سيلفر مان يعود من جديد ,,

[SiLver Spectra]

أول مره أكتب موضوع لنفسي هنا في السجل )

بما أني مش عارف أبدأ منين في المنتدى فقررت أبدأ بقسم سجل الأعضاء

ازيكم بقى عاملين ايه :biggrin:

طبعا الكل عارف ان نشاطي كان منعدم الفترة الي فاتت
و تقريبا في كل سنة بغيب دايما شهر ستة كلو

غير العوامل الدراسية في عوامل أخرى أثرت على تواجدي في الفترة الي فاتت
زي مثلا اني مخلص بقالي كام يوم و مش بدخل برضو
حد هيسأل ليه ؟ هقوله لأن أخويا كان سارق شاشتي LCD الكبيرة
الي موصلها بالجهاز الي عالسطح , الي بالمناسبة هو الجهاز الي بيخليني اعد كتير عالمنتدى و اشتغل و كدا
أما اللاب الي في البيت بيخليني كسول و بتلخم في 500 حاجه في البيت , انتوا عارفين بقى الطلبات و الدوشة و كدا و أنا مش بعرف اركز غير في حاجه واحدة فتلاقيني داخل زائر
و فجأة يجي تليفون أقوم خارج من دوشة البيت و أروح أشيش

أما بقى العرين بتاعي الي في السطح فهو الكيف بتاعي :biggrin:
و النهارده الحمد لله استرجعت الشاشة بتاعتي و اديت لأخويا الشاشة القديمه المعفنة الصغيره و حاسس بقى بنشوة الانتصار :762:

بداية بعتذر للأستاذ خالد (عاشق الشهادة )
و ل( ألحان الورد) لأنهم بعتولي استضافة من زمان و اسئلة و أنا لحاد النهارده مش جاوبت عليهم

ان شاء الله الفترة القادمة هظبط مسابقة جديدة
بس العملية هتاخد وقت في ترتيب الفكرة و تصميمها و تظبيطها و تفنيشها و تحميصها
دي حاجه

و كمان هحاول استكمل (بدون برنامج) قريبا باذن الله

و كمان هنحاول نعمل تغيير لواجهة المنتدى مع محمود و دي هتاخد وقت

و لسه في افكار كتير بقى ,,أنا قاعدلكم فاضي الأيام دي
الفكرة بتجيلي في المنام ,,الي هي الفترة الي بتصحى فيها و انت لسه مغمض , بتلاقي دماغك طلقة :biggrin:

و في النهاية حابب اشكر الناس الي شالت أعباء المنتدى في الفترة الماضية
على رأسهم محمود و ساحر الأحزان
و طبعا بمساندة دمعة حائرة

و هابي صيف days ,,

[Aya 7ekaya]

نورت من جديد واكيد المنتدى كله افتقدك
ومنتظرين الشغل الجامد ,, ان شاء الله

[عاشقة ذكر الله]

حمدالله ع السلامة سيلفر سبكترا
وان شاء الله يعود نشاطك زى الأول وأحسن كمان
مبروووووك لانتصارك ع أخوك هههههه

[ماتركس]

ظبط ظبط يا دكتورانا واحنا معاك يا كبير لازم نحتل القائمه من تاني متقلقش

كل سنه وانتا طيب يا كبير وحمدالله علي سلامتك ياريس

[ساحر الأحزان]

العفو على اية يا دكتور طارق دة واجب علينا والحمد لله انا قدرنا اننا نقوم,,ولو بقدر

بسيط فى المنتدى وطيب مش تقول يا راجل,,كنا ضربنا بمب وفرقعنا صواريخ فرحة رجوعك بالسلامة

وعزمنا الناس على شربات ان شاء الله نبقى نوزعة بقى يوم نجاحك,,واحنا

بقى متشوقين لافكارك الحلوة الى تعودنا عليها

فاهلا وسهلا بيك فى بيتك من تانى

والصيف حيكون احلى مع احلى اعضاء فى بنات مصر

[ŌиĹч.Ḿё]

آهلآ بيكًَِ..يآ طآرق يآترى آلعرين بتآعك فى آلدور آلكآآم آوعك تتئفش
ههههه

[طمطم]

حمدلله ع سلامة الشآشة lcd الكبيرة ي طآرق ^^
ف انتظآر الافكآر "الطلقة" بقآ
مودتــى

[Lost Pearl]

اهم حاجة انك حاسس بنشوة الانتصار بس هههههههه

منور يا باشا و المنتدي بيبقي ناقصه حاجة من غيرك اكيد

و كل اجازة و انت طيب بقي انت خلصت الحمد لله مين قدك

[gold rose]

نورت المنتدى برجوعك

وإن شا الله المنتدى معك من تطور إلي تطور

وإن شا الله كمان تستمر في التواجد

تحياتي

[۩۩ elMagic ۩۩]

نورت من جديد يا عم طارق
وحمدلله على سلامتكـ وسلامة الشاشه
بالتوفيق ليكـ دايمـا يا ريـس
كل سنه وانت طيب
،،