Like

[Priŋčeŝŝ Mзnna]

السلام عليكم ورحمة الله وبركاته

النهاردة وانا قاعدة جاتلى فكرة وعجبتنى
قولت اقترحها عليكم يمكن تلاقى اعجاب الادارة والاعضاء

ممكن نعمل ف اى موضوع لايك .. بمعنى
ان لو عضو عجبه التوبيك ده ممكن يعمله لايك
زى بالظبط البوستات ( المنشورات ) اللى بتبقى على الفيس بوك

اوقات كتيرة بلاقى مواضيع كتيرة بتعجبنى جدا
بفضل ادور على كلمة لايك مش بلاقيها :biggrin:

وممكن عند الردود على المواضيع
يعنى مثلا لو احنا بنأيد رأى فى رد من احدالاعضاء ممكن نعمل لايك عليه
هى فكرة جديدة
وعجبتنى جدا .. اتمنى النظر والتفكير فيها
واللى فيه الخير يقدمه ربنا بقآ
بالتوفيق ...

[۩۩ elMagic ۩۩]

جميله الفكـره يا منهـ
ومتهيألى كانت مفعله قبل كده اوسبق وتم اقتراحها
بس مش كنت متابع اللى حصل فيها
بس عمتا ان شاء الله سيتم النظر اليها مع الطاقم الادارى
ونشوف الموضوع دا لان بردوا هتحفز الاعضاء على انهم يقدموا افضل ما عندهم
ليحظوا بالـ لايكـ
بس على فكــره انتى ممكن تقيمى عادى اى موضوع يعجبكـ او اى رد
من هنــا بردوا
والتقييم بمثابة الاعجاب وزياده عليه انه بيزود رقم تقييم العضو



احترامــــى

[SiLver Spectra]

هي كانت راكبه لفترة بس كانت بتقل و بتهنج المتصفح لانه بيعمل اتصال مع 4 مواقع , فيس و تويتر و جوجل بلس
عامة هو الموضوع بسيط
كل الي بتعمله هو انك بتاخد الرابط و بتحطه في الفيس

اما لو قصدك لايك جوا المنتدى مالهاش علاقة بمواقع التواصل الاجتماعي
فدي خاصية حلوة فعلا و حاولنا نعملها بس للاسف في مشاكل فنية حالت دون ذلك

[нαиαи]

حلوه الفكره راح تخلي المنتدى شغال 100 %

[Priŋčeŝŝ Mзnna]

اقتباس المشاركة الأصلية كتبت بواسطة ۩۩ elmagic ۩۩ جميله الفكـره يا منهـ ومتهيألى كانت مفعله قبل كده اوسبق وتم اقتراحها بس مش كنت متابع اللى حصل فيها بس عمتا ان شاء الله سيتم النظر اليها مع الطاقم الادارى ونشوف الموضوع دا لان بردوا هتحفز الاعضاء على انهم يقدموا افضل ما عندهم ليحظوا بالـ لايكـ بس على فكــره انتى ممكن تقيمى عادى اى موضوع يعجبكـ او اى رد من هنــا بردوا والتقييم بمثابة الاعجاب وزياده عليه انه بيزود رقم تقييم العضو احترامــــى

ربنا يخليك يا احمد انت الاجمل
اممممممم لا والله انا مش اخدت بالى منها قبل كدة .. بس مش مشكلة بقآ ادينا طرحناها تانى
ان شاء الله
امممممم ايوة .. بس لما باين ان الرد واخد لايكات كتيرة وبيبقى باين كمان لكل الاعضاء
وده بيبقى محفز اكتر للعضو .. وهيبين للاعضاء الآخرين مدى اعجاب الناس بالكومنت
ووتأييدهم ليه

عامة .. ربنا يجيب اللى فيه الخير
تسلم يا احمد .. نورتنى

[Priŋčeŝŝ Mзnna]

اقتباس المشاركة الأصلية كتبت بواسطة SiLver Spectra هي كانت راكبه لفترة بس كانت بتقل و بتهنج المتصفح لانه بيعمل اتصال مع 4 مواقع , فيس و تويتر و جوجل بلس عامة هو الموضوع بسيط كل الي بتعمله هو انك بتاخد الرابط و بتحطه في الفيس اما لو قصدك لايك جوا المنتدى مالهاش علاقة بمواقع التواصل الاجتماعي فدي خاصية حلوة فعلا و حاولنا نعملها بس للاسف في مشاكل فنية حالت دون ذلك

اممممم اه فعلا انا اخدت بالى منها
بس انا قصدى زى ما حضرتك قولت
هو ملهوش علاقة بأى مواقع تواصل اجتماعى
ده بيبقى تقييم من المنتدى فى المنتدى ( زيتنا ف دقيقنا يعنى :biggrin: )
امممممم معلش بقآ ... بس ممكن تحاولوا تانى ويارب تظبط بقآ
ربنا يخليك يا دوك طارق ... نورتنى ~

[Priŋčeŝŝ Mзnna]

اقتباس المشاركة الأصلية كتبت بواسطة صمتي حكايه حلوه الفكره راح تخلي المنتدى شغال 100 %

ربنا يخليكى حبيبتى انتى الاحلى
ادعى معايا بس تظبط مع الادارة
نورتينى ~

[مشتاقه للجنه]

فعلا موضوع الايك كان مفعل بس مش عارفه ايه اللى حصل فيه

شكراا ع أقتراحك

[Priŋčeŝŝ Mзnna]

اقتباس المشاركة الأصلية كتبت بواسطة مشتاقه للجنه فعلا موضوع الايك كان مفعل بس مش عارفه ايه اللى حصل فيه شكراا ع أقتراحك

فعلا كان مفعل
بس انا قصدى لايك غير لايك مواقع التواصل
لايك للمنتدى
خاص بالاعضاء .. مش ليها علاقة خالص بمواقع التواصل الاجتماعية
ميررسى حبيبتى لمرورك
نورتينى ~