ولدى فى الثورة من روائع المغنواتى.تابع لمسابقه قيصر العاميه

[zeanalabden]

ولدى فى الثورة

=========

يا ولدى سبنى ف حالى

البكا ف عيونى ليلاتى

خايف عليك وعليها

ايه اللى عاوزه منيهاا

شغال تدور ع التايهه

وتجيب افكار من بره

وتقول عندينا ثوره

يا ولدى سبنى فى حالى

يا ولدى عاوز تهدم جيشنا

وتلغى رموز حضارتنا

والله هو اللى باقى لنا

حامى العرض ودارنا

ورعاية الله بتحميانا

ودعاء الغلابه حوالينا

يا ولدى انت ما خبرشى

انت يا ولدى ماتدركشى

غير كلمة ثوره ما بتقولشى

تندب حظك وتشلشل

وتحرق تورثنا وتهلل

وتقول غير حقوقنا ما اخدتشى

يا ولدى والله ما تخافشى

مصر المحروسه ما تروحشى

انا ابوك بس انت ما بتقولشى

تعابين كتير بالجحر ما تشوفشى

كان عنديهم بيات شتوى

اليوم تلسع وما تبنشى

والافواه لوكلوك ع الفاضى متنفعشى

يا ولدى انا ابوك ماتنكرشى

لو شفتنى فى عيون موسى

يوم العبور يوم التحرير

كنت بحضن المدفع بصدرى

واكل حشيش وتعابين

واقف اسد ما بخافشى

ما كنتش بحارب عشان رئيس

ولا عشان اخد من الكيس

كان عشانك وعشان اخواتك

والجار المسيحى اللى جارك

وعشان ترفع راسك

والكل يشاور ويقول

ده ابن بطل العبور

يا ولدى ارحم امنا

مصر هى ارضنا

حضنانا جوه حلمها

مشتاقه لعرق ابنها

ونخله تزرع ارضها

انت يا ولدى ما بتشوفشى

علمونى يا ولدى

ا صبر عليها

لما تشح ايديها

وانتظر لما تحن علينا

الفرج يا ولدى بكره قريب

يداوى جرح كل حبيب

والشهيد ذكرى للبعيد

ضحى عشان يوم سعيد

والباقى سيبه يا ولدى

\ ما تشغلش بالك بيه

ربك هو الباقى

وهو علينا شهيد

بقلم المغنواتى شاعر العميه

زين العابدين

[ساحر الأحزان]

كلمات جميلة منك

واحساس راق فى التعبير عن حال البلد

والوقوف معا يد واحدة فجميعنا ابناء وطن واحد

ولا شىء يفرق بيننا

تحياتى لنبض احساسك لوطنك

[دمعه حائره]

الثورة كانت وستظل شاهدة على قوة واصالة شعب
ضرب المثل الاعلى فى الثورات
وراح فيها دماء طاهرة لشهداء احرار ثوار
بعيدة كل البعد عن اى تخريب او بلطجة
وان شاء الله ربنا يولى من يصلح
ويرجع لمصر الامن والامان
تسلم اخى وموفق ان شاء الله
تحياتى وتقديرى لك

[zeanalabden]

الى ساحر الاحزان
=========
مرورك شرف لى
مرورك اسعدنى
كلك ذوق
لك منى كل الاحترام

[zeanalabden]

الى دمعة
===========
ولادنا كانو هناك فى ميدان التحرير
منهم اللى راغب التغيير
ومنهم لابس قميص حرير
وفيهم الجعان الفقير
اللى محتاج معنى التغيير
وولدى مكنش كبير
زعلنى وبان قدامى صغير

[ويبقى الأثر]

كلمات جدا جميلة ومعبرة عن حالة الوطن
احساس وطنى قوى
دومت اخى ودام فيض قلمك
موفق باذن الله
ارق التحايا لروحك

[شاعر الإحساس]

المغنواتي ,.,,,

زين العــــابدين,,,

اهلاً بكـ ياراقي في حقووول الابداع

كلمات وابيات عاميه جميله معبره ,,

من شخص اجمل ,, وقلم مميز بطريقته

اطربتنا ,,,في معزوفتكــ النقيه ,,

عنوان جميل واحداث اجمل ,,

ادام الله حضورركـ ورقيكـ دوماً


وادام الله على مصر امنها واستقرارها,,,

وحقق مطالبنا وشهدائنا الذين سبقونا ,,,

اللهم ارحمهم برحمتكـ,,, وادخلهم نعيم جنتكـ

واعد على مصر ما تمنيناه ,, اللهم امييين يارب العالمين

وسائر بلاد العرررب


ايها الراقي دومت بكل خير وسعادهـ

خااالص تقديري واحترامي اليكـ


"شـاعر الإحسـاس"

[السفينة]

دم الشهيد عمرو ما ضاع هو ف وسط الجنان خالدا مخلدا ما دامت السماوات والارض ومن فيهن
ولا ارى الا صحوة مطالبة بهذا الحق ربنا يكملها ويصبر اهل كل ام وكل مصاب على فقيده ويثلج قلوبهم
سلمت يداك على جمال كلماتك
وولى مصر الغالية من يرعاها ويصلح امورها
ودمت اخي بخير لابداع حروفك العطرة

[zeanalabden]

الى قيثارة الصمت
============
مرورك شرفنى
واسعدنى وفرحنى
ونور حروفى
وعطر قلبى
لك منى ارق التحيات
وباقة ورد جورية

[zeanalabden]

الى شاعر الاحساس
============
مرورك شرفنى
واسعدنى وفرحنى
ونور حروفى
وعطر قلبى
لك منى ارق التحيات
وباقة ورد جورية