رحلة في أعماق عضو aya

[yasmine refat]

السلام عليكم ,,,

أزيكم يا جماعه

حبيت أعمل برنامج في القسم ده ( إن شاء الله أكمله :biggrin

بأسم رحلة في أعماق عضو

وواضح من الإسم أني هحاول فيه أتعمق في شخصية عضو معين وأسأله كم سؤال إلا حدا ما شخصي,,,

وهقدملكم أو حلقه مع صديقتي الصدوقة ( آية)

,,,,,,, خلف الكلمات ,,,,,
توجد حقائق , توجد أحلام , توجد طموحات
مخاوف تبقى حائره تحاول أن تتقبل حقيقة الحياة ,,,,
أجساد تصارع الحقيقة وتخشى الخساره ,,,
لنحاول حل الغموض ,,, والغوص في أعماق (( الشخص))

وأول عضوه هتكون معانا ,,, هي عضوه صغيره في العمر ,,, طاهرة في الباطن ,,, صديقه عزيزه ليه في ( المنتدى )

هي آيه ,,

مقدمه للمنظر العام:biggrin:

أولا يا آيه ممكن تكلمينا عن نفسك ؟ وعن شخصك ؟ برؤيتك الشخصيه ؟؟
( مش مسموح الأجوبه المختصره ولا السطحيه )
بعد مش مسموح الاجوبة المختصرة ولا السطحية دي فا هتكلم حاضر
اسمي آية بنت مصرية اسكندرانية مقيمة في السعودية وعمري 17 سنة
مممممم انا انسانة بسيطة .. عنيدة .. صريحة .. هادية .. حقانية .. مندفعة ومتهورة احياناً.. مجاملة احيانا بس مش بدرجة كبيرة يعني مجاملة ماتضرش الإنسان اللي بجامله .. احيانا كتير وحيدة مع ان بيكون حواليا ناس كتير جدا .. اهلي بيشوفوني منعزلة اوقات كتير وانا بشوف اني بكون كده اوقات برضو بس ده لأن مش بيكون فيه حل غير اني اقعد مع ناس مش عاجبيني او اني انعزل فا بنعزل .. بتعجبني الشياكة والرقي والبساطة في كل حاجة .. بحب الفن جدا بكل انواعه وبعشق ستة
فيروز ومنير وعمر خيرت ونزار قباني ومحمد عبده و Adele: ... وبحب التفاصيل الصغيرة في كل حاجة في الأشخاص والأشياء ودي اللي بتجذبني مش التفاصيل الكبيرة
وبس

تقدر آيه تقولنا في السن الصغير ده أيه هي مخاوفها ؟ وليه ؟
مخاوفي من الحياة ومن التعامل مع الناس .. لاني ماتعاملتش مع ناس كتير بس لما استقر في مصر هتعامل مع ناس كتير ولوحدي .. وليه خايفة من ده فا لأني مش بعرف اتعامل بخبث ولؤم ونفاق ولف ودوران زي ما الناس بتتعامل دلوقتي فا خايفة يتضحك عليا كتير واتصدم في الناس بس متاكدة ان ده هيحصل

أحلامك أيه ؟ وأيه أكتر حاجه نفسك تتحقق في حياتك ؟
احلامي كتير منها اني انجح في دراستي هنا بمجموع كويس عشان اعرف ادخل الجامعة اللي تعجبني ونفسي وانا بدرس اشتغل مع ان ده صعب .. وبعدين اتخرج واشتغل واكون ناجحة في شغلي واتجوز بقى واكون ربة بيت شاطرة .. ونفسي ان شاء الله وقت ما اقدر اأجر مكتبة او اشتريها واخلي بابا يمسكها وليه لأن بابا زمان وهو صغير كان نفسه يشتغل في مكتبة لانه بيحب الكتب والقراءة جدا وانتي عارفة كده ..
هل أيه مش راضيه عن حاجه معينه في حياتها ؟ مش هحاول أعرف هي أيه ؟ بس عايزه أعرف الحاجه دي مأثره أزاي في نفسيتك؟؟
اه مش راضية عن حاجات كتير .. وللأسف ده بيكون سبب رئيسي لما بكون متضايقة او مخنوقة من حاجة
هل آيه حست نفسها قبل كده وحيده ؟؟ يعني من معرفتي لآيه حسيت فيها ( حزن وعمق ) ولكن مع كده هي بتحب تبان سطحيه مع الآخرين ؟ فده سببو ليه وهل حسسك بوحده ولا لآ؟؟
مممم حسيت نفسي وحيدة وانا قولت كده في اول سؤال .. والحكاية مش اني بحب ابان سطحية بس انا كتومة جدا اياً كان اللي مضايقني حتى لو شيء بسيط مش بحكي لحد فا مش بحب ابين قدام حد اني متضايقة من حاجة عشان اكيد هيحاول يعرف ايه اللي مضايقني .. وفيه ناس بتزعل لو مش حكيت لها

أيه من معرفتي بيها فيها نضج ( سابق سنها ) ومع ذلك بتهتم بالفنانين وبدافع عنهم فهل ده حقيقي ولا دي محاوله منك أنك تفضلي في سنك ؟؟ ولو كنت مقتنعه بالتصرفات دي ففهمني ليه ؟ هل بتحسي لها أي معنى ؟
هههههههههههههههههههههه امتى ده يابت دافعت عن حد .. انا مش بدافع عن الفنانين نفسهم انا بدافع عن فنهم .. ممكن زمان كنت كده اه كنت هبلة بس دلوقتي لا .. زي مثلا Adele لما قولتيلي قبل كده اغانيها مملة قولتلك لا ودافعت عن اغانيها عن فنها مش عنها .. وبالنسبة للسؤال فا ايه المانع الواحد يكون مهتم بالفن وفي نفس الوقت يكون ناضج !!!! عن نفسي بحب الفن جداً بكل انواعه ميوزيك– رسم – تمثيل – رقص .. وليا ذوق معين في الفن .. وبحس ان ده ليه معنى طبعا ! غير لو لقيت حد بيهتم بحاجة ومعتبرها فن فا ده مالوش معنى .. زي مثلا قريب فيه اغنية جديدة ليسرا ومي عز الدين اغنية المفروض انها شعبي وبيرقصوا فيها ولقيت ناس كتير حباها وحفظاها وبتغنيها ! بالنسبة لي ده مش فن ده هبل

أيه بتحب الفخامه والرومانسيه وبتميلي للأشياء الراقيه ولكن في مره قلتلي ( ماتمناش أعيش طول عمري في غنى مادي ) فهل ده حقيقي ولا أنت رضيتي بخيالك وعرفتي أنو خيال وأنعزلتي بي عن الناس فمش مهم يتحقق ولا حسه صعب يتحقق ؟؟
لا حقيقي .. انا افضل الطبقة الوسطى اللي انا فيها فعلا لا الغنية ولا الفقيرة .. بس نفسي اجرب الغنى مدة اسبوع واحد .. عارفة انتي الناس اللي بيقضوا اجازاتهم في امريكا وديزني لاند وكده نفسي اجرب كده اشوف شعوري هيكون ايه .. بس ماحبش اعيش كده على طول لاني بشوف ان زي ما الغنى ليه مميزات فا كمان ليه سيئات كتير من ضمنها انها بتبعد الواحد عن ربه وبتخليه طماع وعايز اكتر وبيكون كل همه الدنيا .. وارجع واقول على قد ما انا بفضل الفخامة والأشياء الراقية زي ما قولتي على قد ما انا بحب البساطة ومتهيالي مش صعبة ان الواحد يكون فخم وراقي وبسيط في نفس الوقت

أيه دايما بتحاول تبين نفسها قويه (( وللحقيقة الكل بيعمل كده )) فهل ده فعلا حقيقي ولا آيه ضعيفه من جوه ؟؟
لا الحمدلله انا بشوف ده حقيقي اكيد فيا ضعف زي كل البني ادمين يعني بس قوتي اكتر بكتير من ضعفي الحمدلله

الي أعرفوا أن ( آيه ) بتعشق أبوها فهل ممكن نعرف السبب ؟؟
اه جداً .. الناس هتستغرب هتقول ما كلنا بنعشق ابهاتنا
بس انا متعلقة بـ بابا تعلق مرضي .. هو الإنسان الوحيد اللي لو حصله حاجة لا قدر الله انا ممكن اموت وراه مع اني مش ضعيفة بس ما اتخيلش نفسي من غير بابا ربنا يخليه ليا
وهقولك ليه .. ببساطة لأن بابا مافيش حد في الكرة الأرضية كلها زيه او حتى نصه ومش عشان ابويا بقول كده لا كل الناس اللي تعرف بابا بتقول عليه كده حتى لو معرفة بسيطة او حتى لو مش من اهله او مش يقربوله .. فعلا انسان تركيبته غريبة انا محظوظة انه ابويا .. ومحدش هيفهم كده غير لما يتعامل معاه يعني الناس اللي بتقرأ كلامي دلوقتي وبتقول دي بتبالغ او ما طبيعي هتشوف ابوها كده .. فا صدقوني مش عشان ابويا

(( فاصل خارج عن حياتك الشخصيه ,,,,,

آيه أيه رأيك في المنتدى ( بصراحه )
المنتدى بعتبره مكان اتربيت فيه واتعلمت فيه كتير جدا .. كنت بحبه جدا زمان وكنت اول ما بصحى من النوم اغسل وشي واروح افتح المنتدى .. دلوقتي لا وليه فا بصراحة عشان اغلبه بقى ناس مش عاجبني .. انا مش بحب التصنع ولا التفاهة وبصراحة الحاجتين دول مليين المنتدى دلوقتي للأسف وبسمع قصص كتير عن ناس في المنتدى بيمثلوا قدام بعض انهم بيحبوا بعض ويا حبيبتي وياقلبي ومن ورا بعض بيتكلموا عن بعض بكلام زبالة ده التصنع والنفاق .. اما التفاهة فا مش هتكلم عشان ناس كتير هتزعل

من هم قرب الناس ليكي في المنتدى ده وقولي أيجابيتهم وسلبياتهم ((بصراحه)) ,,
ياسمين ( اللي هو انتي ) ابجابياتك : انسانة غريبة بطريقة حلوة .. فيها من كل حاجة شوية من الجنون شوية من العقل والنضج شوية من التسرع والتهور شوية ومن الطيبه .. فيكي من كل حاجة شوية وانسانة نظيفة ماتحبيش تشوفي الغلط وتسكتي حتى لو هيسببلك مشاكل كتير ومش منافقة ولا خبيثة عشان كده بحبك ابت .. والسلبيات مندفعة ومتهورة كتير ومع انك عاقلة جدا فا احيانا كتير بتعملي حاجات من غير ما تفكري في عواقبها وبالتالي ده بيضرك
شيماء ( ميشو ) : ايجابياتها : محترمة جدا وطيبة وحساسة وهادية وبخاف عليها جدا بحسها بنتي على طول وبحسها مسؤولة مني .. سلبياتها : احيانا بتكون حساسة بزيادة وده بيضرها كتير جدا لدرجة انها بتتحجز في المستشفى احيانا بسبب كده .. جزمة وبتزعلني منها عشان اوقات كتير لازم انا اللي اسأل وهيا نذلة مش بتسال خالص ومع ذلك بحبها جدا ومن الناس اللي انا بدعيلهم على طول في صلاتي
سارونة : ايجابياتها : من اكتر الناس الطبين اللي عرفتهم في حياتي فعلا قلبها ابيض اوي دي اكتر حاجة بحبها فيها .. سلبياتها : بتتعلق بالناس بسهولة اوي وده بسبب طيبتها الزيادة
هيثم : هو واحمد اخويا وواحدة صاحبتي التلاتة دول اكتر ناس بتضحكني في حياتي .. انسان تلقائي بشكل غريب مافيش حد تلقائي زيه كده دلوقتي .. طيب وجدع صاحب صاحبه يعني ومحترم .. سلبياته : مش بيشغل نفسه بأي حاجة وعلى طول منفض للدنيا وده شيء مش وحش بس هو عنده الحتة دي زيادة اوي
محمد علاء : ايجابياته : انسان خلوق وطيب ومحترم جداً عاقل وهادي ودمه خفيف انسان الواحد يحس بالراحة وهو بيتعامل معاه انسان نظيف بمعنى الكلمة .. سلبياته : مممم ممكن انه بيزعل بسرعة ده ماحصلش معايا يعني بس بحسه كده
انا ماقولتش كل الإيجابيات قولت اكتر حاجات بتميز كل واحد بس .. وطبعا فيه ناس كتير جدا بحبهم وقريبين مني بس لو قولتهم كلهم هكتب صفحتين ) فا ذكرت الناس اللي بتكلم معاها كتير
أيه أفضل قسم بتحبي في المنتدى , وليه ؟
ممممم اليوميات والصفحات المكشوفة وبقلم الأعضاء .. وليه عشان بكتشف حاجات جديدة عن الأعضاء في الأقسام دي وبعرف عقلية كل واحد منهم
(( نرجع للحياة الشخصية,,,,

أيه أتحجبت مؤخرا , فهل هي ناويه تكمل ولا ممكن تسيب الحجاب قريب؟؟
هههههههههههههههههه لا استني اضحك بقى على السؤال ده ههههههههههههههههههههههههههههههه
محسساني ان الحجاب ده الواحد يسيبه وقت ما يحب ويلبسه وقت ما يحب .. اكيد طبعا ناوية اكمل ان شاء الله
بتفكري تدخلي كلية آيه ؟؟
والله يا ياسمين انتي عارفة ان ده مسببلي مشكلة وكل ما افكر في كلية اكتشف اني مش هقدر ادخلها عشان عدة اسباب بس هقول الكليات اللي كان نفسي فيها ومش هقدر ادخلها
اقتصاد وعلوم سياسية – آلسن انجلش – فنون جميلة

أيه هي أكتر الصفات الي بتكرهيها في الشخص الموجود قدامك؟؟
اللف والدوران والخبث واللؤم والنفاق والغرور والتفاهة .. الحاجات دي لو مثلا بتعامل مع حد بيحبني جدا وعمري ما شوفت منه حاجة وحشة بس فيه حاجة من الحاجات دي مش بحب اتعامل معاه

وفي الآخير

رأي الشخصي في آيه : كتير منوه موجود في الاسئله او الحي حبيت آيه توصلو بالأجوبه حقيقة :biggrin:

آيه شخصيه جاده وهاديه جدا , عقلها ماشاء الله أكبر من سنها , فيها حزن داخلي (( وسببه مبرر بس مش هقول :biggrin) عاطفيه جدا (( بنوته ولله الحمد :biggrin) بتنسى قوي وسهل جدا ينضحك عليها وممكن الي قدمها يكون بيلف وبيدور وهي ولا هونا ,, كتومه فعلا بدرجه كبيره وغالب عليها الأحساس بالوحده (( بجد موش عارفه أزاي مش مليه عليها دنيتها:biggrin) بتستحمل مني كتير وخاصة لما ملقيش حد قدامي ولقيها بعد (( أرغي كتير لين ما رتاح من المستفزين :biggrin) ,, وحتى في الواقع عاقله جدا وركزه بحس اني مع مامتي :079:

وفي الأخير (( ياريت أعرف رأيكم فيها ))

وأشوفكم في حلقات آخرى ,,, ابقوا قبلوني:biggrin::biggrin:

منورين مسبقا

[~ NoDa~]

حلقة جااامدة ،
منوورة ي آية
حسيتها فعلاً فيها جانبين مختلفين خالص بس متوافقين فيهآ ،
عاقلة وناضجة وهادية
و ف نفس الوقت طيبة و ع نياتها ..
نووورتي الحلقة يا آية ،
وبرنامج جمييل بجد يا ياسمين ,,
استمرري بئى ..
بس لو زودتي الاسئلة شووية هيبئى البرنمج احلى ..
ف انتظاار كمان عضو ف حلقة جديدة ،

[countess]

اقتباس سارونة : ايجابياتها : من اكتر الناس الطبين اللي عرفتهم في حياتي فعلا قلبها ابيض اوي دي اكتر حاجة بحبها فيها .. سلبياتها : بتتعلق بالناس بسهولة اوي وده بسبب طيبتها الزيادة

تصدقين حتى خدمتنا لو سافرت آندنوسيآ بفتقدها

وبكون متعلقة بيها بفتكر قعدتها بالبيت معانا

حلقىة قميلة كفاية فيها آوش آوش ,, ~~

آوشة تس بوم تس اللغة الرسمية بتاعتنا ))

تقيمي + خمس نجوم ,, ~~

[Lαzєzα]

حلقه تفتح النفس ع الصبح كدا
المهم ,, سيبك من دا كله
Adele جامده ,, حد يقدر يقول حاجه غير كدا ؟ :P
مختاره كليات حلوه ,, بس ليه مش هتعرفى تدخليها؟
ربنا يوفقك ى ايه
تسلم ايدك ياسمين

[haytham ali]

بتشتمي ليه ياحليتها

وبعدين اتعلمتي يااوش اوش الهتم من واحد صاحبك

ما تزعليش ايه اللي بتقوليها

[morshooo]

اولا اهلا بيكى ياسمين

منورة القسم وبرنامج أن شاء الله هيكون ناجح

بس كملية ^_^

أية من الاعضاء المحترمين فى المنتدى

وبكون مبسوط لما بشوفها موجودة فى المنتدى

صحيح بشوفها على فترات بعيدة

بس اتمنى تواجدها بأستمرار والتفاعل معانا

تحياتى .

تم التثبيت

[كبرياء رجل]

ياسمين رافت وايه
طبعا اللي باين من الحوار انكم حد قريبب لبعض جدا
عشان كده اﻻسئله كانت في الصميم
اما عن ايه فانا جمعت عنها بعض المعلومات من الموضوع اللي قبل ده
وهنا المعلومات اصبحت شبه مكتمله عن شخصيه ﻻ اراها في المنتدى اﻻ القليل
طبعا قالت عذرها اللي ادى الى سبب تغيبها عن المنتدى
اللي احترم رايها طبعا وكل واحد ليه وجهة نظره
رغم اختلافي في الراي بس حابب اقول حاجه
احنا بنتعامل بطباعنا
وبنجبر اﻻخرين ازاي يعاملونا
يعني لو تافهين هتلاقي المعامله تافهه. او جادين هتلاقي احسن معامله
وطبعا كل عضو بايده هو اللي يحدد كده على حسب ميوله ورغباته
وهو داخل المنتدى ليه من اﻻساس
وهقولك حاجه تانيه لو حضرتك تعرفي كتير عن خبايا المنتدى انا اعلم اﻻكثر ومن ايام ما كنت عضو اخضر
وعلى فكره من غير التعامل مع اﻻشخاص السئيئين ﻻني علاقي الححمد لله محدوده
انا سرحت في الرد يعني اللي عاوزه اقوله ان كان ممكن تكلمي وبطريقتك
اي مكان فيه السئ والجيد
مستحيل تلاقي مكان متكامل
وهتلاقي طباع تختلف مع طباعك المهم انتي عاوزه ايه

حابب اقول حاجه تانيه ربنا يخليك والداك يارب
ﻻن انا شايف انه كل حياتك
ربنا يوفقك في حياتك سواء معنا داخل المنتدى او خارجه
ردود على اسئله مميزه بالفعل
والعضويه كان غالب عليها طابع الصراحه
منوره الحلقه

اشكرك ياسمين على الحلقه جدا الراقيه
دمتم بكل الخير
تحياتي لك

[yasmine refat]

اقتباس المشاركة الأصلية كتبت بواسطة ~ noda~ حلقة جااامدة ، منوورة ي آية حسيتها فعلاً فيها جانبين مختلفين خالص بس متوافقين فيهآ ، عاقلة وناضجة وهادية و ف نفس الوقت طيبة و ع نياتها .. نووورتي الحلقة يا آية ، وبرنامج جمييل بجد يا ياسمين ,, استمرري بئى .. بس لو زودتي الاسئلة شووية هيبئى البرنمج احلى .. ف انتظاار كمان عضو ف حلقة جديدة ،

أن شاء الله هحاول أزود

منوره البرنامج

[yasmine refat]

اقتباس المشاركة الأصلية كتبت بواسطة countess تصدقين حتى خدمتنا لو سافرت آندنوسيآ بفتقدها وبكون متعلقة بيها بفتكر قعدتها بالبيت معانا حلقىة قميلة كفاية فيها آوش آوش ,, ~~ آوشة تس بوم تس اللغة الرسمية بتاعتنا )) تقيمي + خمس نجوم ,, ~~

ساره السارونه ,,,

صاحبة القلب الطيب وفعلا صوتك يوحي بكده جدا

منوره البرنامج

[yasmine refat]

اقتباس المشاركة الأصلية كتبت بواسطة lαzєzα حلقه تفتح النفس ع الصبح كدا المهم ,, سيبك من دا كله adele جامده ,, حد يقدر يقول حاجه غير كدا ؟ مختاره كليات حلوه ,, بس ليه مش هتعرفى تدخليها؟ ربنا يوفقك ى ايه تسلم ايدك ياسمين

ويسلم ذوقك يا عسل

مش هتعرف تدخلها ليه ؟؟

علشانها بتحب تلعب بس هتدخلها بإذنه :003:

منوره البرنامج