::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
مكانك بالقلب
الكاتـب : شاعرة الرومانسيه - آخر مشاركة : واد حبيب - مشاركات : 1 -
اه لو تعرفي
الكاتـب : شاعر الحب الحزين - آخر مشاركة : شاعرة الرومانسيه - مشاركات : 3 -
إيه ذنبهم
الكاتـب : شاعر الحب الحزين - مشاركات : 8 -
أي إمرأة انت ِ
الكاتـب : ياسر عبد الباقي - آخر مشاركة : مارد الغضب - مشاركات : 3 -
اتغير
الكاتـب : ana aboodya - آخر مشاركة : شاعرة الرومانسيه - مشاركات : 10 -
:::::: زهره رضا ::::::
الكاتـب : زهره رضا - مشاركات : 60 -
نعمل معاه اي ده
الكاتـب : زهره رضا - مشاركات : 12 -
عضوه جديده
الكاتـب : زهره رضا - مشاركات : 17 -
اوعي تفتكر اني نسيت
الكاتـب : واد حبيب - آخر مشاركة : Lamees - مشاركات : 5 -
يا قلبي مالك ومالها (واد حبيب & همس الرحيل )
الكاتـب : واد حبيب - آخر مشاركة : Lamees - مشاركات : 8 -
القاء القبض على مؤسس صفحة احنا اسفين ياريس
الكاتـب : سيناا - آخر مشاركة : واد حبيب - مشاركات : 2 -
برقيه مؤرجحه بين اللقاء والوداع
الكاتـب : ياسر عبد الباقي - آخر مشاركة : مارد الغضب - مشاركات : 6 -

 
 
LinkBack أدوات الموضوع انواع عرض الموضوع
قديم منذ /08-12-2012, 09:32 PM   #1

 

 رقم العضوية : 13962
 تاريخ التسجيل : Feb 2009
 الجنس : ~ ولد
 المكان : مصر
 المشاركات : 18,579
 الحكمة المفضلة : سأل الممكن المستحيل : أين تقيم ؟ فأجابه في أحلام العاجز
 النقاط : morshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond reputemorshooo has a reputation beyond repute
 درجة التقييم : 2964942
 قوة التقييم : 1483

morshooo غير متواجد حالياً

 

 

 

أوسمة العضو
افتراضي الحلقة الاولى من ( رمضان يجمعنا 2 ) معانا ( SiLver Spectra )

بسم الله الرحمن الرحيم

اهلا ومرحبا بكم

والحلقة الاولى

من

( رمضان يجمعنا )


البرنامج كان من رمضان الــ فات

ونزل منة كام حلقة فى بداية رمضان 2011

والحمد لله كان عاجب الاعضاء والسنادى هنزل منة 3 حلقات فقط

الــ حابب يشوف حلقات رمضان 2011 يدخل


البرنامج باختصار هيكون استضافه خفيفة عبارة عن كام سؤال صغيرين


وفى اخر البرنامج هنشوف ضيفنا هيقدملنا اية

ممكن يقدم .

( قصيدة - صورة - اعتزار - رساله - دعاء .... الخ )

المهم اننا ان شاء الله هنكون ضيوف خفاف عليكم انا وضيوفى .

ودلوقتى تعالو نشوف ضيفنا الغالى

SiLver Spectra
المدير العام




س / فى البداية كل سنة وانتا طيب ورمضان كريم ؟

و انت طيب


س / اخبار الصيام اية معاك فى الجو الجامد دا :biggrin: ؟

رمضان بيتي , طول النهار مش بخرج برا البيت غير لمشاوير صغيره
و مافيش غير 8 ساعات الفطار الي بتاكل و يتريح فيهم و بتصلي فيهم و بتعمل فيهم كل حاجه

س / تقريبا كدا رمضان دى تقريبا تانى مرة يجى فى الصيف ؟ اية اخبار رمضان معاك فى الصيف وفعلا السنادى الصيام صعب جدا ؟

دي مش تاني سنة و لا حاجه
على فكرة رمضان الي كان بيجي في اول الدراسة كان اصعب ,
انا اصعب رمضان عدا عليه هو بتاع سنة 2006 و 2007
كان كلو في بداية الدراسة و الواحد كان بيمشي في عز الحر من الصبح للظهر و يرجع كل يوم ميت من العطش
و دا ماكنتش بحسه قبل ما اجي مصر بالرغم من ان في ****************** الدنيا أحر , بس كان الفصل مكيف و الباص مكيف مافيش غير الطابور ربع ساعة بتقفهم في الشمس تدفى

عشان رمضان يعدي من الحر فيها 8 سنين ادام عشان يجي كلو في شهر خمسه و هيعتبر جو كويس بس مش اوي برضو
بعد 9 سنين هيجي في اربعه هيبقى فله

س / عايزين نعرف طارق استقبل رمضان 2012 ازاى ؟

و لا حاجه , زي كل سنة
جبت فانوس و قاعدت الف بيه في الشارع و اقول : حالو يا حالو كل سنة و انتم طيبين مااااء :762:

س / اية الاختلاف الــ حصل لطارق من وهو طفل لحد دلوقتى فى استقبالك لشهر رمضان ؟

انا اول رمضان اصومه و اوعى عليه كويس اوي كان رمضان جه في اجازة نص السنة كلها
و كانوا ادونا شهر رمضان كلو اجازه لحاد العيد , افتكر قبل كدا كان بيجي في الترم التاني بس كنت صغير , تانيه ابتدائي باين

بعد كدا بقى بيجي نصه في امتحانات الترم الاول , و كان رخم كدا ترجع من الامتحان تنام و تصحى عالفطار ميت و مكتئب جدا مطلوب منك تذاكر عشان امتحان بكرا ,

و طبعا كان بيجي كلو في الشتا
فكان راسخ في ذهني فكرة ان رمضان يجي في عز البرد , و كان الواحد لما يروح المسجد بيلاقي الصحرا كلها بيحرات مايه من المطر و كنا بننزل نعوم فيها و نروح البيت ناكل علقه هههههههه

س / اية الحاجا الــ بتحرص عليها دائما فى رمضان ؟

الخشاف :biggrin:
و اهم حاجه يكون فيه البلح و الموز و التفاح

س / عايزينك بقى تحكيلنا عن طفولتك فى رمضان ؟ واية المواقف الــ حصلتلك فى رمضان وانتا طفل ؟

بص يا سيدي , رمضان كان بيجي ايام الدراسه في الترم الاول في اخره أو نصه
كنت بستغل رمضان دا اني انزل مع صحابي بحجة اني رايح اصلي , لانهم بعيد عنك كانوا بيحرموني من النزول للشارع طول الاسبوع باستثناء الاربع و الخميس عشان الاجازة بس
بيجي رمضان و بتبقى كل يوم تشوف صحابك و ال يعني بقى رايحين نصلي
كنا بنروح نصلي و كل حاجه بس بندلع
نعد نتكلم في المسجد و حد يزعقلنا , و ساعات كنا نستهبل و نضرب رجول بعض في الصلى , و ساعات كنا نطرد من المسجد :biggrin:
و ساعات نهرب بقى من اخر كام ركعة عشان نلحق نلعب شوية , بس كان بيبقى في خوف و تربص حد يشوفنا , مع اني مش عارف كان ايه الاجبار في انك لازم تصلي التراويح كلها
و نروح نلعب ساعتين و أرجع البيت الاقي اخويا يقولي انت لسه جاي دلوقتي !
اقوله ياعم كنا بنصلي ,,يقولي الصلى خلصت من ساعتين , مش عارف اخويا كان عامل فيها مراتي باين هههههههه


س / بداية صيام طارق فى شهر رمضان كان وانتا كام سنة ؟

8 و فاكر كنت صمت نصه كدا
و 9 صمته كله لأول مره
و لو كان بيجي في الصيف و انا صغير اعتقد ماكنتش هصومه كلو غير على 12 سنة :biggrin:

س / اخبار فانوس رمضان اية معاك ؟

عمري ما جبته , اعمل بيه ايه ياعم
انا و انا صغير كنت بحب اجيب عساكر و لا عربيات العب بيهم , الفانوس اعمل بيه ايه ! كان بالنسبالي حاجه عبيطه :biggrin:

س / المسحراتى طبعا دا من رموز الشهر الكريم اية حكاية المسحراتى مع طارق ؟ وكان بيقول اسمك والا لا :biggrin: ؟

مافيش مسحراتية في ******************
و هنا في مصر انا ساكن في حته نائية شوية فمش بيعدي علينا مسحراتية
و بعدين التلفزيون صوته اد كدا طول اليوم و اعلان 12 قرش وقع على سمير , مسحراتي مين بقى :762:

س / كل سنة بنلاقى افراد الاسرة شايلين هم سلع رمضان بسبب الغلاء ؟ حسيت بتغير السنادى فى حكاية غلاء الاسعار والا كالعادة ؟

مش فارقه لاني مش غاوي ياميش رمضان , قمر الدين حتى بحب اكله حاف لكن العصير بتاعه تقيل و بيجزع

س / طبعا شهر رمضان بيبقى فية عزومات كتير سواء فى البيت عندكم او خارج البيت ؟ اية اخبار العزومات السنادى معاك ؟

و الله من ساعت ما جوز عمتي و عمي اتوفوا و بنات في العيلة اتجوزوا و سافروا واللمات الكبيره دي قلت مش زي زمان
و بعيد عنك عيلتي صغيره اصلا
عمتين و عم و تلت خالات بس
منهم تلاته مش مخلفين و العم متوفي

س / بتنام بعد الفطار على طول :762: من كتر الاكل والا مش بتنام ؟

اليومين الي فاتوا نمت و يومي اتقلب
بس عدلته بسرعة ,,لاقيتني طول ما انا صاحي صايم

س / بتقضى يومك ازاى فى رمضان ؟

طول النهار في البيت , و يوم ما بعمل مشوار زي اول امبارح كدا و رحت المنصورة و كنت شايل هم المشوار
و عارف اني هموت من العطش , و حظي كمان الطريق اتقفل نص ساعة عشان بيكسروا في الشارع و الشمس ضاربه فيك و مافيش نسمة هوا حاجه فل

قبل الادان ممكن تقرا شوية
تفطر و ممكن تصلي بعدها القيام
و شوية و تلاقي معاد السحور جه
بس ياسيدي
ساعات بخرج بعد الفجر ساعتين كدا و ارجع على خمسه سته الصبح

س / اخبار المسلسلات اية معاك السنادى رغم وجود يجى 14587 مسلسل:biggrin: ؟

السنادي المسلسلات كتيره بشكل غير مسبوق
لان كل بتوع السينما قلبوا على الدراما الي مكسبها مضمون
بص , انا في اول كام يوم حاولت اتابع شوية عشان اخد فكرة عامة
ناجي عطا الله , مسلسل ممل بغباء ,, المفروض انه مكتوب على انه فيلم اصلا بس هما راحوا مطينه و مخليينه تلتين حلقة
ام الملل, خسارة فيه ال70 مليون الي عادل امام لواحده واخد 30 مليون فيه
غير ان قصته سازجه و بحس اني طفل عندي 7 سنين و كل شوية يقولك ادينا الاسرائيليين على افاهم :biggrin:

خطوط حمراء بتاع السقا , مع ان فكرته تقليدية شوية و تلائيك بتتوقع الي بيحصل بس اهو ماشي حاله و بقالي كام حلقة مش بتابع من ساعت ما البت مراته قتلوها :762:

الهروب بتاع كريم عبد العزيز شوفت منه حلقتين
و بس يا سيدي
ممكن نجبلك الست الحاجه تحكيلك المسلسلات كلها :biggrin:

اه و بعيش جو المراهقة شوية مع رامز ثعلب الصحراء


س / انتا مع كثرة المسلسلات والاعمال الدرامية فى رمضان ؟

دا سوق , عرض و طلب
فترة رمضان الناس بتعد في بيتها هروبا من الحر بصفة عامة و من تعب الصيام و بعد الفطار الأكل بيتقلهم و بيعدوا برضو
المحطات بتستغل دا و بقى معروف ان دا الموسم التلفزيوني , فبتنتج المسلسلات و بتعرضها و بتحقق ارباح من كثرة الاعلانات لان الشركات كمان بتعتبره الموسم الدعائي المفضل
فلما يقولك ان المسلسلات مكلفه مليار و ميه وخمسين مليون جنيه فدي فلوس بتدفعها الشركات المعلنة و بتدفع زيادة عنها كمان باضعاف و بتحقق ارباح من المستلهكين

س / اية رئيك فى برامج المقالب السنادى شايف انها طبيعية والا الموضوع مختلف السنادى ؟

الحكم بعد المزاولة و في رامز دول الي بشوفهم الباقي فكسان
بتاع رامز واقعي و يتصدق , بس هزار تقيل بصراحة , و بعدين رامز طول ماهو بيتكلم بيضحك فبحس انه مراهق اوي مع ان سنه 39 سنه و داخل على اربعين و دماغه تحسها تجيب 15 سنة :biggrin:

التاني بتاع اسرائيل دا , عاجبني الواد ابو نضارة الصارم الي عامل انه اسرائيلي : انت مش هتخرج من هنا و لازم تكمل الحلقة :762:

س / قبل ما انهى الحلقة تحب تقول اية لاعضاء بنات مصر ؟

نقولهم كل سنة و انتم طيبين و رمضان كريم عليكم
و هتسمعوا كل سنة و انتم طيبين دي من هنا لغاية العيد الكبير
كل سنة و انت طيب يا باشا و تطلع الي في جيبك نص جنيه , جنيه ,,

س / اية رئيك فى التوبيك وقدرت تقول او تفتكر حاجا مكنتش فى بالك وافتكرتها ؟

ايوه انت اسلوبك بيخلي الواحد ينسى نفسه

س / اخيرا مطلوب منك تقدم حاجا لاعضاء المنتدى ؟ ياترى هتقدم اية ؟

بلح الشام
مش في دماغي حاجه و الله
بس الي نفسي اقوله هو ان سامي يرجع تاني لانه زعل مننا جامد بسبب كلمات البعض قالها بدون دراية و ادراك و مسؤولية في موضوع (قلم بلا حبر)
اذا كنا بنقول اخوة و وطن واحد فالي قاله البعض في الموضوع بيوضح اد ايه احنا شعب بيشتغل نفسه و بياع كلام
انت لا لصالح دينك و لا لصالح وطنك انك تقولكلام تنفر بيه غيرك و خاصة لما يبقى غيرك دا شريكك في الوطن
بس دا الي اقدر اقوله . و اتمنى يكون في وقفة قوية من الاعضاء لصالحه , الراجل دا مش شوفنا منه غير كل خير


وبكدا بتنتهى حلقتنا النهاردة

انتظرونى وحلقة جديدة

وضيف جديد

تحياتى









 
قديم منذ /08-12-2012, 10:24 PM   #2

مشرفة التنمية البشرية سابقا

ღмεмoяιεѕღ

 

 رقم العضوية : 6436
 تاريخ التسجيل : Sep 2008
 الجنس : ~ بنوتة
 المكان : سمــآء ثآمنـة
 المشاركات : 7,022
 الحكمة المفضلة : You only live once , but if you did it right .. once is enough
 النقاط : الحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond reputeالحان الورد has a reputation beyond repute
 درجة التقييم : 2375124
 قوة التقييم : 1188

الحان الورد غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

،

منور يا طارق البرنـآمج ,
حلقة جميلة يا أحمد ومجهود تُشكر عليه
كل سنة وانتم طيبيـن ..







 
قديم منذ /08-12-2012, 10:28 PM   #3

● اسْتثنَآئيَـۂ «

من مبدعى المنتدى

 

 رقم العضوية : 33694
 تاريخ التسجيل : Oct 2009
 العمر : 26
 الجنس : ~ بنوتة
 المكان : آرض الكنـآنه [ مصر ] ..
 المشاركات : 26,018
 الحكمة المفضلة : No More LOVE No More CRYING
 النقاط : ♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute♥..pure has a reputation beyond repute
 درجة التقييم : 1512219
 قوة التقييم : 757

♥..pure غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

اقتباس:
بس ياسيدي
ساعات بخرج بعد الفجر ساعتين كدا و ارجع على خمسه سته الصبح
شوفت بئه أهي دي فآيدة انك تكون رآجـل :biggrin:
بحب اتفرج عليكم وانتو بتتحآوروآ
حـوآر جميــل منك يـ مورشو واجـآبـآت ف السليم
منور أولى الحلقـآت يـ طآرق ,,
وكــل سنه وانتم طيبين
دوام التـآلق يـ شبـآب ..







 
قديم منذ /08-12-2012, 10:34 PM   #4

مشرفة سابقة

 

 رقم العضوية : 50416
 تاريخ التسجيل : Jun 2010
 العمر : 25
 الجنس : ~ بنوتة
 المكان : مش فاكره بالظبط
 المشاركات : 7,805
 الحكمة المفضلة : مافيش هه :(
 النقاط : تيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond reputeتيتشر نفشه ツ has a reputation beyond repute
 درجة التقييم : 5671162
 قوة التقييم : 2836

تيتشر نفشه ツ غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

حلقه جميله جداااا ياطارق انتا واحمد بجد اسئلتك روعه

وفعلا معاك حق والله اننا شعب بياع كلام ولابيفكر في اللي بيقوله خالص

الا من رحم ربي

عجبتني اجاباتك ياطارق

منورين كلكو







 
قديم منذ /08-12-2012, 10:35 PM   #5

مشرفة قسم الازياء والميك اب سابقا

»cяαzy G!яl

 

 رقم العضوية : 32399
 تاريخ التسجيل : Oct 2009
 العمر : 23
 الجنس : ~ أنثى
 المكان : Tanta
 المشاركات : 7,410
 الحكمة المفضلة : لن يكسرنى الحزن فقلبى معلق بحبآل رب كربمــ
 النقاط : Loyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond reputeLoyalty has a reputation beyond repute
 درجة التقييم : 3366
 قوة التقييم : 2

Loyalty غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

حلقــــــــــــــه جميلة جدا , وآية يا طارق دا انت حاسب رمضان هييجى امتة سنة كآم طب سؤال رمضان هييجى شهر 1 آمتة
الحوار جميل آوى ولذيذ وفعلا فى تخمة فى المسلسلات جامدة جدا السنة دى
وتسلم يا مورشو ع الحلقة ومستنيين الحلقة الجاية







 
قديم منذ /08-12-2012, 11:17 PM   #6

do'udo

مشرفة قسم الالعاب سابقا

 

 رقم العضوية : 25310
 تاريخ التسجيل : Jul 2009
 الجنس : ~ بنوتة
 المكان : U A E
 المشاركات : 6,824
 النقاط : ĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond reputeĶǎnDO̳̿uChǎ ツ has a reputation beyond repute
 درجة التقييم : 433404
 قوة التقييم : 217

ĶǎnDO̳̿uChǎ ツ غير متواجد حالياً

 

 

 

 

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

آقول آيه بس !

غير آنهآ حلقه آكتر من متميزه ^^

بصرآحه آصلآ طآرق بيظبط آي حلقه بيجي فيهآ

بحب آقرأ آجآبآته آوووي .. رغم آني كتير بـ مل > بس من آلنآس آلي بستمتع بـ كلآمهم

مورشو حبيب آلجمآهير

طبعآ تقديم و آسلوب هآآآيل آسآسآ

و بروجرآآم توحفآيآت

نووورت يـ تيكو ..

و متآبعه معآك بآقي آلحلقآت







 
قديم منذ /08-12-2012, 11:27 PM   #7

مشرفة القسم العام سابقا

المشاركة المثقفة

 

 رقم العضوية : 24420
 تاريخ التسجيل : Jul 2009
 الجنس : ~ أنثى
 المكان : القاهرة
 المشاركات : 7,768
 النقاط : Sєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond reputeSєяєєη●•ʚɞ has a reputation beyond repute
 درجة التقييم : 1790046
 قوة التقييم : 896

Sєяєєη●•ʚɞ غير متواجد حالياً

 

 

 

 

 

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )


س / اية رئيك فى برامج المقالب السنادى شايف انها طبيعية والا الموضوع مختلف السنادى ؟

الحكم بعد المزاولة و في رامز دول الي بشوفهم الباقي فكسان
بتاع رامز واقعي و يتصدق , بس هزار تقيل بصراحة , و بعدين رامز طول ماهو بيتكلم بيضحك فبحس انه مراهق اوي مع ان سنه 39 سنه و داخل على اربعين و دماغه تحسها تجيب 15 سنة :biggrin:

التاني بتاع اسرائيل دا , عاجبني الواد ابو نضارة الصارم الي عامل انه اسرائيلي : انت مش هتخرج من هنا و لازم تكمل الحلقة

بحب بردوا البرنامجين دول + مراتى فى ورطة (بحب اشوف ردود فعل غيرة الستات والرجاله لما بيعيشوا الدور وبيكونوا متكيفين انهم عاملين المقلب هههههه)
اجاباتك حلوة ياطارق كالعادة
وتسلم ع الحلقة يامورشو








 
قديم منذ /08-13-2012, 12:45 AM   #8

♥ قلــب تــائب ♥

مميزة للنشاط الراقي

 

 رقم العضوية : 33038
 تاريخ التسجيل : Oct 2009
 العمر : 23
 الجنس : ~ أنثى
 المكان : اسكندرانية في الامارات
 المشاركات : 3,459
 الحكمة المفضلة : عش كل يوم في حياتك كأنه اليوم الأخير فأحد الأيام سيكون كذلك ..
 النقاط : simsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond reputesimsim96 has a reputation beyond repute
 درجة التقييم : 17217
 قوة التقييم : 9

simsim96 غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

حلقة جميلة جدا
وطارق كان منور الحلقة اكيد
تسلم ايدك يا احمد ع مجهودك الجميل
متابعة معاك باقي الحلقات
موفقين دايما يارب







 
قديم منذ /08-13-2012, 09:24 AM   #9

مشرفه سابقا

Fokak Meny

 

 رقم العضوية : 68082
 تاريخ التسجيل : Mar 2011
 العمر : 24
 المكان : ع‘ـَالمـ لا يعرفـ إلا ¬»[الجـَنــۈۈۈכּ]
 المشاركات : 3,219
 النقاط : Lαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond reputeLαzєzα has a reputation beyond repute
 درجة التقييم : 327571
 قوة التقييم : 164

Lαzєzα غير متواجد حالياً

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

حاجتين لفتوا انتباهى ف التوبيك
ازاى الخشاف فيه تفاح وموز ؟ :d
وتانى حاجه ,, انه أخيرا لقيت حد بياكل قمر الدين حاف زيي =))
كل سنه وانت طيب
تسلم الايادى







 
قديم منذ /08-13-2012, 09:40 AM   #10

 

 رقم العضوية : 45025
 تاريخ التسجيل : Mar 2010
 العمر : 26
 الجنس : ~ رجل
 المكان : الرياض
 المشاركات : 98,751
 الحكمة المفضلة : سأدع الدنيـا تفعـل بـيّ مـا تشاء . فــهــي " لــن "تتجـرأ ان تفعـل " أكثـر " مِمـآ كتبـه الله لـــيّ
 النقاط : ۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute۩۩ elMagic ۩۩ has a reputation beyond repute
 درجة التقييم : 16445873
 قوة التقييم : 8223

۩۩ elMagic ۩۩ غير متواجد حالياً

إرسال رسالة عبر Yahoo إلى ۩۩ elMagic ۩۩

 

 

 

 

 

MY MmS

أوسمة العضو
افتراضي رد: الحلقة الاولى من ( رمضان يجمعنا 2 ) معانا ( SiLver Spectra )

تمام المجهود
الله ينور يا ابو حميـد
وحوار جميل مع شخصيه مميزه
نورت يا طارق الحلقه
ورمضان بعد تلت سنين هيجى
هأكون ساعتها فى رابعه كليه وبأمتحن
هأعيش جوا الصيام مع الدراسه زيكـ اهو يا عم :biggrin:
بالتوفيق ليكـ يا ريــس
وسامى شخصيه تستحق كل الاحترام والتقدير
ونور المنتدى برجوعه من جديد
,,,







 
 

الكلمات الدلالية (Tags)
معانا, الاولى, الحلقة, يجمعنا, رمضان, silver, spectra


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
لاول مره((ملاهي بنات مصر)) معانا (SiLver Spectra ) ĶǎnDO̳̿uChǎ ツ منتدى الالعاب 34 05-04-2011 03:02 PM
مقـــــــــلب التحــــــــــدى >>> كان معانا SiLver Spectra ♥..pure أرشيف برامج اليوميات 51 09-27-2010 04:06 AM


الساعة الآن 02:04 AM


Powered by vBulletin® Version 3.8.7
Copyright ©2000 - 2019, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w