انا اتخنقتــ (أوف اوف )))

[♥SaRa]

♥ الســلـام عليكــم ورحمة الله وبركاته ♥


اخباركم اية ؟؟!
عسي ان تكونوا جميعاً بخير .
في ـهذا الشهر المباركــ .


انا ـهدخلـ علي طولـ في الموضوع علشان مش اطولـ عليكم.

انا بجد زـهقت.
ـهي اية المشكلة في النتـ ؟؟!
وفي الكبيوتر؟؟!:182:
صراحة انتوا زي اخواتي علشان كدة لما بتخنق بقولـ ليكم لاني بجد عايزة حلـ للمشكلة دية.:vb25:

انا كنت اعدة علي الكبيوتر في النت(في المنتدي)
لقيت بابا واقف جنبي واعد رايح جي جي رايح.
رحت قولت لية :
في حاجة يا بابا بتدور علي حاجة :198:
انت مش كنت رايح تصلي.
بابا:
حاضر نازلـ اهو كنت بشوف حاجة.

وبعدين لقيت اخويا الكبير واقف ورايا واعد يبص.

وبعد كام يوم من الحدث دة كل يوم بيتكرر.
في يوم جة اخوا وانا كنت بعمل تشات(محادثة).
وقالي (اخويا الكبير):
انتي بتكلمي مين ؟!؟
رديت وقولت(انا):
وانت مالكـ انا بكلم زميلتي.
قالي(اخويا):
زميلتكـ؟!؟
طبـ وريني كدة ؟
قولت (انا):
وانت مالكـ يا بارد يلا روح ابعد بقة.:sml46:
قالي(اخويا ):
انا مش عارف انتي بتعملي اية ؟؟!
الهبلـ دة مش بحبوا؟!؟

قولتـ (انا ):
مطولش لسانكـ .
وبعدين وانت مالكـ .:487:
انت ليكـ حاجات انت بتعملها علي الكمبيوتر وانا ليا حاجات وكل واحد لية حاجة تخصوا.
قالي(اخويا):
طيب....
يعني انتي مش عايزة توريني ؟!
قولت(انا):
اةةةةةةة
عندكـ مانع.


راح شدني من علي الكرسي موقعني.
رحت صرخت في وشوا وقولت:

انت يا باااااااااااااااااارد عاجبكـ كدة اديني وقعت:bb7:.
يا حماااااااااااااااااااااار.
وبعدين مسكنا ضرب في بعض:hayth1:



وبعدين بابا وماما طلعوا من مشوار ولاقونا بنتخانق.


احنا صراحة اولـ لما شوفناهم كلـ واحد فينا اعد زي الجزمة:sml39:

بس علي مين
بابا قال:
اية الي حصلـ ؟!
عرف الموضوع .
وطلعنوني في الاخر انا الي غلطانة:sml7:
ولغاية دلوقتي مازالوا بيبصوا عليا وبيتجسسوا عليا في كل حاجة.
قولوا ليا اعملـ اية؟؟!
علشان انا تعبت وفاض بيا بجد.:268:
ودائما بقيت متقلبة امزاج وانا اعدة علي الكمبيوتر .:sml10:
لاني مش بحب حد يقف فوق راسي فا بطلب منكم اعملـ اية علشان اتخلص من عملية التفحص دة.


بااااااااااااااااااااااااااي:300:
ويا ربـــــــــــ احصل منك علي اجابات.

[ŌиĹч.Ḿё]

آنآ شآيف آن دى حآجه مش غلط ،، لآزم يكون فى متآبعه من آلآهل
خصوصآ أللى فى سنك ومش عيب آن آخوكى يعرف آنتى بتعملى
آيه لآنه ممكن ميكنش عآرف حآجه فى جو آلمنتديآآت دآآ ،،
بصرآحه آنتى غلطآآنه وزعلك دآ وردك على آخوكى بآلشكل
دآآ بيدل على آ، بتعملى حآجه غلط
,وآظن آنتى لسآ خآرجه من موقف آنآ فآكرة لمآ كتتيه هنآآ
آكسبى آهلك لآنهم همآآ اللى خآيفوه عليكى من اى حد
تقبلى ردى بصدر رحب
رآئـد

[❤•ցօօցlε]

ومين سمعك دى حاجه بقت طبيعيه عندنا
بس مش هينفع ماتقوليلهمش متشفوش انا بعمل ايه
يمكن ده يجبلهم حال شك يعنى لاقدر الله
خليكى عاديه معاهم وحاولى ماتبينيش انك مضايقه
يمكن ميخليش اخوكى يغيظك اكتر
انا مش بوقع مابينكم والله
بس انا لما بيحصل معايا كدا بوريهم اللى بعمله وهما بيمشوا ع طول
بس بعمل كدا منعآ للشك وعدم الثقه اصل طالما بقول مالكش دعوه
وانت مالك يبقى يمكن يفتكروا ان ف حاجه غلط بتحصل
وبيبقوا عيزين يطمنوا عليكى اول بأول

[Ninjawya]

مممم ,,
حبيبتى حته انهـم يتابعوكـى ديه عـآديه فـ سنك
فـى أهالى بتخـآف على ولآدها فـ السن الصغير ده و مع النت لوحدهم ..
فـ ديه حاجه طبيعيه متقلقيش ,
تانى حـآجه لما تلآقى حد ورآكى بيقولك بتكلمى مين
متعمليش كدهـ و وريله طالما انتى مبتعمليش حاجه غلط مره × مـره هيطمنوا و مش هيبصـوا بعـد كده
انما طول ما انتى معـآنده كده هتخليهم يشكـوا إنك بتعملى حاجه غلط عشآن كده مش عآيزة توريهالهم ..
فـ هيفضلـوا يبصـوا عليكى كـل شويه
اهاا و نصيحه لما اخوكى يعمل معآكى حاجه زى كده
حاولى تروحى لمامتك او باباكى لإن الى عملتيه ده مبيعملش حاجه غير انه بيستفزه و بيعآنده اكتر بس ^ ^
و حاولى تتقربى منهم اكتر و اتعاملى معاهم كوييس و فضفضيلهم و إن شاء الله كل حاجه تتظبط

:biggrin:

[عاشقة ذكر الله]

بصى خليكى لما تشوفيهم حواليكى وانتى قاعدى على
الكومبيوتر اعملى عادى ولايهمك اكن محدش واقف
خليهم يشوفوا انتى بتعملى ايه
لانك لو قلتله وانت مالك هيشك ويقول
انتى بتعملى حاجة غلط
ولما يقولك انا عايز اشوف بتعملى ايه قوليلى ماشى وقعديه جنبك كمان
وبكدا بعد شويا هتلاقيهم موش هيقعدوا جنبك اصلا
واعرفى انهم كدا خايفين عليكى ودا موش غلط
بس لو انتى خايفة تقوليلهم انتى بتعملى ايه يبقى انتى بتقوليلهم بطريقة غير مباشرة انك بتعملى
حاجة غلط

[كبرياء رجل]

انا قريت الموضوع اﻻول وبعدين رحت طلعت بصيت في السن
لقيتك 13
وطبعا ظاهر من كلامك وتصرفاتك انك صغيره
شوفي حابب اقولك على حاجه
اﻻنسان اللي مش بيعمل حاجه غلط مش بيخاف من حد
وخوف اهلك عليكي ده امر طبيعي ﻻنك صغيره
يعني مثلا هقولك انتي غلطتي مرتين
المره اﻻولى لما رفضتي او منعتي انك تقولي بتعملي ايه
حتى كنتي بتكلمي شات
ورفضتي انتي تخلي اخوكي يشوف كده
مش بس كده ﻻ كمان انتي غلطتي فيه
وده شئ مش كويس
لو رجعنا بالشريط من البدايه
مثلا لو بتعملي شات مع واحد صاحبك هيبقى الموضوع مرفوض
لكن لو مع واحده صاحبتك ايه المانع انهم يشوفوا من باب اﻻطمئنان
وهتبقى المره دي وبعد كده شم هيقربوا منك تاني
لما يحسوا انك مش هتخبي عنهم حاجه
يبقى الموضوع محتاج تفاهم وعقل منك مش اكتر
وياريت تقربي من اهلك ﻻنهم اكيد هيبقوا متاثرين ببعدك عنهم
وهما اكيد اكتر حد بيخاف عليكي

ربنا يوفقك
واتمنى ان تتقبلي كلامي
لحسن تزعلي مننا احنا كمان
دمتي بكل الخير
تحياتي لكي

[♥SaRa]

اقتباس المشاركة الأصلية كتبت بواسطة !rаed! آنآ شآيف آن دى حآجه مش غلط ،، لآزم يكون فى متآبعه من آلآهل خصوصآ أللى فى سنك ومش عيب آن آخوكى يعرف آنتى بتعملى آيه لآنه ممكن ميكنش عآرف حآجه فى جو آلمنتديآآت دآآ ،، بصرآحه آنتى غلطآآنه وزعلك دآ وردك على آخوكى بآلشكل دآآ بيدل على آ، بتعملى حآجه غلط ,وآظن آنتى لسآ خآرجه من موقف آنآ فآكرة لمآ كتتيه هنآآ آكسبى آهلك لآنهم همآآ اللى خآيفوه عليكى من اى حد تقبلى ردى بصدر رحب رآئـد

يا رائد انت مش فاـهم يعني اية حد يقف فوق دماغكـ.
انا بجد بكرة كدة.
وبعدين انا دائما بكون ع الكمبيوتر يا اما لي شات يا اما علي المنتدي او الفيس او الياهو.
يعيني مش بعمل حاجة غلط.
ولا هقول ليكـ بتفرج علي فيلم علشان يعدوا يتابعوني.

[♥SaRa]

اقتباس المشاركة الأصلية كتبت بواسطة كبرياء رجل انا قريت الموضوع اﻻول وبعدين رحت طلعت بصيت في السن لقيتك 13 وطبعا ظاهر من كلامك وتصرفاتك انك صغيره شوفي حابب اقولك على حاجه اﻻنسان اللي مش بيعمل حاجه غلط مش بيخاف من حد وخوف اهلك عليكي ده امر طبيعي ﻻنك صغيره يعني مثلا هقولك انتي غلطتي مرتين المره اﻻولى لما رفضتي او منعتي انك تقولي بتعملي ايه مفروض ان دية حاجة خاصة وملهوش انوا يتدخل فيها. امكن انا بكلم زميلتي في حاجة مثلا سر بيني وبنها . هو مالووووووووووووووووا. حتى كنتي بتكلمي شات ورفضتي انتي تخلي اخوكي يشوف كده مش بس كده ﻻ كمان انتي غلطتي فيه وده شئ مش كويس لو رجعنا بالشريط من البدايه مثلا لو بتعملي شات مع واحد صاحبك هيبقى الموضوع مرفوض اة لكن لو مع واحده صاحبتك ايه المانع انهم يشوفوا من باب اﻻطمئنان يعني انا وهي كنا بنتكلم في مشكلة هو بقي اية حشروا وهتبقى المره دي وبعد كده شم هيقربوا منك تاني لما يحسوا انك مش هتخبي عنهم حاجه هما دائما كدة ع طول سواء اني قربت او بعديت. وبعدين انا دائما قريبة منهم. بس هما دائما بيعدوا يبصوا عليا . يبقى الموضوع محتاج تفاهم وعقل منك مش اكتر وياريت تقربي من اهلك ﻻنهم اكيد هيبقوا متاثرين ببعدك عنهم وهما اكيد اكتر حد بيخاف عليكي ربنا يوفقك واتمنى ان تتقبلي كلامي لحسن تزعلي مننا احنا كمان انا مش اقدر ازعلـ ن اخواتي. دمتي بكل الخير تحياتي لكي

ماشي يا كبرياء بس مازلت اصمم اني مش غلاطانة في رد فعلي علي اخويا

[♥SaRa]

اقتباس المشاركة الأصلية كتبت بواسطة ❤•ցօօցlε ومين سمعك دى حاجه بقت طبيعيه عندنا بس مش هينفع ماتقوليلهمش متشفوش انا بعمل ايه يمكن ده يجبلهم حال شك يعنى لاقدر الله خليكى عاديه معاهم وحاولى ماتبينيش انك مضايقه يمكن ميخليش اخوكى يغيظك اكتر انا مش بوقع مابينكم والله بس انا لما بيحصل معايا كدا بوريهم اللى بعمله وهما بيمشوا ع طول بس بعمل كدا منعآ للشك وعدم الثقه اصل طالما بقول مالكش دعوه وانت مالك يبقى يمكن يفتكروا ان ف حاجه غلط بتحصل وبيبقوا عيزين يطمنوا عليكى اول بأول

بس انا يا حبيبتي مش بحب حد يقف فوق راسي لاني مش بعمل حاجة غلط .

[∫ αʟм ∫]

على فكره اللى اخوكى عمله ده مش غلط
وانتى غلطانه عشان رديت برد مينفعش تردي عليه بيه
واستفذتيه وهو من حقه يطمن عليكى
مهما كان بيخاف عليكى
الحكايه دي بتحصل معايا وانا اهو كبيره وبخاف منه
وبعمله حساب .. فلازم انه يخاف عليكى
ولازم تروحى تعتذرى ~

رائى المتواضع