ادم في سطور مع (( Mo7aMaD 3aLa2))

[نورا ❤]

السلام عليكم ورحمه الله وبركاته النهاردة معانا حلقة جديدة مع ضيف مختلف وشخصية محترمة ودمها خفيف :biggrin: معانا ومعاكوو في برنامج((ادمـــ في سطــور )) اللي منورنا Mo7aMaD 3aLa2 المــراقــب العـــام ▲▼ Le Magicien ▲▼ ... منور ي محمد يلا بينا : ....... فتره الطفولة : 1- مكان الميلاد أين كان ؟ مــدينــة بنـــها 2- حياة الطفوله من كان المؤثر الأول بها ؟ أسرتى واصدقائى ,, 3- موقف من الطفوله مازال عالق في ذهنكـ؟ والله مواقف كتير اكثرهم كوميديا الموقف اللى حكيتة هنا كتير قبل كدة كنت فـ الفسحة بلعب كدة لوحدى وحدفت طوبة لفوق ..بشوفها هتطلع لغاية فين المهم نزلت على دماغ واحدة ببص لقيت راسها بقت اتنين المهم جريت بقى واستخبيت وهى اهلها وصولوا المدرسة ونادوا على اسمى ف الطابور اللى بعد الفسحة بس انا مطلعتش وفضلت مستخبى ,, ووانا خارج لقيتها واقفالى مع اهلها على باب المدرسة بتبص بين العيال وانا طبعا ميت من الرعب باباها دة كان شبة ستيف اوستن كدة المهم استخبيت بردو وسط العيال وخرجت وبعد ما عديت بشوية كدة خدنى الفضول والجرأة ورحت اتابعهم وهم بيدروا بين العيال اللى خارجة المهم البت بنت عم اوستن لمحتنى بس كنت بعيد وقالت بعلو صوتها ,, أهوووو بس الحمدلله البيت كان جنب المدرسة وكانوا بعيد عنى بما يسمح انى اهرب وربنا ستر بجد فـ اليوم دة وعمرى ما هنساة كان كلة مغامرات وكوميديا ورعب ههههههههه مش قادرة بجد جامده دي ^ ^ واكيد فى حاجات تانية متتنسيش فـ المدرسة يعنى عمرى ما هنسى عم حسن اللى جنب المدرسة عندة سوبر ماركت وانا خارج من المدرسة دايماً كنت بجيب شيكولاتة بربع جنية كدة كنت بحبها ولا ميس منى بتاعة العربى والحساب ف سنة اولى ولا حسن وحسين اصحابى التوأم 4- هل كان يوجد معامله مختلفه لاخواتك البنات عن الذكور ؟ انا الكبير ,, وكنت بتعامل معاملة خاصة لانى اول الاحفاد من الابن الاكبر خصوصاً من جدى الله يرحمة ,, هو توفى وانا عندى 11 سنة بس اتعلمت منة كتير جداً واثر بشكل كبير فـ شخصيتى 5- اليوم الدراسي الأول هل تتذكر حالكـ فيه ؟ لا ,, بس فاكر اليوم الدراسى عموما أولا المدرسة كانت جنب البيت خطوتين فـ كنت بقوم ع الطابور ومش بتعب عشان اوصل ,, كنت بحب الطابور جداً بس من سنة رابعة بقيت باستمرار فـ الاذاعة المدرسية اللى بتبقى اثناء الطابور دى لو تفتكروها كنت عادى ببقى فريش لغاية الحصة التالتة,, والرابعة دى بقى كنت بستعجلها عشان الفسحة تيجى ونلعب بقى او نعمل اى حاجة وكنت كتير بلعب سيجا علفكرة بالطوب والظلط الحصص اللى بعد الفسحة دى كانت بتقفلنى وعلى ما نوصل للحصة الاخيرة بكون جيبت جاز 6- أصدقاء الطفوله هل مازلوا على تواصل ؟ للاسف واحد او اتنين فقط 7- عبث الطفوله كيف تصفه في بضع كلمات ؟ سذاجة خلقت ذكريات ممتعة 8- موقف غصب عليك والديك بفعله ؟ غالباً كان شرب اللبن المراهقة 1- في اي سن قمت بقيادة السيارة ؟ وماذا حدث في اول مرة قدتها ؟ 18 سنة ,, والله كنت بتعلم وربنا ستر واليوم عدى على خير 2- مرحلة المراهقه كيف كان تعامل الأهل فيها ؟ بحس انة التعامل ثابت ,, فى اساسيات كدة زى مبادئ لما كبرت لقيتها محفورة جوايا ,, تتعلق بالغلط والعيب والحرام وما الى ذلك دايما التعامل فية احترام كبير وطريقة هادية الحمدلله معايا ,, ثقتاً منهم انى محافظ على تلك المبادئ 3- غالباً مايكون الحب الأول في مرحلة المراهقه فكيف تصفه إن وجـــد ؟ فترة المراهقة عدت بدون حب أول 4- هل كنت مثل شباب اليوم تتسلي وتعاكس حواء ؟ محصلتش ولا هتحصل 5- إلى ماذا كنت تطمح وهل وصلتِ لطموحكـ ؟ طموحى هو النجاح فـى كل مجالات حياتى ومينفعش اوصل لطموحى لانة متجدد ,, كل ما اوصل لنجاح معين بيظهرلى تحدى جديد 6- هل كتبت مذكراتك ؟ لا 7- المراهقه مالذي تبقى منها اليوم في ذاكـرتكـِ ؟ يعنى كنت بحس بجرأة شوية عن دلوقتى ادم وحواء 1- المرأة ماذا يعني وجودها في حياتكـ اليوم ؟ المرأة ليها وجود كبير ومهم جداً فى حياتى بداية من أمى اللى ليها فضل كبير عليا ومش هعرف اوفيها حقها بكلام أكيد ثم الى اختى ثم الى زمايلى البنات وقرايبى ثم الى اخواتنا البنات هنآ فـ المنتدى ,, (ومستقبلا هتكون الزوجة والام) فـ كل دول ليهم وجود فـ حياتى وليهم تأثير كبير ,, و وجودهم لا يقل اهمية بالطبع عن وجود الرجل 2- من هي الشخصية النسائية التي تعجبك ؟ الرجالية ايضا ؟ الشخصية النسائية : بتعجبنى الشخصية المحترمة المثقفة المتفاهمة ,, يكون ليها رأى مش زى (أمينة) مع (سى السيد) ,, شخصية مش عنيدة ومش مصطنعة دايماً لمظهر يخالف تماماً الجوهر ,,شخصية مرحة ومتواضعة الرجالية : بتعجبنى الشخصية المحترمة المثقفة الطموحة يتوافر فية صفات الجدعنة والصدق وحب الخير للغير 3- من هو الرجل التي تود ان يكون قدوة كل رجال الارض ؟ أكيد مش هنلاقى أفضل من سيد الخلق سيدنا محمد علية الصلاة والسلام 4- بعد الأخلاق الحسنة ماأكثر مايلفت انتباهكـ في المرأة شكلاً ؟ الشخصية عموما بتفرق بس مع الوقت اما لفت انتباه فـ البداية يبقى على اساس المظهر متمثل فـ الشكل واللبس وطريقة لف الطرحة مثلا حلوة لفه الطرحة دي :biggrin: 5- ما رأيك بالمرأة التي اهتمامتها تشبه الي حد كبير اهتمامات الرجال ؟ على حسب نوع ودرجة الاهتمامات دى يعنى هى حرة لحد معين الدين بتاعنا نهانا عنة وهو تشبة النساء بالرجال او العكس غير كدة مثلا عادى يعنى مثلا ممارسة المرأة للعبة كرة القدم دة ممكن يعتبرة الناس اهتمام يشبة اهتمام الرجال ولكن انا اعتقد انة الرياضة لم تصنع او تبتدع من اجل الرجال عشان يبقى تشبة باهتماماتهم فـ على حسب نوع و درجة الاهتمام 6- اذا شعرت بالشك في امرأتك كيف ستكون ردة فعلك ؟ كيف ستتصرف معها ؟ المواجهة طبعاً ,, 7- بيت شعر تهديه لحواء ؟ مفيش فـ بالى والله بيت شعر مناسب 8- كلمة توجهها الي حواء : الام - الاخت- ..... ؟ حواء الأم : ربنا يخليها ليا ويحفظها من كل شر وسوء ويقدرنى على رد جمايلها عليا حواء الاخت : ربنا يخليهالى ويوفقها فـ حياتها ويقدرنى انى اكون الاخ اللى تقدر تعتمد علية 9-ايه رايك في البرنامج والاسئلة بجد ؟ أسئلة فعلاً مختلفة ومميزة فكرتينى بحاجات فعلا كنت ناسيها بشكركـ ع الاستضافة الممتعة يا نور وبتمنى اجاباتى تكون خفيفة على الجميع ... تسلم ي محمد ردودك هي اللي مميزة ,, اي خدعه ^_* نورتنا بجد .. اشكرك علي قبول الدعوه حلقة خفيفة وجميلة جداااااا ربنا يكرمك ... .. وبكده تكون انتهت الحلقة بتاعتنا اتمني تكون عجبتكم وانتظروني في حلقة جديدة مع ضيف جديد ,, تحياتـــــــــــــــــــي

[نهر النيل]

مشرفتنا المميزه نور طبعا غنيه عن التعريف
بشخصيتها وتقديرها وفكرها
وكمان مراقبنا الجميل محمد
اجاباتوا وافيه ومعبره فعلا
وتبيك خفيف ومميز ورائع
تسلم ايديكم يارب
كل الاحترام

[Lαzєzα]

اى ى علاء دا ؟
انا كل لما اجى برنامج الاقيك فيه
لا بجد , اسئله واجابات احلى من بعض
تسلم الايادى

[P R ! M O]

*_*
"
"
"

منتشر انته الفتره دى يا علاء

يعني فى كل البرامج يا معلم

حلقه جميله واجابات من القلب


مجهود مميز يا نور

اسنمرى

[بحرولكن]

حقيقي اجابات جميله وبتبين انها من القلب

برنامج جميل وأسعدني وجود أنسان لا أعرفه ولكن الباين عليه جدا انه محترم

تحياتي وتمنياتي أختي الكريمه التوفيق في ما تقدميه

أخوكِ

بحرولكن

[۩۩ elMagic ۩۩]

الله عليكـ يا محمد
بجـد اجابات جميله جداا
موفق يا غالـى فى حياتكـ ويارب تحقق كل ما تتمناه
تسلم ايدكـ ى نورايكــا على المجهود
يدوم النشاط يا قمــرى
مودتــــــــــى

[رقة BaNOTa]

ديما كده يانور عامله برامج جميله زيك يابنتي
وعيلاء طبعا اجابته عقلانيه كالعاده تخلو من الجنون والعصبيه
وكان ضيف مميز معاكي
حلقه حلوه اووي
تشكراتي

[Ŗăήćy]

إجــآبـآت رائعه جدا
تسلم الايــآدى عـلاء
تسلمى نور عالمجهود الجميل زيكــ

[ღ Gի๐sτ ღ]

اقتباس 3- موقف من الطفوله مازال عالق في ذهنكـ؟ والله مواقف كتير اكثرهم كوميديا الموقف اللى حكيتة هنا كتير قبل كدة كنت فـ الفسحة بلعب كدة لوحدى وحدفت طوبة لفوق ..بشوفها هتطلع لغاية فين المهم نزلت على دماغ واحدة ببص لقيت راسها بقت اتنين المهم جريت بقى واستخبيت وهى اهلها وصولوا المدرسة ونادوا على اسمى ف الطابور اللى بعد الفسحة بس انا مطلعتش وفضلت مستخبى ,, ووانا خارج لقيتها واقفالى مع اهلها على باب المدرسة بتبص بين العيال وانا طبعا ميت من الرعب باباها دة كان شبة ستيف اوستن كدة المهم استخبيت بردو وسط العيال وخرجت وبعد ما عديت بشوية كدة خدنى الفضول والجرأة ورحت اتابعهم وهم بيدروا بين العيال اللى خارجة المهم البت بنت عم اوستن لمحتنى بس كنت بعيد وقالت بعلو صوتها ,, أهوووو بس الحمدلله البيت كان جنب المدرسة وكانوا بعيد عنى بما يسمح انى اهرب وربنا ستر بجد فـ اليوم دة وعمرى ما هنساة كان كلة مغامرات وكوميديا ورعب

هههههههههه
يعنى انت هربت منهم
وبرد مصمم انك ترجعلهم تانى
الفضول كان هايضيعك :biggrin: بس الحمد لله ربنا ستر

اقتباس 4- هل كنت مثل شباب اليوم تتسلي وتعاكس حواء ؟ محصلتش ولا هتحصل 2- من هي الشخصية النسائية التي تعجبك ؟ الرجالية ايضا ؟ الشخصية النسائية : بتعجبنى الشخصية المحترمة المثقفة المتفاهمة ,, يكون ليها رأى مش زى (أمينة) مع (سى السيد) ,, شخصية مش عنيدة ومش مصطنعة دايماً لمظهر يخالف تماماً الجوهر ,,شخصية مرحة ومتواضعة

كويس



اجاباتك جميلة جدا يا محمد
وشكرا يا نورا ع البرنامج واسئلته مميزة ومناسبة جدا
منور يا علاء
....

[morshooo]

الحلقة جميلة جدا ومميزة

وعلاء اجابتة جميلة جدا

وطبعا صاحبة البرنامج ماشاء الله عليها

متالقة دائما

فى انتظار أدم القادم

تحياتى