أنواع الولاد على النت

[اميرة الغناء]

السلام عليكم
انواع الولاد علي النت........... .............



المرحلة الأولى : الي يدوبك لسه متعلم يدخل نت


طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت
سمع من صحابه عن النت والبنات وجاي يجرب حظه



المرحلة الثانية: الي بيقعد على النت بس مش كتير


النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي
يبقى لحوح ويفضل يطلب نفس الطلب


(المرحلة التالته)



الي قاعد على النت ليل نهار
ده بقى شرحه يطول وينقسم لعدة انواع





1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت


2- ابو دم خفيف



ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك




3- المودي


دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه بلوك ودليت



4- اللزقه


والنوع ده عايز حزم ف التعامل
معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الحبيب


انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه
ودول كتير جدا جدا


6- حريقة بنات


ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي
ويندمج وبعدين يطلع واحد صاحبه
ههههههههههههههه ههه يعيني شرب المقلب


7- الكداب ...




من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب
هههههههههههههه
بردو كتير جدا جدا


8- العبيط




ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه
ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة


يعني دماغك منهم كلهم

[jasmean]

ههههههههههههههههههه

[۩۩ سيد الشرقاوي ۩۩]

هههههههههههه
لا حلوه تسلم ايدك

[اهلاويه موت]

ههههههههههههههههههههههههههههههههههه

[اميرة الغناء]

اقتباس المشاركة الأصلية كتبت بواسطة سيد الشرقاوي هههههههههههه لا حلوه تسلم ايدك

من غير زعل هه

[princess dede]

hhhhhhhhhhhhhhhhhhhhhhhhhhhhhhhhh 3ahaaaaaaaaaaaaat

[احساس فراشة]

هههههههههههههه
تسسسسسسلمي ياقمر

[RORORANOSH]

هههههههههههههه لا بصرحه حلو جدااااااا

[حسام الشاعر]

[براءة حلم]

ههههههههههه جميله تسلمي ياعسل