حب 7سنين ضااع وضيعني

[نودا22]

السلام عليكم ورحمه الله باختصار انا مخنوقه جدا والدنيا سوده اوي ف عيني حاسه كان كل احلامي اتدمرت حكايتي او بالاخص ماساتي ابتدت من سن 14سنه انا حاليا 22سنه حبيت واحد جاري وهو كمان كان بيحبني بس انا ماصارحتهوش وهو كمان كان التعامل بينا عادي بس هو كان مهتم بيا اووووووووووي وكان بيبان من نظراته وافعاله انه بيحبني وكمان لهفته انه يشوفني وفضلنا علي كده لحد ف يوم اداني كتاب وكتبلي فيه انه بيحبني ودي كانت اول مره يصارحني فيها ف حبه وكان عندي17سنه وهو راح كليته وانا كمان دخلت الكليه اللي هو اخترهالي بدون ماافكر بس علشان هو قال ادخلي دي بس انا مبينتش انا شفت الحاجه اللي ف الكتاب دي وف يوم بعتلي مع واحده ان هو بيحبني وعايز يرتبط بيا بس بيطلب مني بس اني استناه لحد مايخلص كليته احنا بينا سنه فرق سن هو اكبر مني بسنه علشان هو خايف اتخطب وكمان مش هيقدر يكلمني ف حاجه زي دي لانه كان بيخاف من شخصيي لانها قويه بعض الشئ وبعد فتره حوال 3شهور لاقيته بيتصل بيا ؟؟؟؟؟؟؟؟؟؟؟؟؟؟؟؟ايه دا هو جاب رقمي منين هو طلبه وانا مردتش اديهوله اتاريه جابه من الواحده اللي بعتهال دي بس من غير ماهي تعرف وقالي انه بيحبني اووووووووي وعيط ف التليفون لاني كمنتش عايزه اكلمه وقالي انتي بتحكمي عليا بالموت انا مقدرش اعيش بعيد عنك وفضل يوصفلي هو اد ايه بيحبني وبيحب كل تفاصيلي وكان واخد باله مني اوي ومن تصرفاتي لاقيته عارف حاجات كتير اووووي عني وفضلنا كده سنه نتكلم مره كل 3او 4اسابيع لان انا مكنتش برد عليه ورافضه مبدا الكلام دا غير بعد ارتباط رسمي وكنت بسمع كلام عنه انه بيعرف بنات كتير بس كنت بفضل معاه لاني بحبه اوووووووووووووووي بس كان بيقولي انتي غيرهم انتي مراتي وبرده الناس اللي حوالينا كلهم عرفه انه بيحبني من افعاله لحد هناا كويس
جه بئا اسود يوم ف حياتي دا فلان راح لواحده البيت يخطبها من ورا اهله يااااااااااقلبي ياعمري اللي ضاع ف حبك طيب ليه دانت مشفتش مني غير الخير والمشكله ان ابنت دي اصلا مش محترمه خالص المهم هو بطل يتصل بيا وانا مردتش اعاتبه لان احنا كنا اخر مره اتكلمنا فيها كنا كويسين مفيش خناقات ولاحاجه وقولت ف نفسي خلاص هو باعني انا مش هشتريه بس مكنتش ببطل عياط لاني عمري متخيلت اكون لحد غيره المهم الموضوع بااااااااااااااظ واهله مارضوش بالبنت دي وهو اتخرج وبعد مااتخرج باسبوع راح خطب واحده دفعتي لمجرد انها عندها فلوووووووس كتير باسمها وبعد كده بشهر انا تخطبت بس علشان اعرفه ان حياتي مش واقفه عليه ويشاء الرحمن ان اللي انا اتخطبتله دا يطلع طبعه زفت وانا معرفتش اصل احبه وافركش الخطوبه وقاعده دلوقت بس اتفرج علي حب عمري بعد ما ضيعني بالله عليكم انصحوني اعمل ايه انا مش عارفه اكرهه مع انه وراني اسود ايام حياااااااااي

[نودا22]

ايه ده محدش هيساعدني؟
طيب ميرسي

[Sєяєєη●•ʚɞ]

امممممممم
ماتحاوليش تكرهيه لان عمر اما الكره هيحل مشكلتك واللى بيحب بجد مابيعرفش يكره ..!!
عيدى حساباتك من جديد وحطى قدامك كل سلبياتة اللى عملها فيكى وكل مواقفه اللى انتى قولتى جزء منها دلوقتى
واللى بان من كلامك انة انسان انتهازى وبتاع بنات وبيدور لمصلحتة وبس ودة بان من اختياراتة للاتنين اللى ناوى يخطبهم
فوقى لنفسك وانهى الصفحة دى وبلاش تبكى ع الماضى كتير خصوصا انه مايستهلش
مافيش حد هيقدر يساعدك غير نفسك وظروفك خليها تقويكى مش تضعفك واتعلمى من صدماتك
مريتى بتجربة علشان تتعلمى منها مش توقفى حياتك عليها
وللاسف يوم اما وافقتى ع خطوبة كان بغرض تغيظى فيه وتثبتيله انك مش بتفكرى فيه ودة اكبر غلط !!
لانك حتى فى خطوبتك حطاه فى دماغك ودة خلاكى ماعرفتيش تختارى صح او ماقدرتيش تشوفى الانسان الجديد اللى دخلتية حياتك وكل ذنبة انة ارتبط بيكى
فكدة بتظلمى نفسك وبتظلمى الانسان الجديد دة
ماتقفيش عند الماضى كتير ومش تفكرى فيه علشان مايبوظش كل حياتك
طول ما انتى بتفكرى فى الماضى طول ما دة هيخليكى مش هتقدرى تشوفى الناس الجديدة اللى بتدخل حياتك ودة ممكن يضيع عليكى فرص كتير وتلاقى نفسك فى الاخر حياتك انتى اللى وقفتيها وحياتهم هما ماشية !!
اعرفى ان اللى حصلك دة خير ليكى وان ربنا بينة قدامك وبين طمعه .. احمدى ربنا واشكرية
اتعلمى من اخطاءك وقوى نفسك وقيمى التجربة كلها بمميزاتها ومساوئها وانهيها من جواكى وبصى قدامك لان الحياة مستمرة مش بتقف فمش توقفى حياتك ع سراب الماضى ...

[نودا22]

شكرا حبيبتي علي ردك بس انا عايزه اقولك ان اسعد ايام حياتي شوفتها معاه هو كان اول حب ليا وبعدها قلبي اتقفل مش عارفه احب حد ولا حد بقدر اشوف نفسي معاه غير ده بيتهيالي اني هموت كده خلاص .....من يوم ماسبني بقاله سنه ونص مش عارفه افرح ودايما فرحتي ناقصه بفكر كتير اكلمه واترجاه يرجعلي بس كرامتي مش بتسمحلي اوحتي اساله هو عمل معايا كده ليه واذاني وانا عمري ما اذيته ............................ميرسي جدا علي كلامك ريحني

[∫ αʟм ∫]

بصي يا حبيبتى
عيشي حياتك ببسـاطه ومتقفيش ولا تزعلى ع حد هو مش عايزك
لان هو لو فعلا يستاهل الزعل كان عمل المستحيل علشانك من الاول
لكن لو رجع وساب اللى معاه ولا كأنه موجود ولا دخل حياتك .. والدنيا مبتقفش ع حد اوي يعنى
وبالذات الاشخاص اللى من النوع ده ميستهلوش اي حاجـه للاسف
ومتكرههوش عـادى جدا الايام دووول وانتى اكيــد هتوريـه فـ يوم من الايـام انك
اخدتى الاحسن منــه وانسى وعيـشى بقـى ، واضحـكى اكيد انتى لسه صغيـره ومش تخلى حاجه زي دى
توقفـك واكتبى ع قلبـك Off Line لحـد ما يجيلك نصيـبك ويخـبت ع باب الشقـه بتاعتكـوا

تقبلى ردى

ودى ~

ــــــــــــــــ

[ساحر الأحزان]

متعلجيش الخطاء بخطاء افدح منة هو لو بيحبك مكنشى يبفكر انة يخطب غيرك

وانت عرفتى انة خطب وافقتى على اول واحد جالك على شان تعرفية ان حياتك

مش واقفة علية غلطى برضة لانك اتسرعتى فى خطبتك لانك قلتى ان طباع

خطيبك دة مش كويسة ولا انتى الى بتظهرى كدة لنفسك على شان بتحبى

حبيبك الاول وبتقنعى نفسك على شان تسيبى دة فكرى فى نفسك وسيبك

من الحب الهوائى الى ما بيجيش من وراة غير وجع القلب وقبل ما تقررى

انك تفتحى قلبك متستعجليش وفكرى اقبلها الف مرة لان دة مستقبلك

وصعب انك تحب وتنجرح بعد كدة

اتمنى انى اكون وضحتلك

بالتوفيق ليكى

[Sєяєєη●•ʚɞ]

عارفة انة احساس صعب وموجع .!~
بس فكرى معايا كدة
مش لو كان عاوزك ماكنش سابك وراح علشان يخطب وحتى لما الموضوع فشل مارجعش ليكى وراح لواحدة تانية عشان فلوسها فحساباته مختلفة بعيدة عن الحب !!
فبلاش تتصرفى اى تصرف يندمك ويقلل من نفسك
ع الاقل اخرجى م التجربة وانتى زايدة احترامك لنفسك لانك لو قللتيها هتكرهى نفسك بجد وقتها
حكمى عقلك اكتر من قلبك علشان القلب ممكن يوقعك فى اخطاء ساذجة وكارثية
ويارب كلامى يكون بيساعدك فعلا وبيريحك ...

[نودا22]

اقتباس المشاركة الأصلية كتبت بواسطة sereen عارفة انة احساس صعب وموجع .!~ بس فكرى معايا كدة مش لو كان عاوزك ماكنش سابك وراح علشان يخطب وحتى لما الموضوع فشل مارجعش ليكى وراح لواحدة تانية عشان فلوسها فحساباته مختلفة بعيدة عن الحب !! فبلاش تتصرفى اى تصرف يندمك ويقلل من نفسك ع الاقل اخرجى م التجربة وانتى زايدة احترامك لنفسك لانك لو قللتيها هتكرهى نفسك بجد وقتها حكمى عقلك اكتر من قلبك علشان القلب ممكن يوقعك فى اخطاء ساذجة وكارثية ويارب كلامى يكون بيساعدك فعلا وبيريحك ...

ميرسي حبيبتي

[نودا22]

اقتباس المشاركة الأصلية كتبت بواسطة ساحر الأحزان متعلجيش الخطاء بخطاء افدح منة هو لو بيحبك مكنشى يبفكر انة يخطب غيرك وانت عرفتى انة خطب وافقتى على اول واحد جالك على شان تعرفية ان حياتك مش واقفة علية غلطى برضة لانك اتسرعتى فى خطبتك لانك قلتى ان طباع خطيبك دة مش كويسة ولا انتى الى بتظهرى كدة لنفسك على شان بتحبى حبيبك الاول وبتقنعى نفسك على شان تسيبى دة فكرى فى نفسك وسيبك من الحب الهوائى الى ما بيجيش من وراة غير وجع القلب وقبل ما تقررى انك تفتحى قلبك متستعجليش وفكرى اقبلها الف مرة لان دة مستقبلك وصعب انك تحب وتنجرح بعد كدة اتمنى انى اكون وضحتلك بالتوفيق ليكى

ميرسي ليك بس صدقني اللي كان خطيبي دا فعلا طبعه صعب وشكاك يمكن علشان حبني اوي وانا ف المقابل مكنش بيحس من ناحيتي باي مشاعر ومكنتش حتي بقبله معرفتش احبه بس والله حاولت وداعيت ربنا كتير معرفتش والله اكمل معاه انا اسعد لحظات حياتي شفتها مع حبيبي مش مع خطيبي عارفه ان دا غلط بس اعمل ايه ؟

[رووكه]

بصراحه مش عارفه اقول ايه غير حسبى الله ونعم الوكيل فى اى حد

يخدع ويخون حد وعده بشئ ده مش ينبكى عليه خالص

وكلى ربك هو المنتقم هيعوضك خير

ما اجمل الصبر على المصائب مش تقفى محلك سر

ومش توقفى على اى شخص والسلام

استخيرى ربنا ومش تمشى وراء مبداء داوينى بالتى كانت هى الداء

ومع الايام هتنسى وبكره لما ربنا هيعوضك خير هتضحكى من قلبك

على الايام ديه وتقولى ازى كنت يعمل فى نفسى كده علشان خاطر

ده

ربنا يصلح حالك الاهم من كل ده انك تقربى لى ربنا اكتر

وتستعينى بيه هو خير رفيق ومعين وعمره مهيتخلى عنك