مسابقة أفضل دويتو (2)

[الحان الورد]

،


السلآم عليكم ورحمة الله وبركاته
،،

مسـآء الخير عليكم جميعاً ..
كان عندي فكرة لـ مسابقة على مستوى المنتدى كله
وهي مش جديدة .. أنا عملتها قبل كدا وحسيتها نجحت الحمدلله ودا اللي خلآني أفكر أعملها تاني
دآ رآبط الموضوع اللي شرحت فيه الفكرة

http://forums.banatmisr.com/msryat120313/

بس عشان تاخدوا فكرة عآمة للناس اللي محضرتهآش .. لكن في تعديلات جديدة عليها هشرحها دلوقتي ان شاء الله

..

أولاً : الفكرة عبآرة عن 5 فرق .. كل فريق مكون من عضوين بيكونوا دويتو مع بعض ..
الفريق الوآحد هيكون ليه لون معين .. المطلوب منه انه يعمل موضوعين بنفس لونه ..
نفس لونه إزاي يعني ؟
يعني تنسيق الموضوع باللون بتاع الفريق اللي هم هيختآروه .. محتوى الموضوع لو فيه صور يحاول يخليها
بنفس اللون .. لون الخط اللي هيكتب فيه وهكذا ...

ثانياً : كالعآدة ,, هيبقى فيه وقت محدد لتجهيز المواضيع .. وهحدد يوم عشان ينزلها فيه ..

ثالثاً : ليه موضوعين ؟
عشان هيبقى عندنا 10 أقسام من أقسام المنتدى
وعلى فكرة أنا حآولت اخلي الأقسام القريبة من بعض مختصرة في قسم وآحد ..
الأقسـآم اللي هتدخل في المسآبقـة :
بأقلآم الأعضاء
التنمية البشرية
مصر بينا أحلى ( شباب 25 يناير _ ثورة 25 يناير )
الاسلاميات والقرآن الكريم
هوايات الأعضاء
( مش شرط تتكلم عن هوايتك انت .. ممكن تعمل موضوع عن هواية معينة وتكتب فيه طرق تنمية الهواية
صور ليها .. طرق تنفيذها وهكذا ... )
السيآحة والسفـر
( هتعمل موضوع عن دولة معينة وتجيب كل المعلومات عنها بالاضافة للصور طبعاً )
الابدآعات الأدبية ( بتشمل كل أنوآع الأدب من شعر ونثر وغيره )
عالم حوآء ( بشكل عآم .. والفريق اللي هيختآره هيحدد اي قسم بالظبط )
عالم الرجل
الفوتوشوب والماسنجر ( مع بعض والفريق اللي هيختارهم يحدد اي واحد فيهم بردو على رآحته )

..

10 أقسام و 5 فرق = موضوعين لكل دويتو
كل دويتو هيختار القسمين اللي عايزهم ..

..

حآجة مهمة بقى ..
المسابقة هتعتمد بشكل كبير على التنسيق .. بما ان المعظم دلوقتي بقى عنده خبرة في تنسيق المواضيع + التنسيق بيجذب الزوار والأعضاء للموضوع وبيديله شكل حلو
ف لازم كل دويتو يجتهد في تنسيق مواضيعه ..
وعشان كدا ( وخصوصاً الناس اللي خبرتها مش كبيرة في الفوتو وحآبة تشترك ) ..
هتبقى معانا مشرفتنا الجميلة ( العنود _ آنو _ )
الرآعي الفني للمسابقة واللي بجد بشكرها على قبولها الفكرة وتعاونها

هتعمل ايه بقى عنود ؟
هتسآعد كل فريق في اختيار التنسيق بتاع مواضيعه
بما اني قلت ان التنسيق مهم .. ف لازم كل موضوع يبقى تنسيقه حلو ومتعوب عليه
وعنود هتساعدكم في كدآ .. مش معناه انها هتعملكم كل حآجة ..
لأ .. هتسآعدكم يعني هتوجهكم وممكن تاخدوا رأيها وهتحاول معاكم ان مواضيعكم تطلع بأحسن شكل
لاني عآيزة وأتمنى ان المسابقة المرة دي تبقى على مستوى ان شآء الله
ف هي هتبقى معآكم بقى وبكرر شكري ليهـا

..

عندنا 5 فرق زي ماقلت :
الفريق الأحمر بيشمل اللون بدرجآته لحد اللون الأصفر ومن ضمنه البرتقالي
الفريق الأزرق وبيشمل بردو كل درجات اللون الأزرق
الفريق الأخضر نفس الشيء
الفريق الوردي والموف يعني بيشمل اللونين دول بكل درجآتهم
وأخيراً الغوآمق
:biggrin:
الفريق الأسود واللي بيشمل درجات الرصاصي والبني وكدآ

....

مرآحل المسآبقة :
تصفيآت ربع نهائية بعدين نصف نهائية بعدين نهائية
بعدين نآخد كآس العآلم
:biggrin:

اول حآجة : الربع نهائية
هتتعمل بين الـ 10 مواضيع
وهنختـآر أعلى 5 في التصويت ..

النصف نهائية :
بين الـ 5 مواضيع ونختآر أعلى 2

النهائية :
بين الـ 2 وطبعاً وآحد اللي هيفوز

..

فآهمين الفكرة ولافي حآجة مش وآضحة ؟
أي حآجة حابين تستفسروا عنها أنا موجودة وهوضح كل اللي انتو عازينه ..
بس محتآجين طبعاً موافقة الإدآرة
وطلب صغنون بقى
ممكن يبقى فيه احتكآر لـ بنر من بنرات المنتدى
:biggrin:
يعني لما توافقوا ان شاء الله يعني وأفتح موضوع للتسجيل هعمل بنر
والتصويت _ هتبقى فيه 3 مرآحل _ لكل مرحلة بنر عشان الاعضاء يشاركوا ..
عآدي ولا مش ؟
:biggrin:


..

الجوآيز بقى :
الحآجة اللي انتو مستنيينها انا عارفة :biggrin:
.
.
.
.
.
.
.
.
لسه محددتش الصرآحة
:biggrin::biggrin:

بس هفكر فيها وان شاء الله تعجبكم ونخليها مفاجأة بقى للدويتو الفآيز


المهم بعد كل هذا الرغي ,,
مستنية آرآؤكم ورأي الإدآرة ..

[╯ Princess ╭]

قكرة حلوة يا قمر

ربنا يوفقك فيها بقا

[۩۩ elMagic ۩۩]

هههههه
جميله جداا الفكــره
وهتنشط المنتدى
بالتوفيق ان شاء الله للمشتركين فيهــا
مجهود مميز الحــان
احترامــــى

[Words Whisper]

حلوة الفكرة كتير

تسلمي ..

دمتِ بحفظ الرحمن ..

[الملكة كيلوباترا]

وااااااااو بجد مسابقة جميلة وفكرتها جميلة
احتمال كبير انى اشترك بس بعد موافقة الادارة على المسابقة
وان شاء الله الادارة هتوافق

[صغيره بس خطيره جدااا]

فكره جميله جدااا ياقمر
بالتوفيق للجميع

[الحان الورد]

،


شكراً ليكم جميعاً على التوآجد
نوروتـوا ..


طيب والإدآرة بقى ؟

[ساحر الأحزان]

فكرة جميلة جدا الحان وحتعمل نشاط جميل وكويس وبنشكر العنود الداعم

الفنى ليها على اهتمامها واعتبرى البنر جاهز ليكى فى كل مرحلة من مراحلها

والجوايز مش حنختلف عليها لانها مسابقة كبيرة وهى

مركز اول وسام +300مشاركة

مركز تانى وسام+200مشاركة

مركز تالت وسام+150مشاركة


ولكن؟فية ملاحظة بسيطة جدا ارجو قبولها

اولا ارجو منك اخراج القسم الاسلامى منها لان مينفعشى اقيم موضوع فى قسم اسلامى وادخلة بمنافسة مع موضوع فى اى قسم اخر فالقسم الاسلامى

خارج المنافسة مع اى قسم اخر ومنافستة تكون بداخلة ومع موضوعات اسلامية اخرى

ومسابقتك تم الموافقة عليها وممكن تبدائى التنفيذ بتجهيز الموضوع داخل

قسم المسابقات

ولو حابة اى استفسار اتفضلى

بالتوفيق ليكى

[Marwan1337]

مـجـهـود مـمـيز الحــان

[الحان الورد]

اقتباس المشاركة الأصلية كتبت بواسطة ساحر الأحزان فكرة جميلة جدا الحان وحتعمل نشاط جميل وكويس وبنشكر العنود الداعم الفنى ليها على اهتمامها واعتبرى البنر جاهز ليكى فى كل مرحلة من مراحلها والجوايز مش حنختلف عليها لانها مسابقة كبيرة وهى مركز اول وسام +300مشاركة مركز تانى وسام+200مشاركة مركز تالت وسام+150مشاركة ولكن؟فية ملاحظة بسيطة جدا ارجو قبولها اولا ارجو منك اخراج القسم الاسلامى منها لان مينفعشى اقيم موضوع فى قسم اسلامى وادخلة بمنافسة مع موضوع فى اى قسم اخر فالقسم الاسلامى خارج المنافسة مع اى قسم اخر ومنافستة تكون بداخلة ومع موضوعات اسلامية اخرى ومسابقتك تم الموافقة عليها وممكن تبدائى التنفيذ بتجهيز الموضوع داخل قسم المسابقات ولو حابة اى استفسار اتفضلى بالتوفيق ليكى

تمـآم أوي
بس فيه 3 حاجات :
أولاً : الجوايز هو مركز وآحد بس لان اللي هيفوز دويتو واحد فقط
وزي ماقلت مفيش مشاكل

ثانياً : بالنسبة للقسم الاسلامي خلاص مفيش مشكلة ..
هفصل بين الفوتو والماسنجر عشان يفضلوا 10 أقسام ..

ثالثاُ بقى : هيتم ان شاء الله تجهيز موضوع الاشتراك في المسابقات
وهيتم برضو عمل البنر ان شاء الله

شكراً جزيلاً ليك ع الموافقة والرد ..
بالتوفيق ,,