اولى حلقات ( عضو على كرسي الرئيس ) ومعانا ‘‘ قلم بلا حبر ‘‘

[احسـ طفله ــاس]

تم التصويت

[كبرياء رجل]

اولا اشكر كل الاخوه والاخوات على التصويت
وحيب الترتيب

الاول الاخ قلم بلا حبر 25 صوت
الثاني الاخ محمد علاء 21 صوت
الثالث الاخت دموع القمر 9 اصوت

بكده هيبقى معانا في اول حلقه من البرنامج
الاخ قلم بلا حبر
وشكرا لكل الاخوه والاخوات على التصويت
دمتم بخير
تحياتي

[كبرياء رجل]

	قد ارهقتنا الحقيقه وحاولنا معالجة امورنا ولكن كبارؤنا قد اهملوا مناصبهمبشكل كامل لم يؤدي مهمته لذا رسمنا صور في من مخيلتناسنختار رئيسنا بنفسنا ونعالج معه امورناولنرى وجهة نظره اهم شخص في مصر واعلاها منصبا مكانه للتاريخ فجرنا المشاكل في وجه الرئيس الذي قد اخترمومه فهل ترى ماذا اجاب علينا الرئيس اهلا بيك يا سيادة الرئيس منور البرنامج / اول شئ برنامجك يا ريس لو كبرنامج يبقى حضطر اذكر تفاصيل خاصه بالامن والاقتصاد والصحه والسياسه الخارجيه وغيرها من الملفات اللى انا لسه حجاوب على اسئلتها تحت انما لو تقصد الملامح العامه فيبقى شعارنا ان شاء الله حيكون -- مصر التاريخ والمستقبل ولو ممكن تدينى فرصه اشرحه ,,, فى اى شئ انت داخل تعمله بيبقى قدامك طريقين ,, اما انك عندك خبره ومتمكن من عمله او انك لسه حتبدأ فيه او بدأت فيه من فتره قصيره وبتحاول تبنى خبرتك واحده واحده لما حد يترشح لرئاسة امريكا ,, ممكن يقول yes we can لان امريكا تاريخها كله عباره عن بضع مئات من السنين فمضطر انه يشتغل ع المستقبل بس انما لما تيجى تتكلم عن مصر ,, حتقول Egypt's history and the future لانى مينفعشى ابنى مصر ,, لانها دوله اساسا من 7 الاف سنه موجوده ورائده ,, وفى نفس الوقت مقدرش اغيب عن انى فى تراجع من اكتر من 60 سنه يبقى لازم تفهم يعنى ايه مصر بتاريخها وامكانياتها على مر العصور ,,, علشان تتأكد ان مستقبلهااقوى بكتير وانك استحاله تبدأ من الصفر /ها تعتقد انك ستكون رئيس شعبي وللتوضيح محبوب من الشعب وكيفية الوصول لذلك الحب شعور متبادل ,,, يعنى لو انا بحبك اكيد بشكل او بالتانى حتحبنى ,, حتى لو مش حتحبنى فاكيد مش حتكرهنى ,, ومفيش اى سبب ميخليكشى تحب ناس ,, اجمل ما فيهم بساطتهم والحب بين رئيس وشعبه مش حيكون مبنى على sms لا حيكون مبنى انه يوفر لاصغر حد فيهم فرصته فى مواجهة الحياه فى معركه خاليه من الظروف الاستثنائيه ,, يعنى لا محسوبيه ولا فهلوه ولا ضغط امنى ولا قلة كرامه ولا فقر مدقع ولا تمييز فى فرص التعليم او تمييز فى العلاج او فى المسكن بكده نقدر نقول ان الحب حيكون متبادل ,, وساعتها تقدر تقول انى رئيس شعبى / نبدا بالوضع الداخلي *الانهيار الاقتصادي مصر مش منهاره اقتصاديا ,, انت لو بصيت على اليونان حتحمد ربنا ,, وفى نفس الوقت مصر مش حتبدأ من الصفر لاننا بالفعل دوله مركزيه ,, ومصر فيها اللى يعدل ميزان الاقتصاد ويرجع المؤشرات للون الاخضر مش بلد مفيهاش اى موارد زى سنغافوره ,, يعنى مقومات النجاح موجوده ,, هى اراده واداره فقط لا غير ,, محتاج لنوعين من العلاج 1- قصير الاجل 2- طويل الاجل الاول – قصير الاجيل – قرارت تهم كل مواطن وتظبط ميزان الاجور والعمل ,, لان للاسف معدل انتاجية العامل المصرى من ادنى المعدلات في العالم ,, بس خلينا نتفق ان ده لآسباب لو الاسباب دى اتعالجت بالشكل المناسب العامل انتاجيته حتذيد وحيقبل على العمل يبقى محتاج في الخطه قصيرة الاجل 1- قانون عمل جديد يحدد العلاقه بين صاحب العمل والعامل على مبدأ من المنفعه المتبادله ,, الاجر الكريم في مقابل الانتاجيه المناسبه 2- اعلان الزراعه مشروع قومى وتشجيع الفلاحين على العوده الى الزراعه الموسميه وبنظام الاحواض 3- اقامة علاقه بين قطاعى الزراعه والصناعه ,, مش معقول ازرع واصدر الخام لبره , وارجع اشتريه باضعاف الثمن كمنتج من بره , العقل بيقول اللى ازرعه اصنعه علشان اصدره بشكل كامل واقدر احقق اكبر فايده ممكنه من المنتج قبل خروجه للاسواق العالميه ,, 4- النظره على السوق الافريقيه (( لينا معاهم تاريخ كويس والمنتجات المصريه كانت سمعتها هناك تقارب سمعة اليابانى عندنا دلوقتى )) 5- خفض الجمارك على كل المنتجات اللى ملهاش تصنيع حقيقى في مصر ,, زى السيارات مثلا ,, واقامة بدلا منها مشاريع خدميه مملوكه للشباب أساسها قائم على الصيانه وقطع الغيار وغيرها من المشاريع المكمله 6- اعلان سيناء منطقه مركزيه لنهضة مصر ,,, من خلال استصلاح اراضى واقامة مشاريع تستغل الموارد الخام في سيناء مثل الفوسفات والرخام والجرانيت والسليكا وغيرها 7- زيادة عدد الموانئ على البحرين الابيض والاحمر وربطها بشبكة الطرق ,, للمساهمه في رفع معدلات الاستيراد والتصدير 8- اعلان المشاريع الصغيره والمتوسطه مشروع قومى تقوم الدوله فيه على منح الشباب قروض ميسره لتمويل مشاريع معفاه من الضرائب مع تسهيلات في السداد ودعم فنى ,, وربط كل تلك المشاريع بمنظومة تسويق القطاع الخاص ,,, يعنى مصنع بسكوت مثلا محتاج كراتين او علب ورق لتعبئة منتجه يبقى لازم يتعاقد مع مشروع من مشاريع الشباب وهكذا 9- اعادة النظر في قناة السويس كممر ملاحى فقط ووضع دراسات جديده تحقق منها الفائده القصوى كفايه لحد كده --- مش عايزين ننسى نفسنا ونفكر اننا بقينا رؤسا بجد / زياده المديونات دى لو في سياسه خارجيه سليمه يخدمها نمو اقتصادى من الداخل ومواقف في المنطقه تقدر ,, المديوينات سنه ورا سنه حتتشال ,, وفى منها اللى حيتسدد (( مبناكلشى حاجه على حد )) الدول بتتعامل مع بعضها بسياسة الابتزاز ,, يعنى امريكا بتدفع المعونه مش حبا في سواد عيونا ,, انما ده نوع من انواع الابتزاز ,, يبقى انا لو ليا سياسه خارجيه كويسه ,, ممكن اسوقها في سبيل انى احصل على مكاسب مقابل اتزان المنطقه ,, وده مش عيب ,, / مشكلة حوض النيل المفتاح مع اسرائيل ,,, وضعنا مع اسرائيل قبل كده كان راجع للازعان ,, وسياسة النعام اللى بيحط راسه في الرمل ,, مفيش ادنى شك ان اسرائيل سعت لتقسيم السودان شمالا وجنوبا ,, وسعت برده لعمل توتر في حوض النيل ,, يبقى قبل ما احل مشاكلى مع دول حوض النيل ,, لازم اتخلص من الحرب البارده اللى بتقوم بيها اسرائيل بالرغم من اننا بقالنا كتير مبنتعاملشى بمنطق رد الفعل ,, انما حنبدأ نستغله كورقه ,, يعنى هى حتلعب في البعد الاستراتيجى لمصر في افريقيا ,, حبدأ كمان اتجاوب معاها في نفس الاتجاه في جنوب لبنان وسوريا وغزه والضفه ومش بعيد ايران لو اضطرتنى الظروف ,, وزى ما هم بيعملوا ده بشكل مخابراتى بعيد عن السياسه ,, احنا برده حنعمله بشكل مخابراتى بعيد عن السياسه ومش حنظهر في الصوره ,,, (( واذا عدتم عدنا )) / ما هي مواد الدستور المصري المراد تغييرها او استفتاء عليها انا من رأيى دستور 54 دستور جيد ,, بس مفيش مانع اننا نصيغ دستور كامل جديد يلبى كل متطلبات العصر ويحفظ لمصر دورها الاقليمى وريادتها التاريخيه في صناعة اول ديمقراطيه حقيقيه في العالم العربى الارتقاء نحو الافضل / في انقلاب امني في تهريب السلاح لمصر لا – في فيلم هندى بيعرض في سينما الواقع اسمه انفلات امنى ,, بمجرد انك تمسك المخرج الفيلم حينتهى وحيتوقف عرضه / مشكلة الامن الداخلى في البلطجه وسرقة السيارات نفس الرد اللى فوق ,, ولو عايز توضيح اكتر ,, احنا عندنا شباب عاطل كتير ,, اقدر من خريجى كليات الحقوق والشريعه والقانون وبتدريب مكثف لمدة 3 شهور اخرج دفعه وانشئ رتبه جديده في الشرطه تكون بين الظابط العامل اللى هو خريج كلية الشرطه ,, وامين الشرطه ,, ولو حد منهم عايز يكمل دراسته في كلية الشرطه مفيش مانع بعد مرور سنتين على الاقل ,, يكون الوضع الامنى استقر ,, اظن ان الوجوه الشابه دى اللى جايه من بين الناس حتقدر تتعامل بقواعد حقوق الانسان اللى حيدرسوها في الدوره المكثفه وحيكون ليهم قبول مجتمعى ,, وبعدها اقدر اعتمد عليهم في اعادة هيكلة جهاز الشرطه ,, انما متسمعشى كلام حد يقولك هيكلة جهاز الشرطه حالا ,, لانك في الوقت ده حتواجه بلطجيه تحت قيادة ضباط شرطه سابقين ,, والامر حيتفاقم ,, / كيفيه علاج الاحتقان بين المسلمين والاقبااط طول ما في مسميات يبقى مفيش علاج ,, كونك رئيس يعنى انت مش شيخ ,,, يبقى كل مرؤوسيك اسمهم (( مصريين )) لو قدرت توصل للصيغه صدقنى الاحتقان حيتلغى ,,, لما كل المصريين يتساوو في الحقوق والواجبات ,, ساعتها اللى حيحتقن يبقى اسبابه مش طائفيه ,, وده اللى لازم نوصله / قانون دور العباده سواء مسلمون او اقباط ,, قانون منصف يوافق عليه الازهر والكنيسه ويطبق على الجميع بلا استثناء ,, وعقوباته تطبق برده على الجميع بدون استثناء / تدني الاجور والحد ما بين الارتفاع وتدني الاجور في مثل شعبى (( المليان يكب ع الفاضى )) انا مش متخيل مرتب في مصر يساوى 2 مليون و 3 مليون ,,, في بلد عجزها في الموازه اكتر 140 مليار جنيه ,, يبقى مين في مصر اللى يستاهل ياخد الرقم ده مع الفشل ده يبقى اعادة هيكلة الاجور وقبل وضع الحد الادنى ,, لازم نحط الحد الاقصى ,, والزيادات اللى حتتشال من الناس اللى كانت بتقبض بالملايين حنبدأ نضخها في وضع حد ادنى للاجور بس الاهم من كل ده ضبط التسعير يعنى مينفعشى اعمل حد ادنى 1200 وكيلو الطماطم بكره الصبح يبقى 20 جنيه .. يبقى عملت تضخم ,, يبقى البديل ان في الوقت اللى حعمل فيه حد ادنى للاجور ,, لازم يتوازى معاه قانون العمل اللى حيحقق المعادله بطرفيها العامل وصاحب العمل ,,, ومعدل انتاجية الفرد المطلوبه للحصول على الحد الادنى وبكده الانتاج حيذيد والمعروض برده حيذيد فالسعر حيقل في الوقت اللى انا طبقت فيه حد ادنى للاجور ,, وفى نفس الوقت الاسعار ممكن تقل مش تذيد ,, لان المصنع اللى كان عماله بينتجوا 10 الاف قطعه في الشهر مثلا ,, بعد قانون العمل حيكون مطلوب منهم ينتجوا 50 الف ,, ولما سوقك يكون المعروض فيه 50 الف اكيد السلعه لازم سعرها يقل ,, في الوقت برده اللى صاحب العمل كسبان مش خسران ,, لانه قبل كده كان بيدفع رواتب في سبيل انتاج 10الاف قطعه .. النهارده حنتجله 50 الف قطعه والاجور زادت اقل من 50 في الميه يعنى كل الاطراف كسبانه وعلى رأسها طبعا الاقتصاد المصرى اللى حيكون عنده فائض للتصدير ,, وبتطبيق سياسة الجوده اقدر اوصل لاسواق اوروبا بسهوله / الخطه في تحويل العشوئيات الى وحدات سكنيه لائقه للمواطن المصري انا مشكلتى مش المبانى العشوائيه ,, لازم نبطل نهمل المواطن المصرى ,, انا مشكلتى في الانسان اللى ساكن فيها ,, ايه اللى وصله لكده ,, بطاله تدنى اجور ,, ضعف تعليم ,, وده نظام في حل المشاكل لو النيه خالصه لانهاء مشكله معينه ,, انك تدور على مسبب المشكله وتعالجه فبالتبعيه كل اللى اترتب ع المشكله حيتعالج ,,, سهل قوى اقولك ابنى مدن في الصحرا ,, بس خلينا نكون منصفين ,, مين اللى حيروح يسكن في الصحرا ومرتبه 1200 جنيه (( ده بعد الحد الادنى كمان )) احسب مواصلاته احسب ظروف المعيشه هناك بصلها كمان من الوضع الاجتماعى لو تعب او احتاج ضروره من ضروريات الحياه مش متوفره في المدينه الىل حيسكنها ,, حيكون الحل انه يرتضى بالعيش في عشوائيه على اطراف القاهره ,, ولا انه يعيش في شقه في مدينه جديده في الصحرا ,,, وفى نفس الوقت مش عايزين نحمل ميزانية الدوله انشاء خطوط عملاقه زى مترو يربط المدن وقطار سكه حديد للبضائع ومستشفيات ضخمه ,, كل ده ممكن يحصل بس كخطه قصيرة الاجل حيكون مستحيل ,, وفى نفس الوقت مقدرشى اقول ل 15 مليون بنى ادم استنوا الخطه طويلة الاجل ,,, يبقى الحل انى ابدد ليهم اسباب وجودهم في العشوائيات واسباب عزوفهم عن السكن في المدن الجديده يعنى كبطاله ,, ممكن من خلال الصندوق الاجتماعى للتنميه اقدر امنح قروض للشباب في نفس المدن الجديده لاقامة مشروعاتهم تحت رعاية الدوله كداعم فنى كتعليم – المدرسه المنتجه ,, بمعنى الدوله بتتكفل بانشاء المدرسه وتجهيزها ,, اما استمرارية المدرسه ومصاريف ادارتها يقوم في الاساس على اتاحة الفرصه للطلبه لكسب خبرات عمليه في شتى المجالات زى البرمجه زى اعمال الجرافيك زى اعمالالتطريز الخ ,, او بدعم المواهب من الطلبه في اختراعاتهم والمساعده على تنفيذها من خلال ورش ملحقه بالمدرسه ,, وربط كل ده بشبكة المشروعات الصغيره والمتوسطه المرتبطه في النهايه بالتسويق للقطاع الخاص ,, وبكده اقدر انشئ اى عدد من المدارس في الوقت اللى هى حتتكفل بمصاريفها ,,, ونحاول الدمج بين مرحلتى التعليم الاساسى ,, الابتدائى والاعدادى ,, ولكم ان تتخيلو مقدار انتايجة الطالب بعد تخرجه من التعليم الاساسى فقط فاضل الصحه والمواصلات ,,, لما قلت فوق انى حخفض جمارك السيارات مكنشى من باب الدعايه لان قرار زى ده صحيح حيأثر على صناعه الى حد ما في مصر ومع اننا متأخرين فيها جدا لحد دلوقتى ,, انما الفوائد بتاعته مهوله ,, واولها هنا ,, لما اخفض الجمارك يبقى السياره حتتباع في مصر بنفس تمنها تقريبا اللى بتتباع بيه في بلد المنشأ ,, يعنى السياره المستعمله حتكون في متناول محدودى الدخل ,, وبكده اقدر اوفر لكل اسره حتقرر تسكن في المدن الجديده سياره لتنقلهم الخاص ,, بمشروع قرض تدعمه الدوله ويخصم من المرتب على اقساط بسيطه ,, وفى نفس الوقت دعم البنزين 80 موجود يبقى انتقالات الاسره خفضتها للنص ,, وده كعائد اكبر عندى كتير من العائد اللى حيجيلى من صناعة السيارات على الاقل في الوقت الحالى ,, بالاضافه الى ان نفس الفكره نقدر نطبقها مع مشروع استصلاح الاراضى في سيناء او الوادى الجديد او توشكى او غيرها ,, لان التنقل عصب الحياه ,, ومش معقوله دوله كامله فيها حوالى 85 مليون فرد احرمهم من التنقل بسبب صناعه قايمه في الاساس على التجميع واللى بينتفع منها شله معينه معروفه بالاسم ,, ولو على العماليه بتاعتها حيتم تسكينهم في وظائف في نفس المجال يعنى مصر دلوقتى فيها تقريبا 5 مليون سياره منها حوالى 45 % ملاكى ,, على الاقل خالص محتاجين كمان 20 مليون سياره ,, يبقى القطاع اللى حيقدر يقوم بعملية الصيانه الدوريه والمتابعه للعدد المهول ده من السيارات مش حيبقى قطاع بسيط ,, بالعكس ده ممكن يحتاج ايدى عامله فوق الايدى العامله اللى شغاله في مصانع تجميع السيارات وبكده عوائد قرار زى ده حتدخل بطريقه مباشره في عصب الاقتصاد بسرعه هايله ,,, وفى الاخير كل المناطق العشوائيه اللى حيتم اعادة تخطيطها عائد بيعها والتصرف فيها حيتصرف بشكل كامل ,, على خدمات حتتقدم للمدن من سنترالات ومكاتب بريد وخدمات حكوميه ,, اللى حيسكن فيها ال 15 مليون مصرى وبكده وجودهم في القاهره حيكون استثنائى ,, وتقدر تقول ان الضغط اللى بتشوفه القاهره دلوقتى حيتخفض بنسة 40% ,, بالاضافه لاقامة مصانع او مشاريع في نفس المدن دى تعمل على كسر البطاله بين صفوفهم لدعم استقرارهم في محل اقامتهم الجديد / سكان القبور اموت فوق الارض 15 مليون مصري يسكنون مع اموت ما هي طرقك للقضاء على ذلك والاستفاده منهم نفس اللى حيتعمل مع العشوائيات / اختار بعض معاونيك او مستشاريك من اعضاء المنتدى مع ذكر اسم المنصب مع اسم العضو اممم لا استنى بقى نائب رئيس : لو في حد مسيحى في المنتدى حختاره ,, لو مفيش يبقى حتكون بنت وممكن نقول ,, ياسمين رفعت ,, ومع ان القاعده بتقول ان اللى جوه حاسس بالبلد اكتر من اللى بره ,, بس انا شايف ان العكس صحيح في موقع المسؤوليه ,, لان دايما اللى جوه المشكله حاسس ان المشكله كبيره ومش حتتحل ,, في الوقت اللى البعيد عن المشكله لما يشوفها يقدر يشوف ابسط الحلول وادقها لان مش عليه ضغوط ,, وطبعا بجانب دراسة الموقف بشكل كامل ,, مش صعبه دى اكيد في مستشارين لمؤسسة الرئاسه والا ايه ؟ طبعا المفروض ان نظامنا حاليا حيكون مختلط يعنى ابرلمان حيعين رئيس الحكومه والحكومه ,, يبقى احنا حنكون مقتصرين لجنة مستشارى الرئيس (( حلو كده )) نبدأ بالمستشار السياسى – فى المنصب ده حجمع بين اتنين ضياء وطارق ,, علشان اضمن الثورى واضمن المعتدل ,, والاتنين هدفهم واحد مع اختلاف الطريق [COLOR="rgb(85, 107, 47)"]مستشار الشؤون الخارجيه ,, [/COLOR] اكيد مش حلاقى انسب من امجد (( ساحر الاحزان )) يتحط على الجرح يبرد بصراحه ,, ده يثبت بذوقه نص شعوب الارض ويفتحلنا اسواق في قلب تل ابيب نفسها (( عارف انك مش حترضى بس اهى مبالغه بقى عديهااااا )) [COLOR="rgb(85, 107, 47)"]المستشار العلمى والترجمه – [/COLOR] اكيد مفيش غيرها انسه لوجى ,, ‏lost pearl :biggrin: [COLOR="rgb(85, 107, 47)"]المستشار الثقافى : [/COLOR] Words Whisper [COLOR="rgb(85, 107, 47)"]مستشار الصحه : [/COLOR] الدكاتره كتير بس DR.SMA اخلاقها حتحتم عليها تعالج قانون التأمين الصحى للى فيه مصلحة المواطن الغلبان [COLOR="rgb(85, 107, 47)"]المستشار الفنى [/COLOR] (( ده ابتداع بقى )) – للبنت اللى اسمها تقى ,, اهى قاعده تمثل ليل نهار ,, تيجى تشتغل لمصر وكفايه على المنتدى كده [COLOR="rgb(85, 107, 47)"]مستشارة الامومه والطفوله وقضايا المرأه – [/COLOR] طبعا محتاجه حد من النوع الحوونين ,, يبقى مفيش احسن من اننا نجيب حد اسمه كله كده اصلا ,,, حنون كفايه كده ولو ظهرت مناصب تانيه يبقى في الفتره الجايه حنبقى نشوف الموضوع ده على فكره انا مسيحي يا ريس معلومه جديده وشكرا لاختيارك / ايه رؤيتك للتعليم اتكلمت عن المدرسه المنتجه في المدن الجديده ,, بالنسبه لعلاج مشكلة العشوائيات ,, بس مفيش مانع من انها تتعمم ,,, بس لحد ما تتعمم ,, فالتعلم حق بتكفله الدوله بمجانيه تامه لحد الانتهاء من التعليم العالى __ اللى بفكر برده اطبق عليها حكاية (( الجامعه المنتجه )) – وفى منح بتكفلها الدوله للمتفوقين في استكمال الدراسات العليابعد كده / ارتفاع الاسعار واحتكار بعض السلع اتكلمت عليها فوق ,, وربطتها باكتر من حاجه منهم قانون العمل ورفع انتاجية العامل اللى حيؤدى لرفع انتاجية العمل ككل وفى الاخير حيؤدى الى رفع كمية المعروض وبالتالى حتنخفض الاسعار ,, وده كله مع مراعاة الحد الادنى للاجور / تقييمك الحالي لدور مجلس الشعب وهل هناك قرار لحل مجلس الشعب والشورى واعادتهم مره اخرى شوف مجلش شعب بسلطات هو اللى شرعها لنفسه من خلال لجنة صياغة الدستور اللى مصرين انهم يتغولوا فيها باغلبيه ,, يبقى ده تهريج ,, الفتره اللى فاتت مقدرشى اعتمد على نتيجة تصويتها لانها كانت مرحلة فرز للقوى السياسيه ,, اظن لو سألت اى حد دلوقتى على التشكيل الحالى لمجلس الشعب حيقولك لو الانتخابات اتعادت مش حياخدوا اغلبيه خالص ,, ولما تكون انت في مرحلة نمو وبناء جمهوريه تانيه ,, بتبقى محتاج جنبك في مؤسسات الحكم ناس بتعبر عن الشعب فعلا ,, علشان العمل بينكم يكون موافق لنظرة اغلب الشعب فيكون ليك دعم من الجبهه الداخليه ,, اما لو مش حنعرف نغير مجلس الشعب خصوصا في ظل نظام مختلط فانا شايف ان الرئيس لازم يكون مرن ويقدر يتعامل مع اى مؤسسه تحت اى اغلبيه لاى تيار سياسى مهما كان توجهه ومهما كانت مرجعيته / ما هي خطتك للخروج من الوادي شفت اديك رجعت للمشروع القومى للزراعه اللى حيدعمه قرار خفض الجمارك على المنتجات الغير مصنعه بالكامل في مصر وضربتلها مثل بالسيارات ,, وده علشان تقول لشاب لسه في مقتبل العمر خد مراتك اللى انت لسه متجوزها وروحوا عيشوا في الصحرا ولو حصلكوا حاجه ابقوا اتصلوا واحنا حنجيلكم ,, فده شئ مستفز جدا ,, عايز الناس تخرج من الوادى الضيق ,, وفر ليهم سبل العيش الكريمه في اماكن تواجدهم ,, يعنى شبكة طرق ,, يعنى مش بس مواصلات عامه لان ده اصعب من انك تخفض جمرك السيارات ويكون لكل شاب الحق انه يمتلك سياره تخدمه هو واسرته في التنقل بين مزرعته وبين المدينه ,, محتاج كهرباء محتاج على الاقل وحدات صحيه وغيرها من الخدمات اللازمه للحياه ,, قبل ده كله مقدرشى اقول لحد ,, علشان خاطر مصر روح موت في الصحرا لاقامة مشروعات ما هي خطط تمويلك نرجع لقصة الامثال الشعبيه (( من دقنه وافتله )) عارفه المثل ده – يعنى عندك موازنه العجز بتعها فوق 140 مليار تقريبا ,, يبقى لما تيجى عايز تمول مشروع لازم تفكر في مصدر تمويل داخلى مش قرض ,, لان ميزانيتك مش متحمله قروض بفوايد وهبوط لسعر صرف الجنيه ,, كل ده حيكون عامل ضد مش معاك ,,, يبقى لما جينا نعالج مشكلة العشوائيات ,, قولنا حنعيد تخطيط المساحات دى واللى اكيد حتتباع بمليارات ,, وحنبنى بيها مدن متكاملة الخدمات مدعومه بمصانع ومشاريع تشغل القوى البشريه اللى حتتنقل في الوقت اللى حنراعيهم صحيا وتعليميا وحنوفر ليهم وسيله كريمه للتنقل ,,, يبقى كده الدوله مدفعتشى حاجه ,, وممكن اعمل مناطق محفزه للاستثمار ,, يعنى اللى حيبنى مصنع في المدينه دى حيعفى من الضرايب مثلا سنه او سنتين او خمسه ,, وبكده حقدر اجذب منطقه صناعيه تقدر توظف القوى العامله اللى حتتنقل من العشوائيات للعيش في المدن الجديده ,, في الوقت الىل مدفعتش مليم من الميزانيه ونفس الطريقه مع المدرسه المنتجه ,, تكلفة انشاء مدرسه مش مشكله كبيره لميزانية الدوله ,, انما الصرف على العمليه التعليميه هو اللى مرهق لميزانية التعليم في مصر ,, بمشروع زى ده تقدر تعتمد على تمويل ذاتى لكل مدرسه ,, وبرده تقدر تدى حافز لاى مسوق قطاع خاص يسوق منتجات المدارس دى ,, او مصنع يتبنى اختراع لطلبة المدارس دى ,, في الاخير حصيلة الانتاج حتتصرف على المدرسه حيستفاد الطلبه من خدمه تعليميه متميزه بجوده عاليه وخبره عمليه وتنمية مهارات لا تقدر بثمن ,, وبلاش نبصلها من زاوية اننا بنشغل الاطفال ,, لان في الحاله دى احنا بنستوعب مهاراتهم وهواياتهم وبنميها ,, ودعم الدوله حيكون في صور كتيره متصله بالفكره العامه للمشروع وقيس على ذلك اى مشروع تانى /هل سيادتك مع الخصخصه ام ضد لو لاحظت كلامى بحاول اخرج الدوله من عبء قطاعات بعينها ,,, لانك مجبر انك تتيح الفرصه قدام الشعب لقيادة عجلة الانتاج بنفسه ,, علشان ميرتبطشى بقرارات حكوميه ممكن في فتره من الفترات يكون ليها بالغ السوء على الاقتصاد المصرى ,, انما كخدمات عامه انا مع الدوله في رعايتها وتقديمها للمواطن بسعر مدعوم / من وجهة نظرك طرق الحد من زرع المخدرات او الادمان نفس الاسلوب اللى اتكلمت عليه قبل كده ,, شوف الاسباب وحلها حتلاقى المشكله انتهت ,, يعنى بؤرة زراعة المخدرات في مصر هى سيناء ,, ولو دورنا ايه السبب ,, حنلاقى ان ناس مش بيتقدم ليهم اى خدمات ولا ليهم اى حقوق لا في عمل ولا ورعايه صحيه ادميه ولا في تعليم كويس ,, وبعد ده كله مطالبين بانهم يعيشوا زى باقى البشر ,, اظن دى معادله غبيه ,,, لما نطبق نفسي الكلام في الوادى على سيناء ,, والمواطن السيناوى يبقى ليه عمل بيقوم ليه من الساعه 7 ويرجع على الساعه 3 محتاج يريح قبل ما يخرج مع اسرته بالليل ,,, يبقى حيجيب منين وقت يزرع مخدرات ,, انت اصلا لو خيرته بيثن حياته دى وحياته دى ,, اكيد حيختار العمل ,, المصريين والانسان عموما ,, مش مخلوق للجريمه ,, انما احنا اللى بنهيأ ليه الظروف للسير في طريق الجريمه وبعدين من مصلحتى ان المخدرات تتوقف تماما في مصر ,, ده حيوفر 27 مليار جنيه للاسر المصريه ,, يعنى حيرفع القدره الشرائيه يعنى حيعزز قطاع الانتاج والتسويق وفى النهايه حيكون جاذب للاستثمار وفوق ده كله ,, نفس ال 27 مليار حيقرفونى في عمليات غسيل اموال بتدمر في بنية الاقتصاد / وهل وزاره الداخليه قادره من حد انتشار ذلك في عهدك اقولك زى حبيب العادلى لما قال (( لو لقيتو سيجارة حشيش في البلد يبقى خارجه من مكتبى )) وتانى يوم فعلا محدش في مصر كلها عرف الحشيش راح فين ,, والمصريين ساعتها بزكائهم الفطرى قالولك ,, اللى كان معاه المفتاح وفاتح هو اللى قفل ,,, فاكيد مع ثوره قامت ضد نظام كان بيستبيح الناس والارض والعرض ,, كان طبيعى ان مافيا المخدرات يكون ليها علاقات بساسه كبار ,, مش بس المخدرات لا وكمان الاثار ,, انما في عهد بعد الثوره وفى ظل تغيير شامل حيمس جميع قطاعات البلد ,, تقدر تقول ان المافيا مش حتلاقى الجثه الكبيره في الحكم اللى تقدر تسهل ليها الاتجار في المخدرات / دور رعايتك يا ريس لكل من الفلاح المصرى الفلاح المصرى بلا شك هو اصل وعصب مصر ,, لو حنقول قاطرة التقدم ,, يبقى (( الونش )) حيكون الفلاح المصرى ,,, مشكلته دلوقتى بتتلخص في ارتفاع اسعار البذور والاسمده في الوقت اللى سعر بيع المحصول دايما في النازل ,, بخلاف انه مش مشمول في التأمين الصحى ,, وعلاقته بالبنك الزراعى الفاشل تماما ,, الحل زمان كانوا بيحكولنا حدوتة الراجل اللى قبل ما يموت طلب يشوف ولاده وامر كل واحد فيهم يجيب عود حطب ,,, فاكرينها القصه دى ,,, اهو الفلاح المصرى بعد ثورة 23 يوليو وقانون الاصلاح الزراعى ,,, والقوانين المكمله ليه اللى في الاخر ادت لفلاح المصرى حق تملك 5 فدادين ,, كان لما بيزرعهم بيجيبوا محصول كويس يقدر يصرف بيه على تكلفة الزراعه ويفيض منه يقدر يدخر ويكمل متطلبات الحياه ,, النهارده وبعد مرور 60 سنه ,, ال 5 فدادين بقوا قراريط معدوده واحيانا عدة اسهم ,, بسبب تفتت الحيازه الزراعيه اما بالبيع او بالتوريث ,,, وفى الاخير كل صاحب كام قيراط يزرعهم بمزاجه بدون اى سياسه زراعيه ,,, من هنا نقدر نرجع المشكله لاساسها ,,, ونفس اللى عملناه في العشوائيات نقدر نعمله هنا ,,, استصلاح اراضى في الصحرا لخدمة الصناعه محتاج وقت واستثمار كبير انما الاستثمار في اراضى الدلتا والوادى اسرع بكتير ,, لخصوبتها وانتاجها العالى وليها شبكة طرق موجوده بالفعل محتاجه تطوير فقط ,,, يبقى الدوله حتدخل كضامن لعقد بين مستثمر او مصنع او شركه معينه ,, وبين عدد من الفلاحين بيمتلكوا مجتمعين مساحه معينه من الارض تسمى (( الحوض )) المستثمر يتكفل بدفع مصاريف تكلفة الزراعه للفلاح على شكل اقساط شهريه ,, وبعد جمع المحصول يشتريه بالسعر اللى حتحدده الدوله واللى اكيد حيكون في صالح المزارع ,, والمستثمر يدفع باقى تمن المحصول ويتعاقد من جديد على المحصول اللى بعد كده وفى نفس الوقت حنتيح فرصة الحصول على رخص مصانع قريبه من مناطق الزراعه لمحاصيل معينه علشان المستثمر يقدر يحقق افاده برده من تقليل نفقات النقل ,, بكده كسبت اكتر من حاجه ,, اول لحاجه ان الفلاح اصبح ليه دخل شهرى يقدر ينفق منه من غير ما يلجأ للسلف ,, تانى حاجه محصوله حيتباع بسعر منصف رابع حاجه ابناؤه حيشتغلوا في المصانع اللى حتنشئ قريبه من الاحواض دى وده في النهايه بيحقق دخل مناسب للاسره في الريف واللى معاه حيكون في استقرار وتقليل الهجره الى المدينه وبالتالى انخفاض الاسعار في المدينه وتقليل الزحام واتاحة فرص عمل جديده لابناء المدينه تالت حاجه مكسب الدوله من فرضها فكرة الاحواض الزراعيه كسياسه معينه للاكتفاء الذاتى ومن خلال الاتفاق مع المسثمرين على زراعة مساحات كبيره من محصول معين وليكن القمح مثلا ,, وفى المقابل حافز في شكل تسهيلات للمستثمر يقدم ليه من الدوله رابع حاجه قضينا على تفتيت الملكيه الزراعيه ورجعنا نزرع بنظام الاحواض اللى حيزيد من انتاجية المحصول ,, وممكن الدوله من خلال وزارة الزراعه ومركز البحوث الزراعيه وكليات الزراعه المنتشره في جامعات مصر تعمل على تحسين سلالات معينه تناسب المناخ اللى استجد حاليا على مصر ونقدر نستفيد منه في زراعات اقتصاديه تانيه تعود بالنفع المباشر والفورى على عجلة التنميه ومع الوصول للاكتفاء الذاتى ,, نقدر بالفلوس اللى حتتوفر من فرق االعمله في استيراد القمح من بره اننا نحسن من وضع القرى المصريه صحيا وامنيا وتعليميا الاعلام يكفى انك تعمل ميثاق شرف للاعلاميين ,, وتديهم الحريه ,, انما اعلام الدوله ده امر خلاص ولى وانتهى الفن اللى انت متقدرشى تعمله بالسياسه تقدر تعمله بالفن ,, الفن المصرى سبب رئيسى من الرياده المصريه في المنطقه ,, لما انهار انحدرت ريادتنا واصبحت دوله زى قطر بتحلم بوضع مبالغ فيه بالنسبه لدوله في حجمها ,,, يبقى الفن والاعلام ملفين علاجهم في حرية الابداع / كيفية القضاء على الاميه واصلاح التعليم اتكلمت عنه كتير قوى ,, بس في الاخير سياسة التعليم لازم توضع من قبل علماء متخصصين وفق سياسة تهدف الى خريج في النهايه يقدر يتعاطى مع متطلبات سوق العمل / كيف تجعل من اطفال الشوراع ابناء صالحين في المجتمع دى قوه عامله في استغلالها مكسب كبير ,,, وده ينطبق عليهم فكرة المدرسه المنتجه ,, بس باضافة سكن ملحق بالمدرسه ثانيا الوضع الخارجي / وصول السلاح عن طريق ليبا ليبيا في الوقت الحالى مش زى ليبيا كمان سنتين ,, واكيد الحدود معاها حتكون امنه ومسيطر عليها سواء من قوات حرس الحدود او الامن الداخلى / الغاز الطبيعي ومشكلته مع اسرائيل وهل اسرئيل قادره الى تحويل القضيه من تجاريه الى سياسيه شوف هو الموضوع متشابك مش بس مجرد تصدير الغاز لاسرائيل ,, يبقى لو محتاج تحل مشكله زى دى ,,, مش حتتحل غير سياسيا ,, وتمارس ضغوط زى ما حيمارس عليك ضغوط وما هو راي المحاكم الدوليه وهل سيكونون معنا ام ضد بصرف النظر عن الحكم معاك او ضدك ,, انما فكرة استقلال قرارك وموقفك الثابت لا تقدر بثمن ,, وحتقدر تسوقها بعد كده بمليارات ,, بس بشرط انك تثبت للاخر ,,, ولو تفتكر العماله المصريه في السعوديه والامارات كانوا شبه اتهددوا بالترحيل ,, وبمجرد ممارستك لضغط سياسى تجاه التقارب من ايران كل الملفات دى اتسوت وجالك منح كمان ,, يبقى السياسه كنا نعرفها قبل كده ,, عباره عن خنوع وخضوع ,, المفروض ان السياسه بعد كده ,, حتبقى بالنسبه لمصر اقتصاد موازى ,, نقدر نحقق بيه اكبر مكاسب من غير ما ندخل في مغامرات غير محسوبه / سياستك مع الازمات الخارجيه السودان / ليبيا/ سوريا / فلسطين / السعوديه / قطر / ايران السودان وفلسطين اتكلمت عنهم في التعامل مع اسرائيل ,, بسياسة الحرب البارده والرد بالمثل ليبيا وسوريا دولتين بيتحرروا وطبيعى ان مصر نبض العروبه ولازم تكون مدعمه لكل حركات التحرر من القهر والديكتاتوريات اللى بتمارس على شعوبها اقصى اساليب القمع السعوديه وقطر ودول الخليج وايران ,, ملف متكامل ,, اللى حيحدد طريقة التعاطى معاه ,, هو (( مصلحة مصر )) / ما هو رأي سيادتك في الازمه التي اسيرت مؤخراً مع امريكا بخصوص مكاتب حقوق الانسان بص لو جيت قولتلك اسرائيل داخله من البوابه الشرقيه لمصر (( سيناء )) حتلاقيك سبت اللى في ايدك وروحت تتطوع ,, لسه فينا بعض حاجات من النظام القديم ولازم تمارس ومش حنتخلص منها بسرعه بس اكيد حنتخلص منها ان شاء الله / علمائنا في الخارج وكيفية الاستفاده منهم محمد على ارسل بعثات للخارج علشان ينقلوا ليه الحضاره الغربيه ويساعدوه على بناء مصر قويه ,, لما يكون عندك مئات الالاف من العلماء المصريين في الخارج ومتستفادشى منهم ,, يبقى في حاجه غلط لو قدرنا نحقق في اول سنه مشاريع قوميه تحقق نمو اقتصادى ملحوظ ساعتها ممكن ترفع من ميزانية البحث العلمى وتقدر تجيب الناس دى وتحقق منهم اكبر استفاده ,, بس في البدايه مظنش ان عالم حييجى يساند برفع علم ,, العالم لازم ييجى على معمل مجهز باحدث التقنيات ,,, يبقى كبدايه حنجيب اللى المرحله محتاجاه ,, زى خبراء الزراعه والتصنيع مثلا ,, وزى ما قلتلك في حاجات كتير مهمه زى البحث العلمى ,, بس الانسان المصرى ليه اولويه كبدايه هل ستقوم بعمل اتفاقيه سلام مع اسرائيل هى موجوده اصلا ,, بس المفروض في حالة الاخلال باى بند يتم مراجعة الاتفاقيه ,, وده اساسا حاصل ,, اسرئاسل مش ملتزمه بحاجات كتير في الاتفاقيه ,, السياسه تشتغل بقى / حابب تضيف حاجه تاني سيادة الرئيس الفتره الاولى لمنصب الرئيس محتاجه شعار ممكن يتغير تانى سنه او تالت سنه ,, انما كبدايه لازم الشعار ده يترفع وبقوه العمل اولا في نهايه البرنامج راي الشعب ( الاعضاء ) همااللي هيحددوا فتره رئاستك هتبقى قد ايه نورت الحلقه يا ريس وانتظرونا والرئيس القادم المنتخب باصواتكم

[قلم بلا حبر]

اقتباس على فكره انا مسيحي يا ريس معلومه جديده وشكرا لاختيارك

طبعا منور يا غالى

يبقى انا الرئيس الوحيد فى العالم اللى حيكون ليه اتنين نواب

يعنى (( مجلس رئاسى )) اللى الكل بينادى بيه من يوم الثوره لحد دلوقتى

منور مؤسسة الرئاسه يا كبرياء

[тoкα..♥]

اقتباس [color="rgb(85, 107, 47)"]المستشار الفنى [/color] (( ده ابتداع بقى )) – للبنت اللى اسمها تقى ,, اهى قاعده تمثل ليل نهار ,, تيجى تشتغل لمصر وكفايه على المنتدى كده

تصدق قفلتني منك :d
بمثل فين آن شآء آلله )
كلمه معجبتنيش آهي ف نص آلكلآم
لآ آنآ زعلآنه مآليش فيه
آجآبآت حلوة ي آبيه
ورؤيه تـُحترم آكـيد ,
حلو آلبرنآمج ي كبريآء )
بآلتوفيق بقـآ ,,
آحترآمي

[كبرياء رجل]

اقتباس المشاركة الأصلية كتبت بواسطة قلم بلا حبر طبعا منور يا غالى يبقى انا الرئيس الوحيد فى العالم اللى حيكون ليه اتنين نواب يعنى (( مجلس رئاسى )) اللى الكل بينادى بيه من يوم الثوره لحد دلوقتى منور مؤسسة الرئاسه يا كبرياء

ربنا يخليك اخي
واجاباتك اكثر من رائعه
تدل على عقليه سياسيه مميزه
وتصدق. برنامجك رائع
تنفع تكون رئيس بجد
اشكرك لحسن تواجداك
دمت بخير
تحياتي

[قلم بلا حبر]

اقتباس المشاركة الأصلية كتبت بواسطة SaMbaTeKa تصدق قفلتني منك :d بمثل فين آن شآء آلله ) كلمه معجبتنيش آهي ف نص آلكلآم لآ آنآ زعلآنه مآليش فيه آجآبآت حلوة ي آبيه ورؤيه تـُحترم آكـيد , حلو آلبرنآمج ي كبريآء ) بآلتوفيق بقـآ ,, آحترآمي

تصدقى انى حفكر فى اقالتك قبل ما نبدا اول اجتماع :762:

منوره يا تقى

وبعدين مينفعشى مجلس انا رئيسه انتى متكونيش موجوده فيه

دى متبقاش مصر :biggrin:

منوره تانى

[قلم بلا حبر]

اقتباس المشاركة الأصلية كتبت بواسطة كبرياء رجل ربنا يخليك اخي واجاباتك اكثر من رائعه تدل على عقليه سياسيه مميزه وتصدق. برنامجك رائع تنفع تكون رئيس بجد اشكرك لحسن تواجداك دمت بخير تحياتي

انا اللى بشكرك على ردك ده

انا حطلع من هنا على لجنة انتخابات الرئاسه اطعن فى القواعد الترشيح

واترشح من اول وجديد

بس السن ؟؟

مش مشكله نعمل اعلان دستورى ننزله شويه :biggrin:

[yasmine refat]

:740::740::740:


اولا شكرا على تكريمك ليه بالمنصب ولكن اضحكتني حتى قتلتني :biggrin:


انا ابريء ذمتي وبتنازل عن طلب هذا الاستاذ:762::762:

والله ياسيد رائع بزات كلامك عن العشوائيات رائع بجد ...

باين ان لك نظره ورؤيه وهدف .. وده اكتر شيء عجبني :003:

منور البرنامج يابطل

[Hearts Whisper]

الله عليك يا قلم بجد عقلية رائعة
تسلم يا كبرياء على الاستظافة الرائعة دى