلها اة بعرف حاجات وقلت فى بالى " الله يكون فى عونه بقا " :762:
لقتها فتحت قصة حياتها بقا
هى وولادها وبناتها واشتغلت رغى
وانها بتتدرب فى الكلية عندنا
قلتلها عندنا طب كويس
المهم لاقتها فى الاخر
مطلعه اجندة كدة وبتقول
ماتجيبى نمرتك
استغربت
فقلتلها ليكى بنات بيدروسوا فى الكليه عندنا " ع اساس انها مثلا عاوزة توصى عليهم علشان كدة عاوزة النمرة "
قالتى لا
هقولك بصراحة
انا من ساعه ماشوفتك وانتى عجبانى وارتحتلك وقلت لازم اكلمها وبصراحة هجيبلك عريس
انا من الصدمة ضحكت
ههههههههههههههه
وقلت فى بالى " ايه الهبل دة " ايه نظام الخاطبة دة ؟:biggrin:
لاقتها مطلعالى اجندة كدة
وبتقولى اصل انا عندى عرسان كتير
وفى ناس بتطلب مواصفاتك دى
ضحكت اكتر قلت ايه مواصفاتى دى ههههههههههه "حسستنى انى تلاجة بكتالوج :biggrin:
قالتى وهقولك كمان مواصفاته
ضحكت اكتر ومش لاقيه رد ولا عارفه اقولها ايه !!
وكان نفسى اخرج م الموقف دة باى شكل
للحظ بقا التليفون رن فى الوقت دة
لاقتها دكتر فارما
بتتصل فى وقتها:762:
تانى مرة نتكلم فون
بقولها مين "لان النمرة غريبه "
قالتى انا صافى
قلتلها مين هاجر
ازيك ياهاجر
تصرخ وتقول صافى
اقولها مين سمر :762:
كنتى وحشانى والله ياسمر
كنت متلخبطة جدا ولا مركزة اصلا
تقولى انتى فين اقولها انا قربت اوصل وركبت الباص وكان نفسى اقولها تعالى خدينى يابنتى
وبصراحة كان نفسى مكالمة صافى ماتخلصش
وماصدقت عملت التليفون حجة ونزلت م الباص وانا بتكلم وهربت من طنط دى بإعجوبة:762:
عجبكوآ تصرف طنط دى!!!!
و انتم فى الموقف دة كنتم هتتصرفوآ ازاى ؟
وانتوا مع شغل الخاطبة دة
:079:
مابحبهوش بصراحة ؟

[سهرالليالى]

والله يا بنتى ياما حصل و كنت اعد زى الهبله
طيب احكيلك على حاجه
قبل ما اتجوز بسنتين
كنت مشتنيه الاتوبيس بتاع المرغنى فا من كتر الشمس
قعدت على المحطه و كانت اول مرة فى حياتى
اعد على المحطه
هههههههههههههههههههه
لاقيت واحد قعد جنبى بيقوللى السلام عليكم
طبعا مرديتش
لانه من كتر الشمس مكنتش شايفه قصادى
لقيته بيقوللى ممكن نمرة والدك يا انسه
قلتله انا
قاللى اه
قلتله ليه
قاللى عاوز اكلمه
قولتله انت تعرفه
قاللى بصراحه عاوز اطلب ايدك منه
فضلت اعيط
و الناس اتلمو قالولى فى ايه
قلتلهم مفيش
و اخيراااااااااااااااااااااااا الاتوبيس جه
فضلت اعيط لحد ما روحت البيت
و ماما و اخواتى ضحكو عليا ضحك
ههههههههههههههههههههههههههه
يوم ما انساهوش
لحد دلوقتى معرفش كنت بعيط ليه
ههههههههههههههههههههههههههههه

ابقى اعزمينا بقى على الفرح بتاع طنط
بس موضوع جميل يا قمر

[براءة حلم]

:762::762::762::762: بصراحه موقف صعب جدا
ماادري بس افتكر شي طبيعي مافيها شي وقت قالت ان في لك عريس
كان ممكن تردي انا موش بفكر بالجواز الان
بس ده موقف متكرر وخصوصا مع الحريم الكبار يحبون يخدمون

[Sєяєєη●•ʚɞ]

هههههههههههههههههههههههههههههه

طب عيطتى ليه ؟؟
هههههههههههههههههههه
انا المواضيع دى بتقلب معايا ضحك
وماتفكرنيش بطنط دى !!
نورتى كتييييييييييييييييييييييييييييييير

[SplendiD SouL]

هههههههههههههههههههههههه وربنا عسل مبروك ياسيرو يلا فرحتلك اوي من قلبي
مش كنتي تحطي مواصفاتك انتي كمان كنتي تطلبي دلفيري
:762::762:

هي حكاية الخاطبه دي عامله بالظبط زي بتاع الدلفيري بتطلبي الاكل اللي انتي عاوزه علي مزاجك
وهوه بيوصله لحد البيت وبعديه يايطلع الاوردر غلط وتخليه يرجع بالاكل تاني ياما يطلع الاكله بتاعتك وفي كلتا الحالات هيجي مغص من الاكله دي بالذات :biggrin:
مش عارفه اكيد كنت هتلخبط زيك كدا او مش ارد عليها واسيبها وامشي زي مابعمل مع طنط الرخمه
صاحبة ماما كل ماتشوفني تقولي انا لازم اجيبلك انا العريس وتقولي فلان مش عارفه مين كان بيدور علي عروسه اقولها وربنا يطنط انا مش بفكر دلوقتي ومش هتجوز كدا تقولي كل البنات بتقول كدا بس شوفيه هيعجبك وشغل بتاع زمان دا
ويشوفك اقولها هوه بيختار بطيخه :762: وبس بقي وااطنشها واقوم
يلا يلا ها اختارتي ايه بقي واحد لونه فستقي :biggrin:

والله موقف زي الفل

[Sєяєєη●•ʚɞ]

اقتباس المشاركة الأصلية كتبت بواسطة براءة حلم :762::762::762::762: بصراحه موقف صعب جدا ماادري بس افتكر شي طبيعي مافيها شي وقت قالت ان في لك عريس كان ممكن تردي انا موش بفكر بالجواز الان بس ده موقف متكرر وخصوصا مع الحريم الكبار يحبون يخدمون

هو انا كنت عارفه افكر اصلا هههههههههههه
انا ماحبتش الموقف والطريقه نفسها
وحتة مواصفاتى ومواصفاتة الموضوع مش عرض
نورتينى كتير

[كبرياء رجل]

طب والله فيها الخير
جيبالك اجنده عرسان
واحده غيرك هتمسك فيها بايديها وسنانها
هو حد ﻻقي عرسان اليومين دول
هي الفرصه بتيجي للشخص مره واحده في العمر
وانتي. معرفتيش تستغليها
اديكي كلمتي فارما لو عرفيتها الموضوع
كانت قالت لك
طب اديني رقمها
وضربت زغروته كمان
يلا ملكيش نصيب
متبقيش تطلعي من البيت كتير
استني بعد ما اﻻمور تهدأ

منوره القسم سيرين
وبجد موقف محرج جدا
وكويس انك عديتي منه بسلام
دمتي بخير
تحياتي

[Sєяєєη●•ʚɞ]

اقتباس المشاركة الأصلية كتبت بواسطة Beauty Soul هههههههههههههههههههههههه وربنا عسل مبروك ياسيرو يلا فرحتلك اوي من قلبي مش كنتي تحطي مواصفاتك انتي كمان كنتي تطلبي دلفيري :762::762: هي حكاية الخاطبه دي عامله بالظبط زي بتاع الدلفيري بتطلبي الاكل اللي انتي عاوزه علي مزاجك وهوه بيوصله لحد البيت وبعديه يايطلع الاوردر غلط وتخليه يرجع بالاكل تاني ياما يطلع الاكله بتاعتك وفي كلتا الحالات هيجي مغص من الاكله دي بالذات :biggrin: مش عارفه اكيد كنت هتلخبط زيك كدا او مش ارد عليها واسيبها وامشي زي مابعمل مع طنط الرخمه صاحبة ماما كل ماتشوفني تقولي انا لازم اجيبلك انا العريس وتقولي فلان مش عارفه مين كان بيدور علي عروسه اقولها وربنا يطنط انا مش بفكر دلوقتي ومش هتجوز كدا تقولي كل البنات بتقول كدا بس شوفيه هيعجبك وشغل بتاع زمان دا ويشوفك اقولها هوه بيختار بطيخه :762: وبس بقي وااطنشها واقوم يلا يلا ها اختارتي ايه بقي واحد لونه فستقي :biggrin: والله موقف زي الفل

ههههههههههههههههههههه سكر " حلوة دليفرى دى "
للاسف مالقتش توم كروز
هربت اصلا ولا بصيت فى الاجندة " نظام الكاتلوجات دى والعرض دة
وطنط اللى قارفاكى دى هتشوفى منها كتير واسالى مجرب
والنبى انا لو اتفتحت فى حكاوى المواضيع دى هحكى بدع خلينى كاتمة فى نفسوياتى:biggrin:
منورانى يا ايمى كتييييييييييييييييييييييييييييييييييييييير

[Sєяєєη●•ʚɞ]

اقتباس المشاركة الأصلية كتبت بواسطة كبرياء رجل طب والله فيها الخير جيبالك اجنده عرسان واحده غيرك هتمسك فيها بايديها وسنانها هو حد ﻻقي عرسان اليومين دول هي الفرصه بتيجي للشخص مره واحده في العمر وانتي. معرفتيش تستغليها اديكي كلمتي فارما لو عرفيتها الموضوع كانت قالت لك طب اديني رقمها وضربت زغروته كمان يلا ملكيش نصيب متبقيش تطلعي من البيت كتير استني بعد ما اﻻمور تهدأ منوره القسم سيرين وبجد موقف محرج جدا وكويس انك عديتي منه بسلام دمتي بخير تحياتي

منور يا سامى
طريقه الخاطبة نفسها مابحبهاش
والفكرة نفسها انها تقعد فى باص وتنقى البنات فكرة مش لذيذة
يمكن لو بنت غيرى كانت تشوفها فرصة وتعمل زى ما انت بتقول كدة
بس انا مختلفة
مابحبش اقلل بنفسى بصراحة
وشايفه ان الجواز نصيب مش اكتر ولا اقل
ومش المطلوب منى انى اقلل نفسى او ادور عليه لان النصيب هيجى لوحدة حتى لو كل الرجاله انقرضت ههههههههههه
نورت

[ŌиĹч.Ḿё]

على فكرة الحوار دا بيحصل كتير سواء مع شباب او بنات طبعا مش هتصدقو مع الشباب
لان دلوقتى يوم الواد لما يجى يتجوز يقولك دورى على واحدة متكنش كلمت شباب
ودى نادر لما تلاقيها النهارداا نفس الحوار البنت تقولك انا اقل من هندسة او طب مش هاخدو
عل ايه بس والنهاردا العيشة بقت زفت لاشغل ولا جواز واصبح الاكتئاب منتشر اليومين دول
بالنسبة لحوار الست دى كويس انك التزمتى وياها الصمت وان شاء الله ربنا يوعدك بعريس فى المكروبااص اللى بعده ^^

انا اونلى ^^