تخيل حوارنا أولى الحلقات ومعانا "7oda"

[Hearts Whisper]

السلام عليكم ازيكم يا جماعة احنا النهاردة معانا اول حلقة من برنامجنا تخيل حوارنا اعلنا عنه قبل كدا لكن مكناش كتبنا الفكرة كاملة خلينا الموضوع غامض شوى :biggrin: قبل ما نبدأ مع ضيفنا هقولكم فكرة البرنامج اولا احنا معانا مجموعة صور ضيفنا هيتخيل على كل صورة اييه ممكن السؤال الى ممكن نسألهوله عليها ويكتبه ويجاوب علييه ثانيا هسأله اسئلتنا الى احنا مجهزنها على كل صورة ويجاوب عليها ولو سؤال نفس سؤاله الى تخيله هيكتب الا جابة مكرر انا رغيت كتير علش علش :biggrin::biggrin: تعالوا بقا مع ضيفنا احنا معانا ضيف مميز جدا جدا جدا ودا كان اول تعامل بينى وبينه وبجد كان شخصية لذيذة جدا فى اجاباته واسلوبه ضيفنا هو المدير العام للمنتدى أولا :: دا كان تخيلات ضيفنا واجاباته :: ميرسى اوى على قبولك اتفضل يزيد فضلك يا شيمأء احنا مش مرتبطين بنمط معين للأسئلة مفيش اي مشكلة واولا عايزينك تعرفنا بنفسك ألاسم : محمود الدراسه : بدرس في أكاديمية المدينه للهندسه والتكنولوجيا - شعبه نظم ومعلومات السن : زي ما ظاهر قدامك 22 بلدي : انا من الصعيد وتحديدا محافظه المنيا في اي حاجه تانى كدا ولا اجبلك البطاقه ! ههههههه اه ياريت لو صورت البطاقة هههههههههههه ودى الصور سؤال : انت من المعجبين بتامر حسني ؟ جواب : بصي انا بحب اغانيه وكلماته لكـن كـ شخص مش اقدر احكم عليه لانى طبعا مش متربي معاه يعني ^^ وطبعا نزل من نظري علشان موقفه اللي كان ضدد الثورة :-) السؤال : نفسك تسافر فين ؟ الجواب : انا مش من عشاق السفر اوي يعنى هـو كتغيير جو مفيش مشكله بس مش هتوصل اني اروح اغير جو مثلا في دوله تانيه ممكن يكون ظروف شغل خلانى اضطر اني اسافر ودا توقعي من صورتك ^^ السؤال : هتنتخب مين من دول أو بتأييد مين من دول ؟ الجواب : بصي عارفه المثـل اللي بيقولك ضربو الاعور علي عنيه قالو ماهي خربانه خربانه لو هتخرب يبقي تخـرب يبقي مقـاطعه لـغايه ما نـشـوف موضوع العزل السياسي دا ^_^ لانى مش من الاخوان ولا بحبهم واللي بيني وبين شفشق دم اخويا الشهيـد فـ أخره معايا امسكه وابوسه واحطه جنب الحيط :762: السؤال : هوايتك المفضله ايه هي ؟ الجواب : انا دلوقتى قدامك علي الانترنيت ومعظم وقتي برضو علي النت حتي وانا في شغله برة ببقي علي الاب توب , وبحب تخصص الـ مجال اللي انا مشيت فيه من 7 سنين واظن لو قولتو محدش هيعرفو لانه جديد علينا كـ عرب بـس هو عموما مجآل في تطوير المواقع ويسمي search engine optimization هتقولو ايه هو المجآل دا المجآل بالعربي تهيئة لمحركات البحث هتقولو ايه هو موضوع يطول شرحه , بس نبذه عنه وهو بيفيد في كل شئ ممكن ينشط اي مجال تجاري او غير تجاري ممكن المجال دا يجيب حجوزات لفنادق زباين لـ منتجات عن طريق الانترنيت و محرك البحث اظن الرؤيه وضحت ^_^ السؤال : امممممم موقفك من رياضه كرة القدم للسيدات ؟ الجواب : انا كـ راجل صعيـدي بـ صراحه برجح ان الست تهتم بـ رياضه المنزليه وهي الطبخ و الغسيل وتراعي جوزها وولادها هتقولو تفكيرك قديم مش متفتح عـادي وجهات نظـر وانا شايف الموضوع مش هيمشي معايا غير كدا ^_^ :biggrin: السؤال : مين دول اللي في الصوره بتاعتك واشمعنى الصوره دي ؟ الجواب : اللي موجودين في الصورة دي باسم ياسم الاعلامي الساخر بصراحه انا معجب بيه جدا وبـ البرنامج بتاعه ( البرنامج ) و اكيد اللي في البرواز دا عكشه ( توفيق عكاشه ) اكيد محدش في مصر ميعرفش مين هو توفيق عكـاشه مقدم برنامج ( مصر اليوم ) علي قناة الفراعين وانا بعزه جدا بصراحه لـ دماغه العاليه ههههههه و تفكيـرة فـ ان المرشح الرئاسي لازم يزغط دكر البط , وباسم يوسف بصراحه بيئلش عليه بصراحه علشان كدا الصورة بتوضح حبهم الشديد لبـعض , منور يا شنكحاوي يا زعبلاوي ودا الاسم اللي اطلقه توفيق عكاشه علي باسم يوسف , امنورين والله :biggrin: السؤال : لو انت مكان الناس دي هتعمـل ايه ! ؟ الجواب : مش هقولك هعمل زي احمد السقا في افريكانو والكلام دا لكن عـادي هطلعله لسـانى ماهو انا في القفص برضو ولا هتفتحو عليا :biggrin: السؤال : تعليقك علي الصورة دي ؟ الاجابة : والنبي يا كابتن بلاش غبـــاوه :079: السؤال : عيد الحب بالنسبآلك وايه هي الهديه اللي ممكن تجبهـا لحبيبتك ! الاجابه : والله انا مش مؤمن بـ موضوع ان يكون في يوم واحد للاحتفآل بعيد الحب يعني هي الايام كلها بتاعت ربنا مفيهاش حب و الناس هتحب بعضها في اليوم دا يعنى لازم استني عيد الحب علشان اقدم هديه لحبيبتى او خطيبتي انتو بتهزرو صح :biggrin: السؤال : لو دي اخر واحده في العـالم تتجوزها ؟ الاجابة : والنبــي ؟ تعـرفي انا مشتاق لـ جدي جدا الله يرحمـه انا حابب اروحله لانه وحشني جدآ :762: بجد كان تخيله قريب جدا لاسئلتنا احيييه اتركم بقا مع آية لترو اجابات ضيفنا على اسئلتنا

[YOo YA]

اهلا بيكوا تعالوا معايا نشوف اجابات ضيفنا على اسئلتنا فى اسئلة نفس اسئلتنا وفى اسئلة اختلفت طيب كويس والله اني عرفت اخمن شويه هههههههههه يلا بقا شوف المكرر واكتب مكرر والجديد جاوب علييه انا لقيت عندك صورة الملف الشخصى هو تامر حسنى طب اييه سر اعجابك بييه وايه اكتر اغنية بتحبها لييه ؟؟؟؟ مش سر يعنى بس هو صوته مميز مش اكتر , واكتر اغنيه بحبها لـيه هي ( اول يوم ) اللي غناها في فيلم نور عيني وقت وفاه اخوة اى دولة عايز تروحها ؟؟؟؟؟ مكرر رأيك اييه فى كل واحد من دول وناوى تنتخب مين فى الاعادة ؟؟؟؟؟ مكرر ايه هيا هوايتك المفضلة ؟؟؟؟؟؟؟؟؟ مكرر ايه رأيك فى الرياضة بالنسبة للسيدات فى الوطن العربى ؟؟؟؟ مكرر كل ده حب فى الواد عكاشة هههههههههههه ؟؟؟؟؟؟تخيل لو كان عكاشة اترشح للانتخابات الرئاسة هههه من وجهة نظرك هيبقا موقف الناس اييه هههه؟؟؟؟ موقف الناس هتبقي مبسوطه جدا جدا جدا , هتزغط بط بس :biggrin: ايه شعورك لو كنت مكان الناس دووول ؟؟؟؟؟؟ مكرر تخيل لو جالك اتصال من اتحاد المصارعة انك لازم تصارع هورنس واجل ومفيش مفر من الرفض هتعمل اييه هههههههه:biggrin::biggrin:؟؟؟؟ هستعين بالسنافر , و المثل بيقولك اتقي كل من اقترب من الارض << مع اني مليش في المصارعه خـالص , كنا زمان بنحبها كل يوم تلات الصبح اجيب كوبايه الشاي وسندوتشات الطعميه قبل ما اروح المدرسه اروح في الحصه التانيه او قبل الحصه الاولي ما تخلص بس المهم نتفرج عليها لكن ااصارع مش من اخلاقي صراحـه :762: امتا اخر مرة بعت هدية فلانتين وهل كانت هدية لواحدة بس ولاااااااا:biggrin::biggrin: ياااااه بتفكرينا بـاياااام يا شيخه :079: اول هديه كانت بصراحه مصحف لان بصراحه كنت براعى ربنا في اللي بحبها وكنت عايز ربنا يباركلي فيها بس نفتكرها بالخير بقي هي في بيت العدل ومتجوزه دلوقتى يلا عقبآلك دا واحدة عايزة تتجوز يعنى شايف اموووورة ازاى عايزينك بقا تخترلها عريس من المنتدى امه تكون دعياله :762::762:؟؟؟؟ والنعمـه عثــل , سلام قول من قـرب الرحيــم بصي الكائـنات الحيه تعيش علي الارض بما يقارب فوق الـ 100 سنه تقريبـا دا اكتر شئ لكـن دي بعد ما استغفر ربنـا مش هقدر اقول عروسه احنا نشيل حرف الـ ( ر ) ويبقي عســل اووي , وممكن اكسب ثواب فيهـا و اجوزهـا طـارق او امجـد اهو شباب برضو وطايش هتعقل كل واحد فيهم :biggrin: ههههههه وارجو اجاباتى متكونش طويله وبايخه علي قلوب الناس :198: بالعكس اجاباتك كانت رائعة واسلوبك مميز واستمتعنا جدا بضيافتك تحييياتنا ليك انتظرونا مع حلقة جديدة وعضو/ة جداد تحيات همس القلـــ شيماء ـــوب // دموع القمـــ آية ــر 13 / 6 / 2012

[morshooo]

ألفكرة جميلة من مقدمين البرنامج

وفكرة الصور جميلة ومميزة

والضيف تقريبا جاوب بنسبة كويسة

على الاسئلة الــ توقعها

اتمنالكم التوفيق والاستمرار فى البرنامج

وبلاش تنزلو حلقتين وتكبرو دماغكم ^_^

اتمنالكم الاستمرار بالتوفيق

تم التثبيت

[عاشقة الهدوء]

السؤال : لو انت مكان الناس دي هتعمـل ايه ! ؟

الجواب : مش هقولك هعمل زي احمد السقا في افريكانو والكلام دا
لكن عـادي هطلعله لسـانى ماهو انا في القفص برضو ولا هتفتحو عليا


ههههههه أجاابة السوءال ده موتتنى من الضحك والله جدع يامحمود ههههههههه

وطلعت صغيور خااالص ههههههه كنت مفكره أنك كبير ومتجوز

نورت الحلقه والله وأسعدتنا با أجاباتك ربنا يسعد قلبك

وتسلمى ياشوشو على البرنامج الجميل بجد حلقه جاامده جدا أستمرى

مووووووفقه ربنااااا يحفظك

[ساحر الأحزان]

منور يا حودة وتخيل جميل جدا من اخ مميز ومحبوب ولة مجهود جميل

جدا فى المنتدى اتمنى لة التوفيق فية

منور يا حودة

جميلة البداية منك

تحياتى

[دمعه حائره]

برنامج جميل وفكرته جديدة
ومحمود اكيد نورت الحلقه واجاباتك كانت جميله جدا
موفقين دايما ان شاء الله

[كبرياء رجل]

بصراحه الحلقه رائعه جدا
والفكره مميزه جدا اسئله مع الصور
وعاملين ثنائي ما شاء الله
الله ﻻ يوقعنا معاكم

اما بقى ﻻخونا محمود فانا شفت فيه روحه الجميله انه بيحب الكوميديا
خاصه توفيق عكاشه وحبه لتزغيط البط
وطلعت صعيدي بلدياتي يا غالي جنبك عالطول
منور قوي قوي
حلقه جميله مع ضيف راقي ومميز وعنده تطوريات جميله في عالم المنتديات
منور الحلقه اخي
مجهود مميز منك همس ودموع
اشكركم تحياتي لكم

[Lost Pearl]

هههههههههه لا جدع بجد

كويس انك عرفت تخمن الاسئلة صح

معظم النص التاني مكرر مكرر

انا كنت متوقعاك 24 سنة .. طلعت 22 مش فرق كبير يعني :biggrin:

بس منور و اجابات حلوة منك

ما عدا المقاطعة مش معجبة بيها :biggrin:


نورت الحلقة بجد

شيماء و آية .. احلي شغل يا بنات و الله

تستاهلوا 5 نجوم و التقييم

[۩۩ elMagic ۩۩]

بجـتد جميله جدا الفكـره
وحلو الدويتـو بينكـ يا شيماء انتى وآيه
محمود
نورتنــا يا ريــس بأجاباتكـ الجامده
عسـل والله يا برنــس
بالتوفيق ليكـ فى حياتكـ بأذن الله
مجهود مميز شيماء وآيهـ
دوام النشاط والتميز
مودتـــى

[Mahmoud Kamel]

ألشكـر لـ مقدميـن البرنـامج ,

بجد استمتعت معاهم وكانت اسئله لذيذه .

و موفقين دايمـا ان شاء الله ,