الآكياس السمراء لها اضرار خطيرة ع الصحة

[عاشقة الهدوء]

خطر،، خطر،، خطر ،،على صحتك وصحة عائلتك حاجة خطييرة وللأسف كلنا بنعملها وهى "وضع الطعام فى الأكياس السمراء"من فينا لما بتروح تشترى حاجة بترجع وكل اللى إشتريته فى أكياس سمراء وطبعا على طول تحطها فى الثلاجة يوم يومين أسبوع إسبوعين وهى مش عارفة أنها كده عملت مصيبة هتقولى لى وفيها إيه بس هقولك يا حبيبتى أن وضع الطعام فى الأكياس السمراء بيسبب إنتقال كمية كبيرة من الرصاص إلى الطعام بسبب أن الأكياس السوداء دى بها كمية كبيرة من الرصاص هتقولى وفيها إيه ؟هيعمل إيه الرصاص يعنى الرصاص ده لما بيزيد كميته فى الجسم بيسبب الموت المفاجئ ربنا يعافينا جميعا يارب هتقولى لى طب هنعمل إيه يعنى يا حبيبتى الرصاص ده بس فى الأكياس السوداء فقط وفى ورق الجرايد اللى كلنا وللأسف بنأكل عليه يعنى أى أكياس ثانية مش سوداء عادى خالص طب أنا مبحبش حد يشوف الحاجة اللى جايباها أعمل إيه بصى هى أحسن الأكياس الأكياس البيضاء حطى فيها اللى أشترتيه وبعدين حطيها فى كيسة سوداء وبكده أنتى فصلتى بين الأكل وبين الأكياس السوداء طب مرة رحتى تشترى ومكنش معاكى أكياس بيضاء عادى حطيها فى أكياس سمراء وتعالى البيت وحطيها فى الأكياس البيضاء مش هتبقى أتفاعلت لسه طب معنديش أكياس بيضاء فى البيت خالص حطى الأكل فى أى أطباق أو حلل لحد أما تجيبى الأكياس خلاااص تمام كده تانى حاجة بقى الجرايد اللى كلنا بنأكل عليها أولا :-الجرايد دى كلها فيها أسم الله يعنى فيها واحد أسمه عبدالله أو أسمه عبد الحميد مثلا والشيوخ قالوا لو أكلنا فيها دى فيها إهانة لإسم الله ثانيا:-الرصاص اللى فيها زى ما قولنا والحل أنه فى ورق أسمه ورق المائدة ده مخصص لكده وانتى تحطى ألاشياء وأغراض الطعام فيها أما الجرايد فبلاش نستخدمها دى تتحرق مع ورق المصاحف المتقطع وكده عشان عدم (إهانة إسم الله ) الكلام ده والله بجد خطييير ومفيش واحدة تقول سبيها على ربنا وربنا يستر والكلام ده العمر مش بعزقه"ولاتلقوا بأ يديكم إلى التهلكة" أسأل الله لنا السلامه وأن يُعافينا ويعفوا عنا وأن نستفاد بهذه المعلومه حقااا ونعمل بها معلومه مهمه جدا ؟ رااقت لى نقلتها لحضراتكم (أختكم عاشقة الهدوء )

[طمطم]

تسلمى ع التوبيك ي هبه
وربنا يحمينا ويكفينا شر الامراض ,,
تم تعديل العنوان ليكون حصرى للمنتدى
دوآآم النشاط
منورة القسم ي جميل

[نقاء القلب]

صدقى انا اول مره اعرف ان ..

الاكياس السودا والجرايد خطيرين كده ,,

بجد تسلمى ي قمرايه ع المعلومه دى ،،

ودى + 5 ستارز

[~♥ Queen sozan♥~]

موضوع قيم منك وجميل

تحياتى ليك ..

[عاشقة الهدوء]

اقتباس المشاركة الأصلية كتبت بواسطة طمطم تسلمى ع التوبيك ي هبه وربنا يحمينا ويكفينا شر الامراض ,, تم تعديل العنوان ليكون حصرى للمنتدى دوآآم النشاط منورة القسم ي جميل

تسلمى طمطومه على المرور الجميل والتعديل ههههه

يدووم نشاطك ياعسل وميحرمنا ش من وجودك

نورتينى ربنا يحفظك

[عاشقة الهدوء]

اقتباس المشاركة الأصلية كتبت بواسطة نقاء القلب صدقى انا اول مره اعرف ان .. الاكياس السودا والجرايد خطيرين كده ,, بجد تسلمى ي قمرايه ع المعلومه دى ،، ودى + 5 ستارز

أيوه ياحببتى شوفتى بقه خطرهم عامل أيه ومن زمان والله أنا أعرف المعلومه دى

ولما شوفتها جبتها ليكم نستفاد بيها كلنا أسعدنى مرورك ياقمر

وتسلمى على التقييم ياحبيبة قلبى

نورتينى ربنا يحفظك

[عاشقة الهدوء]

اقتباس المشاركة الأصلية كتبت بواسطة ~ ‏‏‏‏♥ queeη sōmą ‏‏♥ ~ موضوع قيم منك وجميل تحياتى ليك ..

الآجمل مرورك سوما نورتينى ياقلبى ربنا يحفظك

[-esraa-]

معلومات مفيييدة جدا واحسن حاجة في التوبيك انه باللغة العامية


عالتوبيك المفيد جدا

[Marwan1337]

يدوم النشاط و التمييز

[jasmean]

تسلمي علي التوبيك
ف انتظار المزيد
دمتى بخير