مواقف حقيقية لو خايف على نفسك من كتر الضحك اوعى تدخل

[I.Am.Legend]

بسم الله الرحمن الرحيم

فى احد المنتديات كنا عاملين موضوع وسمناة ركن المهيسيين

وكان كل واحد بيقول اكتر المواقف محرجة لية

وكانت كالتالى

مرة كنت واحد صاحبي زملكاوي

في ماتش الاهلي و الاسماعيلي

وانا كنت اقنعته انه يقعد معايا في مدرجات الاهلي

المهم هو جه عامل فيها بورم و لابس تي شيرت اصفر

ولا اكنه سبع رجاله في بعض

و احنا كلنا بنشجع و هو قاعد

و كل ما تيجي هجمة للاسماعيلي يشجع المهم الناس شكت فيه

في بداية الشوط التاني

سمعنا دوشة ورا

في اعلي المدرج

بنسأل فيه ايه

قالولنا مسكوا واحد زملكاوي

لقيت صاحبي دة نط و خطف مني العلم

و بيقول اوووووووووه اهلاوي

اووووووووه اهلاوي

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

بيقولى كنا فى صلاه الجمعه فى مره وكان فى الصيف فالناس قاعده بقى ونعسانه على الاخر
المهم الخطيب كان بيقول احنا بقينا فى زمن محدش فيه يامن على بيته
الراجل يقول لمراته انتى رايحه فين تقوله كنت عند ماما وهى جايه من عند الحبيب وزعق الخطيب فى كلمه الحبيب
المهم الناس كانوا نايمين ففجاه كلهم فى نفس واحد عليه الصلاه والسلام
شوفتوا بقى لدرجه ايه ان عدم الاهتمام بالخطبه مكن يودى الناس فى داهيه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


كنت أدام بيت واحد صاحبي و كان فيه عربية مركونة إزازها مكسور مش مفتوح ..

بس فالواد صاحبي قاللى روح رن الكالاكس بتاع العربية دي كده محدش شايف ..

و انا بكل تلقائية رحت ضربت الكلاكس كان الواد صاحبي جايب البواب بتاع العمارة و قايله ده حرامي .

الراجل شافني بمد إيدي في العربية ..

الكالاكس عمل تيييييييييييييييييييييييييييييييييت ..

و إيد على قفايا عملت طااااااااااااااااخ ..

و انا بصراحة ما كانش عندي كلام أقولوا هقول إيه يعني ..

بس عملت الواجب مع الواد صاحبي ده كان واقف يضحك و انا بترزع القفا ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

مره وانا ماشى فى الشارع رايح الدرس واحد كان راكب العجله بسرعه

راح ضربنى على قفايا وقالى ياحمار

انا على بال لما فقت من المفاجاءه كان الناس كلها اللى فى الشارع ضحكت خلاص

فاللى طلع عليا بصراحه رحت قايله

ربنا يسامحك

طبعا هوه حتى الكلمه سمعهاش لانه كان فلسع خلاص



ياريت ياجماعه لو حد من المنتدى هوه اللى ضربنى يقول وميتحرجش عشان انا طبعا عارفه وهجيبه يعنى هجيبه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

مرة موقف أخويا عمله .. بس أنا اللى أحرجت فيه ..

واحد صاحبي أوي قالي لازم تيجي تزورني انهارده .. قلتله ماشي .

قالي بس على شرط .. تجيب أخوك الصغير معاك ..

ساعتها كنت في إعدادي .. و أخويا كان يعمل كده رابعة خامسة إبتدائي ..

بس و مهما حكيت مش هقولكوا أخويا ده شيطان إزاي عشان كده أهل الواد صاحبي ده كانوا عايزين يشوفوه ..

بس فرحتلهم و معايا القرد أخويا .. و قلته يلزم الصمت و إلا هنكل بيه لما أروح ..

بس و الواد قعد ساكت خالص و بيتكلم بكل أدب ..

و بعدين فجأة قالي : أحمد أنا عايز آكل ..

كانت الناس مش قاعدين معانا ..

قلتله : بص يا عبودي هما أصلا مش واقفين معانا عشان بيجيبوا الأكل ..

قالي : ماشي أديني مستني ..

بعدين جم و ما كانش معاهم أكل .. قعد يخبط على رجلي جامد و يخبط على ضهري .. و أنا أشاورله بإيدي يصبر يعني .

و بعدين و في وسط ما الواد صاحبي و أمه و أبوه قاعدين معانا ..

راح جاي أخويا قايم و فاتح التلاجة أدامهم و قايل : من آمن بالله و اليوم الآخر فليكرم ضيفه ..

وشي بقى عامل زي القووووووووووووووووووووووطة ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


كنا مره في صلاة الجمعه والامام بيصلي بينا وكله مركز في الصلاة ومن حظي الهباب انه كان في عيل دماغه تعبانه واقف بيصلي جمبي
المهم والامام بيقرى القران عربيه عملت صوت جامد اوي بره واظاهر خبطت في حاجة المهم المعلم اللي جمبي ربنا مش يهديه ويسكت
راح قايل تيييييييييت البس يازبون ومقلكش على اللي حصل بقى كل الصف ساب الصلاة واترمة على الارض من الضحك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

مره كنت انا وواحد صاحبى بنلعب كوره قدام بيتى
وصاحبى طلب منى اكلمهم عنده فى البيت وابلغهم انه عندى وحيتأخر
المهم انا اتصلت بيهم ومامته ردت عليه وانا ساكت مش عارف ابتدى الموضوع ازاى؟
وهى قعدت تقول الو الو وخلاص كانت حتقفل السكه فرحت رادد
لو سمحتى احمد موجود قالتى لا والله يابنى مش موجود
قلت لها اصله بيلعب عندى كوره وقفلت السكه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

على فكرة الركن دة كان بيقفل بالظبط 500 رد فى ساعة ونص

دة جزء ولو عجبتكوا هجبلكو مواقف من الركن تانى

سلاحف

[doiss]

هههههههههه

انت عارف اجمل حاجة في كلماتك ااية

وبتضحكني ....

انك انسان تلاقائي وجميل

كلامك بصراحة ضحكني

وادخل السعادة علي قلبي

فلاتحرمنا من جمال كلماتك

اخوك ضيااااء ""

[nooody]

هههههههههههههههههههه

يا نهار ابيض بجد مواقف تموت من الضحك

عاجبنى اوى موقف صلاة الجمعه بتاع الحبيب هههههههههه

تسلم ايدك بجد

فى انتظار جديدك

[شقاوه بذوق]

هههههههههههههههه
مواقف خطييييييييييييره
بصراحه انصحك تكتبها يومياااااااااات احمد
والنسخه الاولى تهديها لشقاوه بذوق لانها صاحبة الاقتراح الجميل

[$ بنوتة زى العسل $]

ههههههههههههههههههههههه
والله مواقف جامده موووووووووووووووووووووووووووووووووووووت
تسلم يامان بس المرة الجاية كتر شوية
ههههههههههه
حلوة كتر دى خلاص اتوصى بقى

هههههههههه
سلامو

وفى انتظار المزيييييييييييييييييييييد

[همتاروا]

علفكرة انت جامد خالص اية دة والله مواقف تموت من الضحك وحياتك لا تطول علينا الله يخليك بسرعة طيران

[اشرقت]

يا نهار اسود اية التهييس دة ربنا يعينكو
ههههههههههههههههههههههههههههه
انا مش قادرة امسك نفسى من الضحك
والنبى كمل الركن دة علشان خاطرى
هههههههههههههههههههههه
اصل معدش فى حاجة بتضحكنى الا لما اخش المنتدى دة

[مي عز الدين]

هههههههههههههههه

مواااااقف جامدة موووووووووووت تموت من الضحك


ميرسي يا باشا ع التوبيك الجميل

ويا ريت تكمل الركن التانى

مستنيييييييييييييييييييييييييييييييينك

[شيرين المصراويه]

هنههههههههههههههه بصراحه المواقف حلوه اوه
واحلى مافيها انها حقيقيه اوى
ارجوك نزل مجموعه جديده
وياسلام لو يبقى موضوع مشاركات كل واحد يقدم موقف محرج
وتسلم

[.. בٓـيــًـًـًآءْ . .]

هههههههههههههههههههههههه
مواقف جميله جدا
تسلم ايدك يا ريت
تكملها ..