بعد الانتخابات هل كل مرشح حيرضى بالنتيجة

[ساحر الأحزان]

بسم الله الرحمن الرحيم

واحنا داخلين على مرحلة تحديد الصلاحيات واختيار الرئيس

القادم من المترشحين للرئاسة وبعد اعلان النتيجة

هل كل مرشح لو محالفوش الحظ حيتقبل النتيجة؟


هل كل مرشح حيبارك للفايز ويتمنى لية التوفيق؟

ولا حنشوف شكاوى ومظاهرات وكل واحد يقول انا استحق اكون رئيس ونرجع للى فات ومضى ؟

سؤال من باب التوقيع للجاى

[dяєαм..|♥]

احنا طبعا بنتمنى ان كل مرشح يتقبل النتيجة بصدر رحب لان ده نصيب
واللى ربنا يختاروه لينا هو اللى هيكون اصلح للبلد
وكل مرشح لازم يتقبل النتيجة خاصة اذا كانت الانتخابات تمت بنزاهة وحرية
لان اللى هيفوز فى الانتخابات هيكون باختيار الشعب
والمفروض ان بعد الثورة نتقبل النتائج لان المظاهرات والشكاوى فعلا هترجعنا للى فات
ويبقى كده مش عملنا حاجه
ويارب يصلحلنا اللى يخاف علينا ويخاف على مصلحة البلد

شكرا يا امجد ع الموضوع

[قلم بلا حبر]

عايز الصراحه

لآ

سواء كانت النتيجه فى صالح مرشح ثورى

او مرشح من النظام السابق

لكن فى الاخير

الماده 28 بتمنع الطعن على نتيجة الانتخابات

منور يا بركه

[&& برنسيسة المنصورة &&]

صعب اننا نقول ان كلهم هيوافق بالواقع
ولكن ممكن معظم

المفروض
الموافقة علي الذي سيمسك الحكم اي كان
لانه سيكون بارادة الشعب
ولا يمكن لاحد الوقوف امام ارادة الشعب الا الله سبحانه وتعالي


ونتمني ان تصبح البلد بخير وان تتحضر عقول شعبها

[الأميرة رودي]

وأنا كمان حسه اننا هنرجع لنقطه البدايه تانى لآ قدر الله فى حاله فوز احد الفلول..
طبعا الناس مش هتقبل النتيجه رغم ان فيه فئه منهم اللى منتخباهم أو بمعنى اصح اتضحك عليهم..
الثورين اللى رفضو الفلول وأسقطوهم متأكده ان فى الحاله دي هينزلو الشارع تاني وده هيكون منحقهم طبعا ..
وفى حاله فوز محمد المرسي برده الناس هتحتج وهتقولك دالاخوان ضحكو على الناس ب ازازه زيت وشويه طماطم
لكن فى حاله واحد ثورى زى ابو الفتوح وحمدين هتكون فرصه الآحتجاج أقل .لانهم هيتأكدو وقتها ان ده اختيار الشعب بحقيقي..
وعشان كده انا بتمنى ان النجاح يكون من نصيب واحد منهم
عشان ربنا يسهل ونبدأ نفوق لمصر ولنفسنا

[مملكة مصر]

عايز الصراحه

لآ

سواء كانت النتيجه فى صالح مرشح ثورى

او مرشح من النظام السابق

لكن فى الاخير

كل واحد ياخد نصيبة

[~ NoDa~]

الانتخابات نزيهة ان شاء الله ، والمرشحين موجودين واللي هيكسب هيبقا عشان اصواته كتيرة
يعني اغلب الشعب اختاره ..
واحنا عملنا الثورة عشان يكونلنا ريس نختاره بنفسنا عشان باذن الله نشيل الفساد وكل حاجة وحشة من البلد ..
يبقا ملناش الحق خالص بعد نتيجة الانتخابات ماتطلع ، نعمل مظاهرة حتى ..
احنا ندعي ان ربنا يوفق الاصلح لمصر ، ونرشح اللي احنا شايفينه ممكن يكون المناسب
عشان ربنا اعلم مننا
يبقا اكيد انا شخصياً هرضى بالرئيس الجديد حتى لو مكانش اللي انا شايفاه الاحسن ،
شكرا ع الموضوع