وداعاً للأضطهاد والعنصرية

[king lion]

اخوانى وأحبائى أعضاء المنتدى الكريم اليوم تخلصنا من العنصرية والتمييز والأضطهاد اليوم تخلصنا من التنكيل والتعذيب نشكر الله تعالى على ما من به علينا من فضل ونعمة يشهد الله تعالى على أن سعادتى فور أعلان فوز الدكتور محمد مرسى لم تضاهيها سعادة ولو وزعت على الارض لكفتها علامات أستفهام تطرح نفسها فى عقول البعض هناك من يتوهم أننى اناقض نفسى كونى هاجمت الأخوان مرارا وتكراراً وانا أعذر كل من يتوهم ذلك ولكن حينما نوضح الأمر سيكون هذا جواب على كل من يسأل من هنا يبدء موضوعنا أيها الأحبة وعلى بركة الرحمن نبدء منذ سنوات طويله جداً يعانى الملتحين من الأضطهاد والتعذيب والتنكيل ليس لجرم أرتكبوه بل لأنهم قاموا بالأخذ بالسنة الواجبة التى أمر بها النبى صلوات ربى وسلامه عليه عن النبى صلى الله عليه وسلم بأنه أمر بإحفاء الشوارب وإعفاء اللحية صحيح مسلم خلاصة الدرجة صحيح رقم 259 عشر من الفطرة قص الشارب وإعفاء اللحية والسواك واستنشاق الماء وقص الأظفار صحيح مسلم خلاصة الدرجة صحيح رقم 261 هذه هى الجريمة الشنعاء التى أرتكبها رجالاً وشباباً من المسلمين على أرض مصر التمسك بسنة واجبة وما أمر به الحبيب المطصفى فى أعفاء اللحية وعدم حلقها ليسوا الأخوان وحدهم من عانوا ويلات العذاب على يد جبابرة النظام الفاسد بل أمتدت تلك الأيادى الحديدية لتنول من جميع الملتحين دون أستثناء بعد الثورة شاهدنا هجوماً ليس له مثيل مسرحية تدار بأيدى ماهرة ماكرة تتصيد الأخطاء الصغيرة منها والكبيرة وتحيك ملايين المكائد لكل ما هو إسلامى أو ملتحى شيخ يخطىء عالم يخطىء عضو فى حزب إسلامى يخطىء ملايين الهجمات على الجميع دون أستثناء أسماء والقاب طرحت على كل ملتحى دون تمييز الإسلاميين والمتأسلمين وغيرها من الألقاب الدخيلة علينا فى الحقيقة أنا أرفض الأولى لأنها تخص فئه بعينها من المسلمين او بشكل أوضح لقبت بها الجماعات الإسلامية على وجه الخصوص وهذا لأننا جميعاً إسلاميين نشهد أن لا إله إلا الله وأن محمد رسول الله إذا أيها العقلاء جميعنا إسلاميين نأتى للطامة الكبرى كلمة خطيرة للغاية المتأسلمين كلمة تداولها الناس إما بجهل مطبق بالمعنى وأما بفهم كامل لمعناها وهنا المصيبة الأول نوضح له لعله يرتجع عن نطق الكلمة مرة أخرى أما الثانى والذى يعى المعنى كاملاً هذا يحتاج إلى تأديب وتهذيب متأسلم ------- متأسلمين فى الحقيقة لم أقف على الكلمة فى معاجم اللغة وقفة دقيقة ولكننى وقفت على أحد المعانى فى معجم اللغة العربية المعاصرة تأسلم فلان إى دخل فى الإسلام ولكن المعنى أخطر من ذلك بكثير لأن من يطلق عليهم ذلك من ملتزمين وجماعات إسلامية هم بالفعل مسلمين أذا المعنى هنا مختلف تماماً بالعقل والمنطق حينما نقول تأسلم شخص إى تحول من الضلال للهدى من الكفر للإسلام أذا كيف نقول لشخص مسلم بالفعل متأسلم هل كان كافراً بالله ثم دخل الإسلام مثلا هذا كذب وأفتراء بكل تأكيد لكن المعنى أعمق من ذلك بكثير المعنى المقصود والشنيع والغير مقبول نهائياً هو أنهم يدعون الإسلام وهم فى الحقيقة مخادعون كاذبون ظاهرهم الإسلام وباطنهم غير ذلك وهنا نقول لكل من يحاول التشويه والنيل من شيوخ وعلماء وملتزمين من أنت ومن تكون وما هى كينونتك فى هذه الدنيا حتى تحكم على ما تكنه الصدور والقلوب توضيح حتى لا يأتى أحد ويخلط الحق بالباطل ويخترع لنا أحاديث جوفاء متى نقول أن فلان غير مسلم العوام من المسلمين لا يحق لهم ذلك مطلقاً بل يختص بذلك علماء المسلمين الدارسين لدين الله تعالى ومن هنا نقول لهؤلاء الجهابزة لا يحق لكم الحكم على غيركم من المسلمين بأنهم يدعون الإسلام ويخفون فى صدورهم النفاق والفجر الجميع له أخطاء هذا سرق فهل يخرجه ذلك من ملة الإسلام هذا كذب فهل يخرجه ذلك من ملة الإسلام جميع الأخطاء التى وقع فيها كثيراً من الشيوخ والعلماء هل تخرجهم من ملة الإسلام هل هذه الأخطاء تعطيكم الحق فى أن تنهشوا لحومهم ولماذا حينما يخطأ فرد أو عدة أشخاص تنهالون على الجميع دون أستثناء لو أن هذا المعيار الذى تعتمدون عليه فى وزن الأمور أن الجميع فى سلة واحدة فى الأخطاء فعلينا القول أن لو مسلم سرق فكل المسلمين سارقون ولو مسلمة تبرجت وعرضت جسدها أذا كل المسلمات مثلها ولو مسلم شرب الخمر فكل المسلمين سكارى أين عقولكم المعطلة وضمائركم الميتة كل شخص يخطىء يتحمل ذلك وحده والتعميم خطاء ويدل على عقول معطلة لا خير فيها الدليل على أن هناك أيدى ماكرة تحاول النيل والتشويه مضاجعة الوداع ذلك الموضوع الذى كشف جميع مكائدكم والذى وصمكم بالعار والتى تناولها الأعلام الفاسد ونشرت وتناقلت فى المنتديات وشاهدناها بأنفسنا ودافعنا وأثبتنا بالدلائل على أنها أكاذيب مغرضه ولم نرى إى أعتذار من إى جهة أعلامية على هذه الأكذوبة المشينة ولم نرى فى إى منتدى نشر ذلك الموضوع المشين الكاذب إى أعتذار أو تنويه يحق الحق حقه بل تم التعتيم وأكن الأمر لم يكن أرجعوا بذاكرتكم إلى الوراء وليكن لكم عقل تفكرون به منذ سنوات وجميع الملتحين يضطهدون ويعذبون من أجل لحيتهم فقط لو كان هذا من أجل المظهر وخداع الناس بالدين فلماذا نتحمل العذاب والويلات من أجل لحية لماذا لم نقوم بحلقها ونمشى بين الناس فى أمان لماذا لم نقوم بحلقها رغم التعذيب والأمتهان لماذا نرتضى أن نعذب وأن نخطف من بيوتنا قبل بدء إى أنتخابات مجلس شعب وشورى ونرمى فى غياهب أمن الدولة بالشهور دون أن نرى أمهاتنا وأخواتنا وأبنائنا وبناتنا ما الذى يجبرنا على تحمل كل ذلك أن كان ظاهرنا هو الخداع هل يعقل أيها الجهابزة المفكرون أن يرتضى أنسان كاذب بكل ذلك العذاب من أجل أن يخدع بعض البشر الكاذب يهتم بسلامته الشخصية فحينما يأتى الخطر يتنصل من كل شىء وينجوا بنفسه هذه اللحية التى تعيبون عليها الأن ذقنا من أجلها الويلات سنين طويلة أنتم لا تشعرون بما عانيناه ولا أقصد حزب النور أو الأخوان بل أقصد كل رجل وكل شاب قد التزم بالسنة وأحتسب وصبر وأطلق لحيته أبتغاء مرضاة الله تعالى كل شخص أرتضى العذاب والذل على أيدى الفاسدين ولم يتخلى عن سنة واجبة لا أدافع هنا عن نفسى ولا عن الاخوان أو حزب النور بل أدافع عن كل من التزم منذ سنين طويله وعاش أضطهاد ومعاناة من أجل لحيته المضطهدون فى مصر أيام النظام السابق هم الملتزمين وحدهم وليس غيرهم وانا أقول أضطهاد إى تعذيب وأعتقال دون جريمة ولا أقول ظلم فجميع المصريين قد ظلموا على يد الطاغية وزبانيته هل علمتم لماذا فرحتنا غامرة وكبيرة الأن لى عودة أخرى أن شاء الله تعالى

[Lost Pearl]

انت هتقولي ع اللي كان بيحصل

خالو كان ضيف هناك ههههههه

حتي ماما مش سلمت منهم


عامة اللي حصل حصل

و ربنا يجعله في ميزان حسنات كل اللي اضطهدوا

بس عارف اللي بيخلي الناس مش تحب الملتحين

مجرد موقف من ملتحي بيقفلك كدة منه

و بيخليك كل ما تشوف واحد ملتحي تفتكر اللي اذاك مع ان الانسان ده مش ليه ذنب

يعني مش كل الملتحين وحشين و مش كلهم حلوين

و كذلك الامر بالنسبة للنقاب


ربنا يصلح الحال و يبقي الدكتور مرسي ادها بقي

تسلم ع الموضوع الجميل يا محمد كالعادة

[حلم عمري]

فعلا عند حضرتك حق
كان في اضطهاد جامد للملتحين بالذات
عموما ربنا من علينا وخلصنا من الفوضي والظلم الي كنا عايشين فيهم
وربنا يستر علي الفترة الجاية
ويصلحنا جميعا
اشكرك كتير علي طرحك الرائع
دمت في رعاية الله

[Arco Baleno]

موضوع رائع تم سرده بشكل جميل
جدا
فعلا كل بني ادم خطا وخير الخطائين التوابين
ومن ضمن كلاماتك حينما يخط واحد هو يتحمل الخطا بنفسه
ودا ينطبق تحت مسمى ولاتزرو وازره وزر اخرى
موضوع جميل وراقي جدا
واتمنى الى مصر السعاده والتوفيق على يد الرئيس الجديد
مرسي

[أجمل سعوديه]

لم يصل الإخوان لقمة السلطة في مصر بسهولة، بل كان طريقهم إليها شاقاً ومليئاً بالمعوقات والمطبات.

لقد قضى الإخوان ثمانين عاماً تقريباً وهم في الظل السياسي، ولكن لم يتحولوا يوماً كي يكونوا حكومة ظل بناءً على قاعدتها الجماهيرية الكبيرة،

كما هو موجود في الأنظمة الديموقراطية المستقرة كبريطانيا مثلاً لأن الحكومات السابقة في مصر لم تكن ترضى بأن تسلمها السلطة أو تشاطرها إياها على أساس الشرعية الشعبية فقط.

لقد قدم عناصر الإخوان في مصر من أجل مبادئهم الأيديولوجية النابعة من الشريعة الإسلامية وبغض النظر عن صحتها أو خطئها، الكثير من التضحيات الجليلة في سبيل تمسكهم بمبادئهم الأيديولوجية.

لقد كان من البديهيات المعروفة لدى جميع المتابعين في السابق، أن من ينتمي في مصر للإخوان المسلمين ومهما كانت مرتبته سيعرض نفسه للمراقبة الدائمة والاعتقال دون محاكمة وحتى دون جرم أحياناً، والتضييق عليه في الوظائف الحكومية، والتعذيب والإهانة، بل قد يطال هذا العذاب غيره من أقاربه.


مع هذا الوضع ورغم منع الإخوان سياسياً فإنهم كانوا حاضرين مدنياً وشعبياً. إذ إن إقفال الباب في وجه الإخوان للولوج إلى مراكز السياسة وصنع القرار، لم يمنعهم من استعمال القوة الناعمة للتغلغل في العمق الشعبي عن طريق إنشاء بنوك ومستشفيات وجمعيات خيرية مؤطرة بالإطار الإسلامي.

في بداية الثورة المصرية، شارك الإخوان فيها متأخرين. يبدو لي أن هذا كان توانياً وليس تأخراً، وسببه هو الخوف أنه إذا ما استطاع نظام مبارك قمع المظاهرات فإنه سيقدم على لعبته القديمة مع الإخوان بدفع عدد كبير منهم في السجون، وتضييق الخناق عليهم أكثر من قبل. لذلك طغى التفكير البراغماتي في البدايات،

ولكن غلبت الروح الثورية للإخوان وشاركوا في الثورة بعدما رأوا أن الفرصة التاريخية للتخلص من حكم مبارك تتشكل أمامهم. وللعلم فإن الرئيس المصري الجديد محمد مرسي، أعتقل في بدايات الثورة لمشاركته في اعتصامات ومظاهرات ميدان التحرير.


الآن، بعد أن جرت الثورة في مخاضات متعددة حتى نضجت ورست على الإخوان بدعم شعبي حاسم، يتطلع الجميع في مصر وخارجها من الداعمين للإخوان أو حتى من المتوجسين خيفة من كل ما هو إسلامي إلى الطريقة التي سيحكم فيها الإخوان مصر



حياااااااااااك ياكبير ,,

الحمد لله ع السلامه ,,, اشتقنا لمواضيعك المميزه

ان شاء الله آخر الغيابات ,, تقييمي

[أميرة برقتها]

يسلمو ع الموضوع
بس لو نديلهم الوقت الازم ليثبتو نفسهم يبقي ما اخسرناش حاجة
وبالنسبة لخوف الناس من حكاية الذقون
ما ياما ناس بدون ذقون عملو الاصعب منهم وما ميزناهمش او ما وضعنهمش بدائرة الاتهام
وربنا يوفق مرسي لرضي ربنا
ورضي كل شعب مصر

[نهر النيل]

ومع كامل احترامي لكلام حضرتك
نسيت اضافه
بان بردوا قتلة السادات من الاخوان
اه انا وياك
انهم اتظلموا جدا في العصر الاخير
بس دا كان نتاج قتل السادات وبعض الوزرا لو حضرتك فاكر
وبردوا حضرتك نسيت ضعف مستواهم السياسي تحت قبة البرلمان
واللي نتج عنه حل مجلس الشعب
ومؤكد الشورى بالطريق
على كل حال
كمواطن مصري
اتمنى بعد كل المناصب اللي اخدوها
بشكل او باخر
ان رئاسة الجمهوريه تكون بشكل مختلف
فيه عدل وحريه وعداله
فيه نظام محترم يحترم البلاد والعباد
ومش يحصل ف يوم ونشوف ما اهو أسوأ من نظام تم خلعه
والايام كفيله بتبيين كل شيئ
وعلى كل حال نجح المحترم / محترم بطريقة ما أو بأخرى مش دا المهم
يهمني اشوف قوة فكروا وبرنامج النهضه الخاص بيه تنفيذ حيوي
مش مجرد كلام حلو على ورق
وربنا يحفظ مصر بكل حال
ومتشكر لموضوعك جدا
احترامي

[SiLver Spectra]

اضطهاد الملتحين قل تدريجيا مع صعود التيار السلفي في مصر في عهد مبارك
يعني قبل 2005 كان بيبقى في خوف من اي اب لابنه انه ملتحي
لكن بعد كدا باقيت عادي
لان شيوخ السلف ابتعدوا عن السياسة و النظام كان مبسوط منهم جدا انهم قدروا يشاركوا معاهم في تشويه الاخوان عامة
و اضعاف اسلاميتهم باعتبار ان السلف هم الاصح في الاسلام عن الاخوان

و انا شخصيا عرفت ناس كتير جدا سلفيين كانوا بيكرهوا الاخوان بشكل مش طبيعي مع ان قبل ما ينتشر الفكر السلفي كان فكرهم قريب للاخوان

فأنا شايف ان السلفيين خدموا النظام السابق في تكفير الديمقراطية و البعد عن السياسة على عكس الاخوان
و الدليل على ترك النظام ليهم هو انتشار الفضائيات بكثرة مع ان زمان في التسعينات كان النظام بيجري وراهم(الملتحين) و اي حد كان بيطلق و لو 1 سنتي من لحيته كان بيعتقل و بيتم التحقيق معاه
و زي ما ذكرت من بعد 2005 و الظاهرة دي قلت و ماعدتش اللحية مصدر خوف للنظام بل اصبحت مصدر راحه ليهم لضمان سحب عباءة الاسلام السياسي من الاخوان و نقلها للسلف و لكن منزوعة السياسة
كان النظام بكدا بيقتدي بالنموذج السعودي

أنا بصراحة بحكم متابعتي للسياسة ماشوفتش اي نضال من شيوخ السلف ضد النظام السابق
على عكس الاخوان و المعارضة و بعض الليبراليين و غيرهم الي كانت ليهم مواقف واضحه ضد النظام
زي واحد اسمه (عبد الحليم قنديل) راجل كل يوم كان بيكتب مقاله ضد مبارك و كل سنة يألفله كتاب ضده
من سنة 2000
دول بصراحة الي اقدر اوصفهم بانهم اصحاب النضال الحقيقي و اصحاب الكلمه
مش نضال اني ربيت لحيتي يبقى انا كدا باقيت شجاع السيمه ,,و بعدين اطلع في خطبه امدح في مبارك مثلا و لا اكفر الديمقراطية او اتريق عالاخوان
عامله زي واحد نافخ جسمه عضلات و هو بياخد على افاه و مفكر نفسه قوي ههههههه
انا كنت في امتحانات و بقالي شهر مش حلقت دقني كان وشي عكر كدا
لما حلقت حسيت اني نورت ,,مش عارف ليه فكرني بشعر العانه
صحيح لما تشيله و لا لما بتسيبه بيبقى شكلك انضف ؟ ههههههههه
ممكن واحد يقتنع انك لما تسيبه بيبقى افضل بالذات لو زرعت فيه ايمان بكدا فعلا هيشوفه افضل
هتقوله يا ابني لما تحلقه اكيد انظف هيقولك لأه لما تسيبه طبعا ,,تقوى بقى و ايمان
و هذا على سبيل المثال ,,,
عايزك تحط القرآن كلو و احاديث بخاري كلها في الرد
مش هوصيك ها

[مِسكُ الشَهادة]

السلام عليكم
اخي الغالي محمد اشكرك بداية ع هذا الموضوع الرائع كشخصك الكريم
نعم كانت اياما سوداء عانى منها الكثير
ذاق الويلات
الفقر والفساد والظلم والاضهاد
السجن والمحاكمات العسكرية
والتشويه والتضليل والتهميش والحظر
الملاحقة والمراقبة
التدخل ف التعليم والحياة الخاصة
المداهمات ف الليل والنهار
كانت احلك واصعب ايام عشناها كمصريين بجد
ربنا رفع عنا الظلم واصبحنا شعب يتنفس حرية
وان شاء الله الدكتور محمد مرسي يكون عند حسن ظن الجميع
ونجتمع ع محبة مصر ورفع قيمتها وتوحد ابناءها
الحمد لله ع كل شيء
ونحتسب كل ظلم عند الله
كانت ايام حزينة جدا
ولكن الله كلل حياتنا بفرح الحاضر وباذن الله المستقبل
اخي الحبيب محمد اشكرك ع نبض قلمك
وموضوعك المميز وحمدا لله ع السلامة نورت من جديد
اخوك ف الله خالد

[king lion]

أعتذر من الأخوة الذين ردوا فى البداية
وأسمحوا لى أن أبدء الرد على طارق
لأن مداخلته خطيرة للغاية ويجب علينا أن نوضح بالدليل أن بعضها خاطىء

اهلا اهلا طارق باشا

منور يا غالى وأسمحلى بقى أفند ردك ونشوفه مع بعض

اقتباس المشاركة الأصلية كتبت بواسطة silver spectra اضطهاد الملتحين قل تدريجيا مع صعود التيار السلفي في مصر في عهد مبارك يعني قبل 2005 كان بيبقى في خوف من اي اب لابنه انه ملتحي لكن بعد كدا باقيت عادي لان شيوخ السلف ابتعدوا عن السياسة و النظام كان مبسوط منهم جدا انهم قدروا يشاركوا معاهم في تشويه الاخوان عامة و اضعاف اسلاميتهم باعتبار ان السلف هم الاصح في الاسلام عن الاخوان

لا يا طارق أسمحلى الكلام ده خاطىء مليار فى المية

وتعالى نشوف بالدليل اولا أنت قولت السلف
وفى العموم كلنا سلفيين

يبقى خلينا نكون أكثر دقة شويه ونقول جميع الملتحين
شيوخ شباب رجال

طبعا حزب النور مكنش ليه وجود قبل الثورة

حضرتك بتقول ان ده انتهى بعد 2005 وان خلاص بقى
كل من التحى كان بيمشى أمن وزى الفل وسط الناس
وعادى بقى حبيب للنظام

ده يا طارق غلط لأن جميع الملتحين سواء شيوخ او شباب او رجال
كانوا بيتفرموا فى أمن الدوله لحد قبل الثورة مباشرة

ولو عايز دليل على كده أقولك

حضرتك فاكر المظاهرة اللى عملها شيوخ وشباب ملتحين
سواء سلف أو ملتزمين فى أسكندرية قبل الثورة
للأفراج عن كاميليا شحاته ووفاء قسطنطين
وقعدت أيام وأتعرضنا فيها لكل وسائل القمع

وملحوظه مفيش شاب مش ملتحى كان فى المظاهرات دى تحديداً


اعتقد ده خير دليل أنه ينفى كلامك ان السلف او الملتحين كانوا أمنين فى بيوتهم من أمن الدولة وأنهم محابين للنظام

وياريت بلاش نحط حالات فرديه لشيخ وله أتنين
احنا بنتكلم هنا عن الشمول

دليل تانى

الشيخ المحلاوى شيخ مسجد القائد إبراهيم
من أيام السادات لحد قبل الثورة بيفرم فى النظام أعتقل أكتر من مره
وأتمنع من الخطبه نهائياً
وكان لما بيخطب فى الناس سواء فى أحتفال زواج أو عزومه
أو ندوة وينتقض أسلوب الحكم والنظام
كان بينكل بأهل بيته

وده مشهور جدا فى أسكندرية ومعروف بمناهضته لنظام مبارك
يبقى كلامك غير صحيح

نقيس على أهل منطقتى مثلا ومنهم العبد الفقير لله

تقدر تقولى لما لحد شهر 12 سنه 2010
بنتاخد فى أمن الدوله بصفة دورية واللى ليه نشاط فى مسجد
مكنش بيخرج وخد عندك بقى طبعا اللى بيخرج مننا مش بيخرج كده لا يا طارق بنعدى على حسام بيه الشناوى وطبعا حسام الشناوى ده كل ملتحى يعرفه كويس جدا فى أسكندرية
لأن ليه أسطباحه معروفه بيتكيف اوى لما يديك اتنين تلاته بالصاعق الكهربائى ويتفرج كده ويستمتع اوى لما يجيب حيوان من حيواناته وهو بينتف من شعر لحيتك ده كان أسمه ايه يا حج طارق

تقدر تقولى لما أكون راجع من القاهرة برضه سنه 2010
انا وبعض جيرانى ملتحين وعلى فكره ملناش علاقة بحزب النور
ولا الأخوان ونتاخد على بوابة أسكندرية
ونترحل لأمن الدولة فى الفراعنة ونقعد أكتر من 10 أيام
والذنب الوحيد أننا ملتحين وراجعين متأخر

يبقى كلامك بصراحه يا طارق مش منطقى
وبعيد جدا عن الحقيقة

بس تعرف اقدر أقولك شىء واحد بس
اللى ايده فى الميه مش زى اللى ايده كانت فى النار

بصراحه أنا مكنتش احب أقول الكلام ده نهائى

دليل أخير ودامغ على أن معلوماتك مش دقيقه يا طارق

الثورة كانت يوم كام 25 يناير مش كده

تقدر تقولى تم حصد كام شاب من الدعوة السلفية والملتحين
يوم 4 يناير فى مقر أمن الدولة فى الفراعنه

تقدر تقولى سيد بلال وده شخص تبع الدعوة السلفيه
أتاخد يوم كام يناير ومات يوم كام من التعذيب

انا اقولك عشان تعرف أن معلوماتك غلط

اتاخد يوم 4 يناير بليل ومات تانى يوم من اثر التعذيب

يبقى يا ترى كلامك ده منطقى وواقعى يا طارق

أسف يا طارق كلام حضرتك مغلوط جدا ومهما قولت وحطيت
بيانات وحجات منقوله سواء من أعلام أو من كتاب او من شيوخ

حقولك أسف كل ده غلط وكذب ومليون كذب ولا يمكن حصدق

تعرف ليه لانى شفت ده بعينى واتعرضت ليه

فيبقى كلامك ومع شديد أحترامى مغلوط

اقتباس و انا شخصيا عرفت ناس كتير جدا سلفيين كانوا بيكرهوا الاخوان بشكل مش طبيعي مع ان قبل ما ينتشر الفكر السلفي كان فكرهم قريب للاخوان

مش فاهم يعنى ايه ينتشر الفكر السلفى تقصد بيه ايه

نهج السلفية معروف من أيام التابعين وتابعين التابعين
ونكرر ونقول الجميع مش سواسيه تختلف العقليات والطباع

يعنى لا يصح أنك تحكم على الجميع وتقيس على كام فرد ناس كتير

وإلا بقى يحق لأى حد يقيس بنفس الطريقة وده وضحته فى الموضوع

اقتباس فأنا شايف ان السلفيين خدموا النظام السابق في تكفير الديمقراطية و البعد عن السياسة على عكس الاخوان

تفتكر كلامك صحيح

طيب ادينى تفسير واحد على الرد اللى فوق ده
والتعذيب والتنكيل للسلفيين او للملتحين عموماً

اقتباس و الدليل على ترك النظام ليهم هو انتشار الفضائيات بكثرة مع ان زمان في التسعينات كان النظام بيجري وراهم(الملتحين) و اي حد كان بيطلق و لو 1 سنتي من لحيته كان بيعتقل و بيتم التحقيق معاه و زي ما ذكرت من بعد 2005 و الظاهرة دي قلت و ماعدتش اللحية مصدر خوف للنظام بل اصبحت مصدر راحه ليهم لضمان سحب عباءة الاسلام السياسي من الاخوان و نقلها للسلف و لكن منزوعة السياسة كان النظام بكدا بيقتدي بالنموذج السعودي

أعتقد اللى بتقوله ده مش دليل أنتشار الفضائيات

وتعالى نشوف من صاحب قناة الناس مثلا
سعودى الجنسية

طيب انت بتقول أنهم سابوا السلفيين من 2005

طيب تفسر بأيه قطع بث قناة الناس شهر 10 سنة 2010
يعنى قبل الثورة بشهرين على طول

يبقى الكلام عنه يحتاج تصحيح

قناة الرحمة طبعا أنت عارف أن مالكها الأمير الوليد بن طلال
يعنى مش مصرى ولاهو شيخ من شيوخ السلف

وطبعا انت عارف بن طلال مع مبارك كان ازاى
وتوشكى تشهد عايز مبارك يقوله متعملش قناة الرحمة مينفعش يا طارق باشا

ورد معلش على كلمه معدتش اللحية مصدر خوف للنظام

طيب كانوا بيعتقلونا ليه وبيمسكونا ليه
يا راجل بقولك بيعتقلوا وبيعذبوا ويموتوا لحد 4 يناير 2011
تقولى معدتش

طيب ياريت تقولى شىء غير ده او كانا بنتكلم فى مجال تانى
عشان اصدق واحاول أقرب وجهة النظر معاك ونتفاهم

أصل يا طارق ده انا شفته بعينى يعنى مستحيل كلامك يكون صحيح

طيب خد دى بقى عندنا شيخ اسمه الشيخ عادل عبد المولى
الراجل ده كان بياخدنى الفجر من وانا لسه طفل صغير

الشيخ عادل ده بقى بيشرف فى أمن الدولة كل شهر يقعدله يومين تلاته تقدر تقولى ليه مع انه على كلامك مش بيسبب خطورة

طيب قولى ليه بيتاخد بصفه دورية قبل الأنتخابات ومش لوحده برضه معاه ناس كتيررررررررررر اوى

طيب قولى ساعات بيختفى بالشهر والاتنين فى أمن الدولة ليه
وده لحد قبل الثورة على طول مش من سنه 2005

كلامك بعيد عن الحقيقة خالص يا طارق معلش

اقتباس أنا بصراحة بحكم متابعتي للسياسة ماشوفتش اي نضال من شيوخ السلف ضد النظام السابق على عكس الاخوان و المعارضة و بعض الليبراليين و غيرهم الي كانت ليهم مواقف واضحه ضد النظام زي واحد اسمه (عبد الحليم قنديل) راجل كل يوم كان بيكتب مقاله ضد مبارك و كل سنة يألفله كتاب ضده من سنة 2000 دول بصراحة الي اقدر اوصفهم بانهم اصحاب النضال الحقيقي و اصحاب الكلمه

معلش يا طارق انت راجل بتابع اللى بتشوفه وبتسمعه
لكن عمرك ما سمعت معن مظاهرات كتيرة اوى للدعوة السلفية فى اسكندرية عمرك ما سمعت عن كمية التعذيب ليهم

طيب يا راجل لما أعلامك فى عصر مبارك مضلل وبيعتم
وانت مسمعتش ولا شفت طيب ما تسأل حد شاف وسمع
عن ملايين المظاهرات اللى بينظمها السلفيين على الأقل فى اسكندرية واللى بيتاخد منهم كتير وبيتعذبوا وبيموتوا كمان

اقتباس مش نضال اني ربيت لحيتي يبقى انا كدا باقيت شجاع السيمه ,,و بعدين اطلع في خطبه امدح في مبارك مثلا و لا اكفر الديمقراطية او اتريق عالاخوان عامله زي واحد نافخ جسمه عضلات و هو بياخد على افاه و مفكر نفسه قوي ههههههه

عجبنى المثل بتاعك لا ربيت لحيتك مش نضال طبعا

التزاااااااااااااااام بالسنة دى قناعة بقى داخليه لكل واحد معلش
انا واحد من الناس لو حموت مش ححلقها قناعتى كده
انى اتمسك بسنه واجبه عن النبى عليه افضل الصلاة والتسليم

يبقى لما اتعذب عشان انا متمسك بالسنة اصبر واحتسب معلش
مخفش بقى واقول احلق دقنك بسرعه زى فلم انا مش معاهم
ولا ايه رايك يا طارق باشا

الأنسان لو تخلى عن مبدء وقناعة هو مؤمن بيها
يبقى انسان تافه وضعيف الشخصية

بصراحة مشفتش شيخ من الشيوخ عندنا طلع مدح فى مبارك
يمكن بتوع الأوقاف بقى اللى بيجيبهم الأزهر
حاول تفرق بين الأتنين يا طارق

اقتباس انا كنت في امتحانات و بقالي شهر مش حلقت دقني كان وشي عكر كدا لما حلقت حسيت اني نورت ,,مش عارف ليه فكرني بشعر العانه صحيح لما تشيله و لا لما بتسيبه بيبقى شكلك انضف ؟ ههههههههه ممكن واحد يقتنع انك لما تسيبه بيبقى افضل بالذات لو زرعت فيه ايمان بكدا فعلا هيشوفه افضل هتقوله يا ابني لما تحلقه اكيد انظف هيقولك لأه لما تسيبه طبعا ,,تقوى بقى و ايمان و هذا على سبيل المثال ,,,

بص الرد بالمختصر المفيد كده لما يكون واحد سايبها
كده لا سنة ولا حاجه بس سايبها وخلاص
سواء بقى أكتئاب حالة نفسيه إى أن كان السبب

حيبقى شكله زى عادل امام فى فلم الهلفوت بالظبط :079:

أنما اللى مربيها التزام بالسنة
وبيحاول يجتهد أنه يرضى الله ورسوله بالألتزام بما أمر به
وبيحاول يقوم نفسه عشان يكون أفضل

أعتقد وجهه حيكون منور وفيه ورع وإيمان وخشوع لله تعالى

وأعتقد أن النبى عليه الصلاة والسلام كان ملتحى والصحابة
مش كده برضه يا طارق

ياترى ورد عليا كان شكلهم جميل المظهر باللحية
وله كان شكلهم غير كده ؟؟

اقتباس عايزك تحط القرآن كلو و احاديث بخاري كلها في الرد مش هوصيك ها

لا متقلقش اهو الرد لا فيه آيه ولا حديث واحد يا طارق

بس كلمة أخيرة يا طارق

انت مقتنع انك تحلق دقنك وشايف نفسك وسيم انت حر

غيرك مقتنع أنه يطلق اللحية التزام بأمر الرسول هو برضه حر

دى قناعات خاصة بأشخاص

أحترامى

لى عودة لأستكمال الردود