عارفه اني غلطت....

[RoSita]

بسم الله الرحمن الرحيم

ازيكو يا قماميــــــــر ....اخباركو ايه؟


:003: :003:


انا كنت مضايقه وحبيت احكي لحد ........


قولولي اعمل ايه .... بس من غير ماحد يقول كلام يجرح

لاني عارفه ومتاكده ان دا غلط وغلط كبير اوووووووووي


.................................................. .......................


اناا كنت بكلم واحد وكنا مع بعض تقريبا بقالنا سنه بالظبط

وكنا بنحب بعض اوووووووووي ... مكناش بنشوف بعض كتير

مرات معدوده يعني اللي شفنا فيها بعض .........

بدأت اخر فتره بنا خناقات رهيبه ممكن نتخانق ونتصالح في اليووم 10 مرات

والله مش ببالغ......... كان بيقفلي على الوحده الفتره الاخيره دي

وكان بيدخل بينا نااااااااااااااس كتير اوي ... وانا كنت بضايق واقول مينفعش حد يتدخل بنا

مش كل مشكله حد من بره يدخل ويصلح بنا....... وهو كل مره يدخل حد شكل

بدأت الخناقات تكتر ومبقيناش نتكلم الا لما نتخانق مع تحكمات رهيـــــــــبه....

وفي كل مره يزقل بكلام يجرحني .......... مره يقولي برحتك انتي زيك زي غيرك ..

ومره كان يقول ان مش عايزك و هعمل وهعمل وهعمل ......(تهديد يعني)

واخر مره اتخانقنا قالي ...........(انا خدت منك كل اللي انا عايزه ومش خسران حاجه غير الوقت اللي ضيعته معاكي وانتي زي اي بنت وانا دلوقتي ضفتك للقايمه عندي )............

كان احساس صعب اوووووووي والله اني اسمع الكلام دا من حد وثقت فيه سنه كامله يعرف عني وعن اهلى كووووووووووووووووووووووول حاجه ويعرف كل تحركاتي وعاداتي وعلاقاتي ..... كل حاجه

تعبت نفسياااااا جامد كنت مجنونه فعلاااا فكرت في الانتقام رغم انه عمره ماكان معروف عني غير باني قلبي ابيض.... كلمت واحد عارفه انه صاحبه اوي وبيحكيله على كل حاجه لكــــــــــــن (اللي كنت بكلمه مكنش بيحكيله )

وقلتله اني عايزه اكلمه ........ عشان عارفه انه هيروح يقوله .... وهو وافق يكلمني واستنيت حاجه تحصل

لحد ما في يوم لقيت الولد التاني دا بيتصل وبيقولي بتعملي ايه ؟ قلت..... باكل ؟؟؟؟ قالي بتاكلي طيب؟
وفجأه لقيت حد تاني مسك التليفون منه وقالي (انتي احقر بني ادمه انا شفتها في حياتي ) وكان حبيبي

على قد ماكنت عايزه دا يحصل فعلا عشان انتقم على قد ماتعبت اوووووووووي اني عملت كدا وحسيت بالذنب الرهيب محاولتش اتصل ولا مره بالولد التاني دا لانه ميلزمنيش

اتصلت بحبيبي كتير وحاولت اصالحه كتير ..... اتوسلت ليه انه ميزعلش وفهمته انا ليه عملت كدا
بس هو مسكها عليا وشتمني ..... استحملت منه كل الكلام ..... واتفقنا نرجع ونبقى احسن من الاول واكون ليه اطوع من خاتم في صباعه.......

مفيش مكملناش اسبوع محدش فينا قدر يستحمل اللي حصل من التاني وبعدنا بعد خناقه برده

انا سكت ...... لكن عرفت بعد كدا انه بيتكلم عني وبيشهر بيا وبوستات قلة قيمه على الفيس

لحـــــــــــــــــــــــــــــــــــــــد ماتقريبا تعبت نفسيااااااااااا جدا جدا جدا جدا بدون مبالغه

بعدها بفتره وجيزه عرفت انه بيكلم وحده تانيه حاليا وكان بيكلمها واحنا مع بعض .........(بجد مصدومه)


انا غلطت ياجماعه بس مش لوحده ماهو كمان غلط في حقي
اقسم بالله انا ماكنت اعرف حاجه في حياتي ... كل حاجه عرفتها على ايديه.... اتعلمت كل حاجه وهو معايا... كنت مغمضه وفتحت...كنت ديما بلاقي القسوه من اهلى وهو وعدني هيعوضني... بس كان بكذب وانا كنت ببقى عارفه وبطنش عشان بحبه وعايزاه وخايفه حاجه تفرق بنا.... جيت على نفسي كتير لكن هو .........(فشنك)

ومش قادره اصدق ان حلم جمييييييييييييل كدا يتحول لكابووووس
عارفه اني غلطانه بجد ..... وبدعي كل يوم ربنا يسامحني
بس انا تعبانه كل ما بفكر في اللي حصل بزعل اووووووووووي
بحاول اضحك واهزر و اظهر اني مش زعلانه خالص
وفي قمة حالة اللا مبالاه بس من جوايا بجد بجد ......... تعبت
:yuck::sml7::sml7::yuck:
تعبــــــت

[м a я a м]

حاّسه بيكى وبمعاّناّتك اكتر منك
لانهاّ بتحصل كتير ..؛
لاّزم منحطش ثقتناّ فى حد من الاّول
قبل ماّ نحب نتاّكد ان كاّن حبيبناّ داّ كويس ولاّ لاّ
مش نسلمه اسراّرنا ونبقى ليه زى الكتاّب المفتوح وبعد كداّ نندم اشد الندم ..؛
غلطتك لماّ كلمتى صاّحبه ويمكن هو حب ينتقم لماّ عرف بكداّ او هو من طبعه انه مش محترم بكل معنى الكلمه ..
ولكن يمكن داّ كاّن درس ليكى فى الحياّه
وان شاّء الله ربناّ يساّمحك ويعوضك خير ويرزقك باّحسن منه باّذن الله
ومتبصيش للى فاّت عمر ماّ الندم بيغير الماّضى ..؛
بصى لحياّاتك وعيشيهاّ وحتلاّقى الخير جاّيللك من غير ماّ تحسى ...

[توحد ارواح]

اولا احى فيكى صراحتك و دا شىء كويس

علشاان نقدر نحكم على الامور صح

ثانيا


انتى اعترفتى بغلطك و الاعتراف بالخطأ فضيله

و لو انا فلت انتى غلطانه هيبقى تحصيل كلام لانك فى البدايه قلتى كدا

و لكن انتى بتدورى عن حل

و الحل الوحيد من وجهة نظرى المتواضعه


هو شىء واحد فقط


انك طبعا تبعدى خالص عن الشخص ده


و مش تحاولى تكلميه باى طريقه ان كانت

الحل يا اختى

تتقربى من ربنا جدا

و تتوبى و بنيه صادقه و عزم اكيد

انك مش هترجعى للامر ده تانى

و هتلتزمى بعد كدا مع الخطيب القادم


و اما تتوبى و تحسى انك بقيتى قريبه من ربنا

صدقينى كل مشاكلك هتتحل

و ربنا هيجعلك مخرج بمشيئة الله

وفقك الله لما يحب و يرضى

و ابفى طمنينى

فى امان الله

[я e e м]

السلاآمُ عليكُمْ وَ رحمة الله وَ بركآته

بدآآيةَ ,, احسآسِكـَ بِ إنكَـ غلطي .. دي بدآيه لِ الصَح

وحآسه بِ كل اللي قلتيييه
و طبعاً وضع طبيعي لبنت فِ سِنكَـ
انهآ لو مش لقت احسآس بالحب والأمآن والإحتوآء مِنْ أهلهآ
بتلجأ لِ أصدقآء أو لِ حدّ تحبه
زيّ مَ إنتي عملتي ب الظبط
وِ طبعــاً الثقه كلهآ بتبقي في الشخص اللي انتِ بتتخذيه ليكي بمثآبة أهم شخص ليكي فِ الدنيآ
لأن هُوَ اللي بيديكي كل الأحسآسيس اللي انتِ مُفتقدآهآ

وِ لكن الثقه صععب نديهآ لِأيّ حَدْ
وخصوصاً انتي بتقولي انكَـ كنتي عآرفه انه مش كويس
لكن كنتي بتطنشي بمزآجِكَـ لأنكَـ بتحبيه
يبقي كآن ممكن تحسبيهآ بِ العقل شويه وتسيبي قلبك لأن القلب
بيوقعنآ فِ مشآآآكِلْ كتيييير أحيآآناً

وِ طبعاً موضوع صآحبه ده غللط جداً جداً جداً
لأنكَـ ضآآعِفتي الغلط بالتصرُف ده . . وأديكي شوفتي قآلِكَـ ايه

وبعدييين يععني ايه يشتمِكَـ و الحآجآت دي . . !
آه معآكي ان اللي بيحب حدّ بيشوفه خآلي من العيووب وكويس وبنقبل منه كل حآآآآجه . . الخ ]
لكِنْ توصل لِ الغلط . . ! مش عآآرفه

رأيي بقي ان دلوقتي بععد كل ده
لاآآزِمْ تتقربي من ربنآ
لأن جُزء من اللي حصل ده أوّ كله . . كآن مُعظمه تحريض مِن الشيطآآن
فَ الحل انكَـ تقربي كويّس من ربنآ . . وخلي ايمآنِكَـ بيه كبير
وإن كآن المشكله فِ أهلك انهم بعآد عنِكَـ . . حآولي انتِ تقربي منهم
وربنآ يوجهِكَـ لِ الصآآلِح يَ ربْ

وآسفه اني طوّلتْ . .
ودي ~♥

[نهر النيل]

شوفي صديقتنا الكريمه
كلنا فينا عيوب
وكلنا بنغلط
عايز اقولك شيئ مهم
خدي من التجربه درس
ومش تفضلي ندمانه بئا وحزينه والامور دي
انا عارف انك صعبانه على روحك
ومقدر دا
انما دا مش حل
بسرررعه ارجعي لربنا
وبسررررعه عيشي حياتك باسلوب تاني خالص
وبسررررعه انسجمي بالمنتدى ويانا هنا وانسي
واحمدي ربنا ان الانسان دا على كل دا
كان ممكن يعمل شيئ افظع
اوعي تزعلي ابدا عليه
انتي ربنا بيحبك ومؤكد شايل لك الاحسن
ربنا يوفقك يارب دايما
كل الاحترام

[ملكة القمر]

في الأول أكييييييد لو انصدمتي في حد هيقل في نظرك كتيييييييير
وبعدين الدنيا مطارتش انسي الموضوع وحتلاقي احسن منو كتير ان شاء الله
واستغفري ربنا كتير أوي الموضوع من اوله لأخره كده غلط وكويس انط خدتي درس وان شاء الله مش هيتكرر
الموضوع انا عارفة انو كبير تنصدمي في اغلى الحبايب بس والله لو راجعتي القايمة الاساسيا للحيا مش هتلاقيه فيها بجد .. وانا كنت مدايقة لأني افترقت عن ناس كتير بحبهم وكنت منكدة الدنيا ولما امي دخلت المستشفى حسيت قد ايه بتفاهة الموضوع.. وانتي لسة صغيرة وقدامك العمر طويل بإذن الله وهتلاقي احسن منو واللي يحبك بجد.

[RoSita]

اقتباس المشاركة الأصلية كتبت بواسطة м a я a м حاّسه بيكى وبمعاّناّتك اكتر منك لانهاّ بتحصل كتير ..؛ لاّزم منحطش ثقتناّ فى حد من الاّول قبل ماّ نحب نتاّكد ان كاّن حبيبناّ داّ كويس ولاّ لاّ مش نسلمه اسراّرنا ونبقى ليه زى الكتاّب المفتوح وبعد كداّ نندم اشد الندم ..؛ غلطتك لماّ كلمتى صاّحبه ويمكن هو حب ينتقم لماّ عرف بكداّ او هو من طبعه انه مش محترم بكل معنى الكلمه .. ولكن يمكن داّ كاّن درس ليكى فى الحياّه وان شاّء الله ربناّ يساّمحك ويعوضك خير ويرزقك باّحسن منه باّذن الله ومتبصيش للى فاّت عمر ماّ الندم بيغير الماّضى ..؛ بصى لحياّاتك وعيشيهاّ وحتلاّقى الخير جاّيللك من غير ماّ تحسى ...

ودا اللي عملته مش وثقت فيه من الاول وهو كان عارف كدا وعدني انه هيعمل المستحيل عشان يكسب ثقتي فضلنا فتره لحد ماوثقت فيه فعلا ....... هي الناس بتثق في بعضها ازاي يعني؟؟؟؟؟؟

عموما الحمد لله ودي غلطه ان شاء الله عمرها ماتتكرر وربنا يسترها معايا

[RoSita]

اقتباس المشاركة الأصلية كتبت بواسطة توحد ارواح اولا احى فيكى صراحتك و دا شىء كويس علشاان نقدر نحكم على الامور صح ثانيا انتى اعترفتى بغلطك و الاعتراف بالخطأ فضيله و لو انا فلت انتى غلطانه هيبقى تحصيل كلام لانك فى البدايه قلتى كدا و لكن انتى بتدورى عن حل و الحل الوحيد من وجهة نظرى المتواضعه هو شىء واحد فقط انك طبعا تبعدى خالص عن الشخص ده و مش تحاولى تكلميه باى طريقه ان كانت الحل يا اختى تتقربى من ربنا جدا و تتوبى و بنيه صادقه و عزم اكيد انك مش هترجعى للامر ده تانى و هتلتزمى بعد كدا مع الخطيب القادم و اما تتوبى و تحسى انك بقيتى قريبه من ربنا صدقينى كل مشاكلك هتتحل و ربنا هيجعلك مخرج بمشيئة الله وفقك الله لما يحب و يرضى و ابفى طمنينى فى امان الله

انا الحمد لله قريبه من ربنا وديما بدعي ربنا يسامحني ويسترني

وبحاول بقدر الامكان اني اعزل نفسي عن العالـــــــــم

أرق تحياتـــــــ

[RoSita]

اقتباس المشاركة الأصلية كتبت بواسطة я e e м السلاآمُ عليكُمْ وَ رحمة الله وَ بركآته بدآآيةَ ,, احسآسِكـَ بِ إنكَـ غلطي .. دي بدآيه لِ الصَح وحآسه بِ كل اللي قلتيييه و طبعاً وضع طبيعي لبنت فِ سِنكَـ انهآ لو مش لقت احسآس بالحب والأمآن والإحتوآء مِنْ أهلهآ بتلجأ لِ أصدقآء أو لِ حدّ تحبه زيّ مَ إنتي عملتي ب الظبط وِ طبعــاً الثقه كلهآ بتبقي في الشخص اللي انتِ بتتخذيه ليكي بمثآبة أهم شخص ليكي فِ الدنيآ لأن هُوَ اللي بيديكي كل الأحسآسيس اللي انتِ مُفتقدآهآ وِ لكن الثقه صععب نديهآ لِأيّ حَدْ وخصوصاً انتي بتقولي انكَـ كنتي عآرفه انه مش كويس لكن كنتي بتطنشي بمزآجِكَـ لأنكَـ بتحبيه يبقي كآن ممكن تحسبيهآ بِ العقل شويه وتسيبي قلبك لأن القلب بيوقعنآ فِ مشآآآكِلْ كتيييير أحيآآناً وِ طبعاً موضوع صآحبه ده غللط جداً جداً جداً لأنكَـ ضآآعِفتي الغلط بالتصرُف ده . . وأديكي شوفتي قآلِكَـ ايه وبعدييين يععني ايه يشتمِكَـ و الحآجآت دي . . ! آه معآكي ان اللي بيحب حدّ بيشوفه خآلي من العيووب وكويس وبنقبل منه كل حآآآآجه . . الخ ] لكِنْ توصل لِ الغلط . . ! مش عآآرفه رأيي بقي ان دلوقتي بععد كل ده لاآآزِمْ تتقربي من ربنآ لأن جُزء من اللي حصل ده أوّ كله . . كآن مُعظمه تحريض مِن الشيطآآن فَ الحل انكَـ تقربي كويّس من ربنآ . . وخلي ايمآنِكَـ بيه كبير وإن كآن المشكله فِ أهلك انهم بعآد عنِكَـ . . حآولي انتِ تقربي منهم وربنآ يوجهِكَـ لِ الصآآلِح يَ ربْ وآسفه اني طوّلتْ . . ودي ~♥

انتي عندك حق في كل حاجه

على فكره مشكلتي في حياتي اهلي

وبالاخص مامتي هي السبب في كل اللي انا فيه

من صغري علمتني عدم الثقه حتى في نفسي

متردده ديما وعلطول خايفه حتى ده اثر على دراستي

مامتي صعبه جدا بابا مش بيتكلم معايا غير قليل اوي اختي متجوزه بعيد عننا واخواتي الصبيان الاتنين اصعب من بعض ومحسسني انهم مش اخواتي ومعندهمش تفاهم

طبيعي الاقي دا كله من اهلي ادور علي الحب في اصحابي او حد غريب

وعادة ناس غريبه بتبقى احسن من ناس قريبه

كنت بحب صحباتي حتى زياده عن اللزوم وبرده غدرو بيا
صدقوني انا حاسه نفسي مظلومه اوي ضحيه لاهلي وتصرفاتهم
انا مليش ذنب ..... اهلي فعلا السبب

الحمد لله على كل حاجه

[RoSita]

اقتباس المشاركة الأصلية كتبت بواسطة نهر النيل شوفي صديقتنا الكريمه كلنا فينا عيوب وكلنا بنغلط عايز اقولك شيئ مهم خدي من التجربه درس ومش تفضلي ندمانه بئا وحزينه والامور دي انا عارف انك صعبانه على روحك ومقدر دا انما دا مش حل بسرررعه ارجعي لربنا وبسررررعه عيشي حياتك باسلوب تاني خالص وبسررررعه انسجمي بالمنتدى ويانا هنا وانسي واحمدي ربنا ان الانسان دا على كل دا كان ممكن يعمل شيئ افظع اوعي تزعلي ابدا عليه انتي ربنا بيحبك ومؤكد شايل لك الاحسن ربنا يوفقك يارب دايما كل الاحترام

ربنا يارب يسمع منك
والله انا فعلا ندمانه وبدعي ربنا ديما
والحمد لله انكو معايا
كنت متوقعه ردود غير ردودكو دي خالص
ومع ذلك كتبت الموضوع
اشكركـــــــ