من اجل حوراء

[S n i p e R]

السلام عليكم

ازي الجميع

يا رب بخير

يمكن فيه البعض عرف ان كان فيه مشكلة بين حوراء ورفيف

وكان فيه بعض المشدات بينهم

انا شخصيا ميفرقش معايا اي مشاكل حصلت او هتحصل

وانا متاكد ان دي مجرد مشاحنات ممكن تحصل بين اي عضوين هنا

ومهما اتقال ومهما اتعاد فده كلام ملوش لزمة

كلنا هنا اخوات واصحاب وهدفنا هو الاستفادة والمتعة

يعني اي خلاف بينا مهما كان سببه مفروض ميكبرش ونحله سوا ونراضي بعض

انا فهمت المشكلة واللى حصل فيها

وبعدين لقيت حوراء بعتتلي رسالة وبتشكيلي وبتفضفضلي عن اللي حصل

انا مرضتش ارد عليها هناك وهرد عليها هنا في التوبيك ده

مفيش اي مشكلة ف الدنيا يا حوري مهما كانت كبيرة او صغيرة تستاهل تعملي عشانها كدا

ولو حكتلك على المشاكل اللى حصلت بالكوم مع كل واحد فينا من اصغر واحد لاكبر واحد

مش هخلص من هنا لبكرة الصبح يا اختي وهفضل احكي واحكي مشاكل ملهاش اي لزمة

لكن هي مجرد مشادات بتحصل بينا مش بيكون ليها اي لزمة وبنرجع نندم عليها

وبتمنى اني مسمعش منك كلمة انك هتمشي دي تاني ابدا يا حوري

مهما كان السبب ومهما كان الخلاف وكلنا هنا عارفين انتى قد ايه مبدعة

وانك اكتر واحدة بتتفاني في شغلك وف عملك ولو قعدت اعدلك في انجازاتك مش هنخلص بردو

يكفي انك المشرفة صاحبة القسم الوحيد اللى اخد 10 كاملة في تقييمات الاقسام من الادارة

وكلنا هنا بنحبك جدا وواقفين معاكي يا حوراء وانتى فعلا انسانة مبدعة

وكل اللي حصل هو سوء فهم مش اكتر وانا متاكد ان الكلام اللى صدر منك اتجاه رفيف مكنش مقصود

ولا الكلام اللى صدر من رفيف اتجاهك كان مقصود وانتو الاتنين من اقرب الناس لقلبي في المنتدى

ومش ممكن اقبل انك تسيبينا وتمشي يا حوري

عشان كدا فانا ومن موقعي هذا (حلوة موقعي هذا دي :biggrin اعلن عن تعليق عضويتي

واضرابي الكامل عن المشاركة في نشاطات المنتدى كافة حتى اسمع منك رد شافي

يؤكد انك مش هتمشي من المنتدى وهتستمري في بذل مجهوداتك وعطائك المستمر للمنتدى

والله الموفق (بكسر الفاء:biggrin

[IMG]http://www.***************************/files52/14_05_2012_4d4413370251231.gif[/IMG]

وهفضل حاطط البنر ده في توقيعي لغاية ما اسمع منك انك مش هتمشي زي ما قولت

[سَـلمَى]

إيييييييهـ يآحوري دهـ

بصي بقى من الأخييير لو مشيتي همشي أنــآ كمآن

موش كفآية إن في نآس مبدعة غايبة عن المنتدى *_*

بجد يآحوري إنتي جوهرة غالية للمنتدى

ولو مشيتي هنخسر الجوهرة ده

كفاية أخلاقك ومجهودك وإبدآعك وطيبتك في المنتدى

وإنتي عشان إنتي كدآ موش هتمشي وهتحآولى تنسى ال حصصل

ولو بردو مصره >> هعمــل إضراب زيي الوآد أحمــد كودآ أهو

فكـــري في الموضوع ياجميل

لا إنتي ولا رفيف نقدر نستغنى عنكم

كلكم حبنآكم وعاملين بصمة في المنتدى

إن شاء الامور تبقى بخيير


أبو حميد كوويس إنك قولت الكلام

ده عشان نعمل إضراب معآك :d

[Mind language]

برافوا احمد وحوراء دى من اجمل الشخصيات
اللى اتعرفت عليها هنا هى ورفيف ومش معقول
تمشى علشان اى حاجه حصلت مابينك ومابين
اى حد ومش معقول انى كل ما حد يقولنا كلمه
او يحصل خلاف ما بنا ومابين اى حد هنا ناخد بعضنا
ونمشى كنا كلنا مشينا على راى الواد الصغير دا
ابو حميد وحوراء من انشط الناس اللى هنا فى
المنتدى ودا مش كلام وخلاص لا نشاطها يشهد ليها
بكدا انا مجبتش حاجه من عندى تسلم يا ابو حميد على
الموضوع وانا كمان هحط البنر دا وبضم صوتى لصوتك
لحد ما حوراء تتنازل عن اللى فى دماغها

[dяєαм..|♥]

ازاى يا حوراء تقولى الكلام ده
ده انتى منورة المنتدى بمجهوداتك وابداعاتك والله
مهما حصل ايه مش هيخليكى تسيبى المنتدى بكل سهولة كده
والله احنا كلنا هنا بنحبك ولو سبتيه هنزعل بجد
واكيد اللى حصل بينك وبين رفيف ده سوء تفاهم وان شاء الله هيتحل
اتمنى ترجعى عن قرارك ده يا حوراء

[~CuTe.GiRl~]

لا ياحورى اوعى تمشى بجد كلنا بنحبك

عايزين نشوفك دايما منوره المنتدى والدنيا بحالها

[براءة حلم]

بصراحه انا موش بعرف حوراء كتير
بس من كلام الكل احسهاا شخصيه محبوبه واخلاق وذووق
حوراء المشاكل دي بتحصل بكل مكان وتحصل بين الخوات
حاولوا تحلوها بينكم
بس انك تتركي المنتدي وتتركي ناس تحبك اسمحيلي دي انانيه منك
لازم يكون عندك غالي يعني موش بالسهوله تتنزلي ع حب الكل ليكي

[ساحر الأحزان]

حوراء اختنا وهى عارفة كويس

واحنا مقدرين مجهودها

ونشاطها وكلنا هنا بنكن ليها كل تقدير

وكل احترام

تحياتى احمد

على روحك الجميلة

[S n i p e R]

طيب خلاص كدا بما ان حوراء رجعت

هنوقف الاضراب اللى يدوبك كمل يوم

هههههههههههه

بجد انا مبسوط جدا انك رجعتي يا حوري

والمنتدى اصلا اساسا من غير مش يسوى حاجة

منورة بجد من تاني يا اختى

ومبسوط جدا انك رجعتيلنا وقبلتي احتجاجنا

ههههههههههههههه

وخلاص كدا انا فكيت الاضراب

لو عايزين تضربوا عشان اي حاجة تانية

انا دايس معاكم عادي

تحياتى

[Mind language]

ايوة كدا دى حوراء حبيبتى ام قلب
طيب اللى اعرفها نايس رجوعك
ياقمرى ومتشكرين جدا يا ابو
حميد وعايزينك فى اضراب
اكبر عن كدا يللا بالتوفيق للجميع
كل الحب والسعاده ليكم جميعا
وياريت بلاش نحسبها بالورقه والقلم
ودا قال ودا عاد الكلام والله الدنيا
متسوى لحظة حزن مننا ولا تستاهل
دمعه من عيونا فبلاش نصعبها على
نفسينا بالخصومات والمشاحنات وهى
اصلا متستهلش لو فى حد زعلان منكم
ياريت بسرعه تصالحه ومتترددوش بالاعتذار
لبعض احنا انهارده مع بعض ياعالم بكره هنكون
فين بلاش تخلوا اى حد يمشى من حياتكم
وهو شايل منك جرح ابدأوا انتم بالاعتذار
حتى لو منكنتوش غلطانين انهارده انتى
بتعتذرى بكره الطرف المتخاصمه معاه يعتذرلك
المهم انى الواحد مايكابرش فى الاعتذار عن
الخطأ وربنا ميجبش مشاكل ابدا يارب ويكون
الجميع بخير بس بلاش حساب الورق والقلم
لانى متعب جدا وملهوش اى لازمه مابين
الاخوات بالتوفيق للجميع نورتى ياحوراء مكانك

[SKoOoN]

كلامك 10/10 يا S n i p e R ومبادره جميله منك
وفرحت جداااااا إن حوراء مش هتمشي
ودي كلمات إهداء ليكِ يا قمر ...

دخلت المنتدى
وسجلت فيه
وبعد عده أيام
لفت نظرى لاسم
Arco Baleno
فتاه سعودية لديها الكثير
من المواهب والإبداعات
دائما تبهرني بمواضيعها
وتميزها وتألقها
ماشاء الله
فتاه لم أرى مثلها
فى عطائها
وحبها للمنتدى
تحب الخير للجميع
وتساعد من يطلب
منها المساعده
ولم تبخل أبدا بالنصيحه
دائما معطاءه
وعطاؤها فاق الوصف
حقا هي رمز العطاء
أقول لها
إن حدث سوء تفاهم
عاتبى ولكن لا ترحلى
فأحيانا يحدث
سوء تفاهم فى الكلام
وليس من المعقول
أن تتركينا وترحلى
بهذه السهوله
حقا كم فرحنا
بخبر عدم رحيلك
انرتي المنتدى
يا صاحبة القلب الكبير
ونبعث لكِ
باقات الورد والياسمين
وابعد الله عنكِ الجرح والألم