اسرة مصرية ومع اسرة الغالية الاميرة رودى

[مِسكُ الشَهادة]

نتشرف معكم وبكم في الحلقة الثانية من برنامج ( أسرة مصرية ) مع ضيف ٍ نقف إحتراما ً لقلمه الذي ما خط غير الرقي والإبداع أسهم َ بشخصه ِ رسم َ واقع ٍ نببيل ومميز وفريد لمنتدانا الذي شَرُفَ به دوما ً ويبقى ضيفتنا لهذا اليوم الأخت الغالية المتميزة :_ ( الأميرة رودي) إن كان شوقي للشعراء ِ أميرهم فأمير كلمتنا هنا تُدعى الأميرة قُم يا فؤادي وأعلن الترحيب دوما ً بتشريفها دوما ً لنا لإكمال ِ المسيرة مسيرة الإبداع في كلماتها جعلت ْ لنا الأجواء بالخير ِ مُنيرة تعالو لنتشرف بمعرفة أسرة أختنا الغالية ( الأميرة رودى )

نبــدأ أولآ : بسم الله الرحمن الرحيــم ثانيـا انا بشكـرك جدا على أختياري واستضافتي فى برنامجك الجميل وربنا يوفقك دايـما يارب.. .. ..[COLOR="rgb(255, 0, 255)"] وبالنسبه لآسرتى فأنا أسرتى صغيـره جداا عباره عن 4 أفراد .. والدى - والدتى - أنا وأخويا (ده بالترتيب ) [COLOR="rgb(255, 0, 255)"][COLOR="rgb(255, 0, 255)"]ا انا بقى كنت البنت الوحيـــده فى البيت وماليش غير محمد أصغر منى ب 3 سنين ..[/COLOR][/COLOR] [COLOR="rgb(255, 0, 255)"] [COLOR="rgb(255, 0, 255)"] والدي دكتور بيطري على أده كده وكمان بيحب يكون له أعمال حره مش مرتبط بس بوظيفته الحكوميه .[/COLOR][/COLOR] [COLOR="rgb(255, 0, 255)"] [COLOR="rgb(255, 0, 255)"] مامتى ربنا يديها الصحه كانت مُدرسه أبتدائي قبل ماتاخد تقاعد بسبب مرضـها (ربنا يشفيها ويعافيها يارب ويخليهالى) . .مامتى هى البسمه الجميله والدفا اللى فى البيت كل اللى بتمناه أنها تكون دايما مبسوطه وتكون راضيه عني وانا وأخويا[/COLOR][/COLOR] [COLOR="rgb(255, 0, 255)"] [COLOR="rgb(255, 0, 255)"] أنا أتخرجت من كليه الآداب قسم علم نفس دفعه 2009 يعني يوم 24 / 7 الجاى هكون 24 سنه بالتمام . . ابقو اعملولى عيد ميلاد حلو بقى [/COLOR] [/COLOR] [COLOR="rgb(255, 0, 255)"] [COLOR="rgb(255, 0, 255)"] الآستاذ محمد أخويا ده كان فاشل شويه قعد فى الثانويه العامه كاااااااااام سنه وبعد عمر طويل فيها زهق وبطل يروح الامتحانات وحول دبلوم صناعه .. المشكله بقى انه مخه نضيف جدا وذكى لكن للاسف مكنش بيذاكر ولا بيحب المذاكره عنده 21 سنه دالوقتى[/COLOR] [/COLOR] [COLOR="rgb(255, 0, 255)"] [COLOR="rgb(255, 0, 255)"] هو مدمن كوره وملآعب وحاجات زى كده .. لما خلص دراسه سافر على طول بس مكنش مرتاح فى الدوله اللى راحها مش هنقول اسمها بقى وداالوقتى هو هنا أجازه ومسافر تاني بعد شهر رايح السعوديه بس قبل مايسافر هيخطب وبيدور على بنوته بنت حلآل .. أى واحده فى البنات هنا بتدور على عريس تبعتلى وانا هجوزها اخويا هو واد عسول والله ووسيم[/COLOR] [/COLOR] [COLOR="rgb(255, 0, 255)"] [COLOR="rgb(255, 0, 255)"] حياتنا بقى بسيطه جدا وطبيعيه خالص زى أى أسره مصريه عيله بتحب السياسه شويه أو بمعنى أصح بنحب بلدنا جدا جدا [/COLOR][/COLOR] [COLOR="rgb(255, 0, 255)"] [COLOR="rgb(255, 0, 255)"] والدى هو مثلنا الآعلى فى كل حاجه واحنا بالنسبه له مش مجرد أولآده لآ احنا كمان أصحابه بيقعد يتكلم معانا وبياخد رأينا فى كل حاجه ناوي يعملها . وأحيانا بياخد برأينا وينفذه حتى لو هو كان شايف رأى تانى. مدلعنا أوى لدرجه انه طول الوقت سايب كل واحد فينا يعمل اللى هو عاوزه بحريه طالما فى حدود الآدب [/COLOR]..[/COLOR] [COLOR="rgb(255, 0, 255)"] [COLOR="rgb(255, 0, 255)"] وبما انى الكبيره والبنت الوحيده كنت مدلعه أكتر والموضوع ده كان غايظ محمد جداا وانا كنت أحب أضايقه وأغيظه ومازلت مستمره فى غيظه .[/COLOR].[/COLOR] [COLOR="rgb(255, 0, 255)"] [COLOR="rgb(255, 0, 255)"] كنا زمان واحنا صغيرين نتخانق كتير وفيه مشادات كتير يمكن عشان كنا اتنين بس وجايين فوق روس بعض لكن لما كبرنا وفهمنا بقى هو أغلى حاجه عندي وانا كمان .. كتير بستحمله وبستحمل غلآسته ودى سمه ا لشباب عموما .. بيكونو غلسين شويه [/COLOR][/COLOR] [COLOR="rgb(255, 0, 255)"] [COLOR="rgb(255, 0, 255)"] واسرتى من النوعيه اللى هيا مش بتحب تكون متطفله بمعني اللى بيجلنا وبيكون حريص على ودنا احنا كمان بنوده .لو لقينا حد مطنش بنكون آخر طناش حتى لو كان من أخوال أو أعمام .. والمناسبات بنقضيها بشكل عادي وطبيعي زى بقيت الناس [/COLOR]..[/COLOR] [COLOR="rgb(255, 0, 255)"][COLOR="rgb(255, 0, 255)"] وبكده أكون وضحت ورغيت جدا عن أسرتى وبتمنى تستحملنى وانت بتقرأ الموضوع الطويل ده .. يااارب أكون ضيف خفيف وبجد كنت سعيده جدا وبشكرك للمره التانيه على استضافتى وبتمنى لك كل التوفيق ولموضوعك المزيد من الرقي خالص الاحترام والتقدير [/COLOR] رودي[/COLOR] [/COLOR]

نشكرك أختي الغالية ع تميز حضورك معنا ونشكرك لقبولك دعوتنا للحضور ونسأل الله تعالى أن يشفي أمك التي هي أمنا جميعا ً وأن يُذهب عنها كل داء اللهم آمين ... ونسأله تعالى أن يغمر حياتكم بالفرح والسرور مع خالص شكرنا وتقديرنا لك ِ ولإسرتك الكريمك ... خالد البنا

[Lost Pearl]

هاتيلي ولد بيحب المذاكرة ههههههه

ربنا يخليلك اخوكي و مامتك و باباكي بقي يا قمر

و تبقوا سعدا دايما

تسلم ايديك يا خالد ع البرنامج الجميل

ف انتظار الضيف الجاي بقي

[Arco Baleno]

الله يخليهم لك يارب
كلامك جميل عن نفسك استمتعت وانا اقراه
الله يحفظك يارب ويحفظ الجميع
شكرا اخي على الموضوع الجميل واختيارك الى ضيفه
رائعه

[رقة BaNOTa]

ربنا يخليلك كل استرك الغاليه ديه يارودي
وانتي شخصيه جميله فعلا ربنا يحفظك
تشكراتي للحقله رائعه استاذ خالد

[۩۩ elMagic ۩۩]

موضوع جميـل جدا
واتعرفنـا فيه على اختنا رودى
ربنـا معاكـى ويوفقكـ ويوفق اخوكـى فى حياته
وندورله على عروسه بنت حلال وماله :biggrin:
ربنـا يدوم الفرح والود ويبعد عنكوا الاحزان
ويخليكوا انتى ووالدكـ ووالدتكـ واخوكـى لبعـض
تسلم اخـى للاستضافه الجميله
نورتينـا رودى
احترامـــــــــــى

[Aya 7ekaya]

موضوع جميل والظاهر اختنا رودى خصيه هاديه وجميله
شكرا لانك عرفتنا على الشخصيه الجميله دى
وربنا يخليلك اسرتك ويحفظهم ياارب

[Pr.Jolinar]

أدآم الله المحبة بينكم .. ورزقم السعآده دآئماً
وشفي الله الوآلده العزيزة .. ووفق أخآكِ ووآلدك
بوركتِ أختي
شكرآ لصآحب الموضع للطرح المتميز
تحيتي
|~

[كبرياء رجل]

انها حقا عائله محترمة جدا
اكتر شئ عجبني علاقتكم بوالدك
ان هو قد ايه انسان مش مضوقها عليكم وسبب ان سايبكم بحريتكم بس في الحدود طبعا
ده ليه مرجعيات تاني
انه بكده بيقربكم منه واي حاجه بتصل اكيد بتروحوا وتحككولوا
اما بالنسبه للام
ربنا يشفيها يارب وتبقى تمام
ومحمد في حد يقول على اخوه فاشل
ﻻﻻﻻﻻ يا. رودي
فرضنا دخل المنتدى وشاف الكلام ده هيعمل ايه
وبلاش تغظيه الولاد عنديين
ربنا يخلكم لبعض يارب
وبجد استمتعت جدا بالحلقه
وكل سنه وانتي طيبه مقدما بمناسبه عيد ميلادك
شكرا ليكي ومنوره دائما
حلقه رائعه منك اخي مسك الشهاده
دمت بخير
تحياتي

[نهر النيل]

مسك الشهاده ما شاء الله عليك كالعاده رائع
وضيفتك المهذبه رودي انسانه مهذبه ومحترمه
وحقيقي حلقه جميله
واسئله قويه ومميزه
واجابات نجمتنا كانت صادقه فيها كعادتها
والموضوع كلوا محترم
لان كل الحضور مميزين ورائعين ومحترمين
دمتم يارب بكل الخير
بالتوفيق للجميع
مع عظيم الاحترام


ومؤكد تقييمي فورا

*****

[مملكة مصر]

ربنا يخليلك كل استرك الغاليه ديه يارودي
وانتي شخصيه جميله فعلا ربنا يحفظك
تشكراتي للحقله رائعه استاذ خالد
وبلنسبة لولدتك ربنا يشفيهالك ويخليهالك
وبباكى جدع لانة بيقربكوا منة كمان وكمان


بالنسبة ليكى بنت جميلة وانا بحبك اوى من قلبى يارودى كل سنة وانتى طيبة مقدام وعيد ميلادك هاعملهولك من عيونى وعلى حسابى كمان

بالنسبة لى اخوكى محمد ربنا يخليهولك وطبطلى تغلشى علية هههههه
ويلاقى بنت الحلال الى يحبها وتحبة
انا لو مكنتش مش عاوزة اتجوز دلوفتى كنت ختة سواب بردوا
ههههههههههه
بجد ولله عليلتك جميلة جدا