تخيل حوارنا تانى الحلقات ومعانا ۩۩ elMagic ۩۩

[Hearts Whisper]

السلام عليكم اهلا وسهلا بالحلوين والنهاردة معانا تانى حلقات برنامجنا تخيل حوارنا طبعا الحلقة دى بجهز فيها بقالى شهر كامل ومكنتش راضية تجهز ابدا :yuck: كل مرة يطلع فيها عقدة ابقوا اسألوا ضيفنا وهوا يقولوكوا هى اتعملت على كام مرحلة ههههههههههه تعالو افكركوا بفكرة البرنامج وهى انى هعرض على ضيفنا مجموعة صور وهو يتخيل ايه السؤال الى ممكن اسألهوله على كل صورة :biggrin: وبعدين اعرضله أسئلتى انا وهوا يجاوبها ونشوف مدى تخيل ضيفنا للاسئلة الى ممكن اطرحها :biggrin: ومعانا النهاردة مديرنا المنتخب واكيد غنى عن التعريف الماجيك ۩۩ elMagic ۩۩ أهلا بيك يا أحمد منورنا يلا تخيييييل حد ادك هههههههههههههه ههههههه انتى دخلتى ملفـى طب بما ان الصوره عنوانها كادوا يبقى غالبا السؤال مين صاحب الهديه ؟ دا واحد اسمه ميدو فى مكان تانى . ايه دا يا بنتــى بيحاول يلعب حديد ومش عارف :762: هاتى السؤال وريحينا :biggrin: امممم دى فكرتنى ببرنامج سمعنا صوتكـ :biggrin: ايه مثلا افضـل مطربه بالنسبالكـ ؟ مش حد معين بس بحب اسمع لجنات واليسا وامال ماهر . فى رأيكـ تقدر الام ان توفق بين شغلها ومهامها المنزليه ؟ بالشكل دا اطلاقا ..راميه الواد فى حضنهـا وبتشتغل الافضل كانت تاخد اجازه وتتفرغ لأبنها وبيتها .. اممممم حبيت قبل كده ؟ تقدرى تقولـى لاء اممم مارايكـ فى الصورة ؟ انا بحب الشباب اللى بالاستايل دا واى صورة بأجيبها بتكون بنفس الاستايل هههههه ايه رأيكـ فى كلام سعد الصغير ؟:079: هو احنا ورانا حاجه نركبه درجه درجه قال يعنـى هنفلح :biggrin: ههههه ايه دا يا بنتـى بتحب عالم الزواحف ؟؟ :biggrin: يعنى ممكن اتفرج على افلامه احب الشغل دا يتطلع كده فجأه ثعبان يبلعله راجل ولا تمساح ياخده رجل ست :079: ايهم تفضـل كوسيلة مواصلات ؟؟ بما انى مش ركبت الطياره ولا الباخره فا يبقى القطر لو هسافر مكان بعيد وراكب مجرى انما لو العادى اللى بروح به الجامعه يبقى اكييد العربيه . قارن بين فن زمان وفن دلوقت :biggrin:؟ زمان تحسى المغنــى بيحس باللى بيقولوا دا غير ان الكلام له معنــى وواضح بعكـس دلوقت الفنانين مش بيحسوا باللى بيقولوا كأنهم عايزين يغنوا وخلاص دا غير انواع كتير من الاغانى زى الشعبـى مثلا لو فهمتى كلمتين على بعض منه يبقى تمام اووى واهو لسه عم سعد الصغير قايل اركب الحنتور واتحنطر يعنى ايه اتحنطر:079: وبكدا يكون ضيفنا تخيل كل الى هوا عايزة يلا بقا نروح فاصل وهنرجع نشوف اسئلتنا اييييه :biggrin:

[Hearts Whisper]

ورجعنا تانى بعد الفاصل تعالوا نشوف رد احمد على اسئلتنا :biggrin: قولنا بما ان الصورة دى فى ملفك الشخصى انتا بقا من محبى الممثلين الكورييين والمغنييين زيى كدا لا خااالص :biggrin: بس هى عندى علشان كادوا من حد كده وحتى كاتب نيم الصوره كادوا هل وانتا صغير كنت من مغرمين سوبرمان والجو الطفولى الرائع دا ولا ايييييه كل واحد يلعب على قده بقآ :762: ايه افضل المطربين بالنسبة لك وهل ليك فى العربى ولا الاجنبى والله مش حد معين يعنى اللى بيشدنى دايما الاغنية مش المطرب والكلام دا فى العربى والانجلش ولو فى يوم من الايام زوجتك المستقبلية اضطرت لفعل دا هل ستتركها تعمل ام لا وما رايك فى كدا لا مش هأسمح بكده ولما الزوجه توافق ان ابنها يكون فى الوضع دا يبقى معندهاش رحمه وطالما فيه راجل موجود وبيسد يبقى ملوش لازمه خالص دا ايه رايك فى الحب بشكل عام وبشكل خاص حب المراهقة وهل حبيت قبل كدا الحب اجمل شئ فى الدنيا اكييد ومحدش يقدر يعيش من غيره وهو اللى به بيتجمعوا طرفين ويكملوا المسيره مع بعض ويساعدوا بعض دايما فى كل حاجه لان ليست الحياه الزوجيه مقتصر دورها على الرجل فقط بل الزوجه كمانواعتقد التعاون دا مش هيجى بصدر رحب الا وكان فيه حب بينهم لان كلا منهما هيخاف على التانى وهيسعى دايما لرضاه وإسعاده وبالنسبالى بقآ فا زمان كنت اعرف بنوتة قدى وكنت ميال ليها وكنا دايما بنرغى مع بعض بس لما كبرنا كل واحد شاف حاله بقآ ومش شوفتها تانى ودا كان تعود لان كنت كل يوم بشوفهــا فا تقدرى تقولى لسه موقعتش الحمد لله :biggrin: مورشو كان حاطط الصورة وهى كانت فى البومك معنى كدا انك بتتسرق يا كابتن عايزينك ترفع عليه قضية بقا وترد حقك هترفعها لمين بقا وهتعين مين محامى هههههههههه عاادى الراجل ياخد الصوره اللى عايزهـا والحكاية مش مستاهله محاميين ابو حميد مننا وعلينا :biggrin: ايه رايك هل التعليم حاليا صح وهل فى يوم من الايام ممكن يوصل بنا الحال لكدا مضيعه للوقت :762: التعليم بايظ خالص فى مصر ومش منظم والكتب اللى دش فى دش وملهاش اى تلاتين لازمه دا غير التصحيح اللى غالبا بيكون بالحظ فا بيضيع مجهود الناس اللى بتذاكر يعنى اى حاجه غلط تلاقيها بتتعمل فى التعليم دا الفاشل تلاقيه بيتساوى بالمجتهد ومفيش اى دافع للتعليم الواحد بقآ بيذاكر غصب عنه علشان فيه امتحان اخر السنه مش علشان يتعلم حاجه تفيده فى المستقبل ان شاء الله الامور تتصلح وتبقى تمام لو انتا موجود لوحدك وسط الحيوانات دى هتعمل ايييه وعايزين تستغنى عن اى عضو / ة وترميهم هنا ويلا بقا مع السلامة يتصرفوا مع الزواحف دى براحتهم هههههههه فاكره سوبر مان اللى فوق هاعمل زيه :762:دا مش هيحصل الا اذا مثلت ى ختى:079: والى هأرميه انتى يا شيماء علشان انا مقفول منكـ :biggrin: يلا هتوحشينــا وخلى بالكـ الثعبان دا بيبلع علطول :762: قولنا لو مفيش الموصلات دى عايزين بديل لكل مواصلة ممكن تسافر بيه هههههههه يلا بقا امعن التفكير واحصل على البديل هههههه العجله حلوه والله وتأدى الغرض وممكن نصمملها جناحين ومروحه لزوم السير على البحار والجو :762: قلنا من وجهة نظرك ايه السبب فى التغير الرهيب الى حصل فى الفن وهل السبب الناس يعنى مش هاممها الفن والموسيقى ولا ايييه لا الناس مواكبة للعصــر اللى عايشه فيه وماشيه مع الجيل اللى اتخلقت فيه يعنى الجيل الجديد اللى طالع دا بتاع تامر وجنات ونانسى وهيفاء ودياب :762: انما هاتى واحد من جيل زماان تلاقيه لسه ماسك فى الاغانى التراثيه :biggrin: وتعرفى بحس الناس اللى مرهفة المشاعر والرومانسية عندها زياده حبتين تلاقيهم يمجدوا التراث ومش بيسمعوا غير ام كلثوم وعبد الحليم بردوا يعنى هو الموضوع بيكون حسب ميول وفكر كل شخص .. ثانكس يا شوشو للأستضافه اسئلتكـ جامده جداا ان شاء الله تكون اجابتى جميله سلامو عليكو أه بقا تستغنى عنى وترمينى انا ماشى يا أحمد ماشى امال مين الى هيزهق فيكوا بس:biggrin: نورتنا يا احمد باجاباتك الرائعة وكنت سعيدة بجد باستضافتك تحيييياتى ليك اما اجرى قبل بالحية تكولنى :sml7: انتظرونا مع حلقة جديدة وضيف/ة جدد تحيييياتى همس القلوب

[۩۩ elMagic ۩۩]

بجد برنامج جميل جداا ودمه خفيف
ثانكس ليكـى ى شوشو التوبيك منور بيكى يا قمر
ومعلش بقآ التعبان حلو بردوا
بالعكس هو هيخاف ويجرى منكـ :762::roma-flag:
يلا كل سنه وانتى طيبه
رومضان كريم عليكـى وعلى كل الاسرة الكريمة

[Hearts Whisper]

يسلام سلم هوا الى هيخاف ويجرى يلا يا ابنى من هنا
مضلم الحلقة

[الأميرة رودي]

برنامج جميل وفكرته جديده
تسلمي ياقمر على أفكراك الحلوه واستضافتك المميزه للماجيك
منور يااحمد الحلقات كلها
كل سنه وانتو طيبين

[نقاء القلب]

حلقه جميييله اووووى ^^

وتخيلات الماجيك جامده ..

فى انتظار الحلقه القادمه همس ,,

مودتى

[مِسكُ الشَهادة]

حلقة جميلة ورائعة
واخي احمد اجاباته متميزة
ربنا يوفقكم يا رب
دمتم بالف خير

[أجمل سعوديه]

واو

فكرة البرنامج راااائعه

ومتابعته شيقه جداا

استمتعت يا غاليه برنامج متعوبْ عليه

تقييمي وتحياتي

[حافظة القرآن]

حلوة الفكرة اوى
وحلقة جميلة جدا بجد
ومجهود مميز

واسئلة واجابات وتخيلات جميلة اوى

تسلم ايدك
فى انتظار الجديد

[فارس بلا جواد$]

برنامج جميل جدا وخيال واسع ورائع
بارك الله فيكى