ده مش رقى ده غباء وباميه بالمكسرات

[jasmean]

احيانا بنشوف غلطات شنيعة ممكن البنوتة تكون فاكرة انها بتخليها راقيه وستايلش يعنى عندى امثلة وحاجات انا شفتها وحبيت نشارك بعض فى حاجات بنشوفها نتيجة تعاملنا مع الناس من فتره دخلت لضيوف لقيت واحدة بتجرى على اله المشى واله المشى دى فى الصالة ولا لفت ولاسلمت علينا بجد موقف مش لذيذ ابدا المفروض ترحبى بود ومش تعتبريهم كانهم اشباح ده بجد مش رقى دى قله ذوق لما تتكلمى بصوت عالى بقصد انك تلفتى الانتباه والكل ينتبه لكلامك والكل يسمع لك بجد انا بضايق من كده فبضطر انا بقوم اخد بنادول وغصب عنى بكمل معاهم عشان متعتبرش قلة ذوق منى ده مش رقى يا جماعة لما ضحكتك تبقى عاليه فى الشارع عشان تبينى للناس قد ايه ان ضحكتك تجنن ده مش رقى لما تفضلى وانتى ماشية تبحلقى فى اى شخص بيعدى وتقولى شوفى المز ده ده احلى من مهند بجد انا بقرف من الناس دى بجد حاجة تحزن ناس نسيت دينها وتناست اخرتها واخلاقها ده مش رقى لما تدخلى مطعم ولسه الاكل مجاش تفضلى تبصى لاكل الناس اللى جنبك وتوشوشى اللى جنبك بصى دول طالبين ايه شامه الريحة بجد دى حركة بلدى جداااا ده مش رقى لما تروحى تشترى هدوم وتفضلى تضحكى مع البايع وتفاصلى قال ايه عشان ميضحكش عليكى اتاكدى انك هتطلع من المكان وهيقول انك شخصية مش محترمة لو حد عاكس حضرتك وابتسمتى بثقة لجمالك الخلاب ده مش رقى لما تكونى عند ضيوف واى جماعة وتفضلى تتكلمى عن مميزاتك وانجازاتك العظيمه ده مش رقى لما تترقى على حد تخين او قصير او شكله مش حلو قوى وتتناسى انك مليانه عيوب وان دى خلقة ربنا وكده حضرتك بتاذى شعوره وبشيل فى نفسيته بجد اسلوب سورى فى الكلمة قذر ده مش رقى لما كلامك يكون كتير وبدون فايده ده بيقلل من جمالك وحضورك المفروض حضرتك تتكلمى كلام مفيد وبلاش النميمة والغيبة يعنى مثلا كنتى قاعدة مع مجموعة ناس ودخلت واحدة واو بس اتكلمت فى سيرة ده وكلام هبل وسطحى ودخلت واحدة عادية الشكل بس ابتسامه رقيقة وسلمت بادب واسلوب مهذب وسالت الاشخاص الموجودين عن احوالهم باهتمام واتكلمت مع واحدة من الحضور وكانت تستمع وترد باسلوب مهذب وخلتها تكمل كلامها بدون مقاطعة وابتدت تتكلم وتعلق باسلوب االراقى حضرتك هتحبى تتكلمى مع مين ؟؟ اكيد التانيه هو ده الرقى لما تتكلمى مع حد وتفضلى تديله نصايح نصايح نصايح كانك افلاطون زمانك ده بجد مش رقى لانى زى ما الشخص اللى بتكلميه فى عيوب انتى فيكى عيوب وياريت اسلوب النصيحة يكون لطيف وبابتسامه وبلاش تكون فيه كلمه(انا) زى مثلا حبيتى تنصحى واحد بيسمع اغانى الاسلوب الاول انا من وجهه نظرى انك غلطانه والمفروض انك تبطلى تسمعى اغانى يلا اطفيها كفايه ذنوب احنا كده هنروح النار يا اختى اتقى الله بصى بقى الاسلوب الثانى ابتسامة رقيقة عارفة يا فلانه امنيتى اننا نكون فى الجنه وربنا يهدينا ويبعدنا عن الاغانى وتكملى بابتسامه عذبة يلا قولى امين يلا لو سمحتى اطفى الاغانى وانا اسفة لو ازعجتك بكلامى هتسمعى كلام مين لما تشتمى وتعلى صوتك وانتى معصبه وعلى ما اتذكر انى اتعلمت من صغرى (ان الصوت العالى دليل على ضعف موقفك) ده مش رقى بليز بقى لما نكون معصبين والكلام ليا لانى احيانا بطلع من شعورى نستعيذ بالله من الشيطان الرجيم ونستغفر ربنا وبعد ربع ساعة نحاول نتفاهم مع الطرف الاخر بكوبايه عصير او اى مشروب دافى وتقدميه بابتسامه حلوه والله انا احيانا بعملها عشان انا وباباتى مختلفين فى معتقداتنا وبتجيب مفعول رائع بس بابا يشخط شخطة بتخلينى اترعب وافقد النطق فبخليه يهدى واستحاله اخليه ينام وهو مش راضى عليا وبشويه دموع بيصالحنى ملحوظة ضروريه جدااااا:اوعى تنامى وجوزك زعلان منك دى كارثة فعلا ده اللى افتكرته لو افتكرت حاجات تانية هكتبها ولو عجبكم الموضوع ياريت تقيموا

[!دلوعها وكلمتها مسموعة!]

اية الحلوة دى
احلى تقيم
لاحلى بنوتة
تسلمى يا قمر

[jasmean]

ثانكس علي المرور

[روح مخمليه]

لما تفضلى وانتى ماشية تبحلقى فى اى شخص بيعدى وتقولى شوفى المز ده
ده احلى من مهند بجد انا بقرف من الناس دى
بجد حاجة تحزن ناس نسيت دينها وتناست اخرتها واخلاقها


فعلا انا بكره الناس دى اوى دى قله زوء
موضوع جميل بجد

تسلم ايدك

[dяєαм..|♥]

موضوع قيم
شكرا ع النصايح
منتظرين جديدك

[jasmean]

ثانكس علي المرور

[Banota msriaa]

بجد موضوع جميل ومعناه اجمل

تقبلي مروري

[Hearts Whisper]

موضوع قيم بجد تسلمى حبيبتى

[jasmean]

اقتباس المشاركة الأصلية كتبت بواسطة Banota msriaa بجد موضوع جميل ومعناه اجمل تقبلي مروري

[jasmean]

اقتباس المشاركة الأصلية كتبت بواسطة ,,همس القلوب ,, موضوع قيم بجد تسلمى حبيبتى