معا لغسل ذنوبنا فى هذا الشهر المبارك :)

[استـثـنـائـيـة]

السلام عليكم

صباحكم /مسائكم فى طاعة الرحمن

دلوقتى لما بمشى فى الشارع بحس بروح رمضان

الزينة والفوانيس كل دى اجواء حسستنى بروح رمضان

ودة اللى شجعنى انى اعمل الموضوع


كل واحـد فينا بيستعد لرمضان على طريقته

بس فى النهاية هدفنا كلنا واحد وهو استغلال كل لحظة

فى الشهر المبارك دة فى التقرب إلى الله .


انا شخصيـا رمضان بالنسبالى السنة دى هيكون مختلف عن اى رمضان عيشته

لانى حاليا بقيت متصالحة مع نفسى اكتر وراضيه عن نفسى اكتر

لانى حاسه انى قربت من ربنا اكتر الفترة الاخيرة.


حاجات كتيـر كنت بعملها وان شاء الله مش هتحصل تانى

وحاجات كتير كنت مقصرة فيها ولاول مرة هأديها

أول رمضان افكر انى مش اتابع مسلسلات فيه

حسيت بجد ان الشهر دة محتاج منى انى استغله صح

فى طاعة ربنا والتقرب منه

وفى نيتى ان شاء الله انى اختم القرآن اكثر من مرة

ولأول مرة كمان هصلى التراويح إن شاء الله.


حابه ان كل واحد يدخل يقولى بدأ استعداده لرمضان ازاى

وفى نيته يعمل ايه جديد فى رمضان

وازاى عايز يقرب من ربنا اكتر

وازاى عايز يغسل كل ذنوبه فى الشهر الكريم ده؟


ومتعاونين دايما فى الخير إن شاء الله


وكل سنة وحضراتكم طيبين

ورمضان مبارك عليكم جميعا

[عاشقة ذكر الله]

أنا بصراحة مفيش استعداد خالص السنة دى
لانى لسة مخلصة امتحانات من فترة قليلة
وحاسة ان رمضان جاى بدرى السنة دى شويا
بس العيال اللى فى الشارع حطوا بئة الزينة والفوانيس
وانا بتفرج عليهم ههههههه
وان شاء الله ربنا يوفقنا فى رمضان ونطيعه أفضل طاعة وان شاء الله هحاول أقرأ القرآن كله
وطبعا احول اصلى صلاة التراويح وانى ارضى ربنا
اللهم بلغنا رمضان
كل سنة وانتى طيبة ياقمر

[.. בٓـيــًـًـًآءْ . .]

" توبيك حلو ي قمرآيـه
اما عن نفسى فآنأ استعدادى رمضآن
أنحصر حآليآ ف النيـه
مرتبه خطوات كده ف دمآغى
وبدعى ربنآ ان آقدر أنفذها ف رمضآن
ان شاء الله
ي رب يكون رمضان مختلف ع الجميع
وكل سنه وانتى طيبه
..

[morshooo]

اولا كل سنة وانتى طيبة

وان شاء الله تفضلى راضية عن نفسك دائما

واهم حاجا ان الواحد يكون راضى فعلا عن نفسة

أن شاء الله رممضان دا نقدر كلنا نقترب لله ونقدر على طاعتة دائما

ونحافظ على صيامنا وصلاتنا .

اشكرك على الموضوع الجميل

تحياتى

[** رحيق الجنه **]

أنا الحمدلله .. بصلى الترويح .. الحمدلله .. عندنا مسجد خاص بالسيدات .
بصليها فيه بأستمرار .. دا شئ مفروغ منه .. لانه عاده ..
الحمدلله .. الحمدلله .. الحمدلله ..

..
وبالنسبه للتقرب من ربنا .. فربنا سبحانه وتعالى كريم ..
ربنا يقبلنا فى رمضااان ..
ياااارب ..

النيه والله خير وربنا يقدم ما فيه الخير .
ويغفر لنا جميع ذنوبنا بمنه وفضله ..‘‘‘‘‘

..
تحياتى لروعه طرحك .. ولنيتك الجميله ..
كل سنه وانت طيبه ..

[نهر النيل]

رمضان كريم
كل سنه وانتي والجميع بكل الخير

[shrOok]

توبيك حلو يا قمرى
كل سنة وانتي طيبة
رمضان كريم
دوم الابداع
خالص تحياتى
شروق

[استـثـنـائـيـة]

ربنـا يقبـل منـا و منكـم صـالـح الأعمـال

تسلمـوا على مـروركـم