ذكرى بطبخه مع عاشقة الهدوء

[مشتاقه للجنه]

معنا اليوم عاشقة الهدوء هبه واحلى أكله

وشكل البنوته دى شاطره بالطبخ حد عايز عروسه

بنعمل دعايه )

السلام عليكم ورحمة الله وبركاااته

النهارده هطبخ ليكم محشى ورق عنب بعشقه ليه مذاق

خااااص عندى عن أى نوع محشى أخر ياله نبدأ على بركة الله

المقادير

كيلو ورق عنب

كيلو ارز لان كيلو ورق العنب ليه كيلو أرز بس

10 حبات طماطم مقطعه قطع صغيره

5 بصلات مقطعه قطع صغيره

وطبعا الزيت أو السمنه البلدى بحط الآتنين فيه

ملح على حسب الرغبه

ونصف ملعقة فلفل

ربطة بقدونس

ربطه شبت والاتنين تبع الحاجه أنا بحط كتير ههههههه

يعنى مثلا كل منهم ربطتين وبقطعهم حتت منمنمه كده ههههه

طريقة التحضير:
طبعا أول حاجه الرز بغسله كويس وأظبطته كده
وأسيبه مش بنقعه فى الميه فيه ناس بتنقعه
شويه
وبعد كده بقطع الطماطم و البصل
شرايح صغيره و بضربهم فى الخلاط
ثم بعد ذلك أكون محضره الوعاء ألى هسبك فيه الطماطم
بوضع فيه السمنه والزيت مع بعض بكميه مناسبه
وبعد كده بحط الطماطم والبصل المضروبين فى الخلاط
وأسيبهم بقه لحد ما أحسن أنهم اتسبكوا والسمنه
والزيت طلعوا كده على الوش وبانوا يبقه الصلصه
بقت تمام بحط ليها البهارات الملح + الفلفل +
شوية جنزبيل أن أمكن لآنه مفيد جدا
وبعد ذلك أكون محضره الخضار ومقطعاه قطع صغيره جدا
وأضعه على الرز مع الصلصه وبكده تخلص الخلطه
وتكون بالشكل ده

بعد كده بكون محضره وعاء ألى هسلق فيه العنب بنستنى
الميه تغلى طبعا ونحط العنب يدوبك ثوانى كده ونطلعه
عشان مايتهريش ونعرف نحشيه ويبقه فى التسويه
كويس كده وماسك نفسه ههههههه وملحوظه العنق بتاعه الى بيكون موجود فيه بشيله طبعا
ويكون ورق العنب بعد السلق بالشكل ده كده

بعد كده هحشى بقه :biggrin: ودى طريقة الحشو وطبعا كل واحد له طريقه
وأنا كمان ليه طريقه خاصه بحشيه بأيدى زى ما الصوره
موضحه كده

بعد كده برصه فى الوعاء بالطريقه دى

وطبعا لازم يكون مسمسم كده وصغيور وطعم
احم أحم وميكونش فيه رزايه واحده باينه على وش
الوعاء هههههههه
ثم بعد ذلك نقوم بطهوه او بطبخه هههههه على البوتجاز
ونسيبه يستوى نص ساعه أو أقل

وبعد ذلك نقدمه للآكل ويكون بالشكل ده

ياحلاوته هههههه وبالهنا والشفا للناس المسمسمه
هههههه وطبعا أنا عملته بأيدى والطريقه بمجهودى
على فكره والطريقه العاديه ألى بعمل بيها
الطرق ألى على النت عاليه قوى مالها الطريقه العاديه
زى الفل :biggrin: يارب يكون طبق اليوم عجبكم
كانت معكم الشيف هبه من أمام منتدى بنات مصر
وحصريا لمنتدى بناات مصر
ربى يحفظكم وبتمنالكم التوفيق والسعاده دائما
(أختكم عاشقة الهدوء )

[مشتاقه للجنه]

والله العظيم مش مصدقه نفسى

بجد الموضوع نزل أحمدك يارب

وشك حلو أوووى يا بيبه

[عاشقة الهدوء]

هههههههههه طب الحمدالله وصلتى ألى أرض الوطن بأمان الله

طب عقبال بقه مايوصل الآعضاء ويقولوا رأيهم ربنا يصلح حالك ياساره

والنت يتظبط عندك هههههه وتسلمى ياقمر ربنا يكرمك

[тoкα..♥]

فظييييعه آوي آلرصه دي
عجبتني موت بجد
تسلم آيدك ي هبهوب
آنآ بعشق حآجآ آسمهآ ورق عنب
بموت ف آمو يعني ههههههههههه
وطريقه حلوة وشكلو حلو بقآ آنآ جعآنه =)))
تسلمي ي سآرتي ع آلحلقه

[Words Whisper]

شهيتوني لورق العنب

بس كدهـ فيه حاجة ناقصة

فين ملح الليمون << دهـ أهم حاجة

ولا انتِ بتحطي بس ليمون في الآخر ..

هبة

سلسبيل << اصله لقبك كده

تسلموا

ودمتم بحفظ الرحمن ..

[مشتاقه للجنه]

شكراا لكى بيبه المشاركه وانتظرى تزويد 25 مشاركه

شكراا سامبيتيكا ومنتظرين الكشرى الحلقه القادمه ان شاء الله

شكراا وررد لا نحن بنكتفى باليمون مش ملح الليمون

تحياتى للجميع

[كبرياء رجل]

ايه دحه
هو مفيش طباخه في المنتدى غير عاشقة الهدوء
عموما منوره
بس حابب اعرف معلومه انتي كاتبه 10 حبات طماطم
طب وسط وﻻ كبير وﻻ صغير
كان ممكن تكتبي بالكيلو وتريحي نفسك
وﻻ هي فزلكه وخلاص

يلا اكله جميله للي ياكل
انا مش بحب ورق العنب
لو في ورق جميز مفيش مشاكل
منوره الحلقه
وحلقه جميله منك مشتاقه للجنه
دمتم بخير
وتميز
تحياتي

[عاشقة الهدوء]

اقتباس المشاركة الأصلية كتبت بواسطة sambateka فظييييعه آوي آلرصه دي عجبتني موت بجد تسلم آيدك ي هبهوب آنآ بعشق حآجآ آسمهآ ورق عنب بموت ف آمو يعني ههههههههههه وطريقه حلوة وشكلو حلو بقآ آنآ جعآنه =))) تسلمي ي سآرتي ع آلحلقه

هههههههه طب بالهنا والشفا ياتقى وأنا زيك كده بصراحه بضعف قدامه حاجه

كده بتنسى الدنيا معاها :762: سبحان الله أسعدنى مرورك ياتقى

ياعسل وكلامك الحلو زيك نورتينى ربنا يحفظك ويسعدك

[عاشقة الهدوء]

اقتباس المشاركة الأصلية كتبت بواسطة words whisper شهيتوني لورق العنب بس كدهـ فيه حاجة ناقصة فين ملح الليمون << دهـ أهم حاجة ولا انتِ بتحطي بس ليمون في الآخر .. هبة سلسبيل << اصله لقبك كده تسلموا ودمتم بحفظ الرحمن ..

لا مش بحط ملح الليمون هوه أساسا بيبقه فيه حضاضه كده زى الليمون

هنذودها بالليمون ههههههههه المحاشى عامتا يا أسماء بيبقه كل واحد

وله طريقه فيها فى تكوين الخلطه بتاعتها وعاميلها وكده مش كل الناس

زى بعضها فى طرق الآكل بأنواعها أسعدنى مرورك الطيب والرائع

مثل شخصك ياحبيبة قلبى نورتينى ربنااا يحفظك

[براءة حلم]

يم يم يم تسسسلم ايدك ياقمر بجد شكله رووعه جوعتوني
هو انا ينفع اخطبك لابني ياهبه هههههههههه
مشتاقه قالت من عاوز عروسه بس استنيه بقا ههههههههههه
تسسلم ايدك بجد