::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
عودة
الكاتـب : نزارالفاضل - آخر مشاركة : Lamees - مشاركات : 2 -
* غُـربـة حـــب*
الكاتـب : وليد الطويل - مشاركات : 218 -
فجر جديد
الكاتـب : احساسى صحيح - مشاركات : 0 -
قوانين
الكاتـب : نزارالفاضل - آخر مشاركة : وليد الطويل - مشاركات : 5 -
عتاب
الكاتـب : gntlsoll - آخر مشاركة : منيرة محسوب - مشاركات : 10 -
عتاب
الكاتـب : gntlsoll - آخر مشاركة : نزارالفاضل - مشاركات : 2 -
سيناء الحب
الكاتـب : نزارالفاضل - آخر مشاركة : ياسر عبد الباقي - مشاركات : 15 -
يناديك النبض
الكاتـب : فادي العراق - آخر مشاركة : fanaa - مشاركات : 15 -
أوله
الكاتـب : خالد عبد الحميد المصرى - آخر مشاركة : محمد خلاف - مشاركات : 1 -
نداء
الكاتـب : فادي العراق - آخر مشاركة : ياسر عبد الباقي - مشاركات : 10 -
جلا جلا....
الكاتـب : مارد الغضب - آخر مشاركة : ياسر عبد الباقي - مشاركات : 9 -
بقلمي🖤
الكاتـب : ana aboodya - آخر مشاركة : aboheba - مشاركات : 5 -

إضافة رد
 
LinkBack أدوات الموضوع انواع عرض الموضوع
قديم منذ /07-18-2012, 12:44 AM   #1

قلم مميز

 

 رقم العضوية : 75149
 تاريخ التسجيل : Sep 2011
 الجنس : ~ رجل
 المكان : Skull
 المشاركات : 1,762
 الحكمة المفضلة : إذا ضربت فاوجع فإن الملامة واحدة
 النقاط : king lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond repute
 درجة التقييم : 25829
 قوة التقييم : 13

king lion غير متواجد حالياً

أوسمة العضو
افتراضي نلتقى لنرتقى مع SiLver Spectra ... تابع لمسابقة افضل موضوع حواري





أخباركم جميعاً ان شاء الله تكونوا بخير
ورمضان مبارك على الجميع

فى البداية كده يا جماعة اللى حيزهق يقول من دلوقت لأن الحوار ده طويل جدا جدا

حاولنا كتير نختذل فيه بس مقدرناش

كان ضيفى فى الحلقة دى طارق

وتعالوا نشوف اللى حصل بينى وبينه ايه



الأول كده نقدم فنجان قهوة لطارق
وانا فنجان
وأول أتنين حيردوا كل واحد فنجان



تعالوا بقى نشوف الحوار دار ازاى

على بركة الله


king lion

السلام عليكم ورحمة الله وبركاته

أخبارك يا طارق أن شاء الله تكون تمام


تحب تشرب أيه قبل الحلقة الطويلة بتاعتنا دى

قهوة شاى نسكافيه اللى تحبه قولى عليه بس

أيه رايك فى اللى بيحصل فى البلد حاليا مشاكل كتيره جدا بنشوفها
البعض بيقول أنها مشاكل مفتعله
والبعض بيقول أن التنافس السياسى أفسد البلد

انت وجهة نظرك فى الموضوع ده أيه يا طارق


***********************************************

SiLver Spectra

و الله يا أخ سيمبا :biggrin: الموضوع مش افتعال و لا حاجه

دا الوضع الطبيعي سلوكياتنا

بس الموضوع ممكن ناخده على بعدين

البعد الأول هو اننا مش منظمين , يعني دلوقتي اي مشكلة تحصل الحل فيها عند الناس انهم يقطعوا الطريق
دي برضو تاخدها من بعدين
البعد الاول هو ماينفعش حد يقطع الطريق و المفروض فيها عقوبة مشددة زي اي دولة
البعد التاني هو تأخر الدولة في تلبية المطالب خاصة لما تكون متعلقة بالخطف

البعد التاني للسؤال عامة بيرجع للتضخيم

المصريين يحبوا يخضموا المور و يصوتوا و يهللوا
الي يسمعهم يحس اننا مضروب علينا قنبلة نووية

دا كلو مالوش علاقة بالسياسة لأن السياسة بتمارس في كل دول العالم , له علاقة بالدماغ الي كل مواطن شايلها فوق راسه

هي الي تخليه منظم او غير منظم

و طبعا الغير منظم ممكن تستهبله باي حاجه

و تضحك عليه و يصدقك


***********************************************

king lion

:079: فكرتنى بالأستضافه بتاعتك بسيمبا دى

بس انت يا طارق مش شايف ان فى بعض الأحداث تدل على أنها مفتعله

زى مثلا أحداث بورسعيد
والحرايق اللى انتشرت فى محافظات كتيره جدا
وأزمه البنزين وغيرها كتير

ده ميدلش أن فى أحداث كتيره جدا مفتعله

أنا معاك أن بقى فى نوع من الأستهتار من الناس

إى مشكله بيحصل فعلا تعطيل الطرق وقطعها ويقولك مظاهره

طيب انا اللى أعرفه أن حق التظاهر مكفول لكن ميقطعش الطرق العامة

طيب سؤال مهم جدا بقى يا طارق

تفتكر الخلل الأمنى اللى فى البلد ده سببه أيه
وظهور تشكيلات عصابيه منظمة زى اللى حصلت فى بورسعيد

ياترى التقاعص الأمنى ده مين السبب فيه


***********************************************

SiLver Spectra


دول سؤالين و لا سؤال واحد مش عارف :biggrin:

بص,,

احداث بورسعيد تقصير أمني و بس
لكن الي عملوا كدا بورسعيدية , و ناتج من الشحن و التعصب الي بيخلي الناس مجانين

بصراحة انا عمري ما احترمت الالتراس دول
و بتوع الليزر و معرفش عبارات ايه بيكتبوها و قلة أدب .,,لما بشوفهم بيتكلموا بحس ان دماغي مفسيه
ناس عقيديتها كورة !!

انا مش ضد التشجيع بس فكرة انك تتعصب ,,انت بتتعصب على ايه!!
حتت كورة بتتشاط بالرجلين!!

عارف اخويا عنده عربية تبع الشركة ملاكي القاهرة

راح ركنها في مره في بورسعيد رجع لقى ازاز العربية مكسور

و هتلاقي العكس بيحصل

فهي النفوس مش مظبوطه

بلاش كل حاجه نهرب منها و نروح نلزقها في الفلول و في النظام السابق و العسكر
العسكر قول عليهم الي يعجبك


بس في مشكلة في النفوس و في ادمغة الناس
لو عايز تصلح المشكلة يبقى تعالجها باعترافك ان في مشكلة


لكن شماعة الفلول دي مش حل نهائي

مش معقولة كل حادث فتنة نقول النظام السابق

حادث الشاب بتاع السويس الي مات نقول دا تشويه في الاسلاميين

لأ في مشاكل فكرية
في ناس وظيفيتها تزرع الكره بين الناس و بين الطوائف

ممكن اي شخص تلقنه كلام عنصري من دا و ياخده بشكل عنيف و يتسبب في مشكلة , وقتها أنا ما اقدرش الومه هو بس , هلومه و قبلها هلوم الي لقنه كلام عنصري

فانت لازم تعترف بالواقع عشان تقدر تعالجه



***********************************************

king lion


طيب يا طارق معلش لو أنه تقصير أمنى فقط ومفيش شىء متعمد

ايه تفسير أن كانت أبواب الخروج ملحومه من الخارج

وده اتكلم فيه ناس كتيره جدا حتى مدير أمن الأستاد نفسه

التعصب الكروى انا معاك فيه ومفيش اختلاف بالمره انه موجود


ومين قال اننا بنلزق اى شىء فى العكسر او الفلول

هما ليهم أفعال سوده طبعا ً لكن احنا مش بنقول كل شىء عليهم


بمناسبة الكلام عن تشويه الأسلاميين
انت أيه رأيك فى الموضوع ده يا طارق

هل فعلاً فى حملات لتشويه التيار الإسلامى على وجه العموم


***********************************************

SiLver Spectra


موضوع ان البوابات ملحومة أو غير ملحومة يمكن تكون على طول بتبقى كدا او حد من بتوع الأمن البورسعيدي كان متعمد يعمل كدا بس دا ما اقدرش اعتبره تنسيق مع النظام , أتوصرانه عمل فردي و الله أعلم

أنا شايف ان مش من مصلحة العسكر ان الأحداث الدموية دي تحصل , لأني أتصور انه كان عايز يستحوذ على الحكم بأطول فترة ممكنة
و في كل حدث دموي كان بيحصل كان بيصب لصالح التيار المعارض للعسكر , و الي تسبب في تقصير فترة الحكم بتاعته الي كان ناوي يخليها تمتد ل2013 , و الله أعلم كان وقتها هيسلم و لا لأ و مش بعيد كان يفوز رجل من المؤسسة العسكرية بالسلطة

فلو هنتكلم عن لحم بوابات فدي هتكون اعمال فردية من الشرطة دا ان كان فعلا حقيقي لكن شخصيا بستبعد انه يكون عمل منظم من النظام

انت اصلا عندك انفلات امني و ضعف للشرطة في الشارع , لو قويت الشرطة الناس بتهيج أكتر و بتتمرد أكثر و ممكن يحرقولك القسم
فالوضع الآن لا نحسد عليه


=================
تشويه التيار الإسلامي
أعتقد دا النتاج الطبيعي نتيجة قيام بعض المحسوبين على التيار الاسلامي بتشويه صور التيارات و الافكار الأخرى
و لا انت عايز تشوه و غيرك مش يشوهه فيك :biggrin:

ما انكرش ان في فوبيا من الاسلاميين بشكل زايد عن حده عند البعض
و بيخليهم يقبلوا أي حاجه زي انه ينتخب مبارك مثلا في الانتخابات أو ان يحصل ظلم للاسلاميين عشان يخلص منهم
زي الاستهبال السياسي الي احنا شايفينه كدا من حل لمجلس الشعب


انت عارف انا كنت بعارض المجلس ازاي
لكن في نفس الوقت أنا ما ارضاش بالاستهبال السياسي و ضد حل المجلس
لأن دا ضد المبدأ
في ناس بقى انتقاما من الاسلاميين بيرضوا باي حاجه , لو حتى تم اعتقال الاسلاميين سياسيا هيبقى فرحان و شمتان فيهم


عاوز اوريك
اعداد لجريدة الفتح (السلفية) كانت بتصدر في فترة ما قبل انتخابات مجلس الشعب






انت عارف الحاجات دي عملت ايه في عقول الناس البسيطه!
بالرغم ان الراجل دا يعتبر من اوائل الناس الي تحدت نظام مبارك في عز قوته , وصلت بيه الشعبية للصفر بسبب حملات التيارات الاسلامية ضده
و بعديييييين بعد حل مجلس الشعب اعتذروله و قدروا مواقفه , بس بعد ايه!
و اعتقد برضو لو وصلوا للمناصب تاني و كسبوا الانتخابات هيمارسوا نفس سلوك التشويه لأن دي لعبتهم اساسا
هو مش وصل للمجلس عن طريق عمله و فكره الابداعي , هو بيوصل عن طريق عباءة الدين و تشويه غيره


فاحنا عشان نعالج مشكلة التشويه دي لازم نعالجها من الطرفين
مش من طرف واحد
بمعنى آخر لازم تقضي على الفكر اليميني المتطرف
و المصلطح دا مالوش علاقة بالدين
هتلر كان يميني متطرف و ماكنش له أي علاقة بالدين
أي شخص متشدد فكريا و عايز يقصي غيره و شايف ان هو على راسه ريشه و غيره من الناس دون المستوى منه سواء عشان بيختلفوا معاه فكريا او عقائديا
فدا اسمه عالميا (يميني متطرف)
بيكون عنصري في الغالب
و دا بالمناسبة ضد الدين الي بيدعوا للوسطية

اليميني المتطرف دا موجود في بعض الاسلاميين و موجود في بعض الليبراليين
و هو الي بيأجج التشويه الي ممكن تولد فتن

اي شخص لو راجع نفسه مع ضميره هيعرف هو يميني متطرف و لا لأ
:biggrin:


***********************************************

king lion


لا يا طارق ازاى البوابات تكون بتتلحم من الخارج ونقول على طول

معنى ان البوابه تتلحم من بره ده معناه ان الغرض حجز الناس جوه
بغض النظر أن كان الموضوع كان المقصود بيه أفتعال مشكله

فمش حنقدر ننكر أنه كان منظم للغاية ومترتب ليه صح

والأحداث هى اللى بتشير لده زى أنقطاع التيار الكهربى ولحم البوابات


نيجى بقى لتشويه التيار الإسلامى


انت بتقول ان ده نتيجه تصرفات بعض الإسلاميين

طيب هل من العقل والمنطق أننا نشوه الجميع لمجرد أخطاء البعض

انا معاك ان فى فوبيا من الإسلاميين وعملت هيستيريا لكثير من الناس


لكن لما توصل لحد الشماته من الأعتقال والتعذيب للغير

ده يبقى اسمه عنصريه فكرية وسادية والأنسان اللى يفكر كده
انسان ربنا يهديه

بتفق معاك ان فى فتره تم تشويه البردعى وزويل والباز وده كان مرفوض عند ناس كتير جدا جدا بتتبع التيار السلفى

وناس أكتر من الملتزمين ويمكن كانت بتدور فى بعض المساجد نقاشات خاصة فى الموضوع ده

بالنسبه أن فى ناس وصلت بعباءة الدين
أعتقد ان ده تعميم مش صحيح

لأن فى ناس كتيره جدا كانت بتشتغل قبل الخوض فى العمل السياسى
وكان ليهم شعبيه عاليه فى بعض المناطق داخل المحافظات


احب اسألك يا طارق
ليه الناس فى مصر متخوفه من تطبيق الشريعة الإسلامية



***********************************************

SiLver Spectra


بالنسبة لاحداث بورسعيد
فأنا شرحتلك وجهة نظري و الله أعلم
لو كان في تعمد من قبل بعض رجال الشرطة فأعتقد انه فردي
في النهاية الشرطة من الشعب و الشعب من الشرطة

الشرطة مش كائنات مختلفة عن الشعب , و كان في تعصب غير طبيعي و قلة أدب غير طبيعية من الألتراس , و الشحن زاد مؤخرا و اصلا بورسعيد معروف عنهم التعصب الكروي , حط معاهم بقى ضعف امني و شوية فتن و هتشوف اكتر من الي شوفته في بورسعيد كمان
المتعصب مش بيكون له معاد , اتوقع منه اي حاجه

بالنسبة للتشويه

ما أنا وضحتلك دا , انا ضد الشماتة عامة ايا كان الشخص دا بختلف معاه ازاي في فكره
انت لو تتابع ردودي هتلاقيني برد على مواضيع فيها شيء من العنصرية أو الفوبيا ضد محمد مرسي

انا ماعنديش مشاكل تختلف معاه بس الفوبيا دي مش بحبها , الي هو فرحان ان المجلس اتحل و ازاي يرجعه و كدا

و برد ضدهم بكل حزم , لأني مش بحب الاستعباط السياسي
ايا كان الشخص دا ايه

و انت يا محمد ممكن اقول انك بتنشر نوعية من الكره في بعض مواضيعك ضد الافكار الاخرى بتسطيحك ليها

زي العلمانية و الليبرالية

طب ماهو كمان يقدر يسطح المفهوم الاسلامي و يقولك اسلام يعني تقطيع رقاب و أيدي و غيره, و يعمل فوبيا زي ما انت بتعمل
فانت ايه الي بتكسبه من زرع الكره !

ليه مش نتعايش مع بعض باحترام بدون احتقار لبعض

عشان كدا بقولك لو عايز تعالج المشكلة يبقى لازم كلنا نبطل نمارس التشويه و الكره ضد بعض
لكن مش يجي واحد و ينزل هات فيك كره و تسطيح و عايز الباقي يتفرج عليك ,
التطرف عمره ما بيجيب نتيجة ايجابية على مر تاريخ البشرية

نيجي لسؤال ليه الناس بتخاف من الشريعة

الي هو ايه بالظبط ! و ايه مفهومك عن الشريعة و مين بالظبط الي هيطبق و ازاي و ايه فكره و ايه هو اجتهاده العصري ؟
أنا عجبني راشد الغنوشي زعيم حزب النهضة التونسي الاسلامي صاحب الاغلبية البرلمانية لما جه هنا مصر في حوار , كان بيقولك مافيش دستور جاهز في الكتاب و السنة , لأن الي فيهم هي قواعد عامة للحياة
الانسان لما بيجي يصوغ قوانين بيحتاج كل تفصيلة , يعني الفترة الرئاسية كام سنة و غيره و غيره

لو اخدنا مثال مثلا زي الشهود الاربعه على الزنى

هل حاجه زي كدا تقدر تطبقها دلوقتي!!
دا اسلوب بدائي جدا و لو روحت تعيش في قرية فلاحي مثلا هتلاقي اهل القرية عارفين بعضهم و معروف مين الشخص الي بيكذب و الشخص الكويس و كدا
فتقدر تصنف الناس و تقول فلان تنفع شهادته أو لأ
لكن دلوقتي في العصر الحالي في حياة المدن , هتعرف منين دا بيكذب و لا مش بيكذب
دا انا من بكرا اقدر اجيب 100 واحد يشهدوا عليك انك زنيت مثلا

هل من العقلاني ان المحكمة تطبق عليك حد الزنى!
اهو شرعا
و لا الموضوع بيطور عن كدا في الاجراءات
و قيس على كدا امور تانية كثيرة جدا


فانت لما تيجي تقولي عايز اطبق الشريعة , طب ما احنا عايشين بالشريعة

انا بتجوز بالشريعة و بطلق بالشريعة و بورث بالشريعة و في كل شبر في مسجد و بنصوم بالشريعة و بنحج بالشريعة و مش بزني عشان الشريعة و اعد عدد للصبح
لما انت تيجي تقولي عايزين نطبق الشريعة أنا بمنظوري دي اهانة لكل المسلمين في الدولة

عارف لما تيجي تسأل حد تقصد ايه بالشريعة ؟

يقولك مثلا رشوة ,,طب ماهي الرشوة ليها قوانين و عقوبات!
ايه الجديد , مش عارف ايه فكرة انك تطبق الشريعة يعني البلد تبقى ملايكه!


عارف يا محمد لو أنا دورت وراك في كل تصرفاتك , هلاقي تصرفات منك بتنافي الشريعة

و نفس الحال لو دورت ورايا و لو دروت ورا اي انسان
عارف سورة التحريم لما نزلت على الرسول ؟
لما السيدة عائشة راحت لبيت والدها لفترة فالرسول جاب على فراشها مارية القبطية و بعدين عائشة عرفت بعدها من احدى زوجات الرسول
فالرسول حرم على نفسه زوجاته لفترة غضب
فنزلت الآية

يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ تَبْتَغِي مَرْضَاتَ أَزْوَاجِكَ وَاللَّهُ غَفُورٌ رَّحِيمٌ


فتلاحظ هنا ان الرسول في لحظة غضب خالف الشريعة لأنه في النهاية انسان

فانت لما تيجي تقولي يلا نطبق الشريعة ,,طب هنطبق ايه بالظبط! و بفكر مين و فين الاجتهاد بتاعك!

دا الاجتهاد دلوقتي صفر , و حتى لو حد اجتهد ماحدش بيحترمه و لا بيعترف بيه
مش زي زمان , كان الاجتهاد ممكن يحلل شيء مشبوه و ممكن حتى يفسر اشياء غير موجوده لا في الكتاب و لا السنة و ممكن يخالف حتى حديث مبهم , و دا تقدر تشوفه و تعرفه اكثر لو اطلعت على الائمة الاربعة و احكامهم المختلفة


دلوقتي مافيش اي اجتهاد حديث و اي امر مشبوه بيكون اقرب للتحريم !

عايز اقولك مثلا موقف شوفته قريب و ضحكت عليه
واحد بيتصل بالشيخ (ابو اسحاق) الي يعتبر قامة من قامات شيوخ السلف
بيقوله هي الكورة حرام ؟
رد عليه و قاله حديث عن الرسول ان اللهو المحلل ثلاث
مداعبة الزوجة أو الابن او الفرس
طب بالذمة مش حاجة تضحك لما تكون عقليتنا كدا دلوقتي
يعني واحد زي دا لما يجي يقولي يلا نطبق الشريعة هبقى مبسوط و حاسس انه تمام !
و لا هحس انه هيبقى زي نظام طالبان كدا عملوا دولة فاشلة بكل المقاييس و قمة التخلف , و زي شمال مالي دلوقتي الي سيطر عليها اسلاميين

خد عندك دي كمان

معرفش سمعت عن موضوع جواز ملك اليمين و لا لأ الي عمل ضجة
بس عارف لما قريت عنه حسيت اد ايه الاسلام في منشأه كان وسطي على خلاف دلوقتي بقى مفهوم انه متشدد و كل شيء حرام

عارف ملك اليمين ؟

الي هما العبيد

دي ممكن تعاشرها بطريقة غير الجواز , الجواز بيكون للاحرار
اما ملك اليمين فعادي بتكون شعرها مكشوف و مش بتحسب عليك زوجة , الي هما الجاريات و العبيد و كدا
كان اغلب الصحابة عندهم ملك يمين
انا سألت نفسي سؤال : هو ليه الاسلام لما جه ما لغاش العبودية!
بل انه اكتفى بتنظيمها , يعني الجارية لو انجبت مثلا تتحول لزوجة حرة و كدا
الاجابة بترجع الى ان الموضوع كان بالنسبالهم زمان طبيعي ان يكون في عبيد الي هما الخدم , و ان عادي تعاشرهم
و دا بيوضح ان العملية مش زي دلوقتي كل حاجه حرام , لأ الاسلام بيحترم الثقافة و بيحترم التغيير و بيحترم عقلية الانسان

فين بقى الاحترام دا لما يطلع شيخ كبير و يقولك الكورة حرام و لهو محرم!!

و غيره بقى من امور حياتيه لو قاعدت اعددها لبكرا الصبح مش هخلص



***********************************************

king lion


طيب بحترم وجهة نظرك جدا فى أحداث بورسعيد

نيجى بقى للسؤال اللى اجابته وبكل أمانة حابب اتكلم معاك فيها


ممكن فى بعض مواضيعى كتير من الناس تشوف انى عنصرى

لكن فى الحقيقة مش بيكون المقصود منها عنصريه او تهميش بالعكس

بيكون المقصود منها انى مش لاقى فيها شىء زيادة عن الشريعة وأحكام الإسلام وده اللى بيخلينى أستعجب طالما كل شىء موجود عندى وبين أيدى ليه أتوجه لغيره

بالنسبة ليا أنا مش بحتقر أو أكره إى أنسان بيتبع أى فكر ممكن أختلف معاه وأتحاور معاه بكل طاقتى لكن مش بتوصل أنى أحتقره مهما كان فكره ممكن بيحصل نوع من أنفلات الأعصاب فى بعض النقاشات

لكن مش بتوصل للمرحلة اللى ذكرتها

ركز معايا بقى لأن الجاى مهم جدا


اقتباس:
الي هو ايه بالظبط ! و ايه مفهومك عن الشريعة و مين بالظبط الي هيطبق و ازاي و ايه فكره و ايه هو اجتهاده العصري ؟


الشريعة الإسلامية مش بس الحدود زى حد الزنى وحد الحرابة وحد السرقة وحد قذف المحصنات

الشريعة الإسلامية أشمل وأعمق ولا تقتصر على الحدود الشرعية بس

يعنى خد عندك مثلاً


تطبيق العدل بين جميع أفراد الأمة


أهو ده من الشريعة الإسلامية تقدر تقولى مين فينا ميحبش أن يسود العدل بين الناس

يبقى العدل من أساس الشريعة الإسلامية


الحرية من أساس الشريعة الإسلامية برضه


زى حرية الأعتقاد وعدم التعرض وأجبار أصحاب الأديان الأخرى

زى حرية التعبير وأبداء الرأى دون خوف من أعتقال أو ذل أو مهانه

المساواة من الشريعة الإسلامية


مين فينا ميحبش أن يكون فيه مساواة بين الفقير والغنى الكبير والصغير

مش ده اللى كلنا خرجنا عشانه يوم الثورة الحرية والمساواة والعدل بين الناس


كفاية أفراد الأمة من مأكل ومشرب وملبس وعيشه كريمة للفرد


لو قعدنا بقى نعدد فى معنى كلمة الشريعة حنقول كتير جدا جدا


يعنى خد منها مثلا حاجه كمان
أداب الطريق

الذوق العام بين الأفراد
الحفاظ على النفس البشرية
الحفاظ على الأموال والممتلكات
الحفاظ على العرض والنسب

شفت أن معنى الشريعة عميق يا طارق


تعالى بقى لنقطة مهمة جدا جدا


انت بتقول تقدر تجيب 100 شاهد يشهدوا بواقعه زنا انا معاك ده بيحصل لحد دلوقتى


لكن تعالى بقى لما نقول حنطبق الشريعة متنساش ان الحدود لايمكن تعطيلها إلا بسقوط شرط من شروطها

طيب فى تعذيرات تركها الله تعالى للحاكم وشيوخ المسلمين

ممكن نقدر نقضى على شهادة الزور دى بفرض تعذير القتل مثلا

أعتقد محدش حتقوله لو شهدت زور حتموت حيروح يشهد معاك مش كده برضه وله ايه

غير كده الإسلام قالك أربع شهود عدول ياترى يا طارق عايز تقولى أن عدد المصرين دلوقتى أكبر من عدد الأمة الإسلامية فى العدد فى العصر الذهبى للإسلام اللى مسكت من الصين لأسبانيا


تقدر تقولى حاليا عقوبه الزنا فى القانون المصرى أيه حاليا

انا اقولك الراجل بيطلع والست بتتاخد ملف أداب وقضيه
لو كان الزنا بمقابل مادى

امتى يتحبس الراجل فى القانون المصرى لو مارس الزنا فى فراش الزوجيه


طيب مين بيقدر يقول ده زنا وله لا ماهو شويه مخبرين بتدخل قفش قفش علق من قفاه لفه فى ملايه ونزله وخلص الموضوع
مش ده اللى بيحصل يا طارق وله انا غلطان


اعتقد ممكن نقدر نستفيد من العلم برضه وفى مليون حل لأثبات واقعه الزنا ودى اللى يقرها شيوخ المسلمين زى عمل تحليلات للشخصين اللى اتمسكوا وهل فعلا حصل أتصال جنسى صريح بينهم وله لا


بالنسبه للأية من سورة التحريم


اللى اعرفه يا طارق ان ده حصل فى منزل السيدة حفصة وليس فى منزل السيدة عائشه ولكن السيدة حفصة قصت ما حدث للسيدة عائشة

فأعتزل الرسول الحبيب نساءه فنزلت الأية معاتبه له من الله تعالى

شىء تانى يا طارق مينفعش نقول
أن النبى عليه الصلاة والسلام خالف الشريعة ابداً

لأننا لازم نفهم أن القرآن الكريم نزل هادى للبشر ومعلم لهم
ونزل على مدار 23 سنه وكان بينزل لمواقف بتحصل للأرشاد والتعليم

زى حادثة الأعمى مثلاً وزى حادثة زواج النبى من السيدة زينب بنت جحش ومواقف كتيره ومتعدده من القرآن الكريم نزلت لأسباب معينه
وده للتوجيه والأرشاد

رد على سؤال نطبق أيه بالظبط وبفكر مين انا ارد عليك بعون الله


نطبق الشريعة تحقيق العدل والمساواة والحرية والكفاية

بعدها نطبق الحدود الشريعية للمحافظة على المبنى الجميل اللى بنيناه للمحافظة عليه وضمان عدم العبث بيه

بمفهوم مين بقى بمفهوم علماء الدين الإسلامى

وبسم الله ما شاء الله عندنا بدل الشيخ مليون
طبعا الموضوع مش حيكون بفكر فردى لمفهوم الشريعة
بالعكس حيكون بأجماع علماء المسلمين
وبكده تبقى حضرتك ضمنت الفكر الإسلامى المعتدل الناجح
بدون تعصب وبدون تسيب وفساد

بالنسبة لموضوع الكورة وحرام وله حلال انا مقدرش افتى فيها بصراحه لأنى محبش اقول حلال وحرام إلا بنصوص دامغة


يعنى لما تقول الكورة حرام وله حلال حقولك الله أعلم

بس من وجهة نظرى وبعيد عن الحلال والحرام كلنا بنحب نتفرج عليها

مين بقى يرد عليه فى الموضوع ده شيوخ المسلمين

يقولوا ليه لا انت غلط لان فيها تربية بدنية وأخلاقيه نوعا ما
ويذكروا محاسنها وان مفهاش حرمانيه

بالنسبة لموضوع ملك اليمين
ده كلام فارغ وأنا رديت عليه تقريبا فى موضوع
او كتبت موضوع هنا بيتكلم عنه حقيقى مش فاكر كويس


بس انا اتكلمت فيه وقولت ان ده يعد زنا لا محاله ولا يجوز ذلك

لأن الأسلام أتى للتحرر من العبودية وليس لأستعباد الناس


حابب أسالك يا طارق بصراحه

أيه يخلى بعض الناس

تتوجه للفكر الليبرالى أو العلمانى
مع ان الدين الإسلامى فيه كل الحجات اللى بتخلى الناس تتوجه للفكر ده
ياترى للتقليد الغربى مثلا وله تفتكر ليه بالظبط



***********************************************

SiLver Spectra


ماهو انت يا محمد بتنشر و بتتكلم ما تعرفش غيرك هيفهم ازاي

يعني لما تحصل فتنة , فكرك مثلا بيكون في حد قال يلا نروح نضرب المسيحيين مثلا او على سبيل المثال ايام احداث الجزائر , ماكنش في مباشرة بانك تروح و تضرب الجزائري او العكس
لكن في ايحاءات بالكره ,


نيجي لمفهومك عن الشريعة

ما دا الي بقولك عليه , ما انت اصلا عايش بمبادئ الشريعة
عارف اوروبا ,, اهي عايشه بمبادئ الشريعة العامة الي هو العدل و المساواة و عدم الظلم و غيره باستثناء امور اجتماعية

عشان كدا لما تقولي يلا نطبق الشريعة المصطلح ممكن يتفهم بكذا شكل و منطق

زي لو قولتلك يلا نطبق الحرية
دا ممكن تفهمه من كذا منطلق حسب الشخص الي بيحاورك
ممكن يكون قصده حريات يعني مايبقاش في اعتقال و كدا
و ممكن يتفهم بالحرية المطلقة
فانت المفروض تسمي الحاجة بمفهومها

الي انت قولت عليه فدا موجود عشان كدا بقولك ما انت عايش بالشريعة , مهما كان ففي النهاية انت بتتعامل مع مجتمع من البشر لازم هتلاقيه بيرتكب اخطاء و واجبك انك تنظم و تحط عقوبات لحدها

زي امبارح كدا اعتبروا سرقة الكهرباء جناية و غلظوا عقوبتها

في ناس مفهومها عن الشريعة يعني نمنع الست تمشي في الشارع لواحدها و مش تسوق و معرفش نمنع الفن و غيره

و بعدين يجي يقولك يلا نطبق الشريعة!
فانت لازم تسأله شريعة ايه بالظبط! الشريعة الي في دماغك!!

لو كدا مش عايز اطبقها و طبقها انت على نفسك

عشان ما اجيش انا كمان و اطبق الشريعة بتاعتي الي بمفهومي الخاص

عشان كدا في حاجه اسمها قانون ,,القانون بيكون ناتج من اجتهادي و اجتهادك و نظرة الواقع و خلفيتك الثقافية (الاسلامية)
بيكون حاجه موحده بتطبق على الكل بشكل مدروس و متقن

اما نقطة شهود الزنا

ما انت اصلا عندك القانون الي بيجرم شهادة الزور
و عندك قوانين الي بتجرم التعدي على اراضي الدولة و عندك كل القوانتين و العقوبات و مع ذلك بتلاقي في اختراق للقانون
فانت ليه مفكر انك لو طبقت عقوبة بشكل معين يبقى مش هتحصل جريمة
ماكنش حد غلب :biggrin:

في اي دولة اي خرق للقانون فيها عقوبة
و بيختلف شكلها من دولة لتانية
فهي النقطة هنا هو انك بتحلم بمجتمع مثالي و لا وجود له على الاطلاق في دنيا البشر
فنظرية انك لو عملت قانون بيجرم كذا الناس هتخاف
مين قالك كدا ,,في ناس عايشه في فقر متقع و مش فارق معاها اي حاجه , و دا مش معناه اني بقولك مش عايز قانون رادع

بس انا بقولك في قوانين اصلا , عايز تغلظها او تخففها هتظل المشكلة موجوده و لا هو ابليس هيروح فين )

بالنسبة لملك اليمين

فانت ابحث عنه موجود في الكتاب و السنة
ايوه الاسلام ماكنش مع العبودية و دا انا فاهمه كويس
لانه كان بيحول العبد للحر مش العكس زس ما حصل
لكن انا الي استوقفني هو ان المنع ما تمش فيها بشكل مباشر و مطلق
اكتفى الدين بتنظيمها و تقليلها عن طريق عتق الرقبة
بس لو تفكر في فلسفتها هتلاقي الدين مش متشدد , يعني تلاقي الصحابي عنده كذا زوجة و كذا ملك يمين , عايشين حياتهم يعني مش زينا غلابه دلوقتي هههههه

و بعدين نقول هو المجتمع اخلاقه وحشه ليه , ماهو الشاب بيتجوز في العشرينات لو ابن ناس و في التلاتينات و ممكن في الاربعينات

و كل دا عشان يتجوز واحده بس ,,لافي ملك يمين و لا تعدد زوجات و لا احزنون ,,هيعمل ايه بقى طول الفترة دي الي قبل الزواج غير انه ينحرف او يبص على الاقل :biggrin:
عشان كدا عمري ما عرفت شاب في حياتي مهما كان متلزم او غير متلزم الا و كان بيتفرج ,,دي فطرة يا ابني )

بالنسبة لسؤالك

شوف , انت الى الان ماعندكش نموذج اسلامي ناجح في عصرنا الحديث , ما اقدرش اقارن بدول من العصور الوسطى
في حين تبص تلاقي الغرب هو الي بيطبق مبادئ الشريعة بتاعتك
سيبك من الملبس و المأكل
بص على اخلاقه في العمل , مدى انضباطه اهتمامه بيه تسامحه و غيره , تفتكر الغرب كان شكله ايه ايام زمان لما كانت بتحكمه الكنيسة!!
و شوفه دلوقتي بقى شكله ايه


في حين انت واخد من الشريعة شكلها ,,مساجد كتير و صلى و صوم اما العمل تعبان

الناس كلها بتتكلم عن بعض و مافيش وراها غير الكلام و النميمه , زباله في كل حته , و حط بقى كل حاجه على مزاجك
فانت مش عايز ليه الناس تتأثر بنموذج الليبرالية الي مطبق!!
لما يجي و يلاقي فتاوي عجيبه زي عندنا كدا ,,و دا شخص لف الدنيا و عايش برا ,,تفتكر هيبقى مبسوط ! طبيعي هيحس بانها عقول رجعية
يعني الدنيا وصلت لفين و انت قاعد بتناقش كرة القدم حلال و لا حرام مثلا!

يعني شخصيا بشوف راجل زي عمرو خالد , راجل متحضر و صاحب رسالة و محترم و بياخد جوهر الدين مش شكله

يعني بمنظوري الشخصي , دا الي بيطبق الشريعة صح , و دا هو الي ممكن يبقى مثال جاذب للشريعة بالنسبة للناس الي عاشت برا أو حتى الأوروبيين نفسهم


***********************************************

king lion

الحوار معاك مثمر جدا يا طارق عشان كده بحب أتناقش معاك ديماً

تاخد واحد قهوة وله لمون لحسن الناس شكلها حتزهق منا وحيضربونا بالنار

بص يا طارق انا بنشر وبتكلم فى نقاط معينه

واعتقد أن المفروض الناس تكون فاهمه الكلام بيكون ايه بالظبط انا معاك فى ناس بتفهم غلط وناس بتفهم صح لكن هل ده معناه انى اتوقف عن الكتابه عشان مفهوم بعض الناس بيكون غلط
طبعاً لا

بالنسبة للى قولته انت بتقولى اهو انت عايش بالشريعة واروبا

حقولك معلش يا طارق فين العدل والمساواة بين الناس هنا فى مصر
ادينا اتحكمنا بقانون فرنسى من ايام الخديوى تقدر تقول عمر فرد من الشعب المصرى حس بالعدل والمساواة الأجابة هى لا

اوروبا يا طارق ومع شديد احترامى فيها تمييز وعنصريه مفهاش مساواة وتعالى اديك دليل على فرنسا كمثال طبعا حضرتك عارف ان جزء كبير من الشعب الفرنسى جزائرى الأصل
تعرف ليهم حدود بيقفوا عندها فى نظام الترقيات وشغل المناصب الحكومية بيعتبروهم فرنسيين درجه تالته رغم أنهم مولودين فى فرنسا
إلا أن فيه تمييز بين الشعب هناك

امريكا نفس الشىء حتلاقى فيها تمييز وعنصريه
يعنى الزنوج على المكسيكيين على شرق اسيا حتلاقيهم بيتعاملو معامله مختلفه عن البيض وده معروف جدا ولو ليك حد فى أمريكا حيقولك

شوف هنا حصل ايه تفرقه عشان العرق والأصول

طيب تعالى للدين بقى وحريه المعتنق فى دول اوروبا وهى بلاد الحريات
مش مكفوله سويسرا كمثال أشتغلت فى نظام هدم المأذن بتاعت المساجد وأضطهاد لكل ما هو إسلامى فى دول الغرب وانت عارف ده كويس حرق القرآن وتدنيسه منع بناء المساجد وهدمها وأحداث كتيره جدا

يبقى القانون الوضعى واللى كل الناس بتشوف انه اهو بيمثل الشريعة الإسلامية فى العدل والمساواة ده مش حقيقى ومش صحيح
لأن القانون الوضعى ده بيتماشى حسب الأهواء والرغبات لمن هو أعلى أو ليه السيادة والسلطة

الشريعة الإسلامية بقى مختلفه مش بتفرق فى عدلها ومساواتها بين إى شخص والتانى سواء مسلم او مسيحى او إى كان ديانته

بالنسبه لملك اليمين معلش يا طارق انا عارفه كويس وانا قولتلك انى اتكلمت فيه قبل كده

وعلى فكره ملك اليمين ليه شروط يعنى أن تكون فى حالة حرب مع دوله غير مسلمه ولا تحكم القرآن وتكون الدوله المحاربه دوله إسلاميه تحكم القرآن واعتقد ان مفيش دوله حاليا مفهاش مسلمين
يبقى فين شروط ملك اليمين هنا

تعالى بقى لنقطه مهمه حتقولى مثلا ممكن أمير وله رئيس يروح دوله فقيره يشترى بنتين تلاته بفلوسه ويقولك ملك يمين
طبعا ده زنا برضه لأنها فى الأصل حره حتى لو أهلها بعوها
فالموضوع مش سايب كده نقول ملك يمين وهوبا ويله ونتجوز

بالنسبه أن مفيش نموذج أسلامى ناجح فى العصر الحديث

أقدر أقولك ده لأن الشرع لا يطبق
يبقى حتلاقى نموذج سليم وصحيح أزاى أذا مكناش فى الأصل بنطبق الشرع

بالنسبه للأخلاق فى العمل
ماهو برضه فى الشريعة بتأمرك بكده
انت الأخلاق بايظه عندك ليه لان الدين مهمش مفيش رادع مفيش حسيب او رقيب حنسرق النهرده يله بينا
بقولك ايه حنخطف البنت دى عشان حلوه وماله يا سيدى نخطف
طيب بص احنا نسرق الخامات من الشركه ونهربها ونبيعها بره

همشت الدين يبقى منتظر أيه بقى يا طارق

بالنسبه لأوروبا الأمر يختلف بص خلينا نعملها مقص مع بعض

الكنيسة حينما تحكمت * طغت وتدهورت الحياة وأتت ثورة العلماء
الإسلام حينما تحكم * أزدهرت الحياة وتقدم علماء المسلمين

يبقى ازاى تقارن

احنا لما كنا بنحكم الدين تقدمنا وأزدهرنا والتاريخ هو اللى بيقول
لا انا ولا انت ولا اى حد

لما همشنا الدين وتعالى نحكم نفسنا بقانون فرنسى
اهو أديك شايف الحال من الدول اللى تحت خط الصفر بمراحل

بالنسبه بقى للردع
معلش يا طارق مفيش أردع من حكم الله لكل نفس بشريه

يعنى لما تقولى ححبسك احبسنى ياعم وماله
قانون ردعك تعبان مش اللى يخلى النفس البشريه تكون قلقانه لو عملت ده


انما تعالى بقى للحدود

اى قطع للطريق وترويع الناس حنقتلك او حنصلبك او حنقطع ايدك ورجلك من خلاف

تعالى كده اقبض على 100 فرد عملوا كده شوف بقولك 100 مش مليون

رغم أن عندك أعداد منحرفه رهيبه ظهرت دلوقت


هات 100 فرد دول كده وفى ميدان التحرير


النهرده سوف نعدم 20 فرد تم القبض عليهم لقطعهم الطرق وترويع الناس


واعدم يا عم العشرين دول


تعالى بعدها بكام يوم اقطع ايد ورجل من خلاف لعشرين غيرهم


بعدها باسبوع اعدم عشرين كمان


تفتكر بعد لما تعمل كده حتلاقى واحد يتجرىء ويطلع يقطع طريق بسلاح
انسى يا طارق مش حتشوفها ولو حصلت مش حتكون بالنسبه الرهيبه اللى بنسمع عليها دلوقت

ادينى قانون ردع أقوى من كده مش حتلاقى

بالنسبه للى عايش بره يكون مبسوط اقولك ازاى

لما ينزل يلاقى عدل فى البلد ابن الوزير زى ابن الغفير
ده كسر اشارة تتسحب رخصته ده كسرها برضه نفس الشىء

مش ابن الوزير اهلا يا سعادة الباشا عدى

وابن البواب يله خد العربيه حضانه :079:

برضه يا طارق حرجع واقولك

الدين الإسلامى فيه كل شىء وانت قولت ان دول الغرب بتطبق الشريعة
بس بدون ما تعرف إلى حد ما يعنى وانا وضحت فوق

طيب لما نقايس الكلام طيب ايه المانع اننا فعلا نطبقها ما دامت مش مخالفه لفكر الليبراليه او العلمانيه

انا عايز بس نقطه تميز واحده تخلينا نتوجه بفكرنا لليبراليه او العلمانيه


تقدر تدينى نقطه تميز

فى الفكر الليبرالى او العلمانى مش موجوده عندنا


***********************************************

SiLver Spectra


[QUOTE]بالنسبة للى قولته انت بتقولى اهو انت عايش بالشريعة واروبا
حقولك معلش يا طارق فين العدل والمساواة بين الناس هنا فى مصر
ادينا اتحكمنا بقانون فرنسى من ايام الخديوى تقدر تقول عمر فرد من الشعب المصرى حس بالعدل والمساواة الأجابة هى لا
[/QUOTE]

ماهو العيب في التطبيق مش العيب في القانون نفسه
الشريعة قانون مش تطبيق
الي بيطبق في النهاية هو الانسان

مافيش دستور و لا قانون في اي بلد مش بيدعوا للمساواة و العدل و محاسبة المتجاوز في حقوق الغير

لكن التطبيق بيرجع لسلوكيات الافراد و النظام القائم


اقتباس:
وأروبا يا طارق ومع شديد احترامى فيها تمييز وعنصريه مفهاش مساواة وتعالى اديك دليل على فرنسا كمثال طبعا حضرتك عارف ان جزء كبير من الشعب الفرنسى جزائرى الأصل
تعرف ليهم حدود بيقفوا عندها فى نظام الترقيات وشغل المناصب الحكومية بيعتبروهم فرنسيين درجه تالته رغم أنهم مولودين فى فرنسا
إلا أن فيه تمييز بين الشعب هناك


بص انا ماقدرش اقولك ان دي مش عنصرية

لكن انت عارف دا بيكون من ايه ؟
اي بلد غني بيكون في تكدس لهجرة غير شرعية اتجاهه
بتحاول الدولة انها تفرض قوانين و ضوابط لحماية التركيبة الديموجرافية للمجتمع
لانك لو مش حميتها هتحصل عندك مشاكل اقتصادية
دا هو الاصل في قوانين الهجرة و التمييز و غيره

لكن ما انكرش انه احيانا بيتسعمل بشكل خاطئ او متعسف و احيانا كمان بيتم التحايل عليه

لكن انت كدولة لازم غصب عنك هتفرض حاجه زي كدا

و في دول جربت انها ما تفرضش قوانين صارمة ,و سابوا البلد سماح مداح
اكتشفوا بعد كدا ان في مشاكل تفاقمت ,,عامله زي الزرع كدا لما تسيبه مفتوح للجراد بعد شوية تلاقي ماعتش في محصول


قارن بقى كدا بدول اوروبا و كندا و بين الخليج

من حيث حقوق العامل و الجنسية و خلافه
اهم دول اوروبيين و دول دول اسلامية و منهم دولة بتقول انها بتحكم بالكتاب و السنة
هتلاقي مافيش مقارنة بالمرة
كفايه بس موضوع الكفيل دا
انت عارف لو عشت 5 سنين بس تاخد الجنسية في كندا او امريكا

اكتر من كدا ايه

من هنا بيتضح ان العيب في التطبيق مش في القانون

و الشريعة ماهي الا قانون
فهو الموضوع له علاقة بتطبيق البشر , دا لازم هيكون فيه اخطاء
اما القانون فمش بشوف فيه عيوب ,
دي النقطة الي مش واصلالك


يعني مثلا انت عايز تقنعني انك لو طبقت الشريعة هتفتح البلد لاي حد يدخلها و يخرجها!
هيبقى في عندك مليون ملف زي الامن القومي و الامن الاقتصادي و ديموجرافية المجتمع و غيره
عايز تقنعني انك هتسيب مثلا شيعة يبنوا مساجد , او اي ديانه تيجي تفتح معابد عندك
مش هتسمح بكدا , طيب و هو كمان بيشوف ان مثلا مش عايز اذان يأذن و يعمل دوشة , مش عايز مآذن
دي كلها قوانين بشرية , حتى انت لما تمنع المعابد لديانات مختلفه فدا مش موجود في الشريعة

امريكا نفس الشىء حتلاقى فيها تمييز وعنصريه
يعنى الزنوج على المكسيكيين على شرق اسيا حتلاقيهم بيتعاملو معامله مختلفه عن البيض وده معروف جدا ولو ليك حد فى أمريكا حيقولك

المهم ايه يا محمد ؟

البلد فيها قوانين بتردع التمييز
تطبيق الناس دي حاجه تانيه و على اساسها ربنا بيحاسبك في الاخره



اقتباس:
طيب تعالى للدين بقى وحريه المعتنق فى دول اوروبا وهى بلاد الحريات
مش مكفوله سويسرا كمثال أشتغلت فى نظام هدم المأذن بتاعت المساجد وأضطهاد لكل ما هو إسلامى فى دول الغرب وانت عارف ده كويس حرق القرآن وتدنيسه منع بناء المساجد وهدمها وأحداث كتيره جدا



لسه كنت بقولك

احنا هنا في مصر رحنا قفلنا حسينية فتحها رجل دين لبناني شيعي
و لو قولتلك نفتح اماكن تعبد للشيعة هترفض و هتقول لأ
و هو كمان بيمارس الي هو بيشوفه صح

انا شخصيا مع حرية العبادة

انا ضد المنع
لكن انا ردا عليك ,,انت هتلاقيك رافض اي فكر ديني يجيلك من برا
دا حتى مش عايزين هنا في مصر يعتبروا بالبهائية ديانه
فانت مهما هتقول فهو برضو هتلاقيه احسن منك
هو بيعترف بيك عادي و بيخليك تعمل معابد بس بيحط شروطه


عارفك هتقولي ما احنا عندنا كنائس
دي بقى نقطة بيغفل عنها ناس كتير
الاسلام بالنسبة لبلاد زي سويسرا مثلا , دخيل عليها


زي لو انا عملت ديانه اسمها (شكوكو) و جيت هنا مصر و قولتلك عايز اعمل معبد (شكوكو) , هتقولي لأ مش عاملك
و مع ذلك هما بيسيبوك تعمل لكن بيبقى في شروط
لكن انت مش بتسحم اصلا حد يعمل حاجه

اما الحالة المصرية في المسيحيين , فدول اصلا ابناء الوطن

مش ناس دخيله عليك , الي هما النسبة الي مش دخلت الاسلام بعد الفتح الاسلامي
فماينفعش ابن وطنك تعامله و تقوله مافيش صلبان هتترفع في السما
, هي البلد بتاعتك و لا بتاعته!!
البلد بتاعتنا كلنا
دا مش عماله جايه من برا تشتغل فتتشرط عليه

يبقى القانون الوضعى واللى كل الناس بتشوف انه اهو بيمثل الشريعة الإسلامية فى العدل والمساواة ده مش حقيقى ومش صحيح
لأن القانون الوضعى ده بيتماشى حسب الأهواء والرغبات لمن هو أعلى أو ليه السيادة والسلطة


هقولك تاني

اي قانون لازم هتجتهد فيه و طالما فيه اجتهاد يبقى هيبقى اسمه وضعي
و المشكلة بتكون في التطبيق مش في القانون نفسه

عارف عامله زي ايه ,,زي حادثة ملك اليمين

ما انا ممكن اقولك اهي في الكتاب و السنة ,,يبقى كدا الي جه يطبق طبقه بشكل مخالف او على هواه بنسبة معينه

نفس الفكرة على اي قانون

لو اتحايلت عليه ممكن تعمل البدع

اقتباس:
بالنسبه للاخلاق فى العمل ماهو برضه فى الشريعة بتأمرك بكده
انت الأخلاق بايظه عندك ليه لان الدين مهمش مفيش رادع مفيش حسيب او رقيب حنسرق النهرده يله بينا
بقولك ايه حنخطف البنت دى عشان حلوه وماله يا سيدى نخطف
طيب بص احنا نسرق الخامات من الشركه ونهربها ونبيعها بره


ازاي مافيش رادع

امال قوانين الاحوال الجنائية دي تبقى ايه!!
و هل مثلا الردع دا موجود في العالم كلو الا انت مثلا
و هل ماكنش في سرقة في عهد الخلفاء
ازاي الكلام دا

هو عشان يبقى في ردع يبقى لازم تقطع الايد مثلا!
و انت عارف انك مش هتقدر تقطع الايد مهما كان لاسباب اقتصادية
يبقى انت في النهاية هتلجأ لنفس القانون الي موجود دلوقتي

المهم الفكرة دلوقتي انكم بتشوفوا ان الدنيا و كانها غابه بدون قوانين

طب جرب كدا تسرق العربية الي جنبكم في الشارع و الناس تشوفك
و بعدين قولي في ردع و لا مافيش :biggrin:


اقتباس:
الكنيسة حينما تحكمت * طغت وتدهورت الحياة وأتت ثورة العلماء
الإسلام حينما تحكم * أزدهرت الحياة وتقدم علماء المسلمين

و الاسلام بمفهوم طالبان دهور برضو افغانستان

القضية للمره المليون في التطبيق
و انت بتفهم الشريعة ازاي


اقتباس:
بالنسبه للاخلاق فى العمل ماهو برضه فى الشريعة بتأمرك بكده
انت الأخلاق بايظه عندك ليه لان الدين مهمش مفيش رادع مفيش حسيب او رقيب حنسرق النهرده يله بينا
بقولك ايه حنخطف البنت دى عشان حلوه وماله يا سيدى نخطف
طيب بص احنا نسرق الخامات من الشركه ونهربها ونبيعها بره


عارف ,, انا بكلمك بواقع حقيقي
لما راجل يبقى عنده 40 سنة و مش متجوز , ايه الي هيصونه ؟

اذا اصلا ربنا فطره بغرائز
عارف انا اعرف ناس كانت بتصلي كل الفروض في الجامع , حتى الفجر
و مدمن افلام اباحية و عادة سرية
و اعرف راجل خريج ازهر و كان حافظ القرآن كلو و كان بيضرب عياله عشان يحفظهم و كان يعني مثقف جدا
تكلمه في اي حدث تاريخي يتعمق معاك فيه
كنت حتى بحب قاعدته
راجل مثقف جدا بكل معنى الكلمة ,,اي صحابي تلاقيه قاموس معرفة عنه
اتفرج على سلوكه مع زوجته
ضربها كذا مره ,, عامل ابنه وحش ,,كان بيعد يتصور مع واحده في عربيته و يغيظ مراته بيها و يعد يتكلم مع حريم في الموبايل
لحاد ما تقريبا شبه منفصلين دلوقتي ,,مراته اخدت عيالها و راحت عند بيت امها و على الحال دا بقالهم سنين

فالقضية هنا قضية سلوك الفرد
انت ممكن تشوف شخص و لا له في الدين و لا بيصلي بس راجل مهذب و محترم جدا و خدوم و كل الصفات الحلوة
و على العكس ممكن واحد متدين و سلوكه زباله

فِأنا شايف ان الحكم مش في ان و الله بعدنا عن الدين
و هما يعني الي كانوا عايشين في الخمسينات كانوا قريبين من ربنا!
دا ماكنش في حد متحجب ساعتها و سلوكياتهم كانت افضل مننا بكثير دلوقتي
فانت كل حاجت بتبص عليها و تعلقها على شماعة الشريعة

لكن انا بحب احلل و اتعمق اكثر عن الاسباب و اقارن عشان اوصل لاسباب علمية
و انت عارف لو كانت العملية زي شريحة كدا اسمها الشريعة تركبها في حد يبقى ملاك ماكنش يبقى في محاسبه عن الاعمال في الاخرة

لكن بيحاسبك عشان يشوفك هتعمل ايه و عملت ايه في دنيتك

خدمت مجتمعك مثلا و اديت الرسالة بتاعتك الي هو خلقك عشانها , ظلمت حد , و غيره
عايز تسميها شريعة سميها شريعة
بس انا بقولك ان مفهومك عنها بيختلف عن مفهومي ليها
و ان كان في اتفقا في النقاطك العامة الي ذكرتها
لكن انا مدرك تماما اننا لو دخلنا في الفرعيات هنختلف جامد


اقتباس:
انا عايز بس نقطه تميز واحده تخلينا نتوجه بفكرنا لليبراليه او العلمانيه
تقدر تدينى نقطه تميز فى الفكر الليبرالى او العلمانى مش موجوده عندنا


ماهي دي مشكلتك

انت بتبص على نفسك من الناحية الايجابية و بتبص عليهم من الناحية السلبية
فمهما اقولك هتاقولي و هما احسن مني في ايه

بص

احنا شعوب متدينه بحته
و هو و لا يعرف حاجه عن الدين
و في نهاية المحصلة
هو احسن منك

تقولي بقى احنا اصلنا بعاد عن الدين ,,طب و هو يعني الي قريب!!

انت لواحدك فكر كدا هو احسن مني ليه
هتجيب انت الاجابة لواحدك من غير ما اديلك اي استيضاح
بس بص عليهم بشوية ايجابية زي ما بتبص على الشريعة

شخصيا مش بحب التشدد ايا كان شكله يهودي اسلامي ,,الخ

و بحب التسامح
قدرت تطبق دا هقولك انت زيه و احسن منه
ما قدرتش و طلعت تنشر الكره في الفضائيات هيفضل هو احسن منك مش بالكلام
بالواقع , هتلاقي الاقتصاد ملكه و كل حاجه ملكه , دا عشان ايه ؟
عشانه بيطلق القوانين صح و بيتعلم ازاي يحترم مجتمعه صح و يكون ايجابي
التطرف عمره ما يبني ,,دايما يهد
و النهاية احب اقولك انت اي مصلطح تطلقه على نفسك مش هيفرق
سمي نفسك ليبرالي علماني اسلامي بطيخه
المهم عملك ايه و بتتعامل ازاي
و دا الي هيحاسبك عليه ربنا
المسمى دا مالوش معنى غير انه بيصنفك
زي اسمك كدا محمد و اسمي طارق , صفة تصنيف و تمييز مش اكتر

سميها شريعة سميها قوانين سميها الجن الازرق المهم انت بطبقها ازاي و بتخدم بيها المجتمع ازاي و بتضر المجتمع و لا بتضره و بتجتهد فيها ازاي للصالح العام



***********************************************

king lion

اقتباس:
ماهو العيب في التطبيق مش العيب في القانون نفسه
الشريعة قانون مش تطبيق
الي بيطبق في النهاية هو الانسان

مافيش دستور و لا قانون في اي بلد مش بيدعوا للمساواة و العدل و محاسبة المتجاوز في حقوق الغير

لكن التطبيق بيرجع لسلوكيات الافراد و النظام القائم

طيب جميل جدا اديك قولت بنفسك أهو أن العيب مش فى القانون
أو الشرع العيب فى اللى بيطبقه يبقى ليه نتخوف من تطبيق الشريعة بقى يا طارق ليه نسمع شريعة يجيلنا حاله هيستيريا

طيب ماهو انت كده جبت الحل بدون أجهاد

يعنى لو جمعت أفاضل شيوخ المسلمين فى مصر
عشان يحطوا تعذيرات للجرائم اللى بترتكب وبعيدة عن الحدود
مش حيكون عندك مشكله اهو لأن الناس حتديك ناتج دينى معتدل

اقتباس:
بص انا ماقدرش اقولك ان دي مش عنصرية
لكن انت عارف دا بيكون من ايه ؟
اي بلد غني بيكون في تكدس لهجرة غير شرعية اتجاهه
بتحاول الدولة انها تفرض قوانين و ضوابط لحماية التركيبة الديموجرافية للمجتمع
لانك لو مش حميتها هتحصل عندك مشاكل اقتصادية
دا هو الاصل في قوانين الهجرة و التمييز و غيره
لكن ما انكرش انه احيانا بيتسعمل بشكل خاطئ او متعسف و احيانا كمان بيتم التحايل عليه
لكن انت كدولة لازم غصب عنك هتفرض حاجه زي كدا
و في دول جربت انها ما تفرضش قوانين صارمة ,و سابوا البلد سماح مداح
اكتشفوا بعد كدا ان في مشاكل تفاقمت ,,عامله زي الزرع كدا لما تسيبه مفتوح للجراد بعد شوية تلاقي ماعتش في محصول


لا يا طارق معلش ركز شويه انا قولتلك مولودين هناك
يعنى من جدود الجدود فرنساويين
مش مهاجرين جدد واخدو الجنسيه وله الأب أخد الجنسيه
وبالتالى أتنقلت لأولاده
انا بقولك من جدود الجدود فرنساويين يعنى يعتبروا أهل بلد

فهنا المعامله تختلف بين مهاجر متجنس وله أب متجنس

وبين واحد جدود جدوده فرنساو

اقتباس:
قارن بقى كدا بدول اوروبا و كندا و بين الخليج
من حيث حقوق العامل و الجنسية و خلافه
اهم دول اوروبيين و دول دول اسلامية و منهم دولة بتقول انها بتحكم بالكتاب و السنة
هتلاقي مافيش مقارنة بالمرة
كفايه بس موضوع الكفيل دا
انت عارف لو عشت 5 سنين بس تاخد الجنسية في كندا او امريكا

اكتر من كدا ايه


مين قال أن تقعد 5 سنين تاخد الجنسيه فى أمريكا
انا ليه واحد قريبى قاعد هناك اكتر من 18 سنه ولسه واخد الجنسيه من تقريبا سبع او تمن سنين
وكان معاه اقامه مفتوحه قبل ما ياخد الجنسيه

اقتباس:
من هنا بيتضح ان العيب في التطبيق مش في القانون
و الشريعة ماهي الا قانون
فهو الموضوع له علاقة بتطبيق البشر , دا لازم هيكون فيه اخطاء
اما القانون فمش بشوف فيه عيوب ,
دي النقطة الي مش واصلالك


لا معلش تعالى على أرض الواقع شويه يا طارق
انت بتقول أن القانون الوضعى ملهوش عيوب
تقدر تقولى فى قضايا بتقعد كام سنه لحد لما تتحل بالقانون الوضعى ده

فى حقوق كام مليون مصرى بتهدر بسبب القوانين الوضعيه

أراضى عقارات املاك


ممكن واحد يرفع قضيه يتحكم فيها لما يكون حفيده عنده ستين سنه
يبقى ده قانون وضعى فاشل ومش بيدى لكل ذى حق حقه

دى النقطه اللى غايبه عنك يا طارق


ان القوانين الوضعيه اللى من صنع البشر

بتهدر حقوق ناس على حساب ناس
متقوليش ان ده تطبيق خاطىء من البشر وقتها حقولك لا معلش

لأن كام الف قاضى بيستندوا للقوانين والتأجيل
يقولك تؤجل لحين عرضها على خبير الخطوط
وترجع يقولك تؤجل لجلسه شهر كام
وتروح يقولك تؤجل لسنه كام
وده يطعن بالبطلان ونلف وندور وندور ونلف
ويدينا ويديك طوله العمر بقى لحد لما القانون الوضعى يحن ويحكم

تعالى بقى لحاجه أهم شويه فى القانون الوضعى ده


مجرم أتمسك ومتلبس وفى شهود وكل شىء

الظابط كتب تم القبض عليه بلبس كذا وكذا
هوب قبل العرض على النيابه غير لبسه
يخلى سبيله من سراى النيابه

هات اى محامى هنا بس يكون شاطر شويه حيقولك بيحصل وله لا

يبقى ده قانون منتقص يا طارق

اقتباس:
يعني مثلا انت عايز تقنعني انك لو طبقت الشريعة هتفتح البلد لاي حد يدخلها و يخرجها!
هيبقى في عندك مليون ملف زي الامن القومي و الامن الاقتصادي و ديموجرافية المجتمع و غيره


وهو حد طلب منهم يفتحوها لأى حد طبعا فى ضوابط للموضوع
وده معروف وعادى جدا

انا لما اتكلمت عن التفرقه اتكلمت من منطلق مواطنه حقيقية فعليه

مش يله اللى عايز يبقى مصرى يدخل ومفيش حدود ونشيل السلك بقى وعادى روح وتعالى براحتك


اقتباس:
عايز تقنعني انك هتسيب مثلا شيعة يبنوا مساجد , او اي ديانه تيجي تفتح معابد عندك
مش هتسمح بكدا , طيب و هو كمان بيشوف ان مثلا مش عايز اذان يأذن و يعمل دوشة , مش عايز مآذن
دي كلها قوانين بشرية , حتى انت لما تمنع المعابد لديانات مختلفه فدا مش موجود في الشريعة


فى فرق كبير اوووووووووى يا طارق الإسلام مش جديد على اوروبا

يعنى مش لسه داخل عليهم النهرده عشان تهدم المساجد

وله تشيل مأذنتها ماهى اصلا كانت عندك ومبنيه
جاى دلوقت بعد كام سنه تقول لا حشيلها اصلها زى الرمح موجه للسما

انما انك تقارن شىء مكنش موجود أصلا وعايز تعمله

لا معلش نمنعه ومنسمحش بيه


حتقولى ليه حقولك

لاننا لايمكن نقبل يتفتح بؤرة لسب أمهات المؤمنين والصحابة

لا موجود معلش يا طارق وتعالى أوريك موجود وله لا


من ثوابت الشريعة ومن محافظتها وده تم شرحه قبل كده

انها تحافظ فى المقام الأول على

الديــــن


لما تقولى ابنى حسينيات لسب زوجات الرسول

ياترى ده يفسد الدين وله يصلحه يفسده بكل تأكيد
مين يسمح لناس تقعد تقول أم المؤمنين عائشه زانيه

يا اخى ده لو حد قال على أهل بيت إى شخص زوجتك زانيه
حيقتله ما بالك بقى فى أطهر نساء العالمين


اقتباس:
المهم ايه يا محمد ؟
البلد فيها قوانين بتردع التمييز
تطبيق الناس دي حاجه تانيه و على اساسها ربنا بيحاسبك في الاخره


جميل اوى الكلام ده يا طارق

هل انت شايف ان فعلا القوانين الوضعيه فيها من الردع

ما يؤمن المجتمع

لو الكلام ده صحيح كنا شفنا أمان نوعا ما فى البلد

مكناش حنشوف مليون تنظيم مسلح لترهيب الناس وقتلهم
حتى وهما فى بيوتهم

اقتباس:
لسه كنت بقولك
احنا هنا في مصر رحنا قفلنا حسينية فتحها رجل دين لبناني شيعي
و لو قولتلك نفتح اماكن تعبد للشيعة هترفض و هتقول لأ
و هو كمان بيمارس الي هو بيشوفه صح


شفت هنا نقطة الأختلاف يا طارق

انت بتقول فتحها لسه حديثه بتاعت النهرده يعنى

وقاعد يسب الصحابه وأمهات المؤمنين لا ده انا مش اقفلها ليه
ده المفروض يعنى يتعدم فى ميدان عام

انما الوضع فى اوروبا مختلف

لأن الإسلام فيها مش حديث والمساجد دى مش لسه حتتبنى
لا دى مبنيه بالفعل من سنين السنين يعنى مش جديدة

اقتباس:
انا شخصيا مع حرية العبادة
انا ضد المنع
لكن انا ردا عليك ,,انت هتلاقيك رافض اي فكر ديني يجيلك من برا
دا حتى مش عايزين هنا في مصر يعتبروا بالبهائية ديانه


اه انت حر فيما لا تضر
مش تفسد المجتمع وتقولى حرية مش تجيب افكار حديثه وتدخلها على الناس ونقول حريه

ماهو هنا الفرق بقى يا طارق


الحريه بلا قيود حتبقى مسخره وهيصه واللى عايز يعمل حاجه يعملها


يعنى لو مفيش قيود تعالى بقى عبدة الشيطان

اوعى تمنعهم ليهم طقوس يعنى ادبح واشرب دم وحركات غريبه

وخد عندك بقى الأيموز اللى بيعتقدوا من تطهير النفس بالتعذيب الجسدى

وخد عندك بقى حجات دخيله كتير جدا جدا

فالحرية بدون ضوابط زى ما قولتلك مفسده عظيمه


لكن الحريه بضوابط بتكون صحيه وسليمه


الأسلام فى أوروبا مش حديث العهد عشان يضطهد بالطريقة دى


انما الأفكار الجديدة اللى عايزه تدخل اهى جديدة مفسدة

يبقى تمنع لكن متجيش على شىء موجود من الأصل وتقولى أمنعه


اقتباس:
فانت مهما هتقول فهو برضو هتلاقيه احسن منك
هو بيعترف بيك عادي و بيخليك تعمل معابد بس بيحط شروطه
عارفك هتقولي ما احنا عندنا كنائس
دي بقى نقطة بيغفل عنها ناس كتير
الاسلام بالنسبة لبلاد زي سويسرا مثلا , دخيل عليها
زي لو انا عملت ديانه اسمها (شكوكو) و جيت هنا مصر و قولتلك عايز اعمل معبد (شكوكو) , هتقولي لأ مش عاملك
و مع ذلك هما بيسيبوك تعمل لكن بيبقى في شروط
لكن انت مش بتسمح اصلا حد يعمل حاجه


دخيل من كام سنه مثلا كده يا طارق
هل هو دخل من شهر وله اتنين
وله من سنه وله اتنين
وله من سنين السنين الإسلام موجود فى الغرب عموماً
بل أن من أهل البلد نفسها ناس أعتنقته ومن سنين طويله جدا


لا أطمن يا طارق انا مش حقولك عندنا كنائس فى مصر


لأن فى فرق كبير اوى بينا وبين أوروبا


احنا الدين الإسلامى بيامرنا أننا نحترم دور العبادة

ولا نهدمها بل أمرنا أننا نقسط إلى أهل الكتاب ونحترم معتقدهم

وده اللى مش موجود فى الدول الغربيه انت بتقول بيسمح ليا

حقولك تمام جدا
لكن هو سمح وفى نفس الوقت اهانى لما حرق المصحف الشريف
ولما أساء برسوم على رسولنا الحبيب
يبقى هنا هو مش سوى لان معندهوش رادع دينى او وازع دينى
يمنعه من الأستهزاء بالأديان
والقانون البشرى محسبهوش على كده

لكن تعالى بقى فى الشريعة الإسلامية


دينا بيأمرنا أننا نؤمن بجميع الرسل

وبيأمرنا بالأقساط لأهل الكتاب ومعاملتهم بالحسنى

أدينى واقعه حصلت ان ناس حرقت الأنجيل او دنسته

محصلش ولا حيحصل ولو حصل الأسلام يجرم ذلك ويعاقب عليه

شفت الفرق


اقتباس:
اما الحالة المصرية في المسيحيين , فدول اصلا ابناء الوطن
مش ناس دخيله عليك , الي هما النسبة الي مش دخلت الاسلام بعد الفتح الاسلامي
فماينفعش ابن وطنك تعامله و تقوله مافيش صلبان هتترفع في السما
, هي البلد بتاعتك و لا بتاعته!!
البلد بتاعتنا كلنا
دا مش عماله جايه من برا تشتغل فتتشرط عليه


انا رديت على الجزئية دى فوق ووضحت

اقتباس:
هقولك تاني
اي قانون لازم هتجتهد فيه و طالما فيه اجتهاد يبقى هيبقى اسمه وضعي
و المشكلة بتكون في التطبيق مش في القانون نفسه


طيب برضه نرجع ونقول ليه منطبقش الشرع بالمفهوم المعتدل
اللى قولته ليك فوق

واعتقد لما يجتمع علماء وشيوخ المسلمين على تعذيرات

لحماية الوطن بما يتماشى مع عصرنا اللى موجودين فيه حاليا
واللى مش منصوص عليها كالحدود الشريعة
يبقى ايه المانع نفسى افهم

اقتباس:
عارف عامله زي ايه ,,زي حادثة ملك اليمين
ما انا ممكن اقولك اهي في الكتاب و السنة ,,يبقى كدا الي جه يطبق طبقه بشكل مخالف او على هواه بنسبة معينه

نفس الفكرة على اي قانون

لو اتحايلت عليه ممكن تعمل البدع


اه انت تقولى فى الكتاب والسنة حقولك اه موجوده
تقولى اطبقها حقولك لا يا حبيبى تعالى لأن ليها شروط

الشرط الاول التانى التالت الرابع الخامس
مستوفين لا
يبقى مينفعش تعملها مش بكيفك لأن الدين ليه ضوابط

وده الفرق بقى أنك متقدرش تتحايل على الشرع والدين

لكن تقدر تتحايل على قانون بشرى
لما تشغل دماغك وتشوف كام ثغره كده تطلع منها

أنما الشرع مفهوش ثغرات يقدر حد يتحايل عليها ولا يدخل منها


اقتباس:
ازاي مافيش رادع
امال قوانين الاحوال الجنائية دي تبقى ايه!!
و هل مثلا الردع دا موجود في العالم كلو الا انت مثلا
و هل ماكنش في سرقة في عهد الخلفاء



بكل تأكيد مفيش ردع كافى لمنع النفس البشريه من أرتكاب الخطأ
على الأقل بالنسبه الرهيبه دى

قانون الأحوال الجنائية معلش مع احترامى قانون مهترء

يعنى حديك مثال بسيط اوى

سرقه بالأكراه بأستخدام السلاح

من 3 سنين ل 7 سنين

يعنى تطلع عليا بسيف وممكن تجرحنى وتاخد تلت سنين


طيب واحد قتل واحد
جم ناس قالك مشاجره وهى لا مشاجرة ولا حاجه

واحد بيدافع عن اهل بيته شاف اخته واحد بيعاكسها
يقولك لا تتعمل مشاجرة وخد 7 سنين مع انك قاتل شخص برىء

يبقى بالذمه فين الردع الكافى اللى يخلى الجانى يفكر بدل المره مليون

فى انه ميرتكبش الجنايه دى

فى عهد الخلفاء اه كان فى سرقه لكن كم النسبه


لما يكون فيه ردع مش بنقول أنه حيمنع نهائيا

لكن حيقلل النسبه بطريقة رهيبه جدا جدا

وده اللى محتاجينه فى الوقت الحالى الردع الكافى

للحفاظ على النفس البشرية اللى بقت رخيصه جدا جدا فى مصر


اقتباس:
ازاي الكلام دا
هو عشان يبقى في ردع يبقى لازم تقطع الايد مثلا!
و انت عارف انك مش هتقدر تقطع الايد مهما كان لاسباب اقتصادية
يبقى انت في النهاية هتلجأ لنفس القانون الي موجود دلوقتي


اه اسمحلى اقولك ده فى السرقة
لكن تعالى بقى لحد الحرابة


لما تشكيل عصابى يطلع بسلاح عشان يقطع طريق ويسرق

لا ده معلش تعالى يا حبيبى واعدمه على طول
او اقطع رجله وايده من خلاف

لأن الجريمه هنا مش سرقه بس لا يا طارق

دى سرقه بسلاح يعنى ترهيب أفراد


شفت بقى ان الأحوال الأقتصاديه مهما كانت مش حيسمح فيها الدين

بترهيب وقتل النفس البشريه

يبقى نحاول نفرق هنا فى موضوع الردع اللى بندور عليه

والأمان اللى كلنا بنتمناه فى مصر

اقتباس:
المهم الفكرة دلوقتي انكم بتشوفوا ان الدنيا و كانها غابه بدون قوانين
طب جرب كدا تسرق العربية الي جنبكم في الشارع و الناس تشوفك
و بعدين قولي في ردع و لا مافيش
:biggrin:


تصدق يا طارق والله ضحكتنى

بتقولى اجرب اسرق العربيه اللى فى الشارع واشوف الردع من الناس


لا تعالى بقى خد انت دى منى


سمعت عن سرقه المحلات التجاريه فى بورسعيد

على مشهد ومسمع من النااااااااااااااس كلها
دى جنبها منطقه سكنيه ده غير الناس اللى بتشترى
غير الناس اللى فى الشارع

دخلوا وسرقوا ولا حد لمس واحد فيهم


فين الردع هنا تقدر تقولى


فين القانون الوضعى اللى ردع الناس دى تقدر تقولى عليه


فين القانون الجنائى المصرى


اقتباس:
و الاسلام بمفهوم طالبان دهور برضو افغانستان
القضية للمره المليون في التطبيق
و انت بتفهم الشريعة ازاي


ما انا قولتلك برضه يا طارق فيها ايه لو أجتمع علماء الأمة على وضع تعذيرات وتحديدها
أعتقد يعنى مش ممكن مفيش شيوخ بتفهم شريعة ودين إسلامى عشان نقول احنا ضايعين

اقتباس:
عارف ,, انا بكلمك بواقع حقيقي
لما راجل يبقى عنده 40 سنة و مش متجوز , ايه الي هيصونه ؟
اذا اصلا ربنا فطره بغرائز
عارف انا اعرف ناس كانت بتصلي كل الفروض في الجامع , حتى الفجر
و مدمن افلام اباحية و عادة سرية

ما انا بكلمك بواقع برضه يا طارق
انت بتقولى على حالات فرديه وانا حقولك اه بيحصل
وفى ناس كده وفى ناس بتشرب حشيش وبتزنى
لكن كم نسبتهم يا طارق مش كبيرة برضه


بالنسبة للغرائز بقى اسمحلى اقولك شىء صغير
ايه الفرق بين الحيوان والأنسان فى الغريزة

أن الأنسان يقدر يتحكم فى غريزته ويحطها فى مكانها الصحيح
ولو عمل غير كده يبقى مفيش فرق بينه وبين الحيوان
لأنه سمح للغريزة أنها تتحكم فيه

ربنا لما حط الغريزه فى البشر حطها للتجاذب بين الجنسين

الراجل والست للحفاظ على النسل والسلالة البشرية
محطهاش عشان يتجرد الأنسان من أدميته ويبقى حيوان
تتحكم فيه غريزته


وأعتقد السنة عالجت الموضوع ده
بالزواج وأن لم تستطع فعليك بالصيام


مش كده برضه يا طارق تفرق بقى فى العزيمة
وعلاقتة الأنسان بربه وهنا الكلام قوة العزيمة والأيمان

اقتباس:
و اعرف راجل خريج ازهر و كان حافظ القرآن كلو و كان بيضرب عياله عشان يحفظهم و كان يعني مثقف جدا
تكلمه في اي حدث تاريخي يتعمق معاك فيه
كنت حتى بحب قاعدته
راجل مثقف جدا بكل معنى الكلمة ,,اي صحابي تلاقيه قاموس معرفة عنه
اتفرج على سلوكه مع زوجته
ضربها كذا مره ,, عامل ابنه وحش ,,كان بيعد يتصور مع واحده في عربيته و يغيظ مراته بيها و يعد يتكلم مع حريم في الموبايل
لحاد ما تقريبا شبه منفصلين دلوقتي ,,مراته اخدت عيالها و راحت عند بيت امها و على الحال دا بقالهم سنين


وانا مش حقولك مش بيحصل بيحصل يا طارق
بس كم النسبه بس نفسى افهم

هو لما نيجى نقيس شىء ونقول ده صح او لا

مش بنقيس النسبه

ماهو فى دكتور مثلا حرامى

ودكتور ولا بيفهم شىء فى الطب
ودكتور بيصور مرضاه
هل هنا الكل كده

بالتأكيد لا يبقى الراجل ده لو اخلاقه عاليه

وعنده دين مش حيعمل الحجات دى

اقتباس:
فالقضية هنا قضية سلوك الفرد
انت ممكن تشوف شخص و لا له في الدين و لا بيصلي بس راجل مهذب و محترم جدا و خدوم و كل الصفات الحلوة
و على العكس ممكن واحد متدين و سلوكه زباله


كويس جدا يا طارق انا متفق معاك انها قضية سلوك وأخلاق أفراد
بس فى مغالطة صغيره احب اصلحها
لما نقول أنسان متدين
يبقى فاهم دينه عارف ايه اوامر الله وايه نواهيه
عارف يعنى ايه أداب الذوق العام
عارف يعنى ايه حسن الجوار
عارف يعنى ايه حسن الخلق والسلوك

ده نقول عليه متدين

انما واحد حفظ القران بيصلى خريج ازهر
ومش فاهم دينه وضوابطه يبقى منقولش عليه متدين


اقتباس:
فِأنا شايف ان الحكم مش في ان و الله بعدنا عن الدين
و هما يعني الي كانوا عايشين في الخمسينات كانوا قريبين من ربنا!
دا ماكنش في حد متحجب ساعتها و سلوكياتهم كانت افضل مننا بكثير دلوقتي
فانت كل حاجت بتبص عليها و تعلقها على شماعة الشريعة


معتقدش كلامك صحيح والدليل
لو فعلا سلوكياتهم كانت افضل مكناش شفنا افلام اباحية
واعتقد انت عارف ده كويس جدا من خلال أفلام الخمسينات
اللى فيها مشاهد جنسيه صارخه
متفرقش عن افلام البورنو

ده غير بقى انك كان ممكنش تشوف واحد ماسك اخت صاحبه
وهات يا بوس والتانى واقف وعادى بقى

تلاقى التمسك بالدين اكتر نوعا ما فى الارياف والمناطق الشعبيه مش كده برضه يا طارق

غير كده ما تعالى نحسبها ما انت من الخمسينات لحد دلوقت
فى نفس النظام هو هو مفيش فرق قوانين وضعيه

فين الدين بقى من الخمسينات لسنه 2012


ماهو الدين مهمش زى مقولتلك بالظبط

خد عندك كمان انه لا يضاف فى المجموع فى المدارس

اقتباس:
لكن انا بحب احلل و اتعمق اكثر عن الاسباب و اقارن عشان اوصل لاسباب علمية
و انت عارف لو كانت العملية زي شريحة كدا اسمها الشريعة تركبها في حد يبقى ملاك ماكنش يبقى في محاسبه عن الاعمال في الاخرة


التحليل العلمى شىء جميل جدا جدا جدا
بس من خلال تحليلك العلمى ومقارنتك
انت شايف اننا ادينا الدين وضعه وحقه عشان نقدر نقول
أنه يقدر يقوم سلوكيات الأفراد وله لا

ده محصلش فإى تحليل او مقارنه مش حتكون مظبوطه

خد دليل بسيط يا طارق فى الجاهليه

اهى الناس كانت فى أشد الفجر والبغاء
لما نزل شرع الله ايه حصل اتغيرت السلوكيات العامة للأفراد
وانعكس ده على المجتمع الإسلامى ككل



اقتباس:
لكن بيحاسبك عشان يشوفك هتعمل ايه و عملت ايه في دنيتك
خدمت مجتمعك مثلا و اديت الرسالة بتاعتك الي هو خلقك عشانها , ظلمت حد , و غيره
عايز تسميها شريعة سميها شريعة
بس انا بقولك ان مفهومك عنها بيختلف عن مفهومي ليها
و ان كان في اتفقا في النقاطك العامة الي ذكرتها
لكن انا مدرك تماما اننا لو دخلنا في الفرعيات هنختلف جامد


طيب خلينا فى الأصول بلاش الفروع عشان منختلفش
:079:


اقتباس:
ماهي دي مشكلتك
انت بتبص على نفسك من الناحية الايجابية و بتبص عليهم من الناحية السلبية
فمهما اقولك هتاقولي و هما احسن مني في ايه


بالعكس انا بقولك قولى شىء ايجابى عندهم مش عندنا
يعنى أيه الأيجابيات اللى عندهم ومش عندى
خلينا نبص من الناحيه الأيجابيه عندهم

العدل عندنا
مساواة عندنا
احترام الأخرين عندنا
حريه التفكير عندنا
حرية الأبداع عندنا
أحترام الأديان عندنا
الرأفة بالحيوان عندنا

فى ايه عندهم ومش عندنا فى الأيجابيات


اقتباس:
بص
احنا شعوب متدينه بحته
و هو و لا يعرف حاجه عن الدين
و في نهاية المحصلة
هو احسن منك

تقولي بقى احنا اصلنا بعاد عن الدين ,,طب و هو يعني الي قريب!!

انت لواحدك فكر كدا هو احسن مني ليه
هتجيب انت الاجابة لواحدك من غير ما اديلك اي استيضاح
بس بص عليهم بشوية ايجابية زي ما بتبص على الشريعة


ياترى كلمة متدينة بحته اسماً وله فعلاً
لأن كلمة متدينة بحته دى عميقة شويه

التدين هو أنك تطيع الله فى ما امر به وتنتهى فيما نهى عنه

التدين فى أن تتمسك بالكتاب والسنة
التدين أن تتخلق بخلق القرآن
التدين أنك تحاول تجتهد انك تتصف بصفات خير الأنام
التدين أنك تحسن معاملة الأخرين
التدين أن يكون صدرك رحب لكل البشر
التدين أنك تكون متسامح بشوش
التدين انك تدعوا لسبيل الله بالحكمة والموعظة الحسنه
التدين أنك تتقن عملك
التدين أنك تتقى اللى فى السر والعلن


التدين معناااااااه عميق يا طارق مش معناه سطحى زى الناس ماهى متخيله

ازاى اقول شعب متدين وهو بينتهك اعراض بعض

ازاى اقول شعب متدين وهو بياكل حقوق بعضه
ازاى اقول شعب متدين وهو يقذف المحصنات
ازاى اقول شعب متدين واسمح بالزنا العلنى
ازاى اقول شعب متدين وافتح شواطىء عرايا فى شرم
ازاى اقول شعب متدين وفيه سلب ونهب وسرقه وافترى

الكلام ده بعيد جدا عن التدين الحقيقى فى معناه

شكلى انا وانت الناس اللى حتابع الحلقة دى حتضربنا


بس يله بقى علقة تفوت ولا حد يموت
:079:

اخر سؤال عشان طولت عليك وعلى الناس

فى سؤال سابق سألتك عن تشويه الإسلاميين

قولتلى ان أزاى أنت عايز تشوهم ومحدش يشوهك

وكمان قولتلى ان تم الأعتذار مؤخراً للدكتور البردعى وغيره
من قبل بعض شيوخ الدعوة السلفية

فسؤالى الأخير

لما أنسان يشوهنى وأنا أتبع نفس الأسلوب وأشوهه
ياترى يا طارق وقتها أيه الفرق بينى وبين الشخص ده

الشخص ده متعصب متحجر متأخر فكريا

لما أتبع نفس أسلوبه من وجهة نظرك مش وقتها حكون مختلفش معاه كتير فى التعصب والتحجر وجميع الصفات اللى ممكن يتوصف بيها


النقطة التانية فى السؤال

أنت قولت أن الناس أعتذرت عن اللى قالوه

طيب ليه كل من شوه فى الإسلاميين مكنش عنده الجراءة الفكرية

والأدبيه أنه يطلع يقدم أعتذار زيهم

بالأخص فى حادثة مضاجعة الوداع اللى مرت على الجميع مرور الكرام
رغم التشويه والبروبوجاندا اللى اتعملت فى الأعلام والمنتديات
ليه مفيش مخلوق واحد طلع بأعتذار رسمى للإسلامين

هل لأنهم لا يمتلكون الشجاعة الأدبيه عن الأعتذار عن رمى الناس بالباطل


وله ده نوع من التكبر والغرور لكل من افترى فى القضية دى


ونورتنى وأستمتعت بالحوار معاك جدا جدا يا طارق




***********************************************

SiLver Spectra


تصدق اني تعبت :biggrin:
المهم عندي يكون واصلك كلامي مش مجرد نجادل بعض و خلاص

تعليقا بس على موضوع الجنسية

انت بعد 5 سنين ممكن تاخدها
قاعدت بقى 8 قاعدت 10 , المهم ان الحد الادنى عندهم 5 سنين

و نقطة كمان

انت مش بتشوف في دول بطبق حد الجلد كعقوبة
مش بتشوف ناس بتستهبل في تطبيقه و يحسس على حد لو معرفة
في حين بيجي على غيره و يجلده جلد محترم!
يبقى هل هنا اجي و اعيب عقوبة الجلد؟
و لا بيكون العيب في التطبيق!


يبقى هو كدا اهدر حقه و اهدر المساواة و كل الي يعجبك حطه

يبقى المسألة هنا مسأة تطبيق
و لو عندك قانون عقوبة محتاج تعديل عدله مش قضية
حسنه ,,لكتن ماتجيش و تقولي مافيش قوانين ردع
امال هي غابه و لا ايه!!


عارف لو دول العالم ماكنش بيحكمها قوانين ,,ماكانش الاقتصاد هو سيد العالم دلوقتي

و كنا نبقى عايشين في عصور الظلام زي زمان ,, الحاكم يستعبد شعبه و يعمل الي يعجبه لانه فوق القانون او اصلا مافيش قانون


اقتباس:
فى فرق كبير اوووووووووى يا طارق الإسلام مش جديد على اوروبا
يعنى مش لسه داخل عليهم النهرده عشان تهدم المساجد
وله تشيل مأذنتها ماهى اصلا كانت عندك ومبنيه
جاى دلوقت بعد كام سنه تقول لا حشيلها اصلها زى الرمح موجه للسما

انما انك تقارن شىء مكنش موجود أصلا وعايز تعمله
لا معلش نمنعه ومنسمحش بيه
حتقولى ليه حقولك
لاننا لايمكن نقبل يتفتح بؤرة لسب أمهات المؤمنين والصحابة

لا موجود معلش يا طارق وتعالى أوريك موجود وله لا

من ثوابت الشريعة ومن محافظتها وده تم شرحه قبل كده
انها تحافظ فى المقام الأول على

الدين

لما تقولى ابنى حسينيات لسب زوجات الرسول
ياترى ده يفسد الدين وله يصلحه يفسده بكل تأكيد
مين يسمح لناس تقعد تقول أم المؤمنين عائشه زانيه
يا اخى ده لو حد قال على أهل بيت إى شخص زوجتك زانيه
حيقتله ما بالك بقى فى أطهر نساء العالمين



النقطة هنا في ردك ضعيفة جدا
منين بتطلب عدم هدم المآذن و عايز تمنع غيرك انه يعمل اي معبد عندك
يبقى انت بتقر انك اسوأ منه
هو مهما كان بيخليك تعمل مساجد , لكن انت مش بتسمح لحد يعمل اي معبد
و بص ياسيدي,,اغلب دول اوروبا الاسلام جديد عليهم
مافيش عندك غير اسبانيا و البانيا , كان في انتشار محدود ليه في دول معينه
اما الانتشار الحديث فتم من هجرة المسلمين للعمل هناك في القرن العشرين


ثم انا بلاحظ انك بتبالغ ,,يعني بتقول هدموا المساجد

و هما منعوا المآذن بس , من وجهة نظرهم مش حابين يكون شكل المدينة اسلامي , لان في دول اوروبا ليهم طراز معماري و العمارات واطية مش عالية

فانت دلوقتي اهو بتقول لا مش هسمح بالشيعة و مش هسمح لاي معبد انه يتعمل و غيره من الكلام

و هو برضو بنفس النظرية بتاعتك بيبص عليك زي ما انت بتبص على ديانات غيرك و على الشيعة
و مع ذلك فهو افضل منك لان في مساجد في كل دول اوروبا و مصرح بيها
فيه بقى شروط في قيود بس المهم انه عنده
يعني لو هنحط نسب
هو عنصري بنسبة 50%
و انت بنسبة 100%
:biggrin:


و دا بالمناسبة مش دفاعا عنه و لا اي حاجه

بس انا بكلمك عن الواقع
شوف انت عايز واقع و لا عايز مجاملات و كدا
و نقضيها ان احنا اسود الارض )

اقتباس:

جميل اوى الكلام ده يا طارق

هل انت شايف ان فعلا القوانين الوضعيه فيها من الردع

ما يؤمن المجتمع

لو الكلام ده صحيح كنا شفنا أمان نوعا ما فى البلد

مكناش حنشوف مليون تنظيم مسلح لترهيب الناس وقتلهم
حتى وهما فى بيوتهم


لان انت مشكلتك في التطبيق
الشرطة ضعيفه يا محمد
يعني انت عندك قانون بتجريم قطع الطريق و عقوبات ضد قاطع الطريق
لكن الشرطة و الحكومة بتخاف و بتروح تطبطب على الي بيقطع الطريق و تراضيه لكن مش بتنفذ القانون في حقه
دا ناتج من ضعف الهيبة ,,
عشان كدا للمره المليون العيب في التطبيق مش في القانون
القانون تقدر تعدله زي ما انت عايز و تشدد فيه العقوبة
لكن قبل ما تشدد انت محتاج الي يقدر ينفذ اصلا
يبقى انت لو حطيت قانون و قولت الي هيطع طريق هنعدمه
طيب قانون من غير جهة قوية تعرف تنفذ يبقى ايه لازمته!!
و لا كأنك عملت حاجه


اقتباس:
انما الوضع فى اوروبا مختلف
لأن الإسلام فيها مش حديث والمساجد دى مش لسه حتتبنى
لا دى مبنيه بالفعل من سنين السنين يعنى مش جديد
ة


سنين السنين كام يعني؟
خمسين سنة ؟
الي اعرفه ان الي حصل هو منع المآذن في سويسرا
لكن ماسمعتش عن حاله هدم مسجد واحد
و انا متابع يومي للاخبار بقالي عشر سنين
المساجد الي كانت بتحرق كانت في اسرائيل من قبل متطرفين
غير كدا عمري ماسمعت عن حالة تعدي على مسجد قائم في اوروبا و امريكا
الي بيحصل هو ان احيانا اهل قرية او مدينة بيعارضوا بناء مسجد جديد عندهم و بيكون اعتراضهم انه هيعملهم ازعاج
لكن مافيش مسجد قديم تم هدمه


اقتباس:
اه انت حر فيما لا تضر
مش تفسد المجتمع وتقولى حرية مش تجيب افكار حديثه وتدخلها على الناس ونقول حريه


بص
القضية مش قضية مين بيفسد
بس انت زي ما حكمت هو كمان هيحكم عليك
هيقول انت جاي تفسد المجتمع بتاعه
يبقى انت بتلومه على نظرية انت بنفسك بتستخدمها ضد غيرك :biggrin:

يبقى انت المفروض مش تلومه

طالما انت بنفس فكره و اكثر تشددا ,, يبقى خليك في التيار بتاعك الي هو انك تشتمهم
لكن ماتقولش هو عنصري لانك اثبت انك اكثر منه عنصرية
و عايز تفرض رؤيتك

انا ماليش دعوة مين الصح ,,انا بكلمك بحياد مطلق

يعني منين بتفرض رؤيتك و منين عايزه يتقبل رؤيتك
ما هو كمان هيكون له رؤية

انا شخصيا ضد اي قيود بتفرض على المعابدفي اي مكان في العالم


اقتباس:

سرقه بالأكراه بأستخدام السلاح
من 3 سنين ل 7 سنين


زود العقوبة
هو انا قولتلك ماينفعش تعدل في القانون
لكن النقطة انك بتتكلم على ان الدنيا غابه و مافيش فيها قوانين
دا هو نقاشي معاك , انك بتعاني من ضعف تطبيق و اتفق معاك ان في قوانين محتاجه الى تعديل


اقتباس:

تصدق يا طارق والله ضحكتنى

بتقولى اجرب اسرق العربيه اللى فى الشارع واشوف الردع من الناس


لا تعالى بقى خد انت دى منى


سمعت عن سرقه المحلات التجاريه فى بورسعيد

على مشهد ومسمع من النااااااااااااااس كلها
دى جنبها منطقه سكنيه ده غير الناس اللى بتشترى
غير الناس اللى فى الشارع

دخلوا وسرقوا ولا حد لمس واحد فيهم

فين الردع هنا تقدر تقولى


انت خليتني اعيد كلامي خمسين مره يا محمد هههههه
و الله يا ابني المشكلة في ضعف الشرطة و في التطبيق
الشرطة ضعيفه جدا انت عايز ايه
جاي تقولي ماحدش مسكهم
ما انت اصلا مش عارف تجيبهم هتنفذ العقوبة ضده ازاي ههههه

انت ما يتسمعش طيب عن حالات خطف السياح و المطالبه بمبادلتهم بناس محبوسه مؤبد

يبقى هي القضية في ضعف و كمان في ثقافة الشعب نفسه مش عايز يحترم القانون و كل واحد عايز ياخد حقه بدراعه
و لو دخلت في صدام مع الشعب هيبقى يومك اسود

جربوا هنا في دمياط عندنا يستعملوا العنف مع ناس قطعت الطريق عشان معترضين على مصنع بحجة التلوث

و قتلوا اتنين من الي قطعوا الطريق في اشتباكات
شوف الناس عملت ايه بقى
هاجت اكتر و زاد اعدادهم و قطعوا طريق راس البر ايام
الحكومة بعد كدا راحت تطبطب عليهم
و صدر قرار قضائي ان المصنع غير ملوث بعد معاينه لجنة و انه خاضع للشروط الدولية و الحكومة مش قادره تنفذ القرار و لسه مقفول عشان الناس
الناس اول ما تشم خبر بس انهم هيفتحوه على طول بيقوموا قاطعين الطرق تاني
فانت عندك مشاكل في تطبيق القانون و في الناس نفسهم مش عايزه تحترم القانون
لو هتقولي احنا نشدد و نقطع رقبة الي هيقطع الطريق مثلا
جرب اعملها و شوف ان ماكانتش الناس هتقطع رقبتك انت مابقاش انا طارق :biggrin:
و هتلاقيهم تاني يوم حارقينلك اقسام الشرطة كلها
يبقى انت محتاج ايه يا محمد؟
محتاج تزرع في الناس ثقافة احترام القانون و المرور و البيئة و الغير و كل دا , زي ما تقول تربية و توعية
عشان بعدها تقدر تطبق القوانين الي يفرض هيبة الدولة
دا الي ناقصك و محتاجه

مش تيجي و تقولي ناس سرقة محل و ماحدش مسكهم يبقى عيب في القانون ,, ايه يا محمد انت قالب الايه ليه كدا ههههههه


قولي نص في القانون بيقول ان الي يسرق عادي نسيبه يهرب و انا هبقى معاك


===============

سؤالك الاخير

انا ضد التشويه , لكن انت سألت سؤال ايه رايك في التشويه قولتلك انا ضده
بس كمان خد بالك ان التيار الاسلامي مارس التشويه بكفاءة كمان

اعتقد حتى انت شوفتني لما حذفت موضوع عن قانون جماع الوداع الي رديت فيه على اساس انه خبر صحيح

و صاحبة الموضوع زعلت و تقريبا انسحبت من المنتدى بعدها و اعتبرت اني تعديت على حقوقها الفكرية

انا ما اسمحش باي تشويه حتى لو كمان ضد فكر انا بعارضه و بخالفه


و اعتقد الاجراء افضل من الاعتذار

و انا لو كان الموضوع عن شخص معين كنت اعتذرت
لكن هعتذر لمين ما كلنا مسلمين :biggrin:
لحزب النور يعني ,,طيب وصله اعتذاري )

بس خلي بالك برضو

يعني حادثه الشاب الي اتقتل في السويس
قالك ناس بتدعي انها من هيئة الامر بالمعروف او ناس متبنيه الفكر دا
و خطيبته شاهده على الواقعة

بيطلعلك بعد كدا انصار التيارات الاسلامية و على طول يقولك دا تشويه


طب انت حكمت ازاي .. هو احنا كل مشكلة نطلع نتبرأ منها و نقول فلول و تشويه!!

و بعدين لما اجي اتكلم عن الحادثة تتهمني اني بشوه!!

برضو كلام مش منطقي

الفكر موجود عند ناس و تقدر تبحث عنه على النت و تشوف صفحات ليهم
فكرة انها توصل لقتل فدي بتكون ناتجة من خناقة
زي واحد يجي يقولك لو سحمت مش تمشي مع البنت دي فيقوله و انت مال امك و خناقة و ضرب لحاد ما مات

مين الاشخاص دول الله اعلم لكن الشهود قالوا ناس ملتحية و لابسه جلابية

طيب دول ناس بتشوه في الاسلاميين
الله اعلم لكن ما اقدرش اجزم بكدا
لان الاجزام دا هيخليني اوصف التيار الاسلامي انه ملائكة و مش بيغلطوا و دا انا ضده

عايز تحط فرض التشويه حطه ماعنديش مشاكل

بس قصاد كدا حط معاه فرض انهم فعلا ناس ملتحية و متشدده فكريا
لكن مش منطقي اني الغي كل الفروض بدون ادله و اقولك تشويه
دا مش عدل و لا من الشريعة

و كفايه كدا بقى

و الله يكون في عونك في التنسيق :biggrin:
و عارفك هترد تاني و مش هتسكت,,الا لو حصلت معجزة
:762:


***********************************************

king lion


ماهو المصيبه انت بترد رد تخلينى لازم ارد
والله تعرف حاسس الحلقة دى مش حتنزل عشان وقتها حينتهى وحنقضيها رسايل انا وانت لحد اول يوم رمضان


اقتباس:
تصدق اني تعبت :biggrin:
المهم عندي يكون واصلك كلامي مش مجرد نجادل بعض و خلاص


واصلنى كلامك والله يا طارق وفاهمه كويس جدا جدا


اقتباس:
يبقى هو كدا اهدر حقه و اهدر المساواة و كل الي يعجبك حطه
يبقى المسألة هنا مسأة تطبيق
و لو عندك قانون عقوبة محتاج تعديل عدله مش قضية
حسنه ,,لكتن ماتجيش و تقولي مافيش قوانين ردع
امال هي غابه و لا ايه!!


طيب ايه رايك لو تم تعديل قانون العقوبات بالأتى
ان اللى يقطع طريق بالسلاح ويرهب الناس يتعدم
ايه رايك لو فعلا اللى حيعدلوا القوانين دى اقروا بده ياترى الناس حتقول لا مينفعش الكلام ده ونغيره بقانون تانى

وله اغلب الناس حتقول والله كويس اهو المجرمين دول يتلمو شويه

الناس حتوافق ومش حتلاقى اى اعتراض ما دام الموضوع

سياق قانون من رجال مختصه فى كده

لكن على النقيض لو قولنا شريعة مع تطبيق نفس العقوبه

الناس حتلاقى جتلهم حاله هرش كده وبقوا خلاص مش طبيعيين
ويقولك لا يا عم مش عايزين ونغير ونعدل

مع ان نفس العقوبه واحده اهو تم تعديلها زى ما بتقول

لكن الفرق هنا اتقال شريعة وهنا اتقال تم سياق قانون جديد للحفاظ على النفوس البشرية من الحركات المسلحة


[QUOTE]
النقطة هنا في ردك ضعيفة جدا
منين بتطلب عدم هدم المآذن و عايز تمنع غيرك انه يعمل اي معبد عندك
يبقى انت بتقر انك اسوأ منه
هو مهما كان بيخليك تعمل مساجد , لكن انت مش بتسمح لحد يعمل اي معبد
[/QUOTE]

بالعكس انا مش شايفها ضعيفه ولا شىء

لأن هنا فى فرق


كيان بالفعل موجود ومعروف من سنين


لكن كيان لسه حيتعمل ده شىء مختلف


اقدر امنع شىء قبل ما يحصل


لكن مقدرش اهدم شىء بعد ما حصل بسنين طويله مش كده برضه يا طارق وله ايه


يبقى هنا فيه فرق انى امنع شىء قبل انتشاره وحدوثه للمحافظة على القيم الأخلاقية والأنسانية داخل مجتمعى واحمية من شرور كبيرة ممكن تحصل


وفى فرق انى اقوم بمنع وهدم المساجد بعد تواجدها لسنين طويلة


اقتباس:
و بص ياسيدي,,اغلب دول اوروبا الاسلام جديد عليهم
مافيش عندك غير اسبانيا و البانيا , كان في انتشار محدود ليه في دول معينه
اما الانتشار الحديث فتم من هجرة المسلمين للعمل هناك في القرن العشرين


مين قال كده وقت الدولة العثمانية الإسلام أنتشر فى شرق أوروبا
اى نعم كان بنسبه بسيطة بس دخل من فتره كبيرة جدا
ثم أن غرب اروبا الإسلام انتشر فيها برضه انتشار قليل
وانا معاك انه زاد بشكل ملحوظ جدا فى القرن العشرين
شوف بقى احنا فى القرن الكام دلوقت

اقتباس:

ثم انا بلاحظ انك بتبالغ ,,يعني بتقول هدموا المساجد
و هما منعوا المآذن بس , من وجهة نظرهم مش حابين يكون شكل المدينة اسلامي , لان في دول اوروبا ليهم طراز معماري و العمارات واطية مش عالية


انا اتكلمت بشكل عام على الغرب عموما
يا طارق
يعنى لما قولت هدم المأذن والمساجد مكنش المقصود سويسرا بس

لا خد عندك بقى الهدم وممكن تسأل تحويل المساجد إلى أنديه ومتحاف
اكتر من 28 الف مسجد فى روسيا

خد عندك كمان هدم جميع المساجد فى بلغاريا
طيب وهدم المسجد اللى فى مدينة فيرونا الأيطاليه كان ايه
وحرق وتدمير المساجد فى هولندا كان ايه
واغلاق مساجد فى امستردام كان ايه

بلاش نقعد نعد كتير لأن لو فضلنا نعد حنتعب

يبقى الكلام هنا يا طارق مفهوش مبالغه لا ده واقع لا يمكن أنكاره

اقتباس:
فانت دلوقتي اهو بتقول لا مش هسمح بالشيعة و مش هسمح لاي معبد انه يتعمل و غيره من الكلام
و هو برضو بنفس النظرية بتاعتك بيبص عليك زي ما انت بتبص على ديانات غيرك و على الشيعة


لا هنا الوضع مختلف

يعنى انا نظرتى أنى مسمحش ببناء اى دور عبادة يسب ويهين أمهات المؤمنين


يعنى خلينا واضحين


هل المسلمين فى اوروبا بيسبوا السيد المسيح والسيدة مريم

هل ده بيحصل عشان تقارن بين الشيعة والمسلمين هنا وهناك

مفيش وجه للمقارنه ومفيش ديانه فى العالم بتسمح بسب أزواج انبيائها

وتتهمهم بالزنا وارتكاب الفاحشه

ده لو ده حصل من المسلمين فى اوروبا كانوا عملوا عمليات ابادة شامله ليهم هناك


اقتباس:
و مع ذلك فهو افضل منك لان في مساجد في كل دول اوروبا و مصرح بيها
فيه بقى شروط في قيود بس المهم انه عنده
يعني لو هنحط نسب
هو عنصري بنسبة 50%

و انت بنسبة 100%

:biggrin:



لا معلش اقلب الأية شويه
خلى المسلمين يسبوا السيد المسيح والسيدة مريم
ويتهموها بالزنا والعياذ بالله وشوف ردة الفعل حتكون ايه
ونشوف بعدها حيسمحوا ببناء مساجد وله حتى حيسمحوا بوجود مسلمين وله لا

الأمر والمقارنة مختلفه من أكتر من جانب وبعيد عن العنصرية معلش


يعنى المسلمين لم يهينوا الأديان الأخرى ولم يسبون ويتهمون أعمدة الديانات أتهامات شنيعة


بناء المساجد فى الأصل موجود من سنين


الأمر هنا يختلف


بناء الحسينيات امر مفسد تماما وحديث ولم يكن موجود فى الأصل

عدم أحترام الشيعة للمسلمين وأتهام الصحابة وأمهات المؤمنين

يبقى شفت الأختلاف اتمنى تحط عينك على النقطة دى بجد


وحسألك سؤال ومحتاج رد مباشر وقاطع يا طارق


بما انك مع حريات العبادة وطقوسها


هل تقبل أن يقام معبد على ارض مصر يسب أمهات المؤمنين والصحابة

اعبد ما تشاء ولكن لا تهين ديانات ورموز دينية كبيرة


اقتباس:
سنين السنين كام يعني؟
خمسين سنة ؟
الي اعرفه ان الي حصل هو منع المآذن في سويسرا
لكن ماسمعتش عن حاله هدم مسجد واحد
و انا متابع يومي للاخبار بقالي عشر سنين
المساجد الي كانت بتحرق كانت في اسرائيل من قبل متطرفين
غير كدا عمري ماسمعت عن حالة تعدي على مسجد قائم في اوروبا و امريكا
الي بيحصل هو ان احيانا اهل قرية او مدينة بيعارضوا بناء مسجد جديد عندهم و بيكون اعتراضهم انه هيعملهم ازعاج
لكن مافيش مسجد قديم تم هدمه


لا يا طارق معلش انا اسف فى حالات هدم وغلق بتحصل فعلا فى اوروبا
وكتبتلك فوق بالأدله وتقدر تسأل فيها
وتتأكد من صحتها وحتشوف أن ده واقع لا يمكن أنكاره

اقتباس:

بص
القضية مش قضية مين بيفسد
بس انت زي ما حكمت هو كمان هيحكم عليك
هيقول انت جاي تفسد المجتمع بتاعه
يبقى انت بتلومه على نظرية انت بنفسك بتستخدمها ضد غيرك :biggrin:


لا طبعا يا طارق مين قال كده القضية أكبر من كده بكتير
انا حكمت لأن فيه سباب ولعن وده مرفوض تماماً فى كل مله وكل دين

مينفعش انك تقيس من الأساس بين ده وده

إلا لو أختلط الزيت بالماء

يعنى زى ما قولتلك فوق مينفعش ان المسلمين مثلا بره

يقعدوا يسبوا ويلعنوا فى ديانة تانيه وتقولى هو حيقيس بنفس المفهوم

لأن الجوهر مختلف تماما


يعنى المسلمين بره لا بيسبوا ولا بيهينوا ولا بيلعنوا أديان تانيه

يبقى فين مفسدة المسلمين هناك عشان يتم هدم مساجدهم وأضطهادهم

تعالى بقى للحسينيات


دول بقى وضعهم يختلف تماما يعنى نازلين سب فى سيدنا ابى بكر وعمر

والسيدة عائشه وحافصه زوجات أشرف خلق الله

وتقولى مش فساد ومش قياس


لا مينفعش أصلا أنك تقيس بين ده وبين ده نهائى


لأن زى ما قولتلك الجوهر مختلف تماما


هما الأصول سب الصحابة وأمهات المؤمنين


المسلمين فى كل مكان عقيدتهم أحترام أصحاب الديانات الأخرى

وعدم السب أو الأستهزاء بيها

أتمنى تشوف الفرق


وسألتك أنت كراجل بتؤمن بحرية العبادة إى كانت


تقبل حد يسب جهرا أمهات المؤمنين والصحابه وتبنى ليهم مكان جنب بيتكم


وله حترفض بناء مكان يمارسوا فيه السب العلنى للصحابه وأمهات المؤمنين


اقتباس:

يبقى انت المفروض مش تلومه
طالما انت بنفس فكره و اكثر تشددا ,, يبقى خليك في التيار بتاعك الي هو انك تشتمهم
لكن ماتقولش هو عنصري لانك اثبت انك اكثر منه عنصرية
و عايز تفرض رؤيتك


لا ألومه طبعا لأن ده كان شىء موجود مش لسه حيتوجد

غير كده الومه لان أتباع الدين الأسلامى عنده يحترمون جميع الديانات

ولا يقومون بالسخريه أو الأستهزاء أو السب

وده يختلف من اللى كان عايز يحصل عندى طبعا

لان اى انسان سوى لا يقبل بالأهانه واللعن والسب أنه يمارس

يبقى فين هنا أنى أكثر تشددا وتعصباً منه


اقتباس:

انا ماليش دعوة مين الصح ,,انا بكلمك بحياد مطلق
يعني منين بتفرض رؤيتك و منين عايزه يتقبل رؤيتك
ما هو كمان هيكون له رؤية

انا شخصيا ضد اي قيود بتفرض على المعابدفي اي مكان في العالم


وهو الحياد المطلق يا طارق انك تقارن ناس تحترم الأخرين وديانتهم

بناس تهين وتسب وتلعن وتقيس عليهم

من الأساس ومع شديد أحترامى ليك القياس غلط بين الأتنين


وأكبر أثبات أن الدين الإسلامى بمفهومه يحترم جميع الأديان والعقائد

انه فى عصر الفتوحات الإسلامية لم يتم هدم معبد واحد مهما كان

اقتباس:
زود العقوبة
هو انا قولتلك ماينفعش تعدل في القانون
لكن النقطة انك بتتكلم على ان الدنيا غابه و مافيش فيها قوانين
دا هو نقاشي معاك , انك بتعاني من ضعف تطبيق و اتفق معاك ان في قوانين محتاجه الى تعديل


ماهو قولتلك فوق نعدلها بالأعدام مثلا حسب رؤية رجال القانون
وقولتلك لو قالوا كده محدش حيعترض وكله حيقول الله
ميه ميه وتمام شوف الناس بتفكر صح ازاى
ولو قولت شريعه حتقوم الدنيا ومش حتقعد
ما انا برضه بقولك اهو فيها ايه لو تم التعديل بقوانين الشريعة
ماهو عدلها اهو بس بالشريعة ايه المشكله

اقتباس:
انت خليتني اعيد كلامي خمسين مره يا محمد هههههه
و الله يا ابني المشكلة في ضعف الشرطة و في التطبيق
الشرطة ضعيفه جدا انت عايز ايه
جاي تقولي ماحدش مسكهم
ما انت اصلا مش عارف تجيبهم هتنفذ العقوبة ضده ازاي ههههه


برضه فى نقطه مش عارفين نتلاقى فيها

يا طارق دلوقتى لما تكون العقوبه فاشله وهينه ضعاف النفوس بيستهتروا انما لو العقوبه قويه جدا بيراجعوا نفسهم بدل المره مليون


يعنى خلينى اديك مثال بغض النظر عن ضعف الشرطة


لما اجى اقول لواحد انت لو مسكت سلاح وطلعت تخوف الناس حديك تلت سنين سجن


ولواحد تانى اقوله انت لو مسكت سلاح وخوفت الناس حعدمك او حقطعلك ايدك ورجلك من خلاف


ياترى كل واحد فيهم لما يفكر يعمل الشىء ده نفسياً كده انهى تردده فى فعل الشىء حيكون اكتر


وياترى مين فيهم ممكن يرجع عن تفكيره اسرع


شوف كده فى علم النفس وانت حتعرف


اقتباس:

سؤالك الاخير
انا ضد التشويه , لكن انت سألت سؤال ايه رايك في التشويه قولتلك انا ضده
بس كمان خد بالك ان التيار الاسلامي مارس التشويه بكفاءة كمان


ايوه انت قولت انك ضد التشويه انا عارف
بس انا سؤالى مش ده قصده يا طارق

انا بسألك لما يكون فيه مجموعة عملت تشويه لمجموعة تانيه

والمجموعة التانيه دى عملت نفس الأسلوب وشوهت برضه

يبقى ايه الفرق هنا بين الأتنين


المفروض ان اللى عمل التشويه متعصب ومتحجر وغير مثقف


لما تيجى مجموعة تتبع نفس الأسلوب فى التشويه


يبقى فين فكرها الراقى وفين أسلوبها المتحضر وفين وفين وفين

لما تتبع نفس أسلوب ناس متعصبه زى ما بيتقال

يبقى هنا هما سلكوا نفس السكه ونفس الطريق


فى التعصب والتشويه والعنصريه وكل ما وصفو بيه غيرهم

لأنهم مشوا على نفس النهج والطريق بتاعهم

مش المفروض الأنسان يرتقى بنفسه برضه


عشان كده سألتك ايه رايك فى الناس اللى اتبعت نفس النهج ومشوا عليه



اقتباس:
اعتقد حتى انت شوفتني لما حذفت موضوع عن قانون جماع الوداع الي رديت فيه على اساس انه خبر صحيح
و صاحبة الموضوع زعلت و تقريبا انسحبت من المنتدى بعدها و اعتبرت اني تعديت على حقوقها الفكرية

انا ما اسمحش باي تشويه حتى لو كمان ضد فكر انا بعارضه و بخالفه


ايوه انا شفت الموضوع ده ورديت عليه اكتر من رد وكذبته بدلائل


وطبعا فاكر انك حذفته وأحترمت ده فيك جدا جدا وقتها

وفاكر رسالتك كمان

اللى قولتلى فيها

فاهمنى انت :003:

اقتباس:
و اعتقد الاجراء افضل من الاعتذار
و انا لو كان الموضوع عن شخص معين كنت اعتذرت
لكن هعتذر لمين ما كلنا مسلمين :biggrin:
لحزب النور يعني ,,طيب وصله اعتذاري
)


انت ليه خدت الكلام على المنتدى هنا تحديداً انا بتكلم بصفه عامه
انت راجل حذفت الموضوع ودى تتحسب للمنتدى ككل

لكن اعمل بحث كده على الموضوع حتلاقيه منتشر فى النت

وكله هايص بقى وهوبا ام دقون مش عارف ايه
واللى يقول بربريه وهمجيه

ده على مستوى النت


تعالى بقى للأعلام المصرى الله يكرمه يارب واشوفه كده عنده شويه حياديه


مفيش محطه او برنامج طلعت عملت فرقعه وشوهت الناس وفردت ساعات طويله وجدال وأستضافات طلعت قالت نعتذر عن الموضوع الكاذب ده واللى تم تشويه فيه الإسلاميين


مش دى مهمة الاعلام انه يقول الحق ويبطل عمليه التعتيم

وعدى يا ليله دى اللى شغال فيها

اقتباس:

بس خلي بالك برضو
يعني حادثه الشاب الي اتقتل في السويس
قالك ناس بتدعي انها من هيئة الامر بالمعروف او ناس متبنيه الفكر دا
و خطيبته شاهده على الواقعة

بيطلعلك بعد كدا انصار التيارات الاسلامية و على طول يقولك دا تشويه


طيب حتى لو كانوا تبع الأمر بالمعروف هما ميعتبروش تبع التيار الإسلامى من الأساس لأن أصلا الناس دى مش معروف تبع مين أصلا

وتعالى كده روح صفحتهم الرئيسية حتلاقيهم مسبوش حد فى التيار الإسلامى
من حازم صلاح أبو اسماعيل لحد الأخوان نازلين فيهم شتيمه


اقتباس:
مين الاشخاص دول الله اعلم لكن الشهود قالوا ناس ملتحية و لابسه جلابية
طيب دول ناس بتشوه في الاسلاميين
الله اعلم لكن ما اقدرش اجزم بكدا
لان الاجزام دا هيخليني اوصف التيار الاسلامي انه ملائكة و مش بيغلطوا و دا انا ضده


وهو حد أنكر أنهم ملتحين ملتحين ياعم ومنهم واحد مسمى نفسه الشيخ وليد وفى جامع عندهم والشيوخ طردته من الجامع ده من سنين عشان متعصب والحكايه دى عملها قبل كده كتير ده برضه حسب أقوال الناس
بس موصلتش للقتل يعنى

وهو انا عايز افهم حاجه هو كل من ربى دقنه وعمل مصيبه نقول إسلاميين لو قسنا بالطريقة دى يبقى كل دكتور بقى صور مريضه عنده

نقيس أخلاقه المنيله دى على كل الدكاتره
وله كل قاضى خد رشوه يبقى كل القضاة مرتشين

شفت الفلم بتاع أحمد عز اللى كان فى أوكرانيا

شفت كان فيه ناس بدقون كده خطفو اسمه ايه ده صلاح عبد الله
وقالك تنظيم اسلامى وبتاع فاكره الفلم ده
ماهو كانو بدقون برضه

الغرض من انى اقولك كده ايه مش حقولك ان اللى قتلوا الولد ناس عايزه تشوه الصورة وهما مش ملتحين فى الأساس


لكن الغرض من اللى قولته ان مش مصيبه يعملها واحد ملتحى

نتهم مجموع الملتحين فى الدنيا

اقتباس:
عايز تحط فرض التشويه حطه ماعنديش مشاكل
بس قصاد كدا حط معاه فرض انهم فعلا ناس ملتحية و متشدده فكريا
لكن مش منطقي اني الغي كل الفروض بدون ادله و اقولك تشويه
دا مش عدل و لا من الشريعة



ايه دخل قتل الشاب بتاع السويس فى التشويه
من الأساس جميع البرامج اللى أتكلمت فى الموضوع
قالت ان الناس ملتحيه وملهاش اى علاقه باى تيار أسلامى
يبقى محصلش تشويه هنا للأسلاميين من الأساس

أنما انا لما سألتك قولتلك زى موضوع مضاجعه الوداع

مقولتش الشاب بتاع السويس ده نهائى

لانه مش تشويه وحقيقى اللى قتلوه ملتحين بس ملهمش علاقه بإى تيار إسلامى موجود وده اللى كل الناس قالته

اقتباس:

و كفايه كدا بقى
و الله يكون في عونك في التنسيق :biggrin:
و عارفك هترد تاني و مش هتسكت,,الا لو حصلت معجزة :762:


التنسيق ده عايز يومين كاملين يا طارق ههههههههههههه

هو مفيش حوار بينا إلا لما يكون عايز خمس ست صفحات

الواد سامى ومرشوا حيضربونا بالنار على فكره

ومعاك حق فى انى حرد دى مفيش معجزات يا طارق
:762:

والله العظيم مستمتع بالحوار معاك جدا جدا


تحب تقول أيه فى نهاية الحلقة

لحسن دى كده مش حلقه دى بقت كارثة على اللى حيقرى الموضوع


***********************************************

SiLver Spectra


انا ممكن ارد معاك لبكرا بس بقول كفايه كدا
الاعضاء هتزهق و مش هتقرأ :biggrin:


***********************************************

king lion

شكرا ليك يا طارق بجد على قبول دعوتى للحوار

وحقيقى وانت عارف انى سعيد جدا جدا بالحوار معاك
حتى لو أختلفنا فى وجهات النظر الا انى حقيقى بكون مبسوط بكلامى معاك

بكرر شكرى ليك يا طارق


وطبعاً كل اللى ربنا صبره وشاف الحلقة دى عايز يقتلنا











  رد مع اقتباس
قديم منذ /07-18-2012, 01:09 AM   #2

مشرفة قسم النكت سابقا

 

 رقم العضوية : 81880
 تاريخ التسجيل : Mar 2012
 العمر : 21
 الجنس : ~ بنوتة
 المكان : مصر
 المشاركات : 24,519
 النقاط : jasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond reputejasmean has a reputation beyond repute
 درجة التقييم : 1010042
 قوة التقييم : 506

jasmean غير متواجد حالياً

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

حلقه جميله جداااا

وكبيره اووووووووي

وضيف مميز

ويلا مبرووك عليا فنجان القهوه







  رد مع اقتباس
قديم منذ /07-18-2012, 01:10 AM   #3

 

 رقم العضوية : 7111
 تاريخ التسجيل : Sep 2008
 الجنس : ~ ولد
 المكان : Damietta
 المشاركات : 22,348
 الحكمة المفضلة : لو القرد مات القرداتي هيعرف يشتغل ؟
 النقاط : SiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond repute
 درجة التقييم : 5769582
 قوة التقييم : 2885

SiLver Spectra غير متواجد حالياً

إرسال رسالة عبر Yahoo إلى SiLver Spectra

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

انت في حتت كتير ملخبط فيها بين ردي و ردك
ياريت تحاول تعدله باقتباس يا محمد للأجزاء الي بيكون فيها ردك مش ردي







  رد مع اقتباس
قديم منذ /07-18-2012, 01:11 AM   #4

عضوة مميز

 

 رقم العضوية : 70815
 تاريخ التسجيل : May 2011
 الجنس : ~ بنوتة
 المكان : Mansoura
 المشاركات : 7,236
 الحكمة المفضلة : عش حياتك فى طاعه الله :))
 النقاط : عاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond reputeعاشقة ذكر الله has a reputation beyond repute
 درجة التقييم : 2795349
 قوة التقييم : 1398

عاشقة ذكر الله غير متواجد حالياً

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

اها طبعا عايزة اقتلكم انتو الاتنين هههههه
حوار رااائع جدا وطويل اووووووى
اجابات سيلفر سبكترا جميلة وردود الكينج رااائعة
يسلموووووووو ع النقاش الجميييل







  رد مع اقتباس
قديم منذ /07-18-2012, 01:13 AM   #5

قلم مميز

 

 رقم العضوية : 75149
 تاريخ التسجيل : Sep 2011
 الجنس : ~ رجل
 المكان : Skull
 المشاركات : 1,762
 الحكمة المفضلة : إذا ضربت فاوجع فإن الملامة واحدة
 النقاط : king lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond reputeking lion has a reputation beyond repute
 درجة التقييم : 25829
 قوة التقييم : 13

king lion غير متواجد حالياً

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

اقتباس:
المشاركة الأصلية كتبت بواسطة عاشقة ذكر الله مشاهدة المشاركة
اها طبعا عايزة اقتلكم انتو الاتنين هههههه
حوار رااائع جدا وطويل اووووووى
اجابات سيلفر سبكترا جميلة وردود الكينج رااائعة
يسلموووووووو ع النقاش الجميييل
طيب يا طارق مع انى عامل لكل واحد فينا لون مختلف

وكمان مراعى الأقتباسات وموضح رد كل واحد فينا بالظبط

بس يمكن عشان الصورة اللى محطوطه بوظت الدنيا

طيب ححاول اشيلها واخلى لكل واحد لون معين







  رد مع اقتباس
قديم منذ /07-18-2012, 01:21 AM   #6

مشرفة قسم آدم سابقا

 

 رقم العضوية : 32154
 تاريخ التسجيل : Oct 2009
 الجنس : ~ أنثى
 المشاركات : 8,068
 النقاط : ملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond reputeملكة الهدوء has a reputation beyond repute
 درجة التقييم : 34702
 قوة التقييم : 18

ملكة الهدوء غير متواجد حالياً

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

حلقه طويله فعلا

س تحمل اسئله واجابات ممميزه وجميله

حوار كان جميل منك محمد مع ضيف متميز زى طارق

بالتوفيق باذن الله







  رد مع اقتباس
قديم منذ /07-18-2012, 01:23 AM   #7

مراقبة عامة سابقه

 

 رقم العضوية : 76164
 تاريخ التسجيل : Oct 2011
 الجنس : ~ أنثى
 المشاركات : 37,497
 الحكمة المفضلة : كن متواضع كالمطر .. يسقط على قصور الأمراء وأكواخ الفقراء...
 النقاط : الأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond reputeالأميرة رودي has a reputation beyond repute
 درجة التقييم : 7988886
 قوة التقييم : 3995

الأميرة رودي غير متواجد حالياً

 

 

 

 

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

انت عاوزلك قاعده يامحمد
الحوار بتاعك مع سيلفر شكله شيق ومحتاجه دماغ مصحصحه
أنا هروح انام دالوقتى وبكره اقرأ الموضوع براحتى لانه طووويل اوى
وانا خلاص النوم وصل ...







  رد مع اقتباس
قديم منذ /07-18-2012, 01:23 AM   #8

الإدارة العامة سابقا

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 74,559
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 14977956
 قوة التقييم : 7489

دمعه حائره غير متواجد حالياً

 

 

 

 

 

MY MmS

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

حوار جميل وبرغم انه طويل لكن وضح امور كتير
وعبرت عن وجهة نظرك بطريقه بسيطه
بس فعلا فيه اجزاء تلخبط بين الردود لمين
لكن اسلوب طارق معروف لكتير مننا
ممكن تخلى كل واحد ليه لون ثابت ماتغيروش
نورت الحلقه دكتور
وشكرا على الدعوة اخى كينج







  رد مع اقتباس
قديم منذ /07-18-2012, 01:24 AM   #9

 

 رقم العضوية : 9
 تاريخ التسجيل : Jan 2008
 العمر : 30
 الجنس : ~ رجل
 المكان : المنيـا
 المشاركات : 5,580
 النقاط : Mahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond reputeMahmoud Kamel has a reputation beyond repute
 درجة التقييم : 3036986
 قوة التقييم : 1519

Mahmoud Kamel غير متواجد حالياً

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

انـا قريـت ربـع الحــوار ,

بس ليـا رجعـه تاني هكملـه , لان الحوار شـدني وجميـل ^_^







  رد مع اقتباس
قديم منذ /07-18-2012, 01:39 AM   #10

 

 رقم العضوية : 7111
 تاريخ التسجيل : Sep 2008
 الجنس : ~ ولد
 المكان : Damietta
 المشاركات : 22,348
 الحكمة المفضلة : لو القرد مات القرداتي هيعرف يشتغل ؟
 النقاط : SiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond repute
 درجة التقييم : 5769582
 قوة التقييم : 2885

SiLver Spectra غير متواجد حالياً

إرسال رسالة عبر Yahoo إلى SiLver Spectra

أوسمة العضو
افتراضي رد: نلتقى لنرتقى مع SiLver Spectra ... تابع لمسابقة افضل موضوع حواري

اقتباس:
المشاركة الأصلية كتبت بواسطة king lion مشاهدة المشاركة
طيب يا طارق مع انى عامل لكل واحد فينا لون مختلف

وكمان مراعى الأقتباسات وموضح رد كل واحد فينا بالظبط

بس يمكن عشان الصورة اللى محطوطه بوظت الدنيا

طيب ححاول اشيلها واخلى لكل واحد لون معين
ماهو المشكلة ان كان في جزئيتين كنت واخدهم من ردك في اقتباس و انت حطيتهم هنا بنفس لون خطي
:biggrin:
عامة انا عدلتهم و ضفت كود الاقتباس عليهم

و شكرا للحوار و لسعة صدرك
انا الي استمتعت فيه و خليتني اطلع طاقة فكرية كامنة بقالها فترة

و بعتذر لو في اخطاء ناتجة من سرعة الكتابة على الكيبورد







  رد مع اقتباس
إضافة رد

الكلمات الدلالية (Tags)
..., لمسابقة, لنرتقى, موضوع, نلتقى, افضل, تابع, حواري, silver, spectra


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
برنامج ابيض واسود (تابع لمسابقة افضل برنامج حواري) طمطم منتدى يوميات الاعضاء 25 07-30-2012 08:35 PM
جُرح الزمان تابع لمسابقة افضل موضوع حواري مِسكُ الشَهادة منتدى يوميات الاعضاء 45 07-29-2012 02:30 PM
برنامج حوارى مع رحال .. تابع مسابقة افضل موضوع حوارى .soma ~♥ Queen sozan♥~ منتدى يوميات الاعضاء 21 07-24-2012 01:41 AM
ممكن طلب عاوز الـــــــــــــــــ ؟؟ احم احم ؟؟ تابع لمسابقة اجمد موضوع حواري جـــــراح المشــاعر قسم مناقشة المواضيع المتداوله والمنقوله 21 07-13-2012 07:31 AM
قضية سما الأغاني(تابع لمسابقة اجمد موضوع حواري) كاتبة على ريح الخيال قسم مناقشة المواضيع المتداوله والمنقوله 2 08-11-2011 04:43 AM


الساعة الآن 02:45 PM


Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w