تجربتى مع رمضان

[رنين]

اولا كل سنه وانتم طيبين ربنا يعود عليكم الايام بكل خير يااارب ويتقبل منكم صالح الاعمال الفكره اللى جايه بيها النهارده هى تجربتى مع رمضان يعنى ايه ؟؟ اكيد شهر رمضان شهر من طراز مميز له طبع خاص وجو مختلف احنا بنستعد ليه نفسياً حتى الطاقات فيه بتزيد وقبل ما نبدأ صيام بيكون لينا خطط كتير حابين ننفذها فى شهر رمضان وقرارت كتير فى حياتنا بنتسعين بايام رمضان علشان ناخدها ونفذها اكيد انتى او انت كان ليك تجربه مع شهر رمضان يا ترى ايه هى ؟؟ يا ترى ايه الحاجه اللى طلعت بيها من رمضان اللى فات ولسه معاك لغايه دلوقتى ؟؟ طيب ايه القرار اللى اخدته وابتدى تنفيذه فى رمضان ونجحت ؟؟ طيب استعنت بايه ؟؟ وكانت ايه وسايلك علشان تقدر تثبت على قرارك ده ؟؟ يا ترى ايه اللى تزود فى رصيدك الفكرى والنفسى ؟؟ طيب فى جمله سمعتها من برنامج او من شخص ومأثره معاك لغايه دلوقتى ؟؟ طيب موقف حصل فى رمضان وهز حياتك وغير مصيرك ؟؟ كل ده عايزين نسمعه منكم فى تجربتك مع رمضان مش هيبقى فى لا ضيوف ولا مذيعين كل اللى مطلوب منك انك تحكى تجربتك او خبرتكك علشان الكل يستفاد منك منتظره تفاعلكم ان شاء الله وكل سنه وانتم طيبين ^^