سحر عيونك جننى

[semsema elhor]

سحر عيونك جننى

هذه القصة قصة رومانسية وهى من اجمل ما كتبت ومن احب القصص الى قلبىعلى الاطلاق

الكاتبة:semsema elhor

الفصل الأول:

وبعدين معاكى

تبدا القصه بشاب طويل رفيع شعره اسود وعيونه رمادى وقمحى البشره وجذاب جداا جداا اسمه (اسر) لابس جاكيت اسود وتحته قميس رمادى وبنطلون جينز قاعد على مكتب وبيقرا الجرنان واول ما بيقرا اللى فيه بيرميه بقوه على المكتب وبيقول

وبعدين بقى فى الصحفيه دى هى مورهاش غيرى ولا ايه؟

فيرد عليه شاب طويل ووسيم كان قاعد قدامه اسمه ياسر ويقول

هدى نفسك يا مان كله كلام جرايد وبس وانت عارف كده كويس

ولا يمكن حد يصدق المكتوب ده

اسر:بس دى زودتها اوى دى كاتبه انى بعمل صفاقات مشبوهه علشان اوصل للى انا فيه ده

وانت عارف ان اهم حاجه لرجل الاعمال الناجح هى السمعه واللى هى كتباه ده ممكن ياثر عليا فى السوق

ياسر:مافتكرش ان ممكن حد يصدق ابداا بس ع العموم روح للصحفيه دى واتكلم معاها وحاول تعرف هى ليه بتقول كده وحاول كمان تفهمها ان كل اللى وصلت ليه ده من تعب ليالى طويله بتتعب علشان تحقق الاسم الكبير ده وفى سنك الصغير ده وتحقق اللى كتير من رجال الاعمال الاكبر منك مقدروش يوصلوا ليه

اسر:انت بتقول ايه انا لا يمكن اروح لواحده زى دى مهما حصل

ياسر:خلاص خلاص يا عم بس طلعها من دماغك هى لسه صحفيه جديده وعايزه تشهر نفسها حتى لو على حساب سمعه الناس

اسر: كفايه بقى كلام فى الموضوع ده علشان بيضايقنى المهم دلوقت انت عملت ايه فى المناقصه

ياسر:ده اسمه كلام يا راجل اخدناها طبعا من غير كلام

اسر:طب كويس ابداوا فورا فى الشغل

ياسر:اتطمن احنا بدانا نجهزلها ما انا عارفك لازم تستغل اى ثانيه فى الشغل

اسر:طيب قوم بقى علشان انت عطلطنى اووى عن الشغل

ياسر:كده ماشى يا عم سلام..............................

اه

على فكره انهارده مسابقه الخيل متنساش نفسك فى الشغل علشان تجهز نفسك

اسر:اه طبعا اتطمن انا هخلص شويه حاجات وهروح على طول

ياسر:ماشى اشوفك هناك سلام

وقعد اسر يكمل الشغل ولما خلص خرج من المكتب وعدى ع السكرتيره واداها ملف وقالها تبقى تعديه على اخته سلمى تحت فى الاداره وراح هو علشان يجهز نفسه للمسابقه وهو نازل قابل سلمى وقالها تبقى تعدى على هاله السكرتيره علشان الملف اللى كانت طالباه وكمل مشى وراح النادى وجهز الحصان وجهز نفسه للسباق ولما جيه وقت السباق ركب الحصان وهو فارد نفسه واثق من الفوز وبيبص ع الحواجز كالصقر وبدا السباق وجرى اسر بالحصان بسرعه وعدى الحواجز فى وقت قياسى وفاز بالسباق زى كل سنه ونزل بكل كبرياء من ع الحصان واستلم الجائزه وهناه كل الموجودين ودخل علشان يغير وكان من بين اللى قاعدين بيشجعوا المتسابقين بنت قصيره الى حد ما

و بيضه وعينيها زرقه وشعرها اسود طويل وتقيل كانت قاعده بتراقب المتسابقين وخاصه اسر ولما كسب اضيقت جداا وقالت

هو كل مره الانسان ده اللى يكسب

فردت عليها صاحبتها علا اللى كانت قاعده جانبها وقالت

طبعا يا بنتى هو اللى لازم يكسب انتى مش شايفه هو بيجرى بالحصان ازاى

البنت:شايفه وهو ده اللى بيضايقنى اكتر

انا نفسى اعرف هو بيجيب وقت منين علشان يتدرب بالشكل ده ويكون كمان رجل اعمال ناجح كده انا نفسى اعرف

علا:ارحمى نفسك بقى يا شذىوسيبك منه وشوفيلك حد تانى تكتبى عنه فى الجرنال بتاعك ده

شذى:انا لايمكن اشيله من بالى الا لما اعرف هو ازاى بقى رجل اعمال مفيش زيه وهو فى السن ده ومش كده كمان دا كمان دكتور شاطر اووى وكمان بيقضى حياته زى اى حد عادى بيتدرب ويروح النادى وبيسبح وبيعمل كل حاجه فى الدنيا زى ماهو عاوز اكيد فى حد وراه اكيد وانا لازم اعرف هو مين

ومش تنسى انه كمان كان السبب ان اول مقال اكتبه فى حياتى بسببه اتلغى واترفض وده كله عشان شكله مش يطلع وحش قدام الناس

علا:والله انتى هتروحى فى داهيه بسبب الموضوع ده

شذى:لو هوصل للحقيقه انا مستعديه

علا:والله مجنونه يلا قومى ورانا شغل خلصى

شذى:يلا بينا نقوم

وقاموا وركبوا العربية وراحوا

اما اسر لبس وخرج لياسر وقاله

يلا نروح الشركه علشان انا نسيت اوراق مهمة هناك

ياسر:اوراق ايه؟

اسر:تعالى بس وفى العربيه اقولك علشان مفيش وقت

ياسر:يابنى ارحم نفسك دا انا تعبتلك والله

ومشى اسر ناحيه العربيه ولما قرب يوصل ليها لقى ورقه ع العربيه فقرب اكتر ومسك الورقه وقراها وابتسم وقطعها فاستغرب ياسر وقال

ايه المكتوب فى الورقه دى

اسر:الصحفيه يا سيدى بتقولى مبروك وعايزه منى ميعاد علشان تعمل معايا تحقيق صحفى

ياسر:شذى؟!!!!!!!!!!!!!!

مش معقول

بس عارف دى فرصة كويسه علشان تصلحلها وجهة نظرها فيك وتتكلم عن نفسك اكتر وتعرف الناس وهى اولهم انك عملت كل ده بمجهودك انت وتعبك انت ومحدش ليه فضل عليك

اسر:لا طبعا انت فاكر انى هقبل انى اقابلها

طبعا مستحيل لا يمكن اقابل واحده زى دى ولا اديها فرصه الشهره على حسابى ولو كان ع الكلام الفارغ اللى هى بتكتبه ده خليها تكتب زى ما هى عايزه

مش ده كلامك؟

ياسر:اه بس....................

اسر:مفيش بس اطلع علشان نلحق نوصل يلا يلا

وركب العربيه وياسر مستغرب من رايه وحاول يناقشه فيه لكن اسر صمم على رايه

******************

ووصلوا الشركه وطلع اسر يجيب الاوراق ونزل روح ع البيت ولما وصل ع البيت لقى اخوه فارس لسه كان هيطلع من البيت فقال

اسر:انت رايح فين?

فارس:انا رايح اسهر مع شلتى

سلام يا برنس

فارس شاب طويل وسيم جداا

جذاب وهو بيحب السهر اووى وبيحب الخروج من البيت ومغروم جدااا بالسفر وهو شاب عنيد طايش الى حدا ما طيب جداااا

حياته كلها هزار وهو عنده 23 سنه متخرج من كليه الصيدله وده طبعاا عشان اسر وراه

اسر:استنى هنا احنا مش اتكلمنا فى الموضوع ده قبل كده

فارس:يووووه

اه اتكلمنا وانا قلتلك ان دى حياتى وانا حر فيها واصاحب اللى على مزاجى انا

اسر:لا مش اللى على مزاجك

انا تعبت اووى علشان اوصل للى انا فيه ده ومش مستعد ان واحد طايش زيك يهد ده كله فى ثانيه واحده واديك شايف الكلام الفارغ اللى بيتكتب عنى كل يوم

فار:يوووووه ماتفكك بقى يا عم من الاسطوانه دى بقى

الشغل

وكل اللى انت حققته ده ميهمنيش فى اى حاجه

دى حياتى انا وعايز اعيشها انا مش عايز ابقى زيك كل اللى فى دماغى الشغل والشركات والنجاح وبس انا عايز اعيشها بالطول وبالعرض انا عايز اعيش شبابى مش ادفن نفسى زيك عيش زى ما انت عايز زسيبنى اعيش زى ما انا عايز

وسابه ومشى فوقف اسر شويه مصدوم من اللى قاله وفى نفس الوقت بيفكر فيه وطلع الشقه وقعد

ع السرير يفكر فى اللى فارس قاله وافتكر كمان صاحب ابوة طلبه الله يرحمه لما شافوه من سنه وقاله:

ابوك لو كان عايش اكيد كان هيبقى فخور بيك بس لما يعرف ان حياتك كلها شغل وانك مش بتفكر فى نفسك خاالص اكيد مكنش هيبقى سعيد

فاكر فى نفسك يا اسر يا بنى قبل ما يفوت الاوان وتلاقى نفسك كبرت فجاه ووحيد زيى ولا شغل ولا مال الدنيا كله هينفعك

ولقى انه فعلا دافن حياته فى الشغل ومبيفكرش غير فى الشغل وازاى يحقق طموحه وبس حتى السباحه والخيل اللى بيركبه مش بيمارسهم كاهوايه لكن واخدهم بس عشان يحقق فيهم نفسه ويكون مش بس رجل اعمال ناجح لكن رياضى ناجح كمان والدنيا كلها تتكلم عنه

فعرف ان فارس كان عنده حق حتى ولو كان مختلف معاه فقرر انه يفكر فى الشغل اه

لكن كمان يفكر فى نفسه احسن ما يصحى الصبح يلقى نفسه غرقان فى الشغل وعنده 60 سنه وماعش ولا لحظه حلوه من شبابه زى عم طلبه

وهو بيفكر سمع فتح الباب وحد جيه فافتكر اخته سلمى فطلعلها فاتفاجئ بانه فارس بيقرب منه ووقف وهو منزل راسه لتحت وقال

انا اسف يا اسرماتزعلش منى

اسر:انت عارف انا لا يمكن ازعل منك ابداا

فحضنوا بعض وقال فارس

انا بجد اسف انا مكنش ينفع اقول كده وانا عارف ان كل اللى انت عملته ده كان علشانى انا وسلمى وان من ساعه ما ماتو بابا وماما وانت كنت لينا الاب والاخ والصاحب وضحيت بحاجات كتير علشان نعيش كويس وميكونش محتاجين لحد...و..............

اسر:بس ياوله متقولش كده انتوا مش بس اخواتىانا لو فى ايدى اعمل اكتر من اللى عملته كنت عملت

ولو كان ع الكلام اللى انت قلته ده فانت عندك حق

فارس:يعنى مش زعلان منى خلاص

اسر:لا مش زعلان منك خلاص

فارس :خلاص قشطه اروح بقى لصحابى لحسن معرفتش اروح وانا عارف انك زعلان منى

ولف نفسه علشان يمشى فندى اسر عليه وقال

فارس..........

فارس:ايه؟فى حاجه نسيتها؟

ايه فى كام شتيمه نسيت تقولهم؟

هههههههههههههه

اسر:لا خلاص روح انت مع السلامه

فارس...ماشى!!!!!!!!!!!

سلام

اسر:بقولك ايه؟

فارس:ايه؟

اسر:هو انت بتسهر فين

فارس:بتسال ليه خايف عليا وعايز توصلنى ولا ايه

ولا هتستندل وهتبلغ عن المكان؟

اسر:لا بس قولت يعنى اصلى....... معنديش حاجه فقلت اروح معاك يعنى و.......

فارس:

ايه؟

تروح معايا؟

انت كويس؟انت اكيد سخن صح؟

اسر:بلاش لماضه انا بتكلم بجد

فارس:قشطه ايوه كده خليك كول يا مان

اسر:ههههه ماشى هخلينى كول يا مان

فارس:قشطه البس انت وانا هستناك تحت........

بس بقولك ايه

البس حاجه كاجول مش تلبسلى بدله وتخنقنا

اسر:كاجول؟

بس انا معنديش انت عارف

فارس:اه صحيح ولا يهمك انا هظبطك تعالى معايا اوضتى

ودخلوا الاوضه وفتح الدولاب وطلعله فارس تيشيرت احمر وبنطلون جينز وقاله البس بقى بسرعه علشان اتاخرنا ع الشله

اسر:ماشى ثانيه واحده وهكون جاهز

فخرج فارس من الاوضه علشان اسر يلبس وشويه وخرج اسر فوقف فارس مستغرب وقال

ايه اللى انت عمله فى نفسك ده

اسر:ايه رايك؟

فارس دا انت طلعت صايع وانا مش واخد بالى

اسر:ههههههههههههههه انت فاكر ايه يابنى انا صايع قديم بس انت اللى نايم

فارس:ماشى يامعلم قشطه اووى كده يلا بينا

وراحو ع الديسكوا هما الاتنين ولما راحوا اول ما اصحاب فارس البنات شافوا اسر جريوا عليه وكانوا مش مصدقين انه اخو فارس اللى اكبر منه وقالت صاحبته سيرين

مش ممكن معقول المز ده اخوك الكبير يا فارس?

فارس:جرى ايه يا بت ليه انا مش عاجبك ولا ايه

سيرين:لا بس اخوك ده قمر اووى اووى والصراح هانا مكنتش فاكرة انه بالطعامه دى

اسر:شفت يا عم عرفت ليه انا بقى مش بحب اروح اسهر معاك

علشان مطيرش منك البنات

فارس:هههه لا تعالى انت وملكش دعوه انا بردو فارس وليا المعجابين بتوعى

اسر:ماهوه واضح بعوك اول ما شفونى

سيرين:تعالى يا قمر انت بقى اسهر معايا

اسر:انا رايح......................

اه ولو ليك اصحاب تانى بلاش تعرفنى عليهم يا حرام خليلك حد تسهر معاه

فارس:هههههههههههههه ماشى يا حنين

وراحوا كلهم وكمان صحاب فارس الانتيم ادم وكريم ومعاه بنت حلوة اووى اووى وفضلوا سهرانين لحد الصبح لكن وهما سهرانين كان هناك ابن خالت شذى (على) واول ما شاف اسر اتصل فورا بشذى ولما قالها مكنتش مصدقه نفسها وقالتله بجد هو اسر ؟انت متاكد؟

على:صحيح شكله متغير اووى بس انا متاكد ان هو

وكمان اخوه فارس هنا

شذى:عشر دقايق وهكون عندك بس انت خلى عينك عليه اوعى يغيب عنك

ولبست شذى بسرعه بنطلون اسود وبضى اسود وكاب اسود وراحت لعندهم بسرعه واخدت الكاميرا معاها ولما دخلت سلمت على على وقالت هما فين

على:اهوه قاعد مع البنت الشقرة اهوه

شذى:ايه ده؟

ده متغير اووى ليكون مش هوه؟

على :انا متاكد وكمان انا سمعت البنت وهى بتناديه

شذى:حلو اووى كده

اخيراا

وقعت فى ايدى يا سيد اسر

واخدت ليه صور كتير من غير ما حد ياخد باله منها ولا حتى اسر ولما خلصت تصوير راحت ع المطبعه قالت لنفسها يمكن تلحق طبعة بكرة ولما وصلت المطبعه لقتهم خلصوا ففضلت تترجى فى المسؤال عن الطباعه

وهو ياكدلها انه مش هينفع يعدل حاجه خالص

لكن شذى فضلت تترجى فيه وقالت

انت عارف كويس قد ايه المقال دى مهمه بالنسبه لى ولازم الصور دى تنزل بكرة ضرورى ارجوك

واخيرا قدرت انها تنزله فى الطبعه لانه كان صاحب باباها الله يرحمه وروحت البيت ومش عرفت تنام من الفرحه وقالت لنفسها معقول اخيرا هقدر اكشفه قدام الناس وهشفى غليلى فيه يااااااه انا مش مصدقه بجد

وفضلت كده لحد الصبح واول ما النهار طلع نزلت بسرعه واشترت الجرنال والفرحه مكنتش سيعاها لما شافت الصور وطلعت بسرعه البيت وهى بتضحك فصحيت صاحبتها هدى اللى عايشه معاها فى نفس الشقه فاستغربت من ضحكها فمسحت عينيها وقالت

انتى مجنونه يا بت ايه اللى حصل ع الصبح

شذى:تعالى تعالى اتفرجى على المقال اللى صاحبتك كاتباه ده

هدى:ورينى يا صاحبتى

ففتحت الجرنال وشافت الصور وقالت

يا بنت الجنيه خدتى الصور دى امتى؟

احنا مش امبارح كنا نايمين مع بعض ومكنش فى حاجه

شذى:ههههههههههههه يا بنتى انا الفضايح بتيجى لحد عندى

هدى:ههههههههههه ماشى يا جامده وانتى فكرك ان اسر هيعدى الموضوع ده على خير؟

شذى:عادى هيعمل ايه يعنى الصور حقيقيه ومتاخده بالكاميرا بتاعت الجريدة

هدى:ماشى ياماما افرحى دلوقتى زى ماانتى عايزة عشان انا

......مش متطمنه

شذى:بس انا بقى مبسوطه اووى اووى دلوقتى وحاسه ان نهايته قربت

وشويه والتليفون رن فردت شذى:الو

علا:الو يا بنتى ايه اللى نشراه ده؟

شذى:ايه رايك؟

علا:الله يخرب بيتك دا انتى مش هتمسكى قلم تانى فى حياتك

شذى:ههههههههههههههه بالعكس دا انا مش هفضى تانى خااااااااالص

علا:والله انا عارفه ان كرهك الزايد لاسر ده هيوديكى فى داهيه

شذى:ههههههههه ليه يابنتى انتى محسسانى ان اسر ده رئيس البلد دا رجل اعمال زى اى واحد عادى

علا:لا مش عادى متنسيش ان خطيب اخته يبقى قريب وزير الاعلام يعنى انسى انك تكتبى ولو عمود واحد تانى ابداا

وحتى لو قريبه مش هيقدريعمل حاجه

علا: اسر مش ممكن يعدى الموضوع ده بالساهل انتى ناسيه علاقاته فى البلد قد ايه

شذى:انا مش يهمنى المهم انى كشفته قدام الناس وقدام نفسى مش معقول واحد بالخلاق دى وبيسهر فى الديسكوهات ويحقق كل اللى هو فيه ده بنفسه

وبعدين سيبك انتى من الموضوع ده انا عارفه انتى ليه بتحاميله كده

علا:ليه بقى يا ست العبقريه؟

شذى:عشان ياسر صاحبه

علا:....

وانا مالى بياسر؟

شذى:مالى بياسر؟

مش عارفه؟ انتى هتعميليهم عليا ما انا عارفه كل حاجه

علا:على فكرة بقى انتى بت رخمه اووى وانا غلطانه انى اتصلت بيكى يلا غورى بقى

شذى:ههههههههههه خلاص خلاص مش تزعلى ع العموم ولا يهمك انا هعرف اتصرف

وقفلت معاها ولبست عشان تنزل الجريدة فلبست جيبه رصاصى فوق الركبه وبوط رصاصى طويل شمواه وبضى احمر وحطت ميكب كامل احمر وسرحت شعرها الاسود الطويل بطريقه روعه

وهى خارجه من باب البيت خرجت هدى بعد ما لبست هى كمان وقالت لها انا عايزة اروح معاكى انهارده الجريدة عشان اشوف اللى هيحصل وكمان عشان انا بعد العصر رايحه المسرحفاروح من بره بره

شذى:اوك تعالى يلا بينا بس بسرعه

ونزلو هما الاتنين وركبو عربيه شذى الحمرا وراحو ع الجريده

******************************

واما اول ما صحى اسر بعد سهرته الطويله قام ومكنش نايم غير ساعه واحدة بس واخته سلمى حضرت الفطاروقعدت وكانت قايمه عشان تصحى فارس فقالها اسر

تعالى تعالى لو فضلتى تصحى فيه من هنا لبكرة مش هيصحه ده لسه نايم من ساعه

سلمى:انا مش عارفه الواد ده بيسهر فين كل الوقت ده وبيعمل ايه؟

اسر:لا اتطمنى فارس عارف كويس هو بيعمل ايه هو صحيح طايش بس هو راجل يعتمد عليه

سلمى:سبحان مغير الاحوال مش ده اللى امبارح كنت بتقول عليه انه طايش ومش عارف مصلحته؟

اسر:خلاص بقى يا سلوم عديهالى

سلمى:ماشى هعديهالك بس بردو هروح اصحيه

اسر:ماشى يا رخمه روحى صحيه

وراحت سلمى عشان تصحى فارس وقاعدت تنادى عليه كتير اووى وهو غرقان فى النوم

اسر:متتعبيش نفسك تعالى افطرى وسيبك منه

سلمى:هصحيه يعنى هصحيه

قوم يلا يافارس مش همشى من جانبك غير لما تصحى

واخير فتح فارس عينه وقال

ايه عايزه ايه الصبح كده

سلمى :عايزة ايه؟

عايزاك تقوم تفطر معانا زى بقيت الناس

فارس:يا ساتر يارب هو الواحد ميعرفش ينام فى البيت ده خالص

فدخله اسر وقال

قوم يله يلا خلينا نفطر كلنا مع بعض

فبصله فارس مستغرب وقال

يخرب بيتك انت صحيت امتى ؟

احنا مش راجعين مع بعض الفجر لحقت تنام امتى وتصحى امتى؟

سلمى:رجع معاك الفجر؟

قال اسر بصوت واطى

الله يخرب بيتك فضحتنى

فارس:شكلى بوظت الدنيا صح؟

اسر:مفيش اصلى قولت اروح مع الواد ده اشوفه بيسهر فين يعنى وكده متشغليش بالك انتى

سلمى:اهااا علشان كده صاحى ع الصبح بتحاميله

يعنى مش كفايه فارس بايظ عايز تحصله انت كمان ولا ايه؟

فارس:ايه يا حاجه

فارس مين اللى بايظ

هو الواحد صاحى ع الصبح يتهزء ولا ايه؟

خد اختك يا عم اسر واطلعوا بره جبتلى الكلام ع الصبح

فخرجوا وقاعدت سلمى تكلم اسر وتقول:يعنى بدل ما تكلمه تخليه يرجع عن اللى بيعمله رايح انت كمان تعمل زيه؟

اسر:والله مش زى ما انتى مفكرة

يلا بس نفطر عشان انا عايز اروح الشركه فى حاجات مهمه لازم اعملها

سلمى:ماشى ماشى غير الموضوع زى ما انت عايز

اسر:خلاص يا قمر بقى ولا تزعلى نفسك

فقاعدت ع السفرة ياكلوا واسر بيشرب القهوة وماسك الجرنال لقى الخبر والصور اللى منزلاهم شذى فاول ما شفهم اتغير وشه فحست بيه سلمى وقالت:ايه فى ايه فى الجرنال غيرك كده؟

اسر:لا مفيش انا خارج

ولما خرج اسر مسكت سلمى الجرنال وشافت الصور فدخلت بسرعه لفارس وقالت

قوم شوف اللى انتى هببته امبارح

فارس:يا ربى ع اليوم ده نعم فى ايه تانى?

سلمى:اتفرج يا استاذ ع الصور دى

فارس:يا ابن الايه يا اسر دا انت بجد كنت مز امبارح دا البنات كان عندهم حق

بس ايه ده?!!!!!!!!!!!

سلمى:فى ايه؟

فارس:انا ليه مش طالع فى الصور؟

سلمى:لا انت معندكش دم فعلاانت عارف يعنى ايه صور زى دى تنزل فى الجرنال؟

فارس:وانا مالى انتى مش بتقولى صور اسر روحى كلميه هوبقى

سلمى:يا ربى انا كنت عارفه ان سهرتكوا دى مش هتيجى على خير

انا رايحه الشركه وانت خليك نايم

فارس:متنسيش تخدى الباب فى ايديك

فبصتله سلمى باحتكار ورمت المخدة عليه وقالت

والله انت بارد ومعندكش دم اتخمد

************************

ونزلت سلمى بسرعه وهى راكبه العربيه بتاعتها اتصل هشام خطيبها

سلمى:الو يا هشام

هشام:الو يا سلمى شفتى جرايد انهارده؟

سلمى:للاسف شغتها

هشام:وايه رايك فيها؟

سلمى:والله مش عارفه انا هعمل ايه

هشام: واسر هيسكت للصحفيه دى؟

دى زودتها اووى

سلمى:والله يا هشام انا ما عارفه هو هيعمل ايه بس المشكله ان الصور دى حقيقيه

هشام:ايه؟!!!!!!!

سلمى:للاسف كان سهران امبارح مع فارس ما انت عارفه سهرات فارس

هشام:مش ممكن اسر يعمل كده?

ع العموم انا هتصرف حتى لو حقيقيه انا لازم اخلى الصحفيه دى تعرف مين اسر ومين قاريبه

سلمى:ارجوك يا هشام بلاش تتصرف من دماغك انت عارف اسر عنيد قد ايه ومبيحبش حد يدخل نفسه فى مشاكله

هشام:ولا يهمك انا هتكلم معاه

سلمى:خلاص ماشى وانا كمان رايحه الشركه اما اشوف هيعمل ايه

هشام:ماشى يا حياتى اشوفك هناك

سلمى: ماشىباى

وراحت الشركه سلمى ودخلت على مكتب اسر بس مش لقيته فيه فسالت عنه قالوا لسه مجاش

فاستغربت واتصلت بيه لكن موبايله كان مقفول فاتصلت بهشام تقوله فقال

ولا يهمك هتلقيه راح ع الجريده اللى منشور منها الخبر اكيد مش هيعدى الموضوع

استنى خلينا نعرف لما يجى

سلمى:ماشى وانت لو عرفت حاجه قولى

هشام:ماشى يا عمرى ارتاحى انتى بس ومتفكريش فى الموضوع ده خاالص

************************

ولما راحت شذى هى وهدى ع الجريده دخلت مكتبها وقالت

اما نشوف ايه اللى هيحصل بعد الصور الجاامده اللى انا نزلتها دى

وشويه طلبها رئيس التحرير لعنده فقالت

انا رايحه ياهدى للريس اما اشوف ايه تعليقه ادعيلى

هدى:ربنا يستر عليكى

شذى:هههههههه ماشى خليكى انتى هنا بقى لحد ما اجى

وراحت شذى على مكتبه واول ما دخلت لقته متعصب ع الاخر وقال

انتى ايه اللى انتى مهببابه ده

امتى نزلتى الكلام ده? وازاى متخديش رايي فى حاجه زى دى?

شذى:.........انا بس كنت مستعجله عشان ينزل فى طبعه انهارده وحضرتك كنت روحت

الريس(رافت):ده مش سبب يا استاذه مكنش ينفع تنزلى حاجه من غير ما ترجعيلى اولا

دا غير ان انا مكنتش هوافق ان صور زى تنزل ابداا

شذى:ليه يا ريس؟

شذى:وكمان مش عارفه حجم المصيبه اللى انتى عاملاها؟

شذى:مصيبه؟!!!!!!!!

رافت:اه طبعا انتى مش عارفه مين اسر اللى انت ناشرة صورة دى بكل بساطه ومش عارفه كمان انه لو حب ممكن يوقفلنا الجريده دى خالص وابقى انا وسيتك فى الشارع وكل اللى بيشتغلوا هنا

مش كفايه كنت بسكت على مقالاتك اللى زى الرصاص عليه وكنت بقول خلاص طالما مفيش حد اشتكى خلاص لكن توصل للصور دى اكيد ولا هو هيسكوت ولا نسيبه

شذى:ومن امتى يا ريس واحنا بنخبى الحقيقه علشان مصلحت حد

رافت:من ساعه ما اخته اتخطبت لقريب وزير الاعلام ومن ساعه ما بقى هو اكبر رجل اعمال فى مصر

شذى:ياااه!!!!!

انا مكنتش اعرف انى شغاله فى جريده بتعمل حساب لكل ده

وانا لو كنت اعرف كده مكنتش هشتغل فيها ابدااا ومتنساش يا ريس ان اللى خلانى اسيب الجريده اللى انا كنت فيها علشان نفس البنى ادم ده ادخل فى شغلى كنت لا يمكن اقبل انى اشتغل هنا

ولفت نفسها عشان تمشى وقبل ما تخرج قالت

الاستقاله هتكون على مكتب حضرتك بكرة

وخرجت ورزعت الباب ونزلت بسرعه ع السلم وهى بتعيط وهى خارجه من الباب ومش شايفه خبطت فى اسر وبص فى عينيها الزرقا والدموع فيهم وهى بصتله وخرجت بسرعه لكن هو فضل واقف سرحان فى عيونها اللى زى البحر الجميل ومقدرش يحدد شكلها لانها خرجت بسرعه ومشفش غير عينيها ولما فاق من سحرها طلع بسرعه على رئيس التحرير واول ما دخل

سلم عليه وقال رافت:

والله انا كنت هتصل بيحضرتك حالا عشان اعتزرك عن الكلام الفارغ المنشور ده واقولك ان الغلطه دى مش ممكن تتكرر تانى ابداا

اسر:لا ابدا انا بس جاى اشوف الصحفيه اللى كتبت الكلام ده

رافت:خلاص يا اسر بيه هى دلوقتى مبقتش شغاله فى الجريده دى انا طبعا مكنتش اسمحلاها انها تكمل معانا بعد الكلام الفارغ اللى هى نشرته ده

اسر:انت بتقول ايه ؟

لا طبعا انت ازاى تعمل كده ده شغلها ولازم تجاهد عشان توصل

رافت:انت يا اسر بيه اللى بتقول كده؟

اسر:انا طبعا مش قابل الكلام الفارغ اللى هى كتباه ده بس دا مش معناه انا اكون السبب فى انها تسيب الشغل

رافت:ع العموم ولا يهمك انا هتصرف معاها

هى هتلقيها فى مكتبها دلوقتى

اسر:ماشى انا رايح لعندها ويا ريت ترجعها تانى يا استاذ رافت واما انا هزعل اوى ومش هقبل ابدا انها تسيب الشغل هنا

وخرج اسر ودخل على مكتب شذى فاول ما دخل كانت هدى واقفه فى الشباك واول ما دخل وقالها لو سمحت يا استاذة شذى عايز اتكلم معاكى شويه

بصتله وهى مش عارفه تقوله ايه وهو كمان مكنش شاف شذى قبل كده فمعرفش انها مش شذى فردت وقالت

........انا...........

اسر:انا جاى هنا بس عشان اعرف ايه اللى عملته عشان تخدى فيا الاعتقاد الخاطئ ده وتحولى تحربينى باى طريقه

وهدى لسه هتتكلم رن تليفونها

ثانيه واحدة لو سمحت

وخرجت من الاوضه عشان تكلم شذى

الو يا شذى انتى فين؟

شذى:انا روحت تعالى انا مش راجعه تانى

هدى:الله يخرب بيتك اسر هنا

شذى:انا عارفه ما انا شفته وهو طالع اكيد طبعاا جاى يتكلمله كلمتين ومش بعيد كمان جاى يهددنى

ع العموم ادينى هسيب الجريده عشان يرتاح

هدى:ايه?!

سيبتيها ليه ايه اللى حصل؟

شذى:تعالى بس وانا هحكيلك كل حاجه يلا سلام

هدى:استنى بس دا فكرنى انى انتى

شذى:ايه؟!!!!!

هدى:اه والله وسالنى انا بعمل كده ليه وايه اللى هو عمله عشان خاطر كل ده

شذى:كدة طيب تعالى دلوقتى وسيبيه قاعد بيستنى بقى لحد الصبح

هدى:ايه اللى انتى بتقوليه ده انتى اتجننتى مش هينفع طبعاا

شذى:ملكيش دعوة اعملى زى ما بقولك كده وبس

وقفلت السكه فقالت هدى

والله انتى مجنونه وهتودينى فى داهيه

اعمل ايه بس يا ربى امشى ولا اقوله ولا اعمل ايه?

فقررت فى الاخر انها تسمع كلام شذى لكن رجعت وقالت حتى اخلى حد يقوله انها حصلت ظروف واضطرت تخرج فورا

وخرجت هى وقالت للسايس يقول كده فدخله وقاله ولما سمع اسر الكلام ده اتعصب وقال:.........انتى ايه حكيتك بقى معايا?

شويه عايزة تقبلينى وشويه بتهربى منى ع العموم ماشى انا اللى غلطان انى جيت اصلا

***********************

ومشى بسرعه راح الشركه ولما وصل لقى اخته فى مكتبه وسالته عملت ايه

اسر:ولا يهمك يا سلمى متشغليش بالك انتى

سلمى:مشغلش بالى ازاى? الكلام ده ممكن ياثر على شغلنا

اسر:متخافيش كله تمام ولا هنتاثر ولا حاجه اتطمنى

سلمى:يعنى انت كنت فين ؟

اسر:خلاص بقى بعدين روحى بقى انتى معندكيش شغل ولا ايه؟

سلمى:ماشى برحتك يا اسر انا رايحه على مكتبى

فقام اسر ومسك ايديها وقال خلاص بقى يا جميل متزعلش والله كله تمام انا بس مش عايزك تتعبى نفسك عشان حاجات بسيطه انا شايلك للتقيل ياحلو

سلمى:ماشى يا خويا كلنى بالكلام كلنى ع العموم انا واثقه فيك وانا عارفه انك هتعمل الصح

يلا بقى عشان معطلكش سلام

ولما خرجت اتصلت بهشام وحكتله انه مش رضى يقولها حاجه وقالتله يحاول هو يعرف منه اى حاجه ويقولها

فاتصل بيه فقال

الو يا عم انت فين?

اسر:انا موجود انت اللى فين?

هشام:ايه يابنى بتصل بيك موبايلك مقفول

اسر:اصلى كنت فى مشوار مهم

هشام:مشوار ايه؟

اسر:انت هتستهبل عليا اكيد سلمى اتصلت بيك وقالتلك انى مش عايز اقولها حاجه فقالتلك حاول انت كده يمكن اقولك على حاجه صح؟

هشام:هههه ما انت عارف اختك اكتر منى بقى

اسر:هههه انت هتقولى لازم تفضل ورا الحاجه عشان تعرف ايه اللى بيحصل

هشام:ههههههههههههههه والا متبقاش سلمى

اسر:انا حظرتك وانت اللى مسمعتش كلامى انت صاحبى برده من عشر سنين ومحبتش اغشك

هشام:ههههههه دا سلمى دى عندى بالدنيا

اسر:يا جاااااامد

فينك يا سلمى تسمعى

هشام:هههههههه المهم بجد لو عايز منى اى حاجه بخصوص الصحفيه دى انت عارف

اسر:تسلم يا هشام انا هظبط الموضوع ولا يهمك

هشام:ماشى يا عم ما انا عارفك مبتحبش تطلب المساعدة من حد

اسر:خلاص بتعرض ليه بقى يا رخم

هشام:هههه ماشى ياعم انا اسف

اسر:هههه بجد والله الموضوع مش مستاهل

هشام:ماشى يا عم ع العموم ربنا يوفقك

سلام بقى عشان معطلكش و اشوفك فى المستشفى

*********************

وشويه ودخل ياسر وكان لسه هيتكلم بخصوص الصور فقال اسر

وحيات امك متتكلمش فى الموضوع ده احسن هشام وسلمى هرونى اسئله

ياسر:خلاص ياعم شكلك على اخرك بس انا عرفتلك اخبار بمليون جنيه

اسر:اخبار؟!اخبار ايه؟!!

ياسر:شذى خلاص

اسر:خلاص ايه ما تنطق

ياسر:خلاص مش هتقدر تكتب عنك ولا حرف

سابت الشغل خلاص

اسر:انت عرفت منين؟

ياسر:انت ناسى ان علا صاحبتها تبقى بنت عمتى

اسر:اه صح بس انت فرحان كده ليه؟

ياسر:فرحان ليه?

عشان مش هتقدر بعد كده تكتب عنك ولا حرف

اسر:يا سلام

متفرحش كده اووى عشان هى هترجع تانى الشغل

ياسر:وانت ايه اللى عرفك؟

اسر:وانت مالك اسمع بس اللى انا بقولهولك

ياسر:يا برودك يا اخى بقى تعمل فيك كل ده وبتقول انها هترجع كده بكل برود ولا همك

اسر:هههه اقولك على حاجه تانيه؟

انا السبب فى انها هترجع تانى

ياسر:..........انت شكلك اخدت على كده

ع العموم انت حر انا رايح المستشفى دلوقتى فى اجهزة وصلت ولازم استلمها

اسر:ماشى وانا هخلص شغلى وهجيلك

اه وعلى فكرة هتلاقى هشام هناك قطعوا بقى فى فروتى على ما اجى

ياسر:اوعدك انى مش هسيب ولا حته

********************

ولما وصلت هدى ع البيت دخلت لشذى وقالت

قوليلى بقى ايه اللى حصل خلاكى مش هتروحى تانى

شذى:بدل ما يشكرونى ع المقال والمبيعات اللى زادت بسببى جاى الاستاذ رافت يلومنى انى عملت كده وده طبعاا عشان الاستاذ اسر وادانى محضرة فى علاقاته وقد ايه هو جاامد وده طبعا لما اتصل بيه اسر ومش بعيد يكون هددة بقفل الجريده فانا طبعاا ما استحملتش وسيبت الجريده

هدى:ازاى كلمه وانتى بتقولى انك قبلتيه وانتى خارجه يعنى لسه مش قاله حاجه

شذى:وانتى فكرك انه هيستنى لما يجيله

اكيد اتصل قبل ما يجى ولما جيه كمل ومش بس كده كمان ده جاى عشان يهددنى

هدى:يهددك ايه بس يا بنتى دا كان بيتكلم بكل احترام وبجد انا حاسه انك ظالماه

شذى:والله انتى غلبانه

هدى:بس عارفه ياشذى دا احلى كتير من الصور دا طلع جاااامد اووى فعلا يابخت اللى هتتجوزة

شذى:يابختها ايه بس قصدك يا ويلها

هدى:والله انا لو مخطوبه لواحد زى ده مكنتش سيبته ولا لحظه

شذى: والله انتى رايقه شوفى انا فى ايه وانتى فى ايه؟ع العموم ياختى اشبعى بيه

هدى:ياريت

شذى:اسكتى بقى متجبليش سيرته تانى قدامى

هدى:خلاص يا ستى انتى حرة

انا رايحه ع المسرح عشان اتاخرت اووى

شذى:ماشى سلام هترجعى امتى

هدى:على 8 كده

شذى:ماشى ممكن مش تلاقينى فى البيت عشان رايحه لعلا

هدى؟:ماشى هبقى اتصل بيكى ولو كده ابقى اعدى عليك عند علا عشان وحشانى

***********************

ولما كانت الساعه 1 بعد الظهر كان فارس لسه نايم فرن التليفون بتاعه فقام وهو متضايق جدا وبيقول ياربى ع اليوم اللى مش هيعدى ده

ورد وقال

نعم فى ايه حصل فى الدنيا

__الو يا فارس انت فين

فارس:نعم يا ملك هانم انا فى البيت هكون فين يعنى

وحضرتك صحيتينى من النوم

ملك:لسه نايم؟!يعنى معندكش خبر بصور اسر؟

فارس:لاء عندى

ملك:والصور دى صحيحه ولا الصحفيه مفبركاها؟

فارس:هو كل واحد عايز يعرف حاجه عن اسر يكلمنى انا

يا جماعه والله انا فارس ومليش دعوه بحد

اتصلى بيه واساليه وهو هيرد عليكى ودلوقتى سيبينى بقى عشان اناااام

ملك:والله انا غلطانه انى اتصلت بواحد زيك روح نام

فارس:احسن بردو بااااااااااااااااااى

شكلى مش هنام انهارده اما اقوم احسن اشوف اسر عمل ايه?

بس والله انا مش عارف هما ليه زعلانين كده دا حتى الصور جااامده يعنى

حتى البنطلون بتاعى كان حلو عليه امال لو كان لبس حاجه من بتاعته كانو عملوا ايه؟

واقام لبس وركب العربيه وراح الشركه لاسر وخبط الباب ودخل واول ما دخل قال:

ايه ياعم مفيش غيرى فى البلد يسالونى عنك

اسر:فارس!اهلا فقت من الغيبوبه اخيراااااا

فارس:ياعم انا عرفت انام من الاتصالات وشويه اختك وشويه ملك

اسر:ملك بنت خلتك؟

فارس:اه يا كبير هو فى غيرها يوجع دماغنا

اسر:والله انت حرام عليك انا مش عارف انت بتعاملها كده ليه؟

فارس:ياعم فكك المهم عملت ايه مع الصحفيه

اسر:ولا حاجه رحتلها ومشيت بسرعه قال عندها شغل

فارس:بس ايه رايك فيها بيقولوا عنها انها جاااااامده اخر حاجه

اسر:انا فى ايه ولا فى ايه

بس عارف ياوله وانا داخل الجريدة شفت بنت زى القمر كانت بتعيط

بس عينيها اييييييييييييه

مشفتش فى جماها ولا سحرها قبل كدة لدرجه انى كنت هروح اسالها اسمها ايه بس للاسف كانت ماشيه بسرعه اووى انا مش عارف يا اخى مين اللى ممكن يزعل الملاك ده

فارس:قشطة يا اسر يا جاااااااامد هو دة الكلام

اسر:لا مش زى ماانت فاكر تسلايه وخلاص بس فى شئ غريب شدنى ليها

فارس:ماشى يا تسلايه اما اروح انابقى اخروج مع اصحابى واشوف كده يمكن اكوت على شرم كام يوم كده

ايه رايك تيجى معايا؟

فارس:ليه هو انا صايع زيك اناعندى شغل يا استاذ وبعدين كفايه اللى حصلى من ورا سهرة امبارح

فارس:ماشى يابرنس برحتك بس متجيش تقولى اسهر تانى معاك

***********************

وراح فارس عند صاحبه كريم اللى قاله انهم هيسافروا بكرة على شرم وطلب منه انه يجيب ملك معاه

فرد عليه فارس بكل غضب وقال

ملك مين؟

كريم:ملك يابرنس بنت خالتك

فارس:بقولك ايه ملكش دعوة بملك خااالص انت فاهم؟

كريم:اهدى بس فى ايه ؟انا قلت بس...........

فارس:متقولش حاجه وبعد كدة انا مش عايزك تجيب سيرتها على لسانك ابداا

كريم:خلاص ياعم اهدى انا هجيب حلا بنت عمتى احسن

فارس:ايوة كده مش تقولى ملك

ع العموم اوك هجهز العربيه وهكون جاهز بكرة المغرب

وركب عربيته ومشى وهو فى السكه اتصلت بيه خالته(ام ملك)وقالتله يجى عشان يوديها للدكتور

فراح لعندها وخبط ففتحت ملك فاول ما شفها قال

اعوذ بالله انتى كل مرة اللى هتفتحيلى ولا ايه?

فاتضيقت ملك وزعلت ودخلت على اوضتها بسرعه وقفلت الباب

فحس فارس انها اتضايقت ومهنش عليه يحس انه زعلها فخبط عليها الاوضه فقالت :مين?

فقال بصوت رفيع

انا امك يا ملك افتحى

فعرفت انه هو فمش رضيت تفتح

ففتح الباب ودخل وقرب منها وقال

انتى هتعملى زى العيال ولا ايه وهتزعلى؟

ملك:لو سمحت يافارس اخرج برة

فقلدها وقال

لو سمحت يافارس اخرج بره؟

ونعكش شعرها وقال

قومى يابت انتى هتعمليلى زعلانه قومى يلا عشان اودى امك للدكتور

ملك:اوعى كده

وبعدين انا مش رايحه معاكم

فارس:ليه ان شاء الله؟

ملك:كده مش عايزة اروح معا كفى حته انت رايحها

فارس:كدة ماشى برحتك انا غلطان انى جيت اصلحك اصلا

انتى بت متستهليش

غورى

وخرج ورزع الباب وندى لخالته وخرجوا راحوا عند الدكتور

**************************

وسلمى خرجت الساعة 4 تتغدى مع هشام وكان محضرلها مفاجاه كان فاكر انها هتفرحها فقال

اناناوى اسافر على لندن عشان شغلى اللى هناك وقررت انى اروح انا وانتى ونستقر هناك ايه رايك يا حياتى

سلمى:نسافر؟لا طبعاا مش ممكن

هشام:ليه مش ممكن؟

سلمى:كدة انا مينفعش اسافر واسيب اسر وفارس وخلتى وملك وكلهم كل الناس اللى هنا ولصحابى

هشام:ياحبيبى اسر رجل اعمال ناجح يعنى مش متاج لحد ولا هو صغير عشان تخافى عليه

وكمان فارس خلص صيدله وشويه وهيشتغل مع اسر وبكرة يتجوزوا ومش هيبقوا فاضينلك ولا انتى كمان فضيلهم

سلمى:لا يا هشام مش هسافر يعنى مش هسافر

هشام:خلاص ياحبيبى برحتك انا اهم حاجه عندى انك تكونى سعيده بس بردو عايزك توعدينى انك هتفكرى فى اللى انا قلته

***********************

وخلصوا الغدا وقاموا وراح وصلها ع الشركه وهو راح ع المستشفى بتاعته هو وياسر واسر

لانها كانت اول مستشفى يبنوها بعد ما اتخرجوا فمهتمين جداا بيها رغب انهم عندهم مستشفيات اخرى

ولما راح هناك لقى ياسر هناك واسر اتصل وكان هيجى فبصوا ع الغرف كلها وشافوا المستشفى ماشيه ازاى وروحوا على الساعة عشرة

وكان فارس رجع من عند الدكتور الساعة 6 وبعها راح ع البت ينام وسلمى خلصت شغل فى الشركه الساعة 7 وراحت على خالتها تاخد رايها فى كلام هشام لانها بتحبها جداا وبتعتبرها زى امها لانها الوحيدة اللى اهتمت بيهم بعد وفاة امها وابوها فى الحدثه الرهيبه اللى حصلت ليهم وهما راجعين من اسكندريه وكان معاهم فارس بس لان امه حمته وقت الحادثة واخدته فى حضنها واخدت كل الصدمات بداله فكتبت له الحياة من جديد فراحت علشان تشوف رايها تروح معاه ولا لاء

فراحت وخبطت الباب فردت ملك وسلمت عليها وقالت

ازيك ياملك بقالك كتير اوى مجتيش عندنا

ملك:مهه طول ما فارس فى البيت وبيرخم عليا انا عمرى ما هاجى ابدا

سلمى:ههههههههههه طول عمركم وانتوا نائر ونئير وعلى طول يرخم عليكى وانتى مش كنتى بتزعلى منه ايه الجديد؟

ملك:الجديد انه.............خلاص المهم انتى عامله ايه؟

سلمى:تمام صحيح هى فين خالتو

ملك:جوة اصلها لسه راجعه من عند الدكتور

سلمى:صحيح طمنينى قالها ايه؟

ملك:للاسف لازم تروح تقعد فى المستشفى كام يوم

سلمى:ولا يهمك ان شاء الله خير وهتبقى كويسه

انا داخله لعندها

ودخلت سلمى وحكتلها وكان رايها

لو كان هناك افضل عشان هشام يبقى لازم تروح عشان مستقبلهم وهى اكيد هتبقى متطمنه عليها عشان هى مع هشام لانها عارفه قد ايه هشام بيحبها وبيموت فيها

سلمى:والله انا مش عارفه يا خلتوا انا محتارة اوى

واللى مضايقنى اكتر انى متاكده ان هشام اتضايق لما قلتله مش رايحه بالرغم من انه مش بينلى وحاول يظهرلى عكس كده

خالتها:يبقى يابنتى لازم تسافرى معاه

**************************

وروحت البيت على عشره وقابلت اسر قدام البيت وسلمت عليه وطلعوا ولما دخلوا الشقه لقت فارس نايم فدخله اسر يغلس عليه هو وسلمى عشان يصحى وفضلوا يشدوا من بعض البطنيه لحد ما جت سلمى ودلقت عليه ميه فقام جرى وراها واسر يمسكه وفضلوا كده ساعه كامله لحد ما تعبوا وقعدوا وطلبوا اكل وكلوا هما التلاته ودخلوا ناموا فقالت سلمى لنفسها ازاى بس اسافر وابعد عنهم وفضلت تفكر لحد ما نامت من التعب

**************************

وشذى رجعت هى وهدى ع البيت الساعة 10 ودخلت تنام وهى فى قمه حزنها على الشغل اللى راح منها وان باللى حصل يبقى اسر انتصر عليها للمرة التانيهوفضلت تفكر ومنامتش لحد ما طلع الصبح وقامت فطرت هى وهدى واتفرجوا ع التليفزيون وحكتلها هدى عن شغلها فى المسرح وقد ايه هى مبسوطه بشغلها وشويه وعلا جت

ازيكم يا بنانيت

فطرتوا ولا لسه؟

شذى:تعالى حماتك بتحبك

علا:بجد؟ طيب كويس

ولا اقولكم ايه ما تيجوا نطلع نفطر بره احسن يلا

هدى:انا عن نفسى معنديش مانع

شذى:لا عايزين تخرجوا اخرجوا انتوا انما انا مش فى المود خااالص وكمان منتمتش من امبارح

علا:بتفكر فى مين يا جميل شذى:اتنيلى

علا:ماشى ياعم

هدى:اه صحيح تعالوا اوريكوا اللبس بتاع دورى الجديد فى المسرحيه

شذى:اه صح انتى عامله دور ايه؟

هدى:هجيب اللبس وانتى هتعرفى

ودخلت تجيب اللبس وطلعت وحطته قدامهم وقالت

مفاجاة

شذى:ههههههههههه

علا:ههههههههههههه ايه اترقيتى وهتبقى خدامه ولا ايه

هدى:ههههههههههههه ياريت انا طالعه ...........بنت شوااااارع

شذى:هههههههههه هو ده اخرك اصلا

علا:البسيه كده ورينى

شذى:هههه من غير ما تورينا اكيد لايق عليها ههههههههههههه

هدى:ماشى يا رخمه

علا:لا بجد البسى كده ورينى

هدى:لا انا مش هقوم البس

وبصت لشذى وقالت

ما تقومى انتى كده ورينى:شذى:انا؟!.............لا طبعااا مستحيل

علا:اه صح قومى خلينا نضحك شويه ههههههههههههههه

شذى:نضحك شويه ههههههه ما تقومى انتى

علا:بجد يا شذى قومى عشان خطرى

شذى:والله انا فيقالكم اصلا

بس هقوم عشان انا عارفاكم هتزنوا لحد ما اقوم

هاتى

فدخلت لبسه جلبيه مرقعه وايشرب لفته على البروكه السودا اللى لبستها

وخرجت واول ما شافوها ماتوا على نفسهم من الضحك وفضلوا يتريقوا عليها

وهما بيضحكوا سمعت شذى صوت عربيه بتخبط عربيتها فبصت من الشباك بسرعه وصوتت وقالت

عربيتى

ونزلت بسرعه بالبس من غير ما تاخد بالها ووقفت عند العربيه تعيط وتقول

ياربى يعنى امبارح اخسر شغلى وانهارده اخسر العربيه انا مين داعى عليا بس

وهى كانت بتعيط كان اسر معدى من الشارع فلمحها فوقف العربيه ونزل منها وقرب منها من غير ما تاخد بالها منه ولما قرب ااوى قال

فى حاجه

فلفت نفسها واتخضت لما شفته قدامه وعينها جت فى عينه ولما بص فى عينها افتكر العيون اللى سحرته قبل كده فبصله شويه وهى قطعته وقالت

لا اتفضل انا مش عايزة حاجه

اسر:لو فى حد ضحك عليكى ومدكيش حقك فى اللى بتبعيه انا مستعد اعوضك بس بلاش العيون الحلوة دى تعيط

فاستغربت من كلامه بس استغرابها راح لما انتبهت على اللى لبساه فابتسمت من غير ما ياخد باله وقالت

لا شكر خلى فلوسك علشانك وسبته وطلعت بسرعه وفضل باصص اسر عليها لحد ما اختفت من قدامه وركب العربيه وراح الشركه اما شذى فطلعت بتضحك جااامد فاستغربت علا وهدى وقالت

ايه يابنتى هو خبط العربيه جننك ولا ايه

شذى:هههههههههههههههههههههه

هدى :والله مجنونه

علا:ايه يا بنتى مالك؟

شذى:مش هتصدقوا قبلت مين تحت

علا وهدى:مين؟

شذى:اسر

علا:ايه بالبس ده؟

شذى:هههههههههههههه وافتكرنى بنت شوارع ههههههههههه

علا:ايه ده معرفش انك الصحفيه اللى مجنناه؟

شذى:هو اصلا يابنتى عمرة ما شافنى قبل كده هههههههههههههههههه دا كن شاف هدى فى المكتب عندى وافتكرها انا

هدى:لو كمان خلتنى اسيبه وامشى من غير ما اعتز منه

علا:يا حراااااااام والله انتى جبارة

شذى:ههههههههههههه احسن

هدى:والله يا علا لو كنتى شفتى اسر بيتكلم ازاى كنت قولتى ان شذى ظالماه

علا:بجد يا هدى؟

شذى:متصدقهاش يابنتى

اصلها وقعت فى غرامه لما شفته

علا:ههههههههههه الصراحه عندها حق

هدى:لو كمان لما شفته ع الحقيقه كان احلى كتير من الصور

علا:اه ما انا كذى مرة شفته مع ياسر

هدى:يابختك

شذى:ههههه ايه خلاص اقول مبروك ولا ايه؟

علا:ههههههههههه خلاص وانا عليا هفتحه فى الموضوع

هدى:هههههههه والله انتوا باردين

علا:ههههههههههههه صحيح يا شذى انتى ناويه تعملى ايه؟

شذى:مش عارفه

بس اللى انا عارفاه كويس انى لازم اعرف اكتر عن اسر

بس اللى انا مش عارفاه هو ازاى اعرف عنه حاجات كتير

علا:انسى انك تعرفى شخصيه اسر كويس غير لما تقربى منه وساعتها بس هتعرفى ان كان شكك فى محله ولا لاء

وانا اعتقد لا لانى قريبه من ياسر وياسر على طول يحكيلى عنه وقد ايه هو انسان مفيش زيه

شذى:شذى :مش صاحبه؟لازم طبعا يقول كده

بس انا ازاى هقرب منه وهو مش بيرضى يعمل معايا تحقيق صحفى

علا:مش عارفه بس حتى لو قبل هو هيقول كلام اكيد فى صالحه وانتى اكيد مش هتصدقى

يبقى لازم تقربى على اساس صديقه او.............

شذى:صح انتى عندك حق

علا:هتعملى ايه يعنى؟

شذى:بعدين اقولك

هدى:والله انتى مجنونه وهتودى نفسك فى داهيه

وفضلوا يتكلموا مع بعض

******************************

اما اسر فراح ع الشركه وفعد فى مكتبه وكل ما يغمض عينه يشوف عيون شذى الزرقا الحلوة والدمع فيها ويغرق فى سحرها وشبه عيونها بعيون البنت المجهوله من رايه اللى صادمها على باب الجريده

وقال لنفسه:

يااااااه قد ايه عيون البنت دى جميله مش حرااام ابوها ازاى يسيبها كده انا لو عندى بنت بالجمال ده مكنتش سيبتها ولا لحظه تبعد عن يعنى

بس غريبه دى عيونها نفس عيون البنت اللى انا قبلتها قبل كده

فضحك وقال

انا متراقب ولا ايه

ودخل عليه اخوه فارس بعد ما خبط كتير لكن اسر مش سمعه طبعااااا فدخل اخر ما زهق فقرب منه فلقاة مغمض عينه وبيبتسم فقال فارس بصوت عالى

ما شاء الله هو ده الشغل يا اسر بيه

فاتخض اسر وقال

ايه ده انت هنا من امتى ؟

فارس:من اول امبارح يا راجل

اسر:اقعد اقعد

ايه اللى حدفك عليا؟

فارس:قلت اجى اسلم عليك قبل ما اروح على شرم

اسر:شرم؟ شرم ايهظ

فارس:طالع يومين كده مع الشله اخد نفسى بعيد عن سلمى وزنها

اسر:يونين ايه؟انت ناسى ان خالتك هتسافر امريكا تعمل العمليه بكرة ولا ايه؟

فارس:ما البركه فيك انت وسلوم

اسر:والله انت ما عندك دم

احنا لازم نكون معاها قبل ما تسافر وكمان احنا لسه مش عارفين مين اللى هيسافر معاها

فارس:ملك طبعااا

اسر:انت ناسى ان عندها امتحانات ومش هينفع تسافر

وانا عندى شغل مهم ومش هينفع اسيبها لولا كده انا كنت رحت معاها ومترددتش لحظه

فارس:انت ناسى ان الباسبور بتاعى ضايع ومش هلحق اعمل واحدظ

اسر:اه صح

فارس:طيب هنعمل ايه ؟

اسر:كده مقدمناش غير سلمى بس يا رب ميطلعش عندها حاجه والا كده انا هضطر اسيب الشغل واروح انا ماهوه مش هينفع نسيبها لوحدها

فارس:خلاص يا عم قشطه عايزنى فى ايه بقى؟

اسر:خلاص انت حر بس خلى بالك خالتك هتزعل اوى وملك بردو

ملك مين ياعم اللى هفكر فى زعلها ع العموم انا هعدى على خالتو وهعتزرلها اطلع انت منها بس

اه صحيح انت كنت سرحان فى ايه بقى يا برنس

اسر:فى الشغل طبعااا هيكون فى ايه؟

فارس:عليا يا واد الكلام ده والشغل بقى اللى كنت سرحان فيه شعرة اصفر ولا اسود

اسر:هههههههههه انا مش هخلص منك روح دلوقتى عندى شغل وانا بالليل هحكيلك

فارس:يا سلام على اساس انى اهبل ولا ايهظ

بالليل فين وانا مسافر يا نصابظ

اسر:اه صح عادى هكلمك ع التليفون

فارس:ماشى ياعم براحتك

**************************

وخرج فارس عشان يروح لخالته فراح وخبط ع الباب ففتحت ملك ولما شفته دخلت من غير حتى ما تسلم عليه فمسك دراعها وقال

ايه يابت مش هتسلمى ولا ايه

ملك:اوعى

عندى مذاكرة انا داخله

فارس:ماشى ماشى والله لما ارجع من السفر هوريكى

ملك:سفر؟ سفر ايه ؟

فارس:مسافر مع اصحابى كام يوم

ملك:,.........مع اصحابك؟

ودخلت اوضتها فاستغرب فارس من رد فعلها وقال

مالها دى

وبعدها دخل لخالته وقالها فبان عليها الزعل لكن قالتله روح يا حبيبى وترجع بالسلامه فحس بزعلها وقال

انت صدقت يا قمر ؟

انا لايمكن طبعاا اروح فى حتى غير لما اتطمن عليك

وقعد يزغزغها وهى تضحك وتقول

اوعى يا واد انا مش قادرة

فارس:مش قادرة ايه بس يا منوش (منى) دا انتى لما بيشوفوكى جانبى بيقولوا انى خالك مش انتى اللى خالتى

منى:بس يا بكاش ويلا امشى عشان عايزه ارتاح شويه

فارس:ماشى افهم من كده انك بتدردينى

منى:اه يلا بقى

فارس:كدة يبقى انتى اللى مخليه بنتك تعملنى بالطريقه دى صح؟ متفقه معاها ضدتى ماشى يا خالتو

منى:لا يا ناصح هى متضايقه من حاجه تانيه

فارس :حاجه ايه ؟

منى:اصل عامر ابن عمها متقدملها وهى مش موافقه

فارس:مش موافقه ليه؟دا عامر كويس جداا ومحترم وكمان السنه دى هيتخرج من كليه الطب

منى:قول لبنت خالتك بقى

فارس:ماشى يا جميل ارتاحى بقى عشان تعبتك وانا هتكلم معاها

وقام فارس وراح عند اوضت ملك ووقف ثانيه محتار ومش عارف هو محتار ليه واتردد انه يكلمه وسال نفسه

مالك يا فارس وقفت ليه ماتدخل تكلمها ايه اللى موقفك ع الباب

ادخل يمكن تقنها انها تقبل بيه

وليه اقنعها وانا مالى ما هى حرة

يلا ادخل انت قولت لخالتك انك هتكلمها

بس انا مش عايز

ليه؟

مش عارف انا هدخل وخلاص

فخبط وسمحتله بالدخول فدخل وهى قاعده ع المكتب بتاعها وقدامها اللاب توب والكتب فقال

ورينى بتذاكرى ايه يا فشله

ملك:عايز ايه قول بسرعه عندى مذاكرة

فارس:كده ماشى شكراا مش عايز حاجه

ملك:اتفضل قول اللى انت عايزه

فارس:مفيش انا كنت جاى بس عشان........يعنى وانا بتكلم مع خالتو قالت ان عامر طلب ايدك وانتى مش موافقه فاستغربت

ملك:استغربتظ

فارس:اه عامر انسان كويس ومعتقدش انك هتلاقى احسن منه

ملك:...............انت.....شايف كده؟

فارس:اه

فمسكت الدموع بالعافيه وقالت

خلاص طالما انت شايف كده ومن رايك انى اقبل اتجوزة .........

خلاص ..........اوعدك انى هفكر فى الموضوع تانى

***************************

وخرج فارس ولما خرج فضلت تعيط جاااامد اووى لدرجه ان امها سمعتها فدخلت عليها وسالتها فقالت

لا مفيش حاجه يا ما

بس مخنوقه شويه

ام ملك:مخنوقه؟انا عارفه انتى بتعيطى ليه؟

ملك:عارفه؟!!!!

ام ملك:اه عارفه فكرك انى مش واخده بالى من غيرتك على فارس واهتمامك بيه

ملك:اناظ!!

ام ملك:اه انتى

بصى يابنتى عايزة اقولك على حاجه

صحيح انا اتمنى ان كل اللى بتتمنيه يحصل بس متنسيش ان فارس صحيح كويس بس هو عامل لنفسه حياة تانيه كلها سهر وفصح وبنات

وانتى مجرد بنت خالته وبس وعمرة ما هيشوفك غير كده

واعتقد انك اتاكدتى دلوقتى من كده

فعشان خطرى تطلعيه من دماغك عشا ن متتعبيش من الحقيقه

************************

وروح فارس البيت واتصل بكريم وقاله انه مش رايح وقعد فى الوضه سرحان ومش عارف هو سرحان فى ايه لحد ما قرر انه يقوم ينزل يشترى شويه حاجات من السوبر ماركت ويعملهم مفاجاه انه مش مسافر ويعملهم احلى اكل ويسهروا مع بعض

فنزل يجيب حاجات ولما احتار يجيب ايه اتصل بملك فمردتش عليه فحاول كتير وبردوا مش بترد فاتصل بخالته فقالتله انها نايمه وشويه ولقيته بيخبط عليهم الباب ففتحتله خالته

فقال

معلش يا خالتو بس انا كنت محتاج ملك ضرورى

ام ملك:مش لسه متصل وقلتلك انها نايمه

فارس:انا هصحيها روحى ارتاحى انتى بس

ودخلت خالته على اوضتها وخبط على ملك ودخل وهى كانت عامله نفسها نايمه فقال

قومى يابت تعالى معايا

فمردتش عليه فقال

قوووومى انتى هتعملى فيها نايمه

فقامت وقالت

انا عايزة انام لو سمحت اطلع بره

فارس:هخليكى تنامى زى ما انتى عايزه بس تعالى دلوقتى معايا

ملك:اجى معاك فين

فارس:اصلى مش مسافر وقلت اعمل لسلمى واسر مفاجاه وكمان اعملهم عشاء تمام

وكنت محتجك معايا

ملك:مش هقدر انا عندى مذاكرة ومش هينفع اروح معاك

فارس:قومى بقى يا رخمه وانا هذاكرلك ما تقلقيش

ملك:يااا ربى

فارس:عشان خاطرى قومى بقى

ملك:ماشى بس يا ريت بسرعه

فارس:ايوه كده يا قمر خمس دقايق وتجهزى هستناكى بره يلا بسرعه

فخرج اسر وهى جهزت بسرعه وخرجت معاها فراحوا السوبر ماركت واشتروا حاجات كتير اووى ولما خلصوا من الشرى قالت ملك

انا اتاخرت ولازم امشى

فارس:ايه النداله دى انتى هتسيبينى اطبخ كل دول لواحدى

عشان خاطرى اطلعى معايا نجهز الاكل بس

ملك:ياااربى

ماشى بس بسرعة

عشان بس تعرف انى اجدع منك

فارس:ماشى يا جااامد

فطلعوا مع بعض وطلعوا الحاجات وقاعدوا يجهزوا فيهم ومعظم الحاجات عملها فارس اما ملك بس عملت السلطه وجهزت السفرة وحطت الشمع عليها وجهزت الاطباق فقال فارس

مش عيب عليكى انا عامل الاكل كله وانتى تعملى بس السلطه

ملك:احمد ربنا انى جيت معاك اصلا

فارس:ماشى ماشى

انا بس مش عايز احرجك واوريكى الاكل اللى انا عاملته عشان عارف انك والحمد لله مبتعرفيش تعملى غير السلطه هههههههههه

ملك:كده ماشى اقعد انت بقى مع الاكل اللى انت عاملته وكفايه عليا كده اووى

فارس:يعنى ساعدتينى وعايزة تمشى كدة من غير ما نسهر كلنا مع بعض

ملك:مش انا بردوا معملتش حاجه؟

فارس:الصراحه.............انا مش عارف من غيرك انا كنت عملت ايه

بجد شكراا

وشويه وحطوا الاكل ع السفره

وشويه سمعوا صوت عربيه اسر ومعاه سلمى فطفوا النور بسرعه ووقفوا ورا العمود اللى فى الصاله

ولما دخلوا ولقوا النور ماطفى فقال اسر

مفيش فايده فى فارس الحمار ده كذى مرة اقوله ميطفيش النور مفيش فايده فقاد النور وطلع فارس من ورا العمود وقال

ماشى يا واطى بتتكلم عليا فى غيابى

اسر:هههه ايه يابنى ده انت مش قلت انك مسافر؟

فارس:قلت بلاش احرمكم منى فقلت بلاش اسافر

وجهزتلكم مفاجاه

فبصوا ع السفرة ولقوا الاكل فقالوا انت اللى عامل كل ده

فقال:

اه طبعااا بس الصراحه مش لواحدى

سلمى:امال مين معاك؟

فمسك ايد ملك من ورا العمود وطلعها وقال

اقدملك مساعدتى الجديده

اسر:اهى دى بقى مفاجاه احلى من مفاجاه الاكل

فبصت ملك لفارس وقالت

سامع؟اهوه هو ده الكلام

فارس:ماشى يا ستى اتفضلوا بقى ع الاكل احسن ما يبرد

وقاعدت سلمى جانب ملك وقدمها اسر وملك قدامها فرس واكلوا وشويه قام فارس وشغل موسيقى هاديه وقال

يلا يا جماعه نقوم نرقص

فقالت سلمى:انا هرقص مع اسر حبيبى

فارس:ماشى يا زباله

وانا هرقص مع احلى بنت قاعده معانا

وبص لملك ومسك ايدها وقال هترقصى معايا يا احلى بنوته؟

وقاموا رقصوا وهى كانت بتحاول تمسك نفسها وتبعد عينها عن عينه علشان مش تحسسه بحاجه ولما خلصت الاغنيه قاعدوا يضحكوا لحد الساعه 12 بالليل وبعدها قامت ملك وقالت انا اتاخرت اووى ولازم امشى فنزل فارس عشان يوصلها وركبت العربيه وقال فارس

تعرفى انى انهارده اتبسطت اووى واكيد لو كنت سافرت مكنتش انبسطت كده بجد شكراا ع السهرة الحلوة دى

ولون كان نقصها كام بت كده.......... فبصتله ملك بغضب فضحك فارس وقال

خلاص خلاص يا معلم

وساق بسرعه لبتها وقالها

تصبحى على خير وطلعت وهو روح ع البيت

**************************

وتانى يوم قامت شذى الصبح بدرى ولبست اللبس بتاع الشغل بتاع هدى من غير ما تعرف ونزلت بسرعه وراحت قدام الشركه بتاعت اسر وفضلت واقفه مستنياه لكن هو ماجاش لانه كان مشغول بخالته وتجهيز حاجاتها وراح معاها ع المطار هو وفارس وسلمى سافرت معاها ولما طلعت الطائرة رجعوا اسر وفارس وملك ع البيت واقنع اسر ملك انها تفضل قاعده معاهم لحد ما خالتهم تيجى من السفر واخيراا اقناعوها لانهم مش هيبقوا متطامنين عليها وهى لوحدها فى البيت وطلعت معاهم ع البيت وشويه وخرج اسر ع المستشفى وفارس لاصحابه وفضلت ملك فى البيت لوحدها واخيرا راح اسر ع الشركه الساعه 5 بعد ما كانت هتمشى شذى لكن قبل ما تمشى بلحظه لقت عربيه اسر فراحت عليها بسرعه

[semsema elhor]

اتمنى انكم تقرؤها وتعجبكم
وعايزة اعرف رايكم عشان اكملها باذن الله

[قلب وكلمات]

تثبت ولي عودة للرد

تحياتي وكامل تقديري

القيصـــر

قلب وكلمات

[نغم حياتى]

حلوة اوووى كمليها بسرعه يا سمسم

[قلب وكلمات]

رائعة حقاً وأنتي صدقاً مبدعة

استمتعت جداً بالقصة بل متشوق جداً

إلي الجزء الثاني وإلي النهاية

كل كلماتي لا تعطيكِ حقك

أنتي رائعة ومبدعة وفنانه

سيدتي اتمني لكِ مزيد من التألق

تقيمي البسيط + خمس نجوم

تحياتي وتقدير

القيصـــر

قلب وكلمات

[semsema elhor]

شكرااا القيصر ع الكلام الرائع ده
وان شاء الله اكملها ف اقرب وقت

[البرنسيسة1]

يا جااااااااااااااامد

[semsema elhor]

فشافها اسر واستغرب وضحكلها وقال

مش انتى ..............

شذى:لاء مش انا

اسر:عرفتى منين انى اللىاقصدها مش انتى

شذى:هو كده انا عارفه

اسر:هههه ماشى انا اسف

وكان هيطلع فاسرعت شذى وقالت

لوسمحت يا بيه

اسر:نعم فى حاجه؟

شذى:اصلى............يعنى كنت عايزةاطلب من حضرتك طلب

اسر:منى انا اتفضلى

شذى: عايزة اشتغل مع حضرتك ممكن

اسر:ههههههه تشتغلى معايا انا؟

شذى:اه معاك انت

اسر:وهتشتغلى ايه بقى معايا؟

شذى:اى حاجه حتى لو هتخلينى المديرة او الرئيسه

اى حاجه المهم احسن من البهدله اللى انا فيها دى

اسر:ههههههههههههههه المديرة او الرئيسه بس كده

شذى:مؤقتاا بس لحد ما تتاكد من شطرتى

اسر:ههههههههههههه يا ريت بس للاسف

انا عندى مدير ورئيس

فعيطت شذى بخباسه وقالت

ارجوك

وبصت فى عينه فبصلها واتسحر لتانى او تالت مرة وقال بصوت واطى

لو عليا مخلكيش تشتغلى ولا تتعبى خااالص

فقالت

يعنى موافق؟

اسر:طيب..........خلينى اشوف انا ممكن اعمل ايه وهبقى ارد عليكى

فعيطت تانى شذى تانى

اسر:بتعيطى ليه تانى بقولك هرد عليكى

شذى يبقى مش هترد

اسر:ليه؟

شذى:زى الافلام بالظبط طالما قولت هرد عليكى يبقى مش هتوافق

اسر:هههههههههههههههههه

لا اوعدك انى هرد عليكى

شذى:خلاص اجى كمان دقيقه ولا اتنين

اسر:ههههههه لا تعالى بكرة زى دلوقتى

وقالت شذى :ماشى بس مش تنسى

وبصت فى عينه ومشيت

اسر:يااااااااااااا

شذى:نعم

اسر:هو انتى اسمك ايه؟

شذى:انا.............

اسر:ايه نسيتى اسمك؟

شذى:لا اصلى بفكر اصل ابويا بيقولى يا نورهان واصحابى بيقولولى يا نور

اسر:ماشى يا نور

ومشيت شذى وهو فضل يبص عليها وبعدها طلع ع المكتب وكل ما يفتكرها يضحك وهو مش عارف يعمل معاها ايه ولا يساعدها ازاى وحس احساس انه مسؤل عنها ومش ينفع يسيبها

ولما خلص شغل راح ع البيت واتصل بفارس وقاله يجى ضرورى ولما جيه قاله

ايه يابرنس ايه اللى حصل؟

اسر:فى بنت قابلتها انهارده وكانت عايزة تشتغل عندى و.............

فارس:قشطه البنت دى حلوة؟

اسر:اسمعنى بس

المشكله انها مش بنت عاديه................يعنى مش قصدى

اصلها بتبيع فى الشارع يعنى اكيد مش متعلمه

فارس:ايه دا يابنى ووقعت عليها منين دى؟

اسر:قولى ممكن اشغلها ايه؟

فارس:مش عارف على حسب لو كانت مزة يبقى خليها تشتغل هنا فى البيت لكن لو مش حلوة ابعدها عنى

اسر:اتطمن مش مزة بس

فارس:قشطه انا هشغلها مساعد ليا

اسر:ههههههههه اتكلم يابنى مرة بجد فى حياتك

انا بفكر انى اشغلها فى الشركه

فارس:هههههههه هتشغلها ايه بقى حارس

اسر:اى حاجه ان شا ءالله سيكرتيرة عندى

بس هى اكيد مش بتعرف تكتب ولا تعرف كمبيوتر ولا اى حاجه خااالص

فارس:اكيد يابنى

اسر:طيب من رايك اعمل ايه

فارس:والله ممكن ....................

مش عارف لاء

اسر:.......لا بجد افدتنى

فارس:وانا مالى ياعم بقى عشان كده بعتلى

اسر:اه وكمان عشان متسيبش ملك قاعدة لوحدها فى البيت

فارس:وانا مالى هو انا هشتغلها داده

اسر:يا اخى خلى عندك دم شويه

احنا مش اصرنا عليها تقعد معانا عشان نسيبها لوحدها بردو

فارس:صلح كلامك انت اللى اصرت عليها

انا مقلتلهاش حاجه

يبقى اقعد انت معاها بقى

وهما كانوا بيتكلموا كانت ملك سامعه كلامهم كله واللى قاله فارس كمان فزعلت جدااا وفتحت الدولاب وحطت الهدوم فى الشنطه ولبست وخرجت عليهم وهما بيتكلموا

فاستغرب اسر وقال

انتى رايحه فين؟

وايه الشنطه دى؟

ملك:انا رايحه ع البيت

اسر:ليه ايه اللى حصل حد زعلك؟

قولى مين وانا اظبطه

ملك:لا مفيش بس انا مش عايزة اتقل على حد وكمان مش هبقى مرتاحه الا فى بيتى

اسر:بلاش هبل يا ملك ودخلى الشنطه ويلا عشان نخرج نتعشى سوا

ملك:ارجوك يا اسر متضغطش عليا

انا عايزة اروح البيت

اسر:لا يمكن اخليكى تطلعى من هنا

احنا مش اتفقنا ايه اللى حصل تانى

ما تتكلم يابنى

فارس:خلاص ياعم سيبها براحتها

اسر:يا ريتك ما اتكلمت

ملك:لا بالعكس هو عنده حق

عن ازنكم انا رايحه

فقام اسر وقرب منها وقال

انت اكيد زعلانه من حاجه قوليلى زعلانه من ايه؟

ملك:لو بجد بتخاف على زعلى خلينى اروح دلوقتى يا اسر

اسر:كدة ؟ماشى براحتك انا هوافق انهارده بس عشان شكلك متضايقه من حاجه بس بكرة انا هعدى عليكى ولازم اعرف فى ايه؟

قوم يا فارس وصلها عشان عربيتى خلصان بنزينها

ملك:لا

انا هروح لوحدى

اسر:مفيش حاجه اسمها لواحدك

يلا قوم يا فارس

ملك:لا يا اسر انا هروح لواحدى

اسر:مش هسيبك تروحى لوحدك دلوقتى

لما استنى وانا هنزل معاكى اوصلك

ودخل عشان يلبس وندى لفارس ولما دخل قال

والله انت ما عندك دم قاعد مقلتش حاجه مفيده ولا حتى كلفت خاطرك وقولتلها بلاش تمشى

فارس:ما تسيب كل واحد برحته يا اخى

وسمعوا صوت الباب بيتفتح فخرجوا من الاوضه بسرعه ملقوش ملك قاعدة

اسر:انزل بسرعه الحقها

فنزل اسر بسرعه ولحقها فى الشارع اللى وراهم ماشيه وهو كان بالعربيه فقرب منها ونزل من العربيه وقال

انتى ايه اللى نزلك هو مش اسر كان بيلبس عشان يوصلك

انتى مجنونه؟

فكملت ملك مشى من غير ما تتكلم ولا كلمه فقرب منها وقال

انتى مبترديش عليا ليه

وبردوا كملت مشى

فمسك دراعها وشدها ناحيته وقال

مالك؟!!!!

فبصتله وعينها مليانه عتاب وقالت

وقالت بكل برود

مليش نفس ارد عليك

فارس:.............

وشدت ايديها وكملت مش وهو وراها لحد ما وقفه واحد وقال

مش عيب عليك تعاكس واحده محترمه زى دى

انت معندكش اخوات تخاف عليهم

فارس:ايه يا عم الحاج دى بنت خالتى

الراجل:بنت خالتك ايه يا قليل الادب

وملك بتبص عليه وهى فرحانه فيه

فارس:ماتقولى حاجه يا ست ملك

ملك:.................

الرجل:عارف لو ممشتش من هنا حالا بعربيتك دى

انا هوديك القسم فوراا

فركب العربيه بتاعته وبعد عنه شويه ووقف على اول الشارع ولما شاف ملك وهى جايه واتاكد ان الرجل مشى نزل من العربيه ومسكه بقوة وقال

اركبى بقى عاجبك كده

ملك:اه اوعى وجعتنى اه

فارس:احسن اركبى احسنلك

ملك:قولتلك مش راكبه

فشدها بقوة ودخلها العربيه وقفل وركب وساق العربيه وهى طول الطريق بتخانقه وقالت

والله انت حيوان

فارس:...............

ولما وصل البيت عندها نزلت وقال

بكرة هتيجى عندنا لغايه ما تيجى خالتو ولا هتشوفى انا هعمل ايه

وركب العربيه بسرعه ومشى

وهى طلعت نامت وهو راح ع البت ونام بعد ما هزقه اسر شويه على اللى عمله واللى قاله

ودخل هو كمان ينام وطول الليل بيفكر يعمل ايه لنور (شذى)

والوقت ده كانت سلمى صاحيه واتصل هشام بيها

الو

سلمى:الو يا حبيبى

هشام:عامله ايه يا حبيبى

سلمى:تمام

هشام:انا بقى مش تمام

طالما انتى فى بلد وانا فى بلد

سلمى:انا شاء الله خالتو تقوم بالسلامه ونرجع على طول

هشام:متتصوريش انتى وحشانى قد ايه؟

سلمى:اقولك على حاجه؟

هشام:قولى يا قلبى

سلمى:انا مكنتش اتخيل انى بحبك اووى كده غير لما حاسيت انك بعيد عنى

هشام:انا بقى قبل ما تسافر كنت بموت فيكى وانتى بعيدة عنى دلوقتى حاسس ان الدنيا ملهاش طعم

وفضلوا يتكلمو ساعتين من غير ما يحسوا ع الوقت وقفلوا وهما مشتاقين يشوفوا بعض وتانى يوم نزلت علا وراحت عند شذى فاندهشت للى قالتهلها

شذى:انا قررت اتقرب من اسر من غير ما يعرف انى شذى

علا:..........ازاى يعنى

شذى:فاكرة لما قبلت اسر بالبس بتاع هدى وافتكرنى بنت شوارع

علا:اه

شذى:انا بقى رحتلها امبارح واكدتله المعلومه دى وطلبت منه شغل

علا:........انتى مجنونه

طيب لو عرف انك شذى هتعملى ايه؟

شذى:اتطمنى مش هيعرف هو اصلا ولا مرة شافنى يبقى هيعرف منين

علا:ماشى هو مش عارفك طيب لو حد شلفك معاه وعرف انك شذى وراح قاله هتعملى ايه؟

شذى:..............انا مافكرتش فى الموضوع ده

بس اصلا بعد شعرى ما صبغته وقصرته مفيش حد كتير شافنى كده وانتى اللى قلتيلى انى شكلى اتغير جداا وانتى نفسك معرفتنيش

علا:ايوة بس.............

شذى:مفيش بس انا هقبله انهرده وهكمل فى اللى انا بداته

علا:انتى حرة بس انتى اللى هتخسرى

شذى:المهم انا قلتلك بس عشان لو شفتينى معاه وانتى كنتى مع ياسر اعملى نفسك مش عارفانى خاااالص

*************************

وكملوا كلام ونزلت علا راحت الجامعه اللى شغاله فيها

اما اسر فصحى الصبح ونزل المستشفى وقابل هناك ياسر وكان هشام لسه مجاش وطلب منه انه يجيبله مدرسين لغه وكمبيوتر

ياسر:ايه هترجع طالب من الاول ولا ايه

اسر:هههه اه بس اعمل اللى انا بقولك عليه وبس

واصروا انهم يعرفوا لكن هو رفض يقول

ياسر:ماشى يا عم لغه انا ممكن اجبلك علا بنت عمتى

اسر:كويس

يبقى فاضل الكومبيوتر

بس عايزهم بعد يومين ضرورى ماشى؟

ومشى اسر يشوف الغرف ويتطمن ع المرضى

ياسر:انت فاهم حاجه؟

ومن امتى واسر بيتفهم اصلا

***********************

ولما خلص شغل فى المستفى راح الشركه

واتصل ياسر بعلا وطلب منها انهم يتقابلوا فى النادى الساعه 3

واتصل عامر ابن عم ملك بيها وطلب منها انه يقابله فى النادى بردوا الساعه 4 وهى اعتزلتله لكن هو اصر فوافقت

وفارس لما صحى 12 اتصل بملك مش ردت فقام بسرعه لبس وراح البيت وخبط ولما فتحت قال

عرفه لو اتصلت تانى ومردتيش انا هعمل ايه؟

ملك:هتعمل ايه

فارس:خليها مفاجاه ابقى اعمليها تانى وانتى هتعرفى

تانى حاجه انتى ليه لسه قاعدة هنا لحد دلوقتى انا مش قلتلك اول ما تصحى تيجى لعندنا

ملك:وانا قلت لا يعنى لا

فارس:متعنديش معايا بدل ما اشيلك انتى وحاجاتك واوديكى بالعافيه

ملك:ماتحلمش

فارس:كده ماشى

فزقها ودخل لقى هدومها فى الشنطه لسه مطلعتهاش واخد كتبها ونزلهم فى العربيه وطلع وقال

هتنزلى معايا ولا لاء

ملك:حتى لو اخدت الاوضه كلها مش نازله

فارس:كده اوكيه

فشلها بالعافيه وهى صرخت وقالت

اوعى يا مجنون سيبنى اوعى اوعى

ودبدبت برجليها وهو مش راضى يسيبها الا لما نزلوا وركبها العربيه بالعافيه وراحوا البيت وطلعت بسرعه لانها كانت لابسه البيجامه ولما طلع وراها صرخت فى وشه وقالت

انت حيوان ومتفتكرش انى هقعد هنا دقيقه واحده

نزل الحاجات عشان اروح

فبصلها ببرود وقال انا قفلت الباب بالمفتاح ورينى بقى ازاى هتخرجى ياجميلة

ودخل على اوضته وقفل الباب وشغل اغنيه

اتخنقت لاء زهقت مالحياه ومن اللى فيها والبيت واللى فيها

وكان معلى الكاست ع الاخر وبيغنى معاه

فاضيقت جدااا ودخلت اوضتها وقفلت الباب وحاولت تفكر تعمل ايه عشان تخلص منه

وبعد ساعه طلع فارس من اوضته وخبط عليها ولما فتحت قال

عايز مج نسكافيه يا قمر

ملك:عايز حاجه روح اعملها لنفسك

فارس:بقولك عايز نسكافيه يا قمر

ملك:بقول عايز حاجه اعملها لنفسك

فارس:وانا بقولك لو مقمتيش تعمليلى النسكافيه هخليكى تعمليه بالعافيه

ملك:انت ماااااالك ومالى انا عايزة اعرف

فارس:رخامه

انا بحب ارخم عليكى

ملك:وانا بقى مش فاضيه كلها شويه وهلبس عشان اقابل عامر

فارس:جميل

شوفى بقى مين اللى هيفتحلك عشان تقابلى عامرافندى

ملك:يعنى انت عايز منى ايه انا مش فاهمه

فارس:مج نسكافيه

ملك:اوووووووووووف ماشى

فارس:ايوة كده انتى كده زى القمر

روحى بقى ياشطرة اعملى بس يا ريت بسرعه

فدخلت المطبخ تعمل النسكافيه وكان فارس وراها وهى مش واخده بالها ففكرت تحطله ملح بدل السكر وهى ماسكه العلبه طلع فجاه فرس ومسك ايدها وفيها العلبه وقال

انا كنت حاسس بخيانه

ملك:اه اوعى ايدى

فارس:كده بردوا

يابنتى الحركات دى مش عليا دا انا اللى مربيكى

ملك:ماشى يابابا اوعى بقى احطلك السكر

فارس:اتفضلى

وحطت السكر وفضل واقف لحد ما خلصت النسكافيه وهى بتديه النسكافيه قال

لازم الواحد يرعبكم عشان تمشوا مظبوط

فاتنرفزت ملك ودلقت المج عليه وحرق ايده وطلعت تجرى على اوضتها

فارس:اه

يابنت الجنيه

والله لاوريكى وطلع يجرى وراها وفتح باب الاوضه فصرخت وقالت

مكنش قصدى يا فارس اصلك استفزتنى

فارس:استفزتنى

دا انتى شوهتينى

مين هيبصلى بعد العاهه اللى انتى عملتيهالى دى

ملك:هو ده كل اللى همك ؟

طيب احسن

فارس:احسن والله لهوريكى

تعالى هنا يابت

ملك:اه اه اه خلاص خلاص

فمسكها ووقعها ع السرير وهو عليها وكان شعرها مفرود ع السرير والاوسه نازله على عينها الرمادى الجميله فحس فارس انه اول مرة يشوفها وحس باحساس غريب فسبها بسرعه ونزل وساب المفتاح عشان تنزل فاستغربت من تصرف

وساعه وقامت لبست ونزلت عشان تقابل عامر

************************

وعلا نزلت على 3 تقابل ياسر ولما راحت النادى لقته هناك

علا:ازيك يا ياسر؟

ياسر:تمام

بس ايه القمر ده

علا:ههههههه ماشى ياعم

طلبتنى ليه؟

ياسر:استنى بس مش نشرب حاجه الاول

علا:اوكيه انت عارف طلبى طبعااا

ياسر:عصير المانجو المعتاد

وطلب المانجوا ليهم هما الاتنين وقعد يسالها عن احولها وهى كمان وفى الاخر قال

انا طلبتك ياستى شان عايزك فى شغل

علا:شغل ايه؟

ياسر:عايزك تعلمى لغه لحد

علا:حد مين؟

ياسر:والله ما عارف

علا:دى فزورة؟

ياسر:اسر اللى طلب منى ومقليش اى تفاصيل تانى

علا:خلاص انا موافقه بس هنبدا امتى

ياسر:تقريبا بكرة

وانا هتصل بيكى بردوا اكد عليكى

علا:تمام

ياسر:بس انا ليا نسبه خلى فى علمك

علا:ههههههه ماشى

عشرة فى الميه كويس

ياسر:ماشى عشانك انتى بس

علا:هههههههه

ياسر:بس على فكرة بجد انتى زى القمر

علا:................

ياسر:بقولك ايه ما تدينى دروس لغه انا كمان

علا:هههههههههه بس هتدفع

مش عشان ابن عمى خلاص

ياسر:يا ساتر

ماشى هدفع

*************************

ووصلت ملك على النادى وكان عامر فاعد هناك وهى رايحه لعنده شافت ياسر فسلمت عليه وعلى علا

وراحت لعامر وسلمت عليه وقعدت وطلبلها ليمون ولنفسه

عامر:انا طلبتك عشان اعرف ايه رايك

ملك:فى ايه؟

عامر:فى...........طلبى للجواز منك

ملك:.................

انا طبعاا مش هلاقى احسن منك بس..........

انا لسه بدرس والموضوع ده فى دماغى للاسف انا مش بفكر فى الارتباط دلوقتى

عامرة:بس السنه دى اخر سنه وانا مستعد انى استناكى ان شاء الله لغايه ما اموت

ملك:........انا مش عارفه اقولك ايه بس بجد اعزرنى

وكمان طول عمرى بعتبرك زى اخويا بالظبط

عامر:انا مش هضغط عليكى

بس قبل ما امشى عايز اقولك انا عندى امل انك تقبلى وانا هستنى لحد ما تيجى وتقوليلى انا احساسى بيك اتغير من مجرد اخ

ولو ده محصلش

انا اتمنى ليكى السعاده مع اللى تختاريه

************************

ولما خلصوا راح وصلها لحد البيت فشافه فارس وهى نازله من عربيته ولما طلعت دخل الوضه ومتكلمش معاها خاالص وهى استغربت

وشذى لبست البس اللى كانت لبساه امبارح عشان تقابل اسر وفعلاا راحت لعندهوراحت تطلع الامن مش سمحلها بالطلوع فقالتلهم يقولوله نور عايزة تقابله فاتصلوا بيه فقال

خليها تطلع حاالا

فسمحولها بالطلوع فدخلت عليه من غير ما تخبط فابتسم

شذى:انت بتضحك ليه؟

اسر:اولا ازيك

ثانيا اسمها حضرتك

ثالثا مينفعش تدخلى من غير ما تخبطى

شذى:رابعااا؟؟

اسر:ههههههه مفيش رابعاا

شذى:رابعا انت مقلتليش اتفضلى

اسر:ههههههههه انا اسف

اتفضلى حضرتك

شذى:خامسا هتشغلنى ايه؟

اسر:ومين قالك انى هشغلك؟

شذى:انت

اسر:انا قلت هرد عليكى

شذى:طيب رد عليا

اسر:اوكيه

انا للاسف معرفتش اشغلك رئيسه بس ممكن اشغلك سيكرتيرة

شذى:بس انا مش عايزة اشتغل سيكرتيرة

اسر:طيب وحضرتك عايزة تشتغلى ايه؟

شذى:اى حاجه الا السكرتيرة

اسر:ليه؟

شذى:اصلى بشوف فى الافلام حاجات مش كويسه عنهم وانا اخاف على نفسى

اسر:ههههههههههههه لا اتطمنى

اوعدك انك هتتبصتى اووى بالشغل

شذى:خلاص اى حاجه

بس فين مكتبى الاول

اسر:هوريك المكتب وانتى خارجه

شذى:طيب ممكن اطلب طلب؟

اسر:اتفضلى؟

شذى:ممكن لو مش عاجبنى المكتب اخد المكتب ده

اسر:هههههههههه لا مش ممكن

شذى:ليه؟

اسر:عشان ده مكتبى

شذى:طيب ما انت قاعدت فيه كتير سيبنى اقعد فيه شويه انا كمان

اسر:ههههههه نبقى نشوف الموضوع ده بعدين

بس الاول انا عايز اعرف انتى دارسه لحد فين

شذى:انا درست لحد تانيه ثانوى

اسر:هايل يعنى بتعرفى تكتبى وتقرى واكيد عندك رصيد كويس من اللغه

شذى:يس

اسر:هههههههههه هايل

خلاص انا هشغلك بس لازم الاول تتعلمى لغه كويس وكمبيوتر كمان عشان هتحتاعيه فى الشغل وده طبعاا هياخد وقت

فممكن تيجى كل يوم تاخدى دروسك ولما تخلصى هعينك فوراا

شذى:بس انا مش هقول لبابا ولو شفنى كل يوم نازله هيسالنى رايحه فين وانا مش هعرف اكدب عليه

فلو ممكن تخلينى ابقى عندك لحد ما اخلص تدريب وانا هقوله انى هسافر لعند ماما

اصل ماما وبابا ممتطلقين

اسر:هههه وكده انتى هتعرفى تكدبى؟

شذى:ماهوه...............

اسر:خلاص موافق

انا عندى شقه فوق الشقه اللى انا عايش فيها وهى مقفوله من ساعه ما راح حسام

شذى:حسام مين؟

اسر:مفيش

المهم هى فاضيه وممكن تقعدى فيها لحد ما تخلصى

شذى:وانا موافقه

بس الاول نتفق ع المرتب

اسر:ههه اتطمنى مرتب حلو بس الاول لازم اشوف شطرتك

شذى:ماشى انا رايحه اقول لابويا وهاجى تانى

اوعى تمشى عشان انا مش عارفه الطريق

وممكن اتوه ومش تلاقى سكرتيرة

ومش تعرف تشتغل والشركه تفلس وانت .......................

اسر:خلاص خلاص روحى وانا مش همشى

فقامت شذى وهى خارجه ولسه هتفتح الباب

اسر:.............صحيح نور

فمردتش

اسر:نووووور

شذى:ححححححححح

اه نعم عايز حاجه يا اسر

اسر:اسر؟

اسمها اسر بيه

شذى:يووووووووووة هو كل حاجه كده هتقعد تعلقلى عليها ولا ايه

اسر:لازم تتعلمى الزوق عشان هتتعملى مع ناس كتير ولو انا عدتلك هم اكيد مش هعيعدوا

شذى:ماشى ماشى يا اسر...............بيه

وخرجت وابتسم اسر وكمل شغله وهى كانت مبسوطه اووى وراحت ع البيت عشان تجهز نفسها وهى بتجهز الحاجات اتصل رافت بيها وقال

ازيك يا شذى عامله ايه

شذى:تمام

رافت:انا متصل عشان اقولك ان الجريده مستنياكى

شذى:ايه هم سمحوا انى ارجع تانى ولا ايه؟

رافت:لا طبعاا مفيش حاجه كده

انتى عارفه يا شذى اننا منقدرش نستغنى عنك

شذى:اممممممممم بس انا بقى مستغنيه

وقفلت السكه وكملت اللى كانت بتعمله

***********************

وكانت سلمى قاعدة فى المستشفى مع خالتها لقت الباب بيخبط فقالت

انتر(ادخل)

فمحدش دخل وخبط تانى

انتر.انتر

محدش دخل

فقامت تفتح الباب واتفجت ببوكيه ورد كبير شايله واحد بس مش باين هو مين

سلمى:مين

___ ب حب ك

سلمى:حححححححححح هشااام

هشام:مقدرتش اكون بعيد عنك اكتر من كده

سلمى:......................

هشام: انا قررت انى هقعد يومين هنا وبعدها هسافر على لندن عندى شغل وهرجع مصر تكونى رجعتى ان شاء الله

سلمى:بحبك

هشام:بموت فيكى

**********************

وخلصت شذى وراحت لاسر ع الشركه وبردوا دخلت من غير ما تخبط

اسر:وبعدين بقى؟

فخرجت شذى من الاوضه فاستغرب اسر وحس انها زعلت

فخبط الباب

اسر:اتفضل

فدخلت شذى تانى وقالت

كده كويس يا اسر..................بيه

اسر:ههههههههه برافوا عليكى

كده تمام

شذى:خلصت ولا لاء عشان نروح

اسر:ثوانى وهبقى جاهز

شذى:يووووووووووووووه

بسرعه طيب

اسر:ههههههههههه هو انا شغال عندك وانا معرفش؟

شذى:لا بس خلص عشان ورانا شغل كتير ومش فاضين للحاجات اللى انت بتعملها دى

اسر:الحاجات اللى انا بعملها؟

طيب ياستى انا اسف ومش هكمل يلا بينا

حلو كده؟

شذى:احسن بردوا

يلا

اسر:هههههههههههههه

ماشى بس الاول عايزين نروح مول نشترى شويه لبس عشان لبسك ده مش هينفع خاااالص

شذى:موافقه

اسر:تمام

يلا بينا

*********************

وفارس كان فى البيت وملك كمان بعد ما رجعت من النادى وهى قافله على نفسها وهو الساعه 7 خرج من الاوضه وخبط عليها وقال

انتى مجعتيش ولا ايه

ملك:لا مليش نفس

فارس:طيب كويس اعمليلى اكل بقى عشان انا كمان جعان

ملك:................

فارس:اه صح انتى مش بتعرفى تعملى اكل

خلاص تعالى اعزمك بره وامرى لله

ملك:على فكرة قلتلك مليش نفس

فارس:بس انا ليا

ملك:خلاص روح انت

فارس:ما انا هروح

وانتى كمان

ملك:انا مش فاضيالك

امشى من وشى عايزه اذاكر

فارس:خمس دقايق وتكونى جاهزة

وسبها ومشى وهى ابتسمت ودخلت تلبس فلبست بنطلون اسود وبوط طويل وعليه بضى احمر وجاكيت وسيب شعرها وده مش بالعاده

وشويه وخبط وقال

يلا يابنتى خلينا نمشى

ففتحت الباب

[نغم حياتى]

كملى بسرعه يا سمسمه متشوقه جداا اعرف ايه اللى هيحصل بينهم بجد قصه حلوة اووى

[semsema elhor]

ففتحت الباب

فارس:فو فو فو

ايه القمر ده

كلك:يلا خلينا نمشى

فارس:اتفضل يا حلو

ونزلوا المطعم اللى جانب البيت ووصل اسر هو وشذى وملقوش حد فى البيت فاخد المفتاح بتاع الشقه اللى فوق وطلع ولما فتح الباب سرح مع نفسه شويه وشذى عماله تكلمه وهو مش سامعها لحد ما قالت بصوت عالى

ايه التراب ده كله

اسر:ايه؟قولتى حاجه؟

شذى:لا مفيش خلينا ندخل

فدخلوا وقادوا النور

شذى:ايه ده هو انت مطلعتش هنا من كام سنه؟

اسر:من سنتين

من ساعه ما حسام راح ومعرفتش عنه حاجه

شذى:حسام مين؟

اسر:لا مفيش

نور:لا لازم تقولى انا مقعدش فى شقه معرفش بتاعت مين

اسر:دا ياستىحسام صاحبى

ومش بس كان صاحبى ده كان زى اخويا انا اعرفه من 21 سنه

اول واحد اتعرفت عليه فى المدرسه ودخلنا مع بعض الجامعه وكنا اصحاب بجد بس..........

شذى:بس ايه؟

ايه اللى حصل؟

اسر:مش عارف

من سنتين تقريبا خرج مرة وكان متضايق اووى وحاولت اجى معاه بس مرديش

وتانى يوم لقوا العربيه بتاعته مولعه و.............وكان فيها واحد وقالوا انه حسام

بس انا حاسس انه مش هو

اه صحيح الجثه متفحمه بس

انا محستش خاالص انه هوه

وعندى امل انه يرجع

شذى:يعنى الشقه دى بتاعت واحد محروق

لا ياعم انا خايفه

اسر:ههههههههههه عم

لا اتطمنى هو مكنش بينام هنا

الشقه دى كانت للسهر والاجتماعات وبس

شذى:ماشى بس انا هقعد فيها ازاى وهى زى الزفت كده

اسر: زفت

ع العموم عندك حق

خلاص انا عندى حل

انتى دلوقتى هتيجى معايا على شقه خالتو

محدش هناك وانا هجيب حد ينظفها ومن بكرة هتعيشى فيها

شذى:وانا موافقة

يلا بينا

********************

واحوا على شقة خالته منى ودخلها اوضت ملك وقالها

انتى هتنامى هنا مؤقت لبكرة

شذى:لا ياعم انا خايفة انام فى الشقة دى لوحدى

اسر:بردوا ياعم

طيب اعملك ايه مفيش حل غير ده

شذى:معرفش اتصرف

اسر:والله للاسف يا نور هانم هو ده كل اللى انا اقدر عليه

شذى:ماشى انت شكلك واخدنى تبهدلنى

اسر:واخدك ابهدلك

ده بدل ما تشكرينى

فبصت فى عينه وقالت

متشكرة

حلو كده

اسر:؟...........................

شذى:متنسانيش وتعالى خدنى بكرة عشان تجبلى لبس زى ما قلت ولا رجعت فى كلامك

اسر:ههههههه لا مرجعتش اطمنى

شذى:ماشى

سلام انت بقى عشان الوقت اتاخر وعايزة انام

اسر:هههههههههه كمان بضطردينى

ع العموم انا ماشى

اه وهتلاقى فى الدولاب لبس ممكن تلبسى منهم لحد الصبح

شذى:لا مش بحب البس حاجة بتاعت حد

اسر:خلاص انا اسف اتصرفى زى ما تحبى

يلا تصبحى على خير

شذى:وانت من اهله

***************************

ونزل اسر وراح البيت وطول الوقت وهو سرحان

اما بقى فارس فاول ما دخل المطعم شد كرسى عشان تقعد ملك وبعدها قعد هو

فارس:تخدى ايه؟

ملك:مش عارفه انا مليش نفس

فارس:وانا هاخد زيك

ونادى ع الجرسون وقال

لو سمحت عايز اتنين اسكلوب

الجرسون:وسلاطات او اى مشروب حضرتك؟

فارس:ايه رايك يا ملك؟

ملك:..............

فارس:لا مش عايزين

ملك:على فكرة انت بارد اوووى

فارس:على فكرة انتى زى القمر

ملك:......................

فارس:عملتى ايه مع عامر؟

ملك:عادى يهمك فى ايه؟

فارس:ولا حاجه طبعااا بس عايز اعرف قررتى ايه؟

ملك:لسه بفكر

فارس:فكرى برحتك ع العموم انتى لسه فى الكليه يعنى

وبعدين لو خايفة تعنسى انا هدورلك على اى مجنون واجوزهولك

ملك:لا شكرااا دور لنفسك

فارس:متقلقيش ما انا بدور

ملك:ربنا يسهل وتلاقى اللى امها داعيه عليها وتوافق بيك

فارس:انتى شايفه كده؟

ملك:.................................

وجيه الجرسون بالاكل وحطه قدامهم ومشى

فارس:يلا كلى عشان الحق اروحك عشان رايح اسهر مع اصحابى

فارس:وتاعب نفسك ليه؟

خلص انت وملكش دعوة بيا انا هروح لوحدى

اصلا البيت مش بعيد خطوتين يعنى

فارس:يلا كلى عشان اروحك سمعتى؟

وكلوا ولما خلصوا قاموا وفتحلها باب العربيه ودخلت ووصلها ع البيت ومش وهى طلعت وهى متضايقه جدااا ودخلت على اوضتها ومحستش بان اسر جوة وقعدت تكتب فى الاجنده بتاعتها قد ايه هى كانت مبسوطه ان فارس عزمها على الغدا وقد ايه زعلت لما سبها وراح لاصحابه البنات ومش حاسس بيها

**************************

فى الوقت ده كان هشام قاعد مع سلمى وبيحكلها انه معرفش ينام امبارح لانها كانت بعيده عنه وقد ايه هو بيحبها

هشام:انا مش عارف لو انتى مقبلتيش بيا انا كان ممكن اعمل ايه

سلمى:انا اللى مكنتش عارفه لو انت متقدمتليش انا كنت هعيش ازاى

هشام:انا عايزك توعدينى انك متسيبنيش ابدااا

سلمى:اوعدك انى عمرى ما هفكر انى اسيبك مهما حصل

هشام:بحبك

بحبك

بحبك

سلمى:بحبك

بحبك

بحبك

هشام:انا مش عارف هسافر ازاى وهسيبك هنا لوحدك

سلمى:اطمن يا حبيى سافر بالسلامه وهما كلهم كام يوم وهشوفك تانى ان شاء الله

هشام:انا هحاول اخلص الشغل بسرعة وارجعلك

**************************

اسر كان سرحان فى شذى وقد ايه هى جذابه ومكنش يعرف شذى بتخططله ايه وهو فاكر انها غلبانه وهو بيساعدها ميعرفش انها فى الوقت اللى بيفكر يساعدها فيه هى بتفكر ازاى تنتقم منه

وشذى قاعدة فى الاوضه بتاعت ملك جيه على بالها تدور فى الشقه ممكن تلاقى صورة او ورقه تكون ضد اسر وبدات باوضت المكتب وملقتش حاجه فكملت باقى الاوض وانتهت باوضت ملك وهى بتدور لقت فى وسط هدومها صورة لفارس ومكتوب على ظهرها

هستناك بتمنى تحس بيا

وعرفت ان ملك بتحبه فحطت الصورة مكانها وكملت تدوير لكن مش لقت حاجه ولما تعبت نامت

وفارس سهر مع اصاحبه ورجع البيت الساعه 3 ودخل ينام وكانت ملك لسه منمتش ونور الاوضه بتاعها قايد فشافه فارس وخبط عليها فعملت نفسها نيمه ومردتش عليه فدخل ينام وشويه وهى كمان طفت النور ونامت

ومن الصبح بدرى قام اسر ولبس بسرعه ونزل لعند شذى فخبط فقربت شذى من الباب وقالت

مين؟

اسر:................

شذى:مين؟

اسر:انا افتحى

شذى:انت مين يعنى؟

اسر:سواق حضرتك

ففتحت الباب وقالت

فى حد يصحى حد الصبح كده

اسر:والله انا اسف معرفش ان سعتك مش بتصحى ع الصبح كده

شذى:ماشى خلاص انا صحيت

المهم عايز ايه؟

اسر:عايز ايه؟

انتى هتجنينينى؟

مش انتى اللى قلتى متنسنياش وتعالى خدنى

شذى:طيب ماشى عايزنى اجى معاك يعنى؟

اسر:لو مفهاش ازعاج لحضرتك

شذى:طيب ماشى ادخل اقعد على ما البس

ودخلت لبست اللبس اللى كانت لبساه وخرجت فقال

ايه رايك تلبسى حاجه من اللى جوة احسن عشان احنا هنروح الشركه الاول ومش معقول سكرتيرة المستقبل تبقى لبسه كده

شذى:طيب ماشى

عشان بس تعرف انى بسمع الكلام

اسر:ههههههه

ودخلت لبست بنطلون جنز وتنك اسود ولمت شعرها بتوكه وخرجت

فقال اسر

اهوه كده ماشى حالك

بس لو تقلعى التوكه دى يكون احسن

شذى:لا مش هقلع

اسر:واضح انك بتسمعى الكلام

شذى:خلاص يلا بينا بقى

***********************

ونزلوا وركبها العربيه فقالت

انا عايزة اتعلم السواقه

اسر:تتعلمى السواقه مرة واحده طيب لما تتعلمى شغلك ابقى فكرى فى السواقه

شذى:اشمعنا انت بتسوق يعنى

اسر: اشمعنا انا؟

هو انتى مش واخده بالك خالص انك بتكلمى صاحب الشغل بتاعك

ع العموم

لما تشتغلى كويس ابقى اعلمك السواقه

شذى:خلاص عرفنا انك دكتور كبير وصاحب شركه وانا ولا حاجه

اسر:.................ليه فكرتى انى بقصد كده؟

انا بس عايزك تهتمى بالشغل الجديد وبس

شذى:خلاص ماشى فهمت

وفضل سايق لغايه ما وصل الشركه ودخل الاوضه وقال

5 دقايق هخلص حاجات مهمه وهنزل معاكى

اقعدى هنا وانا هطلبلك حاجه تشربيها على ما اخلص

اطلبلك ايه؟

شذى:عايزة شيكولاته

اسر:شيكولاته؟

فى مشروب اسمه شيكولاته

شذى:لا انا عايزة اكل شيكولاته

اسر:للاسف معندناش

اطلبلك ايه تانى غير الشيكولا

شذى:خلاص مش عايزة حاجه

اسر:انتى زعلتى ولا ايه؟

خلاص اطلبى حاجه تانيه وانا اوعدك لما ننزل هشتريلك علبه شيكولا

شذى:لا خلاص مش عايزة

فطلب من السكرتيرة بتاعته تجيبله قهوة وهو قال لشذى

انتى هتقعدى هنا لحظه هجيب ورق وهاجى على طول

وخرج هو وهى انتهزت الفرصه ودورت فى مكتبه بسرعه قبل ما يجى وشويه ودخل عليه وهو جايبلها شيكولا وقال

اتفضلى الشيكولا اللى انتى عايزاها

شذى:جبتها منين؟

اسر:لازم تعرفى جبتها منين ما تاخدى وخلاص

شذى:ماشى هات

اسر:مفيش حاجه عايزة تقوليها؟

شذى:حاجه ايه؟

اسر:يعنى مفيش شكراا ولا حاجه كده ولا ليه تعبت نفسك ولا اى حاجه من اللى بتتقال دى

شذى:لا اصلك اكيد بعت حد جبها منزلتش انت يعنى بنفسك

اسر:......................

بجد مش عارف اقولك ايه؟

ع العموم ماشى كلى الشيكولا انتى وانا ثوانى وهبقى جاهز

وشذى بتاكل الشيكولا قالت لنفسها

ايه البنى ادم ده معقول يعمل كل ده مع واحدة غلبانه وميعرفش عنها حاجه وليه بيعملنى المعامله دى وكمان خايف على زعلى

مش معقول فى حد كده ازاى بيعمل كل ده وفى نفس الوقت بيعمل حاجات مش كويسه ازاى

وسكتت شويه وقالت

معقول اكون ظالماه

لا مش معقول ازاى ظالماه وانا شايفاه بعينى وهوكان داخل عند رئيس التحرير ومنعه انه ينشر الصور

وكمان الصور اللى اخدتهاله فى الديسكو تبقى ايه

انا مش عارفه

بس بردو هفضل وراك يا اسر لحد ما اعرف ايه حكايتك

وفضلت قاعدة تاكل الشيكولا وعدت ساعه وهو لسه مخلصش وهى قاعدة ملانه لانه كل شويه حد من الموظفين يدخل ويخرج فقامت لاسر وقالت

عدى ساعة مش 5 دقايق

يلا بقى انا زهقت وانا قاعدة كده

اسر:ثوانى بس مشغول اوى اقعدى ولحظات وهننزل

وقاعدت شذى وعدت نص ساعة كمان ومخلصش وشويه ودخلت عليه السيكرتيرة وقالت

اعضاءشركة s.h) ) وصلوا يا اسر بيه

اسر:اه صح انا كنت ناسى خالص

طيب قعديهم فو اوضه الاجتماعات وانا جاى حالا

وبص لشذى وقال

انا اسف جداا يا نور انا كنت ناسى الاجتماع ده ومش هينفع الغيه خااالص

بس انا عندى حل

انا هتصل بملك بنت خالتى تروح معاكى تنقوا اللى انتى عايزاه وهى اكيد هتفيدك اكتر منى

شذى:لا خلاص روح الاجتماع انت وانا هستناك هنا

اسر:بس الاجتماع هيطول

شذى:مش مشكله انا هستنى

اسر:ماشى برحتك ولو عزتى حاجه قولى للسيكرتيرة وهى هتجبهالك على طول

وراح اسر ع الاجتماع وهى فضلت فى الاوضه لوحدها وقفلت الباب وقعدت تدور فى الاوراق بتاعته وهى بتدور لقت صورة لبنت زى القمر ومكنتش شايفاها قبل كده واستغربت هو ليه محتفظ بيها ومين اصلا صاحبه الصورة وفى الاخر سبتها مكانها تانى وكملت تدوير وبردوا ملقتش حاجه تكون ضدة فاتضايقت جداا وقالت لنفسها

اكيد هلاقى اللى بدور عليه فى بيته

بس ازاى هدور فيه؟

انا اصلا هكون فى الشقه اللى فوقه

اعمل ايه؟

اعمل ايه؟

انا لازم الاقى طريقه عشان اكون فى شقته لوحدى

************************

وصحى فارس الساعة 12 الظهر وقام يغسل وشه وياخد دش وكانت ملك فى اوضتها بتذاكر وشويه وسمعت موبايل فارس بيرن فنادت عليه لكن هو كان مش سامعها من صوت الدش فدخلت اوضته واخدت الموبايل فردت

الو

فبنت ردت عليها وقالت

الو

تليفون فارس ده صح

ملك:اه بس هو فى الحمام ومش هيعرف يرد عليكى

البنت:امممم طيب لما يخرج قوليله ياسمين اتصلت

ملك:ماشى

ياسمين:هو انتى اخته سلمى

ملك:.........

لا

ياسمين:امال مين؟

ملك:اعتقد انه ميخصكيش

وقفلت السكه وهى متنرفزة وقالت

كمان قايلها انه عنده اخت اسمها سلمى ...........

فخرج فارس من الحمام

فارس:ايه ده بتعملى ايه فى اوضتى؟

ملك:تليفونك كان بيرن ونديت عليك مردتش فدخلت اشوف مين

فارس:والله بالسهوله دى دخلتى تشوفى مين؟ وطلعت مين بقى

ملك:وانت ايه عرفك انها بنت؟

فارس:انتى هتحققى معايا قولى مين

ملك:ياسمين طلعت ياسمين

فارس:طيب هاتى الموبايل يلا واطلعى بره عايز اغير

ملك:...........................

وخرجت ملك وهى متضايقه اووى ووقفت على الباب تسمعه هيكلمها ولا لا فاتصل بيها وقال

الو يا ياسو

.................

فارس:كنت باخد دش

....................

فارس:دى بنت خالتى

اصل خالتو فى المستشفى واسر قال مينفعش تقعد لوحدها يعنى فجت قاعدت معانا

...........................

فارس:ههههههههههههههه

..............................

فارس:بقولك ايه انتى فطرتى ولا لسه؟

...........................

فارس:تمام نص ساعه وهكون عندك نروح نفطر سوة

...........................

فارس:باى

فدخلت ملك اوضتها بسرعه وقعدت تعيط وقالت

مين دى اللى مهتم بيها اوى واتعفرت لما عرف انى رديت ع التليفون

وكمان بيبررلها ليه مردش عليه

ولبس فارس بسرعه وخرج من اوضته وريحت البرفن واصله لعندها وبيغنى ومبسوط ع الاخر وعدى من على اوضتها وبص على الباب بتاعها وقال

بت يا ملك انا خارج وهتاخر

وفتح الباب وخرج وهى قاعده حزينه وكل شويه تقول لنفسها

خلاص بقى يا ملك انسيه انسيه

هو مش واخد باله منك ولا عمرة هياخد باله

هو ليه حياته وانتى ليكى حياتك

بلاش تعزبى نفسك ع الفاضى وهو مرتاح ع الاخر

ورفعت راسها وقالت

يارب خلصنى من الحب ده

************************واتصلت علا بياسر اللى كان فى الاجتماع مع اسر فمردش عليها فاتصلت بشذى وقالت

الو ياشذى انتى فين؟

شذى:انا فى الشركه عند اسر

علا:الله يخرب بيتك انتى مصممه بردو

شذى:ما انا قلتلك دى بقت معركه بينى وبينه ولازم اكسبها

علا:والله شكلك هتروحى فى داهيه

شذى:ولا يهمك

المهم انتى عامله ايه؟

علا:تمام

شذى:وايه اخبار ياسر

علا:اتقبلنا امبارح

شذى:مقولتليش ليه يا ندله

علا:اصلى كنت مشغوله اووى فمجتش فرصه احكيلك

شذى:وكان عايزك فى ايه؟

علا:كان بيقولى ان اسر عايز واحدة تدرس لغه بس مش عارف لمين فقال يكلمنى

شذى:................

مدرسه لغه؟

هههههههههههههههههههههه

علا:بتضحكى على ايه؟

شذى:لا مفيش خليها مفاجاة

علا:قولى يلا احسن ازعل منك

شذى:شكلك كدة هتبقى المدرسه بتاعتى

علا:ايه؟

شذى:ههههههههههههههههههههههههههه اصله قالى انه هيجبلى مدرسين لغه وكمبيوتر

وشكلك انتى اللى هتبقى مدرستى

علا:لا مش ممكن لا انا هعتزرله

شذى:اوعى كده احسن حتى الاقى حد معايا

علا:بقولك ايه انا مليش فى الحوارات بتاعتك دى

انا هقوله انى غيرت رائى

انا مش هعرف اضحك عليهم واعمل نفسى معرفكيش

وكمان ياسر لو عرف الحكايه هيزعل منى جااامد وهيقول انى كنت بخدعه وخصوصاا انه عارف انى صاحبتك

شذى:عشان خطرى يا علا ومتخافيش انا اضمنلك ان الحكايه مش هتتكشف

ولو اتكشفنا يا ستى هقول انك ملكيش ذنب وانا اللى ضغط عليكى

علا:مش هينفع يا شذى والله مش هينفع

شذى:كده اهون عليكى

وكمان فرصه هتشوفى ياسر اكتر

علا:متضغطيش عليا ارجوكى

شذى:.............خلاص ماشى برحتك

يلا سلام

علا:متزعليش يا شذى والله غصب عنى

شذى:ماشى خلاص مش زعلانه

**************************

وقفلت شذى وكانت متضايقه شويه بس بعد كدة عزرتها وانها عندها حق

ولما خلص الاجتماع قام ياسر واتصل بعلا

الو يا علا

انا كنت فى اجتماع معرفتش ارد عليكى

علا:ولا يهمك عادى انا مكنتش مستعجله

ياسر:انا كده كده كنت هتصل بيكى عشان اقولك هفوت عليكى انهارده الساعة 7 اخدك ونروح لاسر عشان اللى قلتهولك امبارح

علا:......................

ياسر:مالك فى حاجه؟

علا:...........

مفيش بس................

ياسر:بس ايه اوعى تقولى انك مش هتقدرى تيجى؟

علا:الصراحه اه

ياسر:لا ارجوكى انا وعدت اسر انك هتكونى جاهزة

علا:بس اصل...........

ياسر:مفيش بس انا هعدى عليكى تكونى جاهزة ماشى

علا:خلاص ماشى

وقفلت وقال ياسر لاسر

هنكون عندك على سبعه ونص

مش عايز تقولى عايز المدرسين دول فى ايه؟

اسر:بالليل هقولك

انا نازل دلوقتى ومش هرجع ع الشركه انهارده

ياسر:رايح المستشفى؟

اسر:لا خارج برة

ياسر:ايه حكيتك اليومين دول

ايه داخل على قصة حب جديدة ولا ايه؟

اسر:حب ايه لا طبعااا بس ورايا حاجات مهمه لازم اعملها

ياسر:ماشى يا عم برحتك انا هستنى لحد ما تيجى لحد عندى وتعترف لواحدك

*************************

وخرج اسر راح على مكتبه وحط الورق اللى كان نعاه وقال لشذى

خلاص خلصت اتفضلى يلا ننزل

شذى:اخيرااا؟

اسر:ههههههههههه اخيرااا

وخرجت معاه من باب المكتب وركبوا الاصنصار وشافهم ياسر وهما نازلين فابتسم وقال

ماشى يا اسر بتتلائم عليا

حاجات مهمه لازم تعملها؟

وبعدها دخل على مكتبها وكمل شغل

**************************

وفى طريق اسر وشذى اتصلت هدى بشذى فموبايلها رن فكنسلت فقال اسر

ايه ده ورينى كده موبايلك ده شكله حلو اووى

فارتبكت شذى جدااا وقالت

.....اه.........ماهوة حلو وغالى اووى اصلى لقيته على الرصيف وانا ماشيه فاخدته

اسر:ااااااااه

ابوكى اللى كان بيتصل

شذى:ابويا؟ اه ابويا؟

اسر:مردتيش عليه ليه؟

شذى:بعدين انا هتصل بيه

وكملوا مشى لحد ما وصلوا ع المول فنزلو من العربيه ودخلوه فقال اسر

خدى راحتك ع الاخر واشترى كل اللى انتى عايزاه

وانا بقى هروح على قسم الرجالى واشترى انا كمان

نقى اللى انتى عايزاه وساعه وهجيلك

شذى:لا انا مش هعرف انقى لوحدى خليك معايا احسن

اسر:انا مليش فى لبس البنات ده

وبعدين انا مش هفيدك نقى انتى اللى على مزاجك

شذى:لا انا معرفش حاجه هنا ممكن اتوه

اسر:ههههههههههه تتوهى خلاص انا هنديلك حد من اللى شغال هنا اخليه معاكى

شذى:لا مليش دعوة انا مش عايزة حد خليك هنا وانا هنقى بسرعه وانت واقف

***************د اسر وقال

ماشى

وقال فى نفسه

انا حاسس ان انا امها مش الرئيس بتاعها

شذى:بقولك ايه؟

اسر:ايه؟

شذى:انت اخرك كام؟

فاستغرب اسر وبصلها وقال

اخرى كام؟

يعنى ايه؟

شذى:يعنى ناوى كده تدفعلى قد ايه عشان اللبس؟

اسر:اااااااااااااااااااااه

لا برحتك اختارى اللى يعجبك وبس وملكيش دعوة بالفلوس

فقالت شذى بصوت واطى لكن سمعه اسر

اه اكيد هتخصمه منى اول ما اشتغل

فابتسم اسر وقال

لا متخفيش مش هخصم حاجه

بس يلا بقى علشان منتاخرش

شذى:ماشى

ولفت شذى على اللبس واحدة واحدة وكل شويه تمسك حاجه وتقول لاسر

حلوة دى؟

اسر:انتى حرة

انتى حرة

اشترى اللى يعجبك

انتى

شذى:ما انا باخد رايك معايا

اسر:طيب ماشى بس بسرعه عشان احنا بقالنا ساعتين ولحد دلوقتى مشترناش حاجه خااالص

شذى:خلاص خلاص

وراحت عند فستان احمر قصير فوق الركبه قط

وقالت

اه هو دة جااامد اووى انا عايزة ده

اسر:خلاص ماشى اختارى حاجه تانيه يلا

شذى:استنى بس انت عايز تكروتنى

مش لما اقيسه الاول مش يمكن يطلع وحش

فبص اسر لفوق وقال

.............ماشى

ماشى

اتفضلى روحى قيسيه

فراحت شذى عشان تقيسه وهى بتضحك وبتقول

انت لسه شفت حاجه

ههههههههههههه

ودخلت لبسته وفكت التوكه اللى كانت لبساها وخرجت لاسر فاول ما شفها سكت ثوانى وبعدها قال