حسبى الله ونعم الوكيل !!

[ღ Gի๐sτ ღ]

السلام عليكم ورحمه الله وبركاته

طبعا كتير من الولاد والبنات فى تالتة ثانوى دخل حل الامتحان من على تويتر وبسهولة كدة و من غير اى مجهود .. طيب لية كدة ؟؟ كل دة عشان معاه ايفون دخل بيه ع النت يعمل اللى هو عاوزة ولقى الامتحان متسرب بالاجابات ع النت وللاسف كل اللى حل كدة خارج يحكى للناس كلها وفخور بنفسه انه عرف يحل الامتحانات بسهولة ومن غير اى مجهود وبقى فرحان بنفسه اوى ويحكى لكل الناس و طبعا فى المقابل اللى مكنش معاه اى فون ولا بلاك بيرى واللى كان بيذاكر السنة كلها معرفش يحل غير نص الامتحان او نسبة كويسة منه ولكن مش الامتحان كلو طبعا واكيد اللى غش من ع النت درجاته هاتكون اعلى لأن كل الاجابات صحيحة وع الجاهز من غير مجهود !!

بس نفسى اعرف كل واحد من دول ياترى لو مكنش معاه ايفون وكان شايف زميله اللى قدامه معاه ايفون وبينجح من غير اى مجهود عمله ويجيب مجموع كويس وانت اللى مذاكر السنة كلها موصلتش لمجموعة يا ترى كان هايخرج من اللجنة فرحان كدة ؟ يا ترى كان هايبقى مبسوط ويحكى للناس كلها ويفتخر ان معاه اي فون ولا بلاك بيرى وانه قدر يغش من خلاله .؟


مش معنى ان ربنا رزقك بالفلوس وابوك قدر يجبلك اى فون ولا ايباد يبقى تاخد حق غيرك اللى تعب السنة كلها بس عيبه الوحيد ان معهوش فلوس يجيبله ايفون زيك !!


حتى التعليم الحاجة الوحيدة اللى الواحد كان يعملها بنفسه ومجهوده الخاص دلوقتى دخلوا فيها موبايلات وايفونات ودخلتوا فيها الماديات .. طيب الواحد يعمل اية عشان يعرف يعيش طيب ؟ لازم يكون معاه فلوس عشان يقدر يعيش ويشتغل فى مكان كويس يعنى ؟؟ ماهو بغشو دة من خلال الموبايل دة بياخد مكان غيره كان هو الاحق بيه :s

انا بجد مخنووووق اوى من اللى حصل النهاردة مع انى ولا فى ثانوى ولا حاجة انا فى نظم ومعلومات يعنى مش فارقة معايا مين ينجح من مين يسقط بس بجد حاجة تحرق الدم لان حرام بجد

واحد يذاكر السنة كلها ويتعب السنة كلها وفى الاخر يجيب مجموع مقبول نوعا ما ويدخل معهد او كلية عادية

والتانى معملش اى حاجة ومقضيها لعب و فرفشة السنة كلها يدخل الامتحان يحل كل حاجة ع الجاهز وكل دة لية ؟ عشان ربنا رزقو عرف يجيبلو موبايل كويس امكانياته كويسة ,,

طيب يعنى انا لازم يكون معايا فلوس واجيب موبايل غالى وامكانياته عالية عشان اقدر ادخل كلية كويسة ؟؟ طيب لو معيش موبايل امكانياته عالية اعمل اية !!
مجهود شخصى ودة الطبيعى ان كل واحد يعتمد ع مجهوده ولكن دلوقتى بقى اللى معاه امكانيات بقى يخش يحل الامتحان ع الجاهز

وانا عشان محدش يفهم كلامى غلط مش بتكلم ع نقطة واحد موبايله حلو ولا لأ
انا ممكن يكون معايا ايفون ولااتش تى سى ولا اى حاجة كويسة
بس موبايل يعنى عارف استخداماته فى اية واعمل بيها اية ومن حقك تجيب اعلى موبايل امكانيات حلوة وكل حاجة زى الفل ودى حاجة حلوة مش وحشة وكل واحد بيبص للأحسن دايما

بس موبايل تفيد نفسك بيه من غير ماتضر واحد تانى غيرك
وحط تحت كلمة من غير ماتضر غيرك ميت خط لأن دة اللى انا اقصده من الكلام

يعنى مش عشان معاك موبايل كويس تقوم تاخد بيه مجهود غيرك وحق غيرك اللى تعب السنة كلها

انا واثق ان كل واحد غش النهاردة من الموبايل هايجى عليه يوم فى شغله ولا فى اى مجال وهايلاقى حقه بيضيع و واحد تانى بياخد حقه ومكانه فى العمل وكل دة لأن الشخص التانى استغل امكانياته المادية فى انه ياخد حقك ومجهودك ومكانك فى العمل زى مانت ماعملتها النهاردة وخدت حق غيرك لمجرد انك معاك موبايل امكانياته عالية قدرت تستفيد بيه فى المقابل زميلك اللى قدامك حالته المادية مساعدتهوش انه يكون زيك بس كان بيتعب ويسهر ويذاكر عشان يجيب حق تعبه مش واحد زيك
:: كما تدين تدان ::

ربنا ينجح كل طالب تعب وسهر وذاكر ويوصل للى كان بيحلم بيه
وكل واحد بإذن الله ياخد على قد مجهوده

واسف ع الاطالة

[тoкα..♥]

هو كويس شعورك تجآه ظلم شوفتو ومش رآضي عنو
بس سوآء آيفون ولآ بلآك .. تفتكر من غيرو مش هيعرفو يغشو ؟
وبعدين مين قآل آنهآ آجآبآت صحيحه ؟؟
مآهمآ آللي بيحلو مع بعض
يعني ممكن صح وممكن لآ
وبآلمنآسبه آلآمتحآن كآن في مستوى آلطآلب آلمتوسط وشوفت آسئله آلنحو كآنت حلوة بجد وعرفت آحلهآ وآنآ آهو ف 1 مش 3 :biggrin:
وخآلتي كمآن آمتحنت آنهآرده وكآنت خآرجه مبسوطه وموبآيلهآ c3 مش آيفون :d
يعني ملوش علآقه
هو آه ظلم وغلط طبعآ ,, بس مفتكرش آنهم هيآثرو على آللي ذآكرو وآجتهدو بجد ,, لآنهم لو مذآكرين فعلآ هيحلو آلآمتحآن كلو بسهوله
وشكرآ لبوحك بقآ
ومنور آلقسم
وروق دمك :biggrin:

[نورا ❤]

بجد حاجة تقهر جداا يا محمد ..
وان انت تتظلم او حد ياخد حقك الاحساس ذات نفسه بيبئا صعب اووي ..
وانك شايف مجهود شهور ودروس وقرف بيضيع في ثواني ده اوحش .
بس زي ما فيه حد يقدر ياخد الحق من حد يستحقه او ياخد اكتر من حقه في ربنا يقدر يرجعه ويدي كل واحد علي قد الي عمله
وعمر ما اللي نجح بايفون او ايباد ما هيحس احساس النجاح فعلا ..
ولو عدي السنة دي او اللي بعديها مصيره اللي بعديها يتقفش او ينزل خالص ..
..
ربنا يدي كل واحد علي قد عمله ويوفق كل اللي عمل مجهود فعلا
تسلم علي التوبيك
تحياتي

[Ninjawya]

آهـــاا هى حاجــه تنرفـز اوووى فعـلاً ..
د كـآتبين ( تريقـة ) إن الامتحان فـ مستوى الطالب صاحب الآى فون :762:
و بغـ ض النظـر عـ ن الطريقـة ديه فـ فى طـ رق تانيه اصـلا كتيير فـ الغـ ش .. !
يعنى كده كده بيعـ رفوا يغشـوا من غير تويتـــر
اقـل حـآجه بتتعمـ ل فـ إمتحانات الديـن فـ نـآس بتغـ ش آيـه الديـ ن مـن القـرآن الى عـ الموب :726:
كل الموضـ وع ان الغـ ش اتطوـور بـس
بـ س فعـلآ عمـره ما هيحـس انه عمـل الى عليه قدآم ربنــآآ .. الضميـ ر هيشتغـل بقه
يـلآ ربنا يستر عـ 2 ثـآنوى و عـ بقية الإمتحـانات و يخلصـ وا بقـه ! :198:

[ღ Gի๐sτ ღ]

اقتباس المشاركة الأصلية كتبت بواسطة sambateka هو كويس شعورك تجآه ظلم شوفتو ومش رآضي عنو بس سوآء آيفون ولآ بلآك .. تفتكر من غيرو مش هيعرفو يغشو ؟ وبعدين مين قآل آنهآ آجآبآت صحيحه ؟؟ مآهمآ آللي بيحلو مع بعض يعني ممكن صح وممكن لآ انا فاهم قصدك بس دة مش غش اللى انتى عارفاة او اتعودتى عليه اللى هو طلاب مع بعض لأ دة الامتحان نزل بالاجابات كلها والكل خد الاجابات فى الورقة بسهولة واكيد لما حد ياخد الامتحان ع الجاهز كدة ع طول باجابات صحيحة غير لما طلاب يغششوا بعض لان كدة كدة كلهم مش مذاكرين فبيغشوا من بعض واجاباتهم اغلبها غلط اكيد انتى فاهمة قصدى وبآلمنآسبه آلآمتحآن كآن في مستوى آلطآلب آلمتوسط وشوفت آسئله آلنحو كآنت حلوة بجد وعرفت آحلهآ وآنآ آهو ف 1 مش 3 :biggrin: وخآلتي كمآن آمتحنت آنهآرده وكآنت خآرجه مبسوطه وموبآيلهآ c3 مش آيفون :d يعني ملوش علآقه هههههههه كويس ان الامتحان كان سهل ويارب تنجحى واعلى مجموع يارب يا تقى انا مش بحدد ايفون ولا نوع اية انا بتكلم عموما ع اى نوع يعنى انا كل مامشى فى مكان اسمع ايفون و بلاك بيرى ايفون وبلاك بيرى وخدنا الامتحان ع الجاهز ووكلو صح .. بصراحة حرقوا دمى اوى بالكلام دةانهم يدخلوا ياخدوا كل حاجة ع الجاهز كدة)) هو آه ظلم وغلط طبعآ ,, بس مفتكرش آنهم هيآثرو على آللي ذآكرو وآجتهدو بجد ,, لآنهم لو مذآكرين فعلآ هيحلو آلآمتحآن كلو بسهوله انتى مش فاهمة قصدى اوى بس انا هافهمهالك بشكل اوضح ازاى فيه تأثير واحد ذاكر واجتهد وجاب مثلا 80% هايدخل كلية هايطلع يشتغل هايكون مرتبه ** و واحد تانى دخل ياخد الحل ع الجاهز ومثلا نتيجته 90% هايطلع يدخل كلية اعلى واحسن ومرتبه هايكون اعلى وقتها طيب لية الظلم دة واحد يتعب عمرو كلو وفى الاخر واحد تانى من غير مايعمل اى حاجة يكون اعلى منو ويطلع نتيجته اعلى ويدخل كلية اعلى و يشتغل فى مكان احسن واعلى ومرتبه يكون اعلى من اللى تعب طيب يبقى هو تعب عمره دة كلو لية .؟ انا معنديش مشكلة ان واحد يكون نتيجته وحشة او شغلته مش حلوة بس ع قد مجهوده يستحمل ولكن المشكلة بالنسبالى انى اشوف واحد يبقى احسن من غيره من غير مايستحق انه يكون فى المكان دة وشكرآ لبوحك بقآ ومنور آلقسم ) بنورك يا تقى وروق دمك :biggrin: هههههههه انا دمى رايق دايما بس اما بشوف ظلم بعينى بتغير )

تسلمى ع مرورك الجميل
منورة

[ღ Gի๐sτ ღ]

اقتباس المشاركة الأصلية كتبت بواسطة η Ő ō г

اقتباس المشاركة الأصلية كتبت بواسطة η Ő ō г بجد حاجة تقهر جداا يا محمد .. وان انت تتظلم او حد ياخد حقك الاحساس ذات نفسه بيبئا صعب اووي .. وانك شايف مجهود شهور ودروس وقرف بيضيع في ثواني ده اوحش . بس زي ما فيه حد يقدر ياخد الحق من حد يستحقه او ياخد اكتر من حقه في ربنا يقدر يرجعه ويدي كل واحد علي قد الي عمله وعمر ما اللي نجح بايفون او ايباد ما هيحس احساس النجاح فعلا .. ولو عدي السنة دي او اللي بعديها مصيره اللي بعديها يتقفش او ينزل خالص .. .. ربنا يدي كل واحد علي قد عمله ويوفق كل اللي عمل مجهود فعلا تسلم علي التوبيك تحياتي

متفق معاكى ف كل الكلام
تسلمى يا نورا ع مرورك

[ღ Gի๐sτ ღ]

اقتباس المشاركة الأصلية كتبت بواسطة ninjawya آهـــاا هى حاجــه تنرفـز اوووى فعـلاً .. د كـآتبين ( تريقـة ) إن الامتحان فـ مستوى الطالب صاحب الآى فون :762: و بغـ ض النظـر عـ ن الطريقـة ديه فـ فى طـ رق تانيه اصـلا كتيير فـ الغـ ش .. ! يعنى كده كده بيعـ رفوا يغشـوا من غير تويتـــر اقـل حـآجه بتتعمـ ل فـ إمتحانات الديـن فـ نـآس بتغـ ش آيـه الديـ ن مـن القـرآن الى عـ الموب :726: كل الموضـ وع ان الغـ ش اتطوـور بـس بـ س فعـلآ عمـره ما هيحـس انه عمـل الى عليه قدآم ربنــآآ .. الضميـ ر هيشتغـل بقه يـلآ ربنا يستر عـ 2 ثـآنوى و عـ بقية الإمتحـانات و يخلصـ وا بقـه ! :198:

ههههههه عندك حق والله )
بس بالنسبة للجزء التانى من كلامك ان فيه طرق تانية للغش
اكيد فيه طرق تانية بس اللى هايغش هايغش من مين ؟؟ من واحد فى نفس مستواه
كلهم زى بعض اللى بيغشوا بيتلموا على بعض وكلهم نفس المستوى واغلب اجابتهم غلط لأنهم لو مذاكرين مكنوش اتلموا على بعض فى الامتحان وانهم يغششوا بعض ولكن دول يا عينى واخدينها ع الجاهز واجابات كلها صح


ربنا معاكى بإذن الله
متشكر ع ردك نينجاوية
منورة

[Lαzєzα]

انت عارف لو الحوار دا حصل ف اولى ثانوى ولا ف جامعه هنقول ماشى
بس المشكل انه حصل ف ثانويه عامه
يعنى انا لو حتى مذاكر وحليت كويس
طب مهما بردو هيحلوا وهيجيبوا درجات اعلى من مستواهم
والتنسيق هيزيد اكتر مهو زايد اصلا
وفعلا فيه ناس بتتظلم
بصراحه انا اتنرفزت جدا لما عرفت الحوار دا وانا مش ف ثانوى
فربنا يصبر اللى ف ثانوى وشايف الوضع كدا
تسلم ايدك

[رقة BaNOTa]

هي حاجه تزعل جدا
وده راجع لانعدام الضمير عند الشباب الي بتعمل كده
غير كده انا الامتحان كان جي صعب
في النحو والادب
يعني بيبقوا تعبانين طول السنه واهلهم ع اعصابهم وفي الاخر
الامتحان يجي كده
ربنا يستر ع الباقي
حسبي الله ونعم الوكيل

[الحان الورد]

،

انا فعلاً حسيت ب حرقة دم اوي امبآرح !
اللي يحزن فعلاً
انهم شايفين نفسهم معملوش حآجة .. يعني كل وآحدة بيتبآهي بطريقة جديدة في الغش
تحس فعلاً اننا شعب عجيب ,
يعني التكنولوجيا شوف الناس بتسفيد منها إزاي , وإحنا بنتعامل معاها إزاي !!
امبآرح ع الفيس بعد ماعرفنا الموضوع دا , كانت في صفحآت بتنزل نماذج امتحانات !
يعني غش عيني عينك , ولما تكلمهم يطنشوا
واللي يضحك انهم بيقولوا اعتبرها مرآجعة !
واللي يضحك أكتر تلاقي ناس كاتبة كومنت بتقول ( ربنا يكرمك يا أدمن ) !
ربنا يكرمك عشان غششتني !
هم يبكي وهم يضحك والله ,, تحس ان الموازين عندنا اختلت 360 درجة !
عاملين نفسهم مش واخدين بالهم انهم بيغشوا ,, انا كنت مذهولة بجد
وحكاية الطالب الشاطر اللي مذاكر طول السنة واللي اكتر حد يصعب ع الوآحد
ف انا متأكدة ان ربنا عادل .. يعني مش هيضيع مجهوده والناس اللي غشت بردو ربنا مش هيسيبها
يعني زي ماقالت تقى هم حلوا مع بعض ف ممكن تبقى فيه حاجات غلط ..
ربنـا يهديهــم بجد ,
تسلم ع الموضوع وعذراً ع الإطالة
بس أنا كنت مفروسة امبارح ( رغم اني مالييش أي علاقة ولا هنضر ) وجيت طلعته هنا بقى
^_^
بالتوفيــق ليك ..