اولى حلقات برنامج صحتك ع مزاجك

[طمطم]

بسم الله الرحمن الرحيم الصحة تاج ع رؤوس الاصحاء" سمعنا الجملة دى كتير ف منا اللى قدرها وحس بقيمتها وف منا اللى مرت عليه مرور الكرام علشان كده حبيت اعمل البرنامج ده اول برنامج من نوعه ف القسم تعبنا اوى انا وايمى لغاية لما خلصناه كان المفروض هى تنزل اول حلقة بس هى بقالها فترة مش بتدخل المنتدى ف قولت هنزل انا اول حلقة والبرنامج هيكون يومى ان شاء الله ف تمام الساعة 10:30 برنامج صحتك ع مزاجك الفكرة سهلة وبسيطة وهسيبكوا مع اول حلقة وهتفهموا الموضوع كله معانا النهاردة عضو نشيط عمره م نورنا ف القسم ابدا ^^ قولت لازم اجر رجله بقآ معانا النهاردة . . . . . . . . . ღ Gի๐sτ ღ عضو مميز • тяojaи • تعالى ندخل ف الاسئلة ع طول علشان الحلقة :biggrin: الفقرة الاولى :- الحياة اليومية : انت عادة بتنام امتى؟وبتصحى امتى؟ ممممممممم انا مليش معاد محدد فى النوم لأن مواعيد نومى متغيرة اوقات بنام 12 بليل واوقات بنام العصر واوقات بنام الفجر حسب الظروف يعنى واكيد الصحيان نفس الشىء =)) بس ده غلط .... اه بنصحك انت ناسى انى مشرفة الصحة ولا ايه ^^ لان أفضل أوقات النوم من 10 مساء حتى 6 صباحا. تقريبا اد ايه عدد ساعات نومك اليومية؟ حـوالى 6 لـ 7 ساعات الا ربع والربع دة بيكون النعاس :P ههههه ي ابنى كل عادات النوم عندك غلط :biggrin: تعرف ان النوم أقل من 8 ساعات يأثر على صحتك. بتمارس الرياضة اليومية ولا لأ؟ لأ شكلك هتتعبنى معاك النهاردة :biggrin: مارس رياضة الجرى كل يوم الصبح اذا لم تستطع الجري المبكر كل صباح, أفضل وقت بعدها هو من 5 مساء حتى 8 مساء. شوفت الموضوع سهل اهو ^^ وايه نوع الرياضة اللى بتمارسها ؟ الكرة - السباحة - المشى ,, بس مش بانتظام يومى زى ماقلتلك فوق بتأخد Relaxing Time برتغالى تانى ؟ :biggrin: لا فارسى المرة دى ^^ " وقت استرخاء واستجمام " ف يومك ولا لأ؟ ايـوة شاطر ايه هى فصيلة دمك ؟ مش عارف والله =)) بتتفرج على الـ T.V كام ساعة ف اليوم ؟ مش بتفرج كتير ممكن بالكتير اوى ساعة فى اليوم باستثناء لما يكون فيه مباريات او بطولات مهمة وكدة ممكن اقعد بـ الساعات شاطر ع الساعة دى ^^ بتقعد على الكمبيوتر/ اللاب كام ساعة ف اليوم ؟ بقعد حوالى 5 - 6 ساعات لأنى بسهر على النت كل يوم و اوقات بقا اما بكون فاضى زى دلوقتى كدة بقعد على النت فى النهار عادى بصراحة ف دى مش هقدر انصحك لانى بعمل زيك :biggrin: الفقرة الثانية :- العادات الغذائية : ايه اكتر المشروبات اللى بتحبها ؟ وشايف انها صحية ولا لأ؟ المشروبات الغازية - المانجا - فخفخينا - نسكافيه المشروبات الغازية مش صحية طيب مدام عارف انه مش صحية بتشربها ليه ^^ بتحب شرب القهوة؟ ولو بتحبها كام فنجان تتناوله يوميا؟ لأ مش بحبها ممممممم هو السؤال المفترض يتغير يبقا كام فنجان سنوياً حوالى 3 مرات فى السنة كلها =(( شاطر بتحب تتناول الاكل من خارج المنزل" فى المطاعم "؟ اه بحب اكل المطاعم ايه اكتر الماكولات اللى بتحبها ؟ بحب سندوتشات الفراخ , اللحوم .. الـخ و البشاميل والبيتزا ايه هى فاكهتك المفضلة؟ مممممم التفاح وايه الفاكهة اللى مش بتـحـبها ؟ من غير تريقة يعنى مش بحب الفاكهة عموما لأنى مش باكل الفاكهة ممكن اشربها عصير انما كأكل مش باكلها باستثناء التفاح و الخوخ وبيكون كل فين وفين مش كتير يعنى ) مين ده اللى يتريق عليك غيرى :biggrin: ده القسم قسمنا ايه هو الخضار المفضل عندك ؟ مش بحب الخضروات بردو لا كده stop بقآ مينفعش كده عاجبك كده ,, اديك زعلتهم ايه رأيك ف الاكلات السريعة FAST FOOD ,, وهل بتحبها ؟ بحبها جداً وده مش كويس بس اللى اقدر اقولهولك قلل من مقدار الطعام المطبوخ بالزيت. بتشرب المشروبات الغازية " البيبسى " ؟ هيا مشكلتى المشروبات الغازية ادمان بالنسبالى ممكن اقعد يومين تلاتة من غير ماكل اى حاجة عادى ولكن معرفش اقعد من غير المشروبات الغازية لومصمم عليها اووى - وده مش صح- اشرب كميات كبيره من الماء صباحا وأقل ليلا. بتتناول الحليب ومشتقاته ؟ احياناً الفقرة الثالثة والاخيرة :- ايه اكتر عادة/ تصرف غير صحى بتعمله ونفسك تقلع عنه؟ المشروبات الغازية - الاكل من برة كتير وايه اكتر عادة /تصرف صحى بتعمله وشايف انه مفيد ليك؟ حاجات خاصة بالنضافة وكدة ايه رأيك فـ الريجيم وشايف انه مفيد ولا مجرد حرمان من الطعام ؟ مممممم هو مفيد طبعا بس الريجيم الطبيعى والعادى اللى هو ياكل اكلو بشكل طبيعى بس يفرقو مثلا سندوتش خفيف كل 3 , 4 ساعات بحيث انه ميحسش بجوع اوى وبنفس الوقت بياكل الاكل اللى بيحبه عادى وقلل فى اكله.. انما الريجيم اللى هو تاكل بيض والجبن والكلام دة كلو من غير العيش والارز .. الـخ بحس مفيش انسان يقدر يستحمله ولو حد استحمله كلها كام يوم وغصب عنه هاياكل ووقتها هايرجع وزنه زى ماكان والله اعلم كلامى صح ولا غلط بس دة اللى فهمته يعنى من واحدة فى برنامج رياضى او من القراءة والبحث وانا بتصفح كدة لا مظبوط ودلوقتى بقآ فيه ريجيم زى اللقيمات بياكل كل حاجة بس بكميات قليلة علشان مش يحرم نفسه من حاجة عمليات التجميل.. وشايف انها ضرورية ولا لأ؟ انا ضد عمليات التجميل سواء للرجال او النساء باستثناء لما يكون فيه مشكلة موجودة ملهاش علاقة بخلق الله مثلا حرق , حد اتعور ..الخ هل بتعتبر نظام حياتك صحى ولا لأ ؟ مش صحى لأن المشروبات الغازية والاكل من الخارج بعتمد عليهم بشكل كبير وبنفس الوقت مش بنظم اكلى بطريقة صحية ولا باكل الفواكهة والخضروات .. الخ وانا اللى بسمعه ان الاكل من برة مضر بس الحمد لله صحتى زى الفل الله اعلم بقا :biggrin: طب بس بقآ هتحسد نفسك ولا ايه ^^ بس بجد احلى حاجة انك عارف الحاجات الغلط اللى بتعملها والاوحش انك لسه بتعملها المطلوب منك بقآ :biggrin: تنزل توبيك ف القسم عنوانه استفادتى من الحلقة وتكتب فيه ايه اللى 1- انت استفدته من الحلقة حاضر 2- ورايك ف البرنامج جميل :biggrin: _ونتقبل النقد _:biggrin: مانا طول عمرى بتقبل النقد امتى تعرفى عنى كدة يعنى انت ادبست خلاص ^^ تدبسية عادية شكة الدبوس اصعب منها :biggrin: مش قولتلك ^^ شكرا يا ميرنا ع استضافتى معاكى ويارب اكون ضيف خفيف عليكم ولو فيه افادة بقا اتمنى فيدونى عشان اكتب كدة فى التوبيك اللى هاعمله :biggrin: من ناحية الافادة والنصايح اديك اخدت شوية نصايح حلوين اهو :biggrin: ملحوظة :- متنسيش تكبرى الخط :079: ههههههههههه منستش اهو ^^ المطلوب منك بقآ تنزل توبيك ف القسم عنوانه استفادتى من الحلقة وتكتب فيه ايه اللى 1- انت استفدته من الحلقة 2- ورايك ف البرنامج _ونتقبل النقد _ انت ادبست خلاص ^^ عايزة اقولك قبل م انسى بعد 10 حلقات هنعمل تقييم ليهم "التقييم للتوبيكات اللى هيعملها الضيف" ونشوف ايه احسن توبيك من حيث استفادته من الحلقة ورايه / نقده ليها وكمان تعليق الاعضاء عليها وتقييمهم ليها وليه جايزة وهى :- 25مشاركة + تثبيت موضوعه اسبوع + شهادة تقدير امممم لا كده خلاص ^^ استنونى وحلقة جديدة من صحتك ع مزاجك طمطم

[دمعه حائره]

حلقه جميله واستضافه موفقه منك طمطم
نورت الحلقه يامحمد واجاباتك جميله
موفقين دايما يارب

[همسه الجوارح]

حلقه جميله فعلا
وضيف اجمل
واسئله ونصائح جميله فعلا
تسلمى ياقمر ع الطرح
وكل عام وانتم بخير

[jasmean]

حلقه جميله اووي

وضيف اجمل

واجابات جميله منه

مجهود مميز طمطم

ياسمين

[ياسمينااا]

حلقه جميله جدا يا طمطم
ومحمد منور الحلقه واجاباته جميله
بالتوفيق ان شاء الله
في انتظار الحلقه القادمه باذن الله
تحياتي

[ساحر الأحزان]

حلقة جميلة طمطم

مع محمد

واجابتة جميلة جدا وافية

تحياتى لكم على تلك الحلقة المميزة

[سآرهہ]

تسـلم آيديكى يآ طمآطمآيه
ضيـف روعه
وآلبرنآمج آروع

[Lost Pearl]

ههههههههه ظبطي الولد انتي

حلقة جميلة و انا مش عندي اضافات علي طمطم بصراحة

نام براحتك ماتسمعش كلامها هههههههه

يللا حلقة جميلة بجد

بالتوفيق ,,

[-esraa-]

حلقة حلوة
والاجابات احلا(حلو الاعتراف:*

تسلم ايديكي يا طمطم بجد شكلك تعبانة فيه
روووعة الربنامج يسلمووووووووووو

[عاشقة ذكر الله]

حلقة جميييلة وخفيفة
والضيف منور الحلقة
يسلموووو ياطمطم