الوحده الوطنيه لا تحتاج المزايده عليها

[نهر النيل]

السلام عليكم ورحمة الله وبركاته
كل عام وحضراتكم بكل الخير
ورمضان كريم على الجميع
يكاد يكون الموضوع واضح من العنوان
وهتكلم بالبلدي احلى
النهارده الساعه 3 العصر
صديق واخ مسيحي ليا
شرفني ببيتي
وصمم على اني لازم انزل وياه
السبب
عامل عزومة افطار ببيتوا ليا
ومش بس كده
دا مسك المصحف واقسم بيه
لو ما جيت ويايا لا انت صاحبي ولا اعرفك
تعبير فاق كل المشاعر
تعبير مش محتاج اي تفسير
تعبير بيعبر لوحدوا عن مشاعر كتيره
وفاء ممكن
حب ممكن
اخوه ممكن
توحد ممكن
انصهار ارواح ممكن
الجميل بجد حالة المشاعر الروحيه اللي عشتها
والله العظيم اعلى واغلى من اي شرح
الفكره هنا مش عزومة الفطار
الفكره هنا
الحب
التوحد
النقاء
واهو دا مثال من ضمن ملايين الامثله في بلدنا مصر
اخويا المسيحي يتكرم عليا ويعزمني على الافطار ويفطر ويايا
في مشهد
يعجز اعظم الكتاب عن وصفوا
من لحظة تشريفوا ليا بالبيت
وتصميموا
والحاحوا
امور كلها كانت تفوق اي قدره على النطق
اي قدره على الوصف
اي قدره على التعبير
وهي دي مصر طول عمرها
ياريتنا كلنا نحاول كده
ونعرف ان بالتوحد وبس هننجح
ونشيل الاحقاد والعداوات من جوانا
احنا ف رمضان
مش ينفع اصلا صيام مخلوق وهو بيحقد
او جواه غل
او مليان غل لحد
اسلامنا مش علمنا كده
ياريتنا نتعلم من الصوره دي
ونعرف ان مشاعر الحب والاخاء والتسامح
احلى واهم كتير من الحقد والغل والكراهيه والمؤامرات الرخيصه
ربنا يهدي الجميع
وكل عام وحضراتكم بخير
ورمضان كريم

[ساحر الأحزان]

الوحدة شىء جميل بين جميع طبقات الشعب وافرادة لانها بتعكس روح الاخاء

الى جمعتنا كنسيج واحدة فى وطن واحد يضمنا

فى وطننا الحبيب

توبيك قيم منك

تحياتى

[نهر النيل]

اقتباس المشاركة الأصلية كتبت بواسطة ساحر الأحزان الوحدة شىء جميل بين جميع طبقات الشعب وافرادة لانها بتعكس روح الاخاء الى جمعتنا كنسيج واحدة فى وطن واحد يضمنا فى وطننا الحبيب توبيك قيم منك تحياتى

اشكر حضرتك لحضورك المميز
واضافتك المعبره
احترامي

[دمعه حائره]

هوا ده الشعب المصرى الاصيل نسيج واحد
بيبانوا وقت الشده والفرح جمب بعض
مافيش حاجه بتفرقهم
تسلم اخى موضوع جميل
كل عام وانت بخير

[نهر النيل]

اقتباس المشاركة الأصلية كتبت بواسطة دمعه حائره هوا ده الشعب المصرى الاصيل نسيج واحد بيبانوا وقت الشده والفرح جمب بعض مافيش حاجه بتفرقهم تسلم اخى موضوع جميل كل عام وانت بخير

ربي يسلم حضرتك سيادة المراقبه الكريمه
تقدير وتشريف كبير من حضرتك
كل عام وحضرتك بكل الخير

[همسه الجوارح]

طبعا من قديم الزمان
والقبطى بيراعى المسلم والعكس
لان الدين لله
والوطن للجميع
ومصر معروفه بوحدتها
وحب شعبها مايرتبطش بمسيحى ومسلم
غير بانه مصرى
مشكور اخى
مودتى

[نهر النيل]

اقتباس المشاركة الأصلية كتبت بواسطة همسه الجوارح طبعا من قديم الزمان والقبطى بيراعى المسلم والعكس لان الدين لله والوطن للجميع ومصر معروفه بوحدتها وحب شعبها مايرتبطش بمسيحى ومسلم غير بانه مصرى مشكور اخى مودتى

انا اللي شاكر كتير منك
مشرفتنا الكريمه
حضورك وتقديرك
تسلم ايدك يارب
احترامي

[Words Whisper]

وعليك السلام ورحمة الله وبركاته ..

وكل عام وحضرتك والكل بخير ..

من أول المبادئ التي أرساها النبي صلى الله عليه وسلم بالمدينة

هو مبدأ المواطنة و حق الجميع الوطني و حرية اختيار العبادة

فليس ديننا دين كره أو رفض لأحد

بالعكس تماما دين يقبل الجميع وإن اختلفنا معهم في المنهج والعقيدة

كل يختار مايؤمن به المهم ألاَّ يتعدى على حق العبادة ولا على قدسية الدين ..

جمع الله بين المصريين جميعا بخير

و استخدمنا جميعا للنهوض بوطننا ... آآآميين ..


أ/نهر النيل

صِدقا موضوع راقٍ

أسعدتني كثيرا تلك الروح التي به

شاكرة لك ..

سلمت

ودمت بحفظ الرحمن ..


*5 ستارز ..

[نهر النيل]

اقتباس المشاركة الأصلية كتبت بواسطة words whisper وعليك السلام ورحمة الله وبركاته .. وكل عام وحضرتك والكل بخير .. من أول المبادئ التي أرساها النبي صلى الله عليه وسلم بالمدينة هو مبدأ المواطنة و حق الجميع الوطني و حرية اختيار العبادة فليس ديننا دين كره أو رفض لأحد بالعكس تماما دين يقبل الجميع وإن اختلفنا معهم في المنهج والعقيدة كل يختار مايؤمن به المهم ألاَّ يتعدى على حق العبادة ولا على قدسية الدين .. جمع الله بين المصريين جميعا بخير و استخدمنا جميعا للنهوض بوطننا ... آآآميين .. أ/نهر النيل صِدقا موضوع راقٍ أسعدتني كثيرا تلك الروح التي به شاكرة لك .. سلمت ودمت بحفظ الرحمن .. *5 ستارز ..

كل عام وحضرتك والاسره الكريمه وجميع المسلمين بكل خير يارب
وحقيقي كالعاده
تواجد ولا اروع
واضافه ولا ارقى
مش جديد منك والله كل الذوق والتقدير والوفاء
يارب تسلم ايدك
كل الود والاحترام

[بسمة العمر]

طبعا الوحدة دى موجودة من زمان مش من دلوكتى احمد

المسحين كانو مع المسلمين زمان اقوى من دلوكتى

كانت العلاقه بينهم جامدة جدا

حتى لانهم كانو يقدروهم فى رمضان ويصومو معاهم ويخجلو انهم ياكلو امامهم

وكانو يفطرو معاهم

وهما كمان كانو يعزمو المسلمين على عيدهم والمسلمين كانو بيفرحو معاهم

ام الان اصبحت تلك الاشياء بسيطه نادرة

اصبحت فيه بعض المشحنات

وبعدين اللى زكرته دا يدل على الوحدة والاخاء

جميل ما قدمت احمد تسلم الايادى