ماما وحشتنى

[dяєαм..|♥]

سلاام عليكم
زى ما العنوان بيقول
ماما وحشتنا اوى بقى
انا خلااص والله تعبت وزهقت من فراقها
وكمان عارفه انكوا زهقتوا منى بس الحل الوحيد انى افضفض
لانى مش عندى حد افضفضله
ولانى لو مش فضفضت لحد بجد ممكن يحصلى حاجه
وكمان اخواتى وبابا ليهم نفس مشكلتى وانا لو فضفضتلهم مش هيقدروا يساعدوونى لانها نفس المشكلة
احنا بجد حالتنا وحشه اوى
ماما متوفية بقالها سنتين بس وخلااص حاسه انى بمووت والله
معتش حاجه فى الدنيا حلووه
طب والسنين الجايه دى هنعمل ايه
انا واختى بالذات
خايفة من الثانوى اوى
بحاول على اد ما اقدر انى اذاكر واجتهد علشان ماما تكون فرحانه
بس خلااص حاسه انى معتش هقدر اذاكر تانى
مش عاوزه ادخل ثانوى
مع انى مستوايا التعليمى كويس اوى والله
حتى مش عندى اصحاب
معرفش ليه احنا اللى بنبعدهم عننا
يعنى بنصدهم كده بس بيكون غصبن عنى
علشان مش بيحسوا بينا والله
محدش بيسأل خالص
احنا بجد محتاجين بس الحنية اللى اتحرمنا منها واحنا صغيرين اوى
نفسى اشوف ماما بجد ووحشتنى كلمة ماما اوى ومش مصدقة انى عمرى ما هقولها تانى
لحد الوقتى ببص لماما فى الصورة واقولها تصبحى على خير
بس انا نفسى تكون ادامى ده بعيده عنى اوى
عارفين لو ماما كانت علاقتى بيها عاديه مكنتش عملت كده بس ماما دى كانت كل حياتنا
كنا بنمووت فيها والله العظيم مكناش عاوزين حاجه من الدنيا
وبعد ما ماتت والله الدنيا قفلت بطريقة وحشه
البيت ضلم وكل حاجه قفلت ف وشنا
زهقنا من كل حاجه لدرجه انى بفكر انتحر
بس بقول ليه اغضب ربنا واموت كافره يعنى دى اخرتها
والله بابا واخواتى بيحاولوا دايما انهم يفرحونا
بس احنا خلااص قفلت معانا
خايفين اوى من اللى جاى
هنشيل مسئوليه كبيره اوى
دايما بقول اكيد بكره هيكون احلى
بس والله بتيجى معايا بالعكس خالص
انا نفسى فى حاجه تفرحنى قريب اوى
حتى لما بحلم بيها والله هى ثانيه بس وتروح منى
مش بلحق اقولها اى حاجه خالص
مش مصدقيين ازاى ماما راحت مننا بالسرعه دى ومش مستحملين
والله احنا داخلين هنا علشان نرفه عن نفسنا شوية
وانا ملييش غيركوا بجد
ادعولنا وساعدونا قولوا حل والله بجد احنا تعبانين وزهقنا خالص
والله انا مش ببالغ بس بجد يارب متحسوش بالاحساس ده
وادعولى انا وريم نعرف نكمل حياتنا احنا بالذات
واسفه انى طولت عليكوا بس خلااص والله تعبت
وياريت تقراو الموضوع للاخر

[ساحر الأحزان]

ربنا يرحمها برحمتة الواسعة واحنا مقدرين حزنكم,,,لفراق مامتكم واليتيم

ليس يتيم الاب ولكن يتيم الام بسى دى حكمة ربنا ودة قدرة الى كتبة علينا

كلنا حنموت ومحدش حيعمر على وجة الارض,,الحزن والفرح مكتوب علينا

فتفألى بالله كل خير,والايام بتنسى الالاملا لينا وأدعى ليها ربنا يرحمها برحمتة الواسعة

وما تحجزوش على نفسكم وتقفلم عليكم بابكم ,,على شان تقدرو تنسوا

وادخلى المدرسة الى بتحبيها ,’’على شان دة حيفرحها وتقربم من بعض

من اخواتك ومن والدك على شان تقدرم تنسوا

وربنا يوفقكم الى كل خير

[♥SaRa]

بصي حبيبتي معلش الله يرحمها ربنا اكيد ارحم منا كلنا بجد بجد انا اتـأثرت بتالموضوع ملعش وبعدين ماتخافي من الثانوية انتي 13 سنة يعني ادي ولسة الثانوية فاضل عليها سنتين فكري في 3 اعدادي الاول وانا زي اختك اي مشكلة ابعتيلي واي حاجة قوليلي وانا هكون صديقتك واظن احنامن سن بعض وهنفم بعض.
مع تحياتي لكي يا حبيبتي:
واجتهدي اكيد لو مامتك موجودة هيكون نفسها انك تكوني الاولة علي المدرسة .
مع حبي لكي:
♥SasoOo♥

[M@HMOUD]

البقاء لله
وان شاء الله تكون فى الجنه
وربنا يصبرك انتى واختك
حاولى تقربى لاخوواتك وابوكى علشان تعرفوا تكملوا حياتكوا
والموت حاجه بتاعت ربنا وكلنا هنموت
بس انتى حاولى تعملى كل حاجه صح علشان ترضى ماما وتبقى مبسوطه بيكوا ع طول
واحنا هنا كلنا اخواتك هو اكيد مش هنعرف نخليكى تنسى بس اهى حاجه تخفف الحكايه شويه
والله يكون فى عونك

[SplendiD SouL]

بصي مش هقولك ياحبيبتي وياحرام والكلام دا خلاص دا بقي قضاء ربنا
مش هتعرفي ترجعي حاجه ومش ينفع تقفي دلوقتي وتبعدي عن الناس
عارفه اكتر حاجه بتخرج الواحد من احساس بيموته هي انه يقرب من الناس ويعرف ناس كتير
الحكايه دي متجربه معايا المشاكل مش بتتحل انك تقفلي علي نفسك وتبعدي عن الناس وتخافي من المواجهه بالعكس
خلاص ربنا اراد كدا نشوف مستقبلنا ونشوف اخوتك وتحاولي انتي تبقي الفرحه بتاعتهم
وبعدين انا شايفه ان سنك صغير اوي يعني 13 سنه انتي قدامك العمر كله واللي زيك ياحبيبي بيلعبوا ناو ليه كمان تحرمي نفسك من الفرحه دي تفتكري بحزنكم دا مامتك كانت هتبقي فرحانه
الحاجه اللي مش عجبتني برضه في كلامك انك بتقولي مش ليكي غيرنا دلوقتي
النت مش كل حاجه وبتهربي كدا حببتي انتي المفروض تخلي النت دا حاجه كدا ليه نسبه ضئيله في حياتك
مش كلها وتسيبي اصحابك اللي في الواقع
اخر كلامي عوزاكي تفكري وتشوفي الدنيا حوليكي الحياه جميله ودي دايما اللي بتنتهي عليه الدنيا
يبقي احنا كمان مش نوقف حياتنا علي كدا شوفي اخواتك وافرحي معاهم واعرفي اصحاب كتير وحاولي مش تستني عطف من حد
لانه اسواء شعور ممكن تقبليه ولما تلاقيه من حد حاولي مش تهتمي بانك تقولي دا بيعطف علي علشان انا مامتي
لا عادي ومش تشغلي بالك اوي افرحي وخلاص انك لاقيتي حد طيب وبس
وكمان انتي تبقي حنينه وتدي الحنان دا هتلاقي نفسك نسيتي انك محتاجه دا وعلي فكره خليكي متاكده ان فاقد الشئ ممكن يعطيه ويعطه افضل من اللي عنده
وهتلاقي بسمة اللي حوليكي هي دي الحنيه والفرحه اللي مستنيها
ولما تفتكري مامتك اقريلها الفاتحه وادعيلها بالرحمه
اضحكي بقي

[Řǻet βanota]

اولا / البقـــــاء لله

ثانيـأ / انا حاسه بيكى اوى والله

بس يا حبيبتى مينفعش اننا نوقف حياتنا على حد

اى نعم هى كانت كل حياتك والانسان من غير والدته ولا حاجا

بس كد كدا كلنا رايحين عند ربنا

دلوقتى هى فى دار الحق

دلوقتى هى محتجاكى اكتر ما انتى محتجالها

هى محتاجه لدعاكى لازم تقفى جمبها

هى وقفت جمبك وربيتك وكبرتك اهو ماشاء الله

داخله على ثانويه انتى بئا مش تقفى جمبها وتدعيلها

هى ناو محتاجه منك دعوتك وكمان نجاحك

لو انتى نجحتى فى حياتك هى اكميد هترتاح كتير

لازم تثبتى انك اقوى من اى محنه

وتتحدى اى حاجا وتقفى من جديد

ومتنسيش ان الضربه لاى متموتش بتقوى

وربنا شم بيعمل لحد حاجا وحشه قولى لعله خير

واكيد هتشوفى الخير دا قريب اووووى

وربنا يخليك بباكى واخواتك

ويصبرك يا حبيبتى

لازم تبقى اقوى من كدا شويه

يا حبيبتى

[shrOok]

ربنا يرحمها برجمتة الواسعة
انصحك انك تتعرفى على اصحاب ويكون ليكى اصدقاء
وياريت تدخلى ثانوى لانك زى مابتقولى مستواكى كويس وتجتهدى فيها لتسعدى امك
وياريت تعتبرينى صديقتك من اليوم
وان شاء الله تلاقى بسمة من كل الى حوليكى
دمتى بكل خير

[MeemoOo]

الله يرحمها ويجعل قبرها روضه من رياض الجنه ويصبركم ادعي ليها واستغفري وحاولي ترضي بالقضاء والقدر
ده مكتوب واقدار وارزاق الخلق مكتوبه قبل الخليقه بخمسين الف سنه فلازم تتقبلي الواقع وكل انسان وليه اجل
والموت حق وكأس مر وكلنا بنشرب منه طال الزمن اوقصر دي سنة الحياه كل من عليها فان تصدقي عنها
وادعيلها والله يبرد قلبك واهتمي ف مستقبلك وان شاءالله ف المستقبل تبقى أحلى أم والله يوفقك ويهون جرحك

[ღ Gի๐sτ ღ]

البقاء لله
الله يرحمها ويغفر اليها
بس دة قضاء وقدر وكان لازم ييجى اليوم ودة واناحاسس بيكى بس زى مانتى بتقولى انك بتحبيها اوى وهيا كانت كل حياتك .. طيب هيا لو كانت موجودة كانت هاترضى انك تبقى مش كويسة فى التعليم ؟ اكيد لا
يبقا انتى تحاولى تركزى فى الدراسة وتذاكرى عشان تبقى متفوقة و تنجحى وتجيبى اعلى مجموع ومجموعك العالى دة يكون اهداء لروح والدتك الله يرحمها
ربنا معاكى ان شاء الله ويصلح حالك و يرحمها ويرحم امواتنا جميعا

[حنين الماضى]

الله يرحمها
وخلى مامتك دايما فى ذهنك