البقاء لله

[الرحــاال المٌتَمرد]

~ البقــ ـــاء لله ~




كنت أنا وأخوانى فى التحرير ,, بنهتف لحب مصرنا الأبيه
الهلال مع الصليب ,, صرختنا كانت مدويه
كنا أيد واحده ,, فَجرنَا الثوره المصريه
وبعدها أنشغل الكل ,, ونسيوا القضيه الأساسيه
يا أمى أيه كنتى مستنيه ,, !!
ياما قولتلك إنها قضيه منتهيه ,,
ما تاجروا بدمى ,, وأتشتتوا لمصالح شخصيه ,,
وبيخطتوا للعهد الجديد ,, لأقامه الدوله المدنيه

ربنا هو المنتقم ,, هو القادر ينصر الضحيه ,,




أحمد رفعت بيقولك ,, مافيش شاهد ولا دليل
ماشفش دمى سايل تحت المدرعات ,, بأوامر العميل

بيثبت للعالم ,, إن دم المصرى مستباح ,, وتمنه قليل
بيحكم من أوراق فصلها شرطه حبيب ,, الشاطر وإسماعيل
برء علاء وجمال ,, لكن حسابهم عند ربنا تقيل
وإنتهت خلاص أخر فصول الثوره ,,إللى صنعت فيها المستحيل
ماتبكيش يا أمى ,, أخوانى ردولك الجمِيل
حسبنا الله ونعم الوكيــل ,, حسبنا الله ونعم الوكيل




حسبنا الله ونعم الوكيل ,,

تحيه للساده الأجلاء

ولاعزاء لأسر الشهداء

وليده القهر ,, والظلم



جميع الحقوق محفوظه للكاتب وللموقع
يحظر النقل الإ بالإشاره للمصدر وصاحب الكلمات
رح ــال بلا عنـــوان

[я e e м]

حَسبُنـآ الله وَ نِعمَ الوكيلْ

عنوآن رآآئِع وجآذبْ
أبـّدعت فِ كلمآتِكْ . . وَ إحسآسكْ جميلْ
وهُو إحسآسْ كُلْ مَصري حآسِس بإن دم أخوه رآح هـَدر
وإذآ حسآبهم مش بِ الدُنيآ . . ربِنآ فوقْ كل شيء
وإن شآء الله حق الشُهدآء هيرجعْ

أبدعّتْ مرره تآنيه ^^
بِ التوفيق . . ودآمَ إحسآسك الرآئِع

[شاعر الإحساس]

والله يا رحال يعني مش عارفين نقول ايه

ربنا هو القاضي والعادل ,,,

واللي بيعدي من الدنيا ,, مش هيعدي من الاخره

احساس صعب بصراحه ,,,


دايما صرخاتك حامله الوطنيه ومعانيها

رائع في وصفك وفي كلماتك,, وفي لحظات الخط من القهر

مميز بكل ما تاتي به ,,,

احييك من قلبي ايها الراقي

خااالص تقديري وتحياااتي اليكـ

دومت بكل ماهو جميل وراقي

ودعواتنا لمصر ان تعود كما كانت واجمل

ان شاء الله ,,,,


شكرا لروح احساسك الوطني الصادق

وما يطربنا به دوما


"شـاعر الإحسـاس"

[نهر النيل]

المحترم .. رحال بلا عنوان

بالبدايه

اشكرك جدا على توجيه الدعوه المميزه للتواجد بكلماتك الصادقه

وموضوعك الهام والقوي فعلا

ولكن

اسمح لي وبكل احترام الاختلاف

الثوره قائمه

الثوره راجعه

بس المره دي بشكل ونظام وفريق قيادي

مش هوجه وهيصه زي ما حصل

الثوره راجعه

هيخرج منها مجلس قياده

وهيخرج منها مجلس قانوني يحاكم العملا والخونه والمرتزقه والمأجورين

وهيخرج منها محكمه عادله علنيه

هتحاكم عواجيز القضاء والمحسوبين عليه

وهيخرج منها حقوق كل شعب مصر اللي ما زالت مهدره

الثوره راجعه

بس بشكل تاني

وخليك فاكر

مع عظيم الاحترام

[شموع الليل]

اخى رحال بلا عنوان
كلامك دائما يدخل كسيف جارح لقلبى
ويبكى قلبى قبل ان تبكى عينى كلامك جميل
وصادق ومؤثر بالنسبالى
متشكره جدا على امتعنا بكلامك الرائع
دمت بكل تميز
وتقببل مرورى

[دمعه حائره]

اى دليل اكتر من وجودهم ظباط وقت الجرايم ماحصلت
عساكر الامن المركزى اخدت الاوامر من مين؟
ولا تطوعوا بقتل المتظاهرين
اظهار يا رحال انكتب علينا
نقضى حياتنا نقول جلمتين
البقاء لله
وحسبى الله ونعم الوكيل
تسلم اخى ومانتحرمش من تواجدك المميز

[فارس الكلمة]

البقاء لله
البقاء لله والدوام لله
فيا شهداء الثورة لكم الله
جاء الحكم اليوم غير المتوقع تمام
الكل الآن مرتاح وباله تمام
قال إيه الكل براءة من دماء الشهداء
ومؤبد للطاغى والكلب اللى معاه
يوم أو تنين والنقض هيبرأهم
والله حرام اللى حصل فى أمورهم
نقول أيه غير حسبنا الله ونعم الوكيل
ونترحم على شهداء مصر والتحرير
يا حى الأربعين يا مكان المجد والشعب الآصيل
يا شهداء الأسكندرية وكل الميادين
العضو من الله رب العالمين
ولكن منى نداء لجميع المصريين
مسلمين وأقباط وكل من كان للوطن يددين
نسعى لحملة ضد الفساد وصد الكلب شفيق
والله لو مسك البلد ليولع فيها وما هيرحم صغير
إنه متعود على الظلم وهو صغير
هو دة اللى باع أرض البلد لجمال
وقال أيه بيزود ثروة العيال
البقاء لله
وحسبنا الله ونعم الوكيل
أشكرك أخى على بوحك الراقى
تقبل مرورى ودمت يالخير
فاااااااااااارس الكلمة

[حنـــــون]

حسبى الله ونعم الوكيل فيهم
بجد ربنا ينتقم منهم ويخلصنا
من الاشكال دى على خير
ايه كميه التلاعب دى
ازى فى ناس قادره تعيش وكل الناس دى
مقهوره ومظلومه وشهدااااااااااااااء
بجد منتهى الظلم
شكرا يارحال

[زهرة الحياة 2]

حقا انا لا استطيع ان اجد الكلمات التىاستطيع
ان اعبر فيها عن رايى من جمال ما كتبته
لقد سطرت لنا بقلمك كلمات عبرت عما نشعر به
فها هم يحكم عليهم بالمؤبد وبعد الطعن سيخفف الحكم
ولكن لن يضيع حق الشهداء لن يضيع حقهم مهما حدث
فاذا ضاع فى الدنيا لن يضيع فى الاخرة ونحن لا نملك
كالعادة فى كل موقف سوى ان نقول حسبى الله ونعم الوكيل
كلمات فى قمة الجمال
لا اجد سوى ان اقدم لك ارق تحياتى

[زنبقة تناجى ربها]

رحال بلا عنوان ...

حسبنا الله ونعم الوكيل ...

أتمنى لمصر أن تحصل على مرادها فى القادم من الأيام ...

وأن لاتسمح للحكومات الأخرى أو غيرها بالتدخل فى شؤونها الداخلية ...

يارب يسر لمن أراد نصر الثورة وأمنع من أراد إعادة مايحمله النظام السابق ..

شكرا لك رحال بلا عنوان وبالتوفيق يارب لك ولمصر ولكل العرب والمسلمين ...