[مسابقة]: الكاتب المتميز .. لكافه الاعضاء والمشرفين

[Mahmoud Kamel]

بسم الله الرحمن الرحيم

السلام عليكم ورحمه الله وبركاته

اهلا بكم اعضاء ومشرفي منتديات بنات مصر الكرام

اليوم نطرح لكم المسابقه الكبري والمستمره علي مدار الشهور القادمه بـ اذن الله وهي الكاتب المتميز ..

[شرح المسابقه]

• عبـاره عن طرح اكبر عدد من المواضيع الغير منقوله وليس مقصوره علي قسم معين مع تنسيق الموضوع بـ شكل متميز

• مرفوض رفض باتا المواضيع المنسوخه وسيتم طرد المشترك من المسابقه وحرمانه منها لمده شهر كامل

[الجوائز]

ميزة المسابقه دي ان الكل كسبان لكن لو تم تطبيق الشروط اللي هنقولها

بمعنى غير مقصوره علي مركز اول او تانى او تالت الكل كسبان مشاركات + اوسمه + القاب مصوره

لكن

المركز الاول هيفوز بكارت شحن قيمته 100 جنيه
والفائز بالمركز التانى هيفوز بكارت شحن ايضا قيمته 50 جنيه

توزيع المشاركات هيتم كالاتي : سيتم تجميع كل شهر المواضيع الحصرية التى تم اضافتها من قبل العضو من وقت بدايه المسابقه كل موضوع ( حصري ) ومطابق للشروط هيضاف لـ كل موضوع ( 15 ) مشاركه اي كل 20 موضوع 300 مشاركه

عند اضافتك لاكتر من 40 موضوع شهريا (حصري) مع تطبيق الشروط سيتم تمييزك بلقب مصور + اضافه كل موضوع ( 15 ) مشاركه المنصوص عليها اي 15 مشاركه × 40 = 600 مشاركة

عند اضافتك لاكتر من 50 موضوع شهريا ( حصري ) مع تطبيق الشروط سيتم تمييزك بلقب مصور + وسام الكاتب المتميز + اضافه كل موضوع ( 15 ) مشاركة اي 15 مشاركه × 50 = 750

عند اضافه لاكتر من 60 موضوع شهريا ( حصري ) مع تطبيق الشروط سيتم تمييزك بـلقب مصور + وسام الكاتب المتميز + بنر تكريم في اعلى المنتدي لمده 7 ايام + اضافه كل موضوع ( 20 ) مشاركه اي 20 مشاركه × 60 موضوع = 1200 مشاركه



[شروط المسابقه]

• الالتزام بعنوان الموضوع ( مهم جدا جدا جدا ) كتابه الموضوع بدون زخرفه او مد او تكرار للحروف وعدم زياده العنوان عن اكتر 5 كلمات و كتابه العنوان بشكل يصف المحتوي مثل موضوع محتواه صور بنات سيكون بالشكل التالى [ صور بنات جميلة ] او [ صور بنات روعه ] مثال اخر : موضوع يحكي عن هوايه معينه في قسم الهوايات عن الرسم سيتم كتابته بالشكل التالى اختيار البادئة الرسم او الرسم بالفحم وكتابه العنوان مثآل : [ الرسم ] رسمه طيور او رسم طائرة وكتابه اسم صاحب الموضوع

• كتابه الموضوع بقلم العضو ( حصري )
• الباب مفتوح للاشتراك في اي وقت
• سيتم فتح موضوع لـ اضافه روابط المواضيع التى تم كتابتها والنظر فيها وسيتم كل اخر شهر حساب المواضيع
• عند اكتشاف موضوع منسوخ وغير حصري سيتم خصم من مشاركاتك ( 100 مشاركه )
  
• يسمح لـ اخذ فكرة موضوع مطروحه مع تغيير نمط المحتوي في بعض الاقسام التى تتناول مواضيع غير متجدده مثل اقسام الصور والشخصيات التاريخية والـخ بشرط التغيير الكامل في الموضوع وجعله حصري وغير متواجد بـ نفس الشكل في اي موضوع ع شبكه الانترنيت
  
• الموضوع الغير منسق لا يتم احتسابه
• ربط محتوي الموضوع بروابط علي الكلمات بمواضيع ذات صله في المنتدي ( سيتم شرحها )
• عدم استخدام خلفيه للمواضيع التي تتم المشاركه بها في المسابقه
  
• بدايه الموضوع تكون كلمات تعبر عن محتوي موضوعك وليست ازيكو وحشتوني والكلام دا
• عدم التركيز علي قسم معين في اضافه المواضيع
  
• عدم الرد بـ مشكور او يسلمو او الردود العشوائيه التي نراها عند دخولك المسابقه التزام بالـرد النقد او التآيـد حتى تكون كاتب متميز وتستحق كلمه كاتب متميز
• عند عدم الالتزام بالشروط الاتيه سيتم حذفك من قائمه المتسابقين وحرمانك من المسابقه لمده شهر كامل

[شرح رابط المواضيع ذات الصلة]

[ عنوان الموضوع ] ( مهم جدا جدا زي ما قولنا ) مثـال : اخبار الفنانه اليسا


[محتوي الموضوع ]

اخبار الفنانه اليسا قدمت الفنانه اليسا البومها الجديد البوم اسعد واحده الـي اخر الموضوع


نلاحظ اني حطيت علي جملة البوم اسعد واحدة رابط لـ موضوع موجود عندنا في المنتدي دا اسمه ربط المواضيع ذات الصله اللي بتكلم فيها

ودا بيفيد ترابط المواضيع ببعضها للاعضاء وتمييز الموضوع اكتر واكتر


حابين اننا نرتقي بـ المنتدي اكتر واكتر ان شاء الله والحمله هتكون مستمرة للعضو الجديد حتي المراقب العام والتنسيق في الموضوع مهم جدا باستخدام تنسيق الالوان للكلمات و المواضيع الذات صله وترابطها ببعضها والموضوع يكون انت صاحبه ومحرره لاول مرة وغير مرغوب في اصحاب الكوبي ليس لهم وجود في مسابقتنا المسابقه للمبدعين فقط


اي استفسار انا حاضر ولو مش فاهم جزئيه انا ممكن افهمهآلك تانى اللي فهم وحابب يشـارك معاانا قبـل بدايه الـ مسابقه ان شاء الله يكتب مشارك في رده ورائيـه

وان شاء الله الجوايز ممكن تزيد لو لقينا اقبـال زائـد ,


احترامى

[دمعه حائره]

مسابقه جميله جدا وهاتغير كتيرفى جودة المواضيع
وان شاء الله نشوف مواضيع حصرى وجميله
وان شاء الله مشاركة معاك وربنا يوفقنا كلنا
تسلم ايدك حودة يدوم التميز

[رووكه]

نوع جديد من التميز والتشجيع للجميع

مجهود راقى منك محمود

بالتوفيق للجميع

ويارب يعنى واكون معاكم فيه بامر الله

تحياتى وتقديرى لطرحك القيم

[ساحر الأحزان]

جميلة الفكرة حودة واختيار مميز منك

وحتظهر مواضيع ليها جودة عالية

وحتعمل نشاط كبير جدا

وحتعطى حافز وحماس بين الاخوة

اتمنى لك دوام التوفيق فيها

[Aya 7ekaya]

فوكيرة جميله جداا
ومختلفه
انا مشتركه ان شاء الله بس انا هخلص امتحاناتى يوم30 ينفع ولا مش هلحق ؟؟؟؟؟؟؟؟؟

[Mahmoud Kamel]

تمـام ,

تقدري تشتركي في اي وقت هو كل الموضوع مش اكتر هيتم تجميع المواضيع كل اخر شهر

المهم انك تكتبي مواضيع بايدك وبتعبك وتنسقيها وتحطي رابطها الموضوع في موضوع هيتم اضافته للروابط الخاصه بالمسابقه


واي حد يقدر يشارك في اي وقت ,

[زهره الشتاء]

مسآبقه جمييله جدآ .. وممتعه
وتكون المواضيع بمجهود شخصى
بس انا مش فآهمه المواضيع اكيد مش يوميآ ؟ كل كام يوم
توضيح أكتر
ان شاء الله أشآرك
وتسسلم للمجهود القييم
دمت بخير

[Mahmoud Kamel]

لا طبعـا يوميـا ,,

لكن مش مقتصره علي قسم معيين هتكون علي جميع الاقسـام ودا شرط في المسابقه

علشان مش كلو يكتب في قسم واحد بس

[نهر النيل]

فكر محترم
ومجهود محترم
من مديرنا المحترم
بالتوفيق يارب للكل

[روقه2]

جميله اوووووووى المسابقه دى
ربنا يوفق الجميع
فى انتظار الابداع والتميز
تحياتى للجميع