وحدث ما لم يكن فى الحسبان

[Mind language]

السلا عليكم ورحمة الله وبركاته فى يوم كدا ياساده وانا قاعده عماله اتفرج على اللى رايح واللى جاى فى المنتدى فجاه كدا خير اللهم اجعله خير قال ايه التليفون رن ههههه اه والله زى مابقولكم بعد كدا ببص كويس على الاسم وانا الحمدلله مش معايا نظاره الحمدلله لقيته واحده صحبتى من المنتدى هنا بترن عليا قولتلها آلو قالتلى آلو قولتها ازيك قالتلى ازيك المهم انا مش عايزة اطول عليكم كل اللى قالته الشخصيه دى حضرى نفسك يوم كذا الساعه كذا هقبلك فى المكان الكذا قولتلها تمام وانا مستعده بعد كدا قفلت هى السماعه من هنا وانا دماغى تجيب وتودى من هنا هعمل ايه هتكلم ازاى هعزمها على ايه شكلها ايه ياترى هتيجى فى المعاد ولا هتتاخر وغيره وغيره من القيل والقال لحد ما دماغى صدعت المهم الكلام دا كان يوم الاربعاء بالليل والمقابله يوم السبت تلات ايام من الحيره والقلق فى هعمل لما اشوفها المهم جه يوم السبت وكانه سنه قولتلها اول ما توصلى المحطه ادينى رنه اخرج من بيتنا لانى المسافه مش بعيده عليا تمام وصلت المحطه الساعه عشره الا حاجه كدا ورنت عليا انا فى المحطه انتى فين قولتها نصف ساعه بالظبط واكون فى قلب المكان اللى اتفقنا عليه مع انى مش ضامنه ظروف المواصلات لكنى ربنا سترها بالظبط الساعه عشره ونصف كنت فى المكان اللى اتفاقنا عليه ارن عليها مفيش شبكه خالص فضلنا على الحال دا لمدة نصف ساعه هى تتصل يديها غير متاح انا اتصل يدينى غير متاح قولت مبدهاش بقى لازم نكسب وقت انا كنت رايحه الجامعه اسال عن حاجه كان نفسى انى اخدها معايا لكنها اتاخرت اخدت اول لاموزيه ايوه لاموزيه حد عنده اعتراض متجه الى الجامعه خلصت مشوارى هناك بدانا فى الرن مره اخر لحد ما ردت عليا على الساعه 11ونصف تقريبا لولا ما قدرت انى اخد اول لاموزيه بردوا متجه الى المكان اللى اتفقنا عليه تمام انتى فين انا فى المكان الفلان طيب اقفلى انا عشر دقايق واكون عندك بالظبط وصلت للمكان رنيت انتى فى اى محل انا فى المحل الفلانى تمام انا تقريبا وصلت المهم عديت لقيت اتنين واقفين اول ما شوفتها عرفتها على طول انها هى بسمة العمر رحت بصيت عليها كدا وعملت نفسى ولا اعرفها ورحت عديت من جنبها ووقفت بعيد واتصلت قولتلها اى حد داخل من عندك هبقى انا قالتلى فين انا مش شايفه حد قولتها بصى كويس وانا براقبها من بعيد وعماله اضحك عليها قولتلها بصى كدا الناحيه التانيه يمكن اكون انا اللى هناك دى لحد ما وصلنا هى تقولى انتى اميرة وانا اقولها انتى نهاد بسمه العمر بتاعت المنتدى هههههه وقعدنا نضحك ونحكى ونهزر اول حاجه قالتهاللى البسى النظاره علشان تشوفينى كويس بس بصراحه يعنى طلعت عينى فى اللف لانها عروسه بقى وعماله تشترى فى حاجتها فرحها باذن الله قريب جدا على الرغم من انى بكره اللف وشرى الحاجه اللى انى اتبسط جدا بمقابلتها شخصيه جميله جدا فى كل حاجه فيها بجد اما شوفتها حبتها اكتر واكتر واكتر حاجه نرفزتنى بجد وعصبتنى انى المكان اللى مدخلانى فيه لافيه اكل ولا شرب فيه لبس وبس وانا كنت عامله حسابى على انى هاكلها فى وصايا ولا التكيه حتى اللى قصاد الجامعه لو كانت جت معايا او حتى شندوشتين طعميه هههه بربع جنيه ملقناش فى طرقنا غير عصير القصب عزمتنى هى على واحد وانا على بسكوت وقضينا الطريق لكنى مش مهم ملحوقه المهم انى قبلتها دى كانت اجمل حاجه بس بصراحه بصراحه شخصيه رغايه قوى مكدبش عليكم احلى حاجه فيها لفتت انتباهى انها اما تشترى حاجه لو عجبت اللى حواليها تشتريها من غير تردد فهمين ازاى فهى احلى حاجه فيها انها مكنتش متعبه فى الحاجه يعنى اللى نقولها عليه انا واختها وفاء كانت بتاخده على طول الحمدلله طلعت مريحه جدا فى الحكايه دى خدى دى يانهاد تخدها نهاد على طول بدون تفكير بس للاسف طلعت اطول عنى مع انى انا طويله لكنها هى اطول اكتر حاجه تعبت نفسيتى فى الموضوع ههههههه يللا مش مهم بكره اجيب طولها اه صحيح نسيت اعرفكم انها متخرجه من جامعة ام احمد اقصد دراسات اسلاميه قسم لغه عربيه وسبحان الله تحسوا انها مبتكلمش عربى خالص بتكتب وتتكلم عربى نهاوندى ايوة دا نوع جديد من ام احمد جيل باكمله بيكتب اللغه دى ههههه معلش يانهاد اعذرينى فاكره كلمة النداره هى دى اللى خلتنى اعمل كدا على فكره علشان الفضايح تكمل لساها من شويه متصله بيا وبتقولى متنسيش النداره انتى وبتكتبى الموضوع مش بقولكم عربى نهاوندى علشان تصدقونى وقالتلى كمان اقول ولا لا خلاص الطيب احسن بجد شخصيه تحفه شخصيه جميله بكل المقاييس بس ساعات كتير بتنصب عليا فى حاجات زكيه جدا متستهونوش بسكوتها فى المنتدى دماغها افلام هندى 24ساعه فى ال24ساعه ههههه بتحب الناس بسرعه وبتتأثر جدا باللى قدامها دمها زى العسل واختها وفاء شخصيه جميله جدا عاقله وراسيه كدا تحسوها مش اخت نهاد خالص من كتر ما عقلها فوق لسه منزلش على كوكب الارض من كتر التعقل بجد بجد فرحت جدا بمعرفتى بيهم ويارب دايما افضل على علاقه بيهم وربنا يوفقك يا نهاد فى حياتك القادمه باذن الله وهكذا تمضى الايام مع مقابلتى للعضوه بسمة العمر ويارب نتقابل تانى بس المره الجايه فى الجامعه مش فى المحلات فهمانى يا نهاد كل واحد اشترى هدية تذكاريه للتانى علشان يفتكره بيها ودعنا بعض وعايزة كانت تخدنى معاها تقولى انا مش هسيبك لازم اخدك معايا واخلى اهلك يدفعوا فديه قولتلها جربى تعمليها وهما اساسا مش هيسالوا هيقولولك مبروك عليكى اتحفظى بيها عندك ههههه لالالا ياجماعه انا عضو مهم جدا فى البيت محدش يفهم غلط ليا وضعى الاجتماعة مكانتى بردوا المهم ودعنا بعضنا سلام حار ومكناش عايزين نسيب بعض لكن هنعمل ايه قدر الله وما شاء فعل المهم اننا اتقابلنا وعودنا الى ارض الوطن واشتغالنا بقى رن على بعض انتى فين وصلتى لا انا لسه طيب اول ما توصلى طمنينى عليكى لحد ما وصلنا ورجعنا نرغى تانى بردوا على المقابله فى التليفون انا وهى بجد احساس جميل جدا جدا اما تقابل حد كل تعاملك معاه رمزيه ولوحة مفاتيح وشاشه وموبيل ياريت الكل يجرب الاحساس دا يللا بالتوفيق ليكى يانهاد بحياتك وكل الخير اللى فى الدنيا اتمنى يكون من نصيبك باذن الله .

[براءة حلم]

هههههه وربي عسل يأميره
بجد استمتعت وانا بقراء امال لو كنت معكم اكيد هستمتع اكتر المره الجايه تجون عندي بئا اوك
بسمه شخصيه محترمه ومن كلامك حبيتها اكتر
ربنا يسعدكم يارب ويخليكم لبعض
ومبرؤؤؤك يانهاد ربنا يوفقك ياعسل

[shrOok]

ههههههه
مقابله حلوة وانتى الاحلى يا ميرة يا ميرو
بجد استمتعت جدااااااااا بقراءة موضوعك
تحياااااااااااتى

[أوتااار الحزن..]

حلووووه انكم اتقبلتوا

ويارب دايما تفضلوا صحااب

ربنا يوفقكم

[gold rose]

مقابلة حلوة

استمتعت أوي

ياريتني كنت معكو

[دمعه حائره]

ههههههه
يانهار ابيض على الحكايه الجميله دى
بجد بتكتبى حلو اوى يا ميرو
ويابختكوا اتقابلتوا وبسمه بنوته عسوله
الف مبروك حبيبتى ربنا يتمم بخير
وعقبالك ياميرو

[Lost Pearl]

هههههههههههههه انتي دماغ يا اميرة و انتي بتحكي كدة :762:

كويس انكو اتقابلتوا و اكيد احساس جميل اوي

ابقي سلميلي عليها بقي المرة الجاية :biggrin:

و الف مبروك ليكي يا بسمة ربنا يتمم بخير

ربنا يوفقكو دايما يا حبي

[طمطم]

ههههههههههههه ايه الكلام الجامد ده ي ميرو *-^ ,,
الف الف مبروك لـ بسمة ,,
بالتوفيقـ ليكوا احوبى ^^

[** رحيق الجنه **]

ربنا يسامحك صدعتيلى دماغى وتقولى هى الرغايه ..هههههههههههه

بجد حبيتى انت شخصيه روعه ..
وهى محبوبه من الجميع ..
ربى يسعدكوا ..
يومكم كان روعه بجد .. بس فاتنى اليوم دا .. المره الجايه تعزمونى انتوا بئا ..
ههههههههههه

[بسمة العمر]

السلام عليكم ورحمة الله وبركاته


ازيكم يا اعضاء البت اميرة كدابه وبتجامل هى احلا كتير وعسوله ودمها شربات

بس تعرفوا بق طول ما انا مسافرة فى القطر بقول ايه اخود لاميرة ايه معايه وكل ما اقول الكلمه دى


يمر بتاع السجاير من جنبى واقول اخودلها علبة سجاير ولا ياترا غيرت الصنف ههههههههههههههههههه

وبعد كدا مر بياع تانى قولت خير يارب يكون معاة شئ جميل ومفيد لقيته بيقول معسل معسل يووووووووووووووووة

تعبت قررت اخودلها علبة معسل اصلها كيفة شيشا

وزى ما حكت اميرة اتقابلنا وكان يوم رائع انا اشترى فى الهدوم وهى تشيل

هههههههههههههههههههههه

اصلنا ملقناش شيال غيرها ههههه وزى ما هى قالت تقولى الشئ دة حلو اخدة على طول قولتلها اميرة فى ولد حلو خالص اسمه عبد الرحمن ملتحى عاوز اروحله تانى علشان اورهولك دة جميل خالص ههههههههههههههه

اصلى رايح ابص اشوف فى حدا احلا من خطيبى ولا لا

واخدت اميرة عندة واميرة تتشال وتتخبط هو دة الحلو دانتى زوقك بس يلاههههههههههههههههههه

قعدة اضحك عليها موت ضحك وخصوصا انا ما ببطل ضحك ابد

اشتريت كل شئ والشيال اللى هى اميرة هى واختى وفاء مشين بالكياس وانا عروسه طبعا مينفعش اشيل

انا اتفرج بس واضحك

المكان اللى احنا فيه مفهوش سوبر ماركت واحد ولا حتى مطعم غير بتاع عصير

بس والله بيعمل عصير جوز هند باللبن فظيع هى شربت عصير قصب وانا شربت جوز الهند

اميرة عطتنى باكو بسكوت انا احتفظت بالورقه وانا عزمت اميرة على عصير

كونت نفسى قوى اسرق الكوبايه واعطيها لاميرة تحتفظ بيها زى لكن الولد مركز معايا على الاخر

ههههههههههههههههههههههه

كل ما اجى اخبى الكوبيه يقول يلا يا ابله وعطيتله الكوبيه

وهدتنى اميرة هدى جميله خالص من اروع الهدايا اللى اتقدمتلى

وكمان اشترينا قلب ومفتاح انا اخدة المفتاح وميرة اخدة القلب

بس اميرة عسل كان نفسى اسرقها انا ومروحه بس هى رفضت تتخطف

انسانه جميله فعلا اتمنا اتقابل معاها تانى يارب اوعدنى اقبلها تانى

بس بخصوص الندارة والكوليه على فكرة انا خريجة كولية العاب مو لغه عربيه ما تتغشو

وانا احب اقول ندارة مو نظارة بحب اتكلم واكتب صعيدى يا بت يا عمشه هههههههههههههههههههههههههه

كان يوم من اروع ايام حياتى

ولا زلنا نتواصل تلفونيا

وانتها المشوار