..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - مشاركات : 0 -
مآآشي ي زمن
الكاتـب : نو تعارف - مشاركات : 0 -
بلا إستئذان .. قلم مهيب
الكاتـب : مهيب الركن . - آخر مشاركة : شاعر الحب الحزين - مشاركات : 1 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


جولة فى مذكرات مبدع ومعانا..Words Whisper

منتدي ابداعات الاعضاء الادبية


مشاهدة نتائج الإستطلاع: لقب تستحقهWords Whisper
انثى لاتشبه احد 2 22.22%
قيثارة الادب 3 33.33%
انغام قلم 2 22.22%
اميرة الابداع 2 22.22%
المصوتون: 9. أنت لم تصوت في هذا الإستطلاع

إضافة رد
 
LinkBack أدوات الموضوع انواع عرض الموضوع
قديم منذ /08-07-2012, 10:14 PM   #1

 

 رقم العضوية : 55979
 تاريخ التسجيل : Oct 2010
 الجنس : ~ أنثى
 المكان : مصـــــــــر
 المشاركات : 86,078
 الحكمة المفضلة : وما من كاتب إلا سيبلى ...ويبقي الدهر ما كتبت يداه فلا تكتب بكفك غير شيء...يسرك في القيامة أن تراه
 النقاط : دمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond reputeدمعه حائره has a reputation beyond repute
 درجة التقييم : 15238219
 قوة التقييم : 7620

دمعه حائره غير متواجد حالياً

 

 

 

 

 

MY MmS

أوسمة العضو

الكاتب المميز مسابقه القلم الماسي تكريم المنتدي في العيد 16 137 73 مسابقه القلم المميز مسابقة فضفضة 2 مسابقة الغرام المستحيل 1 مبدع الابداعات العاميه 

جولة فى مذكرات مبدع ومعانا..Words Whisper




أهلا وسهلا بكل رواد قسم الابداعات المحترمين

ومن جديد نتجول معا فى مذكرات المبدعين والمبدعات

وجولتنا النهارده مع انثى استثنائيه وقلم مبدع


Words Whisper
مشرفة قسم بقلم الأعضاء









أهلا وسهلا بيكى نورتى البرنامج وكل عام وانتى بخير

هلا فيكِ و في الكل نوركم

وانتِ والجميع بخيرات ..

فى البدايه تحبى تشربى ايه ولا اقولك
نجيب كنافه او قطايف

هو حيث اننا صايمين نجهر للفطار

خلينا ف القطايف بحبها
بس كده اتفضلى ياغاليه احلى قطايف فى الدنيا




اول جوله هاتكون فى بطاقتك الشخصيه
عرفينا بنفسك بس ياريت مش اجابات غامضه
زى بروفايلك

بروفايلي غامض :biggrin:

اسمك

أسماء ..

محل اقامتك

المنصورة ..

بلدك

مصر ..

الوظيفه

لسه طالبة في طب ..

الحاله الاجتماعيه

امممممم عزباء ..

عندك كام اخ واخت

أخ واحد و 5 اخوات ..

اتعرفتى على المنتدى ازاى

كتبت في السيرش منتدى بنات ظهر لي

وكنت فاكرة الأول انه بنات بس ..



هاندخل على بروفايلك وناخد جوله فيه
جميل اوى التنسيق عجبنى على فكره

تسلمي ياحبيبتي :445:




تاريخ التسجيل2010-09-27
وبعدها اثبتى تميزك فى قلم الاعضاءلكن غيبتى فتره بعدها
ممكن نعرف ليه وياترى بعد رجوعك حسيتى بفرق فى المنتدى؟

غبت لأنه كنت إدارية في منتدى تاني

وللأمانة فكان لازم أكون اد المسؤولية دي

فكان صعب أشتت نفسي في أكتر من منتدى و كمان في دراسة

ويمكن اللي جرب شغل الادارة عارف اد ايه بياخد جهد
فكان صعب وقتها أكون في مكانين

لكن كنت ناوية بس المنتدى التاني يشد حيله كدا وأسيب الادارة

وفعلا دا اللي عملته و رجعت لأنه حقيقي صعب كتير أسيب المنتدى هنا

لأنه بالنسبة لي هو أول تعامل مع النت فله معزة خاصة
وفيه كتير لهم عندي معزة خاصة وكنت بدخل زائر
وأول ماتركب الستايل اللي قبل دا كان عاجبني ..

أها في فرق بس أنا شايفة انه للأفضل

لأن بئا في مساحة أكبر للأعضاء في إبداء وجهة النظر
وكدا ومن ضمن دا فكرة الإداري المنتخب كمثال ..




كان اسمك الاول DR.SEMSEM
ليه غيرتيه وليه اخترتى النيم الجديد

بصي ياستي د.سمسم دا سبب اختياري له أنه مش كنت عارفة أختار اسم

يعني زي ماقلت قبل كدا أول تعامل مع النت كان الفورم هنا

فوأنا بكتب اليوسر كتبت الاسم دا لاني بحبه
وهو له صلة باسمي وزي ماقلت
كنت فاكرة انه منتدى بنات بس

بعد كدا بئا اللي بيرد يااما يكتب نفس اليوسر يااما يقول سمسم

وانا كنت بضايق لما ألقى ولد داخل كاتب سمسم دي بصراحة

حتى بقيت بوقع في آخر كتاباتي أسماء
عشان اللي يكتب يكتب أسماء مش سمسم

أنا بحب اسمي وبحب اللي يناديني يقول أسماء
ومش بحب الألقاب نهائيا

لكن بيضايقني انه مثلا حد يناديني سمسم قمر غالية
والكلام دا وكنت علقت على دا أكتر من مرة أحيانا خاص
وأحيان في ردود

بعد مافضلت في النت فترة عرفت فيه أكتر
وعرفت انه أقدر أغير اسمي
وأتفادى انه حد يكتب سمسم حيث انه دا اليوسر

ففكرت وخطر ببالي اسمي الحالي Words Whisper
وهو قريب ليا جداا

لأنه أنا بحب الكتابة جدا و الحرف عندي له قيمته جدا
إضافة لأني غالبا بعبر عن اللي جوايا بالكتابة مش بالكلام ..



الحكمه المفضله
Cann't be another one ,, except ME
فيها شويه ثقه كده حتى اللقب كمان
انثى استثنايه

ممكن نعرف بتستمديها منين الثقه

بالنسبة للحكمة هي مش بس ثقة

هي كمان انه أنا لاأرتدي عباءة غيري أنا هو أنا
ومش ببئا حاجة تانية عشان خاطر حد ..

الحمد لله انا ثقتي مش بتوصل للغرور

وكل حد فينا مميز مش فينا حد مش كدا

بس فيه حد بيُقدر نفسه وحد لا ..

مش بشوف نفسي أحسن من حد بس
كمان مش بشوف حد أحسن مني ..

وبصراحة أكتر حاجتين بيعطوني ثقتي بنفسي ::

انه أنا هو أنا لاأتصنع ولا أتلون لأجل أحد
ومؤمنة بنفسي جداااااااااا وبحترمها جداااااا

و الحاجة التانية انه الحمد لله ودا فضل من ربنا
لما بتعامل مع أي حد بترك بصمة جواه حتى لو من بعيد

بمعنى آخر الحمد لله الله معطيني القبول و في ذات الوقت
بعرف أفرض احترامي على اللي قدامي باحترامي لنفسي

وحقيقي دا فضل من ربنا مش مني بس طبيعي
لما يكون دا موجود أكون فخورة جدا بنفسي
ومعتزة بيها وعندي الثقة دي

وبالنسبة للقب مش أنا بس اللي أطلقته على نفسي
لكن الحمد لله ومن الواقع صُدِّق عليه ..




قائمة الاصدقاء34تعرفيهم كلهم
وهل بترفضى طلبات صداقه؟

هو مش اعرفهم كلهم وغالب تعاملاتي ع الفورم بس

أي طلب صداقة من بنت بقبله ومؤخرا في بنات
بقيت أنا اللي بضيفهم

لأنه أنا قافلة الخاص على الأصدقاء بس
فعشان أقدر أراسلهم ويراسلوني ..


وعذرا أيوة برفض طلبات صداقة من أي شباب ليس لشيء

لأنه في ناس كانت أرسلت طلبات إضافة
ومتأكدة انه محترمين جدا جدا جدا وبقدرهم جدا
فعذرا لهم انه مش قبلت

بس عشان مش أفتح مجال لكلام
اشمعنا فلان قبلته وفلان رفضته

والاتنين اللي عندي رجال أ/محمد محروس
وحضرته رجل كبير في عمر جدي ربنا يبارك في عمره
ومن الناس اللي بقدرهم جداااااا ويَ رب يكون تغيبه خير

و أ/طبيب الهوى وحضرته بالنسبة ليا والدي
و حقيقي بقدره وبحترمه كتير كتير كتير الله يبارك بعمره
يَ رب ويسعده بأولاده ..



الاوسمه ماشاء الله 7وكلهم جوايز
عن مسابقات قيمه وصعبه
اى وسام بتعتزى بيه اكتر وتعبتى على اخدتيه

والله كلهم أكيد بعتز بيهم

بس اعتراف صغير يعني ولا واحد فيهم
كنت عاملة حساب اني هاخده الا بتاع أجمل توقيع و الطفولة ..

بمعنى تاني ::

** نجم الشهر في الأقلام أنا كنت بدخل الأقلام عادي
لأنه بحب القسم دا مش عشان الوسام ولاحاجة

واتبسطت كتييييييير لما اخدته لانه كان الأول
وكان حاجة مش توقعتها ولاكنت أعرف انه هيتم اختيار نجم الشهر ولا تمييز ..

** وسام العطاء بردوا اتفاجئت بيه ..

** ريشة من قلم أنا كنت شفت المسابقة
وكانت وقت اختبارات
فمش كنت ناوية أشارك فيها أصلا

وبعدين قيثارة الصمت الله يردها بالخير
لقيتها أرسلت لي انه أشارك معاها
واعمل ديزاين على الخاطرة فعملت ^^

** النشاط بردوا مش كنت متوقعة أخده ..

اسماء ليه قفلت رسايل الزوار؟
وهل ممكن تقفلى الخاصه كمان؟

هو أنا الخاص فعلا متاح للأصدقاء بس

وبالنسبة للزوار أحيانا بفتحه وأحيانا برجع أقفله
تقدري تقولي الموضوع له علاقة بالمود نوعا ما :biggrin:




جوله فى مواضيعك
اكيد كان صعب الاختيار
لانى من اكتر المتابعين لكل جديد ليكى
وكلها مواضيع قيمه ورائعه

ربنا يكرمك ياحبيبتي :445:

بتفضلى اى نوع من الكتابه
المقالات ولا الاشعار

أنا مش بكتب شعر وكتاباتي نثرية أو خاطرية وغالبها نثر

لكن بردوا نثر أدبي مش مقالي بحت وقليل لما
بستخدم الأسلوب المقالي

وأي موضوع أدبي راقي قيم بفضله
وبحب أقرؤه سواء نثر أو شعر أو خاطرة ..

مين من اكتر كاتب بتتابعى مقالاته ودايما تقرى لليه ؟؟

مش بقرأ لأشخاص معينين

زي ماقلت أي حاجة قيمة بحب أقرأها

بس بالنسبة للفورم فيه أقلام لايختلف عليها اثنان ..


ياترى بدأتى تكتبى من امته؟

من زماااااااااااااااان

من وانا في ابتدائي وبدأت بقصة ..






اول موضوع
هابدأ من آخر موضوع نزل ليكى فى قلم الاعضاء
حملة التعايش - نقطة نظام
طبعا الموضوع من اكتر المواضيع اللى مفروض
كل اعضاء المنتدى يقروه
فكر واعى وتوضيح قيم جدا منك قدرتى تعبرى
عن فكره التعايش
بمنتهى الدقه والحياديه
ايه مقصدك من العنوان وهل ليه علاقه بالاحداث الاخيره
اللى حصلت فى القسم
وهل ازعجك النقاش الى حصل بخصوص القسم المسيحى

أولا ميرسي على رأيك ^^

العنوان لأنه لاحظت انه في كتير في النقاش جزؤوا الموضوع

يعني فيه اللي مثلا أخد بس جزئيات النهي
عن أهل الكتاب وتمسك بالآيات دي

وفي اللي كان بالنسبة له يشوف بس الآية التانية اللي بتقول الإحسان

رغم انه مش فيه حاجة اسمها نجزأ الدين والدين يؤخَذ ككل

ومش في تعارض بين النصوص زي ماوضحت في الموضوع

فكانت الفكرة انه عايزة ننظم رأينا في الموضوع
بعيدا عن التعصب أو رفض الآخر
و الموضوع مش منعزل عن ديننا
عشان نجزؤه بالشكل دا

وفعلا أكتر حاجة ضايقتني في الموضوع
تجزيء الدين بالشكل اللي حصل ..

أكيد له علاقة باللي حصل في الفترة الأخيرة
وموضوع القسم المسيحي

بصي أنا مش عايزة اللي قال لاأوافق يقول أوافق و لا العكس
بس انه الكل يقدر يحترم فِكْر التاني

لكن اللي حصل انه بقينا احنا نفسنا
مع انه ديننا واحد بنجزأ الدين بالتفصيل
ع اللي عايزين نثبته وبنلغي الجزء التاني

وناس دخلت تشكك في ناس وكان ناقص تبئا حالة حرب

دا غير الهجوم على دين آخر ودا أصلا غير مسموح به دينيا

زي ماديني له عندي مكانة محرم حد يقرب لها أي حد
بردوا دينه عنده كدا

ومش هطول بئا عشان قلت كل اللي عندي
في الموضوع دا
في الردود وموضوعي دا ..





الموضوع التانى
قلب بكر

ممكن اعرف ظروف كتابته
وهل هوا رساله ولا مجرد افكر عبرتى عنها
ياترى ايه اللى بيفسد براءة القلوب

ظروفه انه كنت حاسه قلبي واجعني :biggrin:

هو فكرة مش رسالة والمقصود مش فساد البراءة بس

وإنما ان قلب الطفل اللي جوانا دا فجأة يشيب

ودا مش شرط بس بسبب تجارب حب مش ناجحة
هو كمان ممكن يكون بسبب جروح من حد قريب

وكان في فكرة أساسية كمان اللي هي انه جرح الحب
بالذات بيُفقِد القلب الصفة دي

أيا كان أكيد لما شخص يكون أول مرة عارف مشاعر ما بيكون لها إحساس آخر

وأكيد الحب الأول بالذات له مشاعر مختلفة تماما
أي حب هيكون بعده هيكون مع قلب سبق
أن أحب مش عاد (( قلب بكر ))

ومن هنا في حاجة عايزة أقولها وهي اللي ربطت معايا بكورة القلب بالحب العشقي

الحب بحد ذاته مشاعر راقية مش حرام انما الحرام الأفعال اللي فيها معصية لله

الحب دا نعمة واللي مش بيقدر النعمة يعاقب بحرمانها

وللأسف في ناس مش بتقدر دا فممكن النهاردة
بتدعي حب حد وبكرة بتدعي حب شخص آخر وهكذا

ودا بحد ذاته عقاب من الله للي مش احترم نعمة الحب
لأنه مش عاد حاسس بالنعمة دي وقيمتها لدرجة
انه بئا مش فارق معاه اي حد

بئا الموضوع بالنسبة له حد راح وحد جه وخلاص
مش عاد فيه القلب اللي بيشعر

أتمنى أكون عارفة أوصل الفكرة ..




هانروح لقسم بعيد شويه
وتصميم ليكى فى السويتش ماكس
That's Me

المقدمه هايله والتصميم رائع
الإنسان بلا عزة و كرامة ،، هو بلاشيء و بلا إنسانية ..

كراماتنا ليست محلا للمفاوضة أو مسموحا بالمساس بها من أي شخص كان ..
جميل الواحد يعتز بكرمته وكبرياؤه
ممكن تفسريلى شويه المقدمه دى
وبردو التصميم ايه الهمك بالفكره دى



ميرسي على رأيك في الديزاين والمقدمة ياحبيبتي

كرامة الإنسان = إنسانيته

لو تخلى عنها تخلى عن إنسانيته

الفرق بينا وبين باقي خلق الله هو تكريم الله لنا ..

الإلهام بئا أصل بحب الكلمات اللي فيها عزة وشفت الصورة اللي مستخدماها

فألهمتني بالكلمات دي واشتغلت عليها فوتو
بعدين سويتش وللعلم الفوتو فيها أكتر

وحبيت انها تكون هادية كدا ..




هانرجع بالذكريات لموضوع قديم شويه
قسوة الأيام..

فعلا الايام كتير بتقسو علينا
لكن حسيت من الكلام انه ليه موقف حصل معاكى
فاكره الموضوع ده
ياترى ليه كتبتيه

أكيد فاكراه بس دا موضوع من أول يوم سجلت فيه من زماااااااان اوووي

كتبتُه عشان نفس اللي كنت كاتباه فيه ..





موضوع قديم ليكى فى قلم الاعضاء
انا وحبيبى

جميل ان يكون فى حوار بينك وبين قلمك
ياترى القلم ممكن يسجن صاحبه بين الاوراق
ويبعده عن الناس
وامته بتروحى تتكلمى مع قلمك
وهل بتلاقى راحه نفسيه بعد الحوار ده


لا هو القلم مش بيسجن صاحبه عن الناس

لكن ممكن يكون هو الأقرب في التعبير عنا

خصوصا لو مع شخص مش بيعبر كتير بالكلام

وأيوة برتاح نوعا ما لما أكتب لاني من النوع اللي مش بيشكي وكدا

يعني بحتفظ بوجعي لنفسي فالكتابة بالنسبة لي مُتنفس نوعا ما ..




جوله فى ردودك

هلى بتفرقى فى الرد بين شاب وبنت
بتحبى الرد الادبى اكتر ولا النقاشى
وهل ممكن تنقدى موضوع قريتيه ومعجبكيش
ولاتخرجى بدون تعليق افضل؟
لو دخل عضو يرد عليكى فى موضوع وانتقدك زيادة
هل تردى ولا تشتكيه ولاتتقبلى نقده

بحب ردودي تكون عن الموضوع نفسه مش شكر بس

سواء بئا شاب أو بنت بس قليل هتلاقي ردودي شكر فقط

ودا بيكون لما مثلا مش أكون في مود كويس
أو مش لاقية إضافة غير الشكر

وحيث انه بكتب رأي في اللي بقرؤه
فأكيد لو الكلام المكتوب أنا ضده بقول

أما بالنسبة للنقد الأدبي فأيوة بردوا بنتقد
بس بشكر الأول صاحبـ/ـة الموضوع

ومش بنتقد أي حد وخلاص لاااااااا

لما بوجه نقد أدبي بيكون فقط للأقلام
اللي تستحق انها تكون أفضل

بمعنى آخر في أقلام بتكون متميزة فعلا
بس عندها سقطات في حاجات بسيطة
لو عدلتها هتبئا أفضل

ودي الأقلام اللي بوجه لها نقد أو بلاش نقول نقد
لأنه مش نقد هي ملاحظات

إنما الأقلام اللي بتستخدم أسلوب أصلا ركيك
من باب انها بتعبر عن اللي عايزاه وخلاص
فأنا لاأوجه ملاحظات أدبية لها

لأنه النوع الأخير دا مجرد بيعبر لكنه مش قلم أدبي

فأي شخص وجهت له ملاحظة
الأكيد اني شايفة قلمه رااااااائع ويستاهل يبئا أفضل وأفضل

ومش عندي مانع انه شخص ينتقدني
مادام في حدود النقد مش التطاول

سواء هينتقد الفكرة أو الأسلوب الأدبي
بس يكون نقد بناء وبأدب والحمد لله
أنا قبل ماأطالب حد بدا بنفذه على نفسي ..








الرد ده

أكثر الكلام شرا

ماغُلِّف حلاوة وأريد به باطلاً

فجمع حوله على الباطل

وخاصة أولئك الذين يملكون كلمة مؤثرة

فيستخدمونها لأغراضهم

يمزجون فيها الباطل و السوء بالحرير يغلفونه !!~


راق هو قلم حضرتك

وهكذا هو دوماً ..

شاكرة حد السماء

هل بتجدى صعوبه فى التفرقه بين الصدق والخداع
مهما كان مغلف بحلو الكلام

أنا الحمد لله ودا فضل من ربنا عندي المقدرة أفرق

ومش من الناس اللي بتُؤخَذ بحلو الكلام

لكن مش الكل عنده القدرة دي

فحرام على اللي بيستغلوا مواهبهم لتضليل الناس ..





الرد ده
لاشيء يستحق بقاء الألم

فلاأحد يتعلم ببساطة ولنتخذ الألم درسا

دون أن نبكيه طويلا ..


قرأتُ مرة جملة راقتني كثيرا كثيرا ::

(( خليك جدع اوي بحيث لما نفسك تحتاجلك تقف جنبها ))

هي جملة صحيحة تماما فنحن وإن كنا بجوار أي محتاج لنا

ولم نستطِع مساعدة أنفسنا لن نتقدم للأمام ونحن أولى بمساعدتنا ...




راقني كثيرا كثيرا حرفك

شاكرة لك

سلمت

ودمت بحفظ الرحمن ...




5 ستارز ..
بصراحه اول مره اشوف الجمله دى
بس عجبتنى فكره الجدعنه مع النفس
بتقفى جمب نفسك امته سمسم
وبتنصحيها بأيه دايما


بقف جنبها في أي وقت تحتاجني

وبنصح أسماء انه الدنيا مش بتقف فتحاول تكمل

وربنا ييسرها ..





الرد ده
لاشيء يبرر التنازل عن الكرامة

وليس التمسك بالكرامة هدم بيوت

فالخطأ يكون من البداية بالسماح لشخص بانتقاص الكرامة ..


العنف في بيوتنا العربية

أعتقد أنه صار السمة الغالبة

فأصبح حتى مانراه في الشوارع عنف

لأن من مارسوا هذا العنف تربوا فيه ...



راقٍ هو طرحكِ كما دوما اعتدناه

وصدقا كنتُ اشتقتُ لقلمك بالقسم

شاكرة حد السماء ..

سلمتِ

ودمتِ بحفظ الرحمن ...



- 5 ستارز ..

افهم من كده انك ضد تضحيه الام وتحملها
الاهانه عشان خاطر ولادها وتحافظ على وجودهم
وسط اب وام؟


بصي ياحبيبتي

البيت اللي بيوصل بيه الحال لإهانة كرامة والعنف دا

فالمشكلة فيه مش بتبدأ بس حديثا ولا بعد وجود الأبناء

لاااااا غالبا من قبل كدا بكتير وفي حاجة اسمها فترة خطوبة كمان

المفروض بداية الحياة الزوجية وفترة الخطوبة
دول بيترسم فيهم أساسيات التعامل

المشكلة بئا انه في كتييييييير بيتغاضوا من البداية عن كرامتهم تحت مسميات كتير

أولها الحب فممكن تسمح له يتطاول عليها عشان بتحبه وهكذا وهي بكدا بتلغي احترامه لها

ولما اتنين يُفقَد بينهم الاحترام يبئا مش عاد بينهم حاجة أصلا وحتى الحب اللي عشانه
تم التنازل عن الكرامة واحترام النفس بيضيع

فالمشكلة من البداية ..






آخر جوله فى اهتمامتك داخل المنتدى
مين من الاعضاء قريبين ليكى؟

الكل اخواتي وربنا يسعد الجميع ..

مين بتحرصى على متابعة
مواضيعه؟

أي قلم محترم راقي ..

ايه اكتر قسم بتحبى تشاركى فيه؟

الإبداعات و الأقلام والمكشوفة وبردوا السويتش و الفوتو ..

ياترى ليه ترددتى قبل قبولك الاشراف على قلم الاعضاء؟

لأنه سبق جربت الشغل الإداري و الإشرافي ولم يَرُق لي مطلقا

دا غير انه ساعات بتحصل مشاكل وممكن فيه ناس
بتاخد حاجات بزعل

وللأسف في ناس بتقلب معاها لنوع من الغيرة

واحنا مشاكل الحياة كفاية مش داخلين هنا لمشاكل تانية

بس تناقشت مع أ/سيد ..



كان ليكى اقتراحات كتيره لتطوير المنتدى
اول مارجعتى هل اتنفذ منها حاجه؟
وهل لسه عندك افكار تانيه؟

أه أنا شايفة ان منها حاجات اتنفذت ومش
بس الحاجات اللي أنا كنت حابة تحصل

وكمان حاجات غيري كانوا عايزينها والأفكار مش بتخلص ..



ايه رائيك فى قسم الابداعات؟
ايه هيا عيوبه؟
هل عندك افكار لتطويره؟

قسم راقي ومميز فعلا

وعيوبه هي حاجة عامة في الفورم كله

المجاملة أحيانا اللي بتوصل لحد النفاق

وأكتر حاجة بتضايقني انه يكون في قلم

من النوع اللي أنا قلت انه بيعبر بس لكن ليس قلم أدبي

ويكون في كمية مجاملات وانه الأسلوب رائع وقلم أدبي مميز ووووو

فاللي بيحصل انه القلم دا مش بيرتقي بنفسه
بالعكس ممكن يبئا أسوأ ..

بالنسبة لأفكار فحقيقي ربنا يكرمك ويوفقك
انتِ ومشرفي القسم اللي بيساعدوا

قايمين بالواجب ومحافظين على مستوى عالي للقسم ..


ممكن توجهى كلمه للاعضاء الجدد
وكلمة اخرى لمشرفين الابداعات

الأعضاء الجدد ::

أثبتوا وجودكم واتركوا بصمة خير ..

مشرفي القسم ::

استمروا في تشجيع الأقلام الراقية ووجهوا الأقلام
اللي محتاجة توجيه ..

ايه رائيك فى البرنامج وليه قبلتى الدعوة؟

أنا بحب البروجرام دا كتير وكنت بحب أقرأ حلقاته

وقبلت الدعوة لأنه بروجرام راقي وفكرته راقية
والمُستضيفة إنسانة راقية

لها عندي الكثييييير من المعزة ..

يامنون انتِ مش يترفض لك طلب :003:
وربنا يعلم انتى غاليه عندى قد ايه
وميرسى انك قبلتى الدعوة

ممكن تكتبى لينا سطرين او اكتر نثراو شعر

هكتب حاجة كرسالة لنفسي قبل الكل ::

كلنا يوما ماضون

ولن يبقى منا سوى ذكرى

فالمهم أن نترك بصمة تُذكر لنا بخير ..

كلنا سنحتاج يوما الدعاء ..


بشكرك على قبول الدعوة
وبتمنالك كل التوفيق والسعادة


أنا اللي شاكرة تواجدي معاكِ ومع رواد الإبداعات الراقين

وربنا يوفقك دوم حبيبتي ويوفق الجميع ..



وبكده تنتهى جولتنا فى مذكرات مبدعتنا اسماء
بشكرالجميع على التواجد
تقديرى واحترامى
مع امنياتى بالتوفيق الدائم








  رد مع اقتباس
قديم منذ /08-07-2012, 10:19 PM   #2

الإدارة العامة سابقا

 

 رقم العضوية : 54732
 تاريخ التسجيل : Sep 2010
 الجنس : ~ أنثى
 المكان : على ذات الأرض التي يحترق باطنها !~
 المشاركات : 29,829
 الحكمة المفضلة : لكل شيء ثمن ..~
 النقاط : Words Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond repute
 درجة التقييم : 11962754
 قوة التقييم : 5982

Words Whisper غير متواجد حالياً

 

 

 

MY MmS

أوسمة العضو

وسام مسابقة همس الورود المركز الثاني وسام فورم جود تالنت موسم رابع مركز ثاني افضل متابع فى الفضفضة وسام مميزة الفوتوشوب تحدى المحافظات المركز الاول وسام التحكيم فىForumsGotTalent قوة الملاحظة (بين فرعي النيل) تكريم ادارى وسام مميز مميزة الهوايات 

افتراضي رد: جولة فى مذكرات مبدع ومعانا..Words Whisper

حابة أشكرك منة

ومسبقا شكرا لكل اللي هيتواجدوا هنا

وأكيد هكون سعيدة بالجميع ..

دمتم بحفظ الرحمن ..







  رد مع اقتباس
قديم منذ /08-07-2012, 10:31 PM   #3

محررة سابقة

 

 رقم العضوية : 84460
 تاريخ التسجيل : May 2012
 الجنس : ~ أنثى
 المكان : Unknown World
 المشاركات : 1,534
 الحكمة المفضلة : هنـآك آمنييآت لآتموت آبداً
 النقاط : ∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute∫ αʟм ∫ has a reputation beyond repute
 درجة التقييم : 89611
 قوة التقييم : 0

∫ αʟм ∫ غير متواجد حالياً

أوسمة العضو
افتراضي رد: جولة فى مذكرات مبدع ومعانا..Words Whisper

بجد انتى اميره الابداع فعـلا يا أسمـاَء
ودي حـآجه مفروغ منهـآ وانا بحب هدوئك وبحب كـلآمك وبحب ثقتـك بنفسـك
وبعتبـرك ليـاً القـدوه =) ..
و بحـاول امشى فى كل حاجه زي مـا بتعملى بـالظبط .. علشان انتى بجد مبدعه
والله العظيم مش مجامله لكن بجد محبتك للآخرين و قـلبك آلصافى ..
دي حاجه تثبت انك انسانه مبدعه واميره الكلـمـات اكيد
ربنـآ يوفقك يا حبيبتى فى حياتـك آن شـآء الله ..
ومنه العسوله >> بجد توبيك ورعه منك
و جد مجهود راقى جدا
تقبـلى مروري

آرق تحيـآتى







  رد مع اقتباس
قديم منذ /08-07-2012, 10:46 PM   #4

الْأُسْتَاذُ والطﻼب

مشرف عـام

 

 رقم العضوية : 75873
 تاريخ التسجيل : Oct 2011
 الجنس : ~ رجل
 المكان : مصر
 المشاركات : 11,619
 الحكمة المفضلة : علمتنى الحياة أن أحترم عقول البشر لكـن لا أثق بهـا
 النقاط : كريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond reputeكريم عاصم has a reputation beyond repute
 درجة التقييم : 2753365
 قوة التقييم : 1377

كريم عاصم غير متواجد حالياً

أوسمة العضو

مسابقه الكاتب المميز تالت وسام المركز الثانى دويتو الخواطر لسه فاكر وسام مسابقة اهلا رمضان 2016 مركز ثالث وسام مسابقة مبدع الخواطر مركز ثالث تكريم  قسم الخواطر والشعر اجمل ما كتب في الصفحات مركز ثاني وسام نجم الشهر في قسم الفضفضه مميز فى قسم فضفضة أفضل متابع سهراية رمضانية همسات القلم 

افتراضي رد: جولة فى مذكرات مبدع ومعانا..Words Whisper

عودة للبرنامج الجميل من شمس المنتدي دمعة حائرة

ومع من

مع الأخلاق ,, الأدب ,, القلم الراقي ,,, الابداع

مع كلمات الهمس

أو أسماء ,, أو أنثي استثنائية

اجابات جميله وعلي أرقي مستوى من البلاغة

الاستفتاء جميل ولكنى أفضل أن تلقب بـــ هدوء أنثي

لإن بحسها هاديه في الطباع وراسيه في إسلوبها

ربنا يوفقها

ويوفق الأخت المشرقة شمس المنتدي على تلك البرنامج الجميل

تحياتى

كريم عاصم







  رد مع اقتباس
قديم منذ /08-07-2012, 11:12 PM   #5

مشرف ابداعات الأعضاء الأدبية سابقا

أميـــ الشعـــراء ــــر

 

 رقم العضوية : 66400
 تاريخ التسجيل : Feb 2011
 الجنس : ~ ذكر
 المكان : Dubai
 المشاركات : 9,076
 الحكمة المفضلة : To Be, Or Not To Be
 النقاط : شاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond reputeشاعر الإحساس has a reputation beyond repute
 درجة التقييم : 1535885
 قوة التقييم : 768

شاعر الإحساس غير متواجد حالياً

 

 

 

 

 

أوسمة العضو

مسابقة the challenging مركز اول الردالقيم فى الابداعات وسام المركز الاول عبقرى العاميه 169 108 30 

افتراضي رد: جولة فى مذكرات مبدع ومعانا..Words Whisper

اليوم جوووله جميله جدا بأمانه

حلقه مميزه واسئله مميزه من شمس المتدى

واختيار رائع لشخص ما شاء الله عليها يعني


حين يجتمع الكل على رأي واحد في حق شيء..

نعلم بلاشك انه الرأي الصحيح..

وهكذا الامر بالنسبه لـِ أسماء ...

الكل بيجمع على انها انسانه راقيه ورائعه وخلووقه

وقلم ممتاز وشخصيه تجمع الكثير وتتفرد عن الكثير

ما شاء الله عليها .. اعتز بكونها بيننا هنا حقيقةً


والله اجابات تقول عن شخصية صاحبتها..

اتزان وهدوء وثقه في الحديث...

وانا ارى انها مميزه ماشاء الله في كل شيء


سيدتي تستحقي في الاستفتاء اللقلب الاول والثاني من رأيي

قيثارة الادب ...وانثى لا تشبه احد..

وطالما انتِ لديكي انثى استثنائيه في اسمك..

فأنا اعطيكـِ الان لقب قيثارة الادب


موووفقه ان شاء الله في حياتك ودراستك

وما شاء الله عليكـِ سيدتي .. طب يعني ربنا يكون في عونك

بها كميات حفظ كتيره وبتحتاج وقت ومجهود وتركيز

وان شاء الله ربنا معاكي يارررب


تحياااتي اليكـِ والى شمس المنتدى

دُمتم بكل خيررر ياررب

وتقييمي ونجومي الخمسه للحلقه الرائعه


"شـاعر الإحسـاس"







  رد مع اقتباس
قديم منذ /08-08-2012, 01:15 AM   #6

مميزه بالأقسام الآدبيه

 

 رقم العضوية : 84261
 تاريخ التسجيل : May 2012
 الجنس : ~ بنوتة
 المكان : ارض الله الواسعه
 المشاركات : 3,328
 الحكمة المفضلة : عيش ندل تموت مستور
 النقاط : شقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond reputeشقاوة احاسيس has a reputation beyond repute
 درجة التقييم : 185821
 قوة التقييم : 93

شقاوة احاسيس غير متواجد حالياً

أوسمة العضو

238 

افتراضي رد: جولة فى مذكرات مبدع ومعانا..Words Whisper

الله
جوله رائعه
وحور جميل بين شموسه المنتدى والقلب القوى جدا
وصاحبة الحروف الصادقه

والقلم المميز اسماء
قلم بعتز بيه جدا
وهى صحبتى جدا
من خلال قلمها ومن خلال قوتها
يعنى اصحاب احاسيس مش شخصيات

بعشق كلامه بموت فى اسلوبها
بحب وجوده جدا

انا كنت سعيده جدا وانا بين كلامك

فعلا انتى انسانه جديره بالاحترام

مع حوار من انسانه زى نور الشمس دمعه حائره

استمتعت هنا
ربنا يسعد ك يارب







  رد مع اقتباس
قديم منذ /08-08-2012, 03:09 AM   #7

مراقب عام سابق

 

 رقم العضوية : 80216
 تاريخ التسجيل : Jan 2012
 العمر : 52
 الجنس : ~ رجل
 المكان : مصر
 المشاركات : 23,408
 الحكمة المفضلة : مَن يَتَقِ الله يجعل له مخرجاً ويُرزِقَهُ مِن حَيثُ لا يُحتَسِب
 النقاط : طبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond reputeطبيب الهوى has a reputation beyond repute
 درجة التقييم : 11930632
 قوة التقييم : 5966

طبيب الهوى غير متواجد حالياً

 

 

 

 

أوسمة العضو

مسابقه الشخصيات التاريخيه وسام الاتقان مسابقه القلم الماسي تكريم المنتدي في العيد مسابقة فضفضة 1 وسام النشاط و التفاعل 2017 وسام الوفاء 2017 وسام التفاعل والنشاط للاعضاء اكتوبر 2016 نجم الفضفضه وسام المركز الاول دويتو الخواطر لسه فاكر 

افتراضي رد: جولة فى مذكرات مبدع ومعانا..Words Whisper



برنامج حواري راقي وقيم جداً



بين شخصيتين أعتز بهن كثيراً ولهن مني كل التقدير والأحترام



أختي دمعة حائرة شمس المُنتدى بمجهودها وعطائها بِلا حدود



وبين أبنتي أسماء ذات الفكر المُثقف والفلسفي



أبنتي أسماء



أعتزُ بكِ كثيراً


ويشهد علي الله أني أحبك مثل أبنتي ريم


وأدعو الله أن تكون مثلك حين تكبر


بالنسبة لحوارك مع دمعة


أكيد لا تعليق لأني أثق بفكرك كثيراً


وأؤيد كل كلمة ذكرتيها هُنا



أشكرك كثيراً دمعة لاستضافنتك



أبنتي أسماء



لأنني بعد قراءة الحوار تأكدتُ أني على حق



في اختياري لها أن تكون أبنتي



وأي أب يتمنى أن تكون أبنته مثل أسماء



لأنها تُشرف أي أب كونها أبنته



الله يسعدك ويُسترك ويحفظك من كل سوء وشر آمين



تحياتي وودي وورودي




طبيب الهوى







  رد مع اقتباس
قديم منذ /08-08-2012, 12:28 PM   #8

القيصر

مبدع فى الاقسام الادبية

 

 رقم العضوية : 50493
 تاريخ التسجيل : Jun 2010
 الجنس : ~ رجل
 المكان : مصر حبيبتي
 المشاركات : 11,528
 الحكمة المفضلة : زر غبا تزدد حبا
 النقاط : قلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond reputeقلب وكلمات has a reputation beyond repute
 درجة التقييم : 2086798
 قوة التقييم : 1044

قلب وكلمات غير متواجد حالياً

أوسمة العضو

مبدع الابداعات الادبيه وسام قيثارة الرومانسية مركز ثاني 212 وسام المركز الاول مبدع المنتدى، وسام مبدع المنتدى  وسام مبدع المنتدى  وسام مبدع المنتدى  وسام افضل قصة حصرية مركز ثانى وسام مميز قسم الابداعات مركز تانى 

افتراضي رد: جولة فى مذكرات مبدع ومعانا..Words Whisper

طبعاً وبدون مقدمات أنا من أكثر المعجبين

بهذا البرنامج الرائع الذي أشعر وكأنني أشاهد

وأسمع الحوار والشخصيات

تميز في انتقاء الضيوف إعداد رائع للأسئلة تتنوع حسب شخصية الضيف

شكراً لك شمس المنتدى على هذا البرنامج الجميل

أما الضيفه أسماء لها مني كل التقدير والاحترام

بيعجبني جداً قلمها وبتعمق في كلمها يحمل الكثير من المعاني المبدعه

يزينها المحات الفلسفية يصل إلي الهدف أو صلب الموضوع مباشرةً

أنا هختار لقب { أنغام قلم } يشعر بصاحبته في الفرح والحزن فيحاكيها

تحياتي لكما وخالص تقديري

أخوكم

القيصـــــــر

قلب وكلمات








  رد مع اقتباس
قديم منذ /08-08-2012, 12:48 PM   #9

♣☼ أمير الردود ☼♣

من مبدعي المنتدى

 

 رقم العضوية : 65324
 تاريخ التسجيل : Jan 2011
 الجنس : ~ رجل
 المكان : مصرى مقيم بقطر
 المشاركات : 7,860
 الحكمة المفضلة : علمتنى الحياة أن أعامل كل ا لبشر ولكن لا إستخف بعقوهم
 النقاط : فارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond reputeفارس الكلمة has a reputation beyond repute
 درجة التقييم : 101867
 قوة التقييم : 51

فارس الكلمة غير متواجد حالياً

أوسمة العضو

449 203 

افتراضي رد: جولة فى مذكرات مبدع ومعانا..Words Whisper

دمعه حائره
فى كل جولة من جولاتك بيزداد تألقك فى تقديمك لضيوفك
وفى الجولة دى كانت ضيفتك د / أسماء غاية فى الرقة
تملك قلم إستثنائى كما لقبت نفسها
إستمتعنا بتلك الجولة كثيرا
ننتظر الحلقة القادمة مع مبدع أخر
تقبلا مرورى ودمتم بالخير
فااااااااااااااااارس الكلمة







  رد مع اقتباس
قديم منذ /08-08-2012, 12:59 PM   #10

الإدارة العامة سابقا

 

 رقم العضوية : 54732
 تاريخ التسجيل : Sep 2010
 الجنس : ~ أنثى
 المكان : على ذات الأرض التي يحترق باطنها !~
 المشاركات : 29,829
 الحكمة المفضلة : لكل شيء ثمن ..~
 النقاط : Words Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond reputeWords Whisper has a reputation beyond repute
 درجة التقييم : 11962754
 قوة التقييم : 5982

Words Whisper غير متواجد حالياً

 

 

 

MY MmS

أوسمة العضو

وسام مسابقة همس الورود المركز الثاني وسام فورم جود تالنت موسم رابع مركز ثاني افضل متابع فى الفضفضة وسام مميزة الفوتوشوب تحدى المحافظات المركز الاول وسام التحكيم فىForumsGotTalent قوة الملاحظة (بين فرعي النيل) تكريم ادارى وسام مميز مميزة الهوايات 

افتراضي رد: جولة فى مذكرات مبدع ومعانا..Words Whisper

اقتباس
مشاهدة المشاركة المشاركة الأصلية كتبت بواسطة ∫ αʟм ∫
بجد انتى اميره الابداع فعـلا يا أسمـاَء
ودي حـآجه مفروغ منهـآ وانا بحب هدوئك وبحب كـلآمك وبحب ثقتـك بنفسـك
وبعتبـرك ليـاً القـدوه =) ..
و بحـاول امشى فى كل حاجه زي مـا بتعملى بـالظبط .. علشان انتى بجد مبدعه
والله العظيم مش مجامله لكن بجد محبتك للآخرين و قـلبك آلصافى ..
دي حاجه تثبت انك انسانه مبدعه واميره الكلـمـات اكيد
ربنـآ يوفقك يا حبيبتى فى حياتـك آن شـآء الله ..
ومنه العسوله >> بجد توبيك ورعه منك
و جد مجهود راقى جدا
تقبـلى مروري

آرق تحيـآتى

رودي حبيبتي

والله ماعارفة أرد عليكِ أقول ايه :445:

ربنا يعزك ويكرمك ويسعدك دايما ..

ربنا يجعلني عند حسن الظن وأفضل

بجد مش عارفة أقولك ايه

ميرسي كتيييييييييير على كلامك ووجودك ..

عارفة انه الشكر مش كفاية بس مش لاقية كلام ..

دمتِ بحفظ الرحمن ..







  رد مع اقتباس
إضافة رد

الكلمات الدلالية (Tags)
مذكرات, لبيع, دولة, whisper, ومعاناwords

« رمضان..يجمعنا ..وإبتهالات فى الابداعات | احزانى لاتدقى باب بيتى من تانى »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
جولة فى مذكرات مبدع ومعانا -فتحى عيسى دمعه حائره منتدي ابداعات الاعضاء الادبية 36 10-12-2012 11:52 PM
جولة فى مذكرات مبدع ومعانا طبيب الهوى دمعه حائره منتدي ابداعات الاعضاء الادبية 25 08-17-2012 10:02 PM
جولة فى مذكرات مبدع ومعانا شاعر الاحساس دمعه حائره منتدي ابداعات الاعضاء الادبية 55 06-10-2012 08:27 PM
جولة فى مذكرات مبدع ومعانا قلب وكلمات دمعه حائره منتدي ابداعات الاعضاء الادبية 27 05-18-2012 01:19 PM
جولة فى مذكرات مبدع ومعانا قوة أنثى دمعه حائره منتدي ابداعات الاعضاء الادبية 33 04-07-2012 09:37 AM

مجلة الحلوة / مذهلة

الساعة الآن 01:21 PM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩