جريمه فى الحى العربى

[قلم بلا حبر]

بسم الله الرحمن الرحيم

السلام عليكم

كثير منا يتساءل هل نحن معقدون ؟؟؟

ولا اقصد تطبيق اللفظ الحرفى على مشاركى المنتدى ,, ولكن شمولية المعنى هى الهدف

هل حقا نحن العرب لدينا امراضنا النفسيه التى تعبر عنها مقاييس الطب النفسى بالقياس على ما نجلبه لانفسنا يوميا من مواقف وما نتخذه من قرارات وما ننتهجه من قيم واداب وسلوكيات .

اعتقد ان التفسير المنطقى لما نحن عليه ,, اننا فى ورطه ,, وهذا نتاج اجابات لسؤال ملح

هل نحن مع الحداثه ام ضدها ام نسايرها وفق افكارنا ؟

بالطبع لو تركت هذا السؤال على الفيس لمدة نصف ساعه لجاءت الاجابات بنسبه مرتفعه جدا لصالح اننا نسايرها وفق افكارنا ومرجعيتنا وهويتنا التى تحافظ على اسلوبنا وتقاليدنا العريقه

لا اشكك فى تلك الاجابه ,, كما لا اشكك فى تقاليدنا وعرقاتنا

ولكن انا ضد ان نغلف تصرفات وافعال السابقين على انها دستور ينبغى علينا الاتيان به حرفيا كما هو واى مخالفه لهذا تكون بمثابة خروج عن الطريق المستقيم

اعلم جيدا ان من لا اصل له ,, لا حاضر له ولا مستقبل

لكن من قال باننا نستمد من الاصل المنهج على صورة افعال ؟؟

نحن فقط نستلهم القيم من اصالتنا ونغلفها بطور التطوير والحداثه حتى نستطيع ان نواكب مفردات العصر الحديث

لم يعد مجديا التشبث ببعض الافعال والاقوال التى لم يثبت صحتها قط ,, سوى انها جاءت الينا تواترا عبر الازمان

وليس معنى هذا اننا منحرفون او مقلدون او غيرها

لكن تلك هى نتاج تواصل الاجيال ,, من اين اتى جيل بحق فرض مبادؤه وقيمه على جيل اخر تحت دعوى الاصاله ,,

فى الوقت الذى نفر هذا الجيل ممن سبقه وكان بالنسبه لهم تقع افعاله فى دائرة الاستهجان والرفض

من حق كل جيل ان يصيغ مبادؤه واحلامه برؤية عصره ,, وله كامل الحق والصلاحيات فى دمج كل هذا بما يراه مناسبا من تقاليد واداب عامه جرى العرف على اتباعها

اما ان يظل محصورا فى خانة (( محلك سر )) تحت دعوى الاصاله والقيم والتقاليد والاعراف ,, فهو بما لا يدع مجالا للشك سببا فى تفاقم حوادث الانفصام بين ما يقال وما يحدث على ارض الواقع

دعونا نكون اكثر وضوحا

لم يعد منطقيا ان اتقبل من احدهم السيطره على المرأه بدعوى عدم اهليتا لتدبير شؤونها ومواجهة الحياه

فى الوقت الذى اتيحت فيه الفرصه للمرأه فى شتى بقاع الارض واثبتت واقعا جديدا نكاد جميعا نلمسه من خلال براءات الاختراع او الاكتشافات او الابحاث او المناصب العلميه والسياسيه الرفيعه التى تتقلدها المرأه وتبلى فيها بلاءا حسنا

لا اكذبكم القول ,, احيانا اربط بداخلى بين وأد البنات قديما فى شبه الجزيره العربيه من خلال دفنهم احياء مخافة العار ,,, وما يحدث الان من وأد مستحدث ,,الا وهو دفنهم معنويا وهم احياء ايضا ,, بستار الدين والتقاليد والاعراف

لم يقل الدين فى ايا من نصوصه ان المرأه سوف تحاسب على نصف اعمالها بخلاف الرجل

كما لم يقل ايضا بان الرجل سوف يتحمل عنها تبعات تصرفاتها

يقول المولى عز وجل (( ولا تزر وازرة وزر اخرى ))

وعليه فمناط التكليف فى الاسلام هو البلوغ والعقل والحريه وليس النوع ,, فصلاة المرأه فى بيتها وان كانت افضل فصلاتها فى المسجد ليست محرمه او مكروهه

وهذا اوضح مثال وعبره تقودنا الى استلهام مبادئ تتواكب مع مفردات العصر دون التفريط فى ثوابت العقيده



اعلم ان الانسان على مدار تاريخه يسعى الى التسلط والسيطره على كل من حوله

الرجل يتسلط على المرأه ,, الاب يتسلط على اسرته ,,,الاخ يتسلط على اخته ,, الذكر يتسلط على كل ما هو انثوى فى المجتمع

اذن نحن نعانى من عنصريه بداخل كل فرد فينا ولو بنسبه قليله تقودنا الى ما بداية الموضوع من اننا نعانى بشكل او باخر من امراض نفسيه ,, المشكله الكبرى فيها اننا لسنا معترفين بوجودها من الاساس

عندما ننادى بالحريه وتحرر العقول ,, ونحن بداخلنا لازلنا نحمل مفردات العنصريه ,, فلابد من وقفه مع الذات لتدارك الخطأ الجسيم الذى يتفاقم بمرور الوقت ,, ويمثل عائقا ماديا امام اى تطور او تحديث

فمشكلتنا ليست هى الدعوه الى التحرر ,, بكل ما قد يلصق بالكلمه من ادعاء باطل بالانحراف الاخلاقى

لكن المشكله تكمن فى هذا التناقض المريب بين ما نريده وما نأتى به من افعال وما نحمله من افكار وثوابت تقودنا فى النهايه الى الانحراف عن ما نريده

عندما نادى قاسم امين بتحرير المرأه لم يكن عنصريا فى مواجهة الرجل ,, بل كان منصفا فى تحريره للمجتمع لذى تشكل المرأه نصفه ,, اذن فهى دعوه شامله لمن يستطيع النظر من المنظر الاعم والاشمل

فلم نسمع بان مجتمعا نهض وطور من نفسه بنصف قوته البشريه

كما هو الحال فى عهد الرسول صلى الله عليه وسلم ,,

فعندما تراجع السيره النبويه تجد المرأه كائنه فى كل الاحداث بدءا من الايمان بدعوته صلى الله عليه وسلم ومن ثم تحمل تبعات هذا من الالام والعذاب من كفار قريش ثم الهجره الى الحبشه وبعدها الهجره الى المدينه مرورا بصلح الحديبيه والبيعه الاولى والثانيه والغزوات

ولعل ابرز مثال على دور المرأه فى التطور الانسانى من المنظور الاسلامى ما حققته السيده خديجه رضى الله عنها من امان نفسى للرسول صلى الله عليه وسلم فى دعوته ,, وما نقلته السيده عائشه رضى الله عنها من احاديث قادتنا الى افعال واقوال نقوم بها الان كرجال ونساء ولا ننكر نقلنا اياها عن طريق انثى استثنائيه فى نشأة وتطور الدعوه وانتشار الاسلام الا وهى السيده عائشه رضى الله عنها

اذن فالاسلام لم يكن ولن يكن عائقا ضد تحرر المرأه من تسلط الرجل عليها

فالدين الذى حرر العبيد ,, لن يأتى من يقنعنى اليوم انه يتفق مع استرقاق الرجل للمرأه

حتى ولو شكلا وليس مضمونا

وحديثى هنا لا يتصل بما تعانيه المرأه فى الدول العربيه ذات التوجه الاسلامى المحافظ كالسعوديه وغيرها من دول الخليج ,, ولكن كل دوله عربيه تعتمد تسلط الرجل على المرأه بمرجعيه مختلفه

اراها جريمه ,, عندما نفقد الخيط الحريرى بين ما نطالب به وما نأتى به فى الواقع

انها جريمه فى الحى العربى

شاكر لكم

تحيااااااتى """""

[Single girl]

موضوع في غاية الروعة و الجمال
كلمات جميلة و قضية مهمة جدا
ميرسي يا قمر ع المجهود الرائع و المتميز

[Words Whisper]

و عليك السلام والرحمة

قبل أن أكتب تعليقا

يتوجب عليَّ شكر حضرتك على رقي ماجاد به فكر قلمك ..

مجتمعنا العربي عجيب

مجتمع يحمل كثيرا من الرقي في عواطفه

وبذات الوقت يمنعها

مجتمع غريب يجزئ الكثير !!~

حتى الخطأ يقبل التجزيء

فذات الخطأ للرجل و المرأة تختلف النظرة له

وكأنما يُكتَب شرع جديد مجتمعي لاعلاقة له بالشرع الإلهي الذي ساوى في الجزاء و الحساب ..

سحقا لكل العادات المجتمعية التي لايقرها منطق و لادين ..

المبادئ و القيم لاتتغير مطلقا

لكن النظرة لهما و تطبيقهما هو مايتغير حسب العصر

وعندما أقول مبادئ فأنا أعني (( مبادئ )) وليس (( عادات مجتمعية عقيمة )) ..

سلمت أ/سيد

شاكرة لحضرتك ..

دمت بحفظ الرحمن ..


+ 5 *****

[دمعه حائره]

المجتمع العربى مجتمع زكورى من الدرجه الاولى
مهما نادى بعض الرجال بحريه المرأة
يظل جلباب سى السيد بأفكاره يلتصق بأجسادهم
يخفونه تحت البدل الغاليه
الاسلام كرم المرأه وحفظ حقوقها من كل النواحى
قبل قاسم امين وغيره
لكن الانانيه وحب التملك هى من تدفع البعض منهم
الى كبتها وسجنها وراء تقاليد وعادات ليس لها علاقه بالدين
وتجد من يضعها هوا نفسه من يقوم بعكسها
رؤيه وتوضيح قيم جدا من قلم راقى
اعتدنا منه كل مميز
تقديرى واحترامى ويدوم التواجد الجميل

[بسمة العمر]

مش عارف اقول ايه سيد

مش عارف اكون معاك او ضدك يمكن لو كونت ضدك هتقول متخلفه

اكيد هتقول عليا كدا

انا مؤمنا جدا بعدم حرية المراة اكتر من كدا

كفايه هتكون حرا ايه اكترا من كدا

اول شئ لو حسبتها هتلاقى الستات الموظفات اكتر من الرجال

تانى شئ الستات وخدين حريتهم وزيادة كمان

فى كل شئ

عاوزين حريه ايه اكتر من كدا

على فكرة الولد ما بيكون متسلط على اخته كدا وخلاص اكيد بتكون هى تستاهل

تانى شئ ولو كان متسلط عليها من نفسه دة نحكم عليه بانه مريض نفسى

بعدين الرجل الصالح الطيب الخلوق عمرة ما بيكون متسلط على اسرته

الا اذا كان مدمن وايضا مريض نفسى

تيجى بق الشباب عمرهم ما كانو متسلطين على البنات

البنات نفسهم بافعالهم وتصرفاتهم بيخلو الشباب يتسلطو عليهم

ولا انت ما بتشوفش منظر البنات وهما مشين

البت بتجبر الولد يكون متسلط عليها

ياريت كفاى حريه للبت لانها لو بقت حرة اكتر من كدا الدنيا خلاص ما بقت مستحمله

موضوع جميل بس ياريت ننادى بحرية البلاد من اعدئها احسن من حرية البنات او المراة عموما

على فكرة لو كان الرجل بيغلط قراط المراة بتغلط اربع وعشرين قراط

لو كان الرجل بيخون المراة ايضا بتخون

وافعال البنات وتصرفاتهم تخلى الرجاله تبق خاينه

تسلم الايادى اخ سيد

[the Princess of rose]

للأسف يوجد كثير من الرجال يستهويهم حب التسلط بحجة الدين الى ان شوهوا ديننا الذى كرم المرأة واعطاها حقوقها كاملة كالرجل ولكن ما اذهلنى حقا هو وجود بعض النساء تنادى بوأد المرأة معنويا كما ذكرت ولكن أتساءل ما الغرض من وراء ذلك (كما رأينا فى مجلس الشعب السابق)
احيانا أعتقد انه انتقام او حقد اومعاناة من عقدة نفسية ولكن اطلب من تلك الفئة ممن ينتمون الى فكر وأد المرأة معنويا أن يعودوا الى سنة رسولنا الكريم صلى الله عليه وسلم وان يجهدوا انفسهم فى الفهم الصحيح لأحاديثه الشريفة لأن الله قد أعطانا عقلا فنحن بشر وكفاكم جهلا وتشويه فى الدين ومبادئه فالاسلام قد أعطى للمرأة حقوقا تحسدها عليها باقى النساء ممن لا يتدينون بالاسلام
موضوع اكثر من راااااااائع

[SiLver Spectra]

حلو الموضوع يا سي سيد
اتفق معاك في كل ما ذكرته

واضح ان العيشه في الغربة هتعقدك جامد ,,ربنا يستر و ما تنتحرش ههههههه

انت عارف,,لو فكرت يعني ايه عادات و تقاليد و مين الي اخترعها
يعني مين اخترع ان انا البس كدا ,,ماهو اكيد الي اخترعها دا وقتها كان شيء مستحدث

يعني المقولة الي ذكرتها من لا اصل له لا ماضي و لا مستقبل له
اعتقد انها مش صحيحة , بدليل ان في بلاد قائمة و لا ماضي لها زي (الولايات المتحدة ) , بيعيشوا بنظرية ان احنا ولاد النهارده , و كل حقبة بتلاقي ثقافتهم اتغيرت بشكل معين سواء في الفن او المظهر و خلافه , و اعتقد دا خير مثال على الحداثة , و دول ما اقدرش اقول ان لا مستقبل لهم لانهم بيسيروا بقوة نحو التغيير دائما

انا مش ضد التراث نهائي , لكن ضد التزمت بيه خاصة في المجتمعات المحافظة جدا , تلاقيهم كارهين كل شيء جديد
و دا الي بيخلق انفصام في الشخصية
تلاقي افراد من الشعب بيتشبهوا بشكل غير طبيعي بالغرب و كأنه متعقد من واقع المجتمع بتاعه!

تقديري,,

[Mo7aMaD 3aLa2]

كلام سليم جدا يا سيد بس ليا تعليق على نقطتين

نقطة التطور المجتمعى ثقافيا واجتماعيا موجودة لكنها بطيئة الى حد كبير

على سبيل المثال تطور المظهر موجود ,, والا كان زمانا دلوقتى بنلبس طرابيش

كان زمان اللى بيمشى فـ الشارع من غير طربوش يحس انة ماشى عريان والناس كلها تبصلة باستغراب

زمان مثلا مكنش فى شاب ينفع يمشى بـ شورط

التصرفات نفسها بقى فيها انفتاح بكل تأكيد

فى تطور وانفتاح وتأثر بالثقافة الغربية واضح ,, وانا معاك فى كلامكـ بانة مش من المنطق اتخاذ قيود الماضى على انة دستور محصن

وطبعا الكلام لا يتعارض مع الحفاظ على الهوية العربية

كل بلاد العالم ليهم هوية بتميزهم مهما كان تطورهم تلاقيهم ملتزمين بيها

زى الصين مثلا على الرغم من تقدمهم فى كل المجالات الا ان لهم عادت وتقاليد معينة بالنسبالنا غريبة وتلاقيهم محافظين عليها

النقطة التانية اللى تتعلق بالمرأة

مظبوط كلامك بخصوص التسلط الواضح من جانب الرجل فى التعامل لكن فى دور سلبى واضح جدا من معشر النساء

انا شايف ان ليهم دور كبير فـى صنع ذلك التسلط ,,

تحس بانهم مغلوبين على امرهم فى بعض الامور ومستسلمين دة غير انة مفيش اجماع

يعنى تلاقى نسبة مش قليلة منهم ترضى وتقنع بما هو قليل

موضوع قيادة المرأة للسيارة فـ السعودية مثلا ,, فين وجة الاعتراض من نساء السعودية على الموضوع دة

تلاقى مثلا واحدة بتكسر القانون هناك لتعبر عن عدم رضاها عنة ولكنها حالة فردية ,,طيب فين الاجماع ؟ !!

ومش من المنطق ان ينتظر معشر النساء تعاطف من الرجل على الحقوق المنتقصة لانة ببساطة اتكلمنا عن التسلط وعن نسبتة الكبيرة

الانتفاضة تأتى منهم انفسهم والمجتمع يتأقلم مع الامر الواقع ,, واحنا بنتكلم على وقت الصوت فية اصبح مسموع ووسائل الاعلام مفيش أكتر منها

اذن هنا فى دور سلبى على المرأة وفى مشكلة عدم الاجماع والاتحاد على موقف واحد كمان

تسلم ع الموضوع يا سيد

..

[حنـــــون]

عودا حميداااااااااااااااااااا اوى اوى يعنى

بصراحه مش عارفه اقولك ايه انت قولت كل شئ ممكن
يعبر عن اوضاع ونفسيات احنا عايشين فيها واثرت فى تفكرنا
وجعلت البعض منا شخصيات مشوه الى توافق عليه لغيرها
تلاقيه بترفضه على نفسها
عجبتنى جدا جزئيه ان ربنا مش هيحاسب المراءه على نص افعالها
ولا هيحمل الرجل تصرفات هى كانت بتعملها
كل واحد هيتاحسب زى التانى وحساب ربنا ع الافعال مش ع النوع
يعنى مش عشان هو راجل هيتحاسب بطريقه معينه
وانا عشان بنت هتحاسب بشكل تانى

بجد موضوع رائع ياسيد بيعجبنى تعمقك فى الفكره جدا
حمدلله ع السلامه

[yasmine refat]

اقتباس المشاركة الأصلية كتبت بواسطة mo7amad 3ala2 النقطة التانية اللى تتعلق بالمرأة مظبوط كلامك بخصوص التسلط الواضح من جانب الرجل فى التعامل لكن فى دور سلبى واضح جدا من معشر النساء انا شايف ان ليهم دور كبير فـى صنع ذلك التسلط ,, تحس بانهم مغلوبين على امرهم فى بعض الامور ومستسلمين دة غير انة مفيش اجماع يعنى تلاقى نسبة مش قليلة منهم ترضى وتقنع بما هو قليل موضوع قيادة المرأة للسيارة فـ السعودية مثلا ,, فين وجة الاعتراض من نساء السعودية على الموضوع دة تلاقى مثلا واحدة بتكسر القانون هناك لتعبر عن عدم رضاها عنة ولكنها حالة فردية ,,طيب فين الاجماع ؟ !! ومش من المنطق ان ينتظر معشر النساء تعاطف من الرجل على الحقوق المنتقصة لانة ببساطة اتكلمنا عن التسلط وعن نسبتة الكبيرة الانتفاضة تأتى منهم انفسهم والمجتمع يتأقلم مع الامر الواقع ,, واحنا بنتكلم على وقت الصوت فية اصبح مسموع ووسائل الاعلام مفيش أكتر منها اذن هنا فى دور سلبى على المرأة وفى مشكلة عدم الاجماع والاتحاد على موقف واحد كمان تسلم ع الموضوع يا سيد ..

دماغك حلوه يا محمد

وكلامك هنا عجبني جدا مافيش حاجه تمنح ولكن في حاجه تكتسب

تكتسب ازاي ان البنت تشتغل على نفسها

مش تفضل سلبيه وغير مطلعه (( الشهاده مش كفايه )) وأهتمامتها سطحيه وبعدين تقول الراجل مش بيحترمني

هنا هيكون عنده حق وهيبقى عنصري معاكي ,ازاي حد يسلم مسؤوليه لحد وهو جاهل وتفكيره سطحي ومحدود!!

في رجاله فعلا لما تشوف البنت الكويسه بتضايق بس هنا مش العيب فيها قد هو ماعيب في مجتمع مش سطح عقل المرأه بس حتى الرجل فطبيعي يضايق

لكن لو راجل ممتليء وواثق بنفسه عمره ماهيحس بالنقص قدام حد عرف يبني نفسه

اذا هي المسألة مش عطاء وتشكي هي مسألة أستحقاق

عايزه لازم تستحملي في بنات فعلا كتير بتخاف وتفضل تكون محميه وبتقلق من التعب (( وللمجتمع دور في بناء الشخصيه دي )) إذا لما يتم التعامل بعنصريه معاكي متتضيقيش

بس عموما المجتمع مابيرحمش وده الي بستغربه مع الي بيحصل في المجتمع أزاي في اهالي بتربي بناتها على الأعتماد على الغير وتعال بقى شوف الظروف النيله الي ممكن تتحط بيها تخليها تضيع وتتذل

بس برضو في رجاله مثقفين بيبقى صعب يتنازلوا عن المميزات بتاعتهم وهما عارفين انهم كده غلط ,,, بس الدنيا مش لازم تكون باللون واحد ولا رأي واحد وبرضو الحياه تضحيات

وعموما في ستات كتير نفسها الوضع يتغير بس تقدر تقول فعلا خايفه من الي هيحصل

والحياه عباره عن مجازفات مش عايزه تجازف وكل حاجه توصل لعندك هتقف مكانك

علشان تاخد الشيء لازم تثبت انك قده وده بأنك تبني شخصك مش تبقى ضعيف وهش وجاهل وتستني حد يحترمك ويديك اكبر من مكانتك

مشكور على الموضوع سيد باشا

ويحفظ قلمك الي بيقول حكم