منع الفلاشات من التواقيع

[Lost Pearl]

مش اعتراض كاعتراض

بس انت قلتها .. عارف اما الواحد يبقي متعود علي حاجة و فجأة مش يلاقيها ههههههههه

و قسم الفلاشات هيتأثر جدا بالموضوع ده

روح هتلاقي كله فلان >> مبروك التوقيع الفلاشي الجديد :biggrin:


انت شوف ايه الانسب يا طارق

[SplendiD SouL]

ههههههههههههههههههه حاسه بتعمل دعايا عن مسحوق مثلا )
المهم انا نفسي اوقات كتير مش بحط فلاش وساعات التوقيع بلغيه
في فعلا ناس بتحط بالخمس تواقيع بس دي نفس فكرة انها تحط خمس صور في توقيعها
بمعني دي ذوقيات يعني مش هتمنع فلاش عن الناس كلها علشان واحد بيحب يركب ميكروباص معاه في توقيعه
في الاول والاخر دي حاجه ترجعله هتدخل في ذوق كل واحد
وبالنسبه ليا فالصفحه بتحمل كلها والتوقيع بيكون لسه
و بشوف اللي عاوزه ومش بستني التوقيع علي مايحمل ؟؟؟ زي توقيعك والله مافاتح عندي ورديت اهوه
وبدخل بالفون واوقات يو اس بي بس بستخدم استيل الفون يعني برضه الحكايه مش مشكله اوي في الجزء دا ؟؟؟
لو حابب تحل مشكلة التصفح فادي حلها كتير زي مثلا انك تحدد حجم الفلاش من كذا لكذا
وانه ميذدش عن واحد مثلا في التوقيع زي الصور مابتقبلش اكتر من 4
ممكن تعمل استيل لوحده لكن تلغيه عن المنتدي كله ؟؟ اظن قرار سريع اوي
وبعدين هنعمل ايه في قسم الفلاش ساعتها الواد هيبع ترمس :biggrin:
وكمان الناس كتير اتعلمت فلاش علشان تعمل ليها توقيع من نفسها يعني كدا هتخلي حكاية التعلم دي
تختفي شويه بشويه والقسم مش هيبقي ليه لازمه ؟

[Mo7aMaD 3aLa2]

موافق ,,
انا بتخض بردو زيكـ )
بنبقى قاعدين فـ امانة الله حاجة كدة تطلع فجأة
ما اللى عاجباة اغنية او موسيقى يسمعها يا جماعة هو لازم احنا نسمعها كمان p:
..

[Sh2wA]

انا بقول موافقة على كدا
مع انى بحب التواقيع الفلاشية جدا
بس بتقل المنتدى اوى اوى لان بيباة الاغلبية عاملين تواقيعهم فلاشية
وطبعا هنشوف باة فى الاستفتاء
احتراااامى:
شاهينور

[YOo YA]

بصوا بصراحة قد ماهي وحشة قد ماهي حلوة
ممكن بدل ما تمنعوها
تخلوها هديهـ في المسابقات
يعني فاز بمسابقة انهت يتسمحلهـ يحط توقيع كذا ويتعملهـ واحد علي زوقة
بس منعها دا بيبقي وحش شوي

[~ NoDa~]

)
دا غير اني حصلت معايا كتير
اكون مركبة سماعات ف ودني ومثبتاهم كويس
ومعلية الصوت ع الاخر عشان اسمع حاجة صوتها واطي
و بالصدفة اللي بتتكرر 3 4 مرات ورا بعض
اعدي بالماوس ع توقيع
واتخض خضة فظيعة :d
يعني انا لو حطيت توقيع
بدل ما آخد ذنب ان واحد سمع الاغنية
آخد ذنب انه سمعها ووجعتله ودانه ؟
الاتنين ! :d
انا من رأيي ،
ممكن اولا تخلي فيه حد مسموح لحجم الفلاش
وعدد معين كمان
لاننا مش بنقدر نحط اكتر من صورة بس ممكن نحط 100فلاش ،
وممكن تمنع خالص فكرة التعدية بالماوس دي ،
وتخليها بالضغط للتشغيل والايقاف
دا ممكن يحل المشكلة
انا من رايي احسن تمنع الفلاشات دي خالص ي طارق بلاش وجع دماغ :d

[۩۩ elMagic ۩۩]

هههههههه
انا بردوا بتخـض ساعات
وبليل من بعد 2 الصبح بابقى مركز فى حاجه
واخبط فى توقيع وانا ماشـى :biggrin:

اممممممم
فيه حل للموضوع دا فى دماغــى
بس مش عارف اذ كان متوفر او لاء
لان للأسف خبرتـى مش جامده اوى فى الاداره
فا لو فيه هاكـ او اى حاجه تمنع التواقيع الفلاشيه من عملهـا فى التواقيع
بغــض النظـر عن باقـى التوقيع يبقى تمام ..
لان احنــا ساعتهــا
ممكن علشان القسـم مش يتأثـر جامد من الموضوع دا
نخلــى ظهور التواقيع الفلاشيه داخل قسم السويتش ماكس فقط
يعنــى فى بعـض المنتديات خاصية عدم ظهور التواقيع مفعـله عمتا فى القسم الاسلامى
احنا نعمله يظهر فى قسم الفلاشات بس
وباقـى المنتدى خالــى من التواقيع الفلاشيه ..
؟؟
بس ياترى حجم الفلاـش نفسه وهو مخفـى هيكون له تأثير بردوا ولا لاء
الله أعلم ؟؟

وكمــان ممكن نعمــل حد اقصــى لحجم التوقيع الفلاشــى وعلى المصمم ان يلتزم بهـا
ولتكن مثــلا 2 ميجــا لتخفيف الحمـل على المنتدى ..

اصـل يا طارق مش ينفع بعد فتره طويله جدا والفلاش مطبق وموجود
فجاه يتشال مرة واحده وكأنه مش له وجود ..

وعمتــا
لو الموضوع انتهــى بالموافقهـ
فا ارشيف القسـم الى لسه نازل دا
هيتحط فيه كل ما هو يخـص بالسويتش ماكس
وهيبقى فى منزلة المدونة المغلقهـ اى جديد هيتضاف فيه
لمن يريد المتابعه لانه برنامج زيه زى غيره لازم الكل يعرفه ويتعلمه
بغـض النظر عن امر تطبيقه فى المنتدى

انا لسه مش صوتت لغاية دلوقت
لان مشرد الزهن ما بين اه او لاء
وطبعا كله فى الاخر بينصب لصالح المنتدى

خالص احترامــى وتقديــرى

[פﭠة ﺳگـړُھَہّ]

وانا اللى كنت ظالمه النت واقول النت عندى بيخرف طلع الفلاش هو السبب منه له منه له هههههههههههههه

طبعا انا ولا فارق معايا هههههههههه لانى ولا بحط ولا فلاش ولا اى حاجه هههههههه
بس بجد انا فعلا الصفحه بتقع فتره ع مابتحمل وكنت دايما اقول العيب عندى
طلع مش عندى وفعلا بيتقل الجهاز

انا اوقات بسيب الموضوع واقعد اسمع فى التوقيعات ههههههههههههه

انا مع انه يتشاااااااال

[S n i p e R]

بص انت معاك حق جدا ف كل كلمة

ومقدرش اقول حاجة

ومش هكون زعلان ابدا لو اتطبق القرار ده

بس انا بصراحة مش هاين عليا اقول نعم

اصلها صعبة يعني اتعودنا عليها

وعشية عمي d:

شكرا على الديموقراطية يا طروق

تحياتى

[тoкα..♥]

آلجمآعه آللي بيقولو آه معآكو حق وبنتخض وليه يسمعونآ آغآني عجبآهم )
طب آي رآيكو آنكو كنتو حآطين فلآشآت قريب بقآ
لول و نودآ :d:d:d
آول مآ تشطح تنطح )
,,
آللي عآيز تعملو آعملو ي طآرق :d
مش فآرقه معآيآ بشيل توقيعي كتير ولمآ بحط بحط فلآشي
وبس بأه ,,