الحلقة الاولى من برنامج المقالب ( بقى دا كلام ) معانا ( طمطم )

[morshooo]

بسم الله الرحمن الرحيم

اهلا ومرحبا بكم

وأولى حلقات برنامجكم

( بقى دا كلام )

برنامج المقالب :biggrin:

فكرة المقلب

المقلب بأختصار شديد هى فكرة جاتلى وعرضها على ماجيك عشان ننزلها

مع بعض فى رمضان وفعلا تم تنفيذها وهى عبارة عن :

اقناع العضو الـــ هيتعمل فية المقلب ان دا برنامج جديد اسمة ( حق الرد ) وفى اعضاء قولنلهم

ان التوبيك اسمة ( رئيك بصراحة ) :biggrin:

ودا عبارة عن أنى بستضيف عضو فى البرنامج وبعرض علية اسماء اعضاء من المنتدى

وبيقول رئيه فيهم ولكن النقد فقط وسوف ارسل لهم رئى الضيف الــ معايا فى البرنامج

وانتو ليكم حق الرد علية مرتين فقط .

عموما تعالو نشوف مين أول عضو اتعمل فية المقلب دا

وهى العضوة المتالقة سابقا :762:

لان طالما شربت المقلب تبقى خلاص مش متالقه هى

طمطم
مشرفة الصحة والريجيم



اهلاين وسهلاين :762:

تعالو نشوف البداية كانت ازاى

دى اول رسالة منى لطمطم

اقتباس احم احم ازيك عاملة اية بصى دا توبيك هنزلة قريب ان شاء الله اسمة ( رائيك بصراحة ) هستضيف عضو واقولة رائيك فى شوية اعضاء وبعد ما يقول بيكون ليكم حق الرد وشعار التوبيك ( بدون زعل ) زدا كان رائى ماجيك فيكى عايزك تردى علية وبرضو من غير زعل وتقولى رائيك فية خاصة عيوبة فقط

ودى الرسالة الى بعتهالى ماجيك عشان ابعتها للضيفة الى شربت المقلب :762:

اقتباس بص يا عم انت عارف انـى مش بحب اجامل حد وعندى القدره انى اقول للأعور انت اعور فى عينه طمطم هى عضوه مميزه وصاحبه عطاء كويس فى المنتدى بس فيه حالة خمــول جامده ليها معرفش مش بتشتغل خالص فى قسمهـا دا غير ان ردودها فى القســم تقريبا شبه بعضه يعنى بحـس انها مش بتتستفاد من المواضيع اللى بتنزل فى قسمهـا ولا حتــى بتستفاد من المواضيع اللى بتنزلها هى فى القسم بتاعها دا لو بتنزل اصلاً مواضيع انا ليا زمن مش شوفتلها حاجه انا بصراحه وبدون زعل معرفش ليه الاداره وثقت فيها وانها اديتها القسم وفاكره انها هتكون جديره بالمنصب اعتقد الحمل تقيـل عليها وهى مش تقدر عليه لوحدها نور كانت شايفه شغلها اكتر من كده دا غيـر الخبره الطبيه اللى عندها ودايما مواضيعها كانت مميزه انا شايف ان الاداره لم توفق فى اختيارها لطمطم مشرفه على قسمهـا الطبــى دا حتى تعرف انا حاسس انها دايما بتكون فى وادى والقسم دا فى وادى تانى ودماغها مش رابكه على القسم الطبــى متأسف يا طمطم بس دا رأى واتمنـى تتقبليه بصدر رحـب شكرا احمد على انكـ عرضت عليا انى اقول رأى فى طمطم ودى وتقديــــرى

طبعا صحبتنا شافت الرسالة ودمها اتحرق حتى شوفو ردها كان اية

اقتباس تمام الحمد لله اوك ي احمد ردى هو :- هو بيقول انى عندى خمول جامد ف قسمى ع العكس ف ناس كتير بيقولوا ان القسم اتنشط جدا بعد لما مسكته ده غير المسابقات اللى بعملها فيه وتكريم الاعضاء المميزين بالقسم كل اسبوع ,, فمش عارفة هو يقصد ايه بالخمول ده ولو كنت مش بدخل كتير ف ده لانى ف. ث. ع واعتقد ان اى حد مر بالمرحلة دى عارف يعنى ايه ثانوية عامة وده مش بايدى انى مش بدخل كتير بالنسبة لان ردودى ف القسم تقريبا شبه بعضها انا عايزاه يشوف ردوده هو ف القسم الاول واى واحد بيدخل القسم عندى مش لازم ادخل واضيف نصايح من عندى ع صاحب التوبيك ردودى عبارة عن شكر لصاحب التوبيك وتقييم ليه ع جهده حكاية مش بستفاد من المواضيع دى حسيت انها اوفر شوية لانه مش قاعد معايا وعارف انا بستفاد من التوبيك ولا لا -مع احترامى الكامل ليه- حكاية الادارة ليه وثقت فيا فدى انا مش هرد عليها ورغم ان البرنامج شعاره بدون زعل بس اسمحلى انا زعلت من الجزء ده وهو لو عايز يعرف الادارة ليه وثقت فيا يروح يسألهم بقآ اما حكاية دماغى مش راكبة ع القسم فده وجهة نظره وانا مليش انى اتحكم ف رايه

:762: مش بقولكم دمها اتحرق طبعا بعت الرد لماجيك

عشان نكمل المقلب وكان لازم يرد عليها ببرود تاااام حتى شوفو قال اية

اقتباس امممممم اعزرينـى ى طمطم يعنى انتى من الناس اللى بعزها بس الموضوع بدون مجاملة وانا بصارحكـ على تصلحـى من نفسكـ ونشاطكـ فى القسم الحكايه مش هجوم خالـص وانا بنصحكـ تهتمـى شويه بقسمكـ وبالنسبه لموضوع قســمى انا مشرف الفلاشات والحمد لله القسم اتغير ميه و80 درجه من بعد توليتى للمنصب الاشراف وكل مواضيعى اللى فيه من مجهودى الشخصـى وردودى فيها كلها تشجيع وتحفيز وتثبيت كمان للمواضيع متأسف يا طمطم واتمنـى مش تزعلـى منى وانا يهمنـى أمركـ علشان كده كان لازم اصارحكـ لان لو جاملتكـ لمجرد انكـ من الناس اللى بعزها هنـا يبقى انا بنافققكـ ومش يهمنـى امركـ واتمنـى عدم الزعل احترامــى وتقديـــرى

ههههههههههههههه تعالو بقى نشوف انا بعت لطمطم قولتلها اية

اقتباس طمطم دا رد احمد عليكى ياريت تردى وهيبقى اخر رد ليكى عشان حقك تردى على كلامة مرتين وتدفعى عن نفسك فى انتظار

طبعا طمطم بعتتلى وقالت

اقتباس اولا انا ابدا مش قولت لحد انه يجاملنى ومش محتاجة ادافع عن نفسى ي احمد :d thanx for his advice ,, و مفيش داعى للاعتذار ,, وزى ما قولت قبل كده ده رايك وانت حر فيه

طبعا طمطم كانت خلاص قفلت معاها بس قولنا خلاص

لازم نقولها انة مقلب شوفو ماجيك قالها انة مقلب ازاى





[/QUOTE]

اقتباس شربــتى المقلب يا طمطوم وربنــا حسيت انكـ مستغربه من ردى وفيه حالة زهول كده :biggrin: على فكــره رأى اللى فوق دا اعكسيه خالـص ويبقى هو دا رأي بجـد انتى عضــوه عثوله وشايفه شغلكـ تمام وجديره بمنصبكـ ولو الاداره مش كانت شايفه كده مكنتيش بقيتى مشرفة القسـم وانا بتمنالكـ التوفيق دايما بقآ :003: يلا كل سنه وانتى طيبه رمضان كريم يا طمطم :biggrin:

ههههههههههههههه طبعا الى شربت المقلب استغربت وعرفت انة مقلب

بس بعد اية بقى دا انتى اخدى على عينك بس لما عرفت انة مقلب قالت

اخر رد لطمطم

اقتباس والله بجد مش عارفة اقول ايه:sml39: يعنى فرحانة ان الكلام ده مش طلع بجد وخصوصا ان احمد my best friend هنا يعنى اتوقع من اى حد انه يقول الكلام ده الا احمد وزعلانة ان ده تانى مقالب يتعمل فيا انتوا مش لاقيين غيرى ولا ايه ,, بتقول زهول ي احمد ,, بجد بسببك مش عرفت اتغدى النهاردة :biggrin: ومش كنت عارفة ارد عليك اقول ايه بس لعبتها صح ,, بجد .... تصدق مش عارفة اقولك ميرسي ع الكلام اللى فوق ده ههههههههههههه وانت طيب ي سيدى ,, ماسى مس هقول لحد بالنسبة ليك ي مورشو اخر مرة هصدقك ف حياتى هههههههه لا فكرة حلوة اوووى بجد وتغيير عن بقية البرامج اقول لاعضاء المنتدى "مع "الماجيك" و "مورشو" مش هتقدر تغمض عنيك " :biggrin: و كل سنـة وانتـوا طيبـين ,, ميرنا

وبكدا بيخلص أول مقلب وأول حلقة

اتمنى المقلب يكون نال أعجابكم

انتظرو ( ماجيك )

والحلقة الثانية من برنامجكم

( بقى دا كلام )

تقبلو تحيات كلا من

morshooo

۩۩ elMagic ۩۩

[dяєαм..|♥]

ههههههه حلوه اوى الحلقه
وفكره جميله اوى
وبجد مثلتوا المقلب صح
مجهود جميل منكوا

[Aya 7ekaya]

هههههههههههههههههههههههههههههههههههههههههههههههههه هههههههههههههه
م قادرة ابطل ضحك أحمد وأحمد لما يجتمعو يبقى الحكايه خربت
ي عينى ي طمطومتى بجد حآجة تحرق الدم والله
خفو شويه ع الاعضاء الناس صايمه والكلام ده يخلينا نعطش

[shrOok]

هههههههههههههههههههههههههه
شربتى المقلب ي طمطم
بس بصراحة فكرة جامدة
خالص تحياتى

[۩۩ elMagic ۩۩]

ههههههههههههه
كان من المقالب الجامده جدا اللى اتعملت
وطمطم بطلتهــا صعبت عليا وربنــا
معلس يا طماطم تعيشى وتاخدى غيرهـا بقآ
وبردوا مش هتعرفى ترديهــا :roma-flag:
يلا كل سنه وانتوا طيبين
وصيام مقبول وافطار شهـى بأذن الله
,,,

[كبرياء رجل]

ايه ده حلقه. اخر رخامه حرقتوا دم البنت
ليه كده بس طمطم كويسه وفي حالها
بس مقلب جامد وهي فرحت ان الكلام هزار ومش بجد
ﻻن نشاطها مميز وشغلها باين في القسم
ربنا يوفقكم
وانا من رايي نضم قسم المقالب على اليوميات
عشان ميبقاش في مقالب هنا وهناك
شكرا لكم
تحياتي

[gold rose]

هههههههههههه

الحمد لله إنو مورشو

هوا اللي قال رأيو فيني

مو الماجيك

الماجيك لسا شرير أكتر منو

حلقة حلوة فعلاً

[jasmean]

هههههههههههههه

حلو اوووي المقلب

دا اناا صدقتك

هههههههههههه

في انتظاار الحلقه الجاايه

ياسمين

[Words Whisper]

حلوة الحلقة والفكرة

بس صعبت عليا طمطم

هو النقد مش وحش

لكن بالراحة ^^

تسلموا

ودمتم بحفظ الرحمن ..

[Priŋčeŝŝ Mзnna]

ههههههههههههه حرام عليك يا احمد
بجد البنت خلاص جابت آخرها
كلامك كان مستفـــــــز :biggrin:
يلا معلش يا طمتومتى
تعيشى وتآكلى غيرها بقآ

تسلموا مورشدى واحمد
بجد كان ضحك السنين :762:
مستنيين تانى حلقة بقآ
بالتوفيق ...