مسايقة ابتكار اجمل مقلب

[احضان الحبايب]

"مسايقة ابتكار ااجمل مقلب"

يعنى كل عضو يدخل الموضوع

ويشترك فى المسابقة

يضع مقلب من ابتكاره

وصاحب احسن مقلب

واجمل مقلب

هياخد عدد من المشاركات

وهتكون فترة وضع المقالب 3 ايام

وفترة التصويت من قبل الاعضاء

ورواد القسم 2 يوم

-*-*-*-*-*-*-*-*-*-*-*-*-*--*
قوانين:
http://forums.msryat.org/showthread.php?t=24221
-*-*-*-*-*-*-*-*-*-*-*-*--*
شروط المسابقــــــــة

1-لا يمكن لاى عضو بعد وضع المقلب
انا يغيره او يتم التعديل فيه

2-يجب ان تكون المقالب من تفكير الاعضاء ولا يجوز نقل المقالب من مواضيع اخرى فى المنتدى

او من اى مكان اخر

3-لا يمكن لاى عضو وضع اكثر من مقلب

4-باب قبول المقالب والافكار سوف يغلق من بعد

72 ساعه من كتابة الموضوع

5- باب التصويت على المقالب يفتح من بعد غلق باب الاشتراك مباسرة ويستمــــــر 48 ساعة

6- عدم الخروج عن الاصول العامه او التلفظ باى لفظ خارجا او تحويل المسابقه لمكان لدردشه

وارجوا الاتزام بشروط المنتدى

وبالتوفيــــــــــــــــــــــــــــــــــق

-**********************************-


منتظـــــــــــــــــــــر
التفاعــــــــــــــــــــل



*.*..*.*احضان الحبايب*.*..*.*
*.*..*.*مشرف منتدىالمقالب*.*..*.*

:milan-flag:.•°´¯´°•.عبدو.•°´¯´°•. :milan-flag:


:SuN034:

[محمد خطاب]

	بسم الله الرحمن الرحيم السلام عليكم ورحمة الله وبركاته ازيك يا عبدو انا باذن الله هشترك لانى تخصص مقالب المهم هادخل فى الموضوع على طول المقلب حصل فى اول الاجازة اللى فاتت بتاعت نصف العام المهم المقلب انا عملته فى حد صاحبى ايه هوه المقلب بقى صاحبى ده الايميل بتاعه موجود عندى فى الياهو ومتعودين نكلم بعض كل شويه يسلئنى انته بتعمل ايه دلوقتى وانا اسئله انته بتعمل ايه دلوقتى وكده انا فى اليوم ده بسئله انته بتعمل ايه قال يا معلم انا فى شات كذا كذا وقال اسمه وانا هنا ك مهيص ما تيجى تدخل معايا عيش شويه قلت له ما شى ابعت اللنك المهم دخلت على الشات بجد الشات كان جميل وصاحبى كان مقطع الدنيا بامارة ان كل الشات منفض له وبعدين الاسماء فى الشات ده بارقام وممكن انته تغيره لاسمك انا دخلت برقم هوه قالى على الياهو انته رقمك كام قلت له كذا كذ ا قالى طيب قلت له وانته كام قال رقمه انا خرجت اغير الاسم بتاعى من بره الشات قفل فدخلت تانى لما بتدخل تانى الرقم بتاعك بيتغير المهم انا عارف الرقم بتاع صاحبى وهوه كان عارف الرقم الاولانى كلمنى على الياهو وقال انته خرجت ليه قلت له عشان اسيبك براحتك انته شكلك مشغول وهوه مكنشى حد بيعبر ه اصلا بس انا كنت لسه جوه الشات بس بالرقم الجديد المهم قلت لازم اشتغله كلمته على الشات كانى بنت السلام عليكم ازيك ممكن نتعرف هوه قالى ثوانى عامل فيها مهم انا قلت له اوك براحتك سلام قال خلاص خلصت انتى بقى مين قلت له كذا كذا وانته مين قال لازم تعرفى قلت له لا عادى مش مهم المهم قال على اسم مختلف تماما هههههههههههه مش اسمه خالص اتكلمنا شويه وعملت فيها ان انا عارفاه من زمان قال بقى يا ريت تدينى الميل بتاعك قلت له بالسرعه دى المهم اديته اميل قديم كان عندى من 14 ميل اللى عندى وكلمته قلت له كلمنى عن نفسك فضل يقول كلام انا كنت هفطس على نفسى من الضحك يقول انا فى هندسة بترول وهوه معايا فى تجارة انا من اسكندريه وهوه معايا ليل ونهار فى البلد بتاعتنا انا عندى سايبر نت كبير فيه ييجى 30 جهاز وهوه مش عنده غير جهاز واحد وبيشغله بالعافيه المهم قال مواصفات جباره وبعد شويه عايز يعمل فيها الشاب الفاتن الساحر توم كروز بيقول ايه انا النهاردة كنت مع بنات كتير زهقت روحت من الكليه بدرى انا كذا وكذا انا نيكولاس كيدج الجامعه كلها وهوه مش بيعرف يكلم بنات اصلا المهم بعد ما الكلام سخن قال ما تفتحى الكام ههههههههههههههه انا سمعت الكلمه من هنا ضحكت موت قلت له لا مش هفتحها قال على فكره لو مش فتحتيها حالا انا هخترق الكمبيوتر بتاعك حالا وهدمره قال هوه مهندس كمبيوتر ولا هاكرز محترف عملت انى خفت منه قلت خلاص خلاص انا بهزر قلت له هفتحها بس على شرط تشحن ليه المهم قال خلاص ماشى ابعتى رقم التليفون الذكى قلت له لا ابعت رقم الكارت المهم راح جاب الكارت وجه وبعته هههههههههههههههههه وفى النهايه قمت عامل الكلام كله كوبى ونقلته له فى الاميل اللى انا متعود اكلمه عليه يا عينى منظره كان وحش يا جماعه blease dont try this اسف طولت عليكم

[Şα3Đ..♥]

السلام عليكم
ازيك يا عبدو اخبارك ايه
طبعا انا سعيد جدا وشرف ليا طبعا اني ابقي من المشتركين
هو مقلب حصل مع انين اصدقائي
وواحد منهم كان بيحب البنات اوي
فاتفقنا نتوبه
كان في اول الدراسه
فا هو بيضحك علي باباه ويقوله هات مصاريف الجمعه وكده
وبعدين لما عرفنا انه معاه فلوس كتير وكده
قام واحد صحبي بيقلد صوت البنات بالظبط
كلمه وقاله الو
ايوه
مين
ممكن اكلم سمر
انا ساره
قاله لا انا مش سمر
بس ممكن اكون سمر
ههههههههههههههه
المهم جرجره في الكلام وفضل يقوله كلام حلو
وصحابنا طبعا بيموووووووووت في الكلام ده
وسرح
وطبعا سمر رصيها هيخلص
هههههههههههههههههههه
فقالتله
قصدي قاله اشحنلي لاني الاتشارج بتاعي هيخلص
فقال هات الرقم
طبعا قاله مش هديلك الرقم ده
وكنت انا معايا رقم لسه جديد ومحدش يعرفه
قولتله هديلك الرقم بس نقسم

فوجئنا بيشحنله وايه كارت تقييييييييييييييل
خمسيييييييييييين يا معلم
اوعي
علشان يجر طبعا
اتاكدنا ان الرصيد وصل
قولتلهم اشتموه
قام صحبي اللي بيشتغله ده
مطخن صوته
وقاله
معاك العميد محمود ابو الفتوح يا كلب اقفل
ههههههههههههههههههههههههه
كان شكله زبااااااااااااااااااااااله
مش ده المقلب الحقيقي
المقلب الاصلي بئه اهو
طبعا الخط اللي فيه الرصيد معايا
رحت جاي واخد الخط وجاري بيه
ولحد النهارده بتكلم بالخمسين جنييييه
وقلبتهم كلهم
هههههههههههههههههههه
واسف علي الاطاله

[doiss]

الاول اشكر كل القائمين علي

هذة المسابقة الخفيفة

واطيب التمنيات بالتوفيق ....

7

7

مواقف وطرائف ...

7

يلااا بقي انتو اللي جبتوة لنفسكو

7

واحد من المجانين اللي بيظهرو في

الشارع فجأة دول ....

الكنية او الاسم ( سكروتة )

الشعر ( متخزن بقالة 300 سنة )

الهيئة ( طويل وحافي )

الاسنان ( مجعدة وعريضة )

الملابس ( جلبية مقلمة ضايعة )

البرفاام ( من تحت الكوبري )

7

سكروتة دة عفريتة . اللي يدي لة فلوس

وياا ويلة اللي يديلة فلوس !!!

7

اي حد يديلة فلوس من غير تفاهم

بيعضة من اكتر حتة فيها لحمة يمسكها

7

المهم "

واحد صاحبناا اسمة ....

وزنة : 125 كيلو

7

ما يعرفش طبعاا ( سكروتة )

7

وسكروتة معدي من الشارع ..

قولت لصاحبي خد ادي الراجل الغلبان

دة ( جنية ) تلاقية جعان ياا عيني "

7

صاحبنا خد الجنية وبسلامة نية رايح

يدهولو في ايدة .....

7

( سكروتة ) اتسمر في مكانة

وفضل يبوص لصاحبي من فوق
لتحت زي ما يكون مش مصدق
ان اللحمة دية هتكون ملكة هههههه

7

وطبعاا سكروتة " كان بياخد القرار لسة !!!!

....

المهم ( سكروتة ) لاقيتة خد الجنية
ووقف ...

ومرة واحدة اول ما صاحبي ادي لة ظهرو

7

فوجئت بسكروتة بيصرخ وبيقطع الجنية

7

اما صاحبي فأدور من الصرخة يبوص

7

فوجيء بسكروتة واخدة ونايم علي

الارض وبيصرخ .. وصاحبي بيصرخ

لدرجة ما كنتش عارف صوت مين فيهم

اللي بيصرخ ....

وسكروتة مصمم علي العضة وصاحبي

بيقاوم ....

وانا من كتر الضحك مش قادر احوش

هههههههههه

بس الحمد لله

خدت صاحبي بعديها وغيرت لة علي

الجرح علي حسابي ...

ههههههههه

اي خدمة

دية والله اقل حاجة عشان الرقابة

:cv13:

7

اخوكم ضياء .....

7

7

[احلى ما فى الكون]

	هههههههههههههههههههههههههه مقالب حلوة اوى انا هقولكم مقلب بس حصل مع اخويا هو اخويا متعود مايفتحش الكتاب الا قبل الامتحان بيومين ففى مرة قعد يذاكر فى مادة كام فصل كدا فترة طويلة اوى اوى اوى خلاص كان صم الفصول دى فراح يصلى فأصحابه سألوة قالوله :انت ذاكرت اية قال : كذا وكذا وكذا فقالوله: اية يا عم انت جبت الحاجات دى منين دا منهج السنة اللى فاتت اصل اخويا كان من اخر الناس اللى خدوا الكتب فالطبعات الاخيرة كان فيها جزء من السنة اللى فاتت تقريبا غلط مطبعى وميرسى جدا على المسابقة

[سنونو]

السلام عليكم ورحمة الله وبركاته

انا بقه هحكيلكوا علي مقلب كنت عملته وانا في اعدادي هندسة

كان في يوم,, الدكتور بتاعنا دخل... فقام موبايل واحد من صحابنا رن

قام الدكتور بقه ما صدق.... قام قعد يقول ويعيد ويزيد عن الموبايل ولازم نقفله

قبل المحاضرة والكلام ده كله....

قام انا خدت نمرة موبايله من ابنه اللي معانا في نفس السنة ونفس السكشن

ورحت باعتله اغنية رج بتاعة هيفاء

كان ساعتها بقه عمال يقول"انا اول ما بدخل الحرم الجامعي ده انا بقفل موبايلي ,,انا........" ولسة قبل ما يكمل كلامه .. قام الموبايل قعد يرن "رجب حوش صاحبك عني"


وانا ..والسيكشن كله ما قدرناش نمسك نفسنا من الضحك

ده حتي الدكتور نفسه ضحك لما عرف اني انا اللي بعتها
__________________

معلش بقه طولت عليكم.... وشكرا علي المسابقة الجامدة دي

[noosa]

هههههههههههههههههههههههههه مقالب تجنن

انا بقا غلبانة اوي عملت مقالب في ناس والله من غير قصد في المدرسة كان لينا بنت ديما تعمل معانا مقالب وشم بترحمنا قومنا عملنا فيها ايه حطيت الصمغ علي فتحت الباب المكبس يعني وقفلتوا بحيس تيجي تفتح تلاقي اللصمغ لزق في ايدها وتاخد سنة لحد متنظف ايدها تاني مقلب فيها في نفس اليوم المقلمة بتاعت الاقلام كانت بتبقا حاطة فيها اقلمة كثيرة حطنلها طبعا صراصير ابو شنب كبير وحجمها كبير اوي وميت بس حقيقي مش هزار اول مجت تطلع قلم لمحت شنب بتشد لقتوا سرخت سرخة انا حسيت انها هتموت بجد بس مش انا الي عملتوا انا كنت اعرف بس هههههههه معلش بقا مقلب مش اد كدة

[صافي]

اية المقالب الجامدة دي انا معنديش ولا واحد ههههههههههههه

[ARAGON]

موضوع جامد يا جماعة وأنا منتظركم في الفقرة اللي جاية

[Little princess]

هههههههههه

مقالب جامدة جدا
مفيش تصويت ولا ايه يا عبدو ؟؟