عايزة اعرف رايكم

[PrinCesS Gege]

السلام عليكم ورحمة الله وبركاته

ازيكم عاملين ايه؟

ان شاء الله تكونوا بخير

انا كنت عايزة اعرف رايكم ف موضوع عشان انا تعبت من كتر التفكير

فى واحد عايز يتقدملى وكده بس هوا عايز يعرف رايى الاول قبل مايتقدم عشان ميترفضش وكده هوا قريبى بس من بعيد

المهم هوا كويس وكل حاجه بس انا ف حاجتين متردده فيهم

الاولى : ان انا هعيش مع مامتوا يعنى ف نفس البيت بس انا ليا شقه لوحدى فوق وهيا تحت
بس طبعا انتوا عارفين المشاكل اللى بتحصل ف انا مش عايزة عشان كده

التانية : ان هوا هيسكنى ف الصعيد وانا طبعا مش عارفه هناك ايه نظامهم وكده

ف انا قولتلوا نسكن ف اى مكان غير هناك بس هوا باباه متوفى وهوا الكبير ف مينفعش انوا يسيب مامتوا واخواتوا ويعيش بعيد عنهم

ف قالى انا ممكن اشتريلك شقه تانية ف اسكندرية ونبقى ننزل فيها نصيف ونغير جوا

ف انا مش عارفه ارد اقولو موافقه ولا لاء

انتوا ايه رابكم لو مكانى هتعملو ايه ؟

[طمطم]

بصى ,, لو انا هتقدرى تتحملى انك تعيشى مع ماماته ف بيت واحد
وكمان تسيبى المدينة اللى انتى فيها وتعيشى ف الصعيد
وعندك القدرة لده
خلاص وافقى ,,
بس لازم تحطى ف اعتبارك ان ده ارتباط
وقرارك لازم تأخديه بتأنى و ع مهلك
ومش تخلى حاجة تأثر عليكى
علشان قرارك يبقى هو الصح ف الأخر
وربنا معاكى ي جميل
وبالتوفيقـ ليكـى

[توحد ارواح]

وعليكم السلام ورحمة الله وبركاته

لو انتى من الصعيد
يبقى عادىمفيش مشكله
و مامته ان شاء الله
لو انتى عاملتيها بما يرضى الله
هتكون هى برده تمام و زى مامتك
و لكن لو انتى مش من الصعيد
يبقى كدا فى رأيى مش توافقى
لاسباب كتيره
اهمها بعد المسافه
و ربنا يوفقك للاصلح حبيبتى باذن الله
تحيتى

[YOo YA]

انا صراحة مش اقدر ازود حاجة
عن اللي طمطم قالته
انتي لو هتقدري تتكيفي مع التغير دا
يبقي وافقي
لو لا كلهـ نصيب بقا
ودي~

[Mind language]

يا جدعان ليه كله متخوف من العيشه فى الصعيد
هى اه مفيهاش فسح وكدا لكنى ناسها طيبين جدا
جدا والمكان بناسه اما حكاية المشاكل بسبب
السكن والكلام دا انا هريحك فى حاجه مفيش
حاجه فى الدنيا اسمها حمه صعبه وحمه سهله
كله بايدك انتى انتى اللى تقدرى تخليها كويسه
معاكى وانتى اللى تقدرى تخليها وحشه فى
المعامله معاكى ودا يرجع لمعملتك انتى ليها
ومدامت انى الشخصيه محترمه وكويس زى
ما انتى بتقولى يبقى من رايى توافقى طبعا
والراجل قالك هنصيف يبقى خلاص على بركة
الله والله الصعيد جميل جدا لانى انا صعيديه
بس هى مشكلته فى حاجه واحده هو انه مفهوش
اماكن ترفيه كتير زى مصر لو انتى بتحبى الحاجات
دى هتتعبى شويه على ما تتعودى اما لو ملكيش
فيها يبقى هتستمتعى بالعيشه عندنا فى الصعيد
يللا ربنا يوفقك باذن الله وتنورى الصعيد

[۩۩ elMagic ۩۩]

بصــى لازم طبعا موضوع زى دا
قبل ما تتخذى اى قرار تفكرى فيه كويس جدا
لانكـ بتربطى مصيركـ بشخص المفروض انه يكمل معاكى بقية حياتكـ
وبالنسبه انكـ تعيشى مع والدته طالما انتى ليكى شقتكـ متقلقيش
بس اتكلمى معاها الاول وشوفى اسلوبها لو ارتحتيلها خلاص وافقى انكـ تعيشى معاها
انما لو غير ذلكـ يبقى ارفضـى اكييد لان الحموات دوول دماغهم مفوته احيانا :biggrin:
وحكاية العيش فى الصعيد
وربنــا الصعيد جميله ما انا منها اهوو وزى الفل :biggrin:
وناس الصعيد صدقينى ناس أصيله ومش تخافـى منهم
ان شاء الله تقدرى تتخذى القرار السليم
وبالتوفيق ليكـى بقآ
,,,

[PrinCesS Gege]

ميرسى ليكوا وبجد ردودكم ريحتنى شويه

لانى بجد تعبت من التفكير

وانا اكيد متعوده على الخروج وكده وهوا قالى انوا عارف كده ومش هيحسسنى باى فرق وهيفسحنى وقت مانا عايزه

ميرسى ليكوا مره تانية

وربنا يقدم اللى فيه الخير

[كبرياء رجل]

السبب اﻻول اعتقد انه مش سبب كبير عشان ترفضي
انك هتعيشي مع والدته
طيب ممكن نقول حاجه تانيه
هل هو عنده اخوات تاني في البيت
طب كام
طب عنهم بيت تاني وﻻ ده بس
يعني باعتابره اني حاسس انك بتحبي تقعدي لوحدك

السبب التاني على فكره لو نزلتي الصعيد هيعجبك الجو اللي هناك جدا
خصوصا لو انتي اجتماعيه
هتحبي اهلها بجد
والناس كلها قريبه من بعض
عموما هو الموضوع انا شايف انك انتي شيفاه احسن مننا
وانا شفت بلدك العريش على ما اعتقد
وهتبقي بعيده عن اهلك
فكري في الموضوع كويس
ﻻن ده جواز اكيد مش رحله وراجعه
اشكرك وربنا يوفقك وتاخدي القرار الصح
دمتي بخير
تحياتي لكي

[سآرهہ]

بصـى يـآ حبيبتى آنتى لو حآبه آلموضوع
ومقتنعه بيـه من آلآول يبقـى مفيهوش رفض
وآنتى لو هتقدرى تتحملى آنك تقعدى هنـآك و كده
يبقآ مفيش مشـكله مش قدآمك مشـآكل وفكرى فـى آلموضوع
وصلى صـلآآه آستخـآآره ،،

آحترآمى

[PrinCesS Gege]

اقتباس المشاركة الأصلية كتبت بواسطة كبرياء رجل السبب اﻻول اعتقد انه مش سبب كبير عشان ترفضي انك هتعيشي مع والدته طيب ممكن نقول حاجه تانيه هل هو عنده اخوات تاني في البيت طب كام طب عنهم بيت تاني وﻻ ده بس يعني باعتابره اني حاسس انك بتحبي تقعدي لوحدك السبب التاني على فكره لو نزلتي الصعيد هيعجبك الجو اللي هناك جدا خصوصا لو انتي اجتماعيه هتحبي اهلها بجد والناس كلها قريبه من بعض عموما هو الموضوع انا شايف انك انتي شيفاه احسن مننا وانا شفت بلدك العريش على ما اعتقد وهتبقي بعيده عن اهلك فكري في الموضوع كويس ﻻن ده جواز اكيد مش رحله وراجعه اشكرك وربنا يوفقك وتاخدي القرار الصح دمتي بخير تحياتي لكي

اها عندوا اخوات بس ولاد معندوش بنات
وهوا قالى انى هكون مستقله ف شقتى يعنى انزل لمامتوا وقت مانا احب بس

وانا شفتها قبل كده الصعيد هوا اه عندك حق ناسها كويسين

وزى مانت بتقول بعيده عن اهلى

وربنا يقدم اللى فيه الخير بقى

ميرسى لمرورك ^^