شهر رمضان واخلاق المسلمين ؟

[cαяαмєℓ]

موضوعي انهاردا عن [ رمضان ] واخلاق [المسلمين ]

شوفت صور كتيره اوي فـ رمضان بجد ماعجبتنيش






يعني إمبارح كنت روحت اصلي التراويح

وانا لسه خارجه م المسجد لائيت محل موبيلات اودام المسجد بـ الضبط

فيه شباب وكمان اللي اعرفه انهم مخلصين تعليم و مسلمين

مشغلين اغاني ومعلين الكاسيت ع اخره

طب يعني كفايه انهم ماراحوش يصلو !

لا كمان مشغلين اغاني وياريتهم مشغلين الصوت ع ادهم

لا الصوت مسمع الشارع كلو

يعني هما بياخدو سيئاتهم و سيئات لاي حدي يسمع الاغاني دي وهو معدي !





حاجه كمان

كنت خلاص وانا راجعه م الصلاه قربت شويه ع بيتنا لاقيت شباب واقفين ع الناصيه واحد بيقول للتاني الواد محمد راح صلي انهارده فـ مسجد ......

التاني راح قايلو لا ياعم مارحش هناك

راح رد عليه وقال عليا الحرام م ديني هوا راح هناك

يافرحه امك بيك

طب افرض هوا مارحش صلي فـ المسجد دا ؟!





مشيت كمان شويه لائيت بنت واحد بيعاكسها وهيا ماشيه





طلعت بيتنا بأه قولت هقرأ قرآن ^_^

سمعت صوت خناقه فـ الشارع بين شباب بلطجيه تدا

واحد قال للتاني يَ ابن .............

راح رد عليه وقالو يَ ابن الست الـ....... ويابن الـ........





ايه يَ جماعه دا وربنا انا ذوهلت م المواقف دي كلها

حرام كدا

دا كفايه طيب اننا فـ شهر رمضان

شهر العبادات موش الحاجات العجيبه اللي بيعملوها دي





حاجه كمان كنت عايزه اتكلم فيها

المسلسلات اللي موش بتتعرض غير فـ رمضان

يعني اول عرض ليها بيكون فـ رمضان

اكيد فاهمين قصدي

ماعلينا ^^




انا شايفه ان المسلسلات دي مجرد تضيع للوقت والعبادات اللي بنعملها

يعني احنا نصوم و نصلي و نقرأ قرآن وبعدين نضيع كل دا بـ المسلسلات دي؟؟

و الله الناس اللي بتعملها بيتفننو ازاي يلهو المسلمين عن العبادات


انا عندي فـ البيت التليفزيون دا ميتفتحش ابدا غير يَ قنوات اسلاميه

يَ قنوات اخباريه




ناس كتير سألتها ليه بتتفرجو ع المسلسلات دي ردو عليا

بأسباب موش مقنعه أبداً

يعني سألت صاحبتي قالتلي انها بتتفرج عليها عشان تضييع وقت وكمان هيا موش قادره تصبر تتفرج عليهم بعد رمضان





ياسلام ياختي!

الوقت اللي بتتفرجي فيه ع التليفزيون دا ممكن تعملي فيه حاجات مفيده كتييير

اقرأي قرآن مثلا

ساعدي مامتك فـ البيت

اعملي حاجه مفيده غير انك تتفرجي ع التليفزيون يعني الحسنات اللي انتي بتاخديها بتضيعيها!

بس كدا

عايزه اعرف رأيكو فـ الكلام دا

وكمان عايزه اعرف خطي حلو فـ التوبيك دا ولا إيه

[Sєяєєη●•ʚɞ]

خطك حلو وهديكى عشرة من عشرة كمان
ههههههههه
موضوعك حلو فعلا احنا محتاجين نعرف اخلاق الصيام لان الصيام مش مجرد امتناع عن الاكل والشرب بس
بحب شهر رمضان لانة بحس فيه بهدوء وصفاء وجو روحانى جميل مش بيتكرر فى باقى الشهور
بس لو شفنا افعال زى اللى انتى ذكرتيها دة هنعرف ان فيه حاجة تانية اقوى من الشياطين المتسلسله والحاجة دى هى النفس البشرية اللى المفروض نهذبها فى شهر كريم زى دة
اما المسلسلات الرمضانية الحمد لله مش بتابعها فى رمضان لانها بتتعاد تلتميت مرة بعد كدة فالساعه اللى اضيعها فى مسلسل استغلها فى حاجة مفيدة فيها ثواب..حتى قاعدة النت نفسها نستغلها فى ثواب
دة شهر فرصة لمحو السيئات مش بتكرر غير مرة فى العمر
تسلمى ع الموضوع

[cαяαмєℓ]

اقتباس المشاركة الأصلية كتبت بواسطة sereen خطك حلو وهديكى عشرة من عشرة كمان ههههههههه موضوعك حلو فعلا احنا محتاجين نعرف اخلاق الصيام لان الصيام مش مجرد امتناع عن الاكل والشرب بس بحب شهر رمضان لانة بحس فيه بهدوء وصفاء وجو روحانى جميل مش بيتكرر فى باقى الشهور بس لو شفنا افعال زى اللى انتى ذكرتيها دة هنعرف ان فيه حاجة تانية اقوى من الشياطين المتسلسله والحاجة دى هى النفس البشرية اللى المفروض نهذبها فى شهر كريم زى دة اما المسلسلات الرمضانية الحمد لله مش بتابعها فى رمضان لانها بتتعاد تلتميت مرة بعد كدة فالساعه اللى اضيعها فى مسلسل استغلها فى حاجة مفيدة فيها ثواب..حتى قاعدة النت نفسها نستغلها فى ثواب دة شهر فرصة لمحو السيئات مش بتكرر غير مرة فى العمر تسلمى ع الموضوع

ميرسى ليكى يا قمر

ردك جميل جداً

بس بخصوص المسلسلات معرضاكى فى نقطة صغننة

الانسان ممكن يتفرج على مسلسلات هادفة

زى قصص الحيوان فى القرآن وقصص الانسان فى القرآن

نورتينى بمرورك العطر يا قمرى

نور الله قلبك