لكل فتاه

[AmoOonA]

انتي كبرتي ماشاء الله وبقيتي عروسة ،،، دى بت علي وش جواز،،

كل العبارات دى كل البنات بتسمعها

وفعلاً انتي كبرتي وفعلاً بقيتي عروسة بس ياترى بقيتي على وش جواز؟؟؟

بالحق الأول... يعني إيه على وش جواز ؟؟؟ وش جواز ياستي يعني دلوقت مؤهلة انك تكوني زوجة وست بيت وأم وإنسانة مسئولة عن حياة أسرية تختلف كل الأختلاف عن حياتك فى بيت بابا ، أنا عارفة أنك شاطرة فى شغل البيت وكما بتطبخي كويس ، وكمان عارفة عن ناس تانيين أنها متعرفش الكمون من الملح ولا تعرف حتى تسلق بيضة ، فيه كمان بنات طول الليل صاحية وطول النهار نايمة وتصحى تلقى ماما عملت كل حاجة (طبعاً دى اللي مش على وش جواز ) ، طبعا مش مهم كل ده المهم دلوقتى أنها كبرت ماشاء الله وبقت عروسة والخطاب رايحين جايين عليها ، وماما عايزة تفرح بيها وبابا عايز يطمن عليها حلمهم كبير،،، عملنا فرح جميل كبير أو علي قد الحال مش مهم المهم الكل فرحان والبنت راحت بيتها صحيح جبنا جهازها دفعنا فيه دم قلبنا والجوازة خدت اللي ورانا واللي قدامنا ... برضه مش مشكلة المهم استرت وراحت بيتها وارتاح بالنا واطمئننا عليها فات أسبوع والتاني وربما الثالث ...

ولكن بدل مانطمن ونرتاح قلقنا أكثر،، فيه مشاكل فى بيت العروسة ياوجع قلبنا ودماغنا لسه،،، مالحقناش نرتاح من تعب الجهاز والفرح ،،، فيه ايه ياعرسان ؟؟؟ شكاوي مختلفة... بالدور بقى... كل واحد يقول شكوته بالدور... محمد يشكى : " انا إنضحك عليّا ، مش دى إللى كانت خطيبتى وحبيبتي "
، وأحمد يقول : "الحياة معاها لا تطاق، دى مش ست بيت وغبية وطول الوقت كسلانة ونايمة "
وهانى يصرخ : " انا أخدت مقلب ، البطيخة طلعت قرعة ، من برة هلا هلا ومن جوة يعلم الله ، ده انا طلعت متجوز واحد صاحبى ، مش قادرة تعرف يعنى أيه راجل ويعنى إيه ست ، بتعاملنىوحش وبعند وصوتها أعلى من صوتى .

فينكم ياأمهات هؤلاء الفاشلات فى بيوت العدل ، ليه معلمتوهمش يصحوا بدري من النوم وينظفوا البيت ؟ ليه مدخلوش معاكوا المطبخ ؟ ،

وإنتي يا ستى ليه معلمتهاش تعتمد على نفسها ؟ ، ليه معلمتهاش مسئولياتها كبنت وكزوجة ؟ ، ليه معلمتهاش تحافظ على الراجل اللي رضيت أن تقضى معه بقية حياتها ؟ ، ليه معلمتهاش أن الراجل راجل والست ست والمساواة بين الرجل والست ده كلام فارغ ، المساواة تكون في مجال العمل فقط ولكن في البيت الراجل راجل والست ست... ولازم تكون انتى بالمعنى الكامل والشامل ده دورك ياماما حتى لاتفشل وتأتى اليكى بخيبة أمل وكسرة يمكن أن تستمر بقية الحياة ... إذا ربما يكون الفشل من ناحية الرجل ... ولكن يجب عليكي أيها الام أن تعديها إعداداً سليماً للحياة الزوجية من كل الجوانب ويبقى التوفيق من عند الله فى ذلك الحين لا يأتى الخطأ من جانبها ويقول الرجل أنا سبتها علشان خايبة ومش فهمانى ودماغها ناشفة ومش مرتاح فى بيتى وهتجوز واحدة تانية ومين عالم يمكن تطلع زى اللى قبلها ... أمها لم تقم بإعدادها لحياة زوجية ..... الأم مدرسة أذا أعددتها أعدت شعب طيب الأعراق ... نداء لكل الأمهات الغافلات عن بناتهن الورود المتفتحة للحياة واللائي يحلمن بالحياة الجميلة مع رجالهن .... أرجوكم أعدوهن كما يجب ان تكون ست البيت وعلموهن كيفية الأهتمام بأزواجهن وإقامة حياة أسرية سعيدة هادئة هانئة
يارب الموضوع يعجبكوا وكلنا نستفيد

[عاشق الجمال]

[خلف الدهشورى]

بجد تحياتى على موضوعك الرائع والجرئ
ولكن ينقصه التنويه على تعلم البنت والولد الثقافة الجنسية قبل الزواج لأن ده أكبر عامل من عوامل فشل الزواج ونهايته بالطلاق
هوه جهل الفتى والفتاة بالثقافة الجنسية
فبيدخلوا على الحياة الزوجية مبيعرفوش يتعملوا مع بعض ويسعدوا بعض فى هذا الجانب
لهيه عارفة تسعده ازاى ولا هوه عارف يسعدها ازاى فيبفشل الزواج وتلاقيهم يتلككوا لبعض
الراجل يقول انخدعت
والست تقول انضحك عليا
والسبب الوحيد والأساسى انهم معرفوش ازاى يسعدوا بعض جنسياً
وا}كد على كلمة جنسيًا
لأنها أهم حاجة فى الحياة الزوجية ومنغلطش بعض
لو الموضوع ده متحقق تلاقى الكل بيتحمل عيوب التانى ولو كانت نثل زبد البحر ومتلاقيش شكوى من حد فى الطرفين
هذا والله أعلم