الحلقه الاولى من هو وهى ومعانا (نهر النيل وقيثاره الصمت)

[نقاء القلب]

اهلا وسهلا بيكم ي احلى اعضاء فى اول حلقه من برنامجنا وبرنامجكم هــــــــــــــو وهـــــــــــــــى ، وده رابط البرنامج الاصلى http://forums.banatmisr.com/msryat363061/ والنهارده معانا ضيفين متميزين فى ردودهم ومواضيعهم ونشاطهم الرائع وحضورهم المميز ,, معانا النهارده الرائع نهر النيل والجميله قيثاره الصمت يلا بينا نبدأ حلقتنا ونشوفهم جاوبوا ازاى >>>>>>>>>> اهلا وسهل بيك نهر منوراول حلقه من برنامج هـــــــــــــــو وهــــــــــــى يسعدنى انك تكون معايا النهارده ف البرنامج *_^ ربنا يخليكي يارب وانا مؤكد يسعدني كتير التعامل الفكري والادبي مع شخصيه محترمه زيك الله يخليك نهر انا اسعد والله واهلا وسهلا بيكى قيثاره منوره اول حلقه فى برنامج هـــــــــــــو وهـــــــــــــى ،، ويسعدنى كتييييير انك تكونى معايا النهارده وتنورينا *_^ اهلا بيكى حبيبتى انا الى يشرفنى كتير وجودى فى البرنامج الرائع ده وانى اكون اول ضيوف حلقاتك الشرف الى حبيبتى يلا بينا على الاسئله >> نقاء : (لبس البنات) .... ايه رايك ف لبسهم حاليا ؟ وانتى تفضل زوجتك لبسها يبقى اواى ؟؟؟ نهر : شوفي الحكم على البنت مش باللبس الحكم بتربيتها واخلاقها وقوتها وشخصيتها وثقافتها وانا بطبعي بحب أي لبس عادي الاهم يكون شكلوا مناسب ومعقول ومش مثير بس اللبس فى الاغلب بيعكس شخصيه الشخص اللى ادامك يعنى مثلا مافيش واحد كويس وعارف ربنا هيروح يجوز واحده لابسه لبس زى الغرب ويقول المهم التربيه يعنى احيانا الواحد لازم يحكم بالمظهر وخاصه فى اللبس نقاء: (بناطيل الشباب النازله)....ايه رايك فيها ؟؟ وهل انتى بتحترمى الشاب اللى بينزل البنطلون ؟او ممكن ترتبطى بواحد كده ؟؟ قيثاره : لا طبعا طريقه اللبس على الموضه دى والغريبه بتدل على انه بيقلد تقليد اعمى ومش عنده فكر خالص وانا الانسان الى ارتبط بيه لازم يكون له مبادئه وفكره الراقى طبعا عندك حق فى الكلام ده اذا كان بيقلد وماعندهوش فكر ازاى الواحده تقدر تثق غيه وتأمن على نفسها معاه نقاء : طبعا بقه ف اختلاط كبير بين الشباب والبنات ف المدراس والجامعات والعمل .. الخ.. انت بتشوف المفروض العلاقه بينهم تبقى ازاى ؟؟ نهر : مؤكد لازم هنا تكون في علاقه بس الاهم لما تكون مبنيه على الاحترام والود والصدق ايه يمنع طالما في النطاق دا وبصي البنت لو عايزه شيئ غلط ومحبوسه هتعملوا ولو متربيه صح والله لو العالم كلوا ما هتعمل غلط ابدا دا منطق معروف . طبعا لازم تكون مبنيه على الود والاحترام والصدق واهم حاجه تكون فى حدود مجتمعنا اللى احنا عايشين فيه نقاء: طبعا بقه ف اختلاط كبير بين الشباب والبنات ف المدراس والجامعات والعمل .. الخ.. انتى بتشوفى المفروض العلاقه بينهم تبقى ازاى ؟؟ قيثاره : عادى ده شئ طبيعى كل المجتمعات بيكون فيها اختلاط وده كان من على ايام الرسول عليه الصلاة والسلام كانو النساء بيخرجو للحرب طالما فى مبادئ وقيم تحكمهم طبعا مهم تكون فى مبادىء وقيم علشان العلاقه تكون مش مخالفه للدين وللعادات والتقاليد نقاء : (الخيانه ).....رايك فيها ايه ؟؟ وبتشوف انها بتبقى اكتر من ناحيه الراجل ولا المراه ؟؟ نهر : من يخون سيخان لو الراجل خان لازم الأنثى تخون ومؤكد محدش يختلف ان الخيانه مرفوضه تحت أي ظروف وتحت أي مبرر وربنا يحفظنا جميعا منها . بس انا مش مع ان طالما الرجل خان المرأه تخون او العكس نقاء: (الخيانه ).....رايك فيها ايه ؟؟ وبتشوف انها بتبقى اكتر من ناحيه الراجل ولا المراه ؟؟ قيثاره : الخيانه اكتر حاجه ممكن تدمر العلاقات الاسريه والاجتماعيه بصراحه الرجل على سبيل احنا مجتمع شرقى الراجل ممكن يكون له صداقات عادى من البنات لكن البنت لا ومش بقول ان مفيش بنات خاينه لا فيه بس الراجل اكتر هو فعلا الرجل الخيانه ممكن تكون من ناحيته اكتر وده لانه فى المجتمع الشرقى بالذات فى قيود كتيير للمرأه فمتعرفش تعمل حاجات كتيير زى الراجل بحكم تربيتها وكده نقاء : (الحب ) .... من رايك ف اغلب الاوقات المراه اللى بتقدمه اكتر ولا الرجل ؟؟ نهر : الحب = الحياه انما أهم من وجود الحب اننا نكون صادقين فيه انا شايف ان البنت بتكون أكتر وفاء وتقدير واهتمام بالحب عن الولد ودا مش تحيز للبنت انما ممكن تقولي عوامل كتير زي مثلا تركيبتها الربانيه زي كمان الظروف الاجتماعيه المتغيره اللي خلت الولد بيلف حوالين روحوا في امور كتير انما زي ما قلت البنت بتقدم الحب اكتر مهما حاول الراجل . انا معاك هنا لان المرأه بطبيعتها اللى ربنا اعطاها ليها بتكون قلبه ارحم واحن لانها هى الاخت والام والابنه والزوجه فدايما هى المطلوبه منها تعطى حب اكتر نقاء : (الحب ) .... من رايك ف اغلب الاوقات المراه اللى بتقدمه اكتر ولا الرجل ؟؟ قيثاره : الحب اذا اتواجد مفيش حاجة اسمها مين يقدمه اكتر لان الاتنين بيبقو محتاجين يحسو بحب بعض بس زى مانهر قال المرأه بطبعها الربانى بتقدر تقدم الحب اكتر وده ربنا اللى اوهبه ليها لانها بتيقى لازم تقدم الحب فى كل مراحل حياتها مش زى الراجل نقاء: (الحجاب ).... طبعا انت بتنزل الشارع وبتشوف الحجاب اليومين دول بقه عامل ازاى ؟ انت ايه رايك فيه ؟؟؟ نهر : انا بأمانه مش بحب التدخل في الامور الدينيه والله اللي عايزه تتحجب ربنا يوفقها واللي مش عايزه هي حره الادب والاخلاق ومراعاة الله عمرها لا بالحجاب ولا اني اطلق لحيتي عشرين متر لا طبعا . اكيد انا مش قصدى التدخل فى الامور الدينيه بس قصدى ماللى احنا بقينا نشوفه بقوا يبوظوا سمعه ومظهر الاسلام خالص نقاء : (شعر الراجل) .... طبعا انتى بتشوفى الشباب بقوا يعملوا حاجات غريبه كده فى شعرهم ؟ ايه تعليقك عليهم ؟ قيثاره :بصراحة ببصلهم بااستغراب اولا الى بيعمل كده بيحب يجذب انتباه البنات ليه على انه واد روش يعنى لكن اهم شئ عندى شخصه مش شعره بس اذا كان ده تفكيرهم كده هما حرين بقى اكيييد احنا مش هنحكم على الواحد روش ولا لا من شعره:biggrin: نقاء: (العمل ).... فى الاوقات الاخيره بقه عمل المرأه شىء واقعى ... انت ايه رايك ف خروج المرأه للعمل ؟؟؟ ولو زوجتك شرطت انها بعد الزواج لازم تشتغل رده فعلك هتبقى ازاى ؟؟؟ نهر : خروج المرأه للعمل مش عيب طالما هي بتعرف كويس تحافظ على نفسها وبعدين تسرق وتنحرف لا مؤاخذه ولا تشتغل بالحلال مش محتاجه تعليق يعني . وبعدين العمل عباده ومؤكد انا من انصار حقوق المرأه كاملة ودون شروط أو قيود ولو حصل نصيب واتزوجت وزوجتي مثلا بتعمل ايه يمنع تكمل طالما مش هيكون على حساب بيتها واسرتها معنديش أي موانع الاهم مش يكون العمل ضد استقرار البيت . معاك حق طالما الواحده هتقدر توازن بين عملها وبيتها وزوجها وعيالها نقاء : (عمل المرأه )...طبعا المراه حاليا بقيت زى الراجل بتخرج للعمل >انتى بتفضلى تشتغلى ولابتفضلى تقعدى فى البيت؟؟ ولو انتى بتفضلى تشتغلى وجوزك طلب منك انك ماتشتغليش رده فعلك هتبقى ايه ؟؟ قيثاره :انا الحقيقه حاليا بشتغل عشان احقق ذاتى حتى لو مكنتش محتاجه لراتب الوظيفه انما ده ذات والى استفدته بحياتى بفيد به غيرى وزوجى بقى بناقش انا وهو موضوع الشغل انما لو حسيت شغلى هيخلينى اقصرمع زوجى واولادى هختارهم هما طبعا اكييد تحقيق الذات شىء مهم وطبعا معاكى حق طالما مش مقصره مع زوجك وولادك :) نقاء : (الشباب).... ايه رايك فى طيش الشباب اليومين دول ؟؟وتصرفاتهم الغريبه ؟ وبالنسبه ان فى شباب وبنات الايام دى بيكلموا بعض ع التليفون وبيخرجوا مع بعض من غير اى ارتباط انت ايه رايك ؟؟؟ نهر : لكل حادث حديث وبعدين احنا بمزاجنا وغصب عنا اخدنا انطباعات الغرب وحبينا نقلدها والفكره مش فكرة رأي مني الفكره ايه الصح يتعمل وايه الغلط يتمنع يعني مثلا لو علاقة حب محترم وهيوصل فيه ولد وبنت وبتحدث بينهم لقاءات بره البيت وبكل احترام مش شايف أي مشكله طالما مش في شيئ غلط او عيب وطالما في الاخر دا لعمل بيت واسره واستقرار انما غير كده مؤكد برفض جدا بص المشكله انهم مش بيخرجوا علشان يأسسوا لبيت وكده اغلبهم بيخرجوا لمجرد التسليه وبس وبيكونوا عارفين ان الطريق اللى هما ماشين فيه مش هيكملوه نقاء : (الشباب).... ايه رايك فى طيش الشباب اليومين دول ؟؟وتصرفاتهم الغريبه ؟ وبالنسبه ان فى شباب وبنات الايام دى بيكلموا بعض ع التليفون وبيخرجوا مع بعض من غير اى ارتباط انتى ايه رايك ؟؟؟ قيثاره :لا طبعا مش بفضل التصرفات دى لان مش حد يعرف نصيبه فين لما يبقى ارتباط رسمى بيكون افضل وله طعم تانى معاكى حق الارتباط الرسمى بيبقى احلى والواحد ع الاقل بيحس انه مش بيعمل حاجه غلط ومن ورا الناس نقاء :(زوجتك ).... ممكن تساعدها فى شغل البيت عادى ؟؟؟ نهر :وايه يمنع طيب ما انا دلوقتي بعمل كل شيئ لروحي ومش كل شيئ اوي يعني انما مثلا غسيل ملابسي بعملوا عادي تنظيم منزلي بعملوا عادي اه بيحصل عك في الاكل احيانا بس اعمل ايه مش تخصصي انما اهي ماشيه وبلاش احراج بقى الله يكرمك ومعنديش أي مانع مش اساعد زوجتي وبس لا احطها وسط عيوني كمان ههههههههه ربنا يرزقك بزوجه صالحه ي رب علشان العك بس انت فاهم :biggrin: نقاء : (زوجك) انتى تفضلى زوجك يلجأ ليكى فى حل مشاكل شغله ؟وهو لو جه سالك على حاجه هتهتمى ولا لا وهتكونى زهقانه لانه بيكلمك فى شغله ؟؟ قيثاره :بالعكس الزوجه من واجبها تخفف عن زوجها وانا لو مش اهتميت بيه مين هيهتم وهو ده سبب مشاكل كتير بتحصل وتفشل الحياه الزوجيه بسبب الاهمال وعدم الاهتمام فعلا معاكى حق انا بشوف مشاكل كتيير بتحصل بسبب اللامبلاه من الزوجه نقاء : ايه هى تجهيزاتك وانت خارج بره البيت ؟؟؟ نهر :لو تقصدي اللبس والبرفان وكده انا لبسي كلاسيك وبرفاني ماليش نوع معين كان زمان وان مان شو ورجعت استعملت انواع كتير بس بفضل البرفان الفرنسي لانوا بيكون اقوى واحسن ومؤكد لو في مناسبه مهمه بيكون اللبس الرسمي عادي يعني . ايوه ي عم ع الشياكه ههههههه نقاء: ايه هى تجهيزاتك وانتى خارجه بره البيت ؟؟؟ قيثاره : امممممممم اولا لبسى لازم يكون متناسق جدا لان طريقه لبسك جزء من شخصيتك غير بقى شنطتى زى كل البنات عامله زى شنطه الطوارئ:biggrin: بتلاقى فيها حاجات غريبه يعنى نعمل حسابنا لاى حاجه اكتر حاجة فيها الشوكلاتات لو قابلت ابن حد من صحباتى وكدة ههههههههههههه اموت انا فى شنطه الطارىء دى بيبقى فيها بلاوى ههههه نقاء : مواصفات فتاه احلامك ؟؟؟ نهر : مش زوجه بالمعنى التقليدي المتبع عفوا يعني تكون مجرد وسيلة متعه أو آله للإنجاب انما تكون أم وأخت وصديقه وزوجه تكون ليا ( العالم كله ) مواصفات جمييله اووى ربنا يرزقك بالزوجه الصالحه ي رب نقاء : مواصفات فتى احلامك ؟؟؟ قيثاره :اهم حاجه يكون قريب من ربنا و كريم مش عشان يعنى استغل كرمه ده فى انى اشترى حاجات من غير لازمة لا اصل بعيد عنك البخيل بيبقى بخيل فى كل حاجه *حنون *يكون فنان عنده موهبه يعنى لانه بيكون له احساس عالى مواصفات راائعه وعجبتنى احساس عالى دى :biggrin: نقاء: ايه الصفه اللى لو مالقتهاش فى الفتاه اللى انت هترتبط بيها ممكن تسيبها بسببها ؟؟ نهر : الكذب تحت أي ظروف مرفوض . طبعا الكذب ده مشكله ازاى يكون فى ارتباط والكذب موجود بتبقى صعبه الواحد يعيش فى وهم نقاء: ايه الصفه اللى لو مالقتهاش فى الرجل اللى انتى هترتبطى بيه ممكن تسيبه بسببها ؟؟ قيثاره :الكرم لو كان بخيل هسيبه علطووووول لان حياتنا هتبقى جحيم اى حاجه تانيه ممكن تتصلح غير البخل طبعااا البخل شىء صعب اووى الانسان مايعرفش يتعايش معاه نقاء : ايه رايك فى ضيفتنا الاخرى فى قيثاره الصمت ؟؟؟ نهر :اممممممممممممممم حقيقي بخاف اتكلم على اي انسان او انسانه احس بالتقصير لو نسيت اي صفه حلوه انما الشاعره قيثارة الصمت على المستوى الاخلاق هي انسانه وبكل المعاني بحس انها هاديه كتير وطيبه وخلوقه وفي حالها اوي على المستوى الفكري ما شاء الله ليها حضور قوي وصاحبة فكر رائع وكمان عندها قلم جميل متنوع وبهمس ليها وبقول استمري لانك فعلا موهبه قويه احب كمان اقول قبل الجميع عمره مقبوله يارب وترجعي لنا تاني بالسلامه ودعواتك لينا هناك ويارب ترجعي بكل خير وصحه وسلامه وبعتذر قيثاره لانك حقيقي فوق كل الوصف وربنا عالم بصدق كلامي حققيى هى انسانه رااائعه بمعنى الكلمه وبتمنى ليه االتوفيق من كل قلبى وعمره مباركه عليكى ي قمر نقاء : قولى رايك بصراحه فى ضيفنا الاخر نهر النيل ؟؟؟ قيثاره: نهر النيل اذا اتكلمت عنه مش هوفيه حقه صاحب قلم راق جدا ومميز كتاباته لها طابع خاص هواياته ماشاء الله كتيره وشخصيه كتير محترمه بصراحه مبدع واخ فاضل جدا ربنا يكرمه طبعا معكاى حق نهر انسان راق وجميل وابداعته رااائعه بالتوفيق ليه يارب فى حياته نقاء: ايه رايك فى البرنامج بصراحه ؟؟ وهل عندك ايه تعليقات علي الاسئله وعلى البرنامج ؟؟؟ نهر : البرنامج الفكره منه التواصل والتفعيل واننا نكون في تواصل بينا كلنا لصالح القسم والمنتدى وبأمر الله بفكر شوية افكار لبرامج كلها حصريه ومش هتشوفيها بأي منتدى . ومؤكد البرنامج زي العسل وكفايه انك المقدمه فيه ونجمتوا طبعا ميرسى ليك نهر ده من ذوقك وفى انتظار افكارك الرائعه والبرنامج نجموه هما ضيوفنا الكرام نقاء: ايه رايك فى البرنامج بصراحه ؟؟ وهل عندك اي تعليقات علي الاسئله وعلى البرنامج ؟؟؟ قيثاره :برنامج لذيذ وراقى زى صاحبته واسئله كتير سهله وراقية وشرفنى كتير التواجد فى البرنامج ميرسى ليكى حبيبتى والشرف ليا انك تكونى ضيفه معايا فى البرنامج نقاء : فى نهايه البرنامج عايزه اطلب منك طلب اذا مافيه شىء عايزه موضوع فى قسم الرجل ويكون حلو وتبعت ليا الرابط مع الاسئله ؟؟ نهر :حاضر وتحت أمرك وفورا هيتم عمل الموضوع وده رابط الموضوع http://forums.banatmisr.com/msryat363269/#post3333611 /#post3333611 تسلم ي رب ايديك ي نهر الموضوع رااائع ومميز مثلك نقاء : فى نهايه البرنامج عايزه اطلب منك طلب اذا مافيه شىء عايزه موضوع فى قسم الرجل ويكون حلو وتبعتى ليا الرابط مع الاسئله ؟؟ قيثاره : حاضر ياستى من عنيا وادى الموضوع http://forums.banatmisr.com/msryat36...ferrerid=82761/?referrerid=82761 تسلم عيونك ي قمر موضوع راائع ومميز مثلك وفى نهايه البرنامج احب اشكرك نهر على قبول الاستضافه نورت الحلقه وسعدتنا كتييير بسماعك واجوبتك الرائعه على العكس انا اللي بقدم لحضرتك كل الشكر على البرنامج الجميل دا وعلى الاسئله المميزه دي ويارب اكون قدرت اجاوب صح ومتشكر ليكي كل الشكر ربنا يخليك نهر ده من ذوقك نورتنى واللهى واحب اشكرك قيثاره على قبول الدعوه *_^ تسلمى حبيبتى انا الى بشكرك كتير لدعوتى لبرنامجك الرائع سعدت كتييير بيكى وباجوبتك الرائعه شكراا ليكى ي سكره انا اكتر حبيبتى موفقه يارب الله يخليكى ونورتينى بجد ي سكره طبعا نهر وقيثاره نورونا النهارده فى البرنامج باجوبتهم الرااائعه ,, ولو فى عندكم اى تعليق على البرنامج ارجو كتابه التعليق فى الرد وهيتم الاخذ بكل شىء ان شاء الله والى اللقاء فى الحلقه القادمه من هــــــــــــــو وهـــــــــــــــى *_^ فــــــــــــانـــــــــــتــــــــظــــــــرونـــــــــــــــا

[نهر النيل]

ما شاء الله نقاء
مقدمة برامج هايله
اسئله وتنسيق رائع
ومجهود فوق الممتاز
ومؤكد لازم كمان اشكرك جدا لدعوتي
واكيد
اوجه كل الشكر لشاعرتنا الراقيه قيثاره
حقيقي ممتازين
ويارب اكون اتوفقت في اجاباتي
وحقيقي استمتعت بالحلقه
موفقين دايما يارب
كل الشكر والتقدير والاحترام مع التقييم

[ساحر الأحزان]

حلقة جميلة نقاء

مع نهر صاحب التواجد الطيب

وقيثارة صاحبة الحضو ر الجميل

لقاء جميل بين عقلين وكل شخص بيمثل ابناء جنسة تحدث فيها بكل صراحة

وما يملية علية عقلة وقلبة

بداية رائعة وجميلة

وبرنامج مميز

يستحق التقييم

تحياتى لكم

[غزاوية وافتخر]

وااااااااااااو حوااااااااااار جونان اوي
وكانت قيثاره عندها لباقه في التحدث
وكمان نهر النيل::
يسلمووووووووا دياتك نقاء
علي المجهود المميز

[مملكة مصر]

وكانت قيثاره عندها لباقه في التحدث
وكمان نهر النيل::
يسلمووووووووا دياتك نقاء
علي المجهود المميز

[ويبقى الأثر]

ايه الجمال ده نقاء

ماشاء الله تنسيق وحوار جامد منك

ماشاء الله على استاذنا نهر اجابته كلها بتدل على فكره العالى

ربى يزيده ابداع يارب ويحقق امانيه

بشكرك ياقمر لوجودى هنا ببرنامجك الرائع

واتمنى اكون وفقت في الاجابه

تحياتى الورديه

[Ŗăήćy]

إجــآبآت جميله جداً
من قيثارة الصمت،نهر النيل
تسلمى نقـآء عالإختيـآر الرحله
بجد كـآنت حلقة حلوة

بإنتظـآر الحلقة الثانية
تح ـيآتى.

[Lost Pearl]

حلقة جميلة اوي

نهر اجابات عاقلة و رزينة منك كالعادة

و ربنا يرزقك بالبنت اللي بتتمناها


قيثارة اجاباتك جميلة باردو

و ربنا يرزقك باللي نفسك فيه


نقاء تسلمي بجد ع البرنامج الجميل

و ف انتظار الضيوف الجايين بقي

[حافظة القرآن]

حلقة جميلة اوى
واجابات جميلة وعاقلة
من نهر النيل وقيثاره الصمت

تسلمى يا قمر
فى انتظار الحلقة الجاية ان شاء الله

[نهر النيل]

اقتباس المشاركة الأصلية كتبت بواسطة ساحر الأحزان حلقة جميلة نقاء مع نهر صاحب التواجد الطيب وقيثارة صاحبة الحضو ر الجميل لقاء جميل بين عقلين وكل شخص بيمثل ابناء جنسة تحدث فيها بكل صراحة وما يملية علية عقلة وقلبة بداية رائعة وجميلة وبرنامج مميز يستحق التقييم تحياتى لكم

ميرسي كتير مرورك الجميل ساحر
احترامي